Jayaditya & Vamana: Kasikavrtti
Based on the ed. by Aryendra Sharma:
Kasika - a commentary on Panini's grammar by Vamana and Jayaditya.
Hyderabad : Osmania University, Sanskrit Academy 1969-1985
(Samskrtaparisadgranthavali, 17-)


Input by Ms. Mari Minamino, Kyoto


After extensive reformatting, this GRETIL version still retains
some inconsistencies that cannot be standardized at present, especially
with regard to sandhi / pausa.


ADDITIONAL CHARACTERS (CSX+-based)
m̐ = anunāsika
ẖ = jihvāmūlīya
ḫ = upadhmānīya


- = word sandhi
+ = sentence sandhi



REFERENCE SYSTEM (added):
PS_n,n.n = Panini-Sutra (Adhyaya,Pada.Sutra)
JKv_n,n.n = Jayaditya's Kasikavrtti
(*n,n.n) = cross reference
[#nnn] = pagination/unspecified numbering (moved behind the next danda where appropriate to avoid interruption of text)




THIS TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.

Text converted to Unicode (UTF-8).
(This file is to be used with a UTF-8 font and your browser's VIEW configuration
set to UTF-8.)

description: multibyte sequence:
long a ā
long A Ā
long i ī
long I Ī
long u ū
long U Ū
vocalic r
vocalic R
long vocalic r
vocalic l
long vocalic l
velar n
velar N
palatal n ñ
palatal N Ñ
retroflex t
retroflex T
retroflex d
retroflex D
retroflex n
retroflex N
palatal s ś
palatal S Ś
retroflex s
retroflex S
anusvara
anunasika
visarga
long e ē
long o ō
l underbar
r underbar
n underbar
k underbar
t underbar
nasalized a ã
nasalized long a ā̃
nasalized i ĩ
nasalized long i ī̃
nasalized u ũ
nasalized long u ū̃
nasalized e
nasalized o õ
voiceless fricative k‍h̲
(in Nagari: kh underdot)
flapped r
Unless indicated otherwise, accents have been dropped in order
to facilitate word search.

For a comprehensive list of GRETIL encodings and formats see:
www.sub.uni-goettingen.de/ebene_1/fiindolo/gretil/gretdiac.pdf
and
www.sub.uni-goettingen.de/ebene_1/fiindolo/gretil/gretdias.pdf








kāśikāvr̥ttiḥ prathamo 'dyāyaḥ prathamaḥ pādaḥ

[#1]

vr̥ttau bhāṣye tathā dhātu-nāma-pārāyaṇa-ādiṣu /
viprakīrṇasya tantrasya kriyate sāra-saṅgrahaḥ //1//

iṣṭy-upasaṅkhyānavatī śuddha-gaṇā vivr̥ta-gūḍha-sūtra-arthā /
vyutpanna-rūpa-siddhir vr̥ttir iyaṃ kāśikā nāma //2//

vyākaraṇasya śarīraṃ pariniṣṭhita-śāstra-kāryam etāvat /
śiṣṭaḥ parikarabandhaḥ kriyate 'sya grantha-kāreṇa //3//



[#2]

atha sabda-anuśāsanam keṣāṃ śabdānām? laukikānāṃ vaidikānāṃ ca /
katham anuśāsanam? prakr̥ty-ādi-vibhāga-kalpanayā sāmānya-viśeṣavatā lakṣaṇena /
atha kim-artho varṇānām upadeśaḥ? pratyāhāra-arthaḥ /
pratyāhāro lāghavena śāstra-pravr̥tty-arthaḥ //
a i u ṇ /
a i u ityanena krameṇa varṇān-upadiśyānte ṇakāramitaṃ karoti pratyāhārārtham /
tasya grahaṇaṃ bhavaty ekenauran rapraḥ (*1,1.51) ityakāreṇa /
hrasvam avarṇa prayoge saṃvr̥tam /
dīrgha-plutayos tu vivr̥tatvam /
teṣāṃ sāvarṇya-prasiddhy-artham akāra iha śāstre vivr̥taḥ pratijñāyate /
tasya prayoga-artham a a (*8,4.68) iti śāstra-ante pratyāpattiḥ kariṣyate //
r̥ l̥ k /
r̥ l̥ ity etau varṇāv updiśya pūrvāṃś ca-ante kakāramitaṃ karoti pratyāhāra-artham /
tasya grahaṇaṃ bhavati tribhiḥ /
akaḥ savarṇe dīrghaḥ (*6,1.101) ity akāreṇa /
iko guṇa-vr̥ddhī (*1,1.3) iti-ikāreṇa /
ugitaś ca (*4,1.6) ity ukāreṇa /
akāra-ādayo varṇāḥ pracura-prayoga-viṣayāsteṣāṃ sujñānam upadeśe prayojanam /
l̥kāras tu kl̥pistha eva prayujyate /
kl̥peś ca pūrvatra-asiddham (*8,2.1) iti latvam asiddham /
tasya-asiddhatvād r̥kāra eva ackāryāṇi bhaviṣyanti iti kim-artham l̥kāra upadiśyate? latva-vidhānād yāni parāṇy ackāryāṇi tāni l̥kāre yathā syur iti /
kāni punastāni? plutaḥ svarito dvirvacanam /
kl̥3pta-śikhaḥ, prakl̥ptaḥ, prakl̥ptavān iti /
yac ca-aśaktijam asādhu śabda-rupaṃ, tad-anukaraṇasya-api sādhutvam iṣyate /
tatsthasya-api l̥kārasya acakārya-pratipatty-artham l̥kāra-upadeśaḥ kriyate /
r̥takaḥ iti prayoktavye śakti-vaikalyāt kumārī l̥takaḥ iti prayuṅkte, tad-anyo 'nukaroti - kumāry-l̥takaḥ ity āha iti //
e o ṅ /
e o ity etau varṇāv upadiśya ante ṅkāramitam karoti pratyāhāra-artham /
tasya grahaṇaṃ bhavaty ekena /
eṅi pararūpam (*6,1.94) ity ekāreṇa //


[#3]

ai au c /
ai au ity etau varṇāv upadiśya pūrvāṃś ca-ante cakāramitaṃ karoti pratyāhāra-artham /
tasya-grahaṇaṃ bhavati caturbhiḥ /
acaḥ parasmin pūrva-vidhau (*1,1.57) ity akāreṇa /
ica ekāco 'm pratyayavac ca (*6,3.68) iti ikāreṇa /
eco 'y-av-āy-āvaḥ (*6,1.78) iti ekāreṇa /
vr̥ddhir ādaic (*1,1.1) iti aikāreṇa /
pratyāhāre 'nubandhānāṃ katham aj-grahaṇeṣu na /
ācārād-apradhānatvāl-lopaś ca balavattaraḥ //
varṇeṣu ye varṇa-ikadeśā varṇa-antara-samāna-akr̥tayasteṣu tat-kāryaṃ na bhavati, tac-chāyāmukāriṇo hi te na punas ta eva /
pr̥thak-prayatna-nirvartyaṃ hi varṇam icchanty ācāryāḥ /
nuḍvidhi-la-ādeśa-vināmeṣu r̥kāre pratividhātavyam /
nuḍidhau (*7,4.71) r̥kāra-grahaṇam /
ānr̥dhatuḥ, ānr̥dhuḥ /
la-ādeśe r̥kāra-grahaṇam /
kl̥ptaḥ, kl̥ptavān /
vināme r̥kāra-grahaṇam /
kartr̥̄ṇām //
ha ya va raṭ /
ha ya va ra ity etān varṇān upadiśya pūrvāṃś ca-ante ṭakāramitaṃ karoti pratyāhāra-artham /
tasya grahaṇaṃ bhavaty ekena /
śaś-cho 'ti (*8,4.63) ity akāreṇa /
ayaṃ repho ya-kārāt para upadiśyate /
tasya yar-grahaṇena yay-grahaṇena ca grahaṇe sati, svarnayati, prātarnayati ity atra yaro 'nunāsike 'nunāsiko vā (*8,4.58) iti anunāsikaḥ prāpnoti /
madra-hradaḥ, bhadra-hrada ity atra dvirvacanaṃ prāpnoti aco ra-hā-bhyāṃ dve (*8,4.46) iti /
kuṇḍaṃ rathena, vanaṃ rathena ity atra anusvārasya yayi parasavarṇaḥ(*8,4.58) iti parasavarṇaḥ prāpnoti /
na-iṣa doṣaḥ /
ākr̥tau pada-arthe samudāye sakr̥l-lakṣye lakṣaṇaṃ pravartate ity etasmin darśane yaro 'nunasike 'nunāsiko vā (*8,4.45) antaratamo bhavati ity evam etat pravarttate /
tad-anena gakāra-ādīnāṃ ṅakārā-adayo ye yathā-svaṃ sthānato guṇataś ca ataratamāḥ, te sarve vihitāḥ /
ye tu na sthānataḥ, na api guṇataḥ, sthāna-mātreṇa guṇa-mātreṇa vā antaratamās te sarve nivartitāḥ iti sthāna-mātra-antaratamo rephasya ṇakāro na bhavati /
dvirvacane 'pi rephasya yar-antarbhāve sati yarkāryaṃ prāptam, tat sākṣāc-chiṣṭena nimitta-bhāvena bādhyate iti na dvirucyate rephaḥ /
anusvārasya yayi parasavarṇaḥ (*8,4.58) ity etad apy anusvāra-antaratamaṃ sakr̥deva parasavarṇaṃ vidadhāti /
na ca rephasya anusvāra-antaratamaḥ savarṇo 'sti iti na bhaviṣyati kuṇḍaṃ rathena, vanaṃ rathena ity atra /
aṭāṃ madye visarjanīya-jihvāmūlīya-upadhmānīyānām apy upadeśaḥ kartavyaḥ /
kim prayojanam ? uraẖkeṇa, uraḥkeṇa /
uraḫpeṇa, uraḥpeṇa /
atra aḍ-vyavāye iti ṇatvaṃ yathā syāt iti //

[#4]

la ṇ /
la ity ekaṃ varṇam upadiśya pūrvāṃś ca-ante ṇakāramitaṃ karoti pratyāhāra-artham /
tasya grahaṇaṃ bhavati tribhiḥ /
aṇ-udit-savarṇasya ca apratyayaḥ (*1,1.69) ity akāreṇa /
iṇ-koḥ (*8,3.57) iti ikāreṇa /
iko yaṇ-aci (*6,1.77) iti yakāreṇa /
iṇ-grahaṇāni sarvāṇi pareṇa ṇakāreṇa /
aṇ-grahaṇāni tu pūrveṇa, aṇ-udit-savarṇasya ca-apratyayaḥ (*1,1.69) ity etad-eva-ikaṃ pareṇa /
atha kim artham ajgrahaṇam eva-itan-na kriyate? na-ivaṃ śakyam, antaḥ-sthānām api hi savarṇānāṃ grahaṇam iṣyate /
sayaṃ, yaṃ, yantā, savaṃ, vaṃ vatsarah, yalaṃ, laṃ, lokam, tallaṃ,laṃ, lokam ity atra anusvārasya anunāsike yayi parasavarṇe kr̥te tasya yar-grahaṇena grahaṇād dvirvacanaṃ yathā syād iti /
hakāra-ādiṣv-akāra uccāraṇa-arthaḥ, na anubandhaḥ /
lakāre tv-anunāsikaḥ pratijñāyate, tena ur-aṇ raparaḥ (*1,1.51) ity atra ra iti pratyāhāra-grahaṇāl-laparatvam api bhavati //
ña ma ṅaṇa na m /
ña ma ṅa ṇa na ity etān varṇān upadiśya pūrvāṃś ca-ante makāramitaṃ karoti pratyāhāra-artham /
tasya grahaṇaṃ bhavati tribhiḥ /
pumaḥ khayy-ampare (*8,3.6) ity akāreṇa /
halo yamāṃ yami lopaḥ (*8,4.64) iti yakāreṇa /
ṅamo hrasvād-aci ṅamuṇ nityam (*8,3.32) iti ṅakāreṇa /
ñamantāḍ-ḍaḥ iti ñakāreṇa-api grahaṇam-asya dr̥śyate /
kecit-tu sarvāṇy-etāni pratyāhāra-grahaṇāni ñakāreṇa bhavantu iti makāram anubandhaṃ pratyācakṣate /
tathā ca sati ṅamo hrasva-adaci ṅamuṇ nityam(*8,3.32) ity atra-āgaminoḥ jhabhor abhāvād-āgamābhāva-pratipattau pratipatti-gauravaṃ bhavati //
jha bha ñ /
jha bha ity etau varṇāv-upadiśya pūrvāṃś ca-ante ñakārāmitaṃ karoti pratyāhāra-artham /
tasya grahaṇaṃ bhavaty ekena /
ato dīrgho yañi (*7,3.101) iti yakāreṇa //
gha ḍha dha ṣ /
gha ḍha dha ity etān varṇān upadiśya pūrvāṃś ca-ante ṣakāramitaṃ karoti pratyāhāra-artham /
tasya grahaṇaṃ bhavati dvābhyām /
eka-aco baśo bhaṣ jhaṣ-antasya s-dhvoḥ (*8,2.37) iti bhakāra-jhakārābhyām //


[#5]

ja ba ga ḍa da ś /
ja ba ga ḍa da ity etān varṇān upadiśya pūrvāṃś ca-ante śakāramitaṃ karoti pratyāhāra-artham /
tasya grahaṇaṃ bhavati ṣaḍbhiḥ /
bho-bhago-agho-apūrvasya yo 'śi (*8,3.17) ity akāreṇa haśi ca (*6,1.114) iti hakāreṇa /
na-iḍ-vaśi kr̥ti (*7,2.8) iti vakāreṇa /
jhalāṃ jaś jhaśi (*8,4.53) iti jakāra-jhakārabhyām /
eka-aco vaśo bhaṣ jhaṣ-antasya s-dhv-oḥ (*8,2.37) iti bakāreṇa //
kha pha dha ḍha tha ca ṭa ta v /
kha pha dha ḍha tha ca ṭa ta ity etān varṇān upadiśyānte vakāramitaṃ karoti pratyāhāra-artham /
tasya grahaṇaṃ bhavaty ekena /
naś-chavy-apraśān (*8,3.7) iti dhakareṇa /
kha-pha-grahaṇam uttara-artham //
ka pa y /
ka pa ity etau varṇāv upadiśya pūrvāṃś ca-ante yakāramitaṃ karoti pratyāhāra-artham /
tasya grahaṇaṃ bhavati caturbhiḥ /
anusvārasya yayi parasavarṇaḥ (*8,4.58) iti yakāreṇa /
maya uño vo vā (*8,3.33) iti makāreṇa /
jhayo ho 'nyatarasyām (*8,4.62) iti jhakāreṇa /
pumaḥ khayy-ampare (*8,3.6) iti khakāreṇa //
śa ṣa sa r /
śa ṣa sa ity enān varṇān upadiśya pūrvāṃś ca-ante rephamitam karoti pratyāhāra-artham /
tasya grahaṇaṃ bhavati pañcabhiḥ /
yaro 'nynāsike 'nunāsiko vā (*8,4.45) iti yakāreṇa /
jharo jhari savarṇe (*8,4.65)iti jhakāreṇa /
khari ca (*8,4.55) iti khakāreṇa /
abhyāse car ca (*8,4.54) iti cakāreṇa /
śarpūrvāḥ khayaḥ (*7,4.61) iti śakāreṇa //
ha l /
ha ity ekaṃ varṇam upadiśya pūrvāṃś ca-ante lakāramitam karoti pratyāhāra-artham /
tasya grahaṇaṃ bhavati ṣaṭbhiḥ /
alo 'ntyāt pūrva upadhā (*1,1.65) iti akāreṇa /
halo 'nantarāḥ saṃyogaḥ (*1,1.7)iti hakāreṇa /
lopo vyor vali (*6,1.66) iti vakāreṇa /
ralo v-y-upadhad-dhal-ādeḥ saṃś ca (*1,2.26) iti repheṇa /
jhalo jhali (*8,2.26) iti jhakāreṇa /
śala ig-upadhād aniṭaḥ kṣaḥ (*3,1.45) iti śakāreṇa /
atha kim artham upadiṣṭo 'pi hakāraḥ punar upadiśyate? kittva vikalpa-kṣa- iḍvidhayo yathā syuḥ iti /
snihitvā, snehitvā ity atra ralo v-y-upadhād-dhal-ādeḥ saṃś-ca (*1,2.26) iti kittvaṃ vā yathā syāt /
liheḥ alikṣat iti śala ig-upadhād aniṭaḥ kṣaḥ (*3,1.45) iti kṣo yathā syāt /

[#6]

rudihi, svapihi iti valādi-lakṣaṇa iḍ yathā syāt /
adāgdhām /
jhalgrahaṇeṣu ca hakārasya grahaṇaṃ yathā syāt /
yady evam, ha ya va ra ḍ ity atra tarhi kim artham upadiśyat? mahāṃ hi saḥ; devā hasanti ity atra aḍ-grahaṇeṣu ca aś-grahaṇeṣuca hakārasya grahaṇaṃ yathā syāt /
brāhmaṇo hasati - haśi ca (*6,1.114) ity utvaṃ yathā syāt /
ekasmān ṅañaṇAvaṭā dvābhāṃ ṣastribhya eva kaṇamāḥ syuḥ /
jñeyau cayau caturbhyo raḥ pañcabhyaḥ śalau ṣaḍbhyaḥ //
iti //
iti pratyāhāraprakaraṇam /


____________________________________________________________________


vr̥ddhir ād-aic || PS_1,1.1 ||


_____START JKv_1,1.1:

vr̥ddhi-śabdaḥ sañjñātvena vidhīyate, pratyekam ād-aicāṃ varṇānāṃ sāmānyena tad-bhāvitānām, atad-bhāvitānāṃ ca /
taparakaraṇam aij-artham tād-api paraḥ taparaḥ iti, khaṭvaiḍakādiṣu trimātra-caturmātra-prasaṅga. nivr̥ttaye /
āśvalāyanaḥ /
aitikāyanaḥ /
aupagavaḥ /
aupamanyavaḥ /
śālīyaḥ /
mālīyaḥ /
vr̥ddhi-pradeśāḥ -- sici vr̥ddhiḥ parasmaipadeṣu (*7,2.1) ity evam ādayaḥ //


____________________________________________________________________


adeṅ guṇaḥ || PS_1,1.2 ||


_____START JKv_1,1.2:

guṇa-śabdaḥ sañjñātvena vidhīyate, pratyekam, ad-eṅāṃ varṇānāṃ sāmānyena tad-bhāvitānām, atad-bhāvitānāṃ ca /
taparakaraṇaṃ tv iha sarvārtham /
taritā /
cetā /
stotā /
jayanti /
ahaṃ pace /
guṇa-pradeśāḥ -- mider guṇaḥ (*7,3.82) ity evam ādayaḥ //


____________________________________________________________________


iko guṇa-vr̥ddhī || PS_1,1.3 ||


_____START JKv_1,1.3:

paribhāṣā iyaṃ sthāni-niyama-arthā /
aniyama-prasaṅge niyamo vidhīyate /
vr̥ddhi-guṇau svasañjñayā śiṣyamāṇau ikaḥ eva sthāne veditavyau /
vakṣyati -- sārvadhātuka-ardhadhātukayoḥ (*7,3.84) aṅgasya guṇa iti /
sa iko eva sthāne viditavyaḥ /
nayati /
bhavati /
vr̥ddhiḥ khalv api -- akārṣīt /

[#7]

ahārṣīt /
acaiṣīt /
anaiṣīt /
alāvīt /
astāvīt /
guṇa-vr̥ddhī svasañjñayā vidhīyete, tatra ikaḥ iti etad-upasthitaṃ draṣṭavyam /
kiṃ kr̥taṃ bhavati ? dvitīyayā ṣaṣṭhī prādurbhāvyate /
midimr̥jipugantalaghaūpardhācchidr̥śikṣiprakṣudreṣvaṅgena ig viśeṣyate /
jusi sārvadhātuka-ādi-guṇeṣu ika-aṅgaṃ viśeṣyate /
medyate /
abighayuḥ /
ikaḥ iti kim? ātsandhy-akṣara-vyañjanānāṃ mā bhūt /
yānam /
glāyati /
umbhitā /
punar guṇa-vr̥ddhi-grahaṇaṃ svasañjñyā vidhāne niyama-artham /
iha mā bhūt -- dyauḥ, panthāḥ, saḥ, imam iti //


____________________________________________________________________


na dhātu-lopa ārdhadhātuke || PS_1,1.4 ||


_____START JKv_1,1.4:

dhātv-ekadeśo dhātuḥ, tasya lopo yasminn ārdhadhātuke tad-ārdhadhātukaṃ dhātu-lopaṃ, tatra ye guṇa-vr̥ddhī prāpnutaḥ, te na bhavataḥ /
loluvaḥ /
popuvaḥ /
marīmr̥jaḥ /
lolūya-ādibhyo yaṅantebhyaḥ paca-ādy-aci vihite yaṅo 'ci ca (*2,4.74) iti yaṅo luki kr̥te tam eva acam āśritya ye guṇa-vr̥ddhī prāpte tayoḥ pratiṣedhaḥ /
dhātu-grahaṇaṃ kim ? lūñ, lavitā /
reḍasi /
parṇaṃ na veḥ /
anubandha-pratyaya-lope mā bhūt /
riṣer-hi-sa-arthasya vicpratyaya-lopa udāharaṇaṃ reṭ iti /
ārdhadhātuke iti kim ? tridhā baddho vr̥ṣabho roravīti iti /
sārvadhātuke mā bhūt /
ikaḥ ity eva - abhāji, rāgaḥ /
bahuvrīhi-samāśrayaṇaṃ kim ? knopayati, preddham //


____________________________________________________________________


kṅiti ca || PS_1,1.5 ||


_____START JKv_1,1.5:

nimitta-saptamy eṣā /
kṅin-nimitte ye guṇa-vr̥ddhī prāpnutaḥ, te na bhavataḥ /
citaḥ, citavān /
stutaḥ, stutavān /
bhinnaḥ, bhinnavān /
mr̥ṣṭaḥ, mr̥ṣṭavān /
ṅiti khalv api - cinutaḥ, cinvanti /
mr̥ṣṭaḥ, mr̥janti /
gakāro 'pi atra cartva-bhūto nirdiśyate /
glā-ji-sthaś ca gstuḥ (*3,2.139) jiṣṇuḥ /
bhūṣṇuḥ /
ikaḥ itym eva - kāmayate, laigavāyanaḥ /
mr̥jerajādau saṅtrame vibhāṣā vr̥ddhir iṣyate /
saṅ-kramo nāma guṇa-vr̥ddhi-pratiṣedha-viṣayaḥ /
parimr̥janti,

[#8]

parimārjanti /
parimr̥jantu, parimārjantu /
laghu-upadha-guṇasya apy-atra pratiṣedhaḥ /
acinavam, asunavam ity ādau lakārasya saty api ṅittve yāsuṭo ṅid-vacanaṃ jñāpakam ṅiti yat-kāryaṃ tal-lakāre ṅiti na bhavati iti //


____________________________________________________________________


START JKv_1,1.6:

dīdhī-vevī-iṭām || PS_1,1.6 ||


_____START JKv_1,1.6:

dīdhī-vevyoḥ iṭaś ca ye guṇa-vr̥ddhī prāpnutaḥ, te na bhavataḥ /
ādīchyanam, ādīdyakaḥ /
āvevyanam, āvevyakaḥ /
iṭaḥ khalv api - kaṇitā śvaḥ /
raṇitā śvaḥ /
vr̥ddhir iṭo na saṃbhavati iti laghu-upadha-guṇasya-atra pratiṣedhaḥ //


____________________________________________________________________


halo 'nantarāḥ saṃyogaḥ || PS_1,1.7 ||


_____START JKv_1,1.7:

bhinna-jātīyair ajbhir avyavahitaḥ śliṣṭa-uccāritā halaḥ saṃyoga-sañjñā bhavanti /
samudāyaḥ sañjñī /
jātau cedaṃ bahuvacanam /
tena dvayor bahūnāṃ ca saṃyogasañjñā siddhā bhavati /
agniḥ iti ga-nau /
aśvaḥ iti śa-vau /
karṇaḥ iti ra-ṇau /
indraḥ, candraḥ mandraḥ iti na-da-rāḥ /
uṣṭraḥ, rāṣṭram, bhrāṣṭram iti ṣa-ṭa-rāḥ /
tilānstryāvapati iti na-sata-ra-yāḥ, na-ta-sa-ta-ra-yā vā /
halaḥ iti kim ? titaucchatram - saṃyogāntasya lopaḥ (*8,2.23) iti lopaḥ syāt /
anantarāḥ iti kim ? pacati panasam - skoḥ saṃyoga-ādyor ante ca (*8,2.29) iti lopaḥ syāt /
saṃyoga-pradeśāḥ - samyogāntasya lopaḥ (*8,2.23) ity evam ādayaḥ //


____________________________________________________________________


mukha-nāsikā-vacano 'nunāsikaḥ || PS_1,1.8 ||


_____START JKv_1,1.8:

mukha-sahitā nāsikā mukha-nāsikā, tayā ya uccāryate varṇaḥ so 'nunāsika-sañjño bhavati /
āṅo 'nunāsikaś chandasi (*6,1.126) /
abhra āṃ apaḥ /
gabhīra āṃ ugraputre /
ca na āṃ indraḥ /
mukha-grahanaṃ kim ? anusvārasya-iva hi syāt /
nāsika-agrahaṇaṃ kim ? kacaṭatapānāṃ mā bhūt /
anunāsika-pradeśāḥ - āṅo 'nunāsikaś chandasi (*6,1.26) ity evam ādayaḥ //


____________________________________________________________________


tulya-āsya-prayarnaṃ savarṇam || PS_1,1.9 ||


_____START JKv_1,1.9:

tulya-śabdaḥ sadr̥śa-paryāyaḥ /
āsye bhavam-āsyaṃ tālv-ādi-sthānam /
prayatanaṃ prayatnaḥ spar̥ṣṭata-ādir varṇa-guṇaḥ /
tulya āsye prayatno yasya varṇasya yena varṇena saha sa samānajātīyaṃ prati savarṇasañjño bhavati /

[#9]
catvāra ābhyantarāḥ prayatnāḥ savarṇasaṃ jñāyām āśrīyante -- spr̥ṣṭatā, īṣat-spr̥ṣṭatā, saṃvr̥tatā, vivr̥tatā ca iti /
a a a iti trayo 'kārā udātta-anudātta-svaritāḥ pratyekaṃ sānunāsikā niranunāsikāś ca hrasva-dīrgha-pluta-bhedād aṣṭādaśa dhā bhidyante /
tathā i-varṇaḥ, tathā u-varṇaḥ, tathā r̥-varṇaḥ /
l̥-varṇasya dīrghā na santi, taṃ dvādaśa-bhedam ācakśate /
sandhy-akṣarāṇāṃ hrasvā na santi, tāny api dvādaśa-prabhedāni /
antaḥsthā dviprabhedāḥ, rephavarjitā yavalāḥ sānunāsikā niranunāsikāśca /
rephoṣmaṇāṃ savarṇā na santi /
vargyo vargyeṇa savarṇaḥ /
daṇḍāgram /
khaṭvāgram /
āsya-grahaṇaṃ kim ? kacaṭatapānāṃ bhinna-sthānānāṃ tulya-prayatnānāṃ mā bhūt /
kiṃ ca syāt ? tarptā, tarptum ity atra jharo jhari savarṇe (*8,4.65) iti pakārasya takāre lopaḥ syāt /
prayatna-grahaṇaṃ kim ? icuyaśānāṃ tulya-sthānānāṃ bhinna-jātīyānāṃ mā bhūt /
kiṃ ca syāt ? aruścyotati ity atra jharo jhari savarṇe (*8,4.65) iti śakārasya cakāre lopaḥ syāt /
rkāra-l̥kārayoḥ savarṇasñjñā vaktavyā /
hotl̥kāraḥ /
hotr̥kāraḥ /
ubhayoḥ r̥varṇasya l̥varṇasya ca āntaratamaḥ savarṇo dīrgho nāsti iti rkāra eva dīrgho bhavati /
savarṇa-pradeśāḥ - akaḥ savarṇe dīrghaḥ (*6,1.101) ity evam ādayaḥ //


____________________________________________________________________


na aj-jhalau || PS_1,1.10 ||


_____START JKv_1,1.10:

ac ca hal ca, aj-jhalau /
tulya-āsya-prayatnāv api aj-jhalau parasparaṃ savarṇasañjñau na bhavataḥ /
avarṇa-hakārau daṇḍahastaḥ, ivarṇa-śakārau-dadhi śītam, savarṇadīrghatvaṃ na bhavati /
vaipāśo matsyaḥ, ānaḍuhaṃ carma iti yasya-iti ca (*6,4.148) iti lopo na bhavati //


____________________________________________________________________


[#10]

īd-ūd-ed-dvivacanaṃ pragr̥hyam || PS_1,1.11 ||


_____START JKv_1,1.11:

īt ūt et ity evam-antaṃ dvivacanaṃ śabda-rūpaṃ pragrhya-sañjñaṃ bhavati /
agnī iti /
vāyu iti /
māle iti /
pacete iti /
īd-ūdet iti kim ? vr̥kṣāv atra /
plakṣāv atra /
dvivacanam iti kim ? kumāry-atra /
kiśory-atra /
taparakaraṇam asaṃdeha-artham /
pragr̥hya-pradeśāḥ - pluta-pragr̥hyā aci nityam (*6,1.125) ity evam ādayaḥ /
īd-ādīnāṃ pragr̥hyatve maṇīvādīnāṃ pratiṣedho vaktavyaḥ /
maṇīvoṣṭrasya lambete priyau vatsatarau mama /
dampatīva /
jampatīva /
rodasīva //


____________________________________________________________________


adaso māt || PS_1,1.12 ||


_____START JKv_1,1.12:

adasaḥ sambadhī yo makāras-tasmāt pare īd-ūdetaḥ pragrhya-sañjñā bhavanti /
amī atra /
amī āsate /
amū atra /
amū āsāte /
ekārasya udāharaṇaṃ na asti /
adasaḥ iti kim? śamyatra /
dāḍimyatra /
māt iti kim ? amuke 'tra //


____________________________________________________________________


śe || PS_1,1.13 ||


_____START JKv_1,1.13:

śe ity etat pragr̥hya-sañjñaṃ bhavati /
kim-idaṃ śe iti ? supām ādeśaś chandasi /
na yuṣme vājabandhavaḥ /
asme indrā-br̥haspatī /
yuṣme iti /
asme iti /
tve rāyaḥ /
me rāyaḥ /
tve iti /
me iti /
chāndasam etad eva-ikam udāharaṇam - asme indrā-br̥haspatī iti /
tatra tathā pāṭhāt /
itarat tu laukikam anukaraṇam - yuśme iti, asme iti, tve iti, me iti //


____________________________________________________________________


nipāta eka-aj-an-āṅ || PS_1,1.14 ||


_____START JKv_1,1.14:

ekaś-ca asāvac-ca ekāc, nipāto ya ekāc āṅ-varjitaḥ sa pragr̥hya-sañjño bhavati /
a apehi /
i indraṃ paśya /
u uttiśṭha /
ā evaṃ nu manyase /
ā evaṃ kila tat /
nipātaḥ iti kim ? cakāratra /
jahārātra /
ekāc iti kim ? prāgnaye vācamīraya /
anāṅ iti kim ? ā udakāntāt, odakāntāt /
īṣad-arthe triyā-yoge maryā-adābhividhau ca yaḥ /
etam-ātaṃ ṅitaṃ vidyād vākya-smaraṇayor-aṅit //


____________________________________________________________________


[#11]

ot || PS_1,1.15 ||


_____START JKv_1,1.15:

nipātaḥ iti vartate /
tasya-ukāreṇa tadanta-vidhiḥ /
odanto yo nipātaḥ sa pragr̥hya-sañjño bhavati /
āho iti /
utāho iti //


____________________________________________________________________


sambuddhau śākalyasya-itāv anārṣe || PS_1,1.16 ||


_____START JKv_1,1.16:

ot iti vartate /
sambuddhi-nimitto ya okāraḥ sa śākalyasya ācāryasay matena pnagr̥hya-sañjño bhavati, iti-śabde anārṣe avaidike parataḥ /
vāyo iti, vāyav-iti /
bhāno iti, bhānav-iti /
sambuddhau iti kim ? gav ity ayam-āha /
atra anukārya-anukaraṇayoḥ bhedasya avivakṣitatvāt, asaty-arthavattve vibhaktir-na bhavati /
śākalya-grahaṇaṃ vibhāṣā-artham /
itau iti kim ? vāyo 'tra /
anārṣe iti kim ? etā gā brahama-bandha ity abravīt //


____________________________________________________________________


uñaḥ || PS_1,1.17 ||


_____START JKv_1,1.17:

śākalyasya-itau anārṣe iti vartate /
uñaḥ pragr̥hya-sañjñā bhavati itau śākalyasya ācāryasya matena /
śākalyasya iti vibhāṣa-artham /
u iti, viti //


____________________________________________________________________


ūṃ || PS_1,1.18 ||


_____START JKv_1,1.18:

uñaḥ iti vartate /
uñaḥ itāv-anārṣe ūṃ ity ayam-ādeśo bhavati dīrgho 'nunāsikaśca, śāklyasya matena pragr̥hya-sañjñakaśca /
śākalyasya grahaṇaṃ vibhāṣā-artham iha apy anuvartate /
tena trīṇi rūpāṇi bhavanti - u iti, viti, ūṃ iti //

____________________________________________________________________


īd-ūtau ca saptamy-arthe || PS_1,1.19 ||


_____START JKv_1,1.19:

śāklyasya-itāv-anārśe iti nivr̥ttam /
īdantam ūdantaṃ ca śabda-rūpaṃ saptamy-arthe vartamānaṃ pragr̥hya-sañjñaṃ bhavati /
adhyasyāṃ māmakī tanū /
māmakyāṃ tanvām iti prāpte, māṃkyām māmakī iti, tanvām tanū iti /
somo gaurī adhi śritaḥ /
īdūtau iti kim ? priyaḥ sūrye priyo agnā bhavāti /
agni-śabdāt parasyāḥ saptamyāḥ ḍādeśaḥ /
saptamī-grahaṇaṃ kim ? dhītī, matī, suṣṭutī - dhītyā, matyā, suṣṭutyā iti prāpte /
artha-grahaṇaṃ kim ? vā-apy aśvaḥ /
nadyātiḥ /
taparakaraṇam asandeha-arthaṃ /

[#12]

īd-ūtau saptamī-ity eva lupte 'rtha-grahaṇād bhavet /
pūrvasya cet savarṇo 'sāvāḍāmbhāvaḥ prasajyate //1//

vacanādy-atra dīrghatvaṃ tatra api sarasī yadi /
jñāpakaṃ syāt tad-antatve mā vā pūrvapadasya bhūt //2 //



____________________________________________________________________


dā-dhā ghv-adāp || PS_1,1.20 ||


_____START JKv_1,1.20:

dā-rūpāś catvāro dhātavaḥ, dhā-rūpau ca dvau dābdaipau varjayitvā ghu-sañjñakā bhavanti /
ḍudāñ - praṇidadāti /
dāṇ - praṇidātā /
do - praṇidyati /
deṅ - praṇidayate /
ḍudhāñ - praṇidadhāti /
dheṭ - praṇidhayati vatso mātaram /
adāp iti kim ? dāp lavane - dātaṃ barhiḥ /
daip śodhane - avadātaṃ mukham /
ghu-pradeśāḥ - ghu-mā-sthā-gā-pā-jahāti-sāṃ hali (*6,4.66) ityevamādayaḥ //


____________________________________________________________________


ādyantavad ekasmin || PS_1,1.21 ||


_____START JKv_1,1.21:

asahāyasay ādyanta-upadiṣṭāni kāryāṇi na sidhyanti iti ayam-atideśa ārabhyate /
saptamy-arthe vatiḥ /
ādāv-iva ante iva ekasminn-api kāryaṃ bhavati /
yathā kartavyam ity atra pratyaya-ādy-udāttatvaṃ bhavati, evam aupagavam ity atra api yathā syāt /
yathā vr̥kṣābhyām ity atra ato 'ṅgasya dīrghatvam evam ābhyām, ity atra api yathā syāt /
ekasminn-iti kim /
sabhāsannayane bhavaḥ sābhāsannayanaḥ, ākāram āśritya vr̥ddha-sañjñā na bhavati //


____________________________________________________________________


tarap-tamapau ghaḥ || PS_1,1.22 ||


_____START JKv_1,1.22:

tarap tamap ity etau pratyayau gha-sañjñau bhavataḥ /
kumāritarā /
kumaritamā /
brāhmaṇitarā /
brāhmaṇitamā /
gha-pradeśāḥ - gha-rūpa-kalpa-celaḍ-bruva-gotra-mata-hateṣu ṅyo 'nekāco hrasvaḥ (*6,3.43) ity evam ādayaḥ //


____________________________________________________________________


bahu-gaṇa-vatu-ḍati saṅkhyā || PS_1,1.23 ||


_____START JKv_1,1.23:

bahu gaṇa vatu ity eta saṅkhyā-sañjñā bhavanti /
bahukr̥tvaḥ /
bahudhā /
bahukaḥ /
bahuśaḥ /
gaṇakr̥tvaḥ /
gaṇadhā /
gaṇakaḥ /
gaṇaśaḥ /
tāvatkr̥tvaḥ /
tāvaddhā /
tāvatkaḥ /
tāvacchaḥ /
katikr̥tvaḥ /
katidhā /
katikaḥ /
katiśaḥ /
bahu-gaṇa-śabdayor vaipulye saṅghe ca vartamānayor iha grahaṇaṃ nāsti, saṅkhyā-vācinor eva /
bhūryādīnāṃ nivr̥tty-arthaṃ saṅkhyā-sañjñā vidhīyate /

[#13]

ardha-pūrva-padaśca pūraṇa-pratyayāntaḥ saṅkhyā-sañjño bhavati iti vaktavyaṃ samāsakan vidhy-artham /
ardha-pañcama-śūrpaḥ /
ardhaṃ pañcamaṃ yeśām iti bahuvrīhau kr̥te ardha-pañcamaiḥ śūrpaiḥ krītaḥ /
taddhita-artha-iti samāsaḥ /
tatra dik-saṅkhye sañjñāyām (*2,1.50) ity anuvr̥ttes tataḥ saṅkhyā-pūrvasya dvigu-sañjñāyāṃ śūrpād añ anyatarasyām (*5,1.26) iti añ ṭhañ ca /
adhyardha-pūrva-dvigor lug-asañjñāyām (*5,1.28) iti luk /
ardha-pañcamakaḥ /
saṅkhyā-pradeśāḥ-saṅkhyā vaṃśyena (*2,1.19) ity evam ādayaḥ //


____________________________________________________________________


[#12]

ṣṇa-antā ṣaṭ || PS_1,1.24 ||


_____START JKv_1,1.24:

strī-liṅga-nirdeśāt saṅkhya iti sambadhyate /

[#13]

ṣa-kārāntā na-kārāntā ca yā saṅkhyā sā ṣaṭ-sañjñā bhavati /
ṣa-kārāntā tāvat--ṣaṭ tiṣṭhanti /
ṣaṭ pśye /
na-kārāntaḥ-pañca /
sapta /
nava /
dasa /
anta-grahaṇam aupadeśika-artham /
tena-iha na bhavati - śatāni, sahasrāṇi /
aṣṭānām ity atra nuḍ bhavati /
ṣaṭ-pradeśāḥ--ṣaḍbhyo luk (*7,1.22) ity evam ādayaḥ //


____________________________________________________________________

ḍati ca || PS_1,1.25 ||


_____START JKv_1,1.25:

ḍatyantā yā saṅkhyā sā ṣaṭ-sañjñā bhavati /
kati tiṣṭhanti /
kati paśya //


____________________________________________________________________


kta-ktavatū niṣṭhā || PS_1,1.26 ||


_____START JKv_1,1.26:

ktaś ca ktavatuś ca kta-ktavatū pratyayau niśṭhā-sañjñau bhavataḥ /
kr̥taḥ /
kr̥tavān /
bhuktaḥ /
bhuktavān /
ka-kāraḥ kit-kārya-arthaḥ /
ukāraḥ ugit-kārya-arthaḥ /
niṣṭhā-pradeśāḥ-- śvīdito niṣṭhāyām (*7,2.14) ityevamādayaḥ //


____________________________________________________________________


sarva-ādīni sarvanāmāni || PS_1,1.27 ||


_____START JKv_1,1.27:

sarva-śabdaḥ ādir yeṣāṃ tāni-imāni sarva-adīni sarvanāma-sañjñāni bhavanti /
sarvaḥ, sarvau, sarve /
sarvasmai /
sarvasmāt /
sarveṣām /
sarvasmin /
sarvakaḥ /
viśvaḥ, viśvau, visve /
viśvasmai /
viśvasmāt /
viśveṣām /
viśvasmin /
viśvakaḥ /

[#14]

ubha /
ubhaya /
ubha-śabdasya sarvanāmatve prayojanam-- sarvanāmnas-tr̥tīya ca (*2,3.27) iti /
ubhābhyāṃ hetubhyāṃ vasati, ubhayoḥ hetvoḥ vasati /
ubhaye /
ubhayasmai /
ubhayasmāt /
ubhyeṣām /
ubhayasmin /
ḍatara, ḍatama /
katara, katama /
katarasmai, katamasmai /
itara /
anya /
anyatara /
itarasmai /
anyasmai /
anyatarasamai /
tva-śabdo 'nya-vācī svara-bhedād dviḥ paṭhitaḥ /
ekaḥ udāttaḥ /
dvitīyo 'nudāttaḥ /
kecit takārāntamekaṃ paṭhanti /
tva tvat iti dvāv api ca anudātāu iti smaranti /
nema--nemasmai /
vakṣyamāṇena jasi vibhāṣā bhavati /
neme, nemāḥ iti /
sama--samasmai /
kathaṃ yathā-saṅkhyam anudeśaḥ samānām (*1,3.10), same deśe yajeta iti /
samasya sarva-śabda-paryāyasya sarvanāma-sñjñā iṣyte, na sarvatra /
sima--simasmai /
pūrva-para-avara-dakṣiṇa-uttara-apara-adharāṇi vyavasthāyām asañjñāyām (*1,1.34) /
svam añjñāti-dhana-ākhyām (*1,1.35) /
antaraṃ bahiryogopsaṃvyānayoḥ (*1,1.36) /
tyad, tad, yad, etad, idam, adas, eka, dvi, yuṣmad, asmad, bhavatu, kim /
sarvādiḥ /
sarvanāma-pradeśāḥ-- sarvanāmnaḥ smai (*7,1.14) ity evam ādayaḥ //


____________________________________________________________________


vibhāṣā dikṣamāse bahuvrīhau || PS_1,1.28 ||


_____START JKv_1,1.28:

na bahuvrīhau (*1,1.29) iti pratiṣedhaṃ vakṣyati /
tasmin nitye pratiṣedhe prāpte vibhā-ṣeyam ārabhyate /
diśāṃ samāsaḥ dikṣamāsaḥ /
dig-upadiṣṭe samāse bahuvrīhau vibhāṣā sarvādīni sarvanāma-sañjñāni bhavanti /
uttara-pūrvasyai, uttara-pūrvāyai /
dikṣiṇa-pūrvasyai, dakṣiṇa-pūrvāyai /
dig-grahaṇaṃ kim ? na bahuvrīhau (*1,1.29) iti pratiṣedhaṃ vakṣyati, tatra na jñāyate kva vibhāṣā, kva pratiṣedhaḥ iti /
dig-grahaṇe punaḥ kriyamāṇe jñāyate dig-upadiṣṭa-samāse vibhāṣā, anyatra pratiṣedhaḥ iti /
samāsa-grahaṇaṃ kim ? samāsa eva yo bahuvrīhiḥ, tatra vibhāṣā yathā syāt /
bahuvrīhivad bhāvena yo bahuvrīhiḥ, tatra mā bhūt /
dakṣiṇa-dakṣiṇasyai dehi /
bahuvrīhau iti kim ? dvandve vibhāṣā mā bhūt /
dakṣiṇa-uttara-pūrvāṇām iti dvandve ca (*1,1.32) it nityaṃ pratiṣedho bhavati //


____________________________________________________________________

[#15]

na bahuvrīhau || PS_1,1.29 ||


_____START JKv_1,1.29:

sarvanāma-sañjñāyāṃ tad-anta-vidher abhyupagamād bahuvrīher api sarva-ādy-antasay sañjñā syāt iti pratiṣedha ārabhyate /
bahuvrīhau samāse sarvādīni sarvanāma-sañjñāni na bhavanti /
priyaviśvāya /
priyobhyāya /
dvyanyāya /
tryanyāya /
iha ca, tvat-kapitr̥kaḥ, mat-kapitr̥kaḥ ity-akaj na bhavati /
bahuvrīhau iti vartamāne punar-bahuvrīhi-grahaṇaṃ bhūta-pūrvamātre 'pi pratiṣedho yathā syāt, vastrāntara-vasanāntarāḥ iti //


____________________________________________________________________


tr̥tīyā-samāse || PS_1,1.30 ||


_____START JKv_1,1.30:

tr̥tīyā-samāse sarva-ādīni sarvanāma-sañjñāni na bhavanti /
māsa-pūrvāya /
saṃvatsara-pūrvāya /
dvyaha-pūrvāya /
tryaha-pūrvāya /
samāse iti vartamāne punaḥ sammasagrahaṇaṃ tr̥tīyā-samāsa-artha-vākye 'pi pratiṣedho yathā syāt /
māsena pūrvāya /
pūrva-sadr̥śa-sama-ūna-artha-kalaha-nipuṇa-miśra-ślakṣṇaiḥ (*2,1.31) iti tr̥tīya-asamāsaṃ pratipadaṃ vakṣyati, tasya-idaṃ grahaṇam /
na yasya kasyacit tr̥tīyā-samāsasya /
kartr̥ karaṇe kr̥tā bahulam (*2,1.32) iti-tvayakā Kr̥tam, mayakā kr̥tam //


____________________________________________________________________


dvandve ca || PS_1,1.31 ||


_____START JKv_1,1.31:

dvandve ca samāse sarvādīni sarvanāma-sañjñāni na bhavanti /
pūrva-aparāṇām /
katara-katamānām //


____________________________________________________________________


vibhāṣā jasi || PS_1,1.32 ||


_____START JKv_1,1.32:

pūrveṇa nitye pratiṣedhe prāpte jasi vibhāṣā ārabyate /
dvandve samāse jasi vibhāṣā sarvādīni sarvanāma-sañjñāni na bhavanti /
katarakatame, katarakatamāḥ /
jasaḥ kāryaṃ prati vibhāṣā, akaj hi na bhavati - katarakatamakāḥ //


____________________________________________________________________


[#16]

prathama-carama-taya-alpa-ardha-katipaya-nemāś ca || PS_1,1.33 ||


_____START JKv_1,1.33:

vibhāṣā jasi (*1,1.32) iti vartate /
dvandve iti nivr̥ttam /
prathama carama taya alpa ardha katipaya nema ity ete jasi vibhāṣā sarvanāma-sañjñā bhavanti /
prathame, prathamāḥ /
carame, caramāḥ /
dvitaye, dvitayāḥ /
alpe, alpāḥ /
ardhe, ardhāḥ /
katipaye, katipayaḥ /
neme, nemāḥ /
taya iti tayap pratyayaḥ /
śiṣṭāni prātipadikāni /
tatra nema iti sarvādiṣu paṭhyate, tasya prāpte vibhaṣā, anyeṣām aprāpte /
ubhaya-śabdasya tayap-pratyaya-antasya gane pāṭhān nityā sarvanāma-sañjñā iha api jaskāryaṃ prati vibhāṣā /
kākacoryathā-yogaṃ vr̥ttiḥ //


____________________________________________________________________


pūrva-para-avaradakṣiṇa-uttara-apara-adharāṇi vyavasthāyām asañjñāyām || PS_1,1.34 ||


_____START JKv_1,1.34:

pūrva para avara dakṣiṇa uttara apara adhara ity-eṣāṃ gaṇe pāṭhāt pūrveṇa nityāyāṃ sarvanāma-sañjñāyāṃ prāptāyāṃ jasi vibhāṣā ārabhyate /
pūrvādīni vibhaṣā jasi sarvanāma-sañjñāni bhavanti vyavasthāyām asañjñāyām /
svābhidheya-apekṣāvadhiniyamo vyavasthā /
pūrve, pūrvāḥ /
pare, parāḥ /
avare, avarāḥ /
dakṣṇe, dakṣṇāḥ /
uttare, uttarāḥ /
apare, aparāḥ /
adhare, adharaḥ /
vyavasthāyām iti kiṃ ? dakṣiṇā ime gāthakāḥ /
pravīṇāḥ ityarthaḥ /
asañjñāyām iti kim ? uttarāḥ kuravaḥ /
satyām eva vyavasthāyām iyaṃ teṣāṃ sañjñā //

____________________________________________________________________


svam ajñāti-dhana-ākhyāyām || PS_1,1.35 ||


_____START JKv_1,1.35:

atra api nityā sarvanāma-sañjñā prāptā jasi vibhāṣyate /
svam ity etac-chabda-rūpaṃ jasi vibhāṣā sarvanāma-sañjñaṃ bhavati , na cej jñātidhanayoḥ sañjñārūpeṇa vartate /
sve putrāḥ, svāḥ putrāḥ /
sve gāvaḥ, svā gāvaḥ /
ātmīyāḥ ity arthaḥ /
jñāti-pratiṣedhaḥ iti kim ? dhūmāyanta iva aśliṣṭāḥ prajvalanti iva saṃhatāḥ /
ulmukāni iva me 'mī svā jñātayo bharatar ṣabha //

adhanākhyāyām iti kim ? prabhūtāḥ svā na dīyante, prabhūtaḥ svā na bhujyante /
prabhūtāni dhanāni ity arthaḥ //


____________________________________________________________________


antaraṃ bahiryoga-upasaṃvyānayoḥ || PS_1,1.36 ||


_____START JKv_1,1.36:

atra api pūrveṇa nityā sarvanāma-sañjñā prāptā sā jasi vibhāṣyate /
antaram ity etac-chabda-rūpaṃ vibhāṣā jasi sarvanāma-sañjñaṃ bhavati bahiryoge upasaṃvyāne ca gamyamāne /
antare gr̥hāḥ, antarāḥ gr̥hāḥ /
nagarabāhyāścāṇḍālādigr̥hā ucyante /

[#17]

upasṃvyāne--antare śāṭakāḥ, antarāḥ śāṭakāḥ /
upasaṃvyānaṃ paridhānīyam ucyate, na prāvaraṇīyam /
bahiryoga-upasaṃvyānayoḥ iti kim ? anayoḥ grāmayor antare tāpasaḥ prativasati /
tasminn antare śītāny udakāni /
madhyapradeśa-vacano 'ntara-śabdaḥ /
gaṇa-sūtrasya ca-idaṃ pratyudāharaṇam /
apuri iti vaktavyam /
antarāyāṃ puri vasati /
vibhāṣā-prakaraṇe tīyasya vā ṅitsu sarvanāma-sañjñā ity upasaṃkhyānam /
dvitīyasmai, dvitīyāya /
tr̥tīyasmai, tr̥tīyāya //


____________________________________________________________________


svarādi-nipātam avyayam || PS_1,1.37 ||


_____START JKv_1,1.37:

svarādīni śabda-rūpāṇi nipātāśca avyaya-sañjñāni bhavanti /
svar, antar, prātar, ete anta-udāttāḥ paṭhyante /
punar ādy-udāttaḥ /
sanutar, uccais, nīcais, śanais, r̥dhak, ārāt, r̥te, yugapat, pr̥thak, ete 'pi sanutarprabhr̥tayo 'ntodāttāḥ paṭhyante /
hyas, śvas, divā, rātrau, sāyam, ciram, manāk, īṣat, joṣam, tūṣṇīm, bahis, āvis, avas, adhas, samayā, nikaṣā, svayam, mr̥ṣā, naktam, nañ, hetau, addhā, iddhā, sāmi, ete 'pi hyasprabhr̥tayo 'ntodāttāḥ paṭhyante /
vat-vadantam avyaya-sañjñaṃ bhavati /
brāhmaṇavat /
kṣatriyavat /
san, sanāt, sanat, tiras, ete ādy-udāttāḥ paṭhyante /
antarā-ayamantodāttaḥ /
antareṇa, jyok, kam, śam, sanā, sahasā, vinā, nānā, svasti, svadhā, alam, vaṣaṭ, anyat, asti, upāṃśu, kṣamā, vihāyasā, doṣā, mudhā, mithyā /
ktvātosuṅkasunaḥ, kr̥nma-kārāntaḥ, sandhy-akṣarāntaḥ, avyayībhāvaś ca /
purā, mitho, mithas, prabāhukam, āryahalam, abhīkṣṇam, sākam, sārdham, samama, namas, hiruk, tasilādiḥ taddhita edhācparyantaḥ, śastasī, kr̥tvasuc, suc, ās-thālau, cvyarthāśca, am, ām, pratān, praṣān, svarādiḥ /
nipātā vakṣyante--prāg-rīśvarān-nipātāḥ (*1,4.56) iti /
ca, vā, ha, aha, eva, evam ity-ādayaḥ /
avyaya-pradeśāḥ-- avyayād āp-supaḥ (*2,4.82) ity evam ādayaḥ /
avyayam ity anvartha-sañjñā /

[#18]
sadr̥śaṃ triṣu liṅgeṣu sarvāsu ca vibhaktiṣu /
vacaneṣu ca sarveṣu yanna vyeti tad-avyayam //


____________________________________________________________________


taddhitaś ca asarva-vibhaktiḥ || PS_1,1.38 ||


_____START JKv_1,1.38:

taddhitāntaḥ śabdo 'sarva-vibhaktiḥ avyaya-sañjño bhavati /
yasmāt na sarva-vibhakter utpattiḥ so 'sarva-vibhaktiḥ /
tataḥ, yataḥ, tatra, yatra, tadā, yadā, sarvadā, sadā /
taddhitaḥ iti kim ? ekaḥ, dvau, bahavaḥ /
asarva-vibhaktiḥ iti kim ? aupagavaḥ, aupagavau, aupagavāḥ //


____________________________________________________________________


kr̥n-m-ej-antaḥ || PS_1,1.39 ||


_____START JKv_1,1.39:

kr̥d yo ma-kāra-antaḥ, ej-antaś ca tad-antaṃ śabda-rūpam avyaya-sañjñaṃ bhavati /
svāduṅ-kāraṃ bhuṅkte /
sampannaṅ-kāraṃ bhuṅkte /
lavaṇaṅ-kāraṃ bhuṅkte /
ejantaḥ-vakṣe rāyaḥ /
tā vāmeṣe rathānām /
r̥tve dakṣāya jīvase /
jyok ca sūryaṃ dr̥śe /
vakṣe iti vaceḥ tum-arthe se-sen-ase (*3,4.9) iti se-pratyaye kutve ṣatve ca kr̥te rūpam /
eṣe iti iṇaḥ se-pratyaye guṇe ṣatve ca kr̥te rūpam /
jīvase iti jīveḥ ase pratyaye rūpam /
dr̥śe iti dr̥śeḥ ken-pratyayo nipātyate - dr̥śe vikhye ca (*3,4.11) iti /
anta-grahaṇam aupadeśika-pratipatty-artham /
iha mā bhūt - ādhaye, cikīrṣave, kumbha-kārebhyaḥ iti //


____________________________________________________________________


ktvā-tosun-kasunaḥ || PS_1,1.40 ||


_____START JKv_1,1.40:

ktvā, tosun, kasun, ity evam antaṃ śabda-rūpam avyaya-sañjñaṃ bhavati /
kr̥tvā /
hr̥tvā /
tosun -- vyuṣṭāyāṃ purā sūryasyodeto rādheyaḥ /
purā vatsānāmapākarttoḥ /
bhāva-lakṣaṇe sthā-iṇ-kr̥ñ-vadi (*3,4.16) iti iṇaḥ, kr̥ñaś ca tosun pratyayaḥ /
kasun -- sr̥pi-tr̥doḥ kasun (*3,4.17) /
purā krūrasya visr̥po virapśin /
purā jatrubhya ātr̥daḥ //


____________________________________________________________________


avyayī-bhāvaś ca || PS_1,1.41 ||


_____START JKv_1,1.41:

avyayī-bhāva-samāso 'vyaya-sañjño bhavati /
kiṃ prayojanam ? luṅ-mukha-svara-upacārāḥ /
luk - upāgni, pratyagni śalabhāḥ patanti /
mukha-svaraḥ- upāgnimukhaḥ, pratyagnimukhaḥ /
mukhaṃ sva-aṅgam (*6,2.167) ity uttarapada-anta-udāttatvaṃ prāptam, na-avyaya-dik-śabda (*6,2.168) iti pratiṣidhyate /
tasmin pratiṣiddhe pūrvapada-prakr̥ti-svara eva bhavati /
[#19]

upacāraḥ - upapayaḥ-kāraḥ, upapayaḥ-kāmaḥ /
visarjanīya-sthānikasya sa-kārasya upacāraḥ iti sañjñā /
tatra avyayībhāvasya avyayatve ataḥ kr̥-kami-kaṃsa-kumbha-pātra-kuśā-karṇī-ṣv anavyayasya (*8,3.46) iti paryudāsaḥ siddho bhavati /
sarvam idaṃ kāṇḍaṃ svara-adāv api paṭhyate /
punar vacanam anityatvajñāpana-artham /
tena ayaṃ kārya-niyamaḥ siddho bhavati /
iha ca -- purā sūryasyodetor-ādheyaḥ, purā krūrasya visr̥po virapśin iti na la-u-uka-avyaya-niṣṭhā-khal-artha-tr̥nām (*2,3.69) iti ṣaṣṭhī-pratiṣedho na bhavati //


____________________________________________________________________


śi sarvanāma-sthānam || PS_1,1.42 ||


_____START JKv_1,1.42:

śi ity etat sarvanāma-sthānasañjñaṃ bhavati /
kim idaṃ śi iti ? jaś-śasoḥ ṣiḥ (*7,1.20) iti śiḥ ādeśaḥ /
kuṇḍāni tiṣṭhanti /
kuṇḍāni paśya /
dadhīni /
madhūni /
trapūṇi /
jatūni /
sarvanāma-sthāna-pradeśāḥ-- sarvanāma-sthāne ca asambuddhau (*6,4.8) ity evam ādayaḥ //


____________________________________________________________________


suḍ anapuṃsakasya || PS_1,1.43 ||


_____START JKv_1,1.43:

suṭ iti pañca vacanāni sarvanāma-sthāna-sañjñāni bhavanti napuṃsakād anyatra /
napuṃsake na vidhiḥ, na pratiṣedhaḥ /
tena jasaḥ śeḥ sarvanāma-sthāna-sañjñā pūrveṇa bhavaty eva /
rājā, rājānau, rājānaḥ /
rājānam, rājānau /
suṭ iti kim ? rājñaḥ paśya /
anapuṃsakasya iti kim ? sāmanī, vemanī //


____________________________________________________________________


na vā-iti vibhāṣā || PS_1,1.44 ||


_____START JKv_1,1.44:

na iti pratiṣedhaḥ, vā iti vikalpaḥ /
tayoḥ pratiṣedha-vikalpayoḥ vibhāṣā iti sañjñā bhavati /
iti-karaṇo 'rtha-nirdeśa-arthaḥ /
vibhāṣā-pradeśeṣu pratiṣedha-vikalpāv upatiṣṭhete /
tatra pratiṣedhena samīkr̥te viṣaye paścād vikalpaḥ pravartate /
ubhayatra-vibhāṣāḥ prayojayanti /
vibhāṣā śveḥ (*6,1.30) śuśāva, śiśvāya /
śuśuvatuḥ, śiśviyatuḥ /
vibhāṣā-pradeśāḥ - vibhāṣā śveḥ (*6,1.30) ity evam ādayaḥ //


____________________________________________________________________


ig-yaṇaḥ samprasāraṇam || PS_1,1.45 ||


_____START JKv_1,1.45:

ik yo yaṇaḥ sthāne bhūto bhāvī vā tasya saṃprasāraṇam ity eṣā sañjñā bhavati /
yaj --i ṣṭam /
vap -- uptam /
graha -- gr̥hītam /
kecid ubhayathā sūtram idaṃ vyācakṣate vākya-arthaḥ sañjñī, varṇaś ca iti /
ig-yaṇaḥ yo vākya-arthaḥ sthāny-ādeśa-sambandha-lakṣaṇaḥ sa samprasāraṇa-sañjño bhavati, yaṇ-sthānika ig-varṇaḥ sa samprasāraṇa-sañjño bhavati iti /
tatra vidhau vākya-artha upatiṣṭhate ṣyaṅaḥ samprasāraṇaṃ putra-patyos tatpuruṣe (*6,1.13) vasoḥ samprasāraṇam (*6,4.131) iti /

[#20]

anuvāde varṇaḥ samprasāraṇāc ca (*6,1.108) iti /
saṅkhyāta-anudeśād iha na bhavati - adhitarām iti /
dyubhyām ity atra diva ut (*6,1.131) iti taparakaraṇād dīrgho na bhavati /
samprasāraṇa-pradeśāḥ - vasoḥ samprasāraṇam (*6,4.131) ity evam ādayaḥ //
ādyantau ṭa-kitau (*1,1.46) ādiḥ ṭit bhavati, antaḥ kit bhavati ṣasṭhī-nirdiṣṭasya /
lavitā /
muṇḍo bhīṣayate /
ṭitpradeśāḥ - ārdhadhātukasya+iḍ val-ādeḥ (*7,2.35) ity evam ādayaḥ /
kit-pradeśāḥ - bhiyo hetubhaye śuk (*7,3.40) ity evam ādayaḥ //
midaco 'ntyāt paraḥ (*1,1.47) /
acaḥ iti nirdhārane ṣaṣṭhī /
jātau ca+idam ekavacanam /
acāṃ saṃniviṣṭānām antyād acaḥ paro mit bhavati /
sthāneyoga - pratyaya paratvasya ayam apavādaḥ /
viruṇaddhi /
muñcati /
payāṃsi /
mitpradeśāḥ - rudḥ-ādibhyaḥ śnam (*3,1.78) ity evam ādayaḥ /
masjer antyāt pūrvaṃ num-am-icchanty anuṣaṅga-saṃyoga-ādi-lopa-artham /
magnaḥ /
magnavān /
maṅktā /
maṅktum //
eca ig-ghrasva-ādeśe (*1,1.48) /
eco hrasva-ādeśe kartavye ik eva hrasvo bhavati, na anyaḥ /
rai-atiri /
nau-atinu /
go-upa gu /
ecaḥ iti kim ? atikhaṭvaḥ /
atimālaḥ /
hrasva-ādeśe iti kim ? de3vadatta /
devada3tta //
ṣaṣṭhī sthāne-yogā (*1,1.49) /
paribhāśā iyaṃ yoga-niyama-arthā /
iha śāstre yā ṣaṣṭhī aniyata-yogā śrūyate, sā sthāne-yogā-iva bhavati, na-anya-yogā /
sthāne-yogasya nimitta-bhūte sati sā pratipattavyā /
sthāna-śabdaś ca prasaṅga-vācī /
yathā-darbhāṇāṃ sthāne śaraiḥ prastaritavyam iti darbhāṇāṃ prasaṅge iti gamyate /
evam iha api asteḥ sthāne prasaṅge bhūr bhavati /
bhavitā /
bhavitum /
bhavitavyam /
bruvaḥ prasaṅge vacirbhavati /
vaktā /
vaktum /
vaktavyam /
prasaṅge sambandhasya nimitta-bhūte bruva iti ṣasṭhī /

[#21]

bahavo hi ṣaṣṭhy-arthāḥ- sva-svāmy-anantara-samīpa-samūha-vikāra-avayava-adyāḥ /
tatra yāvantaḥ śabde sambhavanti teṣu sarveṣu prapteṣu niyamaḥ kriyate ṣaṣṭhī sthāne-yogā iti /
sthāne yogo 'syāḥ iti vyadhikaraṇo bahuvrīhiḥ /
ata eva nipātanāc ca saptamyā aluk //
sthāne 'ntaratamaḥ (*1,1.50) /
sthāne prāpyamāṇānām antaratam ādeśo bhavati sadr̥śatamaḥ /
kutaś ca śabdasya antaryam ? sthāna-artha-guṇa-pramāṇataḥ /
sthānataḥ - akaḥ savarṇe dīrghaḥ (*6,1.101) /
daṇḍāgram /
yūpāgram /
dvayor akārayoḥ kaṇṭhya eva dīrgha a-akāro bhavati /
arthataḥ - vataṇḍī ca asau yuvatiś ca vātaṇḍya-yuvatiḥ /
puṃvad-bhāvena antaratamaḥ puṃśabdo 'tidiśyate /
guṇataḥ-pākaḥ /
tyāgaḥ /
rāgaḥ /
cajoḥ ku ghiṇyatoḥ (*7,3.52) iti ca-kārasya alpa-prāṇasya aghoṣasya tādr̥śa eva ka-kāro bhavati /
ja-kārasya ghoṣavato 'lpa-prāṇasya tādr̥śa eva ga-kāraḥ /
pramāṇataḥ - anuṣmai /
amūbhyām /
adaso 'ser dād u do maḥ (*8,2.80) iti hrasvasya hrasvaḥ, dīrghasya dīrghaḥ /
sthāne iti vartamāne punaḥ sthāne grahaṇaṃ kim ? yatra anekam āntaryaṃ sambhavati tatra sthānata eva āntaryaṃ balīyo yathā syāt /
cetā, stotā /

[#21]

pramāṇato '-kāro guṇaḥ prāptaḥ, tatra sthānata āntaryād ekāraukārau bhavataḥ /
tamb-grahaṇaṃ kim ? vāg ghasati /
triṣṭub bhasati /
jhayo ho 'nyatarasyām (*8,4.62) iti ha-kārasya pūrva-savarṇe kriyamāṇe soṣmaṇaḥ soṣmāṇaḥ iti dvitīyāḥ prasaktāḥ, nādavato nādavantaḥ iti tr̥tīyāḥ, tamab-grahaṇād ye soṣmāṇo nādavantaś ca te bhavanti caturthāḥ //
uraṇ raparaḥ (*1,1.51) /
uḥ sthāne aṇ prasajyamāna eva raparo veditavyaḥ /
kartā /
hartā /
kirati /
girati /
dvaimāturaḥ /
traimāturaḥ /
uḥ iti kim ? kheyam /
geyam /
an-grahaṇaṃ kim ? su-dhātur akaṅ ca (*4,1.97) - saudhātakiḥ //
alo 'ntyasya (*1,1.52) /
ṣaṣṭhī-nirdiṣṭasya ya ucyate ādeśaḥ, so 'ntyasya alaḥ sthāne veditavyaḥ /
id goṇyāḥ (*1,2.50) - pañca-goṇiḥ /
daśa-goṇiḥ //


[#22]

ṅic ca (*1,1.53) /
ṅit ca ya ādeśaḥ so 'neka-al api alo 'ntyasya sthāne bhavati /
ānaṅ r̥to dvanve (*6,3.25) - hotā-potārau /
mātā-pitarau /
tātaṅi ṅit-karaṇasya guṇa-vr̥ddhi-pratiṣedha-arthatvāt sarva-ādeśaḥ tātaṅ bhavati /
jīvatād bhavān /
jīvatāt tvam //
ādeḥ parasya (*1,1.54) /
parasya kāryaṃ śiṣyamāṇam āder alaḥ pratyetavyam /
kva ca parasya kāryam śiṣyate ? yatra pañcamī-nirdeśaḥ /
tad yathā-īdāsaḥ (*7,2.83) - āsīno yajate /
dvy-antar-upasargebho 'pa īt (*6,3.97) - dvīpam /
antarīpam /
pratīpam /
samīpam //
aneka-al śit sarvasya (*1,1.55) /
aneka-al ya ādeśaḥ śit ca, sa sarvasya ṣaṣṭhī-nirdiṣṭasya sthāne bhavati /
aster bhūḥ (*2,4.52)-bhavitā /
bhavitum /
bhavitavyam /
śit khalv api - jaś-śasoḥ śiḥ (*7,1.20) -kuṇḍāni tiṣṭhanti /
kuṇḍāni pasya //
sthānivad-ādeśo 'n-al-vidhau (*1,1.56) /
sthāny-ādeśayoḥ pr̥thaktvāt sthāny-āśrayaṃ kāryam ādeśe na prāpnoti ity ayam-atideśa ārabhyate /
sthāninā tulyaṃ vartate iti sthānivat /
sthānivad-ādeśo bhavati sthāny-āśrayeṣu kāryeṣv anal-āśrayeṣu, sthāny-alāśrayāṇi kāryāṇi varjayitvā /
na alvidhir analvidhiḥ ity arthaḥ /
kim udāharaṇam ? dhātv-aṅga-kr̥t-taddhita-avyaya-sup-tiṅ-padā-adeśāḥ /
dhātv-ādeśo dhātuvad bhavati /
aster bhūḥ (*2,4.52) /
bruvo vaciḥ (*2,4.53) /
ārdhadhātuka-viśaye prāg eva-ādeśeṣu kr̥teṣu dhātoḥ (*3,1.91) iti tavya-ādayo bhavanti /
bhavitā /
bhavitum /
bhavitavyam /
vaktā /
vaktum /
vaktavyam /
aṅga-ādeśo 'ṅgavad bhavati - kena /
kābhyām /
kaiḥ /
kimaḥ kaḥ (*7,2.103) iti ka-ādeśe kr̥te 'ṅga-āśrayā ina-dīrghatva-aisbhāvāḥ bhavanti /
kr̥d-ādeśaḥ kr̥dvad bhavati - prakr̥tya /
prahr̥tya /
ktvo lyab-ādeśe kr̥te hrasvasya piti kr̥ti tuk (*6,1.71) iti tug bhavati /
[#23]

taddhita-ādeśaḥ taddhitavad bhavati - dādhikam /
adyatanam /
kr̥t-taddhita-samāsāś ca (*1,2.46) iti prātipadika-sañjñā bhavati /
avyaya-ādeśo 'vyayavad bhavati - prastutya /
prahr̥tya /
upahr̥tya /
upastutya /
avyayādāpsupaḥ (*2,4.82) iti sublug bhavati /
subādeśaḥ subvad bhavati - vr̥kṣāya /
plakṣāya /
supi ca (*7,3.102) iti dīrghatvaṃ bhavati /
tiṅ-ādeśaḥ tiṅvad bhavati--akurutām /
akurutam /
sup-tiṅ-anataṃ padam (*1,4.14) iti pada-sañjñā bhavati /
pada-ādeśaḥ padavad bhavati -- grāmo vaḥ svaṃ /
jana-pado naḥ svam /
padasya (*8,1.16) iti rutvaṃ bhavati /
vat-karanaṃ kim ? sthānī ādeśasya sañjñā mā vijñāyi iti /
sva-āśrayam api yathā syāt /
āṅo yama-hanaḥ (*1,3.28) - āhata, āvadhiṣṭa iti ātmanepadam ubhayatra api bhavati /
ādeśa-grahaṇaṃ kim ? ānumānikasya apy ādeśasya sthānivadbhāvo yathā syāt /
pacatu - eruḥ (*3,4.86) /
anal-vidhau iti kim ? dyupathitad-ādeśā na sthānivad bhavanti /
dyauḥ, panthāḥ, saḥ iti /
hal-ṅy-ābbho dīrghāt su-ti-sy-apr̥ktaṃ hal (*6,1.68) iti su-lopo na bhavati //
acaḥ parasmin pūrva-vidhau (*1,1.57) /
pūrvaṇān al-vidhau sthānivad-bhāva uktaḥ /
al-vidhy-artham-idam-ārabhyate /
ādeśaḥ sthānivat iti vartate /
acaḥ iti sthāni-nirdeśaḥ /
parasmin iti nimitta-saptamī /
pūrva-vidhau iti viṣaya-saptamī /
aj-ādeśaḥ paranimittakaḥ pūrvavidau kartavye sthānivad bhavati /
paṭayati /
avadhīt /
bahukhaṭvakaḥ /
paṭumācaṣṭe iti ṇiciṭi-lope kr̥te tasya sthānivad-bhāvāt ata upadhāyāḥ (*7,2.116) iti vr̥ddhir na bhavati /
avadhīt -- ato lopasya sthānivad-bhāvad ato hal-āder laghoḥ (*7,2.7) iti halanta-lakṣaṇā vr̥ddhir na bhavati /
bahukhaṭvakaḥ iti āpo 'nyatarasyām (*7,4.15) iti hrasvasya sthānivad-bhāvād hrasvānte 'ntyāt pūrvam (*6,2.174) iti svaro na bhavati /
acaḥ iti kim ? praśnaḥ /
ākrāṣṭām /
āgatya /
praśnaḥ iti praccheḥ naṅpratyaye c-cḥ-v-oḥ śūḍ-anunāsike ca (*6,4.19) iti cha-kārasya śa-kāraḥ paranimittakas tuki kartavye na sthānivad bhavati /
ākrāṣṭām iti jhalo jhali (*8,2.26) iti sico lopaḥ paranimittakaḥ kr̥ṣeḥ ṣa-kārasya ṣaḍhoḥ kaḥ si (*8,2.41) iti ka-kāre kartavye na sthānivad bhavati /
āgatya iti vā lyapi (*6,4.38) ity anunāsika-lopaḥ paranimittakaḥ tuki kartavye na sthānivad bhavati /
parasmin iti kim ? yuvajāniḥ vadhūṭījāniḥ /
vaiyāghrapadyaḥ /
ādīdhye /
yuvajāniḥ iti jāyāyāḥ niṅ (*5,4.134) na paranimittakaḥ, tena ya-lope na sthānivad bhavati /
vaiyāghrapadyaḥ iti na paranimittakaḥ pādasya antalopaḥ padbhāvaṃ na pratibadhnāti /
ādīdhye iti dīdhīṅa uttamapuruṣa-ikavacane ṭeretvasya-aparanimittakatvād yi-i-varṇayor dīdhī-vevyoḥ (*7,4.53) iti lopo na bhavati /

[#24]

pūrva-vidhau iti kim ? he gauḥ /
bābhravīyāḥ /
naidheyaḥ /
he gauḥ iti vr̥ddhir aj-ādeśaḥ sambuddhi-lope kartavye na sthānivad bhavati /
bābhravīyāḥ iti bābravyasya amī cchātrāḥ iti vr̥ddhāc chaḥ (*4,2.114) iti chaḥ /
halas taddhitasya (*6,4.150) iti ya-kāral-ope kartavye av-ādeśo na sthānivad bhavati /
naidheyaḥ -- āto lopa iṭi ca (*6,4.64) ity ā-kāra-lopaḥ, itaś ca aniñaḥ (*4,1.122) iti dvy-aj-lakṣaṇe pratyaya-vidhau na sthānivad bhavati //
na padānta-dvirvacana-vare-ya-lopa-svara-savarṇa. anusvāra-dīrgha-jaś-car-vidhiṣu (*1,1.58) /
pūrveṇa atiprasaktaḥ sthānivad-bhāva eteṣu vidhiṣu pratiṣidhyate /
padānta-vidhiṃ praty-aj-ādeśo na sthānivad bhavati /
kau staḥ /
yau staḥ /
tāni santi /
yani santi /
śna-sor al-lopaḥ kṅiti sārvadhātuke iti paranimittakaḥ, sa pūrva-vidhāv āv-ādeśe yaṇ-ādeśe ca kartavye sthānivat syāt, asmād vacanān na bhavati /
dvirvacana-vidhiḥ -- dvirvacana-vidhiṃ prati na sthānivad bhavati /
daddhyatra /
maddhvatra /
yaṇ-ādeśaḥ paranimittakaḥ, tasya sthānivad-bhāvāt anaci ca (*8,4.47) iti dha-kārasya dvirvacanaṃ na syād asmād vacanād bhavati /
varevidhiḥ -- vare yo 'j-ādeśaḥ sa pūrva-vidhiṃ prati na sthānivad bhavati /
apsu yāyāvaraḥ pravapeta piṇḍān /
yāteḥ yaṅ-antāt yaś ca yaṅaḥ (*3,2.176) iti varaci kr̥te ato lopaḥ (*6,4.48) para-nimittakaḥ, tasya sthānivattvād ato lopa iṭi ca (*6,4.64) ity ā-kāra-lopaḥ syād, asmād vacanān na bhavati /
ya-lopa-vidhiḥ -- ya-lopa-vidhiṃ pratyaj-ādeśo na sthānivad bhavati /
kaṇḍūtiḥ /
kaṇḍūyateḥ ktini kr̥te, ato lopaḥ paranimittakaḥ, lopo v-yor vali (*6,1.66) iti yalope sthānivat syād asmād vacanān na bhavati /
svara-vidhiḥ -- svara-vidhiṃ prati aj-ādeśo na sthānivad bhavati /
cikīrṣakaḥ /
jihīrṣakaḥ ṇvuli kr̥te ato lopaḥ paranimittakaḥ, liti (*6,1.193) pratyayāt pūrvam udāttam, iti svare kartavye na sthānivad bhavati iti /
savarṇa-vidhiḥ -- savarṇa-vidhiṃ prati ajādeśo na sthānivad bhavati /
śiṇḍhi /
piṇḍhi /
śiṣeḥ piṣeśca loṇ-madhyama-puruṣa-ikavacane rudḥ-ādibhyaḥ śnam (*3,1.78) /
hitvadhitvaṣṭutvajaśtveṣu kr̥teṣu, śnasor al-lopaḥ kṅiti sārvadhātuke paranimittakaḥ, anusvārasya yayi parasavarṇe kartavye na sthānivad bhavati /

[#25]

anusvāra-vidhiḥ -- anusvāra-vidhiṃ prati aj-ādeśo na sthānivad bhavati /
śiṃṣanti /
piṃṣanti /
naś ca apadāntasya jhali (*8,3.24) iti anusvāre kartavye śnasorallopaḥ na sthānivad bhavati /
dīrgha-vidhiḥ -- dīrgha-vidhiṃ prati ajādeśo na sthānivad bhavati /
pratidīvnā /
pratidīvne /
pratidivan ity etasya bhasya (*6,4.129) ity adhikr̥tya tr̥tīya-ikavacane caturthy-ekavacane ca allopo 'naḥ (*6,4.134) ity a-kāra-lopaḥ paranimittakaḥ, tasya sthānivadb-hāvād hali ca (*8,2.77) iti dīrghatvaṃ na syāt, na hy ayaṃ va-kāro hal-paraḥ iti, asmād vacanād bhavati /
jaś-vidhiḥ -- jaś-vidhiṃ praty-aj-ādeśo na sthānivad bhavati /
sagdhiś ca me sapītiś ca me /
babdhāṃ te harī dhānāḥ /
adeḥ ktini bahulaṃ chandasi (*2,4.39) iti ghas-la-ādeśaḥ /
ghasi-bhasor hali ca (*6,4.100) ity upadhal-opaḥ /
jhalo jahli (*8,2.26) iti sa-kāra-lopaḥ /
jhaṣas ta-thor dho 'dhaḥ (*8,2.40) iti dhatvam /
upadhā-lopasya sthānivattavāt jhalāṃ jas jhasi (*8,4.53) iti gha-kārasya jaśtvaṃ na syāt, asmād vacanād bhavati /
samanā gdhiḥ /
samānasya sabhāvaḥ /
sagdhiḥ /
babdhām iti bhaser-loḍ-dvivacane śapaḥ sluḥ, dvirvacanam, abhyāsa-kāryam, ghasi-bhasor hali ca (*6,4.100) iti upadhā-lopaḥ, jhalo jhali (*8,2.26) it sa-kāra-lopaḥ, jhaṣas ta-thor dho 'dhaḥ (*8,2.40) iti dhatvam /
upadha-lopasya sthānivattvāt jhalām jaś jhaśi (*8,4.53) iti jaśtvaṃ na syāt, asmād vacanād bhavati /
carvidhiḥ -- carvidhiṃ prati aj-ādeśo na sthānivad bhavati /
jakṣatuḥ /
jakṣuḥ /
akṣan pitaro 'mīmadanta pitaraḥ /
liḍ-dvivacana-bahuvacanayor ader ghas-la-ādeśaḥ /
gama-hana-jana-khana-ghasāṃ lopaḥ k-ṅity anaṅi (*6,4.98) iti upadhā-lopaḥ, dvirvacanam, abhyāsa-kāryam /
tatra upadhā-lopasya sthānivattvāt khari ca (*8,4.55) iti gha-kārasya cartvaṃ na syād, asmād vacanād bhavati /
śāsi-vasi-ghasīnāṃ ca (*8,3.60) iti śatvam /
akṣan iti adeḥ luṅ bahuvacane ghas-la-ādeśaḥ, clerāgatasya mantre ghasa-hvara (*2,4.80) iti luk /
gama-hana-jana-khana-ghasāṃ lopaḥ k-ṅity anaṅi (*6,4.98) ity upadhā-lopaḥ, tasya sthānivattvāt khari ca (*8,4.55) iti cartvaṃ na syāt, asmād vacanād bhavati /
svara-dīrghaya-lopeśu lopa-aj-ādeśo na sthānivad bhavati /
anyatra sthānivad eva /
tena bahukhaṭvakah, kiryoḥ, giryoḥ, vāyvoḥ iti sthānivattvāt svara-dīrghaya-lopā na bhavanti //


[#26]

dvirvacane 'ci (*1,1.59) /
dvirvacana-nimitte 'ci aj-ādeśaḥ sthānivad bhavati , dvirvacana eva kartavye /
rūpa-atideśaś ca ayaṃ niyata-kālaḥ /
tena kr̥te dvirvacane punar ādeśa rūpam eva avatiṣṭhate /
āl-lopa-upadhālopa-ṇilopayaṇ-ay-av-āy-āv-ādeśāḥ prayojanam /
āl-lopaḥ--papatuḥ /
papuḥ /
āto lopa iṭi ca (*6,4.64) iti ā-kāra-lope kr̥te tasya sthānivad-bhāvāt eka-aco dve prathamasya (*6,1.1) iti dvirvacanaṃ bhavati /
upadhā-lopaḥ--jaghnatuḥ /
jaghnuḥ /
gama-hana-jana-khana-ghasāṃ lopaḥ k-ṅity anaṅi (*6,4.98) ity aupadhā-lope kr̥te anackatvād dvirvacanaṃ na syāt, asmād vacanād bhavati /
ṇi-lopaḥ -- āṭ-iṭat /
aṭateḥ ṇici luṅi caṅi ṇilope kr̥te tasya sthānivattvād aj-āder dvitīyasya (*6,1.2) iti ṭi-śabdasya dvirvacanam bhavati /
yaṇ -- cakratuḥ /
cakruḥ /
karoteḥ atusi usi ca yaṇ-ādeśe kr̥te anackatvād dvirvacanaṃ na syāt, sthānivattvād bhavati /
ayavāyāvādeśāḥ -- ninaya, nināya /
lulava, lulāva /
nayateḥ lunāteś ca uttame ṇali guṇe kr̥te vr̥ddhau ca ay-av-āy-āv-ādeśāḥ, teṣāṃ sthānivattvān ne nai lo lau iti dvirvacanaṃ bhavati /
dvirvacane kar̥tavya iti kim ? jagle, mamle /
śravaṇam ā-kārasya na bhavati /
dvirvacana-nimitte iti kim ? dudyūṣati /
ūṭhi yaṇ-ādeśo na sthānivad bhavati /
aci iti kim ? jeghrīyate, dedhmīyate /
ī ghrā-dhmoḥ (*7,4.31) yaṅi ca (*7,4.30) iti ī-kāra-ādeśaḥ, tasya sthānivadbhāvād ā-kārasya dvirvacanaṃ syāt, aj-grahaṇān na bhavati //
adarśanaṃ lopaḥ (*1,1.60) /
adarśanam, aśravaṇam, anuccāranam, anupalabdhiḥ, abhāvo, varṇavināśaḥ ity anartha-antaram /
etaiḥ śabdairyo 'rtho 'bhidhīyate, tasya lopaḥ iti iyaṃ sañjñā bhavati /
arthasya-iyaṃ sañjñā, na śabdasya /
prasaktasya adarśanaṃ lopa-sañjñaṃ bhavati /
godhāyā ḍhrak (*4,1.129)-gaudheraḥ /
paceran /
jīve radānuk jīradānuḥ /
strivermanin āsremāṇam /
ya-kāra-vakārayor adarśanam iha udāharaṇam /
aparasya anubandhādeḥ prasaktasya /
lopa-pradeśāḥ-lopo vyor vali (*6,1.66) ity evam ādayaḥ //


[#27]

pratyayasya luk-ślu-lupaḥ (*1,1.61) /
adarśanam iti vartate /
pratyaya. adarśanasya luk, ślu, lup ity etāḥ sañjñā bhavanti /
aneka-sañjñā-vidhanāc-ca tad-bhāvita-grahaṇam iha vijñāyate /
luk-sañjñā-bhāvitaṃ pratyaya-adarśanaṃ luk-sañjñam bhavati, ślu-sañjñā-bhāvitaṃ ślu-sañjñaṃ bhavati, lup-sañjñā bhāvitaṃ lup-sañjñaṃ bhavati /
tena sañjñānāṃ saṅkaro na bhavati /
vidhi-pradeśeṣu ca bhāvinī sañjñā vijñāyate /
atti /
juhoti /
varaṇāḥ /
pratyaya-grahaṇam kim ? agastayaḥ /
kuṇḍināḥ /
luk-ślu-lup-pradeśāḥ - luk-taddhita-luki (*1,2.49), juhoty-ādibhyaḥ śluḥ (*2,4.75), janapade lup (*4,2.71) ity evam ādayaḥ //
pratyaya-lope pratyaya-lakṣaṇam (*1,1.62) /
pratyaya-nimittaṃ kāryam asaty api pratyaye kathaṃ nu nāma syāt it sūtram idam ārabhyate /
pratyaya-lope kr̥te pratyaya-lakṣaṇaṃ pratyaya-hetukaṃ karyaṃ bhavati /
agnicit, somasut, adhok, ity atra sup-tiṅoḥ luptayoḥ sup-tiṅ-antaṃ padam (*1,4.14) iti pada-sañjñā bhavati /
adhok iti duheḥ laṅi tipi śabluki tilope ghatva-bhaṣbhāva-jaśtva-cartveṣu kr̥teṣu rūpam /
pratyaya iti vartamāne punaḥ pratyaya-grahaṇaṃ kim ? kr̥tsna-pratyaya-lope yathā syāt /
iha mā bhūt -- āghnīya /
saṅgmīya /
hanigamyor liṅ-ātmanepade liṅaḥ sa-lopo 'nantyasya (*7,2.79) iti sīyuṭ-sa-kāra-lopaḥ pratyaya-ikadeśa-lopaḥ, tatra pratyaya-lakṣaṇena jhali ity anunāsikalopo na bhavati (*6,4.37) /
pratyaya-lakṣaṇam iti kim ? rāyaḥ kulaṃ raikulam /
gave hitam gohitam /
āyav-ādeśau na bhavataḥ varṇa-āśrayatvāt //
na lumatā 'ṅgasya (*1,1.63) /
pūrveṇa atiprasaktaṃ pratyaya-lakṣaṇam iti viśeṣe pratiṣedhaḥ ucyate /
lumatā śabdena lupte pratyaye yad-aṅgaṃ, tasya pratyaya-lakṣaṇaṃ kāryaṃ na bhavati /
gargāḥ /
mr̥ṣṭaḥ /
juhutaḥ /
yañ-śapor lumatā luptayor aṅgasya vr̥ddhi-guṇau na bhavataḥ /
lumatā iti kim ? kāryate /
hāryate /
aṅgasya iti kim ? pañca /
sapta payaḥ /
sāma //
aco 'ntya-ādi ṭi (*1,1.64) /
acaḥ iti nirdhāraṇe ṣaṣṭhī /
jātāv-ekavacanam /
acāṃ sanniviṣṭāmāṃ, yo 'ntyo 'c tad-ādi śabda-rūpaṃ ṭi-sañjñaṃ bhavati /
agnicit-icchabdaḥ /
somasut-uc-chabdaḥ /
ātām, āthām-ām-śabdaḥ /
pacete, pacethe /
ṭi-pradeśāḥ--ṭita ātmanepadānaṃ ṭere (*3,4.79) ity evam ādayaḥ //


[#28]

alo 'ntyāt pūrva upadhā (*1,1.65) /
dhātv-ādau varṇa-samudāye 'ntyād alaḥ pūrvo yo varṇaḥ so 'l eva upadhā-sañjñao bhavati /
pac, paṭh--a-karaḥ /
bhid, chid--i-kāraḥ /
budh, yudh--ukāraḥ /
vr̥t, vr̥dh--r̥kāraḥ /
alaḥ iti kim ? śiṣṭaḥ, śiṣṭavān /
samudāyāt pūrvasya mā bhūt /
upadhā-pradeśāḥ--ata upadhāyāḥ (*7,2.115) ity evam ādayaḥ //
tasminn iti nirdiṣṭe pūrvasya (*1,1.66) /
tasmin iti saptamy-artha-nirdeśe pūrvasya-iva kāryaṃ bhavati, na-uttarasya /
iko yaṇ-aci (*6,1.77)--dadhyudakam /
madhvidam /
pacatyodanam /
nirdiṣṭa-grahaṇam ānantarya-artham /
agnicidatra iti vyavahitasya mā bhūt //
tasmād ity uttarasya (*1,1.67) /
nirdiṣṭa-grahanam anuvartate /
tasmāt iti pañcamy-artha-nirdeśa uttarasya-iva kāryaṃ bhavati, na pūrvasya /
tiṅṅ-atiṅaḥ (*8,1.28) -- odanaṃ pacati /
iha na bhavati -- pacaty odanam iti //
svaṃ rūpaṃ śabdasya aśabda-sañjñā (*1,1.68) /
śāstre svam eva rūpaṃ śabdasya grāhyaṃ bodhyaṃ pratyāyyaṃ bhavati, na bāhyo 'rthaḥ, śabda-sañjñāṃ varjayitvā /
śabdena artha-avagater arthe kāryasya asambhavāt tad-vācinām śabdānām sampratyayo mā bhūt iti sūtram idam ārabhyate /
agner ḍhak (*4,2.33) -- āgneyam aṣṭā-kapālaṃ nirvapet /
agni-śabdo 'gni-śabdasya-iva grāhako bhavati, na jvalanaḥ, pāvakaḥ, dhūma-ketuḥ iti /
na ataḥ pratyayo bhavati /
udaśvito 'nyatarasyām (*4,2.19)--audaśvitkam /
audaśvitam /
takram, ariṣṭaṃ, kālaśeyaṃ, daṇḍāhataṃ, mathitam, iti na ataḥ pratyayo bhavati /
aśabda-sañjñā iti kim ? dā-dhā ghv-adāp (*1,1.20) tarap-tamapau ghaḥ (*1,1.23), ghu-grahaṇeṣu gha-grahaneṣu ca sañjñināṃ grahanam, na sañjñāyāḥ /
sit-tad-viśeṣāṇāṃ vr̥kṣādy-artham /
sin-nirdeśaḥ kartavyaḥ /
tato vaktavyam tad-viśeṣāṇāṃ grahaṇaṃ bhavati iti /
kiṃ prayojanam ? vr̥kṣādy-artham /
vibhāṣā vr̥kṣa-mr̥ga-tr̥ṇa-dhānya-vyañjana-paśu. śakuny-aśva-vaḍava-pūrvāpara-adharottarāṇām (*2,4.12) iti -- plakṣanyagrodham, plakṣanyagrodhāḥ /

[#29]

pit-paryāya-vacanasya ca sva-ādy-artham /
pin-nirdeśaḥ kartavyaḥ /
tato vaktavyam paryāya-vacanasya grahaṇaṃ bhavati, ca-kārāt svasya rūpasya tad-viśeṣāṇāṃ ca iti /
kiṃ prayojanam ? sva-ādy-artham /
sve puśaḥ (*3,4.40) /
svapoṣaṃ puṣṭaḥ /
raipośam /
dhanapośam /
aśvapoṣam /
gopośam /
jitparyāya-vacanasya-iva rāja-ādy-artham /
jin-nirdeśaḥ kartavyaḥ /
tato vaktavyam paryāya-vacanasya-iva grahanaṃ bhavati iti, na svarūpasya, na api tad-viśeṣāṇām /
kiṃ prayojanam ? rāja-ādy-artham /
sabhā rājā+amanuṣya-pūrvā (*2,4.23) -- inasabham /
īśvarasabham /
tasya-iva na bhavati--rāja-sabhā /
tad-viśeṣāṇāṃ ca na bhavati -- puṣyamitra-sabhā /
candragupta-sabhā /
jhaittad-viśeṣāṇāṃ ca matsya-ādy-artham /
jhin-nirdeśaḥ kartavyaḥ /
tato vaktavyam tasya ca grahaṇaṃ bhavati tad-viśaṣāṇāṃ ca iti /
kiṃ prayojanam ? matsya-ādy-artham /
pakṣi-matsya-mr̥gān hanti (*4,4.35) iti ṭhak--pākṣikaḥ /
mātsiyakaḥ /
tad-viśeṣāṇām -- śākunikaḥ /
paryāyāṇāṃ na bhavati--ajihmān hanti, animiṣān hanti iti /
atha-ikasya-iśyate, mīnān, hanti iti mainikaḥ //
aṇudit savarṇasya ca-apratyayaḥ (*1,1.69) /
pareṇa ṇa-kāreṇa pratyāhāra-grahaṇam /
aṇ gr̥hyamāṇa udic ca savarṇānāṃ grāhako bhavati, svasya ca rūpasya, pratyayaṃ varjayitvā /
ād guṇaḥ (*6,1.87), asya cvau (*7,4.32), yasya-īti ca (*6,4.148) /
svara-anunāsikya-kāla-bhinnasya grahanaṃ bhavati /
udit khalv api /
cu-ṭū (*1,3.7), laśakva-taddhite (*1,3.8) /
ca-varga-ṭa-vargayoḥ ka-vargasya ca grahanam bhavati /
apratyayaḥ iti kim ? san-āśaṃsa-bhikṣa uḥ (*3,2.168), a sāmpratike (*4,3.9), dīrgho na bhavati //
ta-paras tat-kālasya (*1,1.70) /
taḥ paro yasmāt so 'yaṃ taparaḥ, tād api paraḥ taparaḥ /
tapro varṇas tat-kālasya, ātmanā tulya-kālasya guṇa-antara-yuktasya savarṇasya grāhako bhavati, svasya ca rūpasya /
vidḥ-yartham idam /
aṇ iti na anuvartate /
aṇāmanyeṣāṃ ca taparāṇām idam eva grahaṇaka-śāstram /

[#30]

ato bhisa ais (*7,1.9) ity evam ādiṣu pūrva-grahaṇaka-śāstraṃ na pravartata eva /
ataparā aṇastasya avakāśaḥ /
kim udāharaṇam ? ato bhisa ais (*7,1.9)-- vr̥kṣaiḥ /
plakṣaiḥ /
viḍ-vanor anunāsikasya āt (*6,4.41)-- abjāh, gojāḥ /
tatkālasya iti kim ? khaṭvābhiḥ /
mālābhiḥ //
ādir antyena saha-itā (*1,1.71) /
ādir antyena it-sañjñakena saha gr̥hyamāṇas tan-madyapatitānāṃ varṇānāṃ grāhako bhavati, svasya ca rūpasya /
aṇ /
ak /
ac /
hal /
sup /
tiṅ /
antyena iti kim ? suṭ iti tr̥tīya-ikavacanena ṭā ity anena grahaṇaṃ mā bhūt //
yena vidhis tad-antasya (*1,1.72) /
yena viśeṣaṇena vidhir-vidhīyate sa tad-antasya ātmān tasya samudāyasay grāhako bhavati , svasya ca rūpasya /
erac (*3,3.56), i-varṇa-antād ac-pratyayo bhavati--cayaḥ /
jayaḥ /
ayaḥ /
or āvaśyake (*3,1.125), u-varṇa-antād ṇyad bhavati-- avaśyalāvyam /
avaśyapāvyam /
samāsa-pratyaya-vidhau tad-anta-vidheḥ pratiṣedho vaktavyaḥ /
dvitīya-antaṃ śritādibhiḥ saha samasyate (*2,1.24) -- kaṣṭaśritaḥ /
iha mā bhūt -- kaṣṭaṃ paramaśrita iti /
pratyaya-vidhau -- naḍa-ādibhyaḥ phak (*4,1.99), naḍasya apatyaṃ nāḍāyanaḥ /
iha mā bhūt-- sūtra-naḍasya apatyaṃ sautranāḍiḥ /
kim aviśeṣeṇa ? na ity āha /
ugid-varṇa-grahaṇa-varjam iti vācyam /
ugitaś ca (*4,1.6) iti ṅīp-pratyayaḥ tad-antād api bhavati -- bhavatī, atibhavatī /
varṇagrahanam--ata iñ (*4,1.95), dākṣiḥ /
plākṣiḥ /
yasmin vidhis tad-ādāv algrahaṇe /
al-grahaṇeṣu yasmin vidhistad ādau iti vaktavyam /
aci śnu-dhātu-bhruvāṃ yvor iyaṅ-uvaṅau (*6,4.77) iti-- śriyaḥ /
bhruvaḥ //


[#31]

vr̥ddhir yasya acām ādis tad vr̥ddham (*1,1.73) /
yasya iti samudāya ucyate /
acāṃ madye yasya vr̥ddhi-sañjñaka ādi-bhūtaḥ, tac-chabda-rūpaṃ vr̥ddha-sajñjaṃ bhavati /
acām iti jātau bahuvacanam /
śālīyaḥ /
mālīyaḥ /
aupagavīyaḥ /
kāpaṭavīyaḥ /
ādiḥ iti kim ? sabhāsannayate bhavaḥ sābhāsannayanaḥ /
vā nāmadheyasya vr̥ddha-sañjñā vaktavyā /
devadattīyāḥ /
daivadattāḥ /
gotrāntād asamastavat-pratytyo bhavatīti vaktavyam /
ghr̥ta-pradhano rauḍhiḥ ghr̥tarauḍhiḥ /
tasya chātrā ghr̥tarauḍhīyāḥ /
odana-pradhānaḥ pāṇiniḥ odana-pāṇiniḥ /
tasya chātrā odana-pāṇinīyāḥ /
vr̥ddhāmbhīyāḥ /
vr̥ddhakāśyapīyāḥ /
jihvākātya-haritakāya-varjam /
jaihvākātāḥ /
hāritakātāḥ //
tyad-ādīni ca (*1,1.74) /
yasya acām ādi-grahaṇam uttara-artham anuvartate /
iha tu na sambadhyate /
tyad-ādīni śabda-rūpāṇi vr̥ddha-sañjñāni bhavanti /
tyadīyam /
tadīyam /
etadīyam /
idamīyam /
adasīyam /
tvadīyam /
tvādāyaniḥ /
madīyam /
mādāyaniḥ /
bhavatīyam /
kimīyam //
eṅ prācām deśe (*1,1.75) /
yasya acām ādi-grahaṇam anuvartate /
eṅ yasya acām ādiḥ tat prācāṃ deśābhidhāne vr̥ddha-saṃjñaṃ bhavati /
eṇīpacanīyaḥ /
bhojakaṭīyaḥ /
gonardīyaḥ /
eṅ iti kim ? āhicchatraḥ /
kānya-kubjaḥ /
prācām iti kim ? devadatto nāma bāhīkeṣu grāmah, tatra bhavaḥ daivadattaḥ /
deśe iti kim ? gomatyāṃ bhavā matsyāḥ gaumatāḥ //
prāg udañcau vibhajate haṃsaḥ kṣīrodake yathā /
viduṣāṃ śabda-siddhy-arthaṃ sā naḥ pātu śarāvatī //
iti śrījayādityaviracitāyāṃ kāśikāyām vr̥ttau prathamādhyāyasay prathamaḥ pādaḥ //


____________________________________________________________________


[#32]

gāṅ-kuṭādibhyo 'ñṇinṅit || PS_1,2.1 ||


_____START JKv_1,2.1:

atideśo 'yam /
gāṅ iti iṅ-ādeśo rhyate, na gāṅ gatau iti, ṅa-kārasya ananya-arthatvāt /
kuṭādayo 'pi kuṭa kauṭilye ityeta dārabhya yāvat kuṅ śabde iti /
egyo gāṅ-kuṭādibhyaḥ pare añṇitaḥ pratyayā ṅito bhavanti ṅidvad bhavanti ity arthaḥ /
gāṅaḥ -- adhyagīṣṭa /
adhyagīṣātām /
adhyagīṣata /
kuṭādibhyaḥ--kuṭitā /
kuṭitum /
kuṭitavyam /
utpuṭitā utpuṭitum /
utpuṭitavyam /
añṇit iti kim ? utkoṭayati /
uccukoṭa /
utkoṭakaḥ /
utkoṭo vatate /
vyaceḥ kuṭāditvamanasīti vaktavyam /
vicitā /
vicitum /
vicitavyam /
anasi iti kim ? uruvyacāḥ //


____________________________________________________________________


vija iṭ || PS_1,2.2 ||


_____START JKv_1,2.2:

ovijī bhaya-calanayoḥ, asmāt paraḥ iḍ-ādiḥ pratyayo ṅidvad bhavati /
udvijitā /
udvijitum /
udvijitavyam /
iṭ iti kim ? udvejanam /
udvejanīyam //


____________________________________________________________________


vibhāṣā-ūrṇoḥ || PS_1,2.3 ||


_____START JKv_1,2.3:

iṭ iti vartate /
ūr-ṇuñ ācchādane, asmāt paraḥ iḍādiḥ pratyayo vibhāṣā ṅidvad bhavati /
prorṇuvitā /
prorṇavitā /
iṭ ityeva prorṇavanam /
prorṇavatīyam //


____________________________________________________________________


sārvadhātukam apit || PS_1,2.4 ||


_____START JKv_1,2.4:

sārvadhātukaṃ yad apit tan ṅidvad bhavati /
kurutaḥ /
kurvanti /
cinutaḥ /
cinvanti /
sārvadhatukam iti kim ? kartā /
kartum /
kartavyam /
apit iti kim ? karoti /
karoṣi /
karomi /


____________________________________________________________________


asaṃyogāl liṭ kit || PS_1,2.5 ||


_____START JKv_1,2.5:

apit iti vartate /
asaṃyogāntād dhātoḥ paro liṭ pratyayaḥ apit kid bhavati /
bidhidatuḥ /
bibhiduḥ /
cicchidatuḥ /
cicchiduḥ /
ījatuḥ /
ījuḥ /
asaṃyogāt iti kim ? saṃsrase /
dadhvaṃse /
apit ityeva /
bibheda //


____________________________________________________________________


[#33]

indhi-bhavatibhyāṃ ca || PS_1,2.6 ||


_____START JKv_1,2.6:

indhi bhavati ity etābhyāṃ paro liṭ pratyayaḥ kiḍ bhavati /
samīdhe dasyu hantamam /
putra īdhe atharvaṇaḥ /
bhavateḥ khalv api -- babhūva /
babhūvitha /
indheḥ saṃyogarthaṃ grahaṇam /
bhavateḥ pidartham /
atra-iṣṭiḥ -- śranthigranthidambhisvañjīnāmiti vaktavyam /
śrethatuḥ, śrethuḥ /
grethatuḥ, grethuḥ /
debhatuḥ, debhuḥ /
pariṣasvaje, pariṣasvajāte //


____________________________________________________________________

mr̥ḍ-amr̥da-gudha-kuṣa-kliśa-vada-vasaḥ ktvā || PS_1,2.7 ||


_____START JKv_1,2.7:

mr̥ḍa mr̥da gudha kuṣa kliśa vada vasa ity etebhyaḥ paraḥ ktvā-pratyayaḥ kid bhavati /
na ktvā seṭ (*1,2.18) iti pratiṣedhaṃ vakṣyati tasyāyaṃ purastādapakarṣaḥ /
gudha-kuṣa-kliśīnāṃ tu ralo v-y-upadhād-dhal-ādeḥ saṃś ca (*1,2.26) iti vikalpe prāpte nitya-arthaṃ vacanam /
mr̥ḍitvā /
mr̥ditvā /
gudhitvā /
kuṣitvā /
kliśitvā /
uditvā /
uṣitvā //


____________________________________________________________________


ruda-vida-muṣa-grahi-svapi-pracchaḥ saṃś ca || PS_1,2.8 ||


_____START JKv_1,2.8:

ruda vida muṣa grahi svapi praccha ity etebhyaḥ saṃśca ktvā ca kitau bhavataḥ /
ruda-vida-muṣīṇāṃ ralo vyupadhād-dhal-ādeḥ saṃśca (*1,2.23) iti vikalpe prāpte nitya-arthaṃ grahaṇam /
graher vidhy-artham eva /
svapi-pracchyoḥ sann-arthaṃ grahaṇam /
kideva hi itvā /
ruditvā, rurudiṣati /
viditvā, vividiśati /
muṣitvā, mumuṣiṣati /
gr̥hītva, jighr̥kṣati /
suptvā, suṣupsati /
pr̥ṣṭvā, pipr̥cchiṣati /
graha-ādīnāṃ kittvāt samprasāraṇaṃ bhavati /
kiraś ca pañcabhyaḥ (*7,2.75) iti praccher iḍ-āgamaḥ //


____________________________________________________________________


iko jhal || PS_1,2.9 ||


_____START JKv_1,2.9:

san ity anuvartate /
ktvā iti nivr̥tam /
igantād dhātoḥ paro jhal-ādiḥ san kid bhavati /
cicīṣati /
tuṣṭūṣati /
cikīrṣati /
ikaḥ iti kim ? pipāsati /
tiṣṭhāsati /
jhal iti kim ? śiśayiṣate /
kim artham idam ucyate ? guṇo mā bhūt iti /
aj-jhana-gamāṃ sani (*6,4.16) iti dīrghatvaṃ guṇasya bādhakaṃ bhaviṣyati ? yatha-iva tarhi dīrghatvaṃ guṇaṃ bādhate tathā ṇilopamapi badheta /
tasmād dīrghatvasya avakāśa-dānāya kittvam idam ārabhyate /
cicīṣati ity ādiṣu sāvakāśaṃ dīrghatvaṃ partvād ṇilopena bādhyate /
jñīpsati /

[#34]

ikaḥ kittvaṃ guṇo mā bhūt dīrgha-ārambhāt kr̥te bhatet /
anarthakam tu hrasva-arthaṃ dīrghāṇāṃ tu prasajyate //1//

sāmarthyāddhi punarbhāvyamr̥̄dittvaṃ dīrghasaṃśrayam /
dīrghāṇāṃ nākr̥te kīrghe ṇilopastu prayojanam //2//



____________________________________________________________________

halantāc ca || PS_1,2.10 ||


_____START JKv_1,2.10:

halantād iko jhal kit iti vartate /
san iti nivr̥ttam /
ig-antad ik-samīpād-dhalaḥ parau jhal-ādī /


____________________________________________________________________


liṅ-sicau ātmanepadeṣu || PS_1,2.11 ||


_____START JKv_1,2.11:

parataḥ kitau bhavataḥ /
bhitsīṣṭa, bhutsīṣṭa /
sici khalvapi--abhitta, abuddha /
ikaḥ ity eva /
yakṣīṣṭa, ayaṣṭa /
samprasāraṇaṃ hi syāt /
ātmanepadeṣu iti kim ? asrākṣit /
adrākṣīt /
sr̥ji-dr̥śor jhaly-am-akiti (*6,1.58) ity am-āgamo na syāt /
hal-antāt ity eva /
ceṣīṣṭa, aceṣṭa /
guṇo na syāt /

[#33]

jhal ity eva vartiṣīṣṭa, avartiṣṭa /
guṇo na syāt /

[#34]

liṅ-sicau iti kim ? dveṣṭā dvekṣyati //


____________________________________________________________________


uś ca || PS_1,2.12 ||


_____START JKv_1,2.12:

r̥-varṇa-antād dhātoḥ parau liṅ-sicau ātmanepadeśu jhal-ādī kitau bhavataḥ /
kr̥ṣīṣṭa /
hr̥ṣīṣṭa /
sicaḥ khalv api akr̥ta /
ahr̥ta /
jhal ity eva /
variṣīṣṭa /
avariṣṭa /
vr̥-r̥to vā (*7,2.38) avarīṣṭa //


____________________________________________________________________


vā gamaḥ || PS_1,2.13 ||


_____START JKv_1,2.13:

liṅ-sicāv ātmanepadeṣu iti vartate /
gamer-dhātoḥ paru liṅ-sicau ātmanepadeṣu jhal-ādī vā kitau bhavataḥ /
saṃgaṃsīṣṭa, saṃgasīṣṭa /
sicaḥ khalv api -- samagaṃst, samagata /
kittvapakṣe anunāsika-lopo bhavati anudātta-upadeśa-vanati-tanoty-ādīnām(*6,4.37) iti //


____________________________________________________________________

[#35]

hanaḥ sic || PS_1,2.14 ||


_____START JKv_1,2.14:

hanter dhātoḥ paraḥ sic kid bhavati /
āhata, āhasātām, āhasata /
sicaḥ kittvād anunāsika-lopaḥ /
sij-grahaṇaṃ liṅ-nivr̥tty-artham /
uttaratra-anuvr̥ttir mā bhūt /
atmanepada-grahaṇam uttara-artham anuvartate /
iha tu parasmaipade hanter vadhabhāvasya nityatvāt kittvasya prayojanaṃ na asti //


____________________________________________________________________


yamo gandhane || PS_1,2.15 ||


_____START JKv_1,2.15:

sica ātmanepadeṣu iti vartate /
yamer dhātor gandhane vartamānāt paraḥ sic pratyayaḥ kid bhavati ātmanepadeṣu parataḥ /
gandhanaṃ sūcanaṃ, pareṇa pracchādyamānasyāvadyasyāviṣkaraṇam /
aneka-arthatvād dhātūnāṃ yamis tatra vartate /
udayata, udāyasātām, udāyasata /
sūcitavān ity arthaḥ /
sicaḥ kittvād anunāsika-lopaḥ /
āṅo yamahanaḥ (*1,3.28) ity ātmanepadam /
gandhana iti kim ? udāyaṃsta pādam /
udāyaṃsta kūpād udakam /
udhdr̥tavān ity arthaḥ /
sakarmakatve 'pi samuddāṅbhyo ymo 'granthe (*1,3.75) ity ātmanepadam //

____________________________________________________________________


vibhāṣā-upayamane || PS_1,2.16 ||


_____START JKv_1,2.16:

yamaḥ sij-ātmanepadeṣu iti vartate /
yamer dhātoḥ upayamane vartamānāt paraḥ sic-pratyayao vibhāṣā kid bhavati ātmanepadeṣu parataḥ /
upāyata kanyām, upāyaṃsta kanyām /
upāyata bhāryām, upāyaṃsta bhāryām /
upayamanaṃ svīkaraṇaṃ, vivāhaḥ, dārakarma, pāṇi-grahaṇam ity arthaḥ /
upādyamaḥ svakaraṇe (*1,3.56) ity ātmanepadam //


____________________________________________________________________


sthāghvor icca || PS_1,2.17 ||


_____START JKv_1,2.17:

sij-ātmanepadeṣu iti vartate /
tiṣṭhater dhātoḥ ghu-sañjñakānāṃ ca i-kāraś ca antād eśaḥ sic ca kid bhavati ātmanepadeṣu parataḥ /
upāsthita, upāsthiṣātām, upāsthiṣata /
ghu-sañjñakānam -- adita /
adhita /
icca kasya takārettvaṃ dīrgho mā bhūd r̥te 'pi saḥ /
anantare pluto mā bhūt plutaś ca viṣaye smr̥taḥ //


____________________________________________________________________


na ktvā sa-iṭ || PS_1,2.18 ||

_____START JKv_1,2.18:

ktvā pratyayaḥ seṇ na kid bhavati /
devitvā /
vartitvā /
seṭ iti kim ? ir̥tvā ' gutvā ' ktvā-grahaṇaṃ kim ? nigr̥hītiḥ /
upasnihitiḥ /
nikucitiḥ /

[#36]

na seḍiti kr̥te 'kittve niṣṭhāyām avadhāraṇāt /
jñāpakān-na prokṣāyāṃ sani jhal-grahaṇaṃ viduḥ //
ittvaṃ kitvaṃnihogena reṇa tulyaṃ sudhīvani /
vasv-arthaṃ kid-atīdeśānni gr̥hītiḥ prayojanam //


____________________________________________________________________


niṣṭhā śīṅ-svidi-midi-kṣvidi-dhr̥ṣaḥ || PS_1,2.19 ||


_____START JKv_1,2.19:

na seṭ iti vartate /
śīṅ svidi midi kṣvidi dhr̥ṣ ity etebhyaḥ pro niṣṭhā-pratyayaḥ seṇ na kid bhavati /
śayitah, śayitvān /
prasveditaḥ, prasveditavān /
prameditaḥ, prameditavān /
prakṣveditah, prakṣveditavān /
pradharṣitaḥ pradharṣitavān /
seṭ ity eva svinnaḥ, svinnavān /
svid-ādīnam āditaś ca (*7,2.16) iti niṣṭhāyāmiṭ pratiṣidhyate /
vibhāṣā bhāva-ādikarmaṇoḥ (*7,2.17) iti pakṣe 'bhyanujñāyate sa viṣayaḥ kittva-pratiṣedhasya //


____________________________________________________________________

mr̥ṣas titikṣāyām || PS_1,2.20 ||


_____START JKv_1,2.20:

mr̥ṣer dhātoḥ titikṣāyām arthe niṣṭhā seṇ na kid bhavati /
titikṣā kṣamā /
marṣitaḥ, mr̥ṣitavān //
titikṣāyām iti kim ? apamr̥ṣitaṃ vākyam āha //


____________________________________________________________________


udupadhād bhāva-ādikarmaṇor anyatarasyām || PS_1,2.21 ||


_____START JKv_1,2.21:

niṣṭhā seṇ na kit iti vartate /
udupadhād dhātoḥ paro bhāve ādikarmaṇi ca vartamāno niṣṭhā-pratyayaḥ seḍ-anyatarasyāṃ na kid bhavati /
dyutitatmanena, dyotitamanena /
pradyutitaḥ, pradyotitaḥ muditamanena, moditamanena /
pramuditaḥ, pramoditaḥ /
udupadhāt iti kim ? likhitamanena /
bhāva-ādikarmaṇoḥ iti kim? rucitaṃ kārṣāpaṇaṃ dadāti /
seṭ ity eva /
prabhukta odanaḥ /
vyavasthita-vibhāṣā ca-iyam /
tena śab-vikaraṇānām eva bhavati /
gudha pariveṣṭane, gudhitam ity atra na bhavati //


____________________________________________________________________


pūṅaḥ ktvā ca || PS_1,2.22 ||

_____START JKv_1,2.22:

anyatarasyām iti na svaryate /
utara-sūtre punar vā vacanāt /
na seṭ iti vartate /
pūḍaśca iṭ vihitaḥ kilśaḥ ktvā-niṣṭhayoḥ (*7,2.50), pūṅaś ca (*7,2.51) iti /
pūḍaḥ paro niṣṭhā-pratyayaḥ itvā ca seṇ na kid bhavati /
pavitaḥ, pavitavān /
ktvā-pratyayasaya na ktvā seṭ (*1,2.18) iti seddha eva pratiṣedhaḥ /
tasya grahaṇamuttarārtham /
tathā ca-uktaṃ nityam akittvam iḍādyoḥ ktvā-niṣṭhayoḥ ktvā-grahaṇam uttara-artham iti //


____________________________________________________________________


[#37]

na-upadhāt tha-pha-antād vā || PS_1,2.23 ||


_____START JKv_1,2.23:

niṣṭhā iti nivr̥ttam /
nikāra-upadhād dhātoḥ thakārāntāt phakarāntāc ca paraḥ ktvā pratyayaḥ seḍ va na kid bhavati /
grathitvā, granthitva /
śrathitvā, śranthitvā /
guphitvā, gumphitvā /
na-upadhāt iti kim ? rephitvā /
gophitvā /
tha-pha-antāt iti kim ? sraṃsitva /
dhvaṃsitvā //


____________________________________________________________________


vañci-luñcy-r̥taś ca || PS_1,2.24 ||


_____START JKv_1,2.24:

vañci luñci r̥t ity etebhyaḥ paraḥ ktvā pratyayaḥ seḍ vā na kid bhvati /
vacitvā, vañcitva /
lucitvā, /
uñcitvā /
r̥titva, artitvā /
r̥ter īyaṅ (*3,1.29) ārdhadhātuke vikalpitaḥ (*3,1.31) /
sa yatra pakṣe na asti tatra-idam udāharaṇam /
seṭ ity eva /
vaktvā //


____________________________________________________________________


tr̥ṣi-mr̥ṣi-kr̥śeḥ kāśyapasya || PS_1,2.25 ||


_____START JKv_1,2.25:

na ktvā seṭ (*1,2.18) iti pratiṣedhe prāpe kittvaṃ vikalpyate /
tr̥ṣi mr̥ṣi kr̥śi ity etebhyaḥ paraḥ krvā pratyayaḥ seṭ kāśyapasya ācāryasya mate vā na kiḍ bhavati /
tr̥ṣitvā, trṣitvā /
mr̥ṣitva, mrṣitva /
kr̥śitva, karśitvā /
kaśyapa-grahaṇaṃ pūja-artham /
vā ity eva hi vartate //


____________________________________________________________________


ralo v-y-upadhad-dhal-ādeḥ saṃś ca || PS_1,2.26 ||

_____START JKv_1,2.26:

vā iti vartate seṭ iti ca /
uś ca iś ca vī /
vī upadheyasya sa vyaupadhaḥ /
ukāra-upadha-adikāra-upadhac ca dhāto ralantād-dhalādeḥ paraḥ saṃś ca ktvā ca seṭau va kitau bhavataḥ /
dyutitvā, dyotitvā /
didyutiṣate, didyotiṣate /
likhitvā, lekhitvā /
lilikhiṣati, lilekhiṣati /
ralaḥ iti kim ? devitvā, dideviṣati /
vyupadhāt iti kim ? vartitvā, vivartiṣate /
halādeḥ iti kim ? eṣitva, eṣiṣiṣti /
seṭ ity eva /
bhuktvā, bubhukṣate //


____________________________________________________________________


ūkālo 'j-jhrasva-dīrgha-plutaḥ || PS_1,2.27 ||


_____START JKv_1,2.27:

ū iti trayāṇām ayaṃ mātrika-dvimātrika-trimātrikāṇāṃ praśliṣṭa-nirdeśaḥ /
hrasva-dīrgha-plutaḥ iti dvandva-ikavad bhāve puṃlliṅga-nirdeśaḥ /
u ū ū3 ity evaṃ kālo aj yathā-kramaṃ hrasva-dīrgha-plutaḥ ity evaṃ sañjño bhavati /
ukālo hrasvaḥ - dadhi /
madhu /
ūkālo dīrghaḥ - kumārī /
gaurī /
ū3kālaḥ plutaḥ - devadatta3 atra nv-asi /
kāla-grahaṇaṃ parimāṇa-artham /
dīrgha-plutayoḥ hrasva-sañjñā mā bhūt /
ālūya, pralūya, hrasvasya piti kr̥ti tuk (*6,1.71) iti tuṅ na bhavati /

[#38]
aj-grahaṇaṃ saṃyoga-ac-samudāya-nivr̥tty-artham /
pratakṣya, prarakṣya, hrasvāśrayas tuṅ mā bhūt /
titaucchātram, dīrghāt (*6,1.75), padāntād vā (*6,1.76) iti vibhāṣā tuṅ mā bhūt /
hrasva-dīrgha-pluta-pradeśāḥ -- hrasvo napuṃsake prātipadikasya (*1,2.47) /
akr̥t-sarvadhātukayor dīrghaḥ (*7,4.25) /
vākyasya ṭeḥ pluta udāttaḥ (*8,2.82) //


____________________________________________________________________


acaś ca || PS_1,2.28 ||


_____START JKv_1,2.28:

paribhāṣā iyaṃ sthāni-niyama-arthā hrasva-dīrgha-plutaḥ svasañjñayā śiṣyamāṇā aca eva sthāne veditavyāḥ /
vakṣyati hrasvo napuṃsake prātipadikasya (*1,2.47), rai--atiri /
nau--atinu /
go--upagu /
acaḥ iti kim ? suvāg brahmaṇa-kulam /
akr̥t-sārvadhātukayor dīrghaḥ (*7,4.25) -- cīyate /
śrūyate /
acaḥ iti kim ? bhidyate /
dhidyte /
vākyasya ṭeḥ pluta udāttaḥ (*7,2.82) --devadatta3 /
yajñadatta3 /
acaḥ iti kim ? agnici3t /
somasu3t /
takārasya mā bhūt /
svasañjñayā vadhāne niyamaḥ /
ac iti vartate /
iha mā bhūt /
dyauḥ panthāḥ /
saḥ dyaubhyām /
dyubhiḥ /
atra niyamo na asti //

____________________________________________________________________


uccair udāttaḥ || PS_1,2.29 ||


_____START JKv_1,2.29:

ac iti vartate /
udātta-ādi-śabdāḥ svare varṇadharme loka-vedayoḥ prasiddhā eva /
te iha tadguṇe 'ci paribhāṣyante /
uccair upalabhyamāno yo 'c sa udātta-sañjño bhavati /
uccaiḥ iti ca śruti-prakarṣo na gr̥hyate, uccair bhāṣate, ucaiḥ paṭhati iti /
kiṃ tarhi ? sthāna-kr̥tam uccatvaṃ sañjñino viśeṣaṇam /
tālv-ādiṣu hi bhāgavatsu sthāneṣu varṇā niṣpadyante /
tatra yaḥ samāne sthāne ūrdhva-bhaga-niṣpanno 'c sa udātta-sañjño bhavati /
yasminn ucāryamāṇe gātrāṇāmāyāmo nigraho bhavati, rūkṣatā asnigdhatā svarasya, saṃvr̥tatā kṇṭhavivarasya /
ye /
te /
ke /
udātta-pradeśāḥ--ādy-udāttaś ca (*3,1.3) ity evam ādayaḥ //


____________________________________________________________________


nīcair anudāttaḥ || PS_1,2.30 ||


_____START JKv_1,2.30:

ac iti vartate /
nīcair upalabhyamāno yo 'c so 'nudātta-sañjño bhavati /
samāne sthāne nīca-bhāge niṣpanno 'c anudāttaḥ /
yasminn uccāryamāṇe gātrāṇām anvavasargo mārdavaṃ bhavati, svarasya mr̥dutā snigdhatā, kaṇṭha-vivarasya urutā mahattā /
tva sama sima ity anuccāni /
namaste rudra nīlakaṇṭha sahasrākṣa /
anudāttapradeśāḥ- anudāttau sup-pitau (*3,1.4) ity evam ādyaḥ //

____________________________________________________________________


[#39]

samāhāraḥ svaritaḥ || PS_1,2.31 ||


_____START JKv_1,2.31:

ac iti vartate /
udātta-nudātta-svara-samāhāro yo 'c sa svarita-sañjño bhavati /
sāmarthyāc ca atra loka-vedayoḥ prasiddhau guṇāv eva varṇa-dharmāv udātta-anudāttau gr̥hyete, nā 'cau /
tau samāhriyete yasminn aci tasya svaritaḥ ity eṣā saṃjñā vidhīyate /
śikyam /
kanyā /
sāmanyaḥ /
kva /
svarita-pradeśāḥ-- tit svaritam (*6,1.175) ity evam ādayaḥ //


____________________________________________________________________


tasya-ādita udāttam ardha-hrasvam || PS_1,2.32 ||


_____START JKv_1,2.32:

udātta-anudātta-svara-samāhāraḥ svaritaḥ ity uktam /
tatra na jñāyate kasminnaṃśe udāttaḥ kasminn anudāttaḥ, kiyān vā udāttaḥ kiyān vā anudāttaḥ iti /
tad-ubhayam anena-ākhyāyate /
tasya svaritasya ādāv ardha-hrasvam udāttam, pariśiṣṭam anudāttam /
ardha-hrasvam iti ca ardhamātra-upalakṣyate /
hrasva-grahaṇam atantram /
sarveṣām eva hrasva-dīrgha-plutānāṃ svaritānām eṣa svara-vibhāgaḥ /
śikyam ity atra ardha-mātrā ādita udātta, apara-ardha-mātrā anudāttā, eka-śrautir vā /
kanyā ity atra ardha-mātrā ādita udattā adhyardha-mātrā anudāttā /
māṇavaka3 māṇavaka (*8,2.103) ity atra ardha-mātrā ādita udāttā ardha-tr̥tīya-mātrā anudāttā //


____________________________________________________________________


eka-śruti dūrāt sambuddhau || PS_1,2.33 ||


_____START JKv_1,2.33:

traisvarye padānāṃ prāpte dūrāt sambuddhāv-aikaśrutyaṃ vidhīyate /
ekā śrutir yasya tad idam ekaśruti /
eka-śruti vākyaṃ bhavati /
dūrāt sambodhayati yena vākyena tat sambodhanaṃ sambuddhiḥ /
na eka-vacanaṃ sambuddhiḥ /
svarāṇām udāttādīnām avibhāgo bhedati rodhānam ekaśrutiḥ /
āgaccha bho māṇavaka devadatta3 /
dūrāt iti kim ? āgaccha bho māṇavaka devadatta //


____________________________________________________________________


yajña-karmaṇy-ajapa-nyūṅkha-sāmasu || PS_1,2.34 ||


_____START JKv_1,2.34:

traisvaryeṇa vede mantrāḥ paṭhyante /
teṣāṃ yajña-kriyāyām api tatha-iva prayoge prāpte eka-śrutir vidhīyate japa-nyūṅkha-sāmāni varjayitvā /
yajña-karmaṇi mantrāṇām aikaśrutyaṃ bhavati /
agnir mūrdhā divaḥ kakut patiḥ pr̥thivyā ayam /
apāṃ retaṃsi jinvato3m /
yajña-karmaṇi iti kim ? sampāṭhe mā bhūt /
ajapeṣv-iti kim ? mamāgne varco vihaveṣv astu /
japo 'nukaraṇa-mantra upāṃśu-prayogaḥ /
anyūṅkhā-iti kim ? nyūṅkhā okārāḥ ṣoḍaśa /
teṣu kecid udāttāḥ kecid anudāttāḥ /

[#40]

asāmasu iti kim ? viśvaṃ samatriṇaṃ daha /
sāmāni vākya-viśeṣa-sthagītaya ucyante /
tatra-ikaśrutir na bhavati //


____________________________________________________________________


uccaistarāṃ vā vaṣaṭkāraḥ || PS_1,2.35 ||


_____START JKv_1,2.35:

yajña-karmaṇi iti vartate /
yajña-karmaṇi vaṣaṭkāraḥ uccaistarāṃ vā bhavati eka-śrutir vā /
vaṣaṭ-śabdena atra vauṣaṭ śabdo lakṣayate /
vauṣaṭ ity asya-iva-idaṃ svara-vidhānam /
yady evaṃ vauṣaḍ-grahaṇam eva kasmān na kr̥tam ? vaicitrya-artham /
vicitra hi sūtrasya kr̥tiḥ pāṇineḥ /
somasya agne vīhī3ṣaṭ /
somasya agne vīhī3 vau3ṣaṭ //


____________________________________________________________________


vibhāṣā chandasi || PS_1,2.36 ||


_____START JKv_1,2.36:

chandasi viṣaye vibhāṣā ekaśrutir bhavati /
pakṣa-antare traisvaryam eva bhavati /
vā iti prakr̥te vibhāṣā-grahanaṃ yajña-karmaṇi ity asya nivr̥tty-artham /
tena ayaṃ svādhyāya-kāle 'pi pākṣika aikaśrutya-vidhir bhavati /
iṣe tvorje tvā /
iṣe tvorje tvā /
agna āyāhi vītaye /
agna āyāhi vītye /
agnimīle purohitam /
agnimīle purohitam /
śaṃ no devīrabhaiṣṭaye /
śaṃ no devīrabhaiṣṭaye //


____________________________________________________________________


na subrahmaṇyāyāṃ svaritasya tu udāttaḥ || PS_1,2.37 ||


_____START JKv_1,2.37:

subrahmaṇyā nāma nigadas tatra yajña-karmaṇi iti vibhāṣā chandasi (*1,2.36) iti ca ekaśrutiḥ prāptā pratiṣidyate /
subrahmaṇyāyām ekaśrutir na bhavati /
yas tu lakṣaṇa-prāptaḥ svaritas tasya-udātta ādeśo bhavati /
subrahmanyom /
indrāgaccha, hariva āgaccha, medhātithermeṣa vr̥ṣaṇaśvasya mene /
gaurāva-skandinnahalyāyai jāra kauśikabrāhmaṇa gautamabruvāṇa śvaḥ sutyāmāgaccha maghavan /
atra subrahmaṇyom ity okāras titsvareṇa svaritas tasya-udātto vidhīyate /
indra āgaccha ity āmantritam ādy-udattam /
dvitīyo varṇo 'nudāttaḥ /
udāttād anudātasya svaritaḥ iti svaritaḥ prasaktas tasya anena-udāttaḥ triyate /
tad evam indra āgaccha iti catvāra udāttāḥ /
paścima eko 'nudāttaḥ /
hariva āgaccha ityanayaiva prakriyayā catvāra udāttāḥ dvāv anudāttau /
medhātitheḥ iti ṣaṣṭyantaṃ parama-amantritam anupraviśati subāmantrite parāṅgavatsvare (*2,1.2) iti /
tataḥ sakalasyā mantritādy-udāttatve ir̥te dvitīyam akṣaram anudāttaṃ, tasya udāttād anudāttasya svaritaḥ (*8,4.66) iti svaritatve prāpte idam-udāttatvaṃ vidhīyate /
tena dvāvapy-udāttau bhavataḥ /

[#41]
śeṣaman-udāttam /
vr̥ṣaṇaśvasya mene iti samānaṃ pūrveṇa /
gaurāvaskandin iti tatha-iva dve ādye akṣare udātte, śeṣam anudāttam /
ahalyāyai jāra iti subantasya amantrita-anupraveśāt t advadeva svaraḥ /
dvāv udāttau śeṣam anudāttam /
kauśikabrahmaṇa iti samastamāmantritamādy-udāttaṃ tatra pūrvavad dvāv udāttau śeṣam anudāttam /
evam gautama-bruvāṇa iti dvāv udāttau śeṣam anudāttām /
śvaḥ sutyāmāgaccha maghavan iti śvaḥ-śabda udāttaḥ sutyām ity antodāttaḥ /
sañjñāyāṃ samajaniṣadanipatamanavidaṣuñ śīṅbhr̥ñiṇaḥ (*3,3.99) iti kyapo vidhāne udāttaḥ iti vartate /
agaccha iti dva-udāttau /
antyo 'nudattaḥ /
maghavan iti padāt paramāmantritaṃ nihanyate //


____________________________________________________________________


deva-brahmaṇor anudāttaḥ || PS_1,2.38 ||


_____START JKv_1,2.38:

subrahmaṇyāyām eva devā brahmāṇaḥ iti paṭhyate, tatra pūrveṇa svaritasya+udātte prāapte 'nena-anudātto vidhīyate /
deva-brahmaṇoḥ svaritasya anudātta ādeśo bhavati /
devā brahmāṇa āgacchata /
dvayor api padayor āmantrita-ādy-udāttatve śeṣanighāte ca+udāttād anudāttasya svaritaḥ kr̥tas tasya-anudātto bhavati //


____________________________________________________________________


svaritāt saṃhitāyām anudāttānām || PS_1,2.39 ||


_____START JKv_1,2.39:

eka-śrutiḥ iti vartate /
saṃhitāyaṃ viśaye svaritāt pareṣām anudāttānām ekaśrutir bhavati /
imaṃ me gaṅge yamune sarasvati śutudri /
māṇavaka jaṭilakādhyāpaka kva gamiṣyasi /
imam ity anta-udāttaṃ, me iti anudāttaṃ vidhi-kāla eva nighāta-vidhānāt /
tat punaḥ udāttād anudātasya svaritaḥ (*8,4.66) iti svaritaṃ sampadyate /
tasmāt svaritāt pareṣām anudāttānāṃ gaṅgeprabhr̥tīnām ekaśrutir bhavati /
sarva ete āmantrita-nighātena anudāttāḥ /
māṇavaka jaṭilaka iti prathamam āmantritamādyudāttaṃ, tasya dvitīyam akṣaram svaritaṃ, tataḥ pareṣām anudāttānām ekaśrutir bhavati /
saṃhitā-grahaṇaṃ kim ? avagrahe mā bhūt /
imam me gaṅge yamune sarsvati //


____________________________________________________________________


udātta-svarita-parasya sannataraḥ || PS_1,2.40 ||


_____START JKv_1,2.40:

anudātta-grahaṇam anuvartate /
udāttaḥ paro yasmāt sa udāttaparaḥ svaritaḥ paro yasmāt sa svaritaparaḥ /
udāttaparasya svaritaparasya ca anudāttasya sannatara ādeśo bhavati /
anudāttataraḥ ity arthaḥ /
devā marutaḥ pr̥śnimātaro 'paḥ /
mātaraḥ ity anudāttaḥ /
apaḥ ity anta-udāttaḥ ūḍ-idaṃ-pad-ādy-ap-pum-rai-dyubhyaḥ (*6,1.171) iti /
tatra anudāttayor ekādeśa okāro 'nudāttaḥ tasya-udātte parabhūte sannatara ādeśo bhavati /
imaṃ me gaṅge yamune sarasvati śutudri /
ikāro 'nudāttaḥ /
śutudri ity etad āmantritaṃ pādādau tasmān na nihanyate, anudāttaṃ sarvam apādādau (*8,1.18) iti /

[#42]

tasya prathamam akṣaram udāttaṃ tasmin parabhūte pūrvasya sarasvati iti ikārasya sannatara ādeśo bhavati /
māṇavaka jaṭilakādyāpaka kva gamiṣyasi /
kva iti svaritas tasmin parabhūte ka iti anudattas tasya sannatara ādeśo bhavati //


____________________________________________________________________


apr̥kta eka-al pratyayaḥ || PS_1,2.41 ||


_____START JKv_1,2.41:

apr̥ktaḥ iti iyaṃ sañjñā bhavati eka-al yaḥ pratyayas tasya /
asahāya-vācī eka-śabdaḥ /
spśo 'nudake kvin (*3,2.58) - dhr̥taspr̥k /
bhajo ṇviḥ (*3,2.62) - ardhabhak /
pādabhāk /
eka-al iti kim ? darviḥ /
jāgr̥viḥ /
pratyaya iti kim ? surāḥ /
apr̥kta-pradeśāḥ -- ver apr̥ktasya (*6,1.67) ity evam ādyaḥ //


____________________________________________________________________


tatpuruṣaḥ samāna-adhikaraṇaḥ karmadhārayaḥ || PS_1,2.42 ||


_____START JKv_1,2.42:

tatpuruṣaḥ iti samāsa-viśeṣasya sañjñāṃ vakṣyati /
sa tatpuruṣaḥ samāna-adhikaraṇa-padaḥ karmadhāraya-sañjño bhavati /
adhikaraṇa-śabdo 'bhidheya-vāci /
samāna-adhikaraṇaḥ samāna-abhidheyaḥ /
paramarājyam /
uttamarājyam /
akarmadhāraye rājyam (*6,2.130) ity uttarapada-ādy-udāttaṃ na bhavati /
pācakavr̥ndārikā /
tatpuruṣaḥ iti kim ? pācikābhāryaḥ /
samāna-adhikaraṇaḥ iti kim ? brāhmaṇa-rājyam /
karmadhāraya-pradeśāḥ - karmadhāraye 'niṣṭhā (*6,2.46) ity evam ādayaḥ //

____________________________________________________________________


prathamā-nirdiṣṭaṃ samāsa upasarjanam || PS_1,2.43 ||


_____START JKv_1,2.43:

prathamayā vibhāktyā yan nirdiśyate samāsa-śāstre tadupasarjana-sañjñaṃ bhavati /
samāse iti samāsa-vidhāyi śāstraṃ gr̥hyate /
vakṣyati - dvitīyā śrita-atīta-patita-gata-atyasta-prāpta-āpannaiḥ (*2,1.24) iti /
dvidīyā-samāse dvitīyā ity etat prathamā-nirdiṣṭaṃ, tr̥tīyā-samāse tr̥tīyā iti, caturthī-samāse caturthī iti, pañcamī-samāse pañcamī iti, ṣaṣṭhī-samāse ṣaṣṭhī iti, saptamī-samāse saptamī iti /
kaṣṭa-śritaḥ /
śaṅkulā-khaṇḍaḥ /
yūpa-dāru /
vr̥ka-bhayam /
rāja-puruṣaḥ /
akṣa-śauṇḍaḥ /
upasarjana-pradeśāḥ - upasarjanaṃ pūrvam (*2,2.30) ity evam ādayaḥ //


____________________________________________________________________


eka-vibhākti ca apūrva-nipāte || PS_1,2.44 ||


_____START JKv_1,2.44:

eka vibhāktir yasya tad idam eka-vibhākti /
samāse vidhīyamāne yan niyata-vibhaktikaṃ, dvitīye sambandhini bahubhir-vibhaktibhir yujyamāne 'py ekayaiva vibhaktyā yujyate tad-upasarjana-sañjñaṃ bhavati apūrva-nipāte, pūrva-nipataṃ pūrva-nipāta-ākhyam upasarjana-kāryaṃ varjayitvā /

[#43]

nirādayaḥ krānt-āady-arthe pañcamyā /
pūrva-pade nānāvibhaktike 'py uttarapadaṃ pañcmyantam eva bhavati /
niṣkrāntaḥ kauśāmbyā niṣkauśāmbiḥ /
niṣtrāntaṃ kauśāmbyā niṣkauśāmbim /
niṣkrāntena kauśāmbyā niṣkauśāmbinā /
niṣkrāntāya kauśāmbyā niṣkauśāmbaye /
niṣkrāntāt kauśāmbyā niṣkauśāmbeḥ /
niṣkrāntasya kauśāmbyā niṣkauśāmbeḥ /
niṣkrānte kauśāmbyā niṣkauśāmbau /
evaṃ nirvārāṇasiḥ /
ekavibhakti iti kim ? rājakumārī /
apūrva-nipāte iti kim ? na hi bhavati kauśāmbīniḥ iti //


____________________________________________________________________


arthavad adhātur apratyayaḥ prātipadikam || PS_1,2.45 ||


_____START JKv_1,2.45:

abhidheya-vacano 'rtha-śabdaḥ /
arthavac-chabda-rūpaṃ prātipadika-sañjñaṃ bhavati dhātu-pratyayau varjayitvā /
ḍitthaḥ /
kapitthaḥ /
kuṇḍam /
pīṭham /
arthavat iti kim ? vanam, dhanam iti na antasya avadher mā bhūt /
nalopo hi syāt /
adhātuḥ iti kim ? hanter laṅ /
ahan /
alopaḥ syat /
apratyayaḥ iti kim ? kāṇḍe /
kuḍye /
hrasvo napuṃsake prātipadikasya (*1,2.47) iti hrasvaḥ syāt /
anarthakasya api nipātasya prātipadika-sañjñā iṣyate /
adhyāgacchati /
pralambate /
prātipadika-pradeśāḥ -- hrasvo napuṃsake prātipadikasya (*1,2.47) ity evam ādyaḥ //

____________________________________________________________________


kr̥t-taddhita-samāsāś ca || PS_1,2.46 ||


_____START JKv_1,2.46:

kr̥tas taddhitāḥ samāsāś ca prātipadika-sañjñā bhavanti /
apratyayaḥ iti pūrvatra paryudāsat kr̥dantasya taddhitāntasya ca anena prātipadika-sañjñā vidhīyate /
arthavat-samudayānāṃ samāsa-grahaṇaṃ niyama-artham /
kr̥t -- kārakaḥ /
hārakaḥ /
kartā /
harta /
taddhitaḥ -- aupagavaḥ /
kāpaṭavaḥ /
samāsaḥ -- rāja-puruṣaḥ /
brāhmaṇa-kambalaḥ /
samāsa-grahaṇasya niyama-arthatvād vākyasya arthavataḥ sañjñā na bhavati //


____________________________________________________________________


hrasvo napuṃsake prātipadikasya || PS_1,2.47 ||


_____START JKv_1,2.47:

napuṃsaka-liṅge 'rthe yat prātipadikaṃ vartate tasya hrasvo bhavati ādeśaḥ alo 'nyasya acaḥ /
atiri kulam /
atinu kulam /
napuṃsake iti kim ? grāmaṇīḥ /
senānīḥ /
prātipadikasya iti kim ? kāṇḍe tiṣṭhataḥ /
kuḍye tiṣṭhataḥ /
prātipadika-grahaṇa-sāmarthyat eka-ādeśaḥ pūrvasya antavan-na bhavati //

____________________________________________________________________


gostriyor upasarjanasya || PS_1,2.48 ||


_____START JKv_1,2.48:

prātipadikasya iti vartate /
go iti svarūpa-grahaṇaṃ strī iti pratyaya-grahaṇaṃ svaritatvāt /
upasarjana-grahaṇaṃ tayor viśeṣaṇam /
gor upasarjanasya strīpratyaya-antasya+upasarjanasya iti /
tābhyāṃ prātipadikasya tadanta-vidhiḥ /
upasarjana-go-śabdāntasya upasarjana-strīpratyaya-antasya ca prātipadikasya hrasvo bhavati /

[#44]

citraguḥ /
śabalaguḥ /
striyāḥ -- niṣkauśāmbiḥ /
nirvārāṇasiḥ /
atikhaṭvaḥ /
atimālaḥ /
upasarjanasya iti kim ? rāja-kumārī /
svaritatvaṃ kim ? atitantrīḥ /
atilakṣmīḥ /
atiśrīḥ //
īyaso bahuvrīheḥ pratiṣedho vaktavayaḥ /
bahu-śreyasī /
vidyamāna-śreyaseī //


____________________________________________________________________


luk taddhita-luki || PS_1,2.49 ||

_____START JKv_1,2.49:

strī-grahaṇam anuvartate upasarjanasya+iti ca /
pūrveṇa hrasvatve prāpte lug vidhīyate /
taddhita-luki sati strī-pratyayasya upasrjanasya lug bhavati /
pañcendrāṇyo devatā asya pañcendraḥ /
daśendraḥ /
pañcabhiḥ śaṣkulībhiḥ krītaḥ pañcaśaṣkulaḥ /
āmalakyāḥ phalamāmalakam /
badaram /
kuvalam /
taddhita-grahaṇaṃ kim ? gārgyāḥ kulaṃ gārgī-kulam /
luki iti kim ? gārgītvam /
upasarjanasya ity eva /
avantī /
kuntī /
kurūḥ //


____________________________________________________________________


id-goṇyāḥ || PS_1,2.50 ||


_____START JKv_1,2.50:

pūrveṇa luki prāpte ikāro vidhīyate /
goṇyās-taddhita-luki sati ikāra-ādeśo bhavati /
pañcabhir goṇībhiḥ krītaḥ paṭaḥ pañcagoṇiḥ /
daśagoṇiḥ /
it iti yoga-vibhāgaḥ /
paṇcabhiḥ sūcībhiḥ krītaḥ pañca-sūciḥ /
daśa-sūciḥ /
sa ca evaṃ viṣaya eva //


____________________________________________________________________

lupi yuktavad-vyaktivacane || PS_1,2.51 ||


_____START JKv_1,2.51:

lupi iti lup-sanñjñayā luptasya pratyayasya artha ucyate /
tatra lupi yuktavad-vyaktivacane bhavataḥ /
yuktavat iti niṣṭhā-pratyayena ktavatunā prakr̥tyartha ucyate /
sa hi pratyaya-artham ātmanā yunakti /
tasya yuktavato vyaktivacane lub-arthe vidhīyete /
atha vā yuktaḥ prakr̥ty-arthaḥ pratyaya-arthena sambaddhaḥ, tasminn-iva vyaktivacane lub-arthe bhavataḥ /
saptamy-arthe vatiḥ /
vyaktivacane iti ca liṅga-saṅkhyayoḥ pūrvācarya-nirdeśaḥ, tad-īyam eva+idaṃ sūtram /
tathā ca asya pratyākhyānaṃ bhaviṣyate, tad aśiṣyaṃ sañjñā-pramāṇatvāt (*1,2.53) iti /
vyaktiḥ -- strī-pum-napuṃsakāni /
vacanam -- ekatva-dvitva-bahutvāni /
pañcalāḥ kṣatriyāḥ puṃliṅgā bahuvacana-viśayāḥ /
teṣāṃ nivāso janapadaḥ /
yathā teṣu kṣatriyeṣu vyaktivacane tadvajjanapade bhavataḥ /
pañcālāḥ /
kuravaḥ /
magadhāḥ /
matsyāḥ /
aṅgāḥ /
vaṅgāḥ /
sugmāḥ /
puṇḍrāḥ /
lupi iti kim ? luki mā bhūt /

[#45]

lavaṇaḥ sūpaḥ /
lavaṇā yavāgūḥ /
lavaṇaṃ śākam /
vyaktivacane iti kim ? śirīṣāṇām adūrabhavo grāmaḥ śirīṣāḥ, tasya vanaṃ śirīṣavanam /
vibhāṣaa-oṣadhi-vanas-patibhyaḥ (*8,4.6) iti ṇatvaṃ na bhavati /
haritakyādiṣu vyaktiḥ /
harītakyāḥ phalāni harītakyaḥ phalāni /
khalatikādiṣu vacanam /
khalatikasya parvatasya adūrabhavāni vanāni khalatikaṃ vanāni //


____________________________________________________________________


viśeṣaṇānāṃ ca ajāteḥ || PS_1,2.52 ||


_____START JKv_1,2.52:

lupi iti vartate /
lub-arthasya yāni viśeṣaṇāni teṣām api ca yuktavad vyakti-vacane bhavataḥ jātiṃ varjayitvā /
pañcālāḥ ramaṇīyāḥ, bahvannāḥ, bahukṣīraghr̥tāḥ, bahumālyaphalāḥ /
godau ramaṇīyau, bahvannau, bahukṣīraghr̥tau, bahumālyaphalau /
ajāteḥ iti kim ? pañcālāḥ janapadaḥ /
godau grāmaḥ /
jāty-arthasya cāyaṃ yuktavadbhāva-pratiṣedhaḥ /
tena jāt-idvāreṇa yāni viśeṣaṇāni teṣām api yuktavadbhāvo na bhavati /
pañcālāḥ janapado ramaṇīyo, bahvannaḥ /
godau grāmo ramaṇīyo, bahvannaḥ iti /
manuṣyalupi pratiṣedho vaktavyaḥ /
cañcā abhirūpaḥ /
vardhrikā darśanīyaṃ //


____________________________________________________________________


tad aśiṣyaṃ sañjñā-pramāṇatvāt || PS_1,2.53 ||


_____START JKv_1,2.53:

tat iti prakr̥taṃ yuktavadbhāva-lakṣaṇaṃ nirdiśyate /
tad-aśiṣyaṃ na vaktavyam /
kasmāt ? sañjñā-pramāṇatvāt /
sañjñā-śabdā hi nānāliṅga-saṅkhyāḥ pramāṇam /
pañcālāḥ, varaṇā iti ca, na+ete yoga-śabdāḥ /
kiṃ tarhi ? janapad-ādīnāṃ sañjñā etāḥ /
tatra liṅgaṃ vacanaṃ ca svabhāva-saṃsiddham eva na yatna-pratipādyam, yathā āpaḥ, dārāḥ, gr̥hāḥ, sikatāḥ, varṣāḥ iti //


____________________________________________________________________


lub yoga-aprakhyānāt || PS_1,2.54 ||


_____START JKv_1,2.54:

lub apy aśiṣyaḥ /
yo 'yaṃ janapade lup (*4,2.81), varaṇā-ādibhyaś ca (*4,2.82) iti lub ucyate,

[#46]

ayaṃ na vaktavyaḥ /
kiṃ kāraṇam ? yoga-aprakhyānāt /
na hi pañcāla varaṇāḥ iti yogaḥ sambadhaḥ prakhyāyate /
na-etad upalabhāmahe vr̥kṣayogānnagare varaṇāḥ iti /
kiṃ tarhi ? sañjñā etāḥ /
tasmād atra tasya nivāsaḥ (*4,2 69), adūra-bhavaś ca (*4,2.70) iti taddhito na+eva+utpadyate, kiṃ lupo vidhānena //


____________________________________________________________________


yoga-pramāṇe ca tad-abhāve 'darśanam syāt || PS_1,2.55 ||


_____START JKv_1,2.55:

pañcāla-ādayaḥ sañjñā-śabdāḥ, na yoga-nimittāḥ ity uktam /
tac-cāvaśyam eva abhyupagantavyam /
yoga-pramāṇe hi tad-abhāve 'darśanaṃ syāt /
yadi pañcālādi-śabdo yogasya pramāṇaṃ yogasya vācakaḥ syāt tatas tadabhāve 'darśanam aprayogaḥ syāt /
dr̥śyate ca samprati vanaiva kṣatriya-sambandhena janapadeṣu pañcālādi-śabdāḥ, tato 'vasīyate nāyaṃ yoga-nimittakaḥ /
kiṃ tarhi ? rūḍhirūpeṇaiva tatra pravr̥ttaḥ iti //


____________________________________________________________________


pradhāna-pratyaya-arthavacanam arthasya anya-pramāṇātvāt || PS_1,2.56 ||


_____START JKv_1,2.56:

aśiṣyam iti vartate /
pradhānaṃ samāse kiṃcit padaṃ, pratyayastavyadādiḥ /
tābhyām artha-vacanam artha-abhidhānam anena prakāreṇa bhavati iti pūrva-ācāryaiḥ paribhāṣitam /
pradhāna-upasarjane ca pradhāna-arthaṃ saha brūtaḥ, prakrti-pratyayau sahārthaṃ brūtaḥ iti /
tat pāṇinir ācaryaḥ pratyācaṣṭe, aśiṣyam etat arthasya anyapramāṇatvāt iti /
anyaḥ iti śāstra-apekṣayā loko vyapadiśyate /
śabdair artha-abhidhānam svābhāvikaṃ na pāribhaṣākam aśakyatvāt /
lokata eva artha-avagateḥ /
yair api vyākaraṇaṃ na śrutaṃ te 'pi rāja-puruṣam ānaya ity ukte rājaviśiṣṭaṃ puruṣam ānayanti na rājanam na api puruṣa-mātram /
aupagavam ānaya ity ukte upaguviśiṣṭam apatyam ānayanti, na+upaguṃ na apy apatya-mātraṃ, na+ubhau /
yaś ca lokato 'rthaḥ siddhaḥ kiṃ tatra yatnena //


____________________________________________________________________


kāla-upasarjane ca tulyam || PS_1,2.57 ||


_____START JKv_1,2.57:

aśiṣyam iti vartate /
kāla-upasarjane ca aśiṣye /
kasmāt ? arthasya anyapramāṇatvāt /
tulya-śabdo hetv-anukarṣaṇa-arthaḥ /
aśiṣya-viśeṣaṇaṃ ca-itat /
kāla-upasarjane ca tulyam aśiṣye bhavataḥ /
iha anye vaiyākaraṇāḥ kāla-upasarjanayoḥ paribhāṣāṃ kurvanti /
ānyāyyād utthānād ānyāyyāc ca saṃveśanāt, eṣo 'dyatanaḥ kālaḥ /
apare punar āhuḥ /
aharubhayato 'rdharātram , eṣo 'dyatanaḥ kālaḥ iti /
tathā+upasarjana-paribhāṣāṃ kurvanti apradhānam upasarjanam iti /
tat pāṇinir ācāryaḥ pratyācaṣṭe lokato 'rthavagateḥ /
yairapi vyākaraṇam na śrutaṃ te 'py āhur idam asmābhir adya kartavyam idaṃ śvaḥ kartavyam idam hayaḥ kr̥tam iti /
na-ivaṃ vyutpādyante /
tathā-upasarjanam, vayamatra gr̥he grāme vā upasarjanam apradhānam iti gamyate /
yśca lokato 'rthaḥ siddhaḥ kiṃ tatra yatnena /
yady evaṃ pūrvasūtra eva kāla-upasarjana-grahaṇam kasmān na kriyate ? kimartho yogavibhāgaḥ ? pradarśanārthaḥ /
anyad apy evaṃ jātīyakamaśiṣyam iti /
tathā ca pūrvācāryāḥ paribhaṣante matvarthe bahuvrīhiḥ, pūrvapada-artha-pradhāno 'vyayībhāvaḥ, uttarapada-artha-pradhānas tatpuruṣah, ubhayapadārtha-pradhāno dvandvaḥ ity evam ādi, tad-aśiṣyam iti //


____________________________________________________________________


[#47]

jāty-ākhyāyam ekasmin bahuvacanam anyatarasyām || PS_1,2.58 ||


_____START JKv_1,2.58:

aśiṣyam iti nivr̥tam /
jātir nāma ayam eko 'rthaḥ /
tad-abhidhāne ekavacanam eva prāptam ata idam udyate /
jāter ākhyā jāty-ākhyā /
jāty-ākhyāyām ekasminn arthe vahuvacanam anyatarasyāṃ bhavati /
jāty-artho bahuvad bhavati iti yāvat /
tena tadviśeṣaṇānām ajāti-śabdānām api sampannādīnāṃ bahuvacanam upapadyate /
sampanno yavaḥ, sampannā yavāḥ /
sampanno vrīhiḥ, sampannā vrīhayaḥ /
pūrvavayā brāhmaṇaḥ pratyuttheyaḥ, pūrvavayaso brāhmaṇāḥ pratyuttheyāḥ /
jāti-grahaṇaṃ kim ? devadattaḥ /
yajñadattaḥ /
ākhyāyām iti kim ? kāśyapa-pratikr̥tiḥ kāśyapaḥ /
bhavatyayaṃ jāti-śabdo na tvanena jātir ākhyāyate /
kiṃ tarhi ? pratikr̥tiḥ /
ekasmin iti kim ? vrīhiyavau /
saṅkhyāprayoge pratiṣedho vaktavyaḥ /
eko brīhiḥ sampannaḥ subhikṣaṃ karoti //


____________________________________________________________________


asmado dvayoś ca || PS_1,2.59 ||


_____START JKv_1,2.59:

asmado yo 'rthas tasya+ekatve dvitve ca bahuvacanam anyatarasyāṃ bhavati /
ahaṃ bravīmi , vayaṃ vrūmaḥ /
āvāṃ brūvaḥ, vayaṃ vrūmaḥ /
saviśeṣaṇasya pratiṣedho vaktavyaḥ /
ahaṃ devadatto bravīmi /
ahaṃ gārgyo vravīmi /
ahaṃ paṭur bravīmi /
yuṣmadi gurāvekeṣām /
tvaṃ me guruḥ, yūyaṃ me guravaḥ //


____________________________________________________________________


phalgunī-proṣṭhapadānāṃ ca nakṣatre || PS_1,2.60 ||


_____START JKv_1,2.60:

cakāro dvayoḥ ity anukarṣaṇa-arthaḥ /
phalgunyor dvayoḥ proṣṭhapadayoś ca dvayor nakṣatrayor bahuvacanam anyatarasyāṃ bhavati /
kadā pūrve phalgunyau, kadā pūrvāḥ phalgunyaḥ /
kadā pūrve proṣṭhapade, kadā pūrvāḥ proṣṭhapadāḥ /
nakṣatre iti kim ? palgunyau maṇavike //


____________________________________________________________________


chandasi punarvasvorekavacanam || PS_1,2.61 ||


_____START JKv_1,2.61:

anyatarasyām ity anuvartate /
dvayor dvivacane prāpte punarvasvoś chandasi viṣaye ekavacanam anyatarasyāṃ bhavati /
punarvasur nakṣatram aditir devatā /
punarvasū nakṣatram aditir devatā /
nakṣatre ity eva /
punarvasū māṇavakau /
chandasi iti kim ? punarvasū iti //


____________________________________________________________________


[#48]

viśākhayoś ca || PS_1,2.62 ||


_____START JKv_1,2.62:

chandasi iti vartate /
dvivacane prāpte chandasi viṣaye viśākhayor ekavacanam anyatarasyāṃ bhavati /
viśākhaṃ nakṣatram indrāgnīṃ devatā /
viśākhe nakṣatram indrāgnī devatā //

____________________________________________________________________


tiṣya-punarvasvor nakṣatra-dvandve bahuvacanasya dvivacanaṃ nityam || PS_1,2.63 ||


_____START JKv_1,2.63:

chandasi iti nivr̥ttam /
niṣyaḥ ekaḥ, punarvasū dvau, teṣaṃ dvandvo bahv-arthaḥ /
tatra bahuvacane prāpte dvivacanaṃ vidhīyate /
niṣyapunarvasvoḥ nakṣatra-viṣaye dvandve bahuvacana-prasaṅgo nityaṃ dvivacanaṃ bhavati /
uditau tiṣya-punarvasū dr̥śyete /
tiṣya-punarvasvoḥ iti kim ? viśākhānurādhāḥ /
nakṣatre iti kim ? tiṣyaś ca māṇavakaḥ, punarvasū māṇavakau, tiṣya-punarvasavo māṇavakāḥ /
nanu ca prakr̥tam eva nakṣatra-grahaṇaṃ kim-arthaṃ punar ucyate /
paryāyāṇām api yathā syāt /
tiṣya-punarvasū /
puṣya-punarvasū /
siddhya-punarvasū /
dvandve iti kim ? yastiṣyastau punarvasū yeṣāṃ te ime tiṣya-punarvasavaḥ /
unmugdhāḥ tiṣyādaya eva viparyayeṇa dr̥śyamānā bahuvrīhiṇocyante /
tena nakṣatra-samāsa eva ayam /
bahuvacanasya iti kim ? ekavacanasya mā bhūt /
niṣya-punarvasu idam iti /
sarvo dvandvo vibhāṣā ekavad bhavati ity asya+etada eva jñāpakam /
nitya-grahaṇaṃ vikalpa-nivr̥tty-artham //


____________________________________________________________________


sasūpāṇām ekaśeṣa eka-vibhaktau || PS_1,2.64 ||


_____START JKv_1,2.64:

samānaṃ rūpam eṣām iti sarūpāḥ /
sarūpāṇāṃ śabdānaṃ ekavibhaktau parata ekaśeṣo bhavati /
ekaḥ śiṣyate tare nivartante /
vr̥kṣaś ca vr̥kṣaś ca vr̥kṣau /
vr̥kṣaś ca vr̥kṣaś ca Vrkṣaś ca vr̥kṣāḥ /
pratyarthaṃ śabda-niveśān na+ekena anekasya abhidhānam /
tatra aneka-artha-abhidhāne 'neka-śabdatvaṃ prāptaṃ tasmād ekaśeṣaḥ /
sarupāṇām iti kim ? plakṣanyagrodhāḥ /
rūpa-grahaṇaṃ kim ? bhinne 'pyarthe yathā syāt /
akṣāḥ /
pādāḥ /
māṣāḥ /
ekagrahaṇaṃ kim ? dvibahvoḥ śeṣo mā bhūt /
śeṣagrahanaṃ kim ? ādeśo mā bhūt /
ekavibhaktau iti kim ? payaḥ payo jarayati /
brāhmaṇābhyāṃ ca kr̥taṃ brāhmaṇābhyāṃ ca dehi //


____________________________________________________________________


vr̥ddho yūnā tal-lakṣaṇaś ced-eva viśeṣaḥ || PS_1,2.65 ||


_____START JKv_1,2.65:

śeṣaḥ iti vartate /
yūnā iti sahayoge tr̥tīyā /
vr̥ddho yūnā sahavacane śiṣyate yuvā nivartate /
vr̥ddha-śabdaḥ pūrvācārya-sañjñā gotrasya apatyam antarhitaṃ vr̥ddham iti /
vr̥ddha-yūnoḥ sahavacane vr̥ddhaḥ śiṣyate tal-lakṣaṇaś ced eva viśeṣaḥ /
tad iti vr̥ddha-yūnor nirdeśaḥ /
lakṣaṇa-śabdo nimitta-paryāyaḥ /
cec-chabdo yady arthe /
evakāro 'vadhāraṇe /
viśeṣo vairūpyam /
vr̥ddha-yuva-nimittakam eva yadi vairūpayam bhavati tato vr̥ddhiḥ śiṣyate, yuvā nivartate /
samānāyāmākr̥tau vr̥ddha-yuva-pratyayau bhidyete /
gārgyaś ca gārgyāyṇaś ca gārgyau /
[#49]

vatsyaś ca vātsyāyanaś ca vātsyau /
vr̥ddhaḥ iti kim ? gargaś ca gārgyāyaṇaś ca gargagārgāyaṇau /
yū nā iti kim ? gārgyaś ca gargaś ca gārgya-gargau /
tal-lakṣaṇaḥ iti kim ? gārgya-vātsyayanau /
evakāraḥ kim-arthaḥ /
bhāgavittiś ca bhāgavittikaś ca bhāgavitti-bhāgavittikau /
kutsā sauvīratvaṃ ca bhāgavittikasya aparo viśeṣo vidyate //


____________________________________________________________________


strī puṃvac-ca || PS_1,2.66 ||


_____START JKv_1,2.66:

śeṣaḥ iti vartate, vr̥ddho yūnā iti ca sarvam strī vr̥ddhā yūnā sahavacane śiṣyate, tal-lakṣaṇaś ced-eva viśeṣo bhavati /
puṃsaḥ iva asyāḥ kāryaṃ bhavati /
stry-arthaḥ pum-arthavad bhavati /
gargī ca gargyāyaṇaś ca gārgyau /
vātsī ca vātsyāyanaś ca vātsyau /
dākṣī ca dākṣāyāṇaś ca dākṣī //


____________________________________________________________________


pumān striyā || PS_1,2.67 ||


_____START JKv_1,2.67:

tal-lakṣaṇaś ced-eva viśeṣaḥ iti vartate /
vr̥ddho yūna iti nivr̥ttam /
striyā sahavacane pumān śiṣyate strī nivartate /
strīpuṃsalakṣaṇaścedeva viśeṣo bhavati /
brāhmaṇaś ca mayūrī ca kukkuṭamayūryau /
evakaraḥ kim-arthaḥ /
indraś ca indrāṇī ca indrendrāṇyau /
puṃyogād ākhyāyām (*4,1.48) ity aparo viśeṣaḥ /
pumān iti kim ? prāk ca prāci ca prākprācyau /
prāk ity avayayam aliṅgam //


____________________________________________________________________


bhrātr̥-putrau svasr̥-duhitr̥bhyām || PS_1,2.68 ||


_____START JKv_1,2.68:

yathā saṅkhyaṃ bhrātr̥-putra-śabdau śiṣyete sahavacane svasr̥-duhitr̥bhyam /
svasrā sahavacane bhrātr̥-śabdaḥ śiṣyate /
bhrātā ca svasā ca bhrātarau /
duhitrā sahavacane putra-śabdaḥ śiṣyate /
putraś ca duhita ca putrau //


____________________________________________________________________


napuṃsakam anapuṃsakena-ekavac-ca-asya-anyatarasyām || PS_1,2.69 ||


_____START JKv_1,2.69:

tal-lakṣaṇaś ced-eva viśeṣaḥ iti vartate /
napuṃsaka-anapuṃsaka-mātra-kr̥te viśeṣe 'napuṃsakena sahavacane napuṃsakaṃ śiṣyate, ekavac ca asya kāryaṃ bhavati anyatarasyām /
śuklaś ca kambalaḥ, śuklā ca br̥hatikā, śuklam ca vastraṃ, tadidaṃ śuklam /
tāni imāni śuklāni /
anapuṃsakena iti kim ? śuklaṃ ca śuklaṃ ca śuklaṃ ca suklāni /
ekavacca iti na bhavati //

____________________________________________________________________


pitā mātrā || PS_1,2.70 ||


_____START JKv_1,2.70:

anyatarasyām iti vartate, na ekavat iti /
mātrā sahavacane pitr̥-śabdaḥ śiṣyate 'nyatarasyām /
mātā ca pitā ca pitarau, matā-pitarau iti vā //


____________________________________________________________________


[#50]

śvaśuraḥ śvasravā || PS_1,2.71 ||


_____START JKv_1,2.71:

anyatarasyām iti vartate /
śvasrvā sahavacane śvaśura-śabdaḥ śiṣyate anyatarasyām /
śvaśuraś ca śvaśrūś ca śvaśurau, śvasrū-śvaśurau iti vā //


____________________________________________________________________


tyad-ādīni sarvair nityam || PS_1,2.72 ||


_____START JKv_1,2.72:

tayd-ādīni śabda-rūpāṇi sarvaiḥ sahavacane nityaṃ śiṣyante tyad-ādibhir anyaiś ca /
sarva-grahaṇaṃ sakalya-artham /
nitya-grahanaṃ vikalpa-nivr̥tty-artham /
sa ca devadattaś ca tau /
yaśca devadattaś ca yau /
tyad-ādīnāṃ mitho yadyat paraṃ tattac chisyate /
sa ca yaś ca yau /
yaś ca kaśca kau //


____________________________________________________________________


grāmya-paśu-saṅgheṣv ataruṇeśu strī || PS_1,2.73 ||


_____START JKv_1,2.73:

grāmyāṇāṃ paśūnāṃ saṅghāḥ grāmya-paśu-saṅghāḥ /
eteṣu sahavivakṣāyāṃ strī śiṣyate /
pumān striyā (*1,2.67) iti puṃsaḥ śeṣe prāpte strī-śeṣo vidhīyate /
ataruṇa-grahaṇam sāmarthyāt paśu-viśeṣanam /
gāva imāḥ /
ajā imāḥ /
grāmya-grahanaṃ kim ? rurava ime /
puṣatā ime /
puśuṣu iti kim ? brāhmaṇāḥ /
kṣatriyāḥ /
saṅgheṣu iti kim ? etau gavau carataḥ /
ataruṇesu iti kim ? varsā ime /
varkarā ime /
anekaśapheṣviti vaktavyam /
iha mā bhūt /
aśvā ime //

iti srījayādityaviracitāyaṃ kāśikāyāṃ vr̥ttau prathamādhyāyasya dvitīyaḥ pādaḥ //


____________________________________________________________________

[#51]

bhūvādayo dhātavaḥ || PS_1,3.1 ||


_____START JKv_1,3.1:

bhū ity evam ādayaḥ śabdāḥ kriyāvacanā dhātusañjñā bhavanti /
bhū - bhavati /
edha - edhate /
spardha - spardhate /
dhātu-śabdaḥ pūrvācārya-sañjñā /
te ca kriyāvacanānāṃ sañjñāṃ kr̥tavantaḥ /
tad iha api pūrvācarya-sañjñāśrayaṇāt kriyāvācinām eva bhūvādīnāṃ dhātusañjñā vidhīyate /
bhūvādīnāṃ vakāro 'yaṃ maṅgala-arthaḥ prayujyate /
bhūvo vārthaṃ vadanti iti bhv-arthā vā vādayaḥ smar̥tāḥ //
dhātupradeśāḥ - dhātoḥ (*3,1.91) ity evam ādayaḥ //


____________________________________________________________________


upadeśe 'j-anunāsika it || PS_1,3.2 ||


_____START JKv_1,3.2:

upadiśyate 'nena ity upadeśaḥ śāstravākyāni, sūtrapāṭhaḥ, khilapāṭhaś ca /
tatra yo 'c anunāsikaḥ sa itsañjño bhavati /
edha /
spardha /
pratijña-anunāsikyāḥ pāṇinīyāḥ /
upadeśe iti kim ? abhra āṃ apaḥ /
ac iti kim ? ato manin-kvanib-vanipaś ca (*3,2.74) /
anunāsikaḥ iti kim ? sarvasya aco mā bhūt /
it-pradeśāḥ - ād-itaś ca (*7,2.16) ity evam ādayaḥ //

____________________________________________________________________


hal-antyam || PS_1,3.3 ||


_____START JKv_1,3.3:

upadeśe iti vartte /
ante bhavam antyam /
dhātvādeḥ samudāyasya yad-antyam hal, tad itsañjñaṃ bhavati /
aiuṇ - ṇakāraḥ /
r̥l̥k - kakāraḥ /
eoṅ - ṅakaraḥ /
aiauc - cakāraḥ /
upadeśe ity eva /
agnicit /
somasut /
hasya l hal iti dvitīyam atra hal-grahaṇaṃ tantreṇa+upāttaṃ draṣṭavyam /
tena pratyāhāra-pāṭhe hal ity atra lakārasya itsañjñā kriyate /
tathā ca sati halantyam ity atra pratyāhāre na+itaretarāśraya-doṣo bhavati //


____________________________________________________________________


na vibhaktau tusmāḥ || PS_1,3.4 ||


_____START JKv_1,3.4:

pūrveṇa prāptāyamitsañjñāyāṃ vibhāktau vartamānānāṃ tavarga-sakāra-makaraṇāṃ pratiṣedha ucyate /
tavargaḥ, ṭā-ṅasi-ṅasām ina-āt-syāḥ (*7,1.12) - vr̥kṣāt, plakṣāt /
sakāraḥ, jas - brāhmaṇāḥ /

[#52]

tas - pacataḥ /
thas - pacathaḥ /
makāraḥ - upacattām, apacatam /
bibhaktau iti kim ? aco yat (*3,1.97), ūrṇāyā yus (*5,2.123), rudhādibhyaḥ śnam (*3,1.78) /
kimo 't (*5,3.12), iṭo 't (*3,4.106) ity atra pratiṣedho na bhvati , anityatva-ādasya pratiṣedhasya /
idamas thamuḥ (*5,3.24) ity ukāra-anubandha-nirdeśād anityatvam upalakṣyate //


____________________________________________________________________


ādir ñi-ṭu-ḍavaḥ || PS_1,3.5 ||


_____START JKv_1,3.5:

it iti vartate /
ādi-śabdaḥ pratekam abhisambadhyate /
ñi-ṭu-ḍu ity eteṣāṃ samudayānām ādito vartamānānām ity sañjñā bhavati /
ñi, ñimidā - minnaḥ /
ñidhr̥ṣā - dhr̥ṣṭaḥ /
ñikṣvidā - kṣviṇṇaḥ /
ñīndhī - iddhaḥ /
ṭu, ṭuvepr̥ - vepathuḥ /
ṭuośvi - śvayathauḥ /
ḍu, ḍupacaṣ - paktrimam /
ḍuvap - uptrimam /
ḍukr̥ñ kr̥trimam /
ādiḥ iti kim ? pṭūyati /
kṇḍūyati /
upadeṣe ity eva - ñikārīyati //


____________________________________________________________________


ṣaḥ pratyayasaya || PS_1,3.6 ||


_____START JKv_1,3.6:

ṣakāraḥ pratyayasaya ādiḥ itsañjñaḥ bhavati /
śilpini ṣvun (*3,1.145) - nartakī, rajakī /
pratyayasya iti kim ? ṣoḍaḥ, ṣaṇḍaḥ, ṣaḍikaḥ /
ādiḥ ity eva - avimahyoṣṭiṣac - aviṣaḥ, mahiṣaḥ //


____________________________________________________________________


duṭū || PS_1,3.7 ||


_____START JKv_1,3.7:

cavarga-ṭavargau pratyayasyādī itsañjau bhavataḥ /
gotre kuñja-ādibhyaś cphaḥ (*4,1.98) - kauñjāyanaḥ /
chasya īya-adeśaṃ vakṣyati /
jas - brāhmaṇāḥ jhasya anta-ādeśaṃ vakṣyati /
śaṇḍika-ādibhyo ñyaḥ (*4,3.92) - śāṇḍikyaḥ /
tavargaḥ, careṣṭaḥ (*3,2.16) - kurucarī, madracarī /
ṭhasya ik-ādeśaṃ vakṣyati /
saptamyāṃ janer ḍaḥ (*3,2.97) -upasarajaḥ, mandurajaḥ /
ḍhasya ey-ādeśaṃ vakṣyati /
annāṇ-ṇaṃ (*4,4.85) - ānnaḥ /
pr̥thagyogakaraṇam asya vidher anityatvajñāpana-artham /

[#53]

tena vittaś cuñcup-caṇapau (*5,2.26) - keśacuñcuḥ, keśacaṇaḥ /
avāt kuṭārac ca (*5,2.30), nate nāsikāyāḥ sañjñāyāṃ ṭiṭañ-nāṭj-bhraṭacaḥ (*5,2.31) - avaṭītaḥ /
ādiḥ ity eva /
karmaṇi ghaṭo 'ṭhac (*5,2.35) - karmaṭhaḥ //


____________________________________________________________________

la-śa-kv ataddhite || PS_1,3.8 ||


_____START JKv_1,3.8:

taddhita-varjitasya pratyayasy ādito vartamānā lakāra-śakāra-kavargā itsañjñā bhavanti /
lakaraḥ, lyuṭ ca (*3,3.115) - cayanam, jayanam /
śakāraḥ, kartari śap (*3,1.68) - bhavati, pacati /
kavargaḥ, ktaktavatū niṣṭhā (*1,1.26) - bhuktaḥ, bhuktavat /
priya-vaśo vadaḥ khac (*3,2.38) - priyaṃvadaḥ, vaśaṃvadaḥ /
glā-ji-sthaś ca gsnuḥ (*3,2.139) - glāsnuḥ, jiṣṇuḥ, bhūṣṇuḥ /
bhañja-bhāsa-mido ghurac (*3,2.161) - bhuaṅguram /
ṭā-ṅasiṅasām ina-āt-syāḥ (*7,1.12) - vr̥kṣāt, vr̥kśasya /
ataddhite iti kim ? cūḍhālaḥ /
lomaśaḥ /
karṇikā //


____________________________________________________________________


tasya lopaḥ || PS_1,3.9 ||


_____START JKv_1,3.9:

tasya itsañjñakasya lopo bhavati /
tathā ca+eva+udāhr̥tam /
tasya grahaṇaṃ sarvalopa-artham, alo 'ntyasay (*1,1.52) mā bhūt ādir ñiṭuḍavaḥ (*1,3.5) iti //


____________________________________________________________________


yathā-saṅkhyam anudeśaḥ samānām || PS_1,3.10 ||


_____START JKv_1,3.10:
saṅkhyā-śabdena kramo lakṣyate /
yathā-saṅkhyaṃ yathā-kramam anudeśo bhavati /
anudiśyate iti anudeśaḥ /
paścād uccāryate ity arthaḥ /
samānāṃ samasaṅkhyānaṃ samaparipahitānām uddeśinām anudeśināṃ ca yathā-kramamauddeśibhir anudeśinaḥ sambadhyante /
tūdī-śalātura-varmatī-kūcavārāḍ ḍhak-chaṇ-ḍhañ-yakḥ (*4,3.94) /
prathamāt prathamaḥ, dvitīyād dvitīyaḥ ity ādi /
taudeyaḥ /
śālāturīyaḥ /
vārmateyaḥ /
kaucavāryaḥ /
samānām iti kim ? lakṣaṇa-ittham-bhūta-ākhyāna-bhāga. vīpsāsu prati-pary-anavaḥ (*1,4.90) /
lakṣaṇādayaś catvāro 'rthāḥ, pratyādayas trayaḥ, sarveṣaṃ sarvatra karmapravacanīya-sañjñā bhavati /
iha kasmān na bhavati veśo-yaśa-āder bhagād yal (*4,4.131) kha ca (*4,4.132) iti ? svaritena liṅgena yathā-saṅkhyam /
yatra eṣyate, tatra svaritatvaṃ na pratijñāyate /
svaritena adhikāraḥ (*1,3.11) iti svarita-grhaṇaṃ pūrveṇa api sambadhyate //


____________________________________________________________________


svaritena adhikāraḥ || PS_1,3.11 ||


_____START JKv_1,3.11:

svaritena iti ittham bhūta-lakṣaṇe tr̥tīyā /
svarito nāma svara-viśeṣo varṇa-dharmaḥ /
tena cihṇena adhikāro viditavyaḥ /
adhikāro viniyogaḥ /
svarita-guṇa-yuktaṃ śabdarūpam adhikr̥tatvād uttaratra+upatiṣṭhate /
pratijñā-svaritāḥ pāṇinīyāḥ /
pratyayaḥ (*3,1.1) /
dhātoḥ (*3,1.91) /
ñy-āp-prātipadikāt (*4,1.1) /
aṅgasya (*6,4.1) /
bhasya (*6,4.129) /
padasya (*8,1.16) //

____________________________________________________________________


[#54]

anudāttaṅita ātmanepadam || PS_1,3.12 ||


_____START JKv_1,3.12:

aviśeṣeṇa dhātor ātmanepadaṃ parsmaipadaṃ ca vidhāsyate, tatra ayaṃ niyamaḥ kriyate /
anudātta-ito ye dhatavo ṅitaś ca, tebhya eva ātmanepadaṃ bhavati na anyebhyaḥ /
anudattedbhyaḥ, āsa - āsate /
vasa - vaste /
ṅidbhyaḥ khalv api, ṣūṅ - sūte /
śīṅ - śete //


____________________________________________________________________


bhāva-karmaṇoḥ || PS_1,3.13 ||


_____START JKv_1,3.13:

laḥ karmaṇi ca bhāve ca akarmakebhyaḥ (*3,4.69) iti bhāva-karmaṇor vihitasya lasya tib-ādayaḥ sāmānyena vakṣyante /
tatra-idam ucyate, bhāve karmaṇi ca ātmanepadaṃ bhavati /
bhāve - glāyte bhavatā, supyate bhavatā, āsyate bhavatā /
karmaṇi - kriyate kaṭaḥ, hriyate bhāraḥ /
karmakartari, lūyate kedāraḥ svayam eva iti, parasmaipadaṃ na bhavati /
tasya vidhāne dvitīyaṃ kartr̥-grahaṇam anuvartate /
tena kartiva yaḥ kartā tatra prasmaipadaṃ bhavati //


____________________________________________________________________

kartari karma-vyatihāre || PS_1,3.14 ||


_____START JKv_1,3.14:

karma-śabdaḥ kriyavācī /
vyatihāro vinimayaḥ /
yatra-anya-sambandhinīṃ kriyāmanyaḥ karoti, itara-sambandhinīṃ cetaraḥ, sa karma-vyatihāraḥ /
taddhiśiṣṭa-kriyāvacanād dhātor ātmanepadaṃ bhavati /
vyatilunate /
vyatipunate /
karma-vyatihāre iti kim ? lunanti /
kartr̥-grahaṇam uttara-arthaṃ śeṣāt kartari parasmaipadam (*1,3.78) iti //


____________________________________________________________________


na gati-hiṃsā-arthebhyaḥ || PS_1,3.15 ||


_____START JKv_1,3.15:

pūrveṇa ātmanepadaṃ prāptaṃ pratiṣidyate /
gaty-arthebhyo hiṃsā-arthebhyaś ca dhātughyaḥ karma-vyatihare ātmanepadaṃ na bhavati /
vyatigacchanti /
vyatisarpanti /
hiṃsā-arthebhyaḥ -- vyatihiṃsanti /
vyatighnanti /
pratiṣedhe hasādīnām upasaṅkhyanam /
vyatihasanti /
vyatijalpanti /
vyatipaṭhanti /
harater apratiṣedhaḥ /
saṃpraharante rājānaḥ //


____________________________________________________________________

itaretara-anyonya-upapadāc ca || PS_1,3.16 ||


_____START JKv_1,3.16:

itaretaraḥ, anyonyaḥ ity evam upapadād dhātoḥ karma-vyatihāre ātmanepadaṃ na bhavati /
itaretarasya vyatilunanti /
anyonyasya vyatilunanti /

[#55]

paraspara-upapadāc ca+iti vaktavyam /
parsparasya vyatilunanti //


____________________________________________________________________


ner viśaḥ || PS_1,3.17 ||


_____START JKv_1,3.17:

śaṣāt kartari parsmaipadam (*1,3.78) iti prasmaipade prāpte ni-pūrvād viśa ātmanepadaṃ vidhīyate /
neḥ parasmād viśa ātmanepadaṃ bhavati /
niviśate /
niviśante /
neḥ iti kim ? praviśati /
ya-dāgamās tad-grahaṇena gr̥hyante tena aṭā na asti vyavadhānam /
nyaviśata /
ner upasargasya grahaṇam, arthavad-grahane na anarthakasya grahaṇam iti /
tasmād iha na bhavati, madhuni viśānti bhramarāḥ //


____________________________________________________________________


parivy-avebhyaḥ kriyaḥ || PS_1,3.18 ||


_____START JKv_1,3.18:

ḍukriñ dravya-vinimaye /
ñitvāt kartr-abhiprāye kriyāphale siddham ātmanepadam /
akartr-abhiprāya-artho 'yam-ārambhaḥ /
parivyavebhya uttarasmāt krīṇāter ātmanepadaṃ bhavati /
parikrīṇīte /
vikrīṇīte /
avakrīṇīte /
paryādaya upasargā gr̥hyante tena+iha na bhavati, vahuvi krīṇāti vanam //


____________________________________________________________________


viparābhyāṃ jeḥ || PS_1,3.19 ||


_____START JKv_1,3.19:

śeṣāt kartari parasmaipadam (*1,3.78) ity asya apavādaḥ /
viparā pūrvāj jayater dhātor ātmanepadaṃ bhavati /
vijayate /
parājayate /
viparā-śabdāv upasargau gr̥hyete sāhacaryat /
tena+iha na bhavati, bahuvi jayati vanam, parā jayati senā iti //


____________________________________________________________________


aṅo do 'nāsya-viharaṇe || PS_1,3.20 ||


_____START JKv_1,3.20:
akartr-abhiprāyartho 'yam ārambhaḥ /
āṅ-pūrvād dadāter anāsya-viharaṇe vartamānād ātmanepadaṃ bhavati /
vidhyāmādatte /
anāsya-viharaṇe iti kim ? āsyaṃ vyādadāti /
āsya-viharaṇasamānakriyād api pratiṣedho vaktavyaḥ /
vipādikāṃ vyādadāti /
kulaṃ vyādadāti /
svāṅgakarmakāc ca+iti vaktavyam /
iha mā bhūt, vyādadate pipīlikāḥ pataṅgasya mukham //


____________________________________________________________________


[#56]

krīḍo 'nu-saṃ-paribhyaś ca || PS_1,3.21 ||


_____START JKv_1,3.21:

krīḍr̥ vihāre, etasmād anu sam pari ity evaṃ pūrvād āṅ-pūrvāc ca-ātmanepadaṃ bhavati /
anukrīḍate /
saṅkrīḍate /
parikrīḍate /
āṅaḥ khalvapi, ākrīḍate /
samā sāhacaryād anvādir upasargo gr̥hyate, tena+iha karmapravacanīya-prayoge na bhavati, māṇavaka-manu krīḍati /
samo 'kūjane iti vaktavyam /
saṅkrīḍanti śakaṭāni /
āgameḥ kṣamāyām ātmanepadaṃ vaktavyam /
kṣamā upekṣā, kālaharaṇam iti yāvat /
āgamayasva tāvanmāṇavakam /
śikṣerjijñāsāyām /
vidyāsu śikṣate /
āśiṣi nāthaḥ /
sarpiṣo nāthate /
madhuno nāthate /
āśiṣi iti kim ? māṇavakamanunāthati /
haratergatatācchīlye /
paitr̥kamaśvā anuharante /
mātr̥kaṃ gāvo 'nuharante /
gatatācchīlye iti kim ? māturanuharati /
kiraterharṣajīvikākulāyakaraṇeṣv iti vaktavyam /
apaskirate vr̥ṣabho hr̥ṣṭaḥ /
jīvikāyām - apaskirate kukkuṭo bhakṣārthī /
kulāyakaraṇe -- apaskirate śvā āśrayārthī /
harṣādiṣu iti kim ? apakirati kusumam /
āṅi nupracchyor upasaṅkhyānam /
ānute sr̥gālaḥ /
āpr̥cchate gurum /
śapa upalambhana iti vaktavyam /
vācā śarīra-sparśanam upalambhanam /
devadattāya śapate /
yajñadattāya śapate /
upalambhane iti kim ? śapati //


____________________________________________________________________


[#57]

samavapravibhyaḥ sthaḥ || PS_1,3.22 ||


_____START JKv_1,3.22:

sam ava pra vi ity evaṃ pūrvāt tiṣṭhater ātmanepadaṃ bhavati /
saṃtiṣṭhate /
avatiṣṭhate /
vitiṣṭhate /
āṅaḥ sthaḥ pratijñāne iti vaktavyam /
astiṃ sakāram ātiṣṭhate /
āgamau guṇa-vr̥ddhī ātiṣṭhate //


____________________________________________________________________


prakāśana-stheya-ākhyahoś ca || PS_1,3.23 ||


_____START JKv_1,3.23:

svābhiprāyakathanaṃ prakāśanam /
stheyasya ākhyā stheyākhyā /
tiṣṭhaty asminn iti stheyaḥ /
vivādapadanirṇetā loke stheyaḥ iti prasidhaḥ /
tasya pratipatty-artham ākhyā-grahaṇam /
prakāśane stheya-ākhyāyāṃ ca tiṣṭhater ātmanepadaṃ bhavati /
prakāśane tāvat -- tiṣṭhate kanyā dhātrebhyaḥ /
tiṣṭhate vr̥ṣalī grāma-putrebhyaḥ /
prakāśayaty ātmānam ity arthaḥ /
stheya-ākhyāyām -- tvayi tiṣṭhate /
mayi tiṣṭhate /
saṃśayya karṇādiṣu tiṣṭhate yaḥ //


____________________________________________________________________


udo 'nūrdhva-karmaṇi || PS_1,3.24 ||


_____START JKv_1,3.24:

utpūrvāt tiṣṭhater anūrdhva-karmaṇi vartamānād ātmanepadaṃ bhavati /
karmaśabdaḥ kriyāvācī /
anūrdhvatāviśiṣṭakriyāvacanāt tiṣṭhater ātmanepadaṃ bhavati /
gehe utiṣṭhate /
kuṭumbe uttiṣṭhate /
tad-arthaṃ yatate ity arthaḥ /
uda īhāyām iti vaktavyam /
iha mā bhūt, asmād grāmāt śatam uttiṣṭhati /
śatam utpadyate ity arthaḥ /
īhagrahaṇam anūrdhva-karmaṇa eva viśeṣanaṃ, na apavādaḥ /
anūrdhva-karmaṇi iti kim ? āsanād uttiṣṭhati //


____________________________________________________________________


upān mantra-karaṇe || PS_1,3.25 ||


_____START JKv_1,3.25:

upapūrvāt tiṣthater mantrakaraṇe 'rthe vartamānād ātmanepadaṃ bhavati /
aindryā gārhapatyam upatiṣṭhate /
āgneyyā ānīghram upatiṣṭhate /
mantrakaraṇe iti kim ? bhartāram upatiṣṭhati yauvanena /
upād devapūjāsaṅgatakaraṇamitrakaraṇapathiṣviti vācyam /
devapūjāyām --ādityam upatiṣṭhate /
saṅgatakaraṇe -- rathikān upatiṣṭhate /
mitrakaraṇe -- mahāmātrān upatiṣṭhate /
mitrakaraṇasaṅgatakaraṇayoḥ ko viśeṣaḥ ? saṅgatakaraṇam upaśleṣaḥ /
tad-yathā, gaṅgā yamunām upatiṣthate /
mitrakaraṇaṃ tu vināpy upaśleṣeṇa maitrīsam Bandhaḥ /
pathi - ayaṃ panthāḥ strughnam upatiṣṭhate /

[#58]

vā lipsāyāmiti vaktavyam /
bhikṣuko brāhmaṇa-kulam upatiṣthate, upatiṣṭhati iti vā //


____________________________________________________________________


akarmakāc ca || PS_1,3.26 ||


_____START JKv_1,3.26:

upāt iti vartate /
upapūrvāt tiṣṭhater akarmakāt akarmaka-kriyāvacanād ātmanepadaṃ bhavati /
yāvad bhuktam upatiṣṭhate /
yāvad odanum upatiṣṭhate /
bhuktam iti bhāve kta-pratyayaḥ /
bhojane bhojane sannidhīyate ity arthaḥ /
akarmakāt iti kim ? rājānam upatiṣṭhati //


____________________________________________________________________


ud-vibhyāṃ tapaḥ || PS_1,3.27 ||


_____START JKv_1,3.27:

akarmakāt iti vartate /
ut vi ity evaṃ pūrvāt tapater akarmaka-triyāvacanād ātmanepadaṃ bhavati /
uttapate /
vitapate /
dīpyate ity arthaḥ /
akarmakāt ity eva /
uttapati suvarṇaṃ suvarṇa-kāraḥ /
vitapati pr̥thvīṃ savitā /
svāṅgakarmakāc ca+iti vaktavyam /
uttapate pāṇim, uttapate pr̥ṣṭham /
vitapate pāṇim, vitapate pr̥ṣṭham /
svāṅgaṃ ca+iha na pāribhāṣikaṃ gr̥hyate adravaṃ mūrtimat svāṅgam iti /
kiṃ tarhi ? svam aṅgaṃ svāṅgam /
tena+iha na bhavati, devadatto yajñadattasya pr̥ṣṭham uttapati iti /
udvibhyām iti kim ? niṣṭapati //


____________________________________________________________________

āṅo yama-hanaḥ || PS_1,3.28 ||


_____START JKv_1,3.28:

akarmakāt iti vartate /
yama uparame, hana hiṃsāgatyoḥ iti parasmaipadinau /
tābhyām akarmaka-kriyāvacanābhyām āṅpūrvābhyām ātmanepadaṃ bhavati /
āyacchate, āyacchete āyacchante /
hanaḥ khalv api -- āhate, āghnāte, āghnate /
akarmakāt ity eva /
āyacchati kūpād rajjum /
āhanti vr̥ṣalaṃ pādena /
svāṅgakarmakāc ca+iti vaktavyam /
āyacchate pāṇim /
āhate śiraḥ /
svāṅgaṃ ca+iha na pāribhāṣikam gr̥hyate /
kiṃ tarhi ? svam aṅgaṃ svāṅgam /
tena+iha na bhavati , āhanti śiraḥ parakīyam iti //


____________________________________________________________________


samo gamy-r̥cchi-pracchi-svaraty arti-śru-vidighyaḥ || PS_1,3.29 ||


_____START JKv_1,3.29:

akarmakāt iti vartate /
śeṣāt kartari parasmaipadam (*1,3.78) iti prāpte sampūrvebhyo gami r̥cchi pracchi svarati arti śru vidi ity etebhyo 'karmakebhyo dhātubhya ātmanepadaṃ bhavati /
saṅgacchate /
amr̥ddhate /
saṃpr̥cchate /
saṃsvarati /
saṅkalpā asya samaranta /

[#59]
arter luṅi cleḥ sar-ti-śāsty-artibhyaśca (*3,1.56) /
ity aṅ-ādeśaḥ /
tatra prasmaipadeśu ity etan nāśrīyate /
bahulaṃ chandasy amāṅyoge 'pi (*6,4.75) ity āṭ pratiṣadhyate /
r̥dr̥śo 'ṅi guṇaḥ (*7,4.16) iti guṇaḥ -- samaranata /
saṃśr̥ṇute /
saṃvitte /
r̥ccheran ādeśasya grahaṇam, samr̥cchiṣyate /
arty-ādeśasya tv arti ity eva siddham ātmanepadam /
artirubhayatra paṭhyate, r̥ gati-prāpaṇayoḥ iti bhvādau, r̥ sr̥ gatau iti juhoty-ādau /
viśeṣābhāvād dvayor api grahaṇam /
viderjñāna-arthasya grahanam, parasmaipadibhir gamādibhiḥ sāhacaryāt, na lābha-arthasya svaritettvādubhyatobhāṣasya /
dr̥śeśca+iti vaktavyam /
saṃpaśyate /
akarmakāt ity eva /
grāmaṃ saṃpasyati //


____________________________________________________________________


ni-sam-upa-vibhyo hvaḥ || PS_1,3.30 ||


_____START JKv_1,3.30:

akarmakāt iti nivr̥ttam /
ataḥ paraṃ sāmānyena ātmanepada-vidhānaṃ pratipattavyam /
ni sam upa vi ity evaṃ pūrvāt hvayater dhātor ātnamepadaṃ bhavati /
nihvayate /
saṃhvayate upahvayate /
vihvayate /
akartr-abhiprāya-artho 'yam-ārambhaḥ /
anyatra hi ñittvāt siddham eva-ātmanepadam /
upasargādasyatyūhyor vā vacanam /
nirasyati, nirasyate /
samūhati, samūhate //

____________________________________________________________________


spardhāyām āṅaḥ || PS_1,3.31 ||


_____START JKv_1,3.31:

akartr-abhiprāya-artho 'yam-ārambhaḥ /
spardhāyāṃ viṣaye āṅ-pūrvād hvayater ātmanepadaṃ bhavati /
spardhā saṅgharṣaḥ, parābhibhavechā, sa viṣayo dhātv-arthasya /
dhātus tu śabdatriya eva /
mallo mallam āhvayate /
chātraś chātram āhvayate /
spardhamānas tasya-āhvānaṃ karoti ity arthaḥ /
spardhāyām iti kim ? gām āhvayati gopālaḥ //


____________________________________________________________________


gandhana-avakṣepaṇa-sevana-sāhasikya-pratithatna-prakathana-upayogeṣu kr̥ñaḥ || PS_1,3.32 ||


_____START JKv_1,3.32:

kartr-abhiprāye kriyāphale siddham eva-ātmanepadam /
akartr-abhipraya-artho 'yamārambhaḥ /
gandhana-ādiṣv artheṣu vartamānat karoter ātmanepadaṃ bhavati /
gandhanam pakāra-prayuktaṃ hiṃsātmakaṃ sūcanam /
tathā hi, basta gandha ardane, arda hiṃsāyām iti cur-ādau pathyate /
avakṣepaṇam bhartsanam /
sevanam anuvr̥ttiḥ /
sāhasikyaṃ sāhasikaṃ karma /
pratiyatnaḥ sato guṇa-antarādhānam /
prakathanaṃ prakarṣeṇa kathanam /
upayogo dharmādi prayojano viniyogaḥ /
gandhane tāvat -- utkurute /
udākurute /
sūcayati ity arthaḥ /
avakṣepaṇe -- śyeno vartikām udākurute /
bhartsayati ity arthaḥ sevate -- gaṇakānupakurute /
mahāmātrānupakurute /
sevate ity arthaḥ /
sāhāsikye -- paradārān prakurute /

[#60]

teṣu sahasā pravartate ity arthaḥ /
pratiyatne -- edho dakasya+upaskurute /
kāṇḍaṃ guḍasya+upaskurute /
tasya sato guṇantarādhānaṃ karoti ity arthaḥ /
ṣaṣṭhīsuṭau karoteḥ pratiyatna eva vidhīyete /
prakathane -- gāthāḥ prakurute /
janāpavādān prakurute /
prakarṣeṇa kathayati ity arthaḥ /
upayoge -- śatam prakurute /
sahasraṃ prakurute /
dharma-arthaṃ śataṃ viniyuṅkte ity arthaḥ /
eteṣu iti kim ? kaṭaṃ karoti //


____________________________________________________________________


adheḥ prasahane || PS_1,3.33 ||


_____START JKv_1,3.33:

akartr-abhiprāya-artho 'yam-ārambhaḥ /
adhipūrvāt karoteḥ prasahane vartamānāt ātmanepadaṃ bhavati /
prasahanam abhibhavaḥ aparājayo vā /
tam adhicakre /
tam abhivabhūva, na tena prājitaḥ ity arthaḥ /
prasahane iti kim ? artham adhikaroti /
pr̥thagyogakaraṇam upasarga-viśeṣaṇa-artham //


____________________________________________________________________


veḥ śabda-karmaṇaḥ || PS_1,3.34 ||


_____START JKv_1,3.34:

kr̥ñaḥ ity anuvartate /
vipūrvat karoter akartrabhiprāye kriyāphale śabdakarmaṇa ātmanepadaṃ bhavati /
karmaśabda iha kārakābhidhāyī, na kriyāvacanaḥ /
kroṣṭā vikurute svarān /
dhvāṅkṣo vikurute svarān /
śabdakarmaṇaḥ iti kim ? vikaroti payaḥ //


____________________________________________________________________


akarmakāc ca || PS_1,3.35 ||


_____START JKv_1,3.35:

veḥ kr̥ña ity anuvartate /
vipūrvāt karoter akarmakād akarmaka-kriyāvacanād ātmanepadaṃ bhavati /
vikurvate saindhavāḥ /
sādhu dāntāḥ śobhanaṃ valganti ity arthaḥ /
odanasya pūrṇāś chātrā vikurvate /
niṣphalaṃ ceṣṭante ity arthaḥ //


____________________________________________________________________


sammānana-utsañjana-ācāryakaraṇa-jñāna-bhr̥ti-vigaṇana-vyayeṣu niyaḥ || PS_1,3.36 ||


_____START JKv_1,3.36:

ṇīñ prāpaṇe /
asmāt kartr-abhiprāye kriyāphale siddham eva-ātmanepadam /
akartr-abhiprayārtho 'yam ārambhaḥ /
ṇīñ prāpṇe ity etasmāt dhātor ātmanepadaṃ bhavati sammānana-ādiṣu viśeṣaṇeṣu satsu /
sammānanaṃ pūjanam -- nayate cārvī lokāyate /
cārvī buddhiḥ, tat-sambandhād acārye 'pi cārvī /
sa lokāyate śāstre pada-arthān nayate, upapattibhiḥ sthirīkr̥tya śiṣyebhyaḥ prāpayati /
te yuktibhiḥ sthāpyamānāḥ sammānitāḥ pūjitā bhavanti /
utsañjanam utkṣepaṇam -- māṇavakam udānayate /
utkṣipati ity arthaḥ /
ācārya-karaṇam ācāryakriyā -- māṇavakam īdr̥śena vidhinā ātma-samīpaṃ prāpyati yathā sa upanetā svayam ācāryaḥ sampadyate /
māṇavakam upanayate /
ātmānam ācāryīkurvan māṇavakam ātma-samīpaṃ prāpayati ity arthaḥ /
jñānaṃ prameya-niścayaḥ -- nayate carvī lokayate /
tatra prameyaṃ niścinoti ity arthaḥ /
bhr̥tirvetanam -- karmakarānupanayate /
bhr̥tidānena samīpaṃ karoti ity arthaḥ /
vigaṇanam r̥ṇāder niryātanam -- madrāḥ karam vinayante /
niryātayanti ity arthaḥ /
vyayo dharma-ādiṣu viniyogaḥ /
śataṃ vinayate /
sahasraṃ vinayate /
dharma-ādy-arthaṃ śatam viniyuṅkte ity arthaḥ /
eteṣu iti kim ? ajāṃ nayati grāmam //


____________________________________________________________________


[#61]

kartr̥sthe ca śarīre karmaṇi || PS_1,3.37 ||

_____START JKv_1,3.37:

nayateḥ kartā devadatta-ādir lakāravācyaḥ /
kartr̥sthe karmaṇy aśarīre sati nayater ātmanepadaṃ bhavati /
śarīraṃ prāṇikāyaḥ, tad-ekadeśo 'pi śarīram /
krodhaṃ vinayate /
manyuṃ vinayate /
kartr̥sthe iti kim ? devadatto yajñadattasya krodhaṃ vinayatei /
aśarīre iti kim ? gaḍuṃ vinayati /
ghāṭāṃ vinayati /
karmaṇi iti kim ? buddhyā vinayati /
prajñayā vinayati //


____________________________________________________________________


vr̥tti-sarga-tāyaneṣu kramaḥ || PS_1,3.38 ||


_____START JKv_1,3.38:

śeṣat kartari parasmaipade prāpte vr̥tty-ādiśv artheśu karmer dhator ātmanepadaṃ bhavati /
vr̥ttir apratibandhaḥ /
sarga utsāhaḥ /
tāyanaṃ sphītatā /
vr̥ttau tāvat --r̥kṣvasya kramate buddhiḥ /
na pratihanyate ity arthaḥ /
yajuḥṣvasya kramate buddhiḥ /
sarge -- vyākaraṇa-adhyayanāya kramate /
utsahate ity arthaḥ /
tāyate -- asmin śāstrāpi kramante /
sphītībhavanti ity arthaḥ /
eteṣu iti kim ? apakrāmati //


____________________________________________________________________

upa-parābhyām || PS_1,3.39 ||


_____START JKv_1,3.39:

vr̥tti-sarga-tāyaneṣu iti vartate /
upaparāpūrvāt kramater vr̥tty-ādiśv artheṣu vartamānād ātmanepadaṃ bhavati /
kim-arthaṃ tarhi idam ucyate ? upasarga-niyama-artham /
sopasargād upa-parā-pūrvād eva, na anya-pūrvāt iti /
upakramate /
parākramate /
upaparābhyām iti kim ? saṅkrāmati /
vr̥tty-ādiṣv ity eva /
upakrāmati /
parākrāmati //


____________________________________________________________________


āṅa udgamane || PS_1,3.40 ||


_____START JKv_1,3.40:

āṅ-pūrvāt kramater udgamane vartamānād ātmanepadaṃ bhavati /
ākramate ādityaḥ /
ākramate candramāḥ /
ākramante jyotīṃṣi /
udganame iti kim ? ākrāmati māṇavakaḥ kutupam /
jyotirudgamane iti vaktavyam /
iha mā bhūt, ākramati dhūmo harmyatalāt //


____________________________________________________________________


veḥ pāda-viharaṇe || PS_1,3.41 ||

_____START JKv_1,3.41:

vi-pūrvāt kramateḥ pada-viharaṇe 'rthe vartamānād ātmanepadaṃ bhavati /
viharaṇaṃ vikṣepaḥ /
suṣṭhu vikramate /
sādhu vikramate /
aśvādīnāṃ gativiśeṣo vikramaṇam ucyate /
yady api kramiḥ pāda-viharaṇa eva paṭhyate, kramu pāda-vikṣepe iti, tathā-apy anekārthatvād dhātūnām evam uktam /
pādaviharaṇe iti kim ? vikrāmatyajinasandhiḥ //


____________________________________________________________________


[#62]

pra-upābhyāṃ samarthābhyām || PS_1,3.42 ||


_____START JKv_1,3.42:

pra up ity etābhyāṃ parasmāt kramater ātmanepadaṃ bhavati, tau cet propau samarthau tulya-arthau bhavataḥ /
kva cānayos tulya-arthatā ? ādikarmaṇi /
prakramate bhoktum /
upakramate bhoktum /
samarthābhyām iti kim ? pūrvedhyuḥ prakrāmati /
gacchati ity arthaḥ /
aparedhyur upakrāmati /
āgacchati ity arthaḥ /
atha upaparābhyām (*1,3.39) ity anena ātmanepadam atra karmān na bhāti ? vr̥ttyādi-grahaṇam tatra anuvartate /
tato 'nyatra+idaṃ pratyudāharaṇam //


____________________________________________________________________


anupasargād vā || PS_1,3.43 ||

_____START JKv_1,3.43:

kramaḥ iti vartate /
aprāpta-vibhāṣeyam /
upasarga-viyuktāt kramater ātmanepadaṃ vā bhavati /
kramate /
krāmati /
anupasargāt iti kim ? saṅkrāmati //


____________________________________________________________________


apahnave jñaḥ || PS_1,3.44 ||


_____START JKv_1,3.44:

śeṣāt kartari prasmaipade prāpte jānater apahnavi vartamanād ātmanepadaṃ bhavati /
apahnavo 'pahnutirapalāpaḥ /
sopasargaś ca ayam-apahnave vartate, na kevalaḥ /
śatam apajanīte /
sahasram apajānīte /
apalapati ity arthaḥ /
apahnave iti kim ? na tvaṃ kiñcad api jānāsi //


____________________________________________________________________


akarmakāc ca || PS_1,3.45 ||


_____START JKv_1,3.45:

akartr-abhiprāya-artham idam /
kartr-abhiprāye hi anupasargāj jñaḥ (*1,3.76) iti vakṣyati /
jānāter akarmakād akarmaka-kriyāvacanād ātmanepadaṃ bhavati /
sarpiśo jānīte /
madhuno jānīte /
kathaṃ ca ayam akarmakaḥ ? na atra sarpir-ādi jñeyatvena vivakṣitam /
kiṃ tarhi ? jñāna-pūrvikāyāṃ pravr̥ttau karaṇatvena /
tathā ca jño 'vid-arthasya karaṇe (*2,3.51) iti ṣaṣṭhī vidhīyate -- sarpiṣo jānīte, madhuno jānīte /
sarpiśā upāyena pravartate ity arthaḥ /
akarmakāt iti kim ? svareṇa putraṃ jānāti //


____________________________________________________________________


saṃ-pratibhyām anādhyāne || PS_1,3.46 ||


_____START JKv_1,3.46:

jñaḥ iti vartate /
sakarmaka-artham idam /
sam prati ity evaṃ pūrvāj jānāter anādhyāne vartamānād ātmanepadaṃ bhavati /
ādhyānam utkaṇṭhāsmaraṇam /
śataṃ saṃjānīte /
sahasraṃ saṃjānīte /
śataṃ patijānīte /
sahasraṃ pratijānīte /
anādhyāne iti kim ? mātuḥ sañjānāti /
pituḥ sañjānāti /
utkaṇṭhate ity arthaḥ //


____________________________________________________________________


bhāsana-upasambhāṣā-jñāna-yatna-vimaty-upamantraṇeṣu vadaḥ || PS_1,3.47 ||


_____START JKv_1,3.47:
śeṣāt kartari parasmaipade prāpte bhāsana-ādiśu viśeṣaṇeṣu satsu vadater ātmanepadaṃ bhavati /
bhāsanaṃ dīptiḥ -- vadate cārvī lokāyate /
bhāsamāno dīpyamānas tatra padārthān vyaktīkaroti ity arthaḥ /
upasambhāṣā upasāntvanam - karmakarānupavadate /

[#63]

upasāntvayati ity arthaḥ /
jñānaṃ samyagavabodhaḥ -- vadate cārvī lokāyate /
jānāti vaditum ity arthaḥ /
yatna utsāhaḥ -- kṣetre vadate /
gehe vadate /
tad-viṣayam utsāham āviṣkaroti ity arthaḥ /
vimatirnānāmatiḥ - kṣetre vivadante /
gehe vivadante /
vimatipatitā vicitraṃ bhāṣante ity arthaḥ /
upamantraṇaṃ rahasyupacchandanam - kulabhāryām upavadate /
paradārān upavadate /
upacchandayti ity arthaḥ /
eteṣu iti kim ? yat kiñcid vadati //


____________________________________________________________________


vyaktavācāṃ samuccāraṇe || PS_1,3.48 ||


_____START JKv_1,3.48:

vadaḥ iti vartate /
vyaktavācāṃ samuccāraṇaṃ sahoccāraṇam /
tatra vartamānād vadater ātmanepadaṃ bhavati /
nanu vada vyaktāyāṃ vāci ity eva paṭhyate, tatra kiṃ vyaktavācām iti viśeṣaṇena ? prasiddhy-upasaṃgraha-artham etat /
vyaktavācaḥ iti hi manuṣyāḥ prasiddhāḥ /
teṣāṃ samuccāraṇe yathā syāt /
saṃpravadante brāhmaṇāḥ /
saṃpravadante kṣatriyāḥ /
vyaktavācām iti kim ? saṃpravadanti kukkuṭāḥ /
samuccāraṇe iti kim ? brāhmaṇo vadati /
kṣatriyo vadati //


____________________________________________________________________


anor akarmakāt || PS_1,3.49 ||


_____START JKv_1,3.49:

vadaḥ iti, vyaktavācām iti ca vartate /
anupūrvād vadater akarmakād vyaktavāgviṣayād ātmanepadaṃ bhavati /
anuvadate kaṭhaḥ kalāpasya /
anuvadate maudgaḥ paippalādasya /
anuḥ sādr̥śye /
yathā kalāpo 'dhīyāno vadati tathā kaṭhaḥ ity arthaḥ /
akarmakāt iti kim ? pūrvam eva yajuruditam anuvadati /
vyaktavācam ity eva /
anuvadati vīṇā //


____________________________________________________________________


vibhāṣā vipralāpe || PS_1,3.50 ||


_____START JKv_1,3.50:

vadaḥ iti vartate, vyaktavācāṃ samuccāraṇe iti ca /
vipralāpātmake vyaktavācāṃ samuccārane vartamānād vadater ātmanepadaṃ bhavati vibhāṣā /
prāpta-vibhāṣeyam /
vipravadante saṃvatsarāḥ, vipravadanti sāṃvatsarāḥ /
vipravadante mauhūrtāḥ, vipravadanti mauhūrtāḥ /
yugapat paraspara-pratiṣedhena viruddhaṃ vadanti ity arthaḥ /
vipralāpe iti kim ? saṃpravadante brāhmaṇāḥ /
vyaktavācām ity eva /
vipravadanti śakunayaḥ /
samuccāraṇe ity eva /
krameṇa mauhūrtā mauhūrtena saha vipravadanti //


____________________________________________________________________


[#64]

avād graḥ || PS_1,3.51 ||


_____START JKv_1,3.51:

gr̥̄ nigaraṇe iti tudādau paṭhyate, tasya+idaṃ grahaṇam /
na tu gr̥̄ śabde iti kryādipaṭhitasya /
tasya hy avapūrvasya prayoga eva na asti /
śeṣāt kartari parsmaipade prāpte avapūrvād girater ātmanepadaṃ bhavati /
avagirate, avagirete, avagirante /
avāt iti kim ? girati //


____________________________________________________________________


samaḥ pratijñāne || PS_1,3.52 ||


_____START JKv_1,3.52:

graḥ iti vartate /
saṃpūrvāt girateḥ pratijñāne vartamānād ātmanepadaṃ bhavati /
pratijñānam abhyupagamaḥ /
śataṃ saṃgirate /
niryaṃ śabdaṃ saṃgirate /
pratijñāne iti kim ? saṅgirati grāsam //


____________________________________________________________________


udaś caraḥ sakarmakāt || PS_1,3.53 ||


_____START JKv_1,3.53:

śeṣāt kartari parasmaipade prāpte utpūrvāc carateḥ sakarmaka-kriyāavacanād ātmanepadaṃ bhavati /
geham uccarate /
kuṭumbam uccarate /
guruvacanam uccarate /
utkramya gacchati ity arthaḥ /
sakarmakāt iti kim ? vāṣpam uccarati //


____________________________________________________________________


saṃs tr̥tīyā-yuktāt || PS_1,3.54 ||


_____START JKv_1,3.54:

sampūrvāc carates tr̥tīyāyuktād ātmanepadaṃ bhavati /
tr̥tīyā iti tr̥tīyā-vibhaktir gr̥hyate, tayā carater arthadvārako yogaḥ /
aśvena sañcarate /
tr̥tīyā-yuktāt iti kim ? ubhau lokau sañcarasi imaṃ ca amuṃ ca devala /

[#64]

yady apy atra tad-artha-yogaḥ sambhavati, tr̥tīyā tu na śrūyate, iti pratyudāharaṇaṃ bhavati //


____________________________________________________________________

dāṇaś ca sā cec caturthy-arthe || PS_1,3.55 ||


_____START JKv_1,3.55:

cāṇ dāne parasmaipadī /
tataḥ sampūrvāt tr̥tīyā-yuktāt ātmanepadaṃ bhavati, sā cet tr̥tīyā caturthy-arthe bhavati /
kathaṃ punas tr̥tīyā caturthy-arthe syāt ? vaktavyam eva+etat -- aśiṣṭavyavahāre tr̥tīyā caturthy-arthe bhavati iti vaktavyam /
dāsya saṃprayacchate /
vr̥ṣalyā saṃprayacchate /
kāmukaḥ san dāsyai dadāti ity arthaḥ /
caturthy-arthe iti kim ? pāṇinā samprayacchati /
samaḥ praśabdena vyavadhāne katham ātmanepadaṃ bhavati ? samaḥ iti viśeṣaṇe ṣaṣṭhī, na pañcamī //


____________________________________________________________________


[#65]

upād yamaḥ svakarane || PS_1,3.56 ||


_____START JKv_1,3.56:

śeṣāt kartari parasmaipade prāpte upapūrvāt yamaḥ svakaraṇe vartamānād ātmanepadaṃ bhavati /
pāṇi-grahaṇa-viśiṣṭam iha svakaranam gr̥hyate, na svakaraṇa-mātram /
bhāryām upayacchate /
svakaraṇe iti kim ? devadatto yajñadattasya bhāryām upayacchati //


____________________________________________________________________


jñā-śru-smr̥-dr̥śāṃ sanaḥ || PS_1,3.57 ||


_____START JKv_1,3.57:

jñā śru samr̥ dr̥ś ity eteṣāṃ sannantānām ātmanepdaṃ bhavati /
tatra jānāteḥ apahnave jñaḥ (*1,3.44) iti tribhiḥ sūtrair ātmanepadaṃ vihitam, śru-dr̥śor api samo gamyr̥cchi (*1,3.29) ity atra vihitam /
tasmin viṣaye pūrvavat sanaḥ (*1,3.62) ity eva siddham ātmanepadam /
tato 'nyatra anena vidhīyate /
smarate punar aprāpta eva vidhānam /
dharmaṃ jijñāsate /
guruṃ śuśrūṣate /
naṣṭaṃ susmūrṣate /
nr̥paṃ didr̥kṣate /
sanaḥ iti kim ? jānāti, śr̥ṇoti, smarati, paṣyati //


____________________________________________________________________


na anor jñaḥ || PS_1,3.58 ||


_____START JKv_1,3.58:

pūrveṇa yogena prāptam ātmanepadam pratiṣidhyate /
anupūrvāj jānāteḥ sannantād ātmanepadaṃ na bhavati /
tathā ca sati sakarmakasya+eva ayaṃ pratiṣedhaḥ sampadyate /
putram anujijñāsati /
anoḥ iti kim ? dharmaṃ jijñāsate //


____________________________________________________________________


praty-āṅbhyāṃ śruvaḥ || PS_1,3.59 ||


_____START JKv_1,3.59:

prati āṅ ity evaṃ pūrvāc-chr̥ṇoteḥ sannantād ātmanepadaṃ na bhavati /
pratiśuśrūṣati /
āśuśrūṣati /
upasarga-grahaṇaṃ cedaṃ, tasmād iha pratiṣedho na bhavati , devadattaṃ prati śuśrūṣate //


____________________________________________________________________


śadeḥ śitaḥ || PS_1,3.60 ||


_____START JKv_1,3.60:

śadlr̥ śātane parasmaipadī, tasmād ātmanepadaṃ vidhīyate /
śadiryaḥ śit, śidbhāvī, śito vā sambandhī tasmād ātmanepadaṃ bhavati /
śīyate, śīyete, śīyante /
śitaḥ iti kim ? aśatsyat /
śatsyati /
śiśatsati //


____________________________________________________________________


[#66]

mriyater luṅ-liṅoś ca || PS_1,3.61 ||


_____START JKv_1,3.61:

mrṅ prāṇatyāge /
ṅittvād ātmanepadam atra siddham eva /
niyama-artham idaṃ vacanam /
mriyater luṅ-liṅoḥ śitaś ca-ātmanepadaṃ bhavati, anyatra na bhavati /
amr̥ta /
mr̥ṣīṣṭa /
śitaḥ khalv api - mriyate, mriyete, mriyante /
niyamaḥ kim-arthaḥ ? mariśyati /
amarisyat //


____________________________________________________________________


pūrvavat sanaḥ || PS_1,3.62 ||


_____START JKv_1,3.62:

sanaḥ pūrvo yo dhātuḥ ātmanepadī, tadvat sannantād ātmanepadam bhavati /
yena nimittena pūrvasmād ātmanepadaṃ vidhīyate tena+eva sannantādapi bhavati /
anudātta-ṅita ātmanepadam (*1,3.12) -- āste, śete /
sannantād api tad eva nimittam - āsisiṣate, śiśayiṣate /
ner viśaḥ (*1,3.17) -- niviśate, nivivikṣate /
āṅa udgamne (*1,3.40) -- ākramate, ācikraṃsate /
iha na bhavati, śiśatsati, mumūrṣati /
na hi śadimriyatimātram ātmanepadanimittam /
kiṃ tarhi ? śidādy api, tac ca+iha na asti /
yasya ca pūrvatra+eva nimitta-bhāvaḥ pratiśidhyate, tat sannanteśv apy animittam -- anucikīrṣati /
parācikīrṣati /
iha jugupsate, mīmāṃsate iti ? anudātta-ṅita ity eva siddham ātmanepdam /
avayave kr̥taṃ liṅgaṃ samudāyasya viśeṣakaṃ bhavati iti //


____________________________________________________________________


ām-pratyayavat kr̥ño 'nuprayogasya || PS_1,3.63 ||


_____START JKv_1,3.63:

akartr-abhiprāya-artho 'yam-ārambhaḥ /
ām-pratyayo yasmāt so 'yam-ām-pratyayaḥ /
ām-pratyayasya+iva dhātoḥ kr̥ño 'nuprayogasya ātmanepadaṃ bhavati /
īkṣāñcakre /
īhāñcakre /
yadi vidhy-artham etat, tarhi udubjāñcakāra, udumbhāñcakāra iti kartr-abhiprāye kriyāphale atmanepadaṃ prāpnoti /
na+eṣa doṣaḥ /
ubhayam anena kriyate, vidhiḥ niyamaś ca /
katham ? pūrvavat iti vartate /
sa dvitīyo yatno niyama-artho bhaviṣyati /
kr̥ñaḥ iti kim ? īkṣāmāsa /
īkṣāmbabhūva /
kathaṃ punar asya anuprayogaḥ yāvatā kr̥ñ ca anuprayujyate liti (*3,1.40) ity ucyate ? kr̥ñ iti pratyāhāra-grahaṇaṃ tatra vijñāyate /
kva saṃniviṣṭānāṃ pratyāhāraḥ ? abhūtatadbhāve kr̥-bhv-astiyoge sampadyakartari cviḥ (*5,4.50) iti kr̥-śabdād ārabhya yāvat kr̥ño dvitīya-tr̥tīya-śamba-bījāt kr̥ṣau (*5,4.58) iti ñakaram //


____________________________________________________________________


pra-upābhyāṃ yujer ayajña-pātreṣu || PS_1,3.64 ||


_____START JKv_1,3.64:

yujir yoge svaritet /
tasya kartr-abhiprāye kriyā-phale siddham eva ātmanepadam /
akartr-abhiprāyārtho 'yam-ārambhaḥ /
pra upa ity evaṃ pūrvāt yujer ayajña-pātra-prayogaviṣayād ātmanepadaṃ bhavati /
prayuṅkte /
upayuṅkte /
ayajñapātreṣu iti kim ? dvandvaṃ nyañca pātrāṇi prayunakti {devasaṃyuktāni} /

[#67]

svarādhyantopasr̥ṣṭād iti vaktavyam /
udyuṅkte /
niyuṅkte /
svarādyanta-upasr̥ṣtāt iti kim ? saṃyunakti //


____________________________________________________________________

samaḥ kṣṇuvaḥ || PS_1,3.65 ||


_____START JKv_1,3.65:

kṣṇu tejane parasmaipadī /
tataḥ sampūrvāt ātmanepadaṃ bhavati /
samo gamy-r̥cchi (*1,3.29) ity atra+eva kasmān na paṭhitaḥ ? akarmakāt iti tatra vartate /
saṃkṣṇute ṣastram /
saṃkṣṇuvāte, saṃkṣṇuvate //


____________________________________________________________________


bhujo 'navane || PS_1,3.66 ||


_____START JKv_1,3.66:

bhuja pālanābhyavahārayoḥ iti rudhādau paṭhyate /
tasmād anavane 'pālane vartamānād ātmanepadaṃ bhavati /
bhuṅkte, bhuñjāte, bhuñjate /
anavane iti kim ? bhunakty enam agnir āhitaḥ /
anavana iti pratiṣedhena raudhādikasya-eva grahanaṃ vijñāyate, na taudādikasya bhujo kauṭilye ity asya /
tena+iha na bhavati, vibhujati pāṇim //


____________________________________________________________________


ṇe raṇau yat karma ṇau cet sa kartā 'nādhyāne || PS_1,3.67 ||


_____START JKv_1,3.67:

ṇicś ca (*1,3.74) iti kartr-abhiprāye kriyā-phale siddham eva ātmanepadam /
akartr-abhiprāyārtho 'yama-arambhaḥ /
ṇy-antā dātmanepdaṃ bhavati /
katham ? aṇau yat karma ṇau cet tad eva karma, sa eva kartā bhavati, anādhyāne ādhyānaṃ varjayitvā /
ārohanti hastinaṃ hastipakāḥ, arohayate hastī svayam eva /
upasiñcanti hastinaṃ hastipakāḥ, upasecayate hastī svayam eva /
paśyanti bhr̥tyā rājānam, darśayate rājā svayam eva /
ṇeḥ iti kim ? ārohanti hastinaṃ hastipakāḥ, ārohayamāṇo hastī sādhvārohati /
aṇau iti kim ? ganayati ganaṃ gopālakaḥ, ganayati gaṇaḥ svayam eva /
karma-grahaṇaṃ kim ? lunāti dātrena, lāvyati dātram svayam eva /
ṇau ced-grahanaṃ samāna-kriya-artham -- ārohanti hastinaṃ hastipakāḥ, ārohayamāṇo hastī bhītān secayati maūtreṇa /
yatsa-grahaṇam ananyakarma-artham /
ārohanti hastinaṃ hastipakāḥ, ārohayamāṇo hastī sthalamārohayati manuṣyān /
kartā iti kim ? ārohanti hastinam hastipakāḥ, tānarohayati mahāmātraḥ /
anādhyāne iti kim ? smarati vaṅgulmasya kokilaḥ, samarayatyenaṃ vaṅgulmaḥ svayam eva /
nanu cātra karmakartari mūlodāharaṇāni /
tatra karma-vadbhāvena+eva siddham ātmanepadam /
kim artham idam ucyate ? karmasthabhāvakānāṃ karmasthakriyāṇāṃ ca karmavadatideśo vijñāyate /
kartr̥stha-artho 'yam-ārambhaḥ /
tathā ca ruhiḥ kartr̥stha-kriyaḥ, dr̥śiḥ kartr̥sthabhāvakaḥ udāhr̥taḥ //


____________________________________________________________________


[#68]

bhī-smyor hetubhaye || PS_1,3.68 ||


_____START JKv_1,3.68:

ṇeḥ iti vartate /
akartr-abhiprāya-artho 'yam-ārambhaḥ /
vibheteḥ smayateś ca ṇy-antād ātmanepadaṃ bhavati hetubhaye /
hetuḥ prayojakaḥ kartā lakāra-vācyaḥ, tataś ced bhayaṃ bhavati /
bhaya-grahaṇam upalakṣaṇa-artham, vismayo 'pi tata eva ? jaṭilo bhīṣayate /
muṇḍo bhīṣayate /
jaṭilo vismāpayate /
muṇḍo vismāpayate /
hetubhaye iti kim ? kuñcikayainaṃ bhāyayati /
rūpeṇa vismāyayati /
atra kuñcikā bhayasya karaṇam, na hetuḥ //


____________________________________________________________________


gr̥dhi-vañcyoḥ pralambhane || PS_1,3.69 ||


_____START JKv_1,3.69:

ṇeḥ iti vartate /
akartr-abhiprāya-artho 'yam-ārambhaḥ /
gr̥dhu abhikāṅkṣāyām, vañcu gatau ity etayor ṇy-anatayoḥ pralambhane vartamānāyor ātmanepadaṃ bhavati /
pralambhanam visaṃvādanaṃ, mithyā-phala-ākhyānam /
māṇavakaṃ gardhayate /
māṇavakaṃ vañcayate /
pralmbhane iti kim ? śvānaṃ gardhayati /
gardhanam asya-utpādayati ity arthaḥ ahiṃ vañcayati /
pariharati ity arthaḥ //


____________________________________________________________________


liyaḥ saṃmānana-śālīnīkaraṇayoś ca || PS_1,3.70 ||


_____START JKv_1,3.70:

ṇeḥ iti vartate /
akartr-abhiprāya-artho 'yam-ārambhaḥ /
līṅ śleṣaṇe iti divādau paṭhyate lī śleṣaṇe iti ca kryādau /
viśeṣābhāvād dvayor api grahaṇam /
liyo ṇy-antāt saṃmānane śālīnīkaraṇe ca vartamānād ātmanepadaṃ bhavati /
ca-śabdāt pralambhane ca /
sammānanaṃ pūjanam - jaṭābhir ālāpayate /
pūjāṃ samadhigacchati ity arthaḥ /
śālīnīkaraṇaṃ nyagbhāvanam - śyeno vartikāmullāpayte /
nyakkaroti ity arthaḥ /
pralambhane - kastvāmullāpayate /
visaṃvādayati it yarthaḥ /
vibhāṣā līyateḥ (*6,1.51) iti vā ātvaṃ vidhīyate /
tad-asmin viṣaye nityam anyatra vikalpaḥ /
vyavasthita-vibhāṣā hi sā /
sammānanādiṣu iti kim ? bālakamullāpayati //


____________________________________________________________________


mithyopapadāt kr̥ño 'bhyāse || PS_1,3.71 ||


_____START JKv_1,3.71:

ṇeḥ iti vartate /
akartr-abhiprāya-artho 'yam-arambhaḥ /
ṇyantāt karoter mithyopapadād ātmanepadaṃ bhavati abhyāse /
abhyāsaḥ punaḥ punaḥ karaṇam, āvr̥ttiḥ /
padaṃ mithyā kārayate /
sāpacāraṃ svarādiduṣṭam asakr̥d uccārayati ity arthaḥ /
mithyopapadat iti kim ? padaṃ suṣṭhu kārayati /
kr̥ñaḥ iti kim ? padaṃ mithyā vācayati /
abhyāse iti kim ? padaṃ mithyā kārayati /
sakr̥d uccārayati //


____________________________________________________________________


[#69]

svarita-ñitaḥ kartr-abhiprāye kriyāphale || PS_1,3.72 ||


_____START JKv_1,3.72:

ṇeḥ iti nivr̥ttam /
śeṣāt kartari parasmaipade prapte svariteto ye dhātavo ñitaś ca tebhyaḥ ātmanepadaṃ bhavati, kartāraṃ cet kriyāphalam abhipraiti /
kriyāyāḥ phalaṃ kriyāphalaṃ pradhāna-bhūtam, yad-artham asau kriyā ārabhyate tac cet kartur lakāra-vācyasya bhavati /
yajate /
pacate /
ñitaḥ khalv api - sunute /
kurute /
svargādi pradhāna-phalam iha kartāram abhipraiti /
kartrabhiprāye iti kim ? yajanti yājakāḥ /
pacanti pācakāḥ /
kurvanti karmakarāḥ /
yady api dakṣiṇā bhr̥tiś ca kartuḥ phalmihāsti tathā api na tad-arthaḥ kriyārambhaḥ //


____________________________________________________________________


apād vadaḥ || PS_1,3.73 ||


_____START JKv_1,3.73:

kartr-abhiprāye iti vartate /
apapūrvad vadateḥ kartr-abhiprāye kriyāphale ātmanepadaṃ bhavati /
dhanakāmo nyāyam apavadate /
nyāyāpavādena dhanam arjayiṣyāmi iti manyate /
kartr-abhipraye kriyaphale ity eva, apavadati //


____________________________________________________________________


ṇicaś ca || PS_1,3.74 ||

_____START JKv_1,3.74:

kartr-abhiprāye kriyāphale iti vartate /
ṇij-antād ātmanepadaṃ bhavati kartr-abhiprāye kriyāphale /
kaṭaṃ kārayate /
odanaṃ pācayate /
kartr-abhiprāye ity eva, kaṭaṃ kārayati parasya //


____________________________________________________________________


sam-ud-āṅbhyo yamo 'granthe || PS_1,3.75 ||


_____START JKv_1,3.75:

kartr-abhiprāye iti vartate /
sam ud āṅ ity evaṃ pūrvād yameḥ kartr-abhiprāye kriyāphale ātmanepadaṃ bhavati, grantha-viśayaś cet prayogo na bhavati /
vrīhīn saṃyacchate /
bhāram udyacchate /
vastram āyacchate /
āṅ-pūrvād akarmakāt āṅo yamahanaḥ (*1,3.28) iti siddham eva-ātmanepadam /
sakarmaka-artham idaṃ punar-grahaṇam /
agranthe iti kim ? udhyacchati cikitsāṃ vaidyaḥ /
kartr-abhiprāye ity eva, saṃyacchati /
udyacchati /
āyacchati //


____________________________________________________________________


anupasargāj jñaḥ || PS_1,3.76 ||


_____START JKv_1,3.76:
kartr-abhiprāya iti vartate /
anupasargāj jānāteḥ kartr-abhiprāye kriyāphale ātmanepadaṃ bhavati /
gāṃ jānīte /
aśvaṃ jāṇīte /
anupasargāt iti kim ? svargaṃ lokaṃ na prajānāti mūḍhaḥ /
kartr-abhiprāye ity eva, devadattasya gaṃ jānāti //


____________________________________________________________________


[#70]

vibhāṣā-upapadena pratīyamāne || PS_1,3.77 ||


_____START JKv_1,3.77:

svaritañitaḥ (*1,3.72) iti pañcabhiḥ sutrair ātmanepadaṃ kartr-abhiprāye kriyāphale dyotite vihitam /
tad-upapadena dyotite na prāpnoti iti vacanam ārabhyate /
samīpe śrūyamāṇaṃ śabda-antaram upapadam /
tena pratīyamāne kartr-abhiprāye kriyāphale vibhāśā ātmanepadaṃ bhavati /
svaṃ jajñaṃ yajate, savaṃ yajñaṃ yajati /
savaṃ kaṭhaṃ kurute, svaṃ kathaṃ karoti /
svaṃ putram apavadate, svaṃ putram apavadati /
evaṃ pañcasūtryām udāhāryam //


____________________________________________________________________


śeṣāt kartari parasmaipadam || PS_1,3.78 ||


_____START JKv_1,3.78:

pūrveṇa prakaraṇena ātmanepada-niyamaḥ kr̥taḥ, na prasmaipada-niyamaḥ /
tat sarvataḥ prāpnoti, tad-artham idam ucyate /
yebhyo dhātubhyo yena viśeṣaṇena ātmanepadam uktaṃ tato yad-anyat sa śeṣaḥ /
śeṣāt kartari parasmaipadaṃ bhavati /
śeṣād eva na anyasmāt /
anudāttaṅita ātmanepadam uktam -- aste /
śete /
tato 'nyatra parasmaipadam bhavati -- yāti /
vāti /
nerviśaḥ ātmanepadam uktam -- niviśate /
tato 'nyatra parasmaipadam -- āviśati /
praviśati /
kartari iti kim ? pacyate /
gamyate /
karmakartari kasmāt parasmaipadaṃ na bhavati, pacyate odanaḥ svayam eva ? kartari karma-vyatihāre (*1,3.14) iti dvitīyaṃ kartr̥-grahaṇam anuvartate, tena kartā-eva yaḥ kartā tatra prasmaipadam bhavati, karmakartari na bhavati //


____________________________________________________________________


anu-parābhyāṃ kr̥ñaḥ || PS_1,3.79 ||


_____START JKv_1,3.79:

kartr-abhiprāye kriyāphale gandhanādiṣu ca karoter ātmanepadaṃ vihitam /
tad-apavādaḥ parasmaipadaṃ vidhīyate /
anu parā ity evaṃ pūrvāt karoteḥ parasmaipadaṃ bhavati /
anukaroti /
parākaroti //


____________________________________________________________________


abhi-praty-atibhyaḥ kṣipaḥ || PS_1,3.80 ||


_____START JKv_1,3.80:

kṣipa preraṇe svaritet /
tataḥ kartr-abhiprāya-kriyāphala-vivakṣāyām ātmanepade prāpte parasmaipadaṃ vidhīyate /
abhi prati ati ity evaṃ pūrvāt kṣipaḥ parasmaipadaṃ bhavati /
abhikṣipati /
pratikṣipati /
atikṣipati /
abhi-praty-atibhyaḥ iti kim ? ākṣipate /
dvitīyam api kartr̥-grahaṇam anuvartate, tena+iha na bhavati, abhikṣipyate svayam eva //


____________________________________________________________________


[#71]

prādvahaḥ || PS_1,3.81 ||


_____START JKv_1,3.81:

vaha prāpne svaritet /
tatra kartr-abhiprāya-kriyāphala-vivakṣāyām ātmanepade prāpte parasmaipadaṃ vidhīyate /
prapūrvād vahateḥ prasmaipadam bhavati /
pravahati, pravahataḥ, pravahanti /
prāt iti kim ? āvahate //


____________________________________________________________________


parer mr̥ṣaḥ || PS_1,3.82 ||


_____START JKv_1,3.82:

mr̥ṣa titikṣāyām svaritet /
tataḥ tathā+eva ātmanepade prāpte parasmaipadaṃ vidhīyate /
paripūrvād mr̥ṣyateḥ parasmaipadaṃ bhavati /
parimr̥ṣyati, parimr̥ṣyataḥ, parimr̥ṣyanti /
pareḥ iti kim ? āmr̥ṣyate /
vahatim api kecid atra anuvartayanti - parivahati //


____________________________________________________________________


vy-āṅ-paribhyo ramaḥ || PS_1,3.83 ||


_____START JKv_1,3.83:

ramu krīḍāyam /
anudāttettvad ātmanepade prāpte prasmaipadaṃ vidhīyate /
viāṅ pari ity evaṃ pūrvāt ramateḥ parasmaipadaṃ bhavati /
viramati /
āramati /
pariramati /
etebhyaḥ iti kim ? abhiramate //


____________________________________________________________________


upāc ca || PS_1,3.84 ||


_____START JKv_1,3.84:

ramaḥ ity eva /
upapurvāt ramateḥ prasmaipadaṃ bhavati /
devadattam uparamati /
jajñadattam uparamati /
uparamayati iti yāvat /
antarbhāvitanyartho 'tra ramiḥ /
pr̥thag yoga-karaṇam uttara-artham /
akarmakād vibhāṣāṃ vakṣyati, sā upapūrvād eva yathā syāt //

____________________________________________________________________


vibhāśā 'karmakāt || PS_1,3.85 ||


_____START JKv_1,3.85:

ramaḥ upāt iti ca vartate /
pūrveṇa nitye parasmaipade prāpte vikalpa ārabhyate /
upapūrvad ramater akarmakād vibhāṣā parasmaipadaṃ bhavati /
yāvad bhuktam auparamati, yāvad bhuktam uparamate /
nivartate ity arthaḥ //


____________________________________________________________________


budha-yudha-naśa-jana-iṅ-pru-dru-srubhyo ṇeḥ || PS_1,3.86 ||


_____START JKv_1,3.86:

ṇicaś ca (*1,3.74) iti kartr-abhiprāya-triyāphala-vivakṣāyām ātmanepade prāpte parasmaipadaṃ vidhīyate /
budha yudha naśa jana iṅ pru dru sru ity etebhyo ṇyantemyaḥ parasmaipadam bhavati /
bodhyati /
yodhyati /
nāśayati /
janayati /
adhyāpayati /
prāvayati /
drāvayati /
sravayati /

[#72]

ye 'tra-akarmakās teṣām aṇāv-akarmakāc cittavat-kartr̥kāt (*1,3.88) ity evaṃ siddhe vacanam idam acittavat-kartr̥ka-artham /
bodhyati padmam /
yodhyanti kāṣṭhāni /
nāśayati duḥkham /
janayati sukham /
ye 'tra calana-artha api teṣām nigaraṇa-calana-arthebhyaś ca (*1,3.87) iti siddhe yadā na calana-arthās tad-arthaṃ vacanam /
pravate /
prāpnoti iti gamyate /
ayo dravati /
vilīyate ity arthaḥ kuṇḍikā sravati /
syandate ity arthaḥ /
tad-viṣayāṇy udāharaṇāni { - prāvayati /
drāvayati /
srāvayati} //


____________________________________________________________________


nigaraṇa-calana-arthebhyaś ca || PS_1,3.87 ||


_____START JKv_1,3.87:

ṇeḥ iti vartate /
kartr-abhiprāya-kriyāphala-vivakśāyām ātmanepada-apavādḥ parasmaipadaṃ vidhiyate /
nigaraṇam abhyavahāraḥ /
calanaṃ kampanam /
nigaraṇa-arthebhyaś calana-arthebhyaś ca dhātubhyo ṇy-antebhyaḥ parasmaipadaṃ bhavati /
nigārayati /
āśayati /
bhojayati /
calana-arthebhyaḥ -- calayati /
copayati /
kampayati /
ayam api yogaḥ sakarmaka-arthaḥ, acittavat-kartr̥kārthaś ca /
adeḥ pratiṣedho vaktavyaḥ /
atti devadattaḥ, ādayate devadattena //

____________________________________________________________________


aṇāv akarmakāc cittavat-kartr̥kāt || PS_1,3.88 ||


_____START JKv_1,3.88:


ṇeḥ iti vartate /
kartr-abhiprāya-kriyāphala-vivakṣāyām ātmanepadāpavādaḥ parasmaipadaṃ vidhīyate /
aṇyanto yo dhatur akarmakaś cittavat-kartr̥kaś ca tasmād ṇyantāt parasmaipadaṃ bhavati /
āste devadattaḥ, āsayati devadattam /
śete devadattaḥ, śāyayati devadattam /
aṇau iti kim ? cetayamānaṃ prayojayati cetayate, iti kecit pratyudāharanti tad-yuktam /
hetumaṇṇico vidhiḥ /
pratiṣedho 'pi pratyāsattes tasya+eva nyāyyaḥ /
tasmād iha cetayati iti parasmaipadena+eva bhavitavyam /
idaṃ tu pratyudaharaṇam -- ārohayamāṇaṃ prayuḍkte ārohayate /
akarmakāt iti kim ? kaṭhaṃ kurvāṇaṃ prayuṅkte kārayate /
citavatkartr̥kāt iti kim ? śuṣyanti vrīhayaḥ, śoṣayate vrīhīnātapaḥ //


____________________________________________________________________


na pādamy-āṅyama-āṅyasa-parimuha-ruci-nr̥ti-vada-vasaḥ || PS_1,3.89 ||


_____START JKv_1,3.89:

pūrveṇa yogadvayena kartrabhipraya-kriyāphala-vivakṣāyām ātmanepada-apavādaḥ parasmaipadaṃ vihitam /
tasya pratiṣedho 'yam-ucyate /
yat kartrabhiprāya-viṣayam ātmanepadaṃ tad-avasthitam eva, na pratiṣidhyate /
pā dami aṅyama āṅyasa parimuha ruci nr̥ti vada vasa ity etebhyo ṇy-antebhyaḥ parasmaipadaṃ na bhavati /

[#73]

ṇicaś ca (*1,3.74) ity ātmanepadaṃ bhavati /
tatra pivatir nigaraṇa-arthaḥ /
damiprabhr̥tayaścittavatkartr̥kāḥ /
nr̥tiś calana-artho 'pi /
eṣāṃ parasmaipadaṃ na bhavati /
pā - pāyayate /
dami - damayate /
āṅyam - āyāmayate /
yamo 'pariveṣaṇe iti mitsañjñā pratiṣidhyate /
aṅyasa - āyāsayate /
parimuha - parimohayate /
ruci - rocayate /
nr̥ti - nartayate /
vada - vādayate /
vasa - vāsayate /
pādiṣu dheṭa upasaṅkhyānam /
dhāpayete śiśumekaṃ samīcī //


____________________________________________________________________


vā kyaṣaḥ || PS_1,3.90 ||


_____START JKv_1,3.90:

lohitādi-ḍājbhyaḥ kyaṣ (*3,1.13) iti vakṣyati /
tad-antād dhātor vā parasmaipadaṃ bhavati /
lohitāyati, lohitāyate /
paṭapaṭāyati, paṭapaṭāyate /
atha atra prasmaipadena mukte katham ātmanepadaṃ labhyate, yāvatā anudāttaṅita ātmanepadam (*1,3.12) ity evam ādinā prakarṇena tan niyatam ? evaṃ tarhi ātmanepadam eva atra vikalpitaṃ vidhīyate, tac ca anantaraṃ parasmaipada-pratiṣedhena sanidhāpitam iha sambadhyate /
tena mukte, śeṣāt kartari parasmaipadam bhavati //


____________________________________________________________________


dhydbhyo luṅi || PS_1,3.91 ||


_____START JKv_1,3.91:

vā ity eva /
dyuta dīptau /
tats-āhacaryād luṭhādayo 'pi kr̥pū paryantās tathā+eva vyapadiśyante /
bahuvacana-nirdeśād ādy-artho bhavati /
anudāttettvān nityam eva ātmanepade prāpte dyutādibhyo luṅi vā parasmaipadaṃ bhavati /
vyadyutat, vyadyotiṣṭa /
aluṭhat, aloṭhiṣṭa /
luṅi iti kim ? dyotate //


____________________________________________________________________


vr̥dbhyaḥ syasanoḥ || PS_1,3.92 ||


_____START JKv_1,3.92:

dyutādiṣv eva vr̥tādayaḥ paṭhyante /
vr̥tu vartate, vr̥dhu vr̥ddhau śr̥dhu śabda-kutsāyām, syandū prasravaṇe, kr̥pū sāmarthye, etebhyo dhatubhyaḥ sye sani ca parato vā parasmaipadaṃ bhavati /
vr̥t - vartsyati /
avartsyat /
vivr̥tsati /
vartiṣyate /
avartiṣyata /
vivartiṣate /
vr̥dḥ - vartsyati /
avartsyat /
vivr̥tsati /
vardhiṣyate /
avardhiṣyata /
vivardhiṣate /
syasamoḥ iti kim ? vartate //

____________________________________________________________________


[#74]

luṭi ca klupaḥ || PS_1,3.93 ||


_____START JKv_1,3.93:

vr̥tāditvād eva syasanor vikalpaḥ siddho luṭi vidhīyate /
cakāras tarhi syasanor anukarṣaṇa-artho na vaktavyaḥ, evaṃ tarhi iyaṃ prāptiḥ pūrvāṃ prāptiṃ bādheta, tasmāc cakaraḥ syasanor anukarṣaṇā-rthaḥ kriyate /
luṭi ca syasanoś ca klr̥peḥ parasmaipadaṃ vā bhavati /
kalptā, kalptārau, kalptāraḥ /
kalpsyati /
akalpsyat /
cikl̥psati /
kalpitā /
kalpiśyate /
akalpiśyata /
cikalpiśate //
iti śrījayādityaviracitāyāṃ kāśikāyāṃ vr̥ttau prathamādhyāyasya tr̥tīyaḥ pādaḥ //


____________________________________________________________________


[#75]

ā kaḍārādekā sañjñā || PS_1,4.1 ||


_____START JKv_1,4.1:

kāḍarāḥ karmadhāraye (*2,2.38) iti vakṣyati /
ā etasmāt sūtrāvadheryadita ūrdhvam anukramiṣyāmaḥ, tatra ekā sañjñā bhavati iti veditavyam /
kā punar asau ? yā parā anavakāśā ca /
anyatra sañjāsamāveśān niyama-arthaṃ vacanam ekaiva sañjñā bhavati iti /
vakṣyati - hrasvaṃ laghu (*1,4.10), bhidi, chidi - bhettā, chettā /
saṃyoge guru (*1,4.11), śikṣi, bhikṣi - śikṣā, bhikṣā /
saṃyoga-parasya hrasvasya laghusañjñā prāpnoti, gurusañjñā ca /
ekā sañjñā iti vacanād gurusañjñā eva bhavati /
atatakṣat, ararakṣat, sanvallaghuni caṅpare 'naglope (*7,4.93) ity eṣa vidhir na bhavati //


____________________________________________________________________


vipratiṣedhe paraṃ kāryam || PS_1,4.2 ||


_____START JKv_1,4.2:

tulyabala-virodho vipratiṣedhaḥ /
yatra dvau prasaṅgāv anyārthav ekasmin yugapat prāpnutaḥ, sa tulyabala-virodho vipratiṣedhaḥ /
tasmin vipratiṣedhe paraṃ kāryaṃ bhavati /
utsarga-apavāda-nitya-anitya-antaraṅga-vahiraṅgeṣu tulyabalatā na asti iti na ayam asya yogasya viṣayaḥ /
balavataiva tatra bhavitavyam /
apravr̥ttau, paryāyeṇa vā pravr̥ttau prāptāyāṃ vacanam ārabhyate /
ato dīrgho yañi (*7,3.101), supi ca (*7,3.102) ity asya avakāśaḥ - vr̥kṣābhyām, plakṣābhyām /
vahuvacane jhalyet (*7,3.103) ity asya avakāśaḥ - vr̥kṣeṣu, plakṣeṣu /
iha+ubhayaṃ prāpnoti - vr̥kṣebhyaḥ, plakṣebhyaḥ iti /
paraṃ bhavati vipratiṣedhena //


____________________________________________________________________


yū stry-ākhyau nadī || PS_1,4.3 ||


_____START JKv_1,4.3:

ī ca ū ca yū /
avibhaktiko nirdeśaḥ /
striyam ācakṣate stryākhyau /

[#76]

mūlavibhujādi-darśanāt ka-pratyayaḥ /
īkāra-antam ūkara-antaṃ ca stryākhyaṃ śabda-rūpaṃ nadīsañjñaṃ bhavati /

[#75]

īkara-antam - kumārī /
gaurī /
lakṣmīḥ /
śārṅgaravī /
ūkāra-antam - brahmavandhūḥ /
yavāgūḥ /
yū iti kim ? mātre /
duhitre /
stryākhyau iti kim ? grāmaṇīḥ /
senānīḥ /
khalapūḥ /
ākhyā-grahaṇaṃ kim ? śabda-arthe strītva eva yathā syāt, padāntarākhye mā bhūt, grāmanye striyai /
khalapve striyai /
nadīpradeśāḥ - āṇnadyāḥ (*7,3.112) ity evam ādayaḥ //


____________________________________________________________________


[#76]

na-iyaṅ-uvaṅ-sthānāv astrī || PS_1,4.4 ||


_____START JKv_1,4.4:

pūrvaṇātiprasaktā nadīsañjñā pratiṣidhyate /
sthitiḥ sthānam /
iyaṅ-uvaṅoḥ iti iyaṅ-uvaṅ-sthānau, tau yū nadīsañjñau na bhavataḥ, strī-śabdam varjayitvā /
he śrīḥ /
he bhrūḥ /
astrī iti kim ? he stri //


____________________________________________________________________


va+āmi || PS_1,4.5 ||


_____START JKv_1,4.5:

pūrveṇa nitye pratiṣedhe prāpte āmi vikalpaḥ kriyte /
iyaṅ-uvaṅ-sthānau yū āmi parato vā nadīsañjñau na bhavataḥ /
śriyām, śrīṇām /
bhruvām, bhrūṇām /
astrī ityeva, striṇām //


____________________________________________________________________


ṅiti hrasvaś ca || PS_1,4.6 ||


_____START JKv_1,4.6:

dīrghasya nadīsañjñā vihitā, hrasvasya na prāpnoti, iyaṅ-uvaṅ-sthānayoś ca pratiṣiddhā /
tasmān ṅiti va vidhīyate /
ṅiti parato hrasvaś ca yvoḥ sambandhī yaḥ stryākhyaḥ, stryākhyau iyaṅ-uvaṅ-sthānau ca yū vā nadī sañjñau bhavataḥ /
kr̥tyai, kr̥taye /
dhenvai, dhenave /
śriyai, śriye /
bhruvai, bhruve /
astrī ity eva, striyai /
stryākhyau ity eva, agnaye /
vāyve /
bhanave //


____________________________________________________________________


śeṣo ghyasakhi || PS_1,4.7 ||


_____START JKv_1,4.7:

hrasvaḥ iti vartate /
śeṣo 'tra ghisañjño bhavati, sakhi-śabdam varjayitvā /
kaś ca śeṣaḥ ? hrasvam ivarṇa-uvarṇa-antaṃ yan na stryākhyam, stryākhyaṃ ca yan na nadīsañjñakaṃ, sa śeṣaḥ /
agnaye /
vāyave /
kr̥taye /
dhenave /
asakhi iti kim ? sakhyā /
sakhye /
sakhyuḥ /
sakhyau /
ghi-pradeśāḥ -- dvandve ghi (*2,2.32) ity evam ādayaḥ //


____________________________________________________________________


patiḥ samāsa eva || PS_1,4.8 ||


_____START JKv_1,4.8:

pati-śabdasya ghisañjñāyāṃ siddhāyām ayaṃ niyamaḥ kriyate, pati-śabdaḥ samāse eva ghisañjñao bhavati /
prajāpatinā /
prajāpataye /
samāse iti kim ? patyā /
patye /
evakāra iśṭato 'vadhāraṇa-arthaḥ /
dr̥ḍhamuṣṭinā /
dr̥ḍhamuṣṭaye //


____________________________________________________________________


[#77]

ṣaṣṭhī-yuktaś chandasi vā || PS_1,4.9 ||


_____START JKv_1,4.9:

patiḥ iti vartate /
pūrveṇa niyamena asamāse na prāpnoti iti vacanam ārabhyate /
ṣaṣṭhyantena yuktaḥ pati-śabdaḥ chandasi vaṣaye vā ghisañjño bhavati /
kuluñcānāṃ pataye namaḥ, kuluñcānāṃ patye namaḥ /
ṣasṭhī-grahaṇaṃ kim ? mayā patyā jaradaṣṭiryathāsaḥ /
chandasi iti kim ? grāmasya patye //


____________________________________________________________________


hrasvaṃ laghu || PS_1,4.10 ||


_____START JKv_1,4.10:

mātrikasya hrasvasañjñā kr̥tā tasya anena laghusañjñā vidhīyate /
hrasvam akṣaraṃ laghusañjñaṃ bhavati /
bhetā /
chetta /
acīkarat /
ajīharat /
laghu-pradeśāḥ - puganta-laghu-upadhasya ca ity evam ādayaḥ //

____________________________________________________________________


saṃyoge guru || PS_1,4.11 ||


_____START JKv_1,4.11:

hrasvam iti vartate /
pūrveṇa laghusañjñāyāṃ prāptāyāṃ gurusañjñā vidhīyate /
saṃyoge prato hrasvam akṣaraṃ gurusañjñaṃ bhavati /
kuṇḍā /
huṇḍā /
śikṣā bhikṣā /
guru-pradeśāḥ - guroś ca halaḥ (*3,3.103) ity evam ādayaḥ //


____________________________________________________________________


dīrghaṃ ca || PS_1,4.12 ||


_____START JKv_1,4.12:

saṃyoge iti na anuvartate /
sāmānyena sañjñā-vidhāna /
dīrghaṃ ca akṣaraṃ gurusañjñaṃ bhavati /
īhāñcakre /
īkṣāñcakre //


____________________________________________________________________


yasmāt pratyaya-vidhis tad-ādi pratyaye 'ṅgam || PS_1,4.13 ||

_____START JKv_1,4.13:

yasmāt pratyayo vidhīyate dhātor vā prātipadikād vā tad-ādi śabda-rūpaṃ pratyaye parato 'ṅgasañjñaṃ bhavati /
kartā /
hartā /
kariṣyati hariṣyati /
akariṣyat /
aupagavaḥ /
kāpaṭavaḥ /
yasmāt iti sañjñi-nirdeśa-artham, tad-ādi iti sambandhāt /
pratyaya-grahaṇaṃ kim ? nyaviśata /
vyakrīṇīta /
ner biśaḥ (*1,3.17) ity upasargād vidhir asti, tad-āder aṅgasañjñā syāt /
vidhi-grahaṇaṃ kim ? pratyaya-paratvam ātre mā bhūt /
strī iyatī /
tad-ādi-vacanaṃ syādinum artham /

[#78]

kariṣyāvaḥ /
kariṣyāmaḥ /
kuṇḍāni /
punaḥ pratyaya-grahaṇaṃ kim artham ? lupta-pratyaye mā bhūt /
śrya-rtham /
bhrv-artham /
aṅga-pradeśāḥ - aṅgasya (*6,4.1) ity evam ādayaḥ //


____________________________________________________________________


sup-tiṅ-antaṃ padam || PS_1,4.14 ||


_____START JKv_1,4.14:

sup tiṅ iti pratyāhāra-garahaṇam /
subantaṃ tiṅantaṃ ca śabda-rūpaṃ padasañjñaṃ bhavati /
brāhmaṇāḥ pathanit /
padasañjñāyām antagrahaṇam anyatra sañjñā-vidhau pratyaya-grahaṇe tad-anta-vidheḥ pratiṣedha-artham /
gaurī brāhmaṇitarā /
pada-pradeśāḥ - padasya (*8,1.13), padāt (*8,1.17) ity evam ādayaḥ //


____________________________________________________________________


naḥ kye || PS_1,4.15 ||


_____START JKv_1,4.15:

kye iti kyac - kyaṅ - kyaśāṃ sāmānya-grahanam /
na-antaṃ śabda-rūpaṃ kye parataḥ padasañjñaṃ bhavati /
kyac - rājīyati /
kyaṅ - rājāyate /
kyaś - carmāyati, carmāyate /
siddhe satyārambho niyama-arthaḥ /
na-antam eva kye parataḥ padasamñjñam bhavati, na anyat /
vācyati /
srucyati //


____________________________________________________________________


siti ca || PS_1,4.16 ||

_____START JKv_1,4.16:

yaci bham (*1,4.18) iti vakṣyati /
tasyāyaṃ purastād apavādaḥ /
siti pratyaye parataḥ pūrvaṃ padasañjñaṃ bhavati /
bhavataṣ ṭhak-chasau (*4,2.115) - bhavadīyaḥ /
ūrṇāyā yus (*5,2.123) - ūrṇāyuḥ /
r̥tor aṇ (*5,1.105), chandasi ghas (*5,1.106) - r̥tviyaḥ //

____________________________________________________________________


svādiṣv a-sarvanamasthāne || PS_1,4.17 ||

_____START JKv_1,4.17:


____________________________________________________________________


yaci bham || PS_1,4.18 ||


_____START JKv_1,4.18:

savādiśv asarvanāmasthāne iti vartate /
pūrveṇa padasañjñāyāṃ prāptāyāṃ tad-apavādo bhasañjñā vidhīyate /
yakārādāv ajādau ca svādau sarvanāmasthāna-varjite pratyaye parataḥ pūrvaṃ bhasñjñaṃ bhavati /
yakāra-ādau - gārgyaḥ /
vātsayaḥ /
ajādau - dākṣiḥ /
plākṣiḥ /

[#79]

nabho 'ṅgiromanuṣāṃ vatyupasaṅkhyānam /
nabha iva nabhasvat /
aṅgirā iva aṅgirasvat /
manuriva manuṣvat /
vr̥ṣaṇvasvaśvayoḥ /
vr̥ṣan ity etat vasvaśvayoḥ prato bhasañjñaṃ bhavati chandasi viśaye /
vr̥ṣaṇvasuḥ /
vr̥ṣaṇaśvasya maināsīt /
bhapradeśāḥ -- bhasya (*6,4.129) ity evam ādayaḥ //


____________________________________________________________________


tasau matv-arthe || PS_1,4.19 ||


_____START JKv_1,4.19:

bham iti vartate /
takāra-antaṃ sakāra-antaṃ śabda-rūpaṃ matv-arthe pratyaye parato bhasañjñaṃ bhavati /
udaśvitvān ghoṣaḥ /
vidyutvān balāhakaḥ /
sakārāntam -- payasvī /
yaśasvī /
tasau iti kim ? takṣavān grāmaḥ //


____________________________________________________________________


ayasmaya-ādīni chandasi || PS_1,4.20 ||


_____START JKv_1,4.20:


ayasmaya-ādīni śabdarūpāṇi chandasi viśaye sādhūni bhavanti /
bhapada-sañjña-adhikāre vidhanāt tena sukhena sadhutvam ayasmaya-ādīnāṃ vidhīyate /
ayasmayaṃ varma /
ayasmayāni pātrāṇi /
kvacid ubhayam api bhavati /
sa suṣṭubhā sa r̥kvatā gaṇena /
padatvāt kutvaṃ, bhatvāj jaśtvaṃ na bhavati /
chandasi iti kim ? ayomayaṃ varma /
ākr̥tigaṇo 'yam //


____________________________________________________________________

bahuṣu bahuvacanam || PS_1,4.21 ||


_____START JKv_1,4.21:

ṅy-āp prātipadikāt svādayaḥ, lasya tibādayaḥ iti sāmānyena bahuvacanaṃ vihitaṃ, tasya anena bahutva-saṅkhyā vācyatvena vidhīyate /
bahuṣu bahuvacanam bhavati /
bahutvam asya vācyaṃ bhavati iti yāvat /
karmādayo 'py apare vibhaktīnām arthā vācyāḥ /
tadīye bahutve bahuvacanam /
karma-ādiṣu bahuṣu bahuvacanam ity arthaḥ /
vrāhmaṇāḥ paṭhanti /
yatra ca saṅkhyā sambhavati tatra ayam upadeśaḥ /
avyayebhyas tu niḥ-saṅkhyebhyaḥ sāmānya-vihitāḥ svādayo vidyanta eva //


____________________________________________________________________


dvy-ekayor dvibacana-ekavacane || PS_1,4.22 ||


_____START JKv_1,4.22:

dvitva-ekayor arthayoḥ dvivacana-ekavacane bhavataḥ /
etad api sāmānya-vihitayor dvivacana-ekavacanayor artha-abhidhānam /
dvitve dvivacnaṃ bhavati /
ekatve ekavacanaṃ bhavati /
brāhmaṇau paṭhataḥ /
brāhmaṇaḥ paṭhati //


____________________________________________________________________


[#80]

kārake || PS_1,4.23 ||


_____START JKv_1,4.23:

kārake iti vaśeṣaṇam apādānādisañjñāviṣayam adhikriyate /
kārake ity adhikāro veditavyaḥ /
yad ita ūrdhvam anukramiṣyāmaḥ kārake ity evaṃ tad veditavyam /
kāraka-śabdaś ca nimitta-paryāyaḥ /
karakam hetuḥ ity anartha-antaram /
kasya hetuḥ ? kriyāyāḥ /
vakṣyati, ghruvamapāye 'pādānam (*1,4.24) - grāmādāgacchati /
parvatādavarohati /
kārake iti kim ? vr̥kṣasya parṇaṃ patati /
kuḍyasya piṇḍaḥ patati /
akathitaṃ ca (*1,3.51), akathitaṃ ca kārakaṃ karmasañjñaṃ bhavati - māṇavakaṃ panthānaṃ pr̥cchati /
karake iti kim ? māṇavakasya pitaraṃ panthānaṃ pr̥cchati /
kārakasaṃśabdaneṣu ca anena eva viśeṣaṇena vyavahāro vijñāyate //


____________________________________________________________________


dhruvamapāye 'pādānam || PS_1,4.24 ||


_____START JKv_1,4.24:

dhruvaṃ yad apāyayuktam apāye sādhye yad avadhibhūtaṃ tat kārakam apādānasañjñaṃ bhavati /
grāmād āgachhati /
parvatād avarohati /
sārthāddhīnaḥ /
rathāt patitaḥ /
jugupsāvirāmapramādārthanām upasaṅkhyānam /
adharmāj jugupsate /
adharmād viramati /
dharmāt pramādyati /
apādānapradeśāḥ - apādāne pañcamī (*2,3.28) ity evam ādayaḥ //

____________________________________________________________________


bhī-trā-arthānāṃ bhaya-hetuḥ || PS_1,4.25 ||


_____START JKv_1,4.25:

bibhety-arthānāṃ trāyaty-arthānāṃ ca dhātūnāṃ prayoge bhaya-hetur yaḥ stat kārakam apādānasañjñaṃ bhavati /
caurebhyo bibheti /
caurebhya udvijate /
trāyaty-arthānām - caurebhyas trāyate /
caurebhyo rakṣati /
bhaya-hetuḥ iti kim ? araṇye bibheti /
araṇye trāyate //


____________________________________________________________________


parā-jer asoḍhaḥ || PS_1,4.26 ||


_____START JKv_1,4.26:

parāpūrvasya jayateḥ prayoge 'soḍho, yo 'rthaḥ soḍhuṃ na śakyate, tat kārakam apādānasañjñaṃ bhavati /
adhyayanāt parājayate /
asoḍhaḥ iti kim ? śatrūn parājayate //


____________________________________________________________________


vāraṇa-arthānām īpsitaḥ || PS_1,4.27 ||


_____START JKv_1,4.27:
vāraṇa-arthānām dhātūnām prayoge ya īpsito 'rthaḥ tat kārakam apādānasañjñaṃ bhavati /
pravr̥ttivighāto vāranam /
yavebhyo gā vārayati /
yavebhyo gā nivartayati /
īpsitaḥ iti kim ? yavebhyo gā vārayati kṣetre //


____________________________________________________________________


[#81]

antardhau yena adarśanam icchati || PS_1,4.28 ||


_____START JKv_1,4.28:

vyavdhānam antardhiḥ /
antardhi-nimittaṃ yena adarśanam ātmana icchati tat kārakam apādānasañjñaṃ bhavati /
upādhyāyād antardhatte /
upādhyāyān nilīyate /
mā māmupādhyāyo drākṣīt iti nilīyate /
antardhau iti kim ? caurān na didr̥kṣate /
icchati-grahaṇaṃ kim ? adarśanecchāyāṃ satyāṃ saty api darśane yathā syāt //


____________________________________________________________________


ākhyātā-upayoge || PS_1,4.29 ||


_____START JKv_1,4.29:

ākhyātā pratipādayitā /
upayogaḥ niyama-pūrvakaṃ vidhyā-grahaṇam /
upayoge sādhye ya ākhyātā tat kārakam apādānasañjñaṃ bhavati /
upādhyāyād adhīte /
upādhyāyād āgamayati /
upayoge iti kim ? naṭasya śr̥ṇoti //


____________________________________________________________________


jani-kartuḥ prakr̥tiḥ || PS_1,4.30 ||


_____START JKv_1,4.30:

janeḥ kartā jani-kartā /
jany-arthasya janmanaḥ kartā jāyamānaḥ, tasya yā prakr̥tiḥ kāraṇam, hetuḥ, tat kārakam apādānañjñam bhavati /
śr̥ṅgāccharo jāyate /
gomayād vr̥ściko jāyate //


____________________________________________________________________


bhuvaḥ prabhavaḥ || PS_1,4.31 ||


_____START JKv_1,4.31:

kartuḥ iti vartate /
bhavanaṃ bhūḥ /
prabhavaty asmāt iti prabhāḥ /
bhū-kartuḥ prabhavo yaḥ, tat kārakam apādānasaṃjñam bhavati /
himavato gaṅgā prabhavati /
kāśmīrebhyo vitastā prabhavati /
prathamata upalabhyate ity arthaḥ //


____________________________________________________________________


karmaṇā yam abhipraiti sa sampradānam || PS_1,4.32 ||


_____START JKv_1,4.32:

karmaṇā karaṇa-bhūtena kartā yam abhipraiti tat kārakaṃ sampradānasañjñaṃ bhavati /
anvarthasañjñā-vijñānād dadāti-karmaṇā iti vijñāyate /
upādhyāyāya gāṃ dadāti /
māṇavakāya bhikṣāṃ dadāti /
kriyā-grahaṇam api kartavyam /
kriyayā 'pi yam abhipraiti sa sampradānam /
śrāddhāya nigarhate /
yuddhāya sannahyate /
patye śete /
sampradānapradeśāḥ - caturthī sampradāne (*2,3.13) ity evam ādayaḥ /
karmaṇaḥ karaṇasañjñā vaktavyā sampradānasya ca karmasañjñā /
paśunā rudraṃ yajate /
paśuṃ rudrāya dadāti ity arthaḥ //


____________________________________________________________________


[#82]

rucy-arthānām prīyamāṇaḥ || PS_1,4.33 ||


_____START JKv_1,4.33:

rucinā samāna-arthāḥ rucy-arthāḥ anyakartr̥ko 'bhilāṣo rudiḥ /
rucy-arthānāṃ dhātūnāṃ prayoge prīyamāṇo yo 'rthaḥ, tat kārakaṃ sampradānā-sañjñam bhavati /
devadattāya rocate modakaḥ /
yajñadattāya svadate 'pūpaḥ /
devadattasthasyābhilāṣasya modakaḥ kartā /
prīyamāṇaḥ iti kim ? devadattāya rocate modakaḥ pathi //


____________________________________________________________________


ślāgha-hnuṅ-sthā-śapāṃ jñīpsyamānaḥ || PS_1,4.34 ||


_____START JKv_1,4.34:

ślāgha hnuṅ sthā śapa ity eteṣām jñīpsyamāno yo 'rthah, tat kārakaṃ sampradāna-sañjñaṃ bhavati /
jñīpsyamānaḥ jñapayitum iṣyamaṇaḥ, bodhyitum abhipretaḥ /
devadattāya ślāghate /
devadattaṃ ślāghamānastām ślāghāṃ tam eva jñapayitum icchati ity arthaḥ /
evam - devadattāya hnute /
yajñadattāya hnute /
devadattāya tiṣṭhate /
yajñadattāya tiṣṭhate /
devadattāya śapate /
yajñadattāya śapate /
jñīpsyamānaḥ iti kim ? deadattāya ślāghate pathi //


____________________________________________________________________


dhārer uttamarṇaḥ || PS_1,4.35 ||


_____START JKv_1,4.35:

dhārayateḥ prayoge uttamarṇo yo 'rthaḥ, tat kārakaṃ sampradānasañjñaṃ bhavati /
uttamam r̥ṇaṃ yasya sa uttamarṇaḥ /
kasya cottamamr̥ṇam ? yadīyaṃ dhanam /
dhanasvāmī prayoktā uttamarṇaḥ, sa sampradānasañjño bhavati /
devadattāya śatam dhārayati /
yajñadattāya śataṃ dhārayati /
uttārṇaḥ iti kim ? devadattāya śatam dharayati grāme //


____________________________________________________________________


spr̥her īpsitaḥ || PS_1,4.36 ||


_____START JKv_1,4.36:

spr̥ha īpsāyām curādāvadantaḥ paṭhyate /
tasya īpsito yo 'rthaḥ, tat kārakaṃ sampradāna-sañjñam bhavati /
īpsitaḥ ity abhipretaḥ ucyate /
puṣpebhyaḥ spr̥hayati /
phalebhyaḥ spr̥hayati /
īpsitaḥ iti kim ? puśpebhyo vane spr̥hayati //


____________________________________________________________________


krudha-druha-īrṣya-asūya-arthānāṃ yaṃ prati kopaḥ || PS_1,4.37 ||


_____START JKv_1,4.37:

amarṣaḥ krodhaḥ /
apakāro drohaḥ /
akṣamā īrṣyā /
guṇeṣu doṣāviṣkaranam asūyā /
krudhādy-arthānām prayoge yaṃ prati kopaḥ, tat kārakaṃ sampradānasañjñam bhavati /
krodhastāvat kopa eva /
drohādayo 'pi kopaprabhavā eva gr̥hyante /
tasmāt sāmānyena viśesaṇam yaṃ prati kopaḥ iti /
devadattāya krudhyati /
devadattāya druhyati /
devadattāya īrṣyati /
devadattāya asūyati /
yam prati kopaḥ iti kim ? bhāryām īrṣyati, mā enām anyo drākṣīt iti //

____________________________________________________________________


[#83]

krudha-druhor upasr̥ṣṭhayoḥ karma || PS_1,4.38 ||


_____START JKv_1,4.38:

pūrveṇa sampradānasaññāyām prāptāyām karmasañjñā vidhīyate /

[#82]

krudha-druhor upasr̥ṣṭayor upasarga-sambaddhayoḥ yaṃ prati kopaḥ, tat kārakaṃ karmasañjñaṃ bhavati /
devadattam abhikrudhyati /
devadattam abhidruhyati /
upasar̥ṣṭayoḥ iti kim ? devadattāya krudhyati /
yajñadattāya druhyati //


____________________________________________________________________


[#83]

rādḥ-īkṣyor yasya vipraśnaḥ || PS_1,4.39 ||


_____START JKv_1,4.39:

rādher īkṣeś ca kārakam sampradāna-sañjñaṃ bhavati /
kīdr̥śam ? yasya vipraśaḥ /
vividhaḥ praśnaḥ vipraśnaḥ /
sa kasya bhavati ? yasya śubhāśubhaṃ pr̥cchyate /
devadattāya rādhyati /
devadattāya īkṣate /
naimittikaḥ pr̥ṣṭaḥ san devadattasya daivaṃ paryālocayati ity arthaḥ //

____________________________________________________________________


praty-āṅbhyāṃ śruvaḥ pūrvasya kartā || PS_1,4.40 ||


_____START JKv_1,4.40:

prati āṅ ity evaṃ pūrvasya śr̥ṇoteḥ kārakam sampradāna-sañjñaṃ bhavati /
kīdr̥śam ? pūrvasya kartā /
pratipūrva āṅpūrvaś ca śr̥ṇoti rabhyupagame pratijñāne vartate /
sa ca abhyupagamaḥ parena prayuktasya sato bhavati /
tatra prayoktā pūrvasyāḥ kriyāyā kartā sampradānasañjño bhavati /
devacattāya gām pratiśr̥ṇoti /
devadattāya gāmāśr̥ṇoti /
pratijānīte ity arthaḥ //


____________________________________________________________________


anu-prati-gr̥ṇaś ca || PS_1,4.41 ||


_____START JKv_1,4.41:

pūrvasya kartā iti vartate /
anupūrvasya pratipūrvasya ca gr̥ṇāteḥ kārakam pūrvasyāḥ kriyāyaḥ kartr̥-bhūtaṃ saṃpradāna-sañjñaṃ bhavati /
hotre 'nugr̥ṇāti /
hotā prathamaṃ śaṃsati, tam anyaḥ protsāhayati /
anugaraḥ, pratigaraḥ iti hi saṃsituḥ protsāhane vartate /
hotre 'nugr̥ṇāti, hotāraṃ śaṃsantam protsāhayati ityarthaḥ //


____________________________________________________________________


sādhakatamaṃ karaṇam || PS_1,4.42 ||


_____START JKv_1,4.42:

kriyā-siddhau yat prakr̥ṣṭopakārakaṃ vivakṣitam tat sādhakatamaṃ kārakam karaṇasañjñaṃ bhavati /
dātreṇa lunāti /
paraśunā chinatti /
tamab-grahanam kim ? gaṅgāyāṃ ghoṣaḥ /
kūpe gargakulam /
karaṇapradeśāḥ -- kartr̥-karaṇayos tr̥tīyā (*2,3.18) ity evam ādayaḥ //


____________________________________________________________________


[#84]

divaḥ karma ca || PS_1,4.43 ||


_____START JKv_1,4.43:

pūrveṇa karaṇa-sañjñāyāṃ karana-sañjñāyāṃ prāptāyām karmasañjñā vidhīyate /
divaḥ sādhakatamaṃ yat kārakam tat karmasañjñam bhavati, cakārāt karaṇasañjñam ca /
akṣān dīvyati, akṣair dīvyati //


____________________________________________________________________


parikrayaṇe sampradānam anyatarasyām || PS_1,4.44 ||


_____START JKv_1,4.44:

sādhakatamam iti vartate /
pūrvena karaṇa-sañjñāyāṃ prāptāyā sampradāna-sajñā pakṣe vidhīyate /
parikrayaṇe sādhakatamaṃ kārakam anyatarasyāṃ sampradāna-sañjñaṃ bhavati /
parikrayaṇam niyatakālaṃ vetanādinā svīkaraṇam, natyantikaḥ kraya eva /
śatena parikrīto 'nubrūhi, śatāya parikrīto 'nubrūhi /
sahasreṇa parikrīto 'nubrūhi, sahasrāya parikrīto 'nubrūhi //


____________________________________________________________________


ādhāro 'dhikaraṇam || PS_1,4.45 ||


_____START JKv_1,4.45:

āghriyante 'smin kriyāḥ ity ādhāraḥ /
kartr̥-karmaṇoḥ kriyāśrayabhūtayoḥ dhāraṇakriyāṃ prati ya ādhārah, tat kārakam adhikaraṇasañjñaṃ bhavati /
kaṭe āste /
kaṭe śete /
sthālyāṃ pacati /
adhikarana-pradeśāḥ -- saptamy-adhikaraṇe ca (*2,3.36) ity evam ādayaḥ //


____________________________________________________________________


adhi-śīṅ-sthā-āsāṃ karma || PS_1,4.46 ||


_____START JKv_1,4.46:

pūrveṇa adhikaraṇa-sañjñāyāṃ prāptāyāṃ karma-sañjñā vidhīyate /
adhipūrvāṇāṃ śīṅ sthā ās ity eteṣām ādhāro yaḥ, tat kārakaṃ karma-sañjñaṃ bhavati /
grāmam adhiśete /
grāmam adhitiṣṭhati /
parvatam adhyāste //


____________________________________________________________________

abhiniviśaś ca || PS_1,4.47 ||


_____START JKv_1,4.47:

abhinipūrvasya viśater ādhāro yaḥ, tat kārakam karma-sañjñaṃ bhavati /
grāmam abhiniviśate /
kathaṃ kalyāṇe 'bhiniveśaḥ, pāpe 'bhiniveśaḥ, yā yā sañjñā yasmin yasmin sañjñiny abhiniviśate iti ? anyatarasyām iti vartate, parikrayaṇe sampradānam anyatarasyām (*1,4.44) ity ataḥ /
sā ca vyavasthita-vibhāṣā vijñāyate //


____________________________________________________________________


[#85]

upa-anv-adhy-āṅ-vasaḥ || PS_1,4.48 ||


_____START JKv_1,4.48:

upa anu adhi ā ity evaṃ pūrvasya vasater ādhāro yaḥ, tat kārakaṃ karmasañjñaṃ bhavati /
grāmam upavasati senā /
parvatam upavasati /
grāmam anuvasati /
grāmam adhivasati /
grāmam āvasati /
vaseraśyarthasya pratiṣedho vaktavyaḥ /
grāme upavasati /
bhojana-nivr̥ttiṃ karoti ity arthaḥ //


____________________________________________________________________


kartrur īpsitatamaṃ karma || PS_1,4.49 ||

_____START JKv_1,4.49:

kartuḥ kriyayā yad āptum iṣṭatamaṃ tat kārakaṃ karmasañjñaṃ bhavati /
kaṭaṃ karoti /
grāmaṃ gacchati /
kartuḥ iti kim ? māṣeṣvaśvaṃ badhnāti /
karmaṇa īpsitā māṣāḥ, na kartuḥ /
tam abgrahaṇaṃ kim ? payasā odanaṃ bhuṅkte /
karma ityanuvartamāne punaḥ karma-grahaṇam ādhāra-nivr̥tty-artham /
itarathā ādhārasya+eva hi syāt gehaṃ praviśati iti /
odanaṃ pacati, saktūn pibati ity ādiṣu na syāt /
punaḥ karma-grahaṇāt sarvatra siddha bhavati /
karma-pradeśāḥ -- karmaṇi dvitīyā (*2,3.2) ity evam ādayaḥ //


____________________________________________________________________


tathā-yuktaṃ ca anīpsitam || PS_1,4.50 ||


_____START JKv_1,4.50:

yena prakāreṇa kartur īpsitatamaṃ kriyayā yujyate, tena+eva cet prakārena yad anīpsitaṃ yuktaṃ bhavati, tasya karmasañjñā vidhīyate /
īpsitād anyat sarvam anīpsitam, dveṣyama, itarac ca /
viṣaṃ bhakṣayati /
caurān paśyati /
grāmaṃ gacchan vr̥kṣa-mūlāny upasarpati //


____________________________________________________________________


akathitaṃ ca || PS_1,4.51 ||


_____START JKv_1,4.51:

akathitaṃ ca yat kārakaṃ tat karmasañjñaṃ bhavati /
kena akathitam ? apādānādiviśeṣakathābhiḥ /
parigaṇanaṃ kartavyam -- duhiyācirudhipracchibhikṣiciñām upayoganimittam apūrvavidhau /
bruviśāsiguṇena ca yat sacate tad akīrtitam ācaritaṃ kavinā //
upayujyate ity upayogaḥ payaḥprabhr̥ti /
tasya nimittaṃ gavādi /
tasya+upayujyamāna-payaḥprabhr̥ti-nimittasya gavādeḥ karmasañjñā vidhīyate /
pāṇinā kāṃsyapātryāṃ gāṃ dogdhi payaḥ /
pāṇyādikam apy upayoga-nimittaṃ, tasya 86 kasmān na bhavati ? na+etad asti /

[#86]

vihitā hi tatra karaṇādisañjñā /
tad-artham āha - apūrvavidhau iti /
bruviśāsi-guṇena ca yat sacate /
bruviśāsyor guṇaḥ sādhanam, pradhānaṃ, pradhānaṃ karma, dharma-adikam, tena yat sambadhyate, tadakīrtitam ācaritaṃ kavinā, tadakathitam auktaṃ sūtrakāreṇa /
duhi - gāṃ dogdhi payaḥ /
yāci - pauravaṃ gāṃ yācate /
rudhi - gāmavaruṇaddhi vrajam /
pracchi - māṇāvakaṃ panthānaṃ pr̥cchati /
bhikṣi - pauravam gāṃ bhikṣate /
ciñ - vr̥kṣamavicinoti phalāni /
bruvi - māṇavakaṃ dharmaṃ brūte /
śāsi - māṇavakaṃ dharmam anuśāsti //


____________________________________________________________________


guti-buddhi-pratyavasāna-artha-śabda-karma-akarmakāṇām aṇi kartā sa ṇau || PS_1,4.52 ||


_____START JKv_1,4.52:

artha-śabdaḥ praty-ekam abhisambadhyate /
gaty-arthānāṃ buddhy-arthānāṃ pratyavasāna-arthānam ca dhātūnāṃ, tatha śabda-karmakāṇām akarmakanām ca aṇy-antānām yaḥ kartā, sa ṇy-antānāṃ karmasañjño bhavati /
gacchati māṇavako grāmam, gamayati māṇavakaṃ grāmam /
yāti māṇavako grāmam, yāpayati māṇavakaṃ grāmam /
gaty-artheṣu nīvahyoḥ pratiṣedho vaktavyaḥ /
nayati bhāram devadattaḥ, nāyayati bhāram devadattena /
vahati bhāram devadattaḥ, vāhyati bhāraṃ devadattena /
vaheraniyantr̥kartr̥kasya+iti vaktavyam /
iha praitṣedho mā bhūt, vahanti yavān balīvardāḥ, vāhayati yavān balīvardān iti /
buddhiḥ - budhyate māṇavako dharmam, bodhayati māṇavakaṃ dahrmam /
vetti māṇavako dharmam, vedayati māṇavakaṃ dharmam /
pratyavasānam abhyavahāraḥ /
bhuṅkte māṇavaka odanam, bhojayati māṇavakam odanam /
aśnāti mānavaka odanam, āśayati māṇavakamodanam /
ādikhādyoḥ pratiśedho vaktavyaḥ /
atti māṇavaka odanam, ādayate māṇavakena odanam /
khādati māṇavakaḥ, khādayati māṇavakena /
bhakṣer ahiṃsa-arthasya pratiṣedho vaktavyaḥ /
bhakṣayati piṇḍīṃ devadattaḥ, bhakṣayati piṇḍīṃ devadattena iti /
ahiṃsa-arthasya iti kim ? bhakṣayanti balīvardāḥ sasyam, bhakṣayanti balīvardān sasyam /
śabda-karmaṇām -- adhīte mānavako vedam, adhyāpayati māṇavakaṃ vedam /
paṭhati māṇavako vedam /
pāṭhayati māṇavakaṃ vedam /
akarmakāṇām - āste devadattaḥ, āsayati devadattam /
śete devadattaḥ, śāyayati devadattam /
eteṣām iti kim ? pacaty odanaṃ devadattaḥ, pācayaty odanaṃ devadattena iti /
aṇyantānām iti kim ? gamayati devadatto yajñadattam, tam aparaḥ prayuṅkte, gamayati devadattena yajñadattaṃ viṣṇumitraḥ //


____________________________________________________________________


[#87]

hr̥-kror anyatarasyām || PS_1,4.53 ||


_____START JKv_1,4.53:

ani karta sa ṇau iti vartate /
harateḥ karoteś ca aṇyantayor yaḥ kartā sa ṇyantayor anyatarasyāṃ karmasañjño bhavati /
harati bhāraṃ mānavakaḥ, harayati bhāraṃ mānavakaṃ, mānavakena iti vā /
karoti kaṭaṃ devadattaḥ, kārayati kaṭaṃ devadattaṃ, devadattena iti vā /
abhivādi-dr̥śor ātmanepada upasaṅkhyānam /
abhivadati guruṃ devadattaḥ, abhivādayate guruṃ devadattaṃ, devadattena iti vā /
paśyanti bhr̥tyā rājānam, darśayate bhr̥tyān rājānam, bhr̥tyaiḥ iti vā /
ātmanepade iti kim ? darśayati caitraṃ maitramaparaḥ /
prāpta-vikalpatvād dvitīyaiva /
abhivādayati guruṃ māṇavakena pitā /
aprāptavikalpatvāt tr̥tīyā+eva //


____________________________________________________________________


svatantraḥ kartā || PS_1,4.54 ||


_____START JKv_1,4.54:

svatantraḥ iti pradhāna-bhūta ucyate /
aguṇī-bhūto, yaḥ kriyā-siddhau svatantryeṇa vivakṣyate, tat kārakṃ kartr̥sañjñaṃ bhavti /
devadattaḥ pacati /
sthālī pacati /
kartr̥-pradeśāḥ - kartr̥-karaṇayos tr̥tīyā (*2,3.18) ity evam ādayaḥ //


____________________________________________________________________


tat-prayojako hetuś ca || PS_1,4.55 ||


_____START JKv_1,4.55:

tat iti anantaraḥ kartā parāmr̥śyate /
tasya prayojakas tat-prayojakaḥ /
nipātanāt samāsaḥ /
svatantrasya prayojako yo 'rthaḥ, tat-kārakaṃ hetu-sañjñaṃ bhavati /
cakārāt kartr̥-sañjñaṃ ca /
sañjñāsamāveśa-arthaś-cakāraḥ /
kurvāṇaṃ prayuṅkte, kārayati /
hārayati /
hetutvad ṇico nimittaṃ kartr̥tvāc ca kartr̥-pratyayena+ucyate /
hetu-pradeśāḥ - hetumati ca (*3,1.26) ity evam adayaḥ //


____________________________________________________________________


prāg-rīśvarān nipātāḥ || PS_1,4.56 ||


_____START JKv_1,4.56:

adhir īśvare (*1,4.97) iti vakṣyati /
prāg etasmād avadheryānita ūrdhvam anukramiṣyāmaḥ, nipāta-sañjñāste veditavyāḥ /
vakṣyati - ca-adayo 'sattve (*1,4.57), ca, vā, ha, aha /
prāg-vacanaṃ sañjñā-samāveśa-artham /
gaty-upasarga-karmapravacanīya. sañjñābhiḥ saha nipāta-sañjñā samāviśati /
rephoccāraṇam iśvare tosun-kasunau (*3,4.13) ity ayam avadhirmā vijñāyi iti /
rīśvarādvīśvarān mā bhūt kr̥nmejantaḥ paro 'pi saḥ /
samāseṣvavyayībhāvo laukikam ca ativartate //


____________________________________________________________________


[#88]

ca-ādayo 'sattve || PS_1,4.57 ||


_____START JKv_1,4.57:

ca-ādayo nipāta-sañjñā bhavanti, na cet sattve vartante /
prasajya-pratiṣedho 'yam /
sattvam iti dravyam ucyate /
ca /
vā /
ha /
aha /
eva /
evam /
nūnam /
śaśvat /
yugapat /
sūpat /
kūpat /
kuvit /
net /
cet /
caṇ /
kaccit /
yatra /
naha /
hanta /
mākim /
nakim /
māṅ /
māṅo ṅakāro viśeṣaṇārthaḥ, māṅi luṅ (*3,3.175) iti /
iha na bhavati, mā bhavatu, ma bhaviṣyati /
nañ /
yāvat /
tāvat /
tvā /
tvai /
dvai /
rai /
śrauṣaṭ /
vauṣaṭ /
svāhā /
vaṣaṭ /
svadhā /
om /
kila /
tathā /
atha /
su /
sma /
asmi /
a /
i /
u /
r̥ /
l̥ /
e /
ai /
o /
au /
am /
tak /
uñ /
ukañ /
velāyām /
mātrāyām /
yathā /
yat /
yam /
tat /
kim /
purā /
addhā /
dhik /
hāhā /
he /
hai /
pyāṭ /
pāṭ /
thāṭ /
aho /
utāho /
ho /
tum /
tathāhi /
khalu /
ām /
āho /
atho /
nanu /
manye /
mithyā /
asi /
brūhi /
tu /
nu /
iti /
iva /
vat /
cana /
bata /
iha /
śam /
kam /
anukam /
nahikam /
hikam /
sukam /
satyam /
r̥tam /
śraddhā /
iddhā /
mudhā /
no cet /
na cet /
nahi /
jātu /
katham /
kutaḥ /
kutra /
ava /
anu /
hāhau /
haihā /
īhā /
āhosvit /
chambaṭ /
kham /
diṣṭyā /
paśu /
vaṭ /
saha /
ānuṣak /
aṅga /
phaṭ /
tājak /
aye /
are /
caṭu /
bāṭ /
kum /
khum /
ghum /
hum /
āīm /
śīm /
sīm /
vai /
upasarga-vibhakti-svara-pratirūpakāś ca nipātāḥ /
upasarga-pratirūpakāḥ -- avadattam vidattaṃ ca pradataṃ ca adikarmaṇi /
sudattam anudattaṃ ca nidattam iti ceṣyate //
aca upasargāt taḥ (*7,4.47) iti tatvam na bhavati /
durnītam /
durnayaḥ /
durnirṇayaḥ //
upasargāt (*8,4.14) iti ṇatvaṃ na bhavati /
asattve iti kim ? paśur vai puruṣaḥ /
paśuḥ puroḍaśaḥ nipāta-pradeśāḥ -- svara-ādi-nipatam avyayam (*1,1.37) ity evam ādayaḥ //


____________________________________________________________________


pra-ādayaḥ || PS_1,4.58 ||


_____START JKv_1,4.58:

pra-ādayo 'sattve nipata-sañjñā bhavanti /
pra /
parā /
apa /
sam /
anu /
ava /
nis /
nir /
rus /
dur /
vi /
āṅ /
ni /
adhi /
api /
ati /
su /
ut abhi /
prati /
pari /
up /
pr̥tagyoga-karanam uttarasañjñā-viśeṣaṇa-artham /
upasargāḥ kriyā-yoge (*1,4.59) iti ca-ādīnām upasarga-sañjñā mā bhūt /
asattve ity eva, parā jayati senā //


____________________________________________________________________


[#89]

upasargāḥ kriyā-yoge || PS_1,4.59 ||


_____START JKv_1,4.59:

pra-ādayaḥ kriyā-yoge upasargas-añjñā bhavanti /
praṇayati /
pariṇayati /
praṇāyakaḥ /
pariṇāyakaḥ /
kriyā-yoge iti kim ? pragato nāyako 'smād deśāt, pranāyako deśaḥ /
maruc-chābdasya ca+upasaṅkhyānam kartavyam /
marudbhir datto marutaḥ /
sañjñāvidhānasāmarthyādanajantatve 'pi aca upasargāt taḥ (*7,4.47) iti tattvaṃ bhavati /
śrac-chabdasya+upasaṅkhyānam /
āt-aś-ca-upasarge (*3,3.106) iti aṅ bhavati - śraddhā /
upasarga. pradeśāḥ -- upasarge ghoḥ kiḥ (*3,3.93) ity evam ādayaḥ //


____________________________________________________________________


gatiś ca || PS_1,4.60 ||


_____START JKv_1,4.60:

gati-sañjñakāś ca pra-ādayo bhavanti kriyā-yoge /
prakr̥tya /
prakr̥tam /
yat prakaroti /
yoga-vibhāga uttara-arthaḥ /
uttaratra gati-sañjñā+eva yathā syāt /
upasarga-sañjñā mā bhūt /
ūrīsyāt ity atra upasarga-prādurbhyām astir y-ac-paraḥ (*8,3.87) iti ṣatvaṃ prasajyeta /
ca-karaḥ sañjñā-samāveśa-arthaḥ /
praṇītam /
abhiṣiktam /
gatir anantaraḥ (*6,2.49) iti svaraḥ, upasargāt (*8,4.14) (*8,3.65) iti ṇatvaṣatve ca bhavataḥ /
kārikā-śabdasya+upasaṅkhyānam /
kārikā-kr̥tya /
kārikā-kr̥tam /
yat kārikā karoti /
punaścanasau chandasi gatisañjñau bhavata iti vaktavyam /
punarutsyūtaṃ vāso deyam /
gatir gatau (*8,1.70) iti nighāto bhavati /
cano hitaḥ /
gatir anantaraḥ (*6,2.49) iti svaraḥ /
gati-pradeśāḥ -- ku-gati-pra-ādaya (*2,2.18) ity evam ādayaḥ //


____________________________________________________________________


ūry-ādi-cvi-ḍācaś ca || PS_1,4.61 ||


_____START JKv_1,4.61:

ūry-ādayaḥ śabdāḥ cvy-antā ḍaj-antāś ca kriyā-yoge gati-sañjñā bhavanti /
cvi-ḍācoḥ kr̥bhvastiyoge vidhanam /
tat-sāhacaryād ūry-ādīnām api tair eva yoge gati-sañjñā vidhīyate /
ūrī-urarī-śabdāv aṅgīkarane vistāre ca /
ūrīkr̥tya /
ūrīkr̥tam /
yadurīkaroti /
urarīkr̥tya /

[#90]

urarīkr̥tam /
yadurarīkaroti /
pāpī /
tālī /
āttālī /
vetālī /
dhūsī /
śakalā /
saṃśaklā /
dhvaṃsakalā /
bhraṃśakalā /
ete śakalādayo hiṃsāyam /
śakalākr̥tya /
saṃśakalākr̥tya /
dhvaṃsakalākr̥tya /
bhraṃśakalākr̥tya /
gulugudha pīḍa-arthe - gulugudhākr̥tya /
sujūḥsaha-arthe - sajūḥkr̥tya /
phalū, phalī, viklī, āklī iti vikāre - phalū kr̥tya /
phalī kr̥tya /
viklī kr̥tya /
ālooṣṭī /
karalī /
kevālī /
śevālī /
varṣālī /
masmasā /
masamasā /
ete hiṃsāyām /
vaṣaṭ /
vauṣaṭ /
śrauṣaṭ /
svāhā /
svadhā /
vandhā /
prādus /
śrut /
āvis /
cvy-antāḥ khalv api -- śuklīkr̥tya /
śuklīkr̥tam /
yacchuklīkaroti /
ḍāc -- paṭapaṭākrr̥tya /
paṭapaṭākr̥tam /
yatpaṭapaṭakaroti //


____________________________________________________________________


anukaraṇaṃ ca aniti-param || PS_1,4.62 ||


_____START JKv_1,4.62:

itiḥ pare yasmāt iti bahuvrīhiḥ /
anukaranam anitiparaṃ kriyā-yoge gati-sañjñam bhavati /
khāṭkr̥tya /
khāṭkr̥tam /
yatkhāṭkaroti /
anitiparam iti kim ? khāḍiti kr̥tvā niraṣṭhīvat //


____________________________________________________________________


ādara-anādarayoḥ sad-asatī || PS_1,4.63 ||


_____START JKv_1,4.63:

prītisaṃbhrama ādaraḥ /
paribhavaudāsīnyam anādaraḥ /
ādarānādarayoḥ yathā-kramaṃ sad-asac-chabdau gati-sañjñau bhavataḥ /
satkr̥tya /
satkr̥tam /
yatsatkaroti /
asatkr̥tya /
asatkr̥tam /
yadasatkaroti /
ādara-anādarayoḥ iti kim ? satkr̥tvā kāṇḍaṃ gataḥ /
asatkr̥tvā kāṇḍam gataḥ //


____________________________________________________________________


bhūṣane 'lam || PS_1,4.64 ||


_____START JKv_1,4.64:

alam iti pratiṣedhe, sāmarthye, paryāptau, bhūṣaṇe ca iti viśeṣanam upādīyate /
bhūvaṇe yo 'laṃ-śabdaḥ sa gati-sañjño bhavati /
alaṅkr̥tya /
alaṅkr̥tam /
yadalaṅkaroti /
bhūṣaṇe iti kim ? alaṃ bhuktvā odanaṃ gataḥ //


____________________________________________________________________


antar aparigrahe || PS_1,4.65 ||


_____START JKv_1,4.65:

antaḥ-śabdo 'parigrahe 'rthe gati-sañjño bhavati /
parigrahaḥ svīkaraṇam /
tad-abhāve gatisañjñā vidhīyate /
antarhatya /
antarhatam /
yadantarhanti /
aparigrahe iti kim ? antarhatvā bhūṣikām śyeno gataḥ /
parigr̥hya gataḥ ity arthaḥ /
antaḥ-śabdasya aṅkividhiṇatveṣu upasargasañjñā vaktavyā /
antardhā /
antardhiḥ /
antarṇayati //


____________________________________________________________________


[#91]

kaṇe-manasī śraddhā-pratīghāte || PS_1,4.66 ||


_____START JKv_1,4.66:

kaṇe-śabdo manas-śabdaś ca śraddhā-pratīghāte gati-sañjñau bhavataḥ /
kaṇehatya payaḥ pibati /
manohatya payaḥ pibati /
tāvat pibati yāvad asya abhilāśo nivr̥ttaḥ /
śraddhā pratihatā ity arthaḥ /
śraddhā-pratīghāte iti kim ? kaṇe hatvā gataḥ /
mano hatvā gataḥ //


____________________________________________________________________


puro 'vyayam || PS_1,4.67 ||


_____START JKv_1,4.67:

asi-pratyayāntaḥ puraḥ-śabdo 'vyayam /
sa gati-sañjño bhavati /
samāsa-svaropacārāḥ prayojanam /
puras-kr̥tya /
puras-kr̥tam /
yat puras karoti /
avyayam iti kim ? pūḥ, purau /
puraḥ kr̥tvā kāṇḍaṃ gataḥ //

____________________________________________________________________


astaṃ ca || PS_1,4.68 ||


_____START JKv_1,4.68:

astaṃ-śabdo ma-kārānto 'vyayam anupalabdhau vartate /
sa gati-sañjñao bhavati /
astaṃgatya savitā punar udeti /
astaṃ-gatāni dhanāni /
yad astaṃ gacchati /
avyayam ity eva, astaṃ kāṇḍam /
kṣipatam ity arthaḥ //


____________________________________________________________________


accha gaty-artha-vadeṣu || PS_1,4.69 ||


_____START JKv_1,4.69:

accha-śabdaḥ avyayam abhi-śabdasya arthe vartate /
sa gaty-artheṣu dhātuṣu vadatau ca gatisañjño bhavati /
acchagatya /
acchagatam /
yad acchagacchati /
vadatau - acchodya /
acchoditam /
yad acchavacati /
avyayam ity eva, udakam acchaṃ gacchati //


____________________________________________________________________

ado 'nupadeśe || PS_1,4.70 ||


_____START JKv_1,4.70:

adaḥ-śabdastyadādiṣu paṭhyate, so 'nupadeśe gati-sañjño bhavati /
upadeśaḥ parārthaḥ prayogaḥ /
svayam eva tu yadā buddhyā parām r̥śati tadā na asty upadeśaḥ iti so 'sya viśayaḥ /
adaḥkr̥tya /
adaḥkr̥tam /
yad adaḥkaroti /
anupadeśe iti kim ? adaḥ kr̥tvā kāṇḍaṃ gataḥ iti parasya kathayati //


____________________________________________________________________


taro 'ntardhau || PS_1,4.71 ||


_____START JKv_1,4.71:

antardhiḥ vyavadhānam /
tatra tiraḥ-śabdo gati-sañjño bhavati /
tirobhūya /
tirobhūtam /
yat tirobhavati /
antardhau iti kim ? tiro bhūtvā sthitaḥ /
pārśvato bhūtvā ity arthaḥ //


____________________________________________________________________


[#92]

vibhāṣā kr̥ñi || PS_1,4.72 ||

_____START JKv_1,4.72:

antardhau iti vartate /
prāpta-vibhāṣeyam /
tiraḥ-śabdaḥ karotau parato vibhāṣā gati-sañjño bhavati /
taraḥ kr̥tya, tiraskr̥tya /
tiraskr̥tam /
yat tiraskaroti /
tiraḥ kr̥tvā, tiraskr̥tvā /
antardhau ity eva, tiraḥ-kr̥tvā kāṣṭhaṃ tiṣṭhati //


____________________________________________________________________


upāje 'nvāje || PS_1,4.73 ||


_____START JKv_1,4.73:

vibhāṣā kr̥ñi iti vartate /
upāje 'nvāje-śabdau vibhakti-pratirūpakau nipātau durbalasya sāmarthyādhāne vartete /
tau kr̥ñi vibhāṣā gati-sañjñau bhavataḥ /
upājekr̥tya, upāje kr̥tvā /
anvājekr̥tya, anvāje kr̥tvā //


____________________________________________________________________


sākṣāt-prabhr̥tīni ca || PS_1,4.74 ||


_____START JKv_1,4.74:

vibhāṣā kr̥ñi iti vartate /
sākṣāt-prabhr̥tīni śabdarūpāṇi kr̥ñi vibhāṣā gati-sañjñāni bhavanti /
sākṣātprabhr̥tiṣu cvyarthavacanam /
sākṣātkr̥tya, sākṣāt kr̥tvā /
mithyākr̥tya, mithyā kr̥tvā /
sākṣāt /
mithyā /
cintā /
bhadrā /
locana /
vibhāṣā /
sampatkā /
āsthā /
amā /
śraddhā /
prājaryā /
prājaruhā /
vījaryā /
vījaruhā /
saṃsaryā /
arthe /
lavaṇam /
uṣṇam /
śītam /
udakam /
ārdram /
gatisañjñā-saṃniyogena lavaṇādīnām makārantatvam nipātyate /
agnau /
vaśe /
vikampate /
vihasane /
prahasane /
pratapane /
prādus /
namas /
āvis //


____________________________________________________________________

anatyādhāna urasi-manasī || PS_1,4.75 ||


_____START JKv_1,4.75:

vibhāṣā kr̥ñi iti vartate /
atyādhānam upaśleṣaṇam, tad-abhāve 'natyādhāne urasi-manasī śabdau vibhāṣā kr̥ñi gati-sañjñau bhavataḥ /
urasikr̥tya, urasi kr̥tvā /
manasikr̥tya, manasi kr̥tvā /
anatyāvāne iti kim ? urasi kr̥tvā pāṇiṃ śete //


____________________________________________________________________


madhye pade nivacane ca || PS_1,4.76 ||


_____START JKv_1,4.76:

vibhāṣā kr̥ñi iti vartate /
ca-kārāt anatyādhāne iti ca /
madye pade nivacane ity ete śabdā anatyādhāne vibhāṣā kr̥ñi gati-sajñā bhavanti /
madyekr̥tya, madhye kr̥tvā /
padekr̥tya, pade kr̥tvā /
nivacanam vacanābhāvaḥ /
nivacanekr̥tya, nivacane kr̥tvā /
vācam niyamya ity arthaḥ anatyādhāne ity eva, hastitaḥ pade kr̥tvā śiraḥ śete //


____________________________________________________________________


[#93]

nityaṃ haste pānāv-upayamane || PS_1,4.77 ||


_____START JKv_1,4.77:

kr̥ñi iti vartate /
haste pāṇau ity etau śabdau kr̥ñi nityaṃ gatisañjñau bhavataḥ upayamane /
upayamanaṃ dārakarma /
hastekr̥tya /
pāṇaukr̥tya /
dārakarma kr̥tvā ity arthaḥ /
upayamane iti kim ? haste kr̥tvā kārṣāpanaṃ gataḥ //


____________________________________________________________________


prādhvaṃ vandhane || PS_1,4.78 ||


_____START JKv_1,4.78:

kr̥ñi iti vartate /
prādhvam iti makārāntam avyayamānukūlye vartate /
tad-ānukūlyaṃ vandhana-hetukaṃ yadā bhavati tadā prādhvaṃśabdaḥ kr̥ñi nityaṃ gatisañjño bhavati /
prādhvaṃkrtya /
bandhne iti kim ? prādhvaṃ kr̥tvā śakaṭaṃ gataḥ //


____________________________________________________________________


jīvikā-upaniṣadāv aupamye || PS_1,4.79 ||


_____START JKv_1,4.79:

kr̥ñi iti vartate /
jīvikā upaniṣad ity etau śabdau aupamye viṣahe kr̥ñi gatisañjñau bhavataḥ /
jīvikākr̥tya /
upaniṣatkr̥tya /
aupamye iti kim ? jīvikām kr̥tvā gataḥ //


____________________________________________________________________


te prāg dhātoḥ || PS_1,4.80 ||


_____START JKv_1,4.80:

te gatyupasarga-sañjñakā dhātoḥ prāk prayoktavyāḥ /
tathā caivodāhr̥tāḥ /
tegrahaṇam upasarga-artham /
gatayo hy anantarāḥ //


____________________________________________________________________


chandasi pare 'pi || PS_1,4.81 ||


_____START JKv_1,4.81:

prāk prayoge prapte chandasi pare 'pi abhyanujñāyante /
chandasi viṣaye gatyupasarga-sañjñakāḥ pre 'pi pūrve 'pi prayoktavyāḥ /
na ca preṣāṃ prayujyamānānāṃ sañjñā-kāryaṃ kiñcid asti /
kevalaṃ praprayoge 'pi kriyāyoge eṣām asti iti jñāpyate /
yāti ni hastinā, niyāti hastinā /
hanti ni muṣṭinā, nihanti muṣṭinā //


____________________________________________________________________


vyavahitāś ca || PS_1,4.82 ||

_____START JKv_1,4.82:

vyavahitāś ca gatyupasarga-sañjñakāḥ chandasi dr̥śyante ā mandrairindra haribhiryāhi mayūraromabhiḥ /
ā yāhi //


____________________________________________________________________


karmapravacanīyāḥ || PS_1,4.83 ||


_____START JKv_1,4.83:

karmapravacanīyāḥ ity adhikāro viditavyaḥ /
yānita ūrdhvam anukramiṣyāmaḥ karmapravacanīya. sañjñāste veditavyāḥ adhir īśvare (*1,3.97) iti yāvad vakṣyati /
karmapravacanīya-pradeśāḥ -- karmapravacanīya-yukte dvitīyā (*2,3.8) ity evam ādayaḥ //


____________________________________________________________________


[#94]

anur lakṣaṇe || PS_1,4.84 ||


_____START JKv_1,4.84:

anu-śabdo lakṣaṇe dhyotye karmapravacanīya-sañjño bhavati /
śākalyasya saṃhitāmanu prāvarṣat /
anaḍudyajñamanvasiñcat /
agastyamanvasiñcat prajāḥ /
kim artham idam ucyate, yāvatā lakṣana-ittham bhūta-ākhyāna (*1,4.90) iti siddhaivānoḥ karmapravacanīya-sañjñā ? hetv-arthaṃ tu vacanam /
hetu-tr̥tīyāṃ vādhitvā dvitīyaā+eva yathā syāt //


____________________________________________________________________

tr̥tīyā-arthe || PS_1,4.85 ||


_____START JKv_1,4.85:

anuśabdas tr̥tīyārthe dyotye karmapravacanīya-sañjño bhavati /
nadīm anvavasitā senā /
parvatam anvavasitā senā /
parvatena sambaddhā ity arthaḥ //


____________________________________________________________________


hīne || PS_1,4.86 ||


_____START JKv_1,4.86:

hīnaḥ iti nyūnaḥ ucyate, sa ca+utkr̥ṣṭāpekṣaḥ /
tena+iyam hīna-utkr̥ṣṭa-sambandhe sañjñā vijñāyate /
hīne dyotye ayam anuḥ karmapravacanīya-sañjño bhavati /
anu śākaṭāyanaṃ vaiyākaraṇāḥ /
anvarjunaṃ yoddhāraḥ //


____________________________________________________________________


upo 'dhike ca || PS_1,4.87 ||


_____START JKv_1,4.87:

upa-śabdaḥ adhike hīne ca dyotye karmapravacanīya-sañjño bhavati /
upa khāryaṃ droṇaḥ /
upa niṣke kārṣāpaṇam /
hīne - upa śākaṭāyanaṃ vaiyākaraṇāḥ //


____________________________________________________________________


apa-parī varjane || PS_1,4.88 ||


_____START JKv_1,4.88:


apa-parī śabdau varjane dyotye karmapravacanīya-sañjñau bhavataḥ /
prakr̥tena sambandhinā kasyacid anabhisambandhaḥ varjanam /
apa trigartebhyo vr̥ṣṭo devaḥ /
pari pari trigartebhyo vr̥ṣṭo devaḥ /
varjane iti kim ? odanaṃ pariṣiñcati //


____________________________________________________________________


[#95]

āṅ maryādā-vacane || PS_1,4.89 ||


_____START JKv_1,4.89:

āṅ ity eṣā śabdo maryādā-vacane karmapravacanīya-sañjño bhavati /
avadhirmaryādā /
vacana-grahaṇād abhividhir api gr̥hyate /
ā pāṭaliputrād vr̥ṣṭo devaḥ /
ā kumāraṃ yaśaḥ pāṇineḥ /
ā sāṃkāśyāt /
ā mathurāyāḥ /
maryādā-vacane iti kim ? īṣad-arthe kriyāyoge ca mā bhūt //

____________________________________________________________________


lakṣana-itthaṃ-bhūta-ākhyāna-bhāga-vīpsāsu prati-pary-anavaḥ || PS_1,4.90 ||


_____START JKv_1,4.90:

lakṣaṇe, itthaṃ-bhūta-ākhyāne, bhāge, vīpsāyāṃ ca viśāya-bhūtāyāṃ prati pari anu ity ete karmapravacanīya-sañjñā bhavanti /
lakṣaṇe tāvat - vr̥kṣaṃ prati vidyotate vidyut /
vr̥kṣaṃ pari /
vr̥kṣam anu /
itthaṃ-bhūta-ākhyāne - sādhur devadatto mātaram prati /
mātaram pari /
mātaram anu /
bhāge - yad atra māṃ prati syāt /
mām pari syāt /
māmanu syāt /
vīpsāyām - vr̥kṣaṃ vr̥kṣam prati siñcati /
pari siñcati /
anu siñcati /
lakṣaṇādiṣu iti kim ? odanaṃ pariṣiñcati /
atha pariśabda-yoge pañcamī kasmān na bhavati pañcamy-apa-aṅ-paribhiḥ (*2,3.10) iti ? varjanaviṣāye sā vidhīyate, apaśabda-sāhacaryāt //


____________________________________________________________________


abhir abhāge || PS_1,4.91 ||


_____START JKv_1,4.91:

lakṣana-ādiṣu eva bhāga-varjiteṣu abhiḥ karmapravacanīya-sañño bhavati /
vr̥kṣam abhi vidyotate vidyut /
sādhur devadatto mātaram abhi /
vr̥kṣaṃ vr̥kṣam abhi siñcati /
abhāge iti kim ? bhāgaḥ svīkriyamāṇo 'ṃśaḥ /
yad atra mama abhiṣyat tad dīyatām /
yadatra mama bhavati tad dīyatām ity arthaḥ //


____________________________________________________________________


pratiḥ pratinidhi-pratidānayoḥ || PS_1,4.92 ||


_____START JKv_1,4.92:

mukhya-sadr̥śaḥ pratinidhiḥ /
dattasya pratiniryātanaṃ pratidānam /
pratinidhiviṣaye pratidānaviṣaye ca pratiḥ karmapravacanīya-sañjño bhavati /
abhimanyur-arjunataḥ prati /
māṣānasmai tilebhyaḥ prati yacchati //


____________________________________________________________________


adhiparī anarthakau || PS_1,4.93 ||


_____START JKv_1,4.93:

adhiparī śabdau anarthakau anartha-antaravācinau karmapravacanīya-sañjñau bhavataḥ /
kuto 'dhyāgacchati /
kutaḥ paryāgacchati /
gaty-upasarga-sañjñāvādhanārthā karmapravacanīya-sañjñā vidhīyate //


____________________________________________________________________


[#96]

suḥ pūjāyām || PS_1,4.94 ||


_____START JKv_1,4.94:

su-śabdaḥ pūjāyām arthe karmapravacanīya-sañjño bhavati /
su siktaṃ bhavatā /
su stutaṃ bhavatā /
dhātv-arthaḥ stūyate /
upasarga-sañjña-āśrayaṃ ṣatvaṃ na bhavati /
pūjāyām iti kim ? suṣiktaṃ kiṃ tavātra //


____________________________________________________________________


atir atikramaṇe ca || PS_1,4.95 ||


_____START JKv_1,4.95:

ati-śabdaḥ atikramaṇe, ca-kārāt pūjayaṃ ca karmapravacanīya-sañjño bhavati /
niṣpanne 'pi vastuni kriyāpravr̥ttiḥ atikramaṇam /
ati siktam eva bhavatā /
ati stutam eva bhavatā /
pūjāyam - ati siktaṃ bhavatā /
ati stutam eva bhavatā /
śobhanaṃ kr̥tam ity arthaḥ //


____________________________________________________________________


apiḥ padārtha-sambhāvana-anvavasarga-garhā-samuccayeṣu || PS_1,4.96 ||


_____START JKv_1,4.96:

padārthe, sambhāvane, anvavasarge, garhāyām, samuccaye ca vartamānaḥ apiḥ karmapravacanīya-sañjño bhavati /
padāntarasya aprayujyamānasya arthaḥ padārthaḥ - sarpiṣo 'pi syāt /
madhuno 'pi syāt /
mātrā, binduḥ, stokam ity asya arthe 'pi śabdo vartate /
sambhāvanam adhikārtha-vacanena śakter apratighātāviṣkaranam - api siñcen mūlaka-sahasram /
api stuyād rājānam /
anvavasargaḥ kāmacāra-abhyanujñānam - api siñca /
api stuhi /
garhā nindā - dhig jālmaṃ devadattam, api siñcet palāṇḍum /
api stuyād vr̥ṣalam /
samuccaye - api siñca /
api stuhi /
siñca ca stuhi ca /
upasargasañjñābādhanāt ṣatvam na bhavati //


____________________________________________________________________


adhir īśvare || PS_1,4.97 ||


_____START JKv_1,4.97:

īśvaraḥ svāmī, sa ca svam apekṣate /
tad ayam svasvāmi-sambandhe adhiḥ karmapravacanīya-sañjño bhavati /
tatra kadācit svāminaḥ karmapravacanīya-vibhaktiḥ saptamī bhavati, kadācit svāt /
adhi brahmadatte pañcālāḥ /
adhi pañcāleṣu brahmadattaḥ //


____________________________________________________________________


vibhāṣā kr̥ñi || PS_1,4.98 ||


_____START JKv_1,4.98:
adhiḥ karotau vibhāṣā karmapravacanīya-sañjño bhavati /
yad atra māmadhi kariṣyati /
karmapravacanīya-sañjña-apakṣe gatisañjñā-bādhanāt tiṅi ca+udāttavati (*8,1.71) iti nighāto na bhavati //


____________________________________________________________________


[#97]

laḥ parasmaipadam || PS_1,4.99 ||


_____START JKv_1,4.99:

laḥ iti ṣaṣṭhī ādeśa-apekṣā /
la-ādeśāḥ parasmaipada-sañjñā bhavanti /
tap, tas, jha /
sip, thas, tha /
mip, vas, mas /
śatr̥kvasū ca parasmaipada-pradeśāḥ - sici vr̥ddhiḥ prasmaipadeṣu (*7,2.1) ity evam ādayaḥ //


____________________________________________________________________


taṅ-ānāv ātmanepadam || PS_1,4.100 ||


_____START JKv_1,4.100:

taṅ iti pratyāhāro navānām vacanānām /
ānaḥ iti śānac-kānacor-grahanam /
pūrveṇa parasmaipadas-añjñāyāṃ prāptāyāṃ taṅ-ānayor ātmanepada-sañjñā vidhīyate /
ta, ātām, jha /
thās, āthām, dhvam /
iṭ, vahi, mahiṅ /
ānahḥ khalv api - śānac-kānacau /
laḥ ity eva, katīha nighnānāḥ /
ātmanepada-pradeśāḥ - anudatta-ṅita ātmanepadam (*1,3.12) ity evam ādayaḥ //


____________________________________________________________________


tiṅas trīṇi trīṇi prathama-madhyama-uttamāḥ || PS_1,4.101 ||


_____START JKv_1,4.101:

tiṅo 'ṣṭādaśa pratyayāḥ /
nava parasmaipada-sañjñakāḥ, nava-ātmanepada-sañjñakāḥ /
tatra parasmaipradeṣu trayastrikāḥ yathākramaṃ prathama-madhyama-uttama-sañjñā bhavanti /
tip, tas, jhi iti prathamaḥ /
sip, thas, tha iti madyamaḥ /
mip, vas, mas iti uttamaḥ /
ātmanepadeṣu - ta, ātām, jha iti prathamaḥ /
thās, āthām, dhvam iti madhyāmaḥ /
iṭ, vahi, mahiṅ iti uttamaḥ /
prathama-madhyama-uttama-pradeśāḥ - śeṣe prathamaḥ (*1,4.108) ity evam ādayaḥ //


____________________________________________________________________


tāny ekavacanād vivacanabahuvacanāny ekaśaḥ || PS_1,4.102 ||


_____START JKv_1,4.102:


____________________________________________________________________


supaḥ || PS_1,4.103 ||

_____START JKv_1,4.103:

tiṅāṃ trikeṣu ekavacanādi-sañjñā vihitāḥ /
samprati supām trikeṣu vidhīyante /
supaś ca trīṇi trīṇi padāni ekaśa ekavacana-dvivacana-bahuvacana-sañjñāni bhavanti /
su iti ekavacanam /
au iti dvivacanam /
jas iti bahuvacanam /
evam sarvatra //


____________________________________________________________________


vibhaktiś ca || PS_1,4.104 ||


_____START JKv_1,4.104:

trīṇi trīṇi ity anuvartate /
trīṇi trīṇi vibhakti-sañjñāś ca bhavanti supas tiṅaś ca /
vibhakti-pradeśāḥ - aṣṭana ā vibhaktau (*7,2.84) ity evam ādayaḥ //


____________________________________________________________________


[#98]

yuṣmady-upapade samāna-adhikaraṇe sthāniny api madhyamaḥ || PS_1,4.105 ||


_____START JKv_1,4.105:

lasya (*3,4.77) ity adhikr̥tya sāmānyena tib-ādayo vihitāḥ /
teṣām ayaṃ puruṣa-niyamaḥ kriyate /
yuṣmady-upapade sati vyavahite cāvyavahite sati samānādhikaraṇe samāna-abhidheye tulya-kārake sthānini prayujyamāne 'py aprayujyamāne 'pi madhyama-puruṣo bhavati /
tvaṃ pacasi /
yuvāṃ pacathaḥ /
yūyaṃ pacatha /
aprayujyamāne 'pi - pacasi /
pacathaḥ /
pacatha //


____________________________________________________________________


prahāse ca manya-upapade manyater uttama ekavac ca || PS_1,4.106 ||


_____START JKv_1,4.106:

prahāsaḥ parihāsaḥ krīḍā /
prahāse gamyamāne manya-upapade dhātor madhyama-puruṣo bhavati, manyateś ca-uttamaḥ, sa ca ekavad bhavati /
ehi manye odanam bhokṣyase iti, na hi bhokṣyase, bhuktaḥ so 'tithibhiḥ /
ehi manye rathena yāsyasi, na hi yāsyasi, yātstena te pitā /
madhyama-uttamayoḥ prāptayoḥ uttama-madhyamau vidhīyete /
prahāse iti kim ? ehi manyase odanaṃ bhokṣye iti /
suṣṭhu manyase /
sādhu manyase //


____________________________________________________________________


asmady uttamaḥ || PS_1,4.107 ||


_____START JKv_1,4.107:

uttamapuruṣo niyamyate /
asmady-upapade samānābhidheye prayujyamāne 'py aprayujyamāne 'pi uttamapuruṣo bhavati /
aham pacāmi /
āvām pacāvaḥ /
vayam pacāmaḥ /
aprayujyamāne 'pi - pacāmi /
pacāvaḥ /
pacāmaḥ //


____________________________________________________________________


śeṣe prathamaḥ || PS_1,4.108 ||


_____START JKv_1,4.108:

śeṣaḥ iti madhyama-uttama-viṣayād anya ucyate /
yatra yuṣmad-asmadī samanādhikaraṇe upapade na staḥ, tatra śeṣe prathamapuruṣo bhavati /
pacati /
pacataḥ /
pacanti //


____________________________________________________________________


paraḥ saṃnikarṣaḥ saṃhitā || PS_1,4.109 ||


_____START JKv_1,4.109:

para-śabdo 'tiśaye vartate /
saṃnikarṣaḥ pratyāsattiḥ /
paro yaḥ sannikarṣaḥ, varṇānām ardhamātrākālavyavadhānaṃ, sa saṃhitāsañjño bhavati /
dadhyatra /
madhvatra /
saṃhitā-pradeśāḥ -- siṃhitāyām (*6,1.72) ity evam ādayaḥ //


____________________________________________________________________

virāmo 'vasānam || PS_1,4.110 ||


_____START JKv_1,4.110:

viratiḥ virāmaḥ /
viramyate 'nena iti vā virāmaḥ /
so 'vasāna-sañjño bhavati /
dadhiṃ /
madhuṃ /
vr̥kṣaḥ /
plakṣaḥ /
avasāna-pradeśāḥ - khar-avasānayor visarjanīyaḥ (*8,3.15) ity evam ādayaḥ //
iti śrījayādityaviracitāyāṃ kāśikāyāṃ vr̥ttau prathamādhyāyasya caturthaḥ pādaḥ //


dvittiyo 'dhyayaḥ prathamaḥ pādaḥ


____________________________________________________________________


[#99]

samarthaḥ padavidhiḥ || PS_2,1.1 ||


_____START JKv_2,1.1:

paribhāṣeyam /
yaḥ kaścidiha śāstre padavidhiḥ śrūyate sa samartho viditavyaḥ /
vidhīyate iti vidhiḥ /
padānāṃ vidhiḥ padavidhiḥ /
sa punaḥ samāsādiḥ /
samarthaḥ śaktaḥ /
vigrahavākyārthabhidhāne yaḥ śaktaḥ sa samartho vidhitavyaḥ /
atha vā samarthapadāśrayatvāt samarthaḥ /
samarthanāṃ padānāṃ sambaddhārthānāṃ saṃsr̥ṣṭārthānāṃ vidhirveditavyaḥ /
vakṣyati, dvitīyā śrita-atīta-patita-gata-atyasta-prāpta-āpannaiḥ (*2,1.24) - kaṣṭaṃ śritaḥ kaṣṭaśritaḥ /
samartha-grahaṇaṃ kim ? paśya devadatta kaṣṭaṃ, śrito viṣṇumitro gurukulam /
tr̥tīyā tatkr̥ta-arthena guṇavacanena (*2,1.30) - śaṅkulayā khaṇḍaḥ śaṅkulākhaṇḍaḥ /
samartha-grahaṇaṃ kim ? kiṃ tvaṃ kariṣyasi śaṅkulayā, khaṇḍo devadatta upalena /
caturthī tadartha-artha-vali-hita-sukha-rakṣitaiḥ (*2,1.36) - yūpāya dāru yūpadāru /
samartha-grahaṇaṃ kim ? gaccha tvaṃ yūpāya, dāru devadattasya grehe /
pañcamī bhayena (*2,1.37) - vr̥kebhyo bhayaṃ vr̥kabhayam /
samartha-grahaṇaṃ kim ? gaccha tvaṃ mā vr̥kebhyo, bhayaṃ devadattasya yajñadattāt /
ṣaṣṭhī (*2,2.8) - rājñaḥ puruṣaḥ rājapuruṣaḥ /
samartha-grahaṇaṃ kim ? bhāryā rājñaḥ, puruṣo devadattasya /
saptamī śauṇḍaiḥ (*2,1.40) - akṣeṣu śauṇḍaḥ akṣaśauṇḍaḥ /
samartha-grahaṇaṃ kim ? śaktastvaṃ akṣeṣu, śauṇḍaḥ pibati pānāgāre /
pada-grahaṇaṃ kim ? varṇavidhau samarthaparibhāśā mā bhūt /
tiṣṭhatu dadhyaśāna tvaṃ śākena /
tiṣṭhatu kumārī cchatraṃ haradevadattāt /
yaṇādeśo, nityaś ca tug bhavati //


____________________________________________________________________


sub āmantrite para-aṅgavat svare || PS_2,1.2 ||


_____START JKv_2,1.2:

subantam āmantrite parataḥ parasya aṅgavad bhavati, svare svara-lakṣaṇe kartavye /
tādātmyātideśo 'yam /
subantam āmantritam anuprviśāti /
vakṣyati - āmantritasya ca (*6,1.198) /
āmantritasyādir udātto bhavati /
sasupkasya api yathā syāt /
kuṇḍenāṭan /
paraśunā vr̥ścan /
madrāṇām rājan /
kaśmīrāṇāṃ rājan /
sup iti kim ? pīḍye pīdyamāna /
āmantrite iti kim ? gehe gārgyaḥ /
para-grahaṇam kim ? pūrvasya mā bhūt /
devadatta, kuṇḍenāṭan /
aṅga-grahaṇaṃ kim ? yathā mr̥tpiṇḍībhūtaḥ svaraṃ labheta /
ubhayorādyauttatvaṃ mā bhūt /
vatkaraṇaṃ kim ? svāśrayam api yathā syāt /

[#100]

ām kuṇḍenāṭan /
āma eka-antaram āmantritam anantike (*8,1.55) ity ekāntaratā bhavati /
svare iti kim ? kūpe siñcan /
carma naman /
ṣatvaṇatve prati parāṅgvad na bhavati /
sub-antasya para-aṅgavad bhāve samānādhikaraṇasya+upasaṅkhyānam anantaratvat /
tīkṣṇayā sucyā sīvyan /
tīkṣṇena praśunā vr̥ścan /
avyayānāṃ pratiṣedho vaktavyaḥ /
uccair adhīyānaḥ /
nīcair adhīyānaḥ //


____________________________________________________________________


prāk kaḍārāt samāsaḥ || PS_2,1.3 ||


_____START JKv_2,1.3:

kaḍāra-saṃśabdanāt prāg yānita urdhvam anukramiṣyāmaḥ, te samāsasañjñā veditavyāḥ /
vakṣyati - yathā 'sādr̥śye (*2,1.7) /
yathā vr̥ddhaṃ brāhmaṇānāmantrayasva /
prāg-vacanaṃ sañjñā-samāveśa-artham /
samāsa-pradeśāḥ - tr̥tīyāsamāse (*1,1.30) ity evam ādayaḥ //


____________________________________________________________________

saha supā || PS_2,1.4 ||


_____START JKv_2,1.4:

sup iti vartate /
sup iti saha iti supā iti ca trayam api adhikr̥taṃ veditavyam /
yad ita ūrdhvam anukramiṣyāmaḥ, tatra+idam upasthitaṃ draṣṭavyam /
vakṣyati - dvitīyā śrita-atīta-patita-gata-atyasta-prāpta-āpannaiḥ (*2,1.24) iti /
dvitīya-antaṃ śritādibhiḥ saha samasyate, kaṣṭaṃ śritaḥ kaṣṭaśritaḥ /
saha-grahaṇaṃ yogavibhāga-artham, tiṅāpi saha yathā syāt /
anuvyacalat /
anuprāvarṣat //


____________________________________________________________________


avyayībhavaḥ || PS_2,1.5 ||


_____START JKv_2,1.5:

avyayībhāvaḥ ity adhikāro veditavyaḥ /
yānita ūrdhvam anukramiṣyāmaḥ, avyayībhāva-sañjñā aste veditavyāḥ /
vakṣyati - yathā 'sādr̥śye (*2,1.7) /
yathā-vr̥ddhaṃ brāhmaṇānāmantrayasva /
anvartha-sañjñā ceyaṃ mahatī pūrvapadārtha-prādhānyam avyayībhāvasya darśayati /
avyayībhāva-pradeśāḥ - avyayībhāvaś ca (*2,4.18) ity evam ādayaḥ //


____________________________________________________________________


[#101]

avyayaṃ vibhakti-samīpa-samr̥ddhi-vyr̥ddhy-arthābhāva-atyaya-asamprati-śabdaprādurbhāva-paścād-yathā-ānupūrvya-yaugapadya-sādr̥śya-sampatti-sākalya-antavcaneṣu || PS_2,1.6 ||

_____START JKv_2,1.6:

sup supā iti ca vartate /
vibhaktyādiśv artheṣu yadavyayaṃ vartate tat samarthena sub-antena saha samasyate, avyayībhāvaś ca samāso bhavati /
vacana-grahaṇaṃ pratyekaṃ sambadhyate /
vibhaktivacane tāvat -- strīṣvadhikr̥tya kathā pravartate adhistri /
adhikumāri /
saptamy-arthe yadavyayaṃ tad bibhaktivacanam /
samīpavacane -- kumbhasya samīpam upakumbham /
upamaṇikam /
samr̥ddhir r̥ddher ādhikyam -- samr̥ddhir madrāṇāṃ sumadram /
sumagadhaṃ vartate /
vyr̥ddhir r̥ddher abhāvaḥ -- gavadikānām r̥ddher abhāvaḥ durgavadikam /
duryabanaṃ vartate /
artha-abhāvaḥ vastuno 'bhāvaḥ -- abhāvo makṣikāṇāṃ nirmakṣikam /
nirmaśakam vartate /
atyayaḥ abhūtatvam, atikramaḥ -- atītāni himāni atihimam /
nirhimam /
niḥśītaṃ vartate /
asamprati upabhogasya vartamānakāla-pratiṣedhaḥ -- atitasr̥kam /
taisr̥kamācchādanam, tasya ayam upabhogakālo na bhavati ity arthaḥ /
śabdaprādurbhāvaḥ prakāśatā śabdasya - iti pāṇini /
tat-pāṇini /
pāṇini-śabdo loke prakāśate ity arthaḥ /
paścāt -- anurathaṃ pādātam /
rathānāṃ paścāt ity arthaḥ /
yathā /
yathā-arthe yad avyayaṃ vartate tat samasyate /
yogyatā vipsā padārthānativr̥ttiḥ sādr̥śyaṃ ca iti yathārthāḥ /
yogyatāyām -- anurūpam /
rūpayogyam bhavati ity arthaḥ /
vīpsāyām -- arthamarthaṃ prati pratyartham /

[#102]

padārthanativr̥ttau -- yathāśakti /
ānupūrvyamanukramaḥ -- anujyeṣṭhaṃ praviśantu bhavantiaḥ /
jyeṣṭhānupūrvyā bhavantaḥ praviśantu ity arthaḥ /
yaugapadyam ekakālatā -- sacakram dhehi /
yugapaccakraṃ dhehi ity arthaḥ /
sādr̥śyam tulyatā /
kim-artham idam ucyate, yathārtha ity eva siddham ? guṇabhūte 'pi sādr̥śye yathā syāt, sadr̥śaḥ kikhyā rākikhi /
sampattiḥ anurūpa ātmabhāvaḥ samr̥ddheranyaḥ -- sabrahma bābhravāṇām /
sakṣatraṃ śālaṅkāyanānām /
sāklyam aśeṣatā -- satr̥ṇam abhyāvaharati /
sabusam /
na kiṃcid abhyāvahāryaṃ parityajati ity ayamartho 'dhikārthavacanena pratipādyate /
antavacane -- antaḥ iti parigraha-apekṣayā samāptirucyate /
sāgni adhīte /
seṣṭi sapaśubandham /
sapaśubandhāntamadhīte ity arthaḥ /
iyaṃ samāptirasakale 'py adhyayane bhavati iti sākalyāt pr̥thag ucyate //


____________________________________________________________________


yathā 'sādr̥śye || PS_2,1.7 ||


_____START JKv_2,1.7:

yathā ity etad avyayam asādr̥śye vartamānaṃ supā saha samasyate, avyayībhāvaś ca samāso bhavati /
yathāvr̥ddhaṃ brāhmaṇānāmantrayasva /
ye ye vr̥ddhāḥ yathāvr̥ddham /
yathādhyāpakam /
asādr̥śye iti kim ? yathā devadattaḥ tathā yajñadattaḥ /
yathārthe yadavyayam iti pūrveṇa+eva siddhe samāse vacanam idaṃ sādr̥śya-pratiṣedha-artham //


____________________________________________________________________


yāvad avadhāraṇe || PS_2,1.8 ||


_____START JKv_2,1.8:

yāvat ity etad avyayam avadhāraṇe vartamānaṃ supā saha samasyate, avyayībhāvaś ca samāso bhavati /
avadhāraṇam iyattāpariddhedaḥ /
yāvadamatraṃ brāhmaṇānāmantrayasva /
yāvantyamatrāṇi sambhavanti pañca ṣaṭ vā tāvata āmantrayasva /
avadhāraṇe iti kim ? yāvad r̥ttaṃ tāvad bhuktam /
na avadhārayāmi kiyan mayā bhuktam iti //


____________________________________________________________________


sup praitnā mātrā-arthe || PS_2,1.9 ||


_____START JKv_2,1.9:

mātrā binduḥ, stokam, alpam iti paryāyāḥ /
mātrā-arthe vartamānena pratinā saha subantaṃ samasyate, avyayībhāvaś ca samāso bhavati /
asty atra kiñcit śākam śākaprati /
sūpaprati /
mātrā-arthe iti kim ? vr̥kṣaṃ prati vidhotate vidyut /
sup iti vartamāne punaḥ sub-grahaṇam avyayanivr̥tty-artham //


____________________________________________________________________


[#103]

akṣa-śalākā-saṅkhyāḥ pariṇā || PS_2,1.10 ||


_____START JKv_2,1.10:

akṣa-śabdaḥ, śalākā-śabdaḥ, saṅkhyā-śabdaś ca pariṇā saha samasyante, avyayībhāvaś ca samāso bhavati /
kitavavyavahāre samāso 'yam iṣyate /
pañcikā nāma dyūtaṃ pañcabhir akṣaiḥ śalākābhir vā bhavati /
tatra yadā sarve uttānāḥ patanti avāñco vā, tadā pātyitā jyati, tasya+eva asya vipāto 'nyathā pāte sati jāyate /
akṣeṇa+idaṃ na tathā vr̥ttaṃ yathā pūrvaṃ jaye akṣapari /
śalākāpari /
ekapari /
dvipari /
tripari /
parameṇa catuṣpari /
pañcasutvekarūpāsu jaya eva bhaviṣyati /
akṣādayas tr̥tīyāntāḥ pūrvoktasya yathā na tat /
kitavavyavahāre ca ekatve 'kṣaśalākayoḥ //


____________________________________________________________________


vibhāṣā || PS_2,1.11 ||


_____START JKv_2,1.11:

vibhāṣā ity ayam adhikāro veditavyaḥ /
yad ita ūrdhvam anukramiṣyāmaḥ, tad vibhāṣā bhavati /


____________________________________________________________________


vakṣyati -

apa-pari-bahir añcavaḥ pañcamyā || PS_2,1.12 ||


_____START JKv_2,1.12:

apatrigartaṃ vr̥ṣto devaḥ, apa trigartebhyaḥ //
apa-pari-bahir añcavaḥ pañcamyā (*2,1.12) /
apa pari bahis añcu ity ete subantāḥ pañcamyantena saha vibhāṣā samasyante, avyayībhāvaś ca samāso bhavati /
apatrigartaṃ vr̥ṣṭo devaḥ, apa trigartebhyaḥ /
paritrigartam, pari trigartebhyaḥ /
bahirgrāmam, vahirgrāmāt /
prāggrāmam, prāg grāmāt /
bahiḥ śabdayoge pañcamībhāvasya+etad eva jñāpakam //


____________________________________________________________________


āṅ maryādā-abhividhyoḥ || PS_2,1.13 ||


_____START JKv_2,1.13:

āṅ ity etan maryādāyām abhividhau ca vartamānam pajcamyantena saha vibhāṣā saṃsyate, avyayībhāvaś ca samāso bhavati /
āpāṭaliputraṃ vr̥ṣṭo devaḥ, ā pāṭaliputrāt /
abhividhau - ākumāraṃ yaśaḥ pāṇineḥ, ā kumārebhyaḥ //


____________________________________________________________________


lakṣaṇena abhipratī ābhimukhye || PS_2,1.14 ||


_____START JKv_2,1.14:

lakṣaṇaṃ cihnaṃ, tad-vācinā subantena saha abhipratī śabda-avābhimukhye vartamānau vibhāṣā samasyete, avyayībhāvaś ca samāso bhavati /
abhyagni śalabhāḥ patanti, agnimabhi /
pratyagni, agniṃ prati /
agniṃ lakṣyīkr̥tya abhimukhaṃ patanti ity arthaḥ /
lakṣaṇena iti kim ? srugghnaṃ pratigataḥ /
pratinivr̥ttya srugghnam eva abhimukhaṃ gataḥ /
abhipratī iti kim ? yena agnis tena gataḥ /
ābhimukhye iti kim ? abhyaṅkā gāvaḥ /
pratyaṅkkā gāvaḥ /
navāṅkā ity arthaḥ //

____________________________________________________________________


[#104]

anur yat-samayā || PS_2,1.15 ||


_____START JKv_2,1.15:

samayā samīpam /
anuryasya samīpa-vācī tena lakṣaṇa-bhūtena saha vibhāṣā samasyate, avyayībhāvaś ca samāso bhavati /
anuvanamaśanirgataḥ /
anuḥ iti kim ? vanaṃ samayā /
yatsamayā iti kim ? vr̥kṣamanu vidyotate vidyut /
avyayaṃ vibhakti-samīpa (*2,1.6) ity eva siddhe punarvacanam vibhāṣa-artham //


____________________________________________________________________


yasya ca āyāmaḥ || PS_2,1.16 ||


_____START JKv_2,1.16:

lakṣanena iti vartate /
āyāmo dairghyam /
anuryasyāyāmavācī tena lakṣaṇabhūtena saha vibhāṣā samasyate, avyayībhāvaś ca samāso bhavati /
anugaṅgaṃ vārāṇasī /
anuyamaunaṃ mathurā /
yamunāyāmena mathurāyāmo lakṣyate /
āyāmaḥ iti kim ? vr̥kṣamanu vidhyotate vidyut //


____________________________________________________________________

tiṣṭhadgu-prabhr̥tīni ca || PS_2,1.17 ||


_____START JKv_2,1.17:

tiṣṭhadgv-ādayaḥ samudāyā eva nipātyante /
tiṣṭhadgu-prabhr̥tīni śabdarūpāṇi avyayībhāvas-añjñāni bhavanti /
tiṣṭhadgu kālaviśeṣaḥ /
tiṣṭhanti gāvo yasmin kāle dohanāya sa tiṣṭhadgu kālaḥ /
khaleyavādīni prathamānatāni vibhaktyanatarenṇa na+eva sambadhyante 'nyapadārthe ca kāle vartante /
cakāro 'vadhāraṇa-arthaḥ /
aparaḥ samāso na bhavati, paramatiṣṭhadgu iti /
tiṣṭhadgu /
vahadgu /
āyatīgavam /
khalebusam /
khaleyavam /
lūnayavam /
lūyamānayavam /
pūtayavam /
pūyamānayavam /
saṃhr̥tayavam /
saṃhriyamāṇāyavam /
saṃhr̥tabusam /
saṃhriyamāṇābusam /
ete kālaśabdāḥ /
samabhūmi /
samapadāti /
suṣamam /
viṣamam /
niṣṣamam /
duṣṣamam /
aparasamam /
āyatīsamam ḥ
prāhṇam /
praratham /
pramar̥gam /
pradakṣiṇam /
aparadakṣiṇam /
saṃprati /
asaṃprati /
pāpasamam /
puṇyasamam /
ic karmavyatihāre (*5,4.127) -- daṇḍādaṇḍi /
musalāmusali //


____________________________________________________________________


pāre madhye ṣaṣṭhyā vā || PS_2,1.18 ||


_____START JKv_2,1.18:

ṣaṣthīsamāse prāpte tad-apavādo 'vyayībhava ārabhyate /
vā-vacanāt ṣaṣṭhīsamāso 'pi pakṣe 'bhyanujñāyate /
pāra-ṃdhya-śabdau ṣaṣṭhyantena saha vibhāṣā samasyete, avyayībhāvaś ca samāso bhavati /
tat-sanniyogena ca anayor ekārāntatvaṃ nipātyate /
pāraṃ gaṅgāyāḥ pāregaṅham /
madhyaṃ gaṅgāyāḥ madhyegaṅgam /
ṣaṣṭhīsamāsa-pakṣe - gaṅgāpāram /
gaṅgāmadhyam /
mahāvibhāṣayā vākyavikalpaḥ kriyate //


____________________________________________________________________


[#105]

saṅkhyā vaṃśyena || PS_2,1.19 ||


_____START JKv_2,1.19:

vidyayā janmanā vā prāṇinām ekalakṣaṇasantāno vaṃśaḥ ity abhidhīyate /
tatra bhavo vaṃśyaḥ /
tad-vācinā subantena saha saṅkhyā samasyate, avyayībhāvaś ca samāso bhavati /
dvau munī vyākaraṇasya vaṃśyau dvimuni vyākaranasya /
trimuni vyākaraṇasya /
yadā tu vidyaya tadvatām abhedavivakṣā tadā sāmānādhikaraṇyaṃ bhavati /
dvimuni vyakaraṇam /
trimuni vyākaraṇam iti /
janmanā - ekaviṃśatibhāradvājam //


____________________________________________________________________


nadībhiś ca || PS_2,1.20 ||


_____START JKv_2,1.20:

saṅkhyā ity anuvartate /
nadīvacanaiḥ śabdaiḥ saha saṅkhyā samasyate, avyayībhāvaś ca samāso bhavati /
samāhāre ca ayam iṣyate /
saptagaṅgam /
dviyamunam /
pañcanadam /
saptagodāvaram //


____________________________________________________________________


anyapadarthe ca sañjñāyām || PS_2,1.21 ||


_____START JKv_2,1.21:

saṅkhyā iti nivr̥ttam /
nadīgrahanam anuvartate /
nadībhiḥ saha subantam anyapadārthe vartamānaṃ sañjñāyāṃ viṣye samasyate, avyayībhāvaś ca samāso bhavati /
vibhāṣā 'dhikāre 'pi nityasamāsa eva ayam /
na hi vākyena sañjñā gamyate /
unmattagaṅgam nāma deśaḥ /
lohitagaṅgam /
śanairgaṅgam /
kr̥ṣṇagaṅgam /
anyapadārthe iti kim ? kr̥ṣṇaveṇṇā /
sañjñāyām iti kim ? śīghragaṅgo deśaḥ //


____________________________________________________________________


tatpuruṣaḥ || PS_2,1.22 ||


_____START JKv_2,1.22:

tatpuruṣaḥ iti sañjñā 'dhikriyate prāg bahuvrīheḥ /
yānita ūrdhvam anukramiṣyāmaḥ, tatpuruṣa-sañjñāste veditavyāḥ /
vakṣyati, dvitīya śrita-atīta-patita (*2,1.24) /
iti /
kaṣṭaśritaḥ /
pūrvācāryasañjñā ceyaṃ mahatī, tadaṅgīkaraṇaupādher api tadīyasya parigraha-artham, uttarapadārtha-pradhānas tatpuruṣaḥ iti /
tatpuruṣapradeśāḥ - tatpuruṣe kr̥ti bahulam (*3,3.14) /
ity evam ādayaḥ //


____________________________________________________________________


dviguś ca || PS_2,1.23 ||


_____START JKv_2,1.23:

dviguś ca samāsaḥ tatpuruśasajjño bhavati /
dvigos tatpuruśatve samāsāntāḥ prayojanam /
pañcarājam /
daśarājam /
dvyahaḥ /
tryahaḥ /
paṅcagavam /
daśagavam //


____________________________________________________________________


[#106]

dvidīyā śrita-atīta-patita-gata-atyasta-prāpta-āpanaiḥ || PS_2,1.24 ||


_____START JKv_2,1.24:

sup spā iti vartate /
tasya viśeṣaṇam etad dvitīyā /
dvitīyāntaṃ subantam śrita-adibhiḥ saha samasyate, tatpuruṣaś ca samāso bhavati /
kaṣṭaṃ śritaḥ kaṣṭaśritaḥ /
narakaśritaḥ /
atīta -- kāntāram atītaḥ kāntārātitaḥ /
patita -- narakam patitaḥ narakapatitaḥ /
gata -- grāmam gataḥ grāmagataḥ /
atyasta -- taraṅganatyastaḥ taraṅgātyastaḥ /
tuhinātyastaḥ /
prāpta -- sukhaṃ prāptaḥ sukhaprāptaḥ /
āpanna -- sukham āpannaḥ sukhāpannaḥ /
duḥkhāpannaḥ /
śritta-adiṣu gamigāmyādinām upasaṅkhyanam /
grāmaṃ gamī grāmagamī /
grāmam gāmī grāmāgāmī /
odnaṃ bubhukṣuḥ odanabubhukṣuḥ //


____________________________________________________________________


svayaṃ ktena || PS_2,1.25 ||


_____START JKv_2,1.25:

svayam etad avyayam ātmanā ity asyārthe vartate, tasya dvitīyayā sambandho 'nupapannaḥ iti dvitīyā-grahaṇam uttarārtham anuvartate /
svayam ity etat subantaṃ ktāntena saha samasyate, tatpuruṣaś ca samāso bhāti /
svayaṃdhautau pādau /
svayaṃvilīnam ājyam /
aikapadyamaikasvaryaṃ ca samāsatvād bhavati //


____________________________________________________________________


khaṭvā kṣepe || PS_2,1.26 ||


_____START JKv_2,1.26:

khaṭvā-śabdo dvitīyāntaḥ ktāntena saha kṣepe gamyamāne samasyate, tatpuruṣaś ca samāso bhavati /
kṣepo nindā, sa ca samāsa-artha eva, tena vibhāṣā 'dhikāre 'pi nityasamāsa eva ayam /
na hi vakyena kṣepo gamyate /
khaṭvārohaṇaṃ ca+iha vimārgaprasthānasya+upalakṣanam /
sarva eva avinītaḥ khaṭvārūḍhaḥ ity ucyate /
khaṭvāruḍho jālmaḥ /
khaṭvāplutaḥ /
apathaprasthitaḥ ity arthaḥ /
kṣepe iti kim ? khaṭvāmārūḍhaḥ //


____________________________________________________________________


sāmi || PS_2,1.27 ||

_____START JKv_2,1.27:

sāmi ity etad avyayam ardhaśabda-paryāyaḥ, tasya asattvavācitvād dvitīyayā na asti sambandhaḥ /
tat subantaṃ ktantena saha samasyate, tatpuruṣaś ca samāso bhavati /
sāmikr̥tam /
sāmipītam /
samibhuktam /
aikapadyamaikasvaryaṃ ca samāsatvad bhavati //


____________________________________________________________________


[#107]

kālāḥ || PS_2,1.28 ||


_____START JKv_2,1.28:

dvitīyā ktena iti vartate /
kālavācinaḥ śabdāḥ dvitīyāntāḥ ktāntena saha samasyante vibhāṣa, tatpuruṣaś ca samāso bhavati /
antyantasamyoga-arthaṃ vacanam /
kālāḥ iti na svarūpa-vidhiḥ /
ṣaṇmuhūrtāścarācarāḥ, te kadācit ahargacchanti kadācit rātrim /
aharatisr̥tā muhūrtāḥ ahaḥsaṅkrāntāḥ /
rātryatisr̥tā muhūrtāḥ rātrisaṅkrāntāḥ /
māsapramitaścandramāḥ /
māsaṃ pramātumārabdhaḥ pratipaccandramāḥ ity arthaḥ //


____________________________________________________________________


atyantasaṃyoge ca || PS_2,1.29 ||


_____START JKv_2,1.29:

kālāḥ iti vartate /
ktena iti nivr̥ttam /
atyantasaṃyogaḥ kr̥tsna-saṃyogaḥ, kālasya svena sambandhinā vyāptiḥ /
kālavācinaḥ śabdā dvitīyāntā atyantasaṃyoge gamyamāne supā saha samasyante vibhāṣā, tatpuruṣaś ca samāso bhavati /
muhūrtaṃ sukham muhūrtasukham /
sarvarātrakalpāṇī /
sarvarātraśobhanā //


____________________________________________________________________


tr̥tīyā tatkr̥ta-arthena guṇavacanena || PS_2,1.30 ||


_____START JKv_2,1.30:

sup supā iti vartate /
tasya viśeṣaṇam etat /
tr̥tīyāntam guṇavacanena arthaśabdena ca saha saṃsyate, tatpuruṣaś ca samāso bhavati /
kīdr̥śena guṇavacanena ? tatkr̥tena tadartha-kr̥tena, tr̥tīyānta-artha-kr̥tena iti yāvat /
śaṅkulayā khaṇḍaḥ saṅkulākhaṇḍaḥ /
kiriṇā kāṇaḥ kirikāṇaḥ /
artha-śabdena -- dhānyena arthaḥ dhānyārthaḥ /
tatkr̥tena iti im ? akṣṇā kāṇaḥ /
guṇavacanena iti kim ? gobhirvapāvān //


____________________________________________________________________


pūrva-sadr̥śa-sama-ūnārtha-kalaha-nipuṇa-miśra-ślakṣṇaiḥ || PS_2,1.31 ||


_____START JKv_2,1.31:

pūrva sadr̥śa sama ūnārtha kalaha nipuṇa miśra ślakṣṇa ity etaiḥ saha tr̥tīyāntaṃ samasyate, tatpuruṣaś ca samaso bhavati /
asmād eva vacanāt pūrvādibhir yoge tr̥tīyā bhavati, hetau vā draṣṭavyā /
pūrva -- māsena pūrvaḥ māsapūrvaḥ /
saṃvatsarapūrvaḥ /
sadr̥śa -- mātr̥sadr̥śaḥ /
pitr̥sadr̥śaḥ /
sama -- mātr̥samaḥ /
ūnārtha - māśonam /
kārṣāpaṇonam /
māṣavikalam /
kārṣāpanavikalam /
kalaha -- asikalahaḥ /
vākkalahaḥ /
nipuṇa - vāṅnipuṇaḥ /
ācāranipuṇaḥ /
miśra - guḍamiśraḥ /
tilamiśraḥ /
ślakṣṇa -- ācāraślakṣṇaḥ /
pūrvādiṣvavarasyopasaṅkhyānam /
māsenāvaraḥ māsāvaraḥ /
saṃvatsarāvaraḥ //


____________________________________________________________________


[#108]

kartr̥karṇe dr̥tā bahulam || PS_2,1.32 ||


_____START JKv_2,1.32:

tr̥tīyā iti vartate /
kartari karaṇe ca yā tr̥tīyā tadantaṃ kr̥dantena saha bahulaṃ samasyate, tatpuruṣaś ca samāso bhavati /
sarvopādhivyabhicārārthaṃ bahula-grahanam /
kartari -- ahinā hataḥ ahihataḥ /
karaṇe -- nakhairnirbhinnaḥ nakhanirbhinnaḥ /
paraśunā chinnaḥ /
kartr̥karaṇe iti kim ? bhikṣābhiruṣitaḥ /
bahula-grahanam kim ? dātreṇa lūnavān, paraśunā chinnavān, iha samāso na bhavati /
pādahārakaḥ, gale copakaḥ iti ca bhavati //


____________________________________________________________________


kr̥tyair adhika-ārtha-vacane || PS_2,1.33 ||


_____START JKv_2,1.33:

stutinindāprayuktam adhyāropitārthavacanam adhikārthavacanam /
kartr̥karaṇayo yā tr̥tīyā tadantaṃ subantaṃ kr̥taiḥ saha samasyate 'dhikārthavacane gamyamāne vibhāṣā, tatpuruṣaś ca samāso bhavati /
kartā - kākapeyā nadī /
śvalehyaḥ kūpaḥ /
karaṇam - bāṣpacchedyāni tr̥ṇāni /
kṇṭakasañceya odanaḥ /
pūrvasyaa+eva ayaṃ prapañcaḥ /
kr̥tya-grahaṇe yaṇṇyatorgrahanaṃ kartavyam /
iha mā bhūt, kākaiḥ pātavyā iti //


____________________________________________________________________


annena vyañjanam || PS_2,1.34 ||


_____START JKv_2,1.34:

tr̥tīyā iti vartate /
vyañjñavāci tr̥tīyāntam anavācinā subantena sahā samasyate, vibhāśā tatpuruṣaś ca samāso bhavati /
saṃskāryam annaṃ, saṃskārakaṃ vyañjanam /
dadhnā upasikta odanaḥ dadhyodanaḥ /
kṣīraudanaḥ /
vr̥ttau kriyāyā antarbhāvād annavyañjanayoḥ sāmarthyam //


____________________________________________________________________


bhakṣyeṇa miśrīkaranam || PS_2,1.35 ||


_____START JKv_2,1.35:

miśrīkarana-vāci tr̥tīyāntam bhakṣya-vācinā subantena saha samasyate, tatpuruṣaś ca samāso bhavati /
kharaviśadamabhyavahāryaṃ bhakṣyaṃ, tasya saṃskārakaṃ miśrīkaraṇam /
huḍena miśrāḥ dhānāḥ guḍadhānāḥ /
guḍapr̥thukāḥ /
vr̥ttau kriyāyā antarbhāvāt pūrvottarapadayoḥ sāmarthyam //


____________________________________________________________________


[#109]

caturthī tadartha-artha-bali-hita-sukha-rakṣitaiḥ || PS_2,1.36 ||


_____START JKv_2,1.36:

sup supā iti vartate /
tasya viśeṣaṇam etat /
tat iti sarvanāmnā caturthyantasya arthaḥ parāmr̥śyate /
tasmai idaṃ tadartham /
tadartha artha bali hita sukha rakṣita ity etaiḥ saha caturthyantaṃ samasyate, tatpuruṣaś ca samāso bhavati /
tadarthena prakr̥tivikārabhāve samāso 'yam iṣyate /
yūpāya dāru yūpadāru /
kuṇḍlāya hiraṇyam kuṇḍalahiraṇyam /
iha na bhavati, randhanāya sthalī, avahananāya ulūkhalam iti /
tādarthye caturthī ca asmād eva jñāpakād bhavati /
arthena nityasamāsavacanaṃ sarvaliṅgatā ca vaktavyā /
brāhmaṇārthaṃ payaḥ /
brāhmaṇārthā yavāgūḥ /
bali - kuberāya baliḥ kuberabaliḥ /
mahārājabaliḥ /
hita - gohitam /
aśvahitam /
sukha - gosukham /
aśvasukham /
rakṣita - gorakṣitam /
aśvarakṣitam //


____________________________________________________________________


pañcamī bhayena || PS_2,1.37 ||


_____START JKv_2,1.37:

sup supā iti vartate /
tasya viśeṣaṇam etat /
pañcamyantaṃ subanataṃ bhaya-śabdena /
subantena saha samasyate vibhāṣā, tatpuruṣaś ca samāso bhavati /
vr̥kebyo bhayaṃ vr̥kabhayam /
caurabhayam /
dasyubhayam /
bhaya-bhīta-bhīti-bhībhir iti vaktavyam /
vr̥kebhyo bhītaḥ vr̥kabhītaḥ /
vr̥kabhītiḥ /
vr̥kabhīḥ /
pūrvasya+eva ayaṃ bahulagrahaṇasya prapñcaḥ /
tathā ca grāmanirgataḥ, adharmajugupsuḥ ity evam ādi siddhaṃ bhavati //


____________________________________________________________________

apeta-apoḍha-mukta-patita-apatrastair alpaśaḥ || PS_2,1.38 ||


_____START JKv_2,1.38:

apeta apoḍha mukta patita apatrasta ity etaiḥ saha pajcamyantaṃ samasyate, tatpuruṣaś ca samāso bhavati /
apeta - sukhāpetaḥ /
apoḍha - kalpanāpoḍhaḥ /
mukta - cakramuktaḥ /
patita - svargapatitaḥ /
apatrasta - taraṅgāpatrastaḥ /
alpaśaḥ iti samāsasya alpaviṣayatāmācaṣṭe /
alpā pañcamī saṃsyate, na sarvā /
prāsādāt patitaḥ, bhojanād apatrastaḥ ity evam adau na bhavati /
kartr̥karane kr̥tā bahulam (*2,1.32) ity asya+eva ayam prapañcaḥ //


____________________________________________________________________


[#110]

stoka-antika-dūra-artha-kr̥cchrāṇi ktena || PS_2,1.39 ||


_____START JKv_2,1.39:

stoka antika dūra ity evam arthāḥ śabdāḥ kr̥cchra-śabdaś ca pañcamyantāḥ ktāntena saha samasyante, tatpuruṣaś ca samāso bhavati /
stokān muktaḥ /
antikād āgataḥ /
abhyāśād āgataḥ /
dūrād āgataḥ /
viprakr̥ṣṭād āgataḥ /
kr̥cchrān muktaḥ /
kr̥cchrāl labdhaḥ /
pañcamyāḥ stoka-ādibhyaḥ (*6,3.2) ity aluk /
śatasahatrau pareṇeti vaktavyam /
śatāt pare paraśśatāḥ /
sahasrāt pare parassahasrāḥ /
rājadantāditvāt paranipātaḥ /
nipātanāt suḍāgamaḥ //


____________________________________________________________________


saptamī śauṇḍaiḥ || PS_2,1.40 ||


_____START JKv_2,1.40:

saptamyantaṃ śauṇḍa-ādibhiḥ saha samasyate, tatpuruṣāś ca samāso bhavati /
akṣeṣu śauṇḍaḥ akṣaśauṇḍaḥ /
akṣadhūrtaḥ /
akṣakitavaḥ /
śauṇḍa /
dhūrta /
kitava /
vyāḍa /
pravīṇa /
saṃvīta /
antar /
antaḥśabdastvarādhikaranapradhāna eva paṭhyate /
adhi /
paṭu /
paṇḍita /
capala /
nipuṇa /
vr̥ttau prasaktikriyāyā antarbhāvadakṣādiṣu adhikaraṇe saptamī //


____________________________________________________________________


siddha-śuṣka-pakva-bandhaiś ca || PS_2,1.41 ||

_____START JKv_2,1.41:

saptamī iti vartate /
siddha śuṣka pakva bandha ity etaiḥ saha saptamyantaṃ samasyate, tatpuruṣaś ca samāso bhavati /
sāṅkāśyasiddhaḥ /
kāmpilyasiddhaḥ /
śuṣka - ātapaśuṣkaḥ /
chāyāśuṣkaḥ /
pakva - sthālīpakvaḥ /
kumbhīpakvaḥ /
bandha - cakrabandhaḥ /
bahula-grahaṇasya+eva ayam udāharaṇa-prapañcaḥ //


____________________________________________________________________


dhvāṅkṣena kṣepe || PS_2,1.42 ||


_____START JKv_2,1.42:

dhvāgkṣeṇa ity arthagrahanam /
dhavāgkṣavācinā subantena saha saptamyantaṃ subantaṃ subantaṃ samasyate, tatpuruṣaś ca samāso bhavati kṣepe gamyamāne /
tīrthe dhvāṅkṣa iva tīrthadhvāḍkṣaḥ /
anavasthitaḥ ity arthaḥ /
tīrthakākaḥ /
tīrthavāyasaḥ /
kṣepe iti kim ? tīrthe dhvāṅkṣastiṣthati //


____________________________________________________________________


[#111]

krtyair r̥ṇe || PS_2,1.43 ||

_____START JKv_2,1.43:

suptamī iti vartate /
kr̥tya-pratyayāntaiḥ saha saptamyantaṃ samasyate, tatpuruṣaś ca samāso bhavati r̥ṇe gamyamāne /
yatpratyayena+eva+iṣyate /
māse deyamr̥ṇam māsadeyam /
saṃvatsaradeyam /
vyahadeyam /
r̥ṇagrahaṇaṃ niyogopalakṣaṇa-arthaṃ, tena+iha api samāso bhavati, pūrvāhṇe geyaṃ sāma pūrvāhṇageyam /
prātaradhyeyo 'nuvākaḥ /
r̥ṇe iti kim ? māse deyā bhikṣā //


____________________________________________________________________


sañjñāyām || PS_2,1.44 ||


_____START JKv_2,1.44:

sañjñāyāṃ viṣaye saptayantaṃ supā saha samasyate, tatpuruṣaś ca samāso bhavati /
sañjñā samudāyopādhiḥ /
tena nityasamāsa eva ayam, na hi vākyena sañjñā gamyate /
araṇyetilakāḥ /
araṇyemāṣāḥ /
vanekiṃśukāḥ /
vane - bilvakāḥ /
kūpepiśācakāḥ /
haladantāt saptamyāḥ sañjñāyām (*6,3.9) ity aluk //


____________________________________________________________________


ktena aho-rātra-avayavāḥ || PS_2,1.45 ||


_____START JKv_2,1.45:

aharavayavāḥ rātryavayavāś ca saptamyantāḥ ktāntena saha samasyante, tatpuruṣaś ca samāso bhavati /
pūrvāhṇakr̥tam /
aparāhṇakr̥tam /
pūrvarātrakr̥tam /
apararātrakr̥tam /
avayava-grahanam kim ? etat tu te divā vr̥ttaṃ rātrau vr̥ttaṃ ca drakṣyasi /
ahani bhuktam /
rātrau vr̥ttam /
bahula-grahaṇāt /
rātrivr̥ttam, sandhyagarjitam ity ādayaḥ //


____________________________________________________________________


tatra || PS_2,1.46 ||


_____START JKv_2,1.46:

tatra ity etat saptamyantaṃ ktāntena saha samasyate, tatpuruṣaś ca samāso bhavati /
tatrabhuktam /
tatrakr̥tam /
tatrapītam /
aikapadyamaikasvaryaṃ ca samāsatvāt bhavati //


____________________________________________________________________


kṣepe || PS_2,1.47 ||


_____START JKv_2,1.47:

kṣepo nindā /
kṣepe gamyamāne saptamyantaṃ ktāntena saha samasyate, tatpuruṣaś ca samāso bhavati /
avatapte - nakulasthitaṃ ta etat /
cāpalam etat, anavasthitatvaṃ tavaitat ity arthaḥ /
udakeviśīrṇam /
pravāhemūtritam /
bhasmanihutam /
niṣphalaṃ yat kriyate tad evam uchyate /
tatpuruṣe kr̥ti bahulam (*6,3.14) ity aluk //


____________________________________________________________________


[#112]

pātresamita-ādayaś ca || PS_2,1.48 ||


_____START JKv_2,1.48:

samudāyā eva nipātyante /
pātresamita-ādayaḥ śabdas tatpuruṣa-sañjñā bhavanti kṣepe gamyamāne /
ye ca atra ktāntena saha samāsāḥ, teṣāṃ pūrvena+eva siddhe punaḥ pāṭho yuktārohyādi-parigraha-arthaḥ, pūrvapadādy-udāttatvaṃ yathā sayāt iti /
yuktarohyādiṣu hi pātresamitādayaś ca iti paṭhyate /
pātresamitāḥ /
pātrebahulāḥ /
avadhāraṇena kṣepo gamyate, pātre eva samitā na punaḥ kvacit kārye iti /
udumbaramaśakādaṣu upamayā kṣepaḥ /
mātaripuruṣaḥ iti pratiṣiddhasevanena /
piṇḍīṣūrādiṣu nirīhatayā /
avyaktattvāccākr̥tigaṇo 'yam /
pātresamitāḥ /
pātrebahulāḥ /
udumbaramaśakāḥ /
udarakr̥miḥ /
kūpakacchapaḥ /
kūpacūrṇakaḥ /
avaṭakacchapaḥ /
kūpamaṇḍūkaḥ /
kumbhamaṇḍūkaḥ /
udapānamaḥḍūkaḥ /
nagarakākaḥ /
nagaravāyasaḥ /
mātariṣuruṣaḥ /
piṇḍīṣūraḥ /
pitariṣūraḥ /
geheśūraḥ /
gehenardī /
gehekṣveḍī /
gehevijitī /
gehevyāḍaḥ /
gehemehī /
gehedāhī /
hehedr̥ptaḥ /
gehedhr̥ṣṭaḥ /
garbhetr̥ptaḥ /
ākhanikabakaḥ /
goṣṭheśūraḥ /
goṣṭhe vijitī /
goṣṭhekṣveḍī /
goṣṭhepaṭuḥ /
goṣṭhepaṇḍitaḥ /
goṣṭhepragalbhaḥ /
karṇeṭiṭṭibhaḥ /
karṇeṭiriṭirā /
karṇecuracurā /
cakāro 'vadhāraṇa-arthaḥ, tena samāsāntaraṃ na bhavati, paramapātresamitāḥ iti //


____________________________________________________________________


pūrvakāla-eka-sarva-jarat-purāṇā-nava-kevalāḥ samānādhikaraṇena || PS_2,1.49 ||


_____START JKv_2,1.49:
sup supā iti vartate /
tasya viśeṣaṇam etat /
pūrvakāla eka sarva jarat purāṇa nava kevala ity ete subantāḥ samānādhikaraṇena supā saha samasyante, tatpuruṣaś ca samāso bhavati /
bhinna-pravr̥tti-nimittasya śabdasya+ekasminn arthe vr̥ttiḥ sāamānādhikaraṇyam /
pūrvakālaḥ ity artha-nirdeśaḥ, pariśiṣṭānāṃ svarūpa-grahaṇam /
pūrvakālo 'parakālena samasyate /
snātānuliptaḥ /
kr̥ṣṭasamīkr̥tam /
dagdhaprarūḍham /
ekaśāṭī /
ekabhikṣā /
sarvadevāḥ /
sarvamanuṣyāḥ /
jaraddhastī /
jaradgr̥ṣṭiḥ /
jaradvr̥ttiḥ /
purāṇānnam /
purāṇāvasatham /
navānnam /
navāvasatham /
kevalānnam /
samānādhikaraṇena iti kim ? ekasyāḥ śāṭī //


____________________________________________________________________


[#113]

dik-saṅkhye sañjñāyām || PS_2,1.50 ||


_____START JKv_2,1.50:

samānādhikaraṇena ity āpādasamāpter anuvartate /
digvācinaḥ śabdāḥ saṅkhyā ca samānādhikaraṇena subantena saha samasyante, tatpuruṣaś ca samāso bhavati sañjñayāṃ vaṣaye /
pūrveṣukāmaśamī /
apareṣukāmaśamī /
pañcāmrāḥ /
saptarṣayaḥ /
sañjñāyām iti kim ? uttarā vr̥kṣāḥ /
pañca brāhmāṇāḥ //


____________________________________________________________________


taddhitartha-uttarapada-samāhāre ca || PS_2,1.51 ||


_____START JKv_2,1.51:

dik-saṅkhye ity anuvartate /
taddhita-arthe viṣaye uttarapade ca parataḥ samāhāre ca abhidheye dik-saṅkhye samānādhikaraṇena supā saha samasyete, tatpuruṣaś ca samāso bhavati /
taddhita-arthe tāvat - pūrvasyāṃ śālāyāṃ bhavaḥ, dikpūrvapadād asañjñāyāṃ ñaḥ (*4,2.107), paurvaśālaḥ /
āparaśālaḥ /
uttarapade - pūrvaśālāpriyaḥ /
aparaśālāpriyaḥ /
samāhāre dik-śabdo na sambhavati /
saṅkhyā taddhita-arthe - pāñcanāpitiḥ /
pañcakapālaḥ /
uttarapade - pañcagavadhanaḥ /
daśagavadhanaḥ /
samāhāre - pañcapūlī /
daśapūlī /
pañcakumāri /
daśakumāri /
sa napuṃsakam (*2,4.17) iti napuṃsakatvam /
hrasvo napuṃsake prātipadikasya (*1,2.47) iti hrasvatvam //


____________________________________________________________________


saṅkhyā-pūrvo dviguḥ || PS_2,1.52 ||

_____START JKv_2,1.52:

taddhita-artha-uttarapada-samāhāre ca (*2,1.51) ity atra yaḥ saṅkhyā-pūrvaḥ samāsaḥ sa dvigu-sañjño bhavati /
taddhita-arthe tāvat - pañcasu kapāleśu saṃskr̥taḥ pañcakapālaḥ /
daśakapālaḥ /
saṃskr̥taṃ bhakṣāḥ (*4,2.16) iti iha aṇ, tasya dvigor lug-anapatye (*4,1.88) iti luk /
uttarapade - pañcanāvapriyaḥ /
nāvo dvigoḥ (*5,4.99) iti samāsānto bhavati /
samāhāre - pañcapūlī /
dvigoḥ (*4,1.21) iti ṅīb bhavati /
dvigupradeśāḥ - dvigoḥ (*4,1.21) ity evam ādayaḥ //


____________________________________________________________________


kutsitāni kutsanaiḥ || PS_2,1.53 ||


_____START JKv_2,1.53:

kutsita-vācīni subantāni kutsana-vacanaiḥ subantaiḥ saha samasyante, tatpuruṣaś ca samāso bhavati /
śabda-pravr̥tti-nimitta-kutsāyām ayaṃ samāsa iṣyate /
viśeṣaṇaṃ viśeṣyeṇa bahulam (*2,1.57) iti paranipāte prāpte viśeṣyasya pūrvanipāta-artha ārambhaḥ /
vaiyākaraṇakhasūciḥ /
niṣpratibhaḥ ity arthaḥ /
yājñikakitavaḥ /
ayājyayājanatr̥ṣṇāparaḥ /
mīmāṃsakadurdurūḍhaḥ /
nāstikaḥ /
kutsitāni iti kim ? vaiyākaraṇaścauraḥ /
na hy atra vaiyākaraṇatvaṃ kutsyate /
kutsanaiḥ iti kim ? kutsito brāhmaṇaḥ //


____________________________________________________________________


[#114]

pāpāṇake kutsitaiḥ || PS_2,1.54 ||


_____START JKv_2,1.54:

pāpāṇaka-śabdau kutsanābhidhāyinau, tayoḥ pūrveṇa samāse paranipātaḥ prāptaḥ, pūrvanipata-artham idam ārabhyate /
pāpa aṇaka ity ete subante kutsita-vacanaiḥ saha samasyete, tatpuruṣaś ca samāso bhavati /
pāpanāpitaḥ /
pāpakulālaḥ /
aṇakanāpitaḥ /
aṇakakulālaḥ //


____________________________________________________________________


upamānāni sāmānya-vacanaiḥ || PS_2,1.55 ||


_____START JKv_2,1.55:

upamīyate 'nena ity upamānam /
upamāna-vācīni subantāni sāmānya-vacanaiḥ subantaiḥ saha samasyante, tatpuruṣaś ca samāso bhavati /
upamāna-upameyayoḥ sādhāraṇe dharmaḥ sāmānyaṃ, tadviśiṣṭa-upameya-vacanair ayaṃ samāsaḥ /
śastrīva śyāmā śastrīśyāmā devadattā /
kumudaśyenī /
haṃsagadgadā /
nyagrodhaparimaṇḍalā /
upamānāni iti kim ? devadattā śayāmā /
sāmānya-vacanaiḥ iti kim ? phālā iva taṇḍulāḥ /
parvatā iva balāhakāḥ //


____________________________________________________________________


upamitaṃ vyāghra-ādibhiḥ sāmānya-aprayoge || PS_2,1.56 ||


_____START JKv_2,1.56:

upameyam upamitaṃ , tadvāci subantaṃ vyāghra-ādibhiḥ sāmarthyād upamāna-vacanaiḥ saha sāmasyate, tatpuruṣaś ca samāso bhavati, na cet sāmānyavācī śabdaḥ prayujyate /
viśeṣaṇaṃ viśeṣyeṇa bahulam (*2,1.57) iti paranipāte prāpte viśeṣyasya pūrvanipāta-artha ārambhaḥ /
puruṣo 'yaṃ vyāghra iva puruṣavyāghraḥ /
puruṣasiṃhaḥ /
sāmānya-aprayoge iti im ? puruṣo 'yaṃ vyāghra iva śūraḥ /
vyāghra /
siṃha /
r̥kṣa /
r̥ṣabha /
candana /
vr̥kṣa /
varāha /
vr̥ṣa /
hastin /
kuñjara /
ruru /
pr̥ṣata /
puṇḍarīka /
balāhaka /
akr̥tiganaś ca ayam, tena+idam api bhavati - mukhapadmam, mukhakamalam, karakisalayam, pārthivacandraḥ ity evam ādi //


____________________________________________________________________


viśesanaṃ viśeṣyeṇa bahulam || PS_2,1.57 ||


_____START JKv_2,1.57:

bhedakaṃ viśeṣaṇaṃ, bhedyaṃ viśeṣyam /
viśeṣaṇa-vāci subantaṃ viśeṣya-vācinā samānādhikaraṇena subantena saha bahulaṃ samasyate, tatpuruṣaś ca samāso bhavati /
nīlotpalam /
raktotpalam /
bahulavacanam vyavasthārtham /
kvacin nityasamāsa eva, kr̥ṣṇasarpaḥ, lohitaśāliḥ /
kvacin na bhavaty eva, rāmo jāmadagnyaḥ, arjunaḥ kārtavīryaḥ /
kvacid vikalpaḥ, nīlam utpalam, nīlotpalam /
viśeṣaṇam iti kim ? takṣakaḥ sarpaḥ /
viśeṣyeṇa iti kim ? lohitastakṣakaḥ //


____________________________________________________________________


[#115]

pūrva-apara-prathama-carama-jaghanya-samāna-madhya-madhyama-vīrāś ca || PS_2,1.58 ||


_____START JKv_2,1.58:

pūrva apara prathama carama jaghanya samāna madhya madhyama vīra ity ete subantāḥ samānādhikaraṇena supā saha samasyante, tatpuruṣaś ca samāso bhavati /
pūrvapuruṣaḥ /
aparapuruṣaḥ /
prathamapuruṣaḥ /
caramapuruṣaḥ /
jaghanyapuruṣaḥ /
samānapuruṣaḥ /
madhyapuruṣaḥ /
madhyamapuruṣaḥ /
vīrapuruṣaḥ /
pūrvasya+eva ayaṃ prapañcaḥ //


____________________________________________________________________


śreṇy-ādayaḥ kr̥ta-ādibhiḥ || PS_2,1.59 ||


_____START JKv_2,1.59:

śreṇya-ādayaḥ subantāḥ kr̥ta-ādibhiḥ samānadhikaraṇaiḥ sahaḥ samasyante, tatpuruṣaś ca samāso bhavati /
śreṇy-ādiṣu cvy-artha-vacanam /
aśreṇayaḥ śrenayaḥ kr̥tāḥ śreṇikr̥tāḥ /
ekakr̥tāḥ /
pūgakr̥tāḥ /
śreṇyādayaḥ paṭhyante /
kr̥tādir ākr̥tiganaḥ /
cvyantānāṃ tu ku-gati-pra-ādayaḥ (*2,2.18) ity anena nityasamāsaḥ /
śreṇīkr̥tāḥ /
śreṇi /
eka /
pūga /
kuṇḍa /
rāśi /
viśikha /
nicaya /
nidhāna /
indra /
deva /
muṇḍa /
bhūta /
śravana /
vadānya /
adhyāpaka /
abhirūpaka /
brāhmaṇa /
kṣatriya /
paṭu /
paṇḍita /
kuśala /
capala /
nipuṇa /
kr̥paṇa /
iti śreṇy-ādiḥ /
kr̥ta /
mita /
mata /
bhūta /
ukta /
samājñāta /
samāmnāta /
samākhyāta /
sambhāvita /
avadhārita /
nirākr̥ta /
avakalpita /
upakr̥ta /
upākr̥ta /
iti kr̥ta-ādiḥ //


____________________________________________________________________


ktena nañ-viśiṣṭena anañ || PS_2,1.60 ||


_____START JKv_2,1.60:

nañaiva viśeṣo yasya, sarvamanyat prakr̥tyādikaṃ tulyaṃ, tan nañ-viśiṣṭam, tena nañviśiṣṭena ktāntena samānādhikaraṇena saha anañ ktāntaṃ samasyate, tatpuruṣaś ca samāso bhavati /
kr̥taṃ ca tadakr̥taṃ ca kr̥tākr̥tam /
bhuktābhuktam /
pītāpītam /
udatānuditam /
nuḍiṭau tadbhaktatvānnaiva bhedakau /
aśitānaśitena jīvati /
kliṣṭākliśitena vartate /
kr̥tāpakr̥tādīnām upasaṅhyānam /
kr̥tāpakr̥tam /
bhuktavibhuktam /
pītavipītam /
gatapratyāgatam /
yātānuyātam /
krayākrayikā /
puṭāpuṭikā /
phalāphalikā /
mānonmānikā /
samānādhikaraṇādhikāre śākapārthivādīnām upasaṅkhyānam uttarapadalopaś ca /
śākapradhānaḥ pārthivaḥ śākapārthivaḥ /
kutapasauśrutaḥ /
ajātaulvaliḥ //


____________________________________________________________________


[#116]

san-mahat-parama-uttama-utkr̥ṣṭāḥ pūjyamānaiḥ || PS_2,1.61 ||


_____START JKv_2,1.61:

sat mahat parama uttama utkr̥ṣṭa ity ete pūjyamānaiḥ saha samasyante, tatpuruṣaś ca samāso bhavati /
pūjyamānaiḥ iti vacanāt pūjāvacanāḥ sadādayo vijñāyante /
satpuruṣaḥ /
mahāpuruṣaḥ /
paramapuruṣaḥ /
uttamapuruṣaḥ /
utkr̥ṣṭapuruṣaḥ /
pūjyamānaiḥ iti kim ? utkr̥ṣṭo gauḥ kadarmāt //


____________________________________________________________________


vr̥ndaraka-nāga-kuñjaraiḥ pūjyamānam || PS_2,1.62 ||


_____START JKv_2,1.62:

vr̥ndāraka nāga kuñjara ity etaiḥ saha pūjyamāna-vāci subantaṃ samasyate, tatpuruṣaś ca samāso bhavati /
pūjyamānam iti vacanāt pūjāvacanā vr̥ndāraka-ādayo gr̥hyante /
govr̥ndārakaḥ /
aśvavr̥ndārakaḥ /
gonāgaḥ /
aśvanāgaḥ /
gokuñjaraḥ /
aśvakuñjaraḥ /
pūjyamānam iti kim ? suṣīmo nāgaḥ //


____________________________________________________________________


katara-katamau jātiparipraśne || PS_2,1.63 ||


_____START JKv_2,1.63:

katara-katamau jātiparipraśne vr̥tamānau samarthena supā saha samasyete, tatpuruṣaś ca samāso bhavati /
katarakaṭhaḥ /
katarakālāpaḥ /
katamakaṭhaḥ /
katamakālāpaḥ /
nanu katama-śabdastāvaj jātiparipraśna eva vyutpāditaḥ, katara-śabdo 'pi sāhacaryāt tadartha-vr̥ttir eva grahīṣyate, kiṃ jātiparipraśna-grahaṇena ? evaṃ tarhy etaj jñāpayati katama-śabdo 'nyatra api vartate iti /
tathā ca pratyudāharanam - kataro bhavator devadattaḥ, katamo bhavatāṃ devadattaḥ //


____________________________________________________________________


kiṃ kṣepe || PS_2,1.64 ||


_____START JKv_2,1.64:

kim ity etat kṣepe gamyamāne supā saha samasyate taturuṣaś ca samāso bhavati /
kiṃrājā, yo na rakṣati /
kiṃsakhā, yo 'bhidruhyati /
kiṃgauḥ, yo na vahati /
kimaḥ kṣepe (*5,4.70) iti samāsānto na bhavati /
kṣepe iti kim ? ko rājā pāṭaliputre //


____________________________________________________________________


poṭā-yuvati-stoka-katipaya-gr̥ṣṭi-dhenu-vaśā-vehad-baṣkayaṇī-pravaktr̥-śrotriya-adhyāpaka-dhūrtair jātiḥ || PS_2,1.65 ||


_____START JKv_2,1.65:

ubhaya-vyañjanā poṭā ity abhidhīyate /
gr̥ṣṭirekavāraprasūtā /
dhenuḥ pratyagraprasūtā /
vaśā vandhyā /
dehad garbhapātinī /
baṣkayaṇī taruṇavatsā /
poṭādibhiḥ saha jātivāci subantaṃ samasyate, tatpuruṣaś ca samāso bhavati /
ibhapoṭā /
ibhayuvatiḥ /
agnistokaḥ /
udaśvitkatipayam /
gogr̥ṣṭiḥ /
godhenuḥ /
govaśā /
govehat /
gobaṣkayaṇī /
kaṭhapravaktā /
kaṭhaśrotriyaḥ /
kaṭhādhyāpakaḥ /
kaṭhadhūrtaḥ /
jātiḥ iti kim ? devadatttaḥ pravaktā /
dhūrta-grahaṇam akutsa-artham //


____________________________________________________________________

[#117]

praśaṃsā-vacanaiś ca || PS_2,1.66 ||


_____START JKv_2,1.66:

jātiḥ iti vartate /
jātivāci subantaṃ praśaṃsā-vacanaiḥ saha samasyate, tatpuruṣaś ca samāso bhavati /
rūḍhi-śabdāḥ praśaṃsā-vacanā gr̥hyante matallikādayaḥ /
te ca āviṣṭaliṅgatvād anyaliṅge 'pi jāti-śabde svaliṅgopādānā eva samānāhikaranā bhavanti /
goprakāṇḍam /
aśvaprakāṇḍam /
gomatllikā /
aśvamatallikā /
gomacarcikā /
aśvamacarcikā /
jātiḥ iti kim ? kumārī matallikā //


____________________________________________________________________


yuvā khalati-pālita-valina-jaratībhiḥ || PS_2,1.67 ||


_____START JKv_2,1.67:

khalaty-ādibhiḥ /
samānādhikaraṇaiḥ saha yuva-śabdaḥ samasyate, tatpuruṣaś ca samāso bhavati /
jaratībhiḥ iti strīliṅgena nirdeśaḥ, prātipādika-grahaṇe liṅgaviśiṣṭasya api grahanam iti jñāpaka-arthaḥ /
yuvā khalatiḥ yuvakhalatiḥ /
yuvatiḥ khalatī yuvakhalatī /
yuvā palitaḥ yuvapalitaḥ /
yuvatiḥ palitā yuvapalitā /
yuvā valinaḥ yuvavalinaḥ /
yuvatirvalinā yuvavalinā /
yuvā jaran yuvajaran /
yuvatirjaratī yuvajaratī //


____________________________________________________________________


kr̥tya-tulya-ākhyā ajātyā || PS_2,1.68 ||


_____START JKv_2,1.68:

kr̥tyapratyaya-antās tulyaparyāyāś ca subantā ajāti-vacanena samasyante, tatpuruṣaś ca samāso bhavati /
bhojyoṣṇam /
bhojyalavaṇam /
pānīyaśītam /
tulyākhyāḥ - tulyaśvetaḥ /
tulyamahān /
sadr̥śaśvetaḥ /
sadr̥śamahān /
ajātyā ti kim ? bhojya odanaḥ //


____________________________________________________________________


varṇo varṇena || PS_2,1.69 ||


_____START JKv_2,1.69:

varṇaviśeṣavāci subantaṃ varṇaviśeṣavācinā subantena samānādhikaraṇena saha samasyte, tatpuruṣaś ca samāso bhavati /
kr̥ṣṇasāraṅgaḥ /
lohitasāraṅgaḥ /
kr̥ṣṇaśabalaḥ /
lohitaśabalaḥ /
avayavadvārena kr̥ṣṇaśabdaḥ samudāye vartamānaḥ samānādhikaraṇo bhavati //

____________________________________________________________________


kumāraḥ śramaṇā-ādibhiḥ || PS_2,1.70 ||


_____START JKv_2,1.70:

kumāra-śabdaḥ śramaṇā-ādibhiḥ saha samasyate, tatpuruṣaś ca samāso bhavati /
ye 'tra strīliṅgāḥ paṭhyante, śramaṇā, pravrajitā, kulaṭā ity evam ādayaḥ, taiḥ saha strīliṅgaḥ eva kumāra-śabdaḥ samasyate /
ye tu puṃliṅgāḥ, adhyāpakaḥ, abhirūpakaḥ, paṇḍitaḥ iti, tair ubhayathā, prātipadika-grahaṇe liṅgaviśiṣṭasya api grahaṇam iti /
kumārī śramaṇā kumāraśramaṇā /
śramanā /
pravrajitā /
kulaṭā /
garbhiṇī /
tāpasī /
dāsī /
bandhakī /
adhyāpaka /
abhirūpaka /
paṇḍita /
paṭu /
mr̥du /
kuśala /
capala /
nipuṇa //


____________________________________________________________________


[#118]

catuṣpādo garbhiṇyā || PS_2,1.71 ||


_____START JKv_2,1.71:
catuṣpād-vācinaḥ subantā garbhiṇī-śabdena samasyante, tatpuruṣaś ca samāso bhavati /
gogarbhiṇī /
ajāgarbhiṇī /
catuṣpājjātiriti vaktavyam /
iha mā bhūt - kālākṣī garbhaṇī, svastimatī garbhiṇī /
catuṣpādaḥ iti kim ? brāhmaṇī garbhiṇī //


____________________________________________________________________


mayūra-vyaṃsaka-ādayaś ca || PS_2,1.72 ||


_____START JKv_2,1.72:

samudāyā eva nipātyante /
mayūra-vyaṃsaka-ādayaḥ śabdāḥ tatpuruṣasañjñā bhavati /
cakāro 'vadhāraṇa-arthaḥ , paramamayūravyaṃsakaḥ iti samāsāntaraṃ na bhavati /
mayūravyaṃsakaḥ /
chātravyaṃsakaḥ /
kāmbojamuṇḍaḥ /
yavanamuṇḍaḥ /
chandasi - hastegr̥hya /
pādegr̥hya /
lāṅgalegr̥hya /
punardāya /
ehīḍādayo 'nyapadārthe - ehīḍam /
ehiyavaṃ vartate /
ehivāṇijākriyā /
apehivāṇijā /
prehivāṇijā /
ehisvāgatā /
apohisvāgatā /
prehisvāgatā /
ehidvitīyā /
apehidvitīyā /
ihavitarkā /
prohakaṭā /
apohakaṭā /
prohakardamā /
apohakardamā /
uddharacūḍā /
āharacelā /
āharavasanā /
āharavanitā /
kr̥ntavicakṣaṇā /
uddharotsr̥jā /
uddhamavidhamā /
utpacivipacā /
utpatanipatā /
uccāvacam /
uccanīcam /
acitopacitam /
avacitaparācitam /
niścapracam /
akiñcanam /
snātvākālakaḥ /
pītvāsthirakaḥ /
bhuktvāsuhitaḥ /
proṣyapāpīyān /
utpatyapākalā /
nipatyarohiṇī /
niṣaṇṇāśyāmā /
apehiprasavā /
ihapañcamī /
ihadvitīyā /
jahikarmaṇā bahulamābhīkṣṇye kartāraṃ cābhidadhāti - jahijoḍaḥ /
ujjahijoḍaḥ /
jahistambaḥ /
ujjahistambaḥ /
ākhyātamākhyātena kriyāsātatye - aśnītapibatā /
pacatabhr̥jjatā /
khādatamodatā /
khādatavamatā /
khādatācamatā /
āharanivapā /
āvapaniṣkirā /
utpacacvipacā /
bhindhilavanā /
chindhivicakṣanā /
pacalavanā /
pacaprakūṭā /
avihitalakṣanas tatpuruṣo mayūra-vyaṃsaka-ādiṣu draṣṭavyaḥ //
iti śrījayādityaviracitāyām kāśikāyāṃ vr̥ttau dvitīyādhyāyasya prathamaḥ pādaḥ //


dvittiyo 'dhyayaḥ dvitīyaḥ pādaḥ


____________________________________________________________________


[#119]

pūrva-apara-adhara-uttaram ekadeśinā-ekādhikaraṇe || PS_2,2.1 ||


_____START JKv_2,2.1:

ekadeśo 'sya asti ity ekadeśī, avayavī, tadvācinā subantena saha pūrva apara adhara uttara ity ete śabdāḥ sāmarthyād ekadeśabacanāḥ samasyante, tatpuruṣaś ca samāso bhavati /
ekādhikaraṇa-grahanam ekadeśino viśeṣaṇam /
ekaṃ ced adhikaraṇam ekadravyam ekadeśi bhavati /
ṣaṣṭhīsamāsa-apavado 'yaṃ yogaḥ /
pūrvaṃ kāyasya pūrvakāyaḥ /
aparakāyaḥ /
adharakāyaḥ /
uttarakāyaḥ /
ekadeśinā iti kim ? pūrvaṃ na abheḥ kāyasya /
ekādhikaraṇe iti kim ? pūrvaṃ chātrāṇām āmantraya /
kathaṃ madhyāhnaḥ, sāyāhnaḥ iti ? saṅkhyā-vi-sāy-apūrvasya ahnasya ahann anyatarasyāṃ ṅau (*6,3.110) iti jñāpakāt sarvaṇaikadeśa-śabdena ahnaḥ samāso bhavati //


____________________________________________________________________

ardhaṃ napuṃsakam || PS_2,2.2 ||


_____START JKv_2,2.2:

ekadeśinā ekādhikaraṇe iti vartate /
samapravibhāge 'rdhaśabdo napuṃsakam āviṣṭaliṅgaḥ, tasya+idaṃ grahanam /
ardham ity etad napuṃsakam ekadeśinā-ekādhikaraṇena samasyate, tatpuruṣaś ca samāso bhavati /
ṣaṣṭhīsamāsa-apavādo 'yam yogaḥ /
ardhaṃ pippalyāḥ ardhapippalī /
ardhakośātakī /
napuṃsakam iti kim ? grāmārdhaḥ /
nagarārdhaḥ /
ekadeśinā ity eva, ardhaṃ pasor devadattasya /
devadattena saha samaso na bhavati /
ekādhikaraṇe ity eva, ardhaṃ pippalīnām //


____________________________________________________________________


dvitiya-tr̥tīya-caturtha-turyāṇy anytarasyām || PS_2,2.3 ||


_____START JKv_2,2.3:

ekadeśinā ekādhikarane iti vartate /
ṣasṭhīsamāsa-apavādo 'yaṃ yogaḥ /
anyatarasyāṃ grahaṇāt so 'pi ṣaṣṭhīsamāso bhavati /
pūraṇa-guṇa (*2,2.11) iti pratiṣedhaś ca ata eva anyatarasyāṃ grahaṇa-sāmarthyān na pravartate /
dvitīyaṃ bhikṣāyāḥ caturthabhikṣā, bhikṣācaturthaṃ vā /
turyaṃ bhikṣāyāḥ turyabhikṣā, bhikṣāturyaṃ vā /
turīya-śabdasya apīṣyate /
turīyaṃ bhikṣāyāḥ turīyabhikṣā, bhikṣāturīyaṃ vā /
ekadeśinā ity eva, dvitīyaṃ bhikṣāyā bhikṣukasya /
ekādhikaraṇe ity eva, dvitīyāṃ bhikṣāṇām //

____________________________________________________________________


[#120]

prāptāpanne ca dvitīyayā || PS_2,2.4 ||


_____START JKv_2,2.4:

ekadeśinā-ekādhikaraṇe iti nivr̥ttam /
dvitīyāsamāse prāpte vacanam idam /
samāsavidhānāt so 'pi bhavati /
prāpta āpanna ity etau dvitīyāntena saha samasyete, tatpuruṣaś ca samāso bhavati /
prāpto jīvikām prāptajīvikaḥ, jīvikāprāptaḥ iti vā /
āpanno jīvikam āpannajīvikaḥ, jīvikāpannaḥ iti vā //


____________________________________________________________________


kālāḥ parimāṇinā || PS_2,2.5 ||


_____START JKv_2,2.5:

parimāṇamasya asti iti parimāṇī, tadbācinā subantena saha sāmarthyāt parimāṇavacanāḥ kāla-śabdāḥ samasyante, tatpuruṣaś ca samāso bhavati /
ṣaṣṭhīsamāsa-viṣaye yogārambhaḥ /
māso jātasya māsajātaḥ /
saṃvatsarajātaḥ /
dvyahajātaḥ /
tryahajātaḥ //


____________________________________________________________________


nañ || PS_2,2.6 ||

_____START JKv_2,2.6:

nañ samarthena subantena saha samasyate, tatpuruṣaś ca samāso bhavati /
na brāhmaṇaḥ abrāhmaṇaḥ /
avr̥ṣalaḥ //


____________________________________________________________________


īṣadakr̥tā || PS_2,2.7 ||


_____START JKv_2,2.7:

īṣat ity ayaṃ śabdo 'kr̥dantena supā saha samasyate, tatpuruṣaś ca samāso bhavati /
īṣadguṇavacanena+iti vaktavyam /
īṣatkaḍāraḥ /
īṣatpiṅgalaḥ /
īṣadvikaṭaḥ /
īṣadunnataḥ /
īṣatpītam /
īṣadraktam /
guṇavacanena iti kim ? iha na bhavati, īṣad gārgyaḥ //


____________________________________________________________________


ṣaṣṭhī || PS_2,2.8 ||


_____START JKv_2,2.8:

ṣaṣṭhyantaṃ subantaṃ samarthena subantena saha samasyate, tatpuruṣaś ca samāso bhavati /
rājñaḥ puruṣaḥ rājapuruṣaḥ /
brāhmaṇakambalaḥ /
kr̥dyogā ca ṣaṣṭhī samasyata iti vaktavyam /
idhmaprabraścanaḥ /
palāśaśātanaḥ /
kim artham idam ucyate ? pratipadavidhānā ca ṣaṣṭhī na samasyate iti vakṣyati, tasyāyaṃ purastādapakarṣaḥ //


____________________________________________________________________


[#121]

yājaka-ādibhiś ca || PS_2,2.9 ||


_____START JKv_2,2.9:

pūrveṇa samāsaḥ siddha eva, tasya kartari ca (*2,2.16) iti pratiṣedhe prāpte vacanam idam ārabhyate pratiprasavārtham /
yājakādibhiḥ saha ṣaṣṭhī samasyate, tatpuruṣaś ca samāso bhavati /
brāhmaṇayājakaḥ /
kṣatriyayājakaḥ /
yājaka /
pūjaka /
paricāraka /
pariṣecaka /
snātaka /
adhyāpaka /
utsādaka /
udvartaka /
hotr̥ /
potr̥ /
bhartr̥ /
rathaganaka /
pattigaṇaka /
tatsthaiś ca guṇaiḥ ṣaṣṭhī samasyate iti vaktavyam /
candanagandhaḥ /
kapittharasaḥ /
guṇāttareṇa taralopaś cea+ii vaktavyam /
sarveṣāṃ śvetataraḥ sarvaśvetaḥ /
sarveṣāṃ sahattaraḥ sarvamahān /
na nirdhāraṇe (*2,2.10) iti pratiṣedhe prāpte vacanam idam /
sarvaśuklā gauḥ //


____________________________________________________________________


na nirdhāraṇe || PS_2,2.10 ||


_____START JKv_2,2.10:

pūrveṇa samāse prāpte pratiṣedha ārabhyate /
nirdhārane yā ṣaṣṭhī sā na samasyate /
jāti-guṇa-kriyābhiḥ samudāyād ekadeśasya pr̥thak-karaṇaṃ nirdhāranam /
kṣatriyo manuṣyāṇām śūratamaḥ /
kr̥ṣṇā gavāṃ sampannakṣīratamā /
dhavannadhvagānāṃ śīghratamaḥ /
pratipadavidhānā ca ṣaṣṭhī na samasyate iti vaktavyam /
sarpiṣo jñānam /
madhuno jñānam //


____________________________________________________________________


pūraṇa-guṇa-suhitārtha-sad-avyaya-tavya-samānādhikaranena || PS_2,2.11 ||


_____START JKv_2,2.11:

pūraṇa guna suhitārtha sat avyaya tavya samānādhikaraṇa ity etaiḥ saha ṣaṣṭhī na samasyate /
artha-śabdaḥ pratyekam abhisambadhyate, tena svarūpa-vidhir na bhavati /
pūraṇārthe - dhātrāṇāṃ pañcamaḥ /
chātrāṇāṃ daśamaḥ /
guṇa - balākāyāḥ śauklyam /
kākasya kārṣnyam /
suhita-arthās tr̥ptyarthāḥ - phalānāṃ suhitaḥ /
phalānāṃ tr̥ptaḥ /
sat - brāhmaṇasya kurvan /
brāhmaṇasya kurvāṇaḥ /
avyaya - brāhmaṇasya kr̥tvā /
brāhmaṇasya hr̥tvā /
tavya - brāhamaṇasya kartavyam /
tavyatā sānubandhakena samāso bhavaty eva, brāhmaṇa-kartavyam /
samānādhikaraṇa - śukasya mārāvidasya /
rājñaḥ pāṭaliputrakasya /
pāṇineḥ sūtrakārasya /
kiṃ ca syāt ? pūrvanipātasya aniyamaḥ syāt /
anantarāyāṃ tu prāptau pratiṣiddhāyāṃ viśeṣaṇaṃ viśeṣyeṇa bahulam (*2,1.57) iti bhavaty eva samāsaḥ /
purvanipātaś ca tadā diyogato viśeṣaṇasya+eva //


____________________________________________________________________


[#122]

kten a ca pūjāyām || PS_2,2.12 ||


_____START JKv_2,2.12:

mati-buddhi-pūjā-arthebhyaś ca (*3,2.188) iti vakṣyati, tasya+idaṃ grahaṇam /
pūjā-grahaṇam upalakṣaṇa-artham /
kto yaḥ pūjāyāṃ vihitastena ṣaṣṭhī na samasyate /
rājñāṃ mataḥ /
rājñāṃ buddhaḥ /
rājñāṃ pūjitaḥ /
pūjāyām iti kim ? chātrasya hasitam chātrahasitam //


____________________________________________________________________


adhikaraṇa-vācinā ca || PS_2,2.13 ||


_____START JKv_2,2.13:

kto 'dhikaraṇe ca dhrauvya-gati-pratyavasāna-arthebhyaḥ (*3,4.76) iti vakṣyati, tasya+idaṃ grahaṇam /
adhikaraṇa-vācinā ktena ṣaṣṭhī na samasyate /
idam eṣāṃ yātam /
idam eṣām bhuktam //


____________________________________________________________________


karmaṇi ca || PS_2,2.14 ||


_____START JKv_2,2.14:

ktena iti nivr̥ttam /
karma-grahaṇaṃ ṣaṣṭhī-viśeṣaṇam /
karmaṇi ca yā ṣaṣṭhī sā na samasyate /
ubhaya-prāptau karmaṇi (*2,3.66) iti ṣaṣṭhyā idaṃ grahanam /
āścaryo gavāṃ doho 'gopālakena /
rocate odanasya bhojanaṃ devadattena /
sādhu khalu payasaḥ pānaṃ devadattena /
vicitrā sūtrasya kr̥tiḥ pāṇininā //


____________________________________________________________________


tr̥j-akābhyāṃ kartari || PS_2,2.15 ||


_____START JKv_2,2.15:

kartr̥-grahaṇaṃ ṣaṣṭhī-viśeṣaṇam /
kartari yā ṣaṣṭhī sā tr̥cā akena ca saha na samasyate /
bhavataḥ śāyikā /
bhavata āsikā /
bhavato 'gragāmikā /
tr̥c cartaryeva vidhīyate, tatprayoge kartari ṣaṣṭhī na asti /
tasmāt tr̥j-grahanam uttara-artham /
kartari iti kim ? ikṣubhakṣikāṃ me dhārayasi //


____________________________________________________________________


kartari ca || PS_2,2.16 ||


_____START JKv_2,2.16:

kartari ca yau tr̥j-akau tābhyāṃ saha ṣaṣṭhī na samasyate /
sāmarthyād akasya viśeṣaṇa-arthaṃ kartr̥-grahaṇam, itaratra vyabhicārābhāvāt /
apāṃ sraṣṭā /
purāṃ bhettā /
vajrasya bhartā /
nanu ca bhartr̥-śabdo hy ayaṃ yājakādiṣu paṭhyate ? sambandhi-śabdasya patiparyāyasya tatra grahanam /
akaḥ khalv api - odanasya bhojakaḥ /
saktūnāṃ pāyakaḥ //


____________________________________________________________________


[#123]

nityaṃ krīḍā-jīvikayoḥ || PS_2,2.17 ||


_____START JKv_2,2.17:

na iti nivr̥ttam, na tr̥jakau /
nityaṃ samāso vidhīyate /
kriḍāyāṃ jīvikāyāṃ ca nityaṃ ṣaṣṭhī samasyate, tatpuruṣaś ca samāso bhavati /
tr̥c kriḍā-jīvikayor na asti ity aka eva+udāhriyate /
uddālakapuṣpabhañjikā /
vāranapuṣpapracāyikā /
jīvikāyām - dantalekhakaḥ /
nakhalekhakaḥ /
kriḍājīvikyoḥ iti kim ? odanasya bhojakaḥ //


____________________________________________________________________


ku-gati-pra-ādayaḥ || PS_2,2.18 ||


_____START JKv_2,2.18:

nityam iti vartate /
ku-śabdo 'vyayaṃ gr̥hyate gatyādi-sāhacaryāt, na dravyavacanaḥ /
ku-gati-prādayaḥ samarthena śabdāntareṇa saha nityaṃ samasyante, tatpuruṣaś ca samāso bhavati /
kuḥ pāpārthe - kupuruṣaḥ /
gati - urarīkr̥tam /
yadūrīkaroti /
prādayaḥ - durnindāyām - duṣpuruṣaḥ /
svatī pūjāyām - supuruṣaḥ /
atipuruṣaḥ /
āṅ īṣādarthe - āpiṅgalaḥ /
prāyikaṃ ca+etad upādhivacanam /
anyatra api hi samāso dr̥śyate /
koṣṇam /
kaduṣṇam /
kavoṣṇam /
duṣkr̥tam /
atistutam /
ābaddham iti /
pradayo gatādyarthe prathamayā /
pragata ācāryaḥ prācāryaḥ /
prāntevāsī /
atyādayaḥ krāntādyarthe dvitīyayā /
atikrāntaḥ khaṭvām atikhaṭvaḥ /
atimālaḥ /
avādayaḥ kruṣṭādyarthe tr̥tīyayā /
avakruṣṭaḥ kokilayā avakokilaḥ /
paryādayo glānādyarthe caturthyā /
pariglāno 'dhyayanāya paryadhyayanaḥ /
alaṃ kumāryai alaṃkumāriḥ /
nirādayaḥ krāntādyarthe pañcamyā /
niṣkrāntaḥ kauśāmbyāḥ niṣkauśāmbiḥ /
nirvārāṇasiḥ /
ivena saha samāso vibhaktya-lopaḥ pūrvapada-prakr̥tisvaratvaṃ ca vaktavyam /
vāsasī iva /
vastre iva /
prādi-prasaṅge karmapravacanīyānāṃ pratiṣedho vaktavyaḥ /
vr̥kṣaṃ prati vidyut /
sādhurdevacatto mātaraṃ prati //


____________________________________________________________________


[#124]

upapadam atiṅ || PS_2,2.19 ||


_____START JKv_2,2.19:

nityam iti vartate /
upapadam atiṅantaṃ samarthena śabdāntareṇa saha samasyate nityam, tatpuruṣaś ca samāso bhavati /
kumbhakāraḥ /
nagarakāraḥ /
atiṅ iti kim ? edhānāhārako vrajati /
nanu ca sup supā iti vartate, tatra kutas tiṅantena samāsa-prasaṅgaḥ ? evaṃ tarhi jñāpayati etayor yogayoḥ sup supeti na sambadhyate iti /
tena gatikārakopapadānāṃ kr̥dbhiḥ saha samāsavacanaṃ prāk subutpatteḥ ity etad upapannaṃ bhavati /
aśvakrītī /
aśvakrītī /
dhanakrītī //


____________________________________________________________________


amā-eva avyayena || PS_2,2.20 ||


_____START JKv_2,2.20:

pūrvana samāse siddhe niyama-arthaṃ vacanam /
avyayena-upapadasya yaḥ samāsaḥ so 'mā+eva bhavati, na anyena /
svāduṅkāraṃ bhuṅkte /
sampannaṅkāram bhugkte /
lavanaṅkāraṃ bhuṅkte /
amā+eva iti kim ? kāla-samaya-velāsu tumun (*3,3.167) - kāle bhoktum /
evakārakaraṇam upapada-viśeṣana-artham /
amā+eva yat tulya-vidhānam upapadaṃ tasya samāso yathā syāt, amā ca anyena ca yat tulya-vihdhānaṃ tasya mā bhūt /
agre bhuktvā, agre bhojam //


____________________________________________________________________


tr̥tīyā-prabhr̥tīnyatarasyam || PS_2,2.21 ||


_____START JKv_2,2.21:

amā+eva ity anuvartate /
upadaṃśas tr̥tīyāyām (*3,4.47) ity ataḥ prabhr̥ti yāny upapadāni tāni amā+eva avyayena saha-anyatarasyāṃ samasyante, tatpuruṣaś ca samāso bhavati /
ubhayatra-vibhāśeyam /
yad amā+eva tulyavidhānam upapadaṃ tasya prāpte, yathā upadaṃśas tr̥tīyāyām (*3,4.47) iti /
yat punar amā ca anyena ca tulyavidhānaṃ tasya prāpte, yathā avyaye 'yathābhipretākhyāne kr̥ñaḥ ktvāṇamulau (*3,4..59) iti /
mūlakopadaṃśaṃ bhuṅkte, mūlakena+upadaṃśaṃ bhuṅkte /
uccaiḥkāram ācaṣṭe, uccaiḥ kāram /
amā+eva ity eva, paryaptivacaneṣv alamartheṣu (*3,4.66), paryāpto bhoktum /
prabhurbhoktum //


____________________________________________________________________


ktvā ca || PS_2,2.22 ||


_____START JKv_2,2.22:

amā+eva iti pūrvayoge 'nuvr̥ttam /
tena anyatra na prāpnoti iti vacanam ārabhyate /
ktvāpratyayena saha tr̥tīyā-prabhr̥tīni upapadāny anyatarasyāṃ samasyante, tatpuruṣaś ca samāso bhavati /
uccaiḥ kr̥tya /
uccaiḥ kr̥tvā /
avyaye 'yathābhipreta-ākhyāne (*3,4.59) iti ktvāpratyayaḥ /
samāsapakṣe lyab eva /
tr̥tīyā-prabhr̥tīnīty eva, alaṃ kr̥tvā /
khalu kr̥tvā //


____________________________________________________________________


[#125]

śeṣo bahuvrīhiḥ || PS_2,2.23 ||


_____START JKv_2,2.23:

upayukatādanyaḥ śeṣaḥ /
ṣeśaḥ samāso bahuvrīhi-sañjño bhavati /
kaś ca śeṣaḥ samāso na+uktaḥ /
vakṣyati anekam anyapadārthe (*2,2.24) - citraguḥ /
śabalaguḥ /
kr̥ṣṇottarāsaṅgaḥ /
śeṣaḥ iti kim ? unmattagaṅgam /
lohitagaṅgam /
bahuvrīhi-pradeśāḥ - na bahuvrīhau (*1,1.29) ity evam ādayaḥ //


____________________________________________________________________


anekam anyapadārthe || PS_2,2.24 ||


_____START JKv_2,2.24:

anekaṃ subantamanyapdārthe vartamānaṃ supā saha samasyate, bahuvrīhiś ca samāso bhavati /
prathamārtham ekaṃ varjayitvā sarveṣu vibhakty-artheṣu bahuvrīhir bhavati /
prāptam udakaṃ yaṃ grāmaṃ prāptodako grāmaḥ /
ūḍharatho 'naḍvān /
upagr̥tapaśū rudraḥ /
udghr̥taudanā sthālī /
citragurdevadattaḥ /
vīrapuruṣako grāmaḥ /
prathama-arthe tu na bhavati /
vr̥ṣṭe deve gataḥ /
aneka-grahanaṃ kim ? bahūnām api yathā syāt, susūkṣmajaṭakeśena sugajājinavāsasā /
samantaśitir andhreṇa dvayor vr̥ttau na sidhyati //
bahuvrīhiḥ samānādhikaraṇānam iti vaktavyam /
vyadhikaraṇānāṃ mā bhūt, pañcabhir bhuktamasya /
avyayānāṃ ca bahuvrīhir vaktavyaḥ /
uccair mukhaḥ /
nīcair mukhaḥ /
saptamy-upamāna-pūrvapadasya+uttarapada-lopa śca vaktavyaḥ /
kaṇṭhe sthitaḥ kālo 'sya kaṇṭhekalaḥ /
urasilomā /
uṣṭrasya mukham iva mukhaṃ yasya sa uṣṭramukhaḥ /
kharamukhaḥ /
samudāya-vikāraṣaṣṭhyāś ca bahuvrīhir uttarapada-lopaś ca+iti vaktavyam /
keśānāṃ saṅghātaḥ keśasaṅghātaḥ, keśasaṅghātaḥ cūḍā 'sya keśacūḍaḥ /
suvarṇasya vikāro 'laṅkāro 'sya subarṇālaṅkāraḥ /

[#126]

prādibhyo dhatujasya+uttarapadasya lopaś ca vā bahuvrīhir vaktavyaḥ /
prapatitaṃ parṇamasya praparṇaḥ, prapatitaparṇaḥ /
pratitaṃ palāśamasya prapalāśaḥ, prapatitapalāśaḥ /
naño 'styarthānāṃ bahuvrīhir vācottarapadalopaś ca vaktavyaḥ /
āvidyamānaḥ putro yasya aputraḥ, avidyamānaputraḥ /
abhāryaḥ, avidyamānabhāryaḥ /
subadhikāre 'stikṣīrādīnāṃ bahuvrīhir vaktavyaḥ /
astikṣīrā brāhmaṇī /
astyādayo nipātāḥ //


____________________________________________________________________


saṅkhyayā 'vyaya-āsanna-adūra-adhika-saṅkhyāḥ saṅkhyeye || PS_2,2.25 ||


_____START JKv_2,2.25:

saṅkhyeye yā saṅkhyā vartate tayā saha avyaya-āsanna-adūra-adhika-saṅkhyāḥ samasyante bahuvrīhiś ca samāso bhavati /
avyaya - upadaśāḥ /
upaviṃśāḥ /
āsannadaśāḥ /
āsannaviṃśāḥ /
adūradaśāḥ /
adūraviṃśāḥ /
adhikadaśāḥ /
adhikaviṃśāḥ /
saṅkhyā - dvitrāḥ /
tricaturāḥ /
dvidaśāḥ /
saṅkhyayā iti kim ? pañca brāhmaṇāḥ /
avyaya-āsanna-adūra-adhika-saṅkhyāḥ iti kim ? brāhmaṇāḥ pañca /
saṅkhyeye iti kim ? adhikā viṃśatir gavām //

____________________________________________________________________


diṅnāmāny antarāle || PS_2,2.26 ||


_____START JKv_2,2.26:

diśāṃ nāmāni dignāmāni /
diṅnāmāni subantāni antarāle vācye samasyante, bahuvrīhiś ca samāso bhavati /
dakṣiṇasyāś ca pūrvasyāś ca diśor yad-antarālaṃ dakṣiṇa-pūrvā dik /
pūrvottarā /
uttarapaścimā /
paścimadakṣiṇā /
sarvanamno vr̥ttimātre puṃvadbhāvaḥ /
nāmagrahaṇaṃ rūḍhyartham /
iha ma bhūt, aindryāś ca kauberyāś ca ciśor yad-antarālam iti //


____________________________________________________________________


tatra tena+idam iti sarūpe || PS_2,2.27 ||


_____START JKv_2,2.27:

tatra iti saptamyantaṃ gr̥hyate /
tena iti tr̥tīyāntam /
sarūpa-grahanaṃ pratyekam abhisambadhyate /
tatra iti saptamyante sarūpe pade teneti ca tr̥tīyānte idam ity etasminn arthe saṃsyete, bahuvrīhiś ca samāso bhavati /
itikaranaś ca+iha vivakṣārtho laukikam artham anusārayati /
tato grahaṇaṃ, praharanaṃ karmavyatīhāro, yuddhaṃ ca samāsa-arthaḥ iti sarvam itikaranāllabhyate /

[#127]

yat tatra iti nirdiṣṭaṃ grahaṇam cet tad bhavati, yat tena iti nirdiṣṭaṃ praharanaṃ cet tad bhavati, yat idam iti nirdiṣṭaṃ yuddhaṃ cet tad bhavati /
keśeṣu keśeṣu ca gr̥hītvā idaṃ yuddhaṃ pravr̥ttaṃ keśākeśi /
kacākaci /
daṇḍaiś ca daṇḍaiś ca pragr̥tya idaṃ yuddhaṃ pravr̥ttaṃ daṇḍādaṇḍi /
musalāmusali /
ic karmavyatīhāre (*5,4.127) iti ic samāsāntaḥ, sa ca avyayam /
anyeṣām api dr̥śyate (*6,3.137) iti pūrvapadasya dīrghatvam /
sarūpa-grahaṇaṃ kim ? halaiś ca musalaiś ca prahr̥tya idaṃ yuddhaṃ pravr̥ttam //


____________________________________________________________________


tena saha+iti tulyayoge || PS_2,2.28 ||


_____START JKv_2,2.28:

saha ity etac chābdarūpaṃ tulyayoge vartamānaṃ tena iti tr̥tīyāntena saha samasyate, bahuvrīhiś ca samāso bhavati /
saha putreṇāgataḥ saputraḥ /
sacchātraḥ /
sakarmakaraḥ /
tulyayoge iti kim ? sahaiva daśabhiḥ putrairbhāraṃ bahati gardabhī /
vidyamātair eva daśabhiḥ putrairbhāraṃ vahati ity arthaḥ /
kathaṃ sakarmakaḥ, salomakaḥ, sapakṣakaḥ iti ? na hy atra tulyayogo gamyate /
kiṃ tarhi ? vidyamānatā /
prāyikaṃ tulyayoge iti viśeṣanam /
anyatra api samāso dr̥śyate //


____________________________________________________________________


ca-arthe dvandvaḥ || PS_2,2.29 ||


_____START JKv_2,2.29:

anekam iti vartate /
anekaṃ subantaṃ ca-arthe vartamānam samasyate, dvandva-sañjñaś ca samāso bhavati /
samuccayānvācayetaretarayogasamāhārāś ca arthāḥ /
tatra samuccayānvācayayor asāmarthyāt na asti samāsaḥ /
itaretarayoge samāhāre ca samāso vidhīyate /
plakṣaś ca nyagrodhaś ca plakṣa-nyagrodhau /
dhavaś ca khadiraś ca palāśaś ca dhava-khadira-palāśāḥ /
vāk ca tvak ca vāk-tvacam /
vāg-dr̥ṣadam /
dvandva-pradeśāḥ - dvandve ca (*1,1.31) ity evam ādayaḥ //


____________________________________________________________________


upasarjanaṃ pūrvam || PS_2,2.30 ||


_____START JKv_2,2.30:

samāse iti vartate /
upasarjana-sañjñakaṃ samāse pūrvaṃ prayoktavyam /
pūrvavacanaṃ paraprayoganivr̥tty-artham /
aniyamo hi syāt /
dvitīyā - kaṣṭaśritaḥ /
tr̥tīyā - śaṅkulākhaṇḍaḥ /
caturthī - yūpadāru /
pañcamī - vr̥kabhayam /
ṣaṣṭhī - rājapuruṣaḥ /
saptamī - akṣaśauṇḍaḥ //


____________________________________________________________________


[#128]

rājadanta-ādiṣu param || PS_2,2.31 ||

_____START JKv_2,2.31:

pūrva-nipāte prāpte paraprayoga-arthaṃ vacanam /
rājadanta-ādiṣu upasarjanaṃ param prayoktavyam /
na kevalam upasarjanasya, anyasya api yathā lakṣaṇaṃ vihitasya pūrvanipātasya ayam apavādaḥ paranipāto vidhīyate /
dantānāṃ rājā rājadantaḥ /
vanasya agre agrevaṇam /
nipātanād aluk /
rājadantaḥ /
agrevanam /
liptavāsitam /
nagnamuṣitam /
siktasaṃmr̥ṣṭam /
mr̥ṣṭaluñcitam /
avaklinnapakvam /
arpitoptam /
uptagāḍham /
pūrvakālakṣay paranipātaḥ /
ulūkhalamusalam /
taṇḍulakiṇvam /
dr̥ṣadupalam /
āragvāyanabandhakī /
citrarathabahlīkam /
āvantyaśmakam /
śūdrāryam /
snātakarājānau /
viṣvakṣenārjunau /
akṣibhruvam /
dāragavam /
śabda-arthau /
dharma-arthau /
kāma-arthau /
aniyamaś ca atra+iṣyate /
artha-śabdau /
artha-dharmau /
artha-kāmau /
tat katham ? vaktavyam idam /
dharma-ādiṣu ubhayam iti /
vaikāramatam /
gajavājam /
gopāladhānīpūlāsam /
pūlāsakakaraṇḍam /
sthūlapūlāsam /
uśīrabījam /
siñjāstham /
citrāsvātī /
bhāryāpatī /
jāyāpatī /
jampatī /
dampatī /
jāyāśabdasya jambhāvo dambhāvaś ca nipātyate /
putrapatī /
putrapaśū /
keśaśmaśrū /
śmaśrukeśau /
śirobījam /
sarpirmadhunī /
madhusarpiṣī /
ādyantau /
antādī /
guṇavr̥ddhī /
vr̥ddhiguṇau //


____________________________________________________________________


dvandve ghi || PS_2,2.32 ||


_____START JKv_2,2.32:

pūrvam iti vartate /
dvandve samāse ghyantaṃ pūrvaṃ prayoktavyam /
paṭuguptau /
mr̥duguptau /
anekaprāptāv ekasya niyamaḥ, śeṣe tv aniyamaḥ /
paṭumr̥duśuklāḥ /
paṭuśuklamr̥davaḥ /
dvandve iti kim ? vispaṣṭapaṭuḥ //


____________________________________________________________________


aj-ādy-ad-antam || PS_2,2.33 ||


_____START JKv_2,2.33:

dvandve iti vartate /
aj-ādy-ad-antaṃ śabdarūpaṃ dvandve samāse pūrvaṃ prayoktavyam /
uṣṭrakharam /
uṣtraśaśakam /
bahuṣv aniyamaḥ /
aśvarathendrāḥ /
indrarathāśvāḥ /
dvandve ghyajādyadantaṃ vipratiṣedhena /
indrāgnī /
indravāyū /
taparakaraṇaṃ kim ? aśvāvr̥ṣau, vr̥ṣāśve iti vā //


____________________________________________________________________


[#129]

alpa-ac-taram || PS_2,2.34 ||


_____START JKv_2,2.34:

dvandve iti vartate /
alpāctaraṃ śabdarūpaṃ dvandve samāse pūrvaṃ prayoktavyam /
plakṣaś ca nyagrodhś ca plakṣa-nyagrodhau /
dhavakhadirapalāśāḥ /
bahuṣv aniyamaḥ - śaṅkhadundubhivīṇāḥ, vīṇāśaṅkhadundubhayaḥ /
r̥tunakṣtrāṇāmānupūrvyeṇa samānakṣarānāṃ pūrvanipāto vaktavyaḥ /
hemantaśiśiravasantāḥ /
citrāsvātī /
kr̥ttikārohiṇyau /
samānākṣarāṇām iti kim ? grīṣmavasantau /
laghv-akṣaraṃ pūrvaṃ nipatati iti vaktavyam /
kuśakāśam /
śaraśādam /
abhyarhitaṃ ca pūrvaṃ nipatati iti vaktavyam /
mātāpitarau /
śraddhamedhe /
dīkṣātapasī /
varṇānāmānupūrvyeṇa pūrvanipātaḥ /
brāhmaṇakṣatriyaviṭśūdrāḥ /
samānākṣarāṇām ity atra na asti /
bhrātuś ca jyāyasaḥ pūrvanipāto vaktavyaḥ /
yudhaṣṭhirārjunau /
saṅkhyāyā alpīyasyāḥ pūrvanipāto vaktavyaḥ /
dvitrāḥ /
tricaturāḥ /
navatiśatam //


____________________________________________________________________


saptamī-viśeṣane bahuvrīhau || PS_2,2.35 ||


_____START JKv_2,2.35:

sarvopasarjanatvād bahuvrīher aniyame prāpte niyama-arthaṃ vacanam /
saptamyantaṃ viśeṣaṇaṃ ca bahuvrīhi-samāse pūrvaṃ prayoktavyam /
kṇṭhekālaḥ /
urasilomā /
viśeṣanam - citraguḥ /
śabalaguḥ /
sarvanāma-saṅkhyayor upasaṅkhyānam /
sarvaśvetaḥ /
sarvakr̥ṣṇaḥ /
dviśuklaḥ /
dvikr̥ṣṇaḥ /
anayor eva mithaḥ saṃpradhāraṇāyāṃ pratvāt saṅkhyāyāḥ pūrvanipātaḥ /
dvyanyaḥ /
tryanyaḥ /

[#130]

vā priyasya pūvanipātaḥ /
guḍapriyaḥ, priyaguḍaḥ /
saptamyāḥ pūrvanipāte prapte gaḍvādibhyaḥ saptamyantaṃ param /
gaḍukaṇṭhaḥ /
gaḍuśirāḥ /
kathaṃ vahegaḍuḥ ? prāptasya cābādhā vyākhyeyā //


____________________________________________________________________


niṣṭhā || PS_2,2.36 ||


_____START JKv_2,2.36:

niṣṭhantaṃ ca bhuvrīhi-samāse pūrvaṃ prayoktavyam /
kr̥takaṭaḥ /
bhikṣitabhikṣiḥ /
avamuktopānatkaḥ /
āhūtasubrahmaṇyaḥ /
nanu ca viśeṣaṇam eva atra niṣṭhā ? na+eṣa niyamaḥ, viśeṣaṇa-viśeṣya-bhavasya vivakṣā nibandhanatvāt /
kathe kr̥tam anena iti vā vigrahītavyam /
niṣthāyāḥ pūrvanipāte jātikālasukhādibhyaḥ pravacanam /
śārṅgajagdhī /
palāṇḍubhakṣitī /
māsajātaḥ /
sambatsarajātaḥ /
sukhajātaḥ /
duḥkhajātaḥ /
kathaṃ kr̥takaṭaḥ, bhuktaudanaḥ ? prāptasya cābādhā vyākhyeyā /
praharaṇārthebhyaś ca pare niṣṭhāsaptamyau bhavata iti vaktavyam /
asyudyataḥ /
daṇḍapāṇiḥ /
katham udyatagadaḥ, udyatāsiḥ ? prāptasya cābādhā vyākhyeyā //


____________________________________________________________________


vā+āhita-agny-ādiṣu || PS_2,2.37 ||


_____START JKv_2,2.37:

niṣṭhā iti pūrvanipāte prāpte vikalpa ucyate /
āhitāgny-ādiṣu niṣṭhāntaṃ pūrvaṃ vā prayoktavyam /
agnyāhitaḥ /
āhitāgniḥ /
jātapūtraḥ, putrajataḥ /
jātadantaḥ /
jātaśamaśruḥ /
tailapītaḥ /
ghr̥tapītaḥ /
ūḍhabhāryaḥ /
gatārthaḥ /
ākr̥tiganaś ca ayam, tena gaḍukaṇṭhaprabhr̥taya iha+eva draṣṭavyāḥ //


____________________________________________________________________


kaḍārāḥ karmadhāraye || PS_2,2.38 ||


_____START JKv_2,2.38:

guna-śabdānāṃ viśeṣanatvāt pūrvanipāte prāpte vikalpa ucyate /
kaḍārādayaḥ karmadhāraye samāse vā pūrvaṃ /
prayoktavyāḥ /
kaḍārajaiminiḥ, jaiminikaḍāraḥ /

[#131]

kaḍāra /
guḍula /
kāṇa /
khañja /
kuṇṭha /
khañjara /
khalati /
gaura /
vr̥ddha /
bhikṣuka /
piṅgala /
tanu /
vaṭara /
karmadharaye iti kim ? kaḍārapuruṣo grāmaḥ //
iti śrījayādityaviracitāyāṃ kāśikāyāṃ vr̥ttau dvitīyādhyāyasya dvitīya pādaḥ //


dvitīyādhyāyasya tr̥tīyaḥ pādaḥ


____________________________________________________________________


[#132]

anabhihite || PS_2,3.1 ||

_____START JKv_2,3.1:

anabhihite ity adhikāro 'yaṃ veditavyaḥ /
yad ita ūrdhvam anukramiṣyāmaḥ, anabhihite ity evaṃ tad veditavyam /
anabhihite anukte, anirdiṣṭe karmādau vibhaktir bhavati /
kena anabhihite ? tiṅ-kr̥t-taddhita-samāsaiḥ parisaṅkhyānam /
vakṣyati, karmaṇi dvitīyā (*2,3.2) - kaṭaṃ kartoti /
grāmaṃ gacchati /
anabhihite iti kim ? tiṅ - kriyate kaṭaḥ /
kr̥t - kr̥taḥ kaṭaḥ /
taddhitaḥ - śatyaḥ /
śatikaḥ /
samāsaḥ - prāptam udakaṃ yaṃ grāmaṃ prāptodako grāmaḥ /
parisaṅkhyānaṃ kim ? kaṭaṃ karoti bhīṣmamudāraṃ darśanīyam /
vahuṣu bahuvacanam ity evam ādinā saṅkhyā vacyatvena vibhaktīnām upadiṣṭāḥ, tatra viśeṣaṇa-artham idam ārabhyate - anabhihitakarmādyāśrayeṣvekatvādiṣu dvitīyādayo veditavyāḥ iti //


____________________________________________________________________


karmaṇi dvitīyā || PS_2,3.2 ||


_____START JKv_2,3.2:

dvitīyādayaḥ śabdāḥ pūrvācāryaiḥ supāṃ trikeṣu samaryante, tair eva atra vyavahāraḥ /
karmaṇi kārake yā saṅkhyā tatra dvitīyā vibhaktirbhavati /
kaṭaṃ karoti /
grāmaṃ gacchati /
ubhasarvatasoḥ kāryā dhiguparyādiṣu kriṣu /
dvitīyā+āmreḍitānteṣu tato 'nyatra api dr̥śyate //
ubhayato grāmam /
sarvato grāmam /
dhig devadattam /
uparyupari grāmam /
adhyadhi grāmam /
adho 'dho grāmam /
abhitaḥparitaḥsamayānikaṣāhāpratiyogeṣu ca dr̥śyate /
abhito grāmam /
parito grāmam /
samayā grāmam /
nikāṣā grāmam /
hā devadattam /
bubhukṣitaṃ na prati bhāti kiñcit //


____________________________________________________________________


tr̥tīyā ca hoś chandasi || PS_2,3.3 ||


_____START JKv_2,3.3:

karmaṇi iti vartate /
dvitīyāyāṃ prāptāyāṃ tr̥tīyā vidhīyate /
ca-śabdāt sā ca bhavati /
chandasi viṣaye juhoteḥ karmaṇi kārake tr̥tīyā vibhaktir bhavati, dvitīyā ca /
yavāgvā 'gnihotraṃ juhoti /
yavāgūm agnihotraṃ juhoti /
chandasi iti kim ? yavāgūm agnihotraṃ juhoti //


____________________________________________________________________


[#133]

antarā 'ntareṇa yukte || PS_2,3.4 ||


_____START JKv_2,3.4:

dvitīyā svaryate, na tr̥tīyā /
antarāntareṇa śabdau nipātau sāhacaryād gr̥hyete /
ābhyāṃ yoge dvitīyā vibhaktir bhavati /
ṣaṣṭhy-apavādo 'yam yogaḥ /
tatra antarāśabdo madhyamādheya-pradhānam ācaṣṭe /
antareṇa śabdas tu tac ca vinārthaṃ ca /
antarā tvāṃ ca māṃ ca kamaṇḍaluḥ /
antareṇa tvāṃ ca māṃ ca kamaṇḍaluḥ /
antareṇa puruṣakāraṃ na kiṃcil labhyate /
yukta-grahaṇaṃ kim ? antarā takṣaśilāṃ ca pāṭaliputraṃ srughnasya prākāraḥ //


____________________________________________________________________


kāla-adhvanor atyanta-saṃyoge || PS_2,3.5 ||


_____START JKv_2,3.5:

kāla-śabdebhyo 'dhva-śabdebhyaś ca dvitīyā vibhaktir bhavati atyantasaṃyoge gamyamāne /
kriyā-guṇa-dravyaiḥ sākalyena kālādhvanoḥ sambandhaḥ atyantasaṃyogaḥ /
māsam adhīte /
saṃvatsaram adhīte /
māsaṃ kalyāṇī /
saṃvatsaraṃ kalyāṇī /
māsaṃ guḍadhīnāḥ /
saṃvatsaraṃ guḍadhānāḥ /
adhvanaḥ khalv api - krośam adhīte /
yojanam adhīte /
krośaṃ kuṭilā nadī /
yojanaṃ kuṭilā nadī /
krośaṃ parvataḥ /
yojanaṃ parvataḥ /
atyantasaṃyoge iti kim ? māsasya dviradhīte /
krośasya+ekadeśe parvataḥ //


____________________________________________________________________

apavarge tr̥tīyā || PS_2,3.6 ||


_____START JKv_2,3.6:

kāla-adhvanor atyantasaṃyoge iti vartate /
apavargaḥ phala-prāptau satyāṃ kriyāparisamāptiḥ /
apavarge gamyamāne kāla-adhvanor atyantasaṃyoge tr̥tīyā vibhaktir bhavati /
masena anuvāko 'dhītaḥ /
saṃvatsareṇa anuvāko 'dhītaḥ /
adhvanaḥ - krośena anuvāko 'dhītaḥ /
yojanena anuvāko 'dhītaḥ /
apavarge iti kim ? krośam adhīto 'nuvākaḥ /
māsam adhītaḥ /
kartavyādr̥ttau phala-siddher abhāvāt tr̥tīyā na bhavati /
māsam adhīto 'nuvākaḥ, na ca anena gr̥hītaḥ //


____________________________________________________________________


saptamī-pañcamyau kāraka-madhye || PS_2,3.7 ||


_____START JKv_2,3.7:

kāla-adhvanoḥ iti vartate /
kārakayor madhye yau kāla-adhvānau tābhyāṃ saptamī-pañcamyau vibhaktī bhavataḥ /
adya bhuktavā devadatto dvyahe bhoktā dvyahād vā bhoktā /
tryahe tryahād vā bhoktā /
kartr̥-śaktyor madhye kalaḥ /
iha stho 'yam iṣvāsaḥ krośe lakṣyaṃ vidhyati /
krośāl lakṣyaṃ vidhiyati /
kartr̥-karmaṇoḥ kārakayoḥ karma-apādānayoḥ karma-adhikaraṇayor vā madhye krośaḥ /
saṅkhyāta-anudeśo na bhavati, asvaritatvāt //


____________________________________________________________________

karmapravacanīya-yukte dvitīyā || PS_2,3.8 ||


_____START JKv_2,3.8:

karmapravacanīyair yukte dvitīyā vibhktir bhavati /
anur lakṣaṇe (*1,4.84) - śākalyasaya saṃhitām anuprāvarṣat /
āgastyam anvasiñcat prajāḥ //


____________________________________________________________________


[#134]

yasmād adhikaṃ yasya ca+īśvara-vacanaṃ tatra saptamī || PS_2,3.9 ||


_____START JKv_2,3.9:

karmapravacanīya-yukta iti vartate /
yasamā dadhikaṃ yasya ca+īśvaravacanaṃ karmapravacanīyair yukte tatra saptamī vibhaktir bhavati /
upa khāryaṃ droṇaḥ /
upa niṣke kārṣāpaṇam /
yasya ca+īśvaravacanam iti svasvāminordvayor api paryāyeṇa saptamī vibhaktir bhavati /
adhi brahmadatte pañcālāḥ, adhi pañcāleṣu brahmadattaḥ iti /
dvitīya-apavādo yogaḥ //


____________________________________________________________________


pañcamy-apa-āṅ-paribhiḥ || PS_2,3.10 ||


_____START JKv_2,3.10:

apa āṅ pari ity etaiḥ karmapravacanīyair yoge pajcamī vibhaktir bhavati /
apa trigartebhyo vr̥ṣṭo devaḥ /
ā pāṭaliputrād vr̥ṣṭo devaḥ /
pari trigartebhyo vr̥ṣto devaḥ /
apena sāhacaryāt parervarjana-arthasya grahaṇam, tena+iha na bhavati, vr̥kṣaṃ pari vidyotate vidyut //


____________________________________________________________________


pratinidhi-pratidāne ca yasmāt || PS_2,3.11 ||


_____START JKv_2,3.11:

mukhya-sadr̥śaḥ pratinidhiḥ /
dattasya pratiniryātanaṃ pratidānam /
yasmāt pratinidhiryataś ca pratidānaṃ tatra karmapravacanīya-yukte pañcamī vibhaktir bhavati /
abhimanyur arjunataḥ prati /
pradyumno vāsudevataḥ prati /
māṣānasmai tilebhyaḥ prati yacchati /
nanu ca pratinidhi-pratidāne karmapravacanīya-yukte, na tu yataḥ pratinidhi-pratidāne ? na+eṣa doṣaḥ, sambandha-sambandhāt tasya api yogo 'sty eva //


____________________________________________________________________


gatyartha-karmaṇi dvitīyā-caturthyau ceṣṭāyām anadhvani || PS_2,3.12 ||


_____START JKv_2,3.12:

gatyarthānāṃ dhātūnāṃ ceṣtākriyāṇāṃ parispandakriyāṇāṃ karmaṇi kārake 'dhvavarjite dvitīyā-caturthyau bhavataḥ /
grāmaṃ gacchati, grāmāya gacchati /
grāmaṃ vrajati, grāmāya vrajati /
gatyartha-grahaṇaṃ kim ? odanam pacati /
karmaṇi iti kim ? aśvena vrajati /
deṣṭāyam iti kim ? manasā pāṭaliputraṃ gacchati /
anadhvani iti kim ? adhvānaṃ gacchati /
adhvanītyartha-grahanam /
panthānaṃ gacchati /
mārgaṃ gacchati /
āsthita-pratiṣedhaś cāyaṃ vijñeyaḥ /
āsthitaḥ samprāptaḥ, ākrānta ucyate /
yatra tu utpathena panthānaṃ gacchati, tatra bhavitavyam eva caturthyā, pathe gacchati iti /
dvitīyā-grahanaṃ kim ? na catrthy eva viklpyeta, apavāda-viṣaye 'pi yathā syāt /
grāmam gantā grāmāya gantā /
kr̥d-yoga-lakṣaṇā ṣaṣṭhī na bhavati //


____________________________________________________________________


[#135]

caturthī sampradāne || PS_2,3.13 ||


_____START JKv_2,3.13:

sampradāne kārake caturthī vibhaktir bhavati /
upadhyāyāya gāṃ dadāti /
mānavakāya bhikṣāṃ dadāti /
devadattāya rocate /
puṣpebhyaḥ spr̥hayati ity ādi /
caturthīvidhāne tādarthya upasaṅkhyānam /
yūpāya dāru /
kuṇḍalāya hiraṇyam /
randhanāya sthāya sthālī /
avahananāyolūkhalam /
kl̥pi sampadyamāne caturthī vaktavyā /
mūtrāya kalpate yavāgūḥ /
uccārāya kalpate yavāgūḥ /
kl̥pi ityartha-nirdeśaḥ /
mūtrāya sampadyate yavāgūḥ /
mūtrāya jāyate yavagūḥ /
utpātena jñāpyamāne caturthī vaktavyā /
vātāya kapilā vidyudātapāyātilohinī /
pītā varṣāya vijñeyā durbhikṣāya sitā bhavet //
hitayoge caturthī vaktavyā /
gobhyo hitam /
arocakine hitam //


____________________________________________________________________


kriya-artha-upapadasya ca karmaṇi sthāninaḥ || PS_2,3.14 ||


_____START JKv_2,3.14:

kriyārthā kriyā upapadaṃ yasya so 'yaṃ kriyārthopapāḥ /
tumun-ṇvulau kriyāyāṃ kriyārthāyām (*3,3.10) ity eṣa viṣayo lakṣyate /
kriyārthopapadasya ca sthānino 'prayujyamānasya dhātoḥ karmaṇi kārake caturthī vibhaktir bhavati /
dvitīya-apavādo yogaḥ /
edhebhyo vrajati /
puṣpebhyo vrajati kriyārthopapadasya iti kim ? praviśa piṇḍīm /
praviśa tarpanam /
bhakṣir atra sthānī, na tu kriyārthopapadaḥ /
karmaṇi iti kim ? edhebhyo vrajati śakaṭena /
sthāninaḥ iti kim ? edhānāhartuṃ vrajati //


____________________________________________________________________


tumarthāc ca bhāva-vacanāt || PS_2,3.15 ||


_____START JKv_2,3.15:

tumunā samānārthas tumarthaḥ /
tumartha-bhāvavacana-pratyayāntāt prātipadikāc caturthī vibhaktir bhavati /
bhāvavacanāś ca (*3,3.11) iti vakṣyati, tasya+idaṃ grahanam /
pākāya vrajati /
tyāgāya vrajati /
bhūtaye vrajati /
saṃpattaye vrajati /
tumarthāt iti kim ? pākaḥ /
tyāgaḥ /
rāgaḥ /
bhāvavacanāt iti kim ? kārako vrajati //


____________________________________________________________________


[#136]

namaḥ-svasti-svāhā-svadhā 'laṃ-vaṣaḍ-yogāc ca || PS_2,3.16 ||


_____START JKv_2,3.16:

namaḥ svasti svāhā svadhā alam vaṣaṭ ity etair yoge caturthī vibhaktir bhvati /
namo devebhyaḥ /
svasti prajābhyaḥ /
svāhā agnaye /
svadhā pitr̥bhyaḥ /
alaṃ mallo mallāya /
alam iti paryāptyartha-grahaṇam /
prabhurmallo mallāya /
śakto mallo mallāy /
vaśaḍagnaye /
vaṣaḍindrāya /
cakāraḥ punarasya+eva samucaya-arthaḥ /
tena āśīrvivakṣāyām api ṣaṣṭhīṃ vādhitvā caturthy eva bhavati /
svasti gobhyo bhūyāt /
svasti brāhmaṇebhyaḥ //


____________________________________________________________________


manya-karmaṇy-anādare vibhāṣā 'prāṇiṣu || PS_2,3.17 ||


_____START JKv_2,3.17:

manyateḥ karmaṇi manyakarmaṇi /
manyakarmaṇi prāṇivarjite vibhāṣā caturthī vibhaktir bhavati anādare gamyamāne /
anādarastiraskāraḥ /
na tvā tr̥ṇaṃ manye, na tvā tr̥ṇāya manye /
na tvā busaṃ manye, na tvā busāya manye /
manyati-grahaṇaṃ kim ? na tvā tr̥ṇaṃ cintayāmi /
vikaraṇa-nirdeśaḥ kim arthaḥ ? na tvā tr̥ṇaṃ manve /
anādare iti kim ? aśmānaṃ dr̥ṣadaṃ manye manye kaṣṭhamulūkhalam /
andhāyāstaṃ sutaṃ manye yasya mātā na paśyati //
aprāniṣu iti kim ? na tvā śr̥gālaṃ manye /
yad etad aprāṇiṣviti tad anāvādiṣviti vaktavyam /
vyavasthita-vibhāṣā ca jñeyā /
na tvā nāvaṃ manye yāvad uttīrṇaṃ na nāvyam /
na tvā 'nnaṃ manye yāvan na bhuktaṃ śrāddham /
prāṇiṣu tūbhayam /
na tvā kākaṃ manye /
na tvā śr̥gālaṃ manye /
iha caturthī dvitīyā ca bhavataḥ - na tvā śvānaṃ manye, na tvā śune manye /
yuṣmadaḥ kasmān na bhavati caturthī, etad api hi manyateḥ karma ? vyavasthita-vibhāṣā-vijñānād eva na bhavati //


____________________________________________________________________


[#137]

kartr̥-karaṇayos tr̥tīyā || PS_2,3.18 ||


_____START JKv_2,3.18:
kartari karaṇe ca kārake tr̥tīyā vibhaktir bhavati /
devadattena kr̥tam /
yajñadattena bhuktam /
karaṇe - dātreṇa lunāti /
paraśunā chinatti /
tr̥tīyā-vidhāne prakr̥tyādīnām upasaṅkhyānam /
prakr̥tyā 'bhirūpaḥ /
prakr̥tyā darśanīyaḥ /
prāyeṇa yājñikaḥ /
prāyeṇa vaiyākaraṇaḥ /
gārgyo 'smi gotreṇa /
samena dhāvati /
viṣameṇa dhāvati /
dvidroṇena dhānyaṃ krīṇāti /
pañcakena paśūn krīṇāti /
sāhasreṇa aśvān krīṇāti //


____________________________________________________________________


sahayukte 'pradhāne || PS_2,3.19 ||


_____START JKv_2,3.19:

saha-arthena yukte apradhāne tr̥tīyā vibhaktir bhavati /
putreṇa sahāgataḥ pitā /
putreṇa saha gomān /
pitur atra kriyādi-sambandhaḥ śabdena+ucyate, putrasya tu pratīyamāna iti tasyāprādhānyam /
sahārthena ca yoge tr̥tīyā-vidhānāt paryāya-prayoge 'pi bhavati, putreṇa sārdham iti /
vinā 'pi saha-śabdena bhavati, vr̥ddho yūnā (*1,2.65) iti nidarśanāt /
apradhāne iti kim ? śiṣyeṇa sahopādyāyasya gauḥ //


____________________________________________________________________


yena aṅga-vikāraḥ || PS_2,3.20 ||


_____START JKv_2,3.20:

aṅga-śabdo 'tra aṅga-samudāye śarīre vartate, yena iti ca tadavayavo hetutvena nirdiśyate /
yena aṅgena vikr̥tena aṅgino vikāro lakṣyate, tatas tr̥tīyā vibhaktir bhavati /
akṣṇā kāṇaḥ /
pādena khañjaḥ /
pāṇinā kunṭhaḥ /
avayavadharmeṇa samudayo vyapadiśyate /
aṅgavikāraḥ iti kim ? akṣi kāṇamasya //


____________________________________________________________________


ittham-bhūta-lakṣaṇe || PS_2,3.21 ||


_____START JKv_2,3.21:

kañcit prakāraṃ prāptaḥ itthambhūtaḥ /
tasya lakṣaṇam itthambhūtalakṣaṇam /
tatas tr̥tīyā vibhaktir bhavati /
api bhavān kamaṇḍalunā chātramadrākṣīt ? chātreṇopādhyāyam /
śikhayā parivrājakam /
iha na bhavati, kamaṇḍlupāniśchātraḥ iti, lakṣaṇasya samāse 'ntarbhūtatvāt /
itthambhūtaḥ iti kim ? vr̥kṣaṃ prati vidyotanam //


____________________________________________________________________


[#138]

sañjño 'nyatarasyāṃ karmaṇi || PS_2,3.22 ||

_____START JKv_2,3.22:

sampūrvasya jānāteḥ karmaṇi karake dvitīyāyāṃ prāptāyām anyatarasyāṃ tr̥tīyāvibhaktir bhavati /
pitrā sañjānīte, pitaraṃ sañjānīte /
mātrā sañjānīte, mātaraṃ sañjānīte //


____________________________________________________________________


hetau || PS_2,3.23 ||


_____START JKv_2,3.23:

phalasādhanayogyaḥ padārtho loke hetur ucyate /
tadvācinas tr̥tīyā vibhaktir bhavati /
dhanena kulam /
kanyayā śokaḥ /
vidyayā yaśaḥ //


____________________________________________________________________


akartary-r̥ṇe pañcamī || PS_2,3.24 ||


_____START JKv_2,3.24:

hetau iti vartate /
kartr̥-varjitaṃ yadr̥ṇaṃ hetuḥ, tataḥ pañcamī vibhaktir bhavati tr̥tīyā+apavādo yogaḥ /
śatād baddhaḥ /
sahasrād baddhaḥ /
akartari iti kim ? śatena bandhitaḥ /
śatamr̥ṇaṃ ca bhavati, prayojakatvāc ca kartr̥sañjñakam //


____________________________________________________________________


vibhāṣā guṇe 'strīyām || PS_2,3.25 ||


_____START JKv_2,3.25:

hetau iti vartate /
guṇe hetāv astrīliṅge vibhāṣā pañcamī vibhaktir bhavati /
jāḍyād baddhaḥ, jāḍyena baddhaḥ /
pāṇḍityān muktaḥ, pāṇḍityena muktaḥ /
guṇa-grahanaṃ kim ? dhanena kulam /
astriyām iti kim ? buddhyā muktaḥ /
prajñayā muktaḥ //


____________________________________________________________________


ṣaṣṭhī hetu-prayoge || PS_2,3.26 ||


_____START JKv_2,3.26:

hetoḥ prayogaḥ hetuprayogaḥ /
hetu-śabdasya prayoge hetau dyotye ṣaṣṭhī vibhaktir bhavati /
annasya hetor vasati //


____________________________________________________________________


sarvanāmnas tr̥tīyā ca || PS_2,3.27 ||


_____START JKv_2,3.27:

sarvanāmno hetu-śabda-prayoge hetau dyotye tr̥tīyā vibhaktir bhavati, ṣaṣṭhī ca /
pūrveṇa ṣaṣṭhyām eva prāptāyām idam ucyate /
kena hetunā vasati, kasya hetor vasati /
yena hetunā vasati, yasya hetor vasati /
nimittakāraṇa-hetuṣu sarvāsāṃ prāyadarśanam /

[#139]

kiṃnimittaṃ vasati, kena nimittena vasati, kasmai nimittāya vasati, kasmān nimittād vasati, kasya nimittasya vasati, kasmin nimitte vasati /
evaṃ kāraṇahetvor apy udahāryam /
artha-grahanaṃ ca+etat /
paryāyopādānaṃ tu svarūpa-vidhirmā vijñāyi iti /
tena+iha api bhavati - kiṃ prpayojanaṃ vasati, kena prayojanena vasati, kasmai prayojanāya vasati, kasmāt prayojanād vasati, kasya prayojanasya vasati, kasmin prayojane vasati //


____________________________________________________________________


apādāne pañcamī || PS_2,3.28 ||


_____START JKv_2,3.28:

apādāne kārake pañcamī vibhaktir bhavati /
grāmād āgacchati /
parvatād avarohati /
vr̥kebhyo bibheti /
adhyayanāt parājayate /
pañcamī-vidhāne lyab-lope karmaṇyupasaṅkhyānam /
prāsādam āruhya prekṣate, prāsādāt prekṣate /
adhikaraṇe ca+upasaṅkhyānam /
āsane upaviṣya prekṣate, āsanāt prekṣate /
śayanāt prekṣate /
praṣnākhyānayoṣ ca pañcamī vaktavyā /
kuto bhavān ? pāṭaliputrāt /
yataṣcādhvakālanirmāṇam tatra pañcamī vaktavyā /
gavīdhumataḥ sāṅkāśyaṃ catvāri yojanāani /
kārtikyā āgrahāyaṇī māse /
tadyuktāt kāle saptamī vaktavyā /
kārtikyā āgrahāyaṇī māse /
adhvanaḥ prathamā saptamī ca vaktavyā /
gavīdhumataḥ sāṅkāśyaṃ catvāri yojanāni, caturṣu yojaneṣu vā //


____________________________________________________________________


anya-ārād-itara-rte-dik-śabda-añcu-uttarapada-aj-āhi-yukte || PS_2,3.29 ||


_____START JKv_2,3.29:

anya ārāt itara r̥te dik-śabda añcu-uttarapada āc āhi ity etair yoge pañcamī vibhaktir bhavati /
anya ity artha-grahanam /
tena paryāya-prayoge 'pi bhavati /
anyodevadattāt /
bhinno devadattāt /
artha-antaraṃ devadattāt /

[#140]

vilakṣaṇe devadattāt /
ārāc-chabdo dūrāntika-arthe vartate /
tatra dūrāntikārthaiḥ ṣaṣthy-anyatarasyām (*2,3.34) /
iti prāpte pañcamī vidhīyate /
ārād devadattāt /
ārād yajñadattāt /
itara iti nirdiśyamāna-pratiyogī padārtha ucyate /
itaro devadattāt /
r̥te iti avyayaṃ varjana-arthe /
r̥te devadattāt /
r̥te yajñadattāt /
dik-śabdaḥ -- pūrvo grāmāt parvataḥ /
uttaro grāmāt /
pūrvo grīṣmāt vasantaḥ /
uttaro grīṣmo vasantāt /
dvik-śabda ity atra śabda-grahanaṃ deśakālavr̥ttinā 'pi dik-śabdena yoge yathā syāt, itarathā hi dig-vr̥ttinaiva syāt, ityamasyāḥ pūrvā iti /
iha tu na syāt, ayam asmāt pūrvaḥ kālaḥ iti /
añcu-uttarapada -- prāg grāmāt /
pratyag grāmāt /
nanu cāyam api dik-śabda eva /
ṣaṣṭhy-atasartha-prayayena (*2,3.30) iti vakṣyati, tasya ayaṃ purastādapakarṣaḥ /
āc -- dakṣiṇā grāmāt /
uttarā grāmāt /
āhi - dakṣiṇāhi grāmāt /
uttarāhi grāmāt //


____________________________________________________________________


ṣaṣṭhy-atasartha-pratyayena || PS_2,3.30 ||


_____START JKv_2,3.30:

dakṣiṇa-uttarābhyām atasuc (*5,3.28) iti vakṣyati, tasya+idaṃ grahanam /
atas-arthena pratyayena yukte ṣaṣṭhī vibhaktir bhavati /
dakṣiṇato grāmasya /
uttarato grāmasya /
purastād grāmasya /
upari grāmasya /
upariṣṭād grāmasya //


____________________________________________________________________


enapā dvitīyā || PS_2,3.31 ||


_____START JKv_2,3.31:

enab-anyatarasyām adūre 'pañcamyāḥ (*5,3.35) iti vakṣyati /
tena yukte dvitīyā vibhaktir bhavati /
pūrveṇa ṣaṣṭhyāṃ prāptāyām idaṃ vacanam /
dakṣiṇena grāmam /
uttareṇa grāmam /
ṣaṣṭhyāpīṣyate /
dakṣiṇena grāmasya /
uttareṇa grāmasya /
tadarthaṃ yogavibhāgaḥ kartavyaḥ //


____________________________________________________________________


pr̥thag-vinā-nānābhis tr̥tīyā 'nyatarasyām || PS_2,3.32 ||


_____START JKv_2,3.32:

pañcamī-grahaṇam anuvartate /
pr̥thak vinā nānā ity etair yoge tr̥tīyā vibhaktir bhavati, anyatarasyāṃ pañcamī ca /
pr̥thag devadattena, pr̥thag devadattāt /
vinā devadattena, vinā devadattāt /
nānā devadattena, nānā devadattāt /
pr̥thag-vinā-nānābhiḥ iti yoga-vibhāgo dvitīyā-arthaḥ /
vinā vātaṃ vinā varṣaṃ vidyut-prapatanaṃ vinā /
vinā hastikr̥tān doṣān kenemau pātitau drumau //


____________________________________________________________________


[#141]

kareṇa ca stoka-alpa-kr̥cchra-katipayasya asattva-vacanasya || PS_2,3.33 ||


_____START JKv_2,3.33:

stoka alpa kr̥cchra katipaya ity etebhyo 'sattva-vacanebhyaḥ karaṇe kārake 'nyatarasyāṃ tr̥tīyā bhavati /
pañcamy atra pakṣe vidhīyate, tr̥tīyā tu karaṇe ity eva siddhā /
yadā tu dharma-mātraṃ karaṇāyā vivakṣyate na dravyam, tadā stoka-ādīnām asattva-vacanatā /
stokān muktaḥ, stokena muktaḥ /
alpān muktaḥ, alpena muktaḥ /
kr̥chrān muktaḥ, kr̥cchreṇa muktaḥ /
katipayān muktaḥ, katipayena muktaḥ /
asattva-vacanasya iti kim ? stokena viṣeṇa hataḥ /
alpena madhunā mattaḥ /
karaṇe iti kim ? kriyāviśeṣaṇe karmaṇi mā bhūt, stokaṃ muñcati //


____________________________________________________________________


dūra-antika-arthaiḥ ṣaṣṭhy-anyatarasyām || PS_2,3.34 ||


_____START JKv_2,3.34:

pañcamī anuvartate /
dūra-antika-arthaiḥ śabdair yoge ṣaṣthī vibhaktir bhavati, anyatarasyāṃ pañcamī ca /
dūraṃ grāmasya, dūraṃ grāmāt /
viprakr̥ṣṭaṃ grāmasya, viprakr̥ṣṭaṃ grāmāt /
antikaṃ grāmasya, antikaṃ grāmāt /
abhyāśaṃ grāmasya, abhyāśaṃ grāmāt /
anyatarasyām grahaṇaṃ pañcamy-artham /
itarathā hi tr̥tīyā pakṣe syāt //


____________________________________________________________________


dūra-antika-arthebhyo dvitīyā ca || PS_2,3.35 ||


_____START JKv_2,3.35:

pañcamī anuvartate /
dūra-antika-arthebhyaḥ śabdebhyo dvitīyā vibhaktir bhavati, cakārāt pañcamī tr̥tīyā 'pi samucchīyate /
dūraṃ grāmasya, dūrād grāmasya, dūreṇ grāmasya /
antikaṃ grāmasya, antikād grāmasya, antikena grāmasya /
prātipadikārthe vidhānam /
asattvavacana-grahaṇaṃ ca anuvartate /
sattva-śabdebhyo yathāyathaṃ vibhaktayo bhavanti /
dūraḥ panthāḥ, dūrāya pathe dehi, dūrasya pathaḥ svam //


____________________________________________________________________


saptamy-adhikarane ca || PS_2,3.36 ||


_____START JKv_2,3.36:

saptamī vibhaktir bhavaty adhikaraṇe kārake, cakārād dūra-antika-arthebhyaś ca /
kaṭe āste /
śakaṭe āste /
sthālyāṃ pacati /
dūra-antika-arthebhyaḥ khalv api - dūre grāmasya /
antike grāmasya /
abhyāśe grāmasya /
dūranti - kārthebhyaścatasro vibhaktayo bhavanti, dvitīyā-tr̥tīyā-pañcamī-saptamyaḥ /
saptamī-vidhāne ktasyenviṣayasya karmaṇy-upasaṅkhyānam /
adhītī vyākaraṇe /
parigaṇitī yājñike /
āmnātī chandasi /

[#142]

sādhvasādhuprayoge ca saptamī vaktavyā /
sādhurdevadatto mātari /
asādhuḥ pitari /
kārakārhāṇāṃ ca kārakatve saptamī vaktavyā /
r̥ddheṣu bhuñjāneṣu daridrā āsate /
brāhmaṇeṣu taratsu vr̥ṣalā āsate /
akārakārhāṇāṃ cākarakatve saptamī vaktavyā /
daridreṣvāsīneṣu r̥ddhā bhuñjate /
vr̥ṣaleṣvāsīneṣu brāhmaṇās taranti /
taddhiparyāse ca saptamī vaktavyā /
r̥ddheṣvāsīneṣu daridrā bhuñjate /
brāhmaṇeṣv āsīneṣu vr̥ṣalās tarānti /
nimittāt karmasaṃyoge saptamī vaktavyā /
carmaṇi dvīpinaṃ hanti dantayor hanti kuñjaram /
keśeṣu camarīṃ hanti sīmni puṣkalako hataḥ //


____________________________________________________________________


yasya ca bhāvena bhāva-lakṣaṇam || PS_2,3.37 ||


_____START JKv_2,3.37:

saptamī iti vartate /
bhāvaḥ kriyā /
yasya ca bhāvena yasya ca kriyayā kriyāntaraṃ lakṣyate, tato bhāvavataḥ saptamī vibhaktir bhavati /
prasiddhā ca kiyā kriyāntaraṃ lakṣayati /
goṣu duhyamānāsu gataḥ, dugdhāsv āgataḥ /
agniṣu hūyamāneṣu gataḥ, huteṣv āgataḥ /
bhāvena iti kim ? yo jaṭābhiḥ sa bhuṅkte /
punar bhāva-grahaṇaṃ kim ? yo bhuṅkte sa devadattaḥ //


____________________________________________________________________


ṣaṣṭhī ca anādare || PS_2,3.38 ||


_____START JKv_2,3.38:

pūrveṇa saptamyāṃ prāptāyāṃ ṣaṣṭhī vidhīyate, cakārāt sā 'pi bhavati /
anādara-adhike bhāva-lakṣane bhāvavataḥ ṣaṣṭhī-saptamyau vibhaktī bhavataḥ /
rudataḥ prāvrājīt, rudati prāvrājīt krośataḥ prāvrājīt, krośati prāvrājīt /
krośantamanādr̥tya pravrajitaḥ ity arthaḥ //


____________________________________________________________________


[#143]

svāmi-īśvar-ādhipati-dāyāda-sākṣi-pratibhū-prasutaiś ca || PS_2,3.39 ||


_____START JKv_2,3.39:

ṣaṣṭhī-saptamyau vartate /
svāmin īśvara adhipati dāyāda sākṣin pratibhū prasūta ity etair yoge ṣaṣṭhī-saptamyau vibhaktī bhavataḥ /
gavāṃ svāmī, goṣu svāmī /
gavāmīśvaraḥ, goṣvīśvaraḥ /
gavāmadhipatiḥ, goṣvadhipatiḥ /
gavāṃ dāyādaḥ, goṣu dāyādaḥ /
gavāṃ sākṣī, goṣū sākṣī /
gavāṃ pratibhūḥ, goṣu pratibhūtaḥ /
gavāṃ prasūtaḥ, goṣu prasūtaḥ /
ṣaṣṭhyām eva prāptayāṃ pakṣe saptamīvidhāna-arthaṃ vacanam //


____________________________________________________________________


āyukta-kuśalābhyāṃ ca āsevāyām || PS_2,3.40 ||


_____START JKv_2,3.40:

ṣaṣṭhī-saptamyau vartate /
āyukataḥ vyāpāritaḥ, kuśalaḥ nipuṇaḥ, tābhyāṃ yoge āsevāyāṃ gamyamānāyāṃ ṣaṣṭhī-saptamyau vibhaktī bhavataḥ /
āsevā tatparyam /
āyuktaḥ kaṭakaraṇasya, āyuktaḥ kaṭakaraṇe kuśalaḥ kaṭakaranasya, kuślaḥ kaṭakaraṇe /
āsevāyām iti kim ? āyukto gauḥ śakaṭe /
tatra saptamy eva adhikaraṇe bhavati //


____________________________________________________________________


yataś ca nirdhāranam || PS_2,3.41 ||


_____START JKv_2,3.41:

ṣaṣṭhī-saptamyau vartate /
jāti-guṇa-kriyābhiḥ samudāyād ekadeśasya pr̥thak karanaṃ nirdhāranam /
yato nirdhāranaṃ tataḥ ṣaṣṭhī saptamyau vibhaktī bhavataḥ /
manuṣyāṇām kṣatriyaḥ śūratamaḥ, manuṣyeṣu kṣatriyaḥ śūratamaḥ /
gavaṃ kr̥ṣṇā sampanna-kṣīratamā, goṣu kr̥ṣṇā sampanna-kṣīratamā adhvagānāṃ dhavantaḥ śīghratamā, adhvageṣu dhāvantaḥ śīghratamāḥ //


____________________________________________________________________


pañcamī vibhakte || PS_2,3.42 ||


_____START JKv_2,3.42:

yataś ca nirdharanam iti vartate /
ṣaṣṭhī-saptamy-apavādo yogaḥ /
vibhāgaḥ vibhaktam /
yasmin nirdhāraṇa-āśraye vibhaktam asya asti tataḥ pajcamī vibhaktir bhavati /
māthurāḥ pāṭaliputrakebhyaḥ sukumāratarāḥ, āḍhyatarāḥ //


____________________________________________________________________

sādhu-nipuṇābhyām arcāyāṃ saptamy aprateḥ || PS_2,3.43 ||


_____START JKv_2,3.43:

sādhu nipuṇa ity etābhyām yoge 'rcāyāṃ gamyamānāyāṃ saptamī vibhaktir bhavati, na cet pratiḥ prayujyate /
mātari sādhuḥ /
pitari sādhuḥ /
mātari nipuṇaḥ /
pitari nipuṇaḥ /
arcāyām iti kim ? sādhurbhr̥tyo rājñaḥ /
tattvak-athane na bhavati /
aprateḥ iti kim ? sādhur devadatto mātaraṃ prati /
apratyādibhir iti vaktavyam /

[#144]

sādhurdevadatto mātaram pari /
mātaramanu //


____________________________________________________________________


prasita-utsukābhyāṃ tr̥tīyā ca || PS_2,3.44 ||


_____START JKv_2,3.44:

prasita utsuka ity etābhyāṃ yoge tr̥tīyā vibhaktir bhavati, cakārāt saptamī ca /
prasitaḥ prasaktaḥ, yas tatra nityam eva avabaddhaḥ sa prasita-śabdena+ucyate /
keśaiḥ prasitaḥ keśeṣu prasitaḥ /
keśair utsukaḥ, keśeṣu utsukaḥ //


____________________________________________________________________


nakṣatre ca lupi || PS_2,3.45 ||


_____START JKv_2,3.45:

tr̥tīyā-saptamyāv anuvartate /
lub-antāt nakṣatra-śabdāt tr̥tīyā-saptamyau vibhaktī bhvataḥ /
puṣyeṇa pāyasamaśnīyāt, puṣye pāyasamaśnīyāt /
maghābhiḥ palalaudanam, maghasu palalaudanam /
nakṣatra iti kim ? pañcāleṣu vasati /
lupi iti kim ? maghāsu grahaḥ /
iha kasmān na bhavati, adya pusyaḥ, adya kr̥ttikā ? adhikaraṇe iti vartate /
vacanaṃ tu pakṣe tr̥tīyāvidhāna-artham //


____________________________________________________________________


prātipadikārtha-liṅga-parimāṇavacana-mātre prathamā || PS_2,3.46 ||


_____START JKv_2,3.46:

prātipadikārthaḥ sattā /
liṅgaṃ strīliṅga-puṃliṅga-napuṃsakāni /
parimaṇaṃ droṇaḥ, khārī, āḍhakam /
vacanam ekatva-dvitva-bahutvāni /
mātra-śabdaḥ pratyekam abhisambadhyate /
prātipadikārtha-mātre, liṅga-mātre, primāṇa-mātre, vacana-mātre prathamā vibhaktir bhavati /
prātipadikārtha-mātre -- uccaiḥ /
nīcaiḥ /
liṅga-grahaṇaṃ kim ? kumārī, vr̥kṣaḥ, kuṇḍam ity atra api yathā syat /
parimāṇa-grahaṇaṃ kim ? droṇaḥ, khārī, āḍhakam ity atra api yathā syāt /
vacana-grahanaṃ kim ? ekatva-ādiṣu ukteṣv api yathā syāt /
ekaḥ, dvau, bahavaḥ /
prātipadika-grahanaṃ kim ? nipātasya anarthakasya prātipadikatvam uktaṃ, tato 'pi yathā syāt /
pralambate /
adhyāgacchati //

____________________________________________________________________


sambodhane ca || PS_2,3.47 ||


_____START JKv_2,3.47:

ābhimukhya-karaṇaṃ, tad-adhike prātipadika-arthe prathamā na prāpnoti iti vacanam ārabhyate /
sambodhane ca prathamā vibhaktir bhavati /
he devadatta /
he devadattau /
he devadattāḥ //


____________________________________________________________________


sā+āmantritam || PS_2,3.48 ||


_____START JKv_2,3.48:

sambodhane yā prathamā tad-antaṃ śabda-rūpam āmantritasañjñaṃ bhavati /
tathā ca+eva+udāhr̥tam /
āmantrita-pradeśāḥ -- āmantritaṃ pūrvam avidyamānavat (*8,1.72) ity evam ādayaḥ //


____________________________________________________________________


[#145]

ekavacanaṃ sambuddhiḥ || PS_2,3.49 ||


_____START JKv_2,3.49:
āmantrita-prathamāyā yad ekavānaṃ, tat sambuddhi-sañjñaṃ bhavati /
he paṭo /
he devadatta /
sambuddhi-pradeśāḥ - eṅ-hrasvāt sambuddheḥ (*6,1.69) ity evam ādayaḥ //


____________________________________________________________________


ṣaṣṭhī śeṣe || PS_2,3.50 ||


_____START JKv_2,3.50:

karma-ādibhyo 'nyaḥ prātipadikārtha-vyatirekaḥ svasvāmi-sambhandha-ādiḥ śeṣaḥ, tatra ṣaṣṭhī vibhaktir bhavati /
rajñaḥ puruṣaḥ /
paśoḥ pādaḥ /
pituḥ putraḥ //


____________________________________________________________________


jño 'vid-arthasya karaṇe || PS_2,3.51 ||


_____START JKv_2,3.51:

jānāter avidarthasya ajñāna-arthasya karaṇe kārake ṣaṣṭhī vibhaktir bhavati /
sarṣiṣo jānīte /
madhuno jānīte /
sarpiṣā karaṇena pravartate ity arthaḥ /
pravr̥tti-vacano jānatir avidḥ-arthaḥ /
atha va mithyājñāna-vacanaḥ /
sarpiṣi raktaḥ pratihato vā /
cittabhrāntyā tadātmanā sarvam eva grāhyaṃ pratipadyate /
mithyājñānam ajñānam eva /
avid-arthasya iti kim ? svareṇa putraṃ jānāti //

____________________________________________________________________


adhi-ig-artha-daya-īśām karmaṇi || PS_2,3.52 ||


_____START JKv_2,3.52:

śeṣe iti vartate /
adhi-ig-arthāḥ smarana-arthāḥ, daya dānagatirakṣaneṣu, īśa eśvarye, eteṣaṃ karmaṇi kārake śeṣatvena vivakṣite ṣaṣṭhī vibhaktir bhavati /
mātur adhyeti /
mātuḥ samarati /
sarpiṣo dyate /
sarpiṣa īṣṭe /
madhuna īṣṭe /
karmaṇi ity eva, mātur guṇaiḥ smarati /
śeṣe kim ? mātaraṃ smarati //


____________________________________________________________________


kr̥ñaḥ pratiyatne || PS_2,3.53 ||


_____START JKv_2,3.53:

sato guṇāntarādhānaṃ pratiyatnaḥ /
karoteḥ karmaṇi kārake śeṣatvena vivakṣite pratiyatne gamyamāne ṣaṣṭhī vibhaktir bhavati /
edhodakasyopaskurute /
śastrapatrasyopaskurute pratiyatne iti kim ? kaṭaṃ karoti /
karmaṇi iti kim ? edhodakasyopaskurute prajñayā /
śeṣe ity eva, edhodakamupaskurute //


____________________________________________________________________

[#146]

rujā-arthānāṃ bhāva-vacanānām ajvareḥ || PS_2,3.54 ||


_____START JKv_2,3.54:

rujārthānāṃ dhātūnāṃ bhāva-vacanānāṃ bhāva-kartr̥kāṇāṃ jvari-varjitānāṃ karmaṇi kārake śeṣatvena vivakṣite ṣaṣṭhī vibhaktir bhavati /
caurasya rujati rogaḥ /
caurasyāmayatyāmayaḥ /
rujārthānām iti kim ? eti jīvantamānando naraṃ varṣaśatād api /
jīva putraka mā maivaṃ tapaḥ sāhasamācara //
bhāvavacanānām iti kim ? nadī kūlāni rujati /
ajvareḥ iti kim ? cauraṃ jvarayati jvaraḥ /
ajvarisantāpyor iti vaktavyaṃ /
cauraṃ santāpayati tāpaḥ /
śeṣe ity eva, cauraṃ rujati rogaḥ //


____________________________________________________________________


āśiṣi nāthaḥ || PS_2,3.55 ||


_____START JKv_2,3.55:

nāthr̥ nādhr̥ yācñopatāpaiśvaryāśīḥṣu pathyate, tasyāśīḥkriyasya karmaṇi kārake śeṣatvena vivakṣite ṣaṣṭhī vibhaktir bhavati /
sarpiṣo nāthate /
madhuno nāthate /
āśiṣi iti kim ? mānavakam upanāthati aṅga putrakādhīṣva //


____________________________________________________________________


jāsi-niprahaṇa-nāṭa-krātha-piṣāṃ hiṃsāyām || PS_2,3.56 ||

_____START JKv_2,3.56:

jāsi niprahaṇa nāṭa krātha piṣ ity eteṣāṃ dhātūnāṃ hiṃsā-kriyāṇāṃ karmaṇi kārake ṣaṣṭhī vibhaktir bhavati /
jasu hiṃsāyām, jasu tāḍane iti ca curādau paṭhyate, tasya+idaṃ grahaṇaṃ, na daivādikasya jasu mokṣaṇe ity asya /
caurasya+ujjāsayati /
vr̥ṣalasya+ujjāsayati /
niprahaṇa iti sagghātavigr̥hītaviparyastasya grahaṇam /
caurasya niprahati /
caurasya nihanti /
caurasya prahanti /
caurasya praṇihanti /
caurasya+unnāṭayati /
vr̥ṣalasya+unnāṭayati /
caurasya+utkrāthāyati /
vr̥ṣalasya krāthayati /
nipātanād vr̥ddhiḥ /
ayaṃ hi ghaṭādau paṭhyate, śratha knatha kratha klatha hiṃsa-arthāḥ iti /
tatra ghaṭādayo mitaḥ iti mitsañjñāyāṃ mitāṃ hrasvaḥ (*6,4.92) iti hrasvatvaṃ syāt /
caurasya pitaṣṭi /
vr̥ṣalasya pinaṣṭi /
hiṃsāyām iti kim ? dhānāḥ pinaṣṭi /
śeṣe ity eva, cauram ujjāsayati /
eśām iti kim ? cauraṃ hinasti /
niprahaṇa iti kim ? cauraṃ vihanti //


____________________________________________________________________


[#147]

vyavahr̥-paṇoḥ samarthayoḥ || PS_2,3.57 ||


_____START JKv_2,3.57:

vyavahr̥ paṇa ity etayoḥ samarthayoḥ samānārthayoḥ karmaṇi kārake ṣaṣṭhī vibhaktir bhavati /
dyūte krayavikrayavyavahāre ca samānārthatvamanayoḥ /
śatasya vyavaharati /
sahasrasya vyavaharati /
śatasya paṇate /
sahasrasya paṇate /
āya-pratyayaḥ kasmān na bhavati ? stuty-arthasya panaterāya-pratyaya iṣyate /
samarthayoḥ iti kim ? śalākāṃ vyavaharati /
vikṣipati ityarthaḥ vrāhamaṇān paṇāyate /
stauti ityarthaḥ /
śeṣe ity eva, śataṃ paṇate //


____________________________________________________________________


divas tad-arthasya || PS_2,3.58 ||


_____START JKv_2,3.58:

vyavahr̥paṇisamāna-arthasya dīvyateḥ karmaṇi ṣaṣṭhī vibhaktir bhavati /
śatasya dīvyati /
sahasrasya dīvyati /
tadarthasya iti kim ? brāhmanaṃ dīvyati /
yoga-vibhāga uttara-arthaḥ //


____________________________________________________________________


vibhāṣa-upasarge || PS_2,3.59 ||


_____START JKv_2,3.59:

divas tadarthasya (*2,3.58) iti nityaṃ ṣaṣṭhyāṃ prāptāyāṃ sopasargasya vikalpa ucyate /
upasarge sati divas tadarthasya karmaṇi kārake vibhāṣā ṣaṣṭhī vibhaktir bhavati /
śatasya pratidīvyati /
sahasrasya pratidīvyati /
śataṃ pratidīvyati /
sahasraṃ pratidīvyati /
upasarge iti kim ? śatasya dīvyati /
tadarthasya ity eva śalākāṃ pratidīvyati //


____________________________________________________________________


dvitīyā brāhmaṇe || PS_2,3.60 ||


_____START JKv_2,3.60:

brāhmaṇaviṣaye prayoge divas tadarthasya karmaṇi kārake dvitīyā vibhaktir bhavati /
gāmasya tadahaḥ sabhāyāṃ, dīvyeyuḥ /
anupasargasya ṣaṣṭhyāṃ prāptāyām idaṃ vacanam /
sopasargasya tu chandasi vyavasthita-vibhāśāyā 'pi sidhyati //


____________________________________________________________________


preṣya-bruvor haviṣo devatā-sampradāne || PS_2,3.61 ||


_____START JKv_2,3.61:

preṣya iti iṣyater daivādikasya loṇ-madhyamapuruṣasya+ekavacanam, tatsāhacaryād bruvir api tadviṣaya eva gr̥hyate /
preṣyabruvorhaviṣaḥ karmaṇaḥ ṣaṣthī vibhaktir bhavati devatāsampradāne sati /
agnaye chāgasya haviṣo vapāyā medasaḥ pre3ṣya /
agnaye chāgasya haviṣo vapāyai medaso 'nubrūhi3 /
preṣyabruvoḥ iti kim ? agnaye chāgaṃ havirvapāṃ medo juhudhi /
haviṣaḥ iti kim ? agnaye gomayāni preṣya /
devatāsampradāne iti kim ? māṇavakāya puroḍāśaṃ preṣya /
haviṣaḥ prasthitasya pratiṣedho vaktavyaḥ /
indrāgnibhyāṃ chāgaṃ havirvapāṃ medaḥ prasthitaṃ preṣya3 //

____________________________________________________________________


[#148]

caturthy-arthe bahulaṃ chandasi || PS_2,3.62 ||


_____START JKv_2,3.62:

chandasi viṣaye caturthy-arthe ṣaṣthī vibhaktir bhavati bahulam /
puruṣamr̥gaścandramasaḥ /
puruṣamr̥gaścandramase /
godhā kālakā dārvāghāṭaste vanaspatīnām /
te vanaspatibhyaḥ /
bahula-grahaṇaṃ kim ? kr̥ṣṇo rātryai /
himavate hastī /
ṣaṣṭhyarthe caturthī vaktavyā /
yā kharveṇa pivati tasyai kharvo jāyate /
yā dato dhāvate tasyai śyāvadan /
yā nakhāni nikr̥ntate tasyai kunakhī /
yā 'ṅkte tasyai kāṇaḥ /
yā 'bhyaṅkte tasyai duścarmā /
yā keśān pralikhate tasyai khalatiḥ /
ahalyāyai jāraḥ //


____________________________________________________________________


yajeś ca karaṇe || PS_2,3.63 ||


_____START JKv_2,3.63:

yajer dhātoḥ karaṇe kārake chandasi bahulaṃ ṣaṣthī vibhaktir bhavati /
ghr̥tasya yajate, ghr̥tena yajate /
saumyasya yajate, somena yajate //

____________________________________________________________________


kr̥tvo 'rthaprayoge kāle 'dhikaraṇe || PS_2,3.64 ||


_____START JKv_2,3.64:

chandasi bahulam iti nivr̥ttam /
kr̥tvo 'rthānāṃ prayoge kāle 'dhikaraṇe ṣaṣṭhī vibhaktir bhavati /
pañca-kr̥tvo 'hno bhuṅkte /
dvir ahno 'dhīte /
kr̥tvo 'rtha-grahaṇaṃ kim ? āhni śete /
rātrau śete /
prayoga-grahaṇaṃ kim ? ahani bhuktam /
gamyate hi dvis traś catur veti, na tv aprayujyamāne bhavati /
kāla-grahaṇam kim ? dviḥ kāṃsyapātryāṃ bhuṅkte /
adhikaraṇe iti kim ? dvir ahno bhuṅkte /
śeṣe ity eva, dvir ahany adhīte //


____________________________________________________________________


kartr̥-karmaṇoḥ kr̥ti || PS_2,3.65 ||


_____START JKv_2,3.65:

kr̥t-prayoge kartari karmaṇi ca ṣaṣṭhī vibhaktir bhavati /
bhavataḥ śāyikā /
bhavata āsikā /
karmaṇiapāṃ sraṣṭā /
purāṃ bhettā /
vajrasya bhartā /
kartr̥-karmaṇoḥ iti kim ? śastreṇa bhettā /
kr̥ti iti kim ? taddhita-prayoge mā bhūt, kr̥tapūrvī kaṭam /
bhuktapūrvyodanam /
śeṣe iti nivr̥ttam, punaḥ karma-grahaṇāt /
itarathā hi kartari ca kr̥ti ity evaṃ brūyāt //


____________________________________________________________________


[#149]

ubhaya-prāptau karmaṇi || PS_2,3.66 ||


_____START JKv_2,3.66:

pūrvaṇa ṣaṣṭhī prāptā niyamyate /
ubhayaprāptau iti bahuvrīhiḥ /
ubhayoḥ prāptir yasmin kr̥ti, so 'yam ubhayaprāptiḥ /
tatra karmaṇy eva ṣaṣthī vibhaktir bhavati, na kartari /
āścaryo gavāṃ doho 'gopālakena /
rocate me odanasya bhojanaṃ devadattena /
sādhu khalu payasaḥ pānaṃ yajñadattena /
bahuvrīhivijñānād iha niyamo na bhavati, āścaryam idam odanasya nāma pāko brāhmaṇānaṃ ca prādurbhāvaḥ iti /
akākārayoḥ strī-pratyayayoḥ prayoge na+iti vaktavyam /
bhedikā devadattasya kāṣṭhānām /
cikirṣā devadattasya kaṭasya /
śeṣe vibhāṣā /
akākārayoḥ strīpratyayayorgrahanāt tadapekṣayā śeṣaḥ strīpratyaya eva gr̥hyate /
śobhanā hi sūtrasya kr̥tiḥ pāṇineḥ pāṇininā vā /
kecid aviśeṣeṇaiva vibhāṣām icchanti, śabdānām anuśāsanam ācāryaṇa ācāryasya iti vā //


____________________________________________________________________


ktasya ca vartamāne || PS_2,3.67 ||


_____START JKv_2,3.67:

na la-u-uka-avyaya. niṣṭhākhalartha-tr̥nām (*2,3.69) iti pratiṣedhe prāpte punaḥ ṣaṣṭhī vidhīyate /
ktasya vartamāna-kāla-vihitasya prayoge ṣaṣṭhī vibhaktir bhavati /
rajñāṃ mataḥ /
rājñāṃ buddhaḥ /
rājñāṃ pūjitaḥ /
ktasya iti kim ? odanaṃ pacamānaḥ /
vartamāne iti kim ? grāmaṃ gataḥ /
napuṃsake bhāva upasaṅkhyānam /
chātrasya hasitam /
mayūrasya nr̥ttam /
kokilasya vyāhr̥tam /
śeṣavijñānāt siddham /
tathā ca kartr̥vivakṣāyāṃ tr̥tīyā 'pi bhavati, chāatreṇa hasitam iti //


____________________________________________________________________


[#150]

adhikaraṇa-vācinaś ca || PS_2,3.68 ||


_____START JKv_2,3.68:

kto 'dhikaraṇe ca dhrauvya-gati-pratyavasāna-arthebhyaḥ (*3,4.76) iti vakṣyati /
tasya prayoge ṣaṣṭhī vibhaktir bhavati /
ayam api pratiṣedha-apavādo yogaḥ /
idam eṣām āsitam /
idam eṣāṃ śayitam /
idam heḥ sr̥ptam /
idaṃ vanakaperyātam /
idam eṣāṃ bhuktam /
idam eṣām aśitam /
dvikarmakāṇāṃ prayoge kartari kr̥ti dvayor api ṣaṣṭhī dvitīyāvat /
netā 'śvasya grāmasya caitraḥ /
anye pradhāne karmaṇyāhuḥ /
tadā, netā 'śvasya grāmaṃ caitraḥ //


____________________________________________________________________


na la-u-uka-avyaya-niṣṭhā-khalartha-tr̥nām || PS_2,3.69 ||


_____START JKv_2,3.69:

kartr̥-karmaṇoḥ kr̥ti (*2,3.65) iti prāptā ṣaṣṭhī pratiṣidhyate /
la u uka avyaya niṣṭhā khalartha tr̥n ity eteṣāṃ prayoge ṣaṣṭhī vibhaktir na bhavati /
la iti śatr̥śānacau, kānac-kvasū, kikinau ca gr̥hyante /
odanaṃ pacan /
odanaṃ pacamānaḥ /
odanaṃ pecānaḥ /
odanaṃ pecivān /
papiḥ somaṃ dadirgāḥ /
u - kaṭaṃ cikīrṣuḥ /
odanaṃ bubhukṣuḥ /
kanyāmalaṅkariṣṇuḥ /
iṣṇuco 'pi prayoge niṣedhaḥ /
uka - āgāmukaṃ vārāṇasīṃ rakṣa ahuḥ /
ukapratiṣedhe kamer bhāṣāyām apratiṣedhaḥ /
dāsyāḥ kāmukaḥ /
avyaya - kaṭaṃ kr̥tvā /
odanaṃ bhuktvā /
avyaya-pratiṣedhe tosuṅkasunorapratiṣedhaḥ /
vyuṣṭāyāṃ purā sūryasyodetoradheyaḥ /
purā krūrasya visr̥po virapśin /
niṣṭhā - odanaṃ buktavān /
devadattena kr̥tam /
khalartha - īṣatkaraḥ kaṭo bhavatā /
īṣatpānaḥ somo bhavatā /
tr̥n iti prayāhāra-grahaṇam /
laṭaḥ śatr̥-śānacāv aprathamā. samānādhikaraṇe (*3,2.124) ity ārabhya ā tr̥no nakārāt /
tena śānañcānaśśatr̥tr̥nām api pratiṣedho bhavati /
somaṃ pavamānaḥ /
naḍamāghnānaḥ /
adhīyan pārāyanam /
kartā kaṭān /
vaditā janāpavādān /
dviṣaḥ śaturvāvcanam /
cauraṃ dviṣan, caurasya dviṣan //


____________________________________________________________________


[#151]

aka-inor bhaviṣyad-ādhamarṇyayoḥ || PS_2,3.70 ||


_____START JKv_2,3.70:

akasya bhaviṣyati kāle vihitasya, inas tu bhaviṣyati cādhamarṇye ca vihitasya prayoge ṣaṣthī vibhaktir na bhavati /
kaṭaṃ kārako vrajati /
odanaṃ bhojako vrajati /
inaḥ khalv api grāmaṃ gamī /
grāmaṃ gāmī /
śataṃ dāyī /
sahasraṃ dāyī /
bhaviṣyad-ādhamarṇyayoḥ iti kim ? yavanāṃ lāvakaḥ /
saktūnāṃ pāyakaḥ /
avaśyaṃkārī kaṭasya /
iha kasmān na bhavati, varṣaśatasya pūrakaḥ, putrapautrāṇāṃ darśakaḥ iti ? bhaviṣyad-adhikāre vihitasya akasya+idaṃ grahaṇam //


____________________________________________________________________


kr̥tyānāṃ kartari vā || PS_2,3.71 ||

_____START JKv_2,3.71:

kartr̥-karmaṇoḥ kr̥ti (*2,3.65) iti nityaṃ ṣaṣthī prāptā kartari vikalpyate /
kr̥tyānāṃ prayoge kartari vā ṣaṣṭhī vibhaktir bhavati, na karmaṇi /
bhavatā kaṭaḥ kartavyaḥ, bhavataḥ kaṭaḥ kartavyaḥ /
kartari iti kim ? geyo māṇavakaḥ sāmnām /
ubhaya-prāptau kr̥tye ṣaṣṭhyāḥ pratiṣedho vaktavyaḥ /
kraṣṭavyā grāmaṃ śākhā devadattena /
netavyā grāmamajā devadattena //


____________________________________________________________________


tulya-arthair atulā-upamābhyāṃ tr̥tīyā 'nyatarasyām || PS_2,3.72 ||


_____START JKv_2,3.72:

tulyārthaiḥ śabdair yoge tr̥tīyā vibhaktir bhavaty anyatarasyām, pakṣe ṣaṣthī ca, tulā-upamā-śabdau varjayitvā /
śeṣe viṣaye tr̥tīyā-vidhānāt tayā mukte ṣaṣthy eva bhavati /
tulyo devadattena, tulyo devadattasya /
sadr̥śo deevadattena, sadr̥śo devadattasya /
atulopamābhyām iti kim ? tulā devadattasya na asti /
upamā kr̥ṣṇasya na vidyate /
vā iti vartamāne 'nyatarasyāṃ grahanam uttarasūtre tasya cakārena anukarṣaṇa-artham /
itarathā hi tr̥tīyā 'nukr̥ṣyeta //


____________________________________________________________________


caturthī ca āśiṣy āyuṣya-madra-bhadra-kuśala-sukha-artha-hitaiḥ || PS_2,3.73 ||


_____START JKv_2,3.73:

āśiṣi gayamānāyām āyuṣya madra bhadra kuśala sukha artha hita ity etair yoge caturthī vibhaktir bhavati /
cakāro vikalpa-anukarṣaṇa-arthaḥ /
śeṣe caturthī-vidhānāt tayā mukte ṣaṣṭhī vibhaktir bhavati /
atra āyuṣya-ādīnāṃ paryāya-grahaṇaṃ kartavyam /
āyuṣyaṃ devadattāya bhūyāt, āyuṣyaṃ devadattasya bhūyāt /
ciraṃ jīvitaṃ devadattāya devadattasya vā bhuyāt /

[#152]

madraṃ devadattāya devadattasya vā bhūyāt /
bhadraṃ devadattāya, bhadraṃ devadattasya /
kuśalaṃ devadattāya, kuśalaṃ devadattasya /
nirāmayaṃ devadatāya, nirāmayaṃ devadattasya /
sukhaṃ devadattāya, sukhaṃ devadattasya /
śaṃ devadattāya, śaṃ devadattasya /
artho devadattāya, artho devadattasya /
prayojanaṃ devadattāya, prayojanaṃ devadattasya /
hitaṃ devadatāya, hitaṃ devadattasya /
pathyaṃ devadattāya, pathyaṃ devadattasya /
āśiṣi iti kim ? āyuṣyaṃ devadattasya tapaḥ //
iti śrījayādityaviracitāyāṃ kāśikāyāṃ vr̥ttau dvitīyādhyāyasya tr̥tīyaḥ pādaḥ //


dvitīyādhyāyasya caturthaḥ pādaḥ /


____________________________________________________________________


[#153]

dvigur ekavacanam || PS_2,4.1 ||


_____START JKv_2,4.1:

dviguḥ samāsaḥ ekavacanaṃ bhavati /
ekasya vacanam ekavacanam /
ekasya arthasya vācako bhavati ity arthaḥ /
tadanena prakāreṇa dvigv-arthasya+ekavad bhāvo vidhīyate, dvigv-artha ekavad bhavati iti /
samāhāra-dvigoś ca+idaṃ grahaṇam, na anyasya /
pañca-pūlāḥ samāhr̥tāḥ pañcapūlī /
daśapūlī /
dvigv-arthasy)a e)katvād anuprayoge 'py ekavacanaṃ bhavati, pañca-pūlīyaṃ śobhanā iti //


____________________________________________________________________


dvandvaś ca prāṇi-tūrya-senā-aṅgānām || PS_2,4.2 ||


_____START JKv_2,4.2:

ekavacanam iti vartate /
aṅga-śabdasya pratyekaṃ vākya-parisamāptyā trīṇi vākyāni sampadyante /
prāṇy-aṅgānāṃ dvandva ekavad bhavati, tathā tūrya-aṅgānāṃ senā-aṅgānāṃ ca /
prāṇy-aṅgānāṃ tāvat - pāṇi-pādam /
śirogrīvam /
tūrya-aṅgānām - mārdaṅgikapāṇavikam /
vīṇāvadakaparivādakam /
senā-aṅgānām - rathika-aśvāroham /
rathika-pādātam /
hasty-aśva-ādiṣu paratvāt paśud-vandve vibhāṣayā eakvad bhavati /
itaretara-yoge samahāre ca dvandvo vihitaḥ /
tatra samāhārasya+ekatvāt siddham eva+ekavacanam /
idaṃ tu prakaraṇaṃ viṣaya-vibhāga-artham, prāṇy-aṅga-ādīnāṃ samāhāra eva dvandvaḥ, dadhipaya-ādīnām itaretara-yoga eva, vr̥kṣa-mr̥ga-ādīnām ubhayatra iti //


____________________________________________________________________


anuvāde caraṇānām || PS_2,4.3 ||


_____START JKv_2,4.3:

caraṇa-śabdaḥ śākhā-nimittakaḥ puruṣeṣu vartate /
caraṇānāṃ dvandvaḥ ekavad bhavati anuvāde gamyamāne /
pramāṇa-antarāvagatasya arthasya śabdena saṅkīrtanamātram anuvādaḥ /
udagād kaṭhakālāpam /
pratyaṣṭhāt kaṭhakauthumam /
kaṭhakālāpa-ādīnām udaya-pratiṣṭhe pramāṇa-antaravagate yadā punaḥ śabdena anūdyete tadā+evam udāharaṇam /
yadā tu prathamata eva+upadeśastadā pratyudāharaṇam /
anuvāde iti kim ? udaguḥ kaṭhakālāpāḥ /
pratyaṣṭhuḥ kaṭhakauthumāḥ /
stheṇoradyatanyāṃ ceti vaktavyam /
stheṇoḥ iti kim ? anandiṣuḥ kaṭhakālāpāḥ /
adyatanyām iti kim ? udyanti kathakālāpāḥ //


____________________________________________________________________


adhvaryu-kratur anapuṃsakam || PS_2,4.4 ||


_____START JKv_2,4.4:

adhvaryu-vede yasya krator vidhānaṃ so 'dhvaryu-kratuḥ /
adhvaryukratu-vācināṃ śabdānām anapuṃsaka-liṅgānāṃ dvandvaḥ ekavad bhavati /
adhvaryukratur anapuṃsakaṃ dvandvaḥ iti gauṇo nirdeśaḥ /
arkāśvamedham /
sāyāhnātirātram /
adhvaryukratuḥ iti kim ? iṣuvajrau /
udbhidbalabhidau /
anapuṃsakam iti kim ? rājasūya-vājapeye /
iha kasmān na bhavati, darśapaurṇamāsau ? kratu-śabdaḥ somayāgeṣu rūḍhaḥ //


____________________________________________________________________


[#154]

adhyayanato 'viprakr̥ṣṭa-ākhyānām || PS_2,4.5 ||


_____START JKv_2,4.5:

adhyayanena nimittena yeṣām aviprakr̥ṣṭā pratyāsannā ākhyā, teṣāṃ dvandvaḥ ekavad bhavati /
padaka-kramakam /
kramaka-vārtikam /
sampāṭhaḥ padānāṃ kramasya ca pratyāsannaḥ /
adhyayanataḥ iti kim ? pitāputrau /
aviprakr̥ṣṭa-ākhyānām iti kim ? yājñaikavaiyākaraṇau //


____________________________________________________________________


jātir aprāṇinām || PS_2,4.6 ||


_____START JKv_2,4.6:

jāti-vācināṃ śabdānāṃ dvandva ekavad bhavati prāṇino varjayitvā /
ārāśastri /
dhānāśaṣkuli /
jātiḥ iti kim ? nandakapāñcajanyau /
aprāṇinām iti kim ? brāhmaṇa-kṣatriyaviṭśūdrāḥ /
nañiva-yuktanyāyena dravya-jātīnām ayam ekavadbhāvaḥ, na guṇa-kriyājātīnām /
rūparasagandhasparśāḥ /
gamanākuñcana-prasāraṇāni /
jāti paratve ca jāti-śabdānām ayam ekavadbhāvo vidhīyate, na niyata-dravya-vivakṣāyām - iha kuṇḍe badarāmalakāni tiṣṭhanti iti //


____________________________________________________________________


viśiṣṭa-liṅgo nadī deśo 'grāmāḥ || PS_2,4.7 ||


_____START JKv_2,4.7:

viśiṣta-liṅgānāṃ bhinna-liṅgānāṃ nadī-vācināṃ śabdānāṃ deśavacināṃ ca grāma-varjitānaṃ dvandva ekavad bhavati /
nady-avayavo dvandvo nadī ity ucyate /
deśa-avayavaś ca deśaḥ /
nadī deśaḥ ity asamāsa-nirdeśa eva ayam /
uddhyaś ca irāvatī ca uddhyer āvati /
gaṅgāśoṇam /
deśaḥ khalv api - kuravaś ca kurukṣetraṃ ca kurukurukṣetram /
kurukurujāṅgalam /
viśiṣṭa-liṅgaḥ iti kim ? gaṅgā-yamune /
madrakekayāḥ /
nadī deśaḥ iti kim ? kukkuṭamayūryau /
agrāmāḥ iti kim ? jāmbavaś ca śālūkinī ca jāmbava-śālūkinyau /
nadī-grahaṇamadeśatvāt /
janapado hi deśaḥ /
tathā ca parvatānāṃ grahaṇaṃ na bhavati, kailāsaś ca gandhamādanaṃ ca kailāsa-gandhamādane /
agrāmā ity atra nagarānāṃ pratiṣedho vaktavyaḥ /
iha mā bhūt, mathurā ca pāṭaliputraṃ ca mathurā-pāṭaliputram /
ubhayataś ca grāmāṇāṃ pratiṣedho vaktavyaḥ /
sauryaṃ ca nagaraṃ, ketavataṃ ca grāmaḥ saurya-ketavate //


____________________________________________________________________


[#155]

kṣudra-jantavaḥ || PS_2,4.8 ||


_____START JKv_2,4.8:

apacitaparimāṇaḥ kṣudraḥ /
kṣrudra jantu-vācināṃ dvandvaḥ ekavad bhavati /
daṃśamaśakam /
yūkālikṣam /
kṣudra-jantavaḥ iti kim ? brāhmaṇa-kṣatriyau /
kṣudra-janturanasthiḥ syād atha vā kṣudra eva yaḥ /
śataṃ vā prasur̥tau yeṣāṃ kecidā nakulād api //
ā nakulād api iti iyam eva smr̥tiḥ pramāṇam, itarāsāṃ tadvirodhāt //


____________________________________________________________________


yeṣāṃ ca virodhaḥ śāśvatikaḥ || PS_2,4.9 ||


_____START JKv_2,4.9:

virodho vairam /
śāśvatiko nityaḥ /
yeṣāṃ śāśvatiko virodhaḥ tadvācināṃ śabdānāṃ dvandva ekavad bhavati /
mārjāramūṣakaṃ /
ahinakulam /
śāśvatikaḥ iti kim ? gaupāliśālaṅkāyanāḥ kalahāyante /
cakāraḥ punar asya+eva samuccaya-arthaḥ /
tena paśuśakuni-dvandve virodhinām anena nityam ekavad bhāvo bhavati - aśvamahiṣam /
śvaśr̥gālam /
kākolūkam //


____________________________________________________________________


śūdrāṇām aniravasitānām || PS_2,4.10 ||


_____START JKv_2,4.10:

niravasānaṃ bahiṣkaraṇam /
kuto bahiṣkaraṇam ? pātrāt /
yair bhukte pātraṃ saṃskāreṇa api na śudhyati te niravasitāḥ /
na niravasitāḥ aniravasitāḥ /
aniravasita-śūdra-vācināṃ śabdānāṃ dvandva ekavad bhavati /
takṣāyaskāram /
rajakatantubāyam /
aniravasitānām iti kim ? caṇḍālamr̥tapāḥ //


____________________________________________________________________


gavāśva-prabhr̥tīni ca || PS_2,4.11 ||


_____START JKv_2,4.11:

gavāśva-prabhr̥tīni ca kr̥ta-ekavad-bhāvani dvandva-rūpāṇi sādhūni bhavnti /
gavāśvam /
gavāvikam /
gavaiḍakam /
ajāvikam /
ajaiḍakam /
kubjavāmanam /
kubjakairātakam /
putrapautram /
śvacaṇḍālam /
strīkumāram /
dāsīmāṇavakam /
śāṭīpicchakam /
uṣṭrakharam /
uṣtraśaśam /
mūtraśakr̥t /
mūtrapurīṣam /
yakr̥nmedaḥ /
māṃsaśoṇitam /
darbhaśaram /
darbhapūtīkam /
arjunaśirīṣam /
tr̥ṇolapam /
dāsīdāsam /
kuṭīkuṭam /
bhāgavatībhāgavatam /
gavāśva-prabhr̥tiṣu yathoccāritaṃ dvandva-vr̥ttam /
rūpāntare tu na ayaṃ vidhir bhavati /
go 'śvam, go 'śvau /
paśudvandva-vibhāṣā+eva bhavati //


____________________________________________________________________


[#156]

vibhāṣā vr̥kṣa-mr̥ga-tr̥ṇa-dhānya-vyañjana-paśu-śakuny-aśvavaḍava-pūrvāpara-adharottarāṇām || PS_2,4.12 ||


_____START JKv_2,4.12:

vr̥kṣa mr̥ga tr̥ṇa dhanya vyañjana paśu śakuni aśvavaḍava pūrvāpara adharottara ity eteṣām dvandvo vibhāṣā ekavad bhavati /
plakṣanyagrodham, plakṣanyagrodhāḥ /
rurupr̥ṣatam, rurupr̥ṣatāḥ /
kuśakāśam, kuśakāśāḥ /
vrīhiyavam, vrīhiyavāḥ /
dadhighr̥tam, dadhighr̥te /
gomahiṣam, gomahiṣāḥ /
tittirikapiñjalam, tittirikapiñjalāḥ /
aśvavaḍavam, aśvavaḍavau /
pūrvāparam, pūrvāpre /
adharottaram, adharottare /
bahuprakr̥tiḥ phalasenāvanaspatimr̥gaśakunikṣudrajantudhānyatr̥ṇānām /
eṣāṃ bahuprakr̥tir eva dvandva ekavad bhavati, na dviprakr̥tiḥ /
badarāmalake /
rathikāśvārohau /
plakṣanyagrodhau /
rurupr̥ṣatau /
haṃsacakravākau /
yūkālikṣe vrīhiyavau /
kuśakāśau //

____________________________________________________________________


vipratiṣiddhaṃ ca anadhikaraṇa-vāci || PS_2,4.13 ||


_____START JKv_2,4.13:

parasparaviruddhaṃ vipratiṣiddham /
vipratiṣiddha-arthānāṃ śabdānām anadhikaraṇa-vācinām adravya-vācināṃ dvandva ekavad bhavati /
vibhāṣa-anukarṣaṇa-arthaś cakāraḥ /
śītoṣṇam, śītoṣṇe /
sukha-duḥkham, sukha-duḥkhe /
jīvitamaraṇam, jīvitamaraṇe /
vipratiṣiddham iti kim ? kāma-krodhau /
anadhikaraṇavāci iti kim ? śītoṣṇe udake //


____________________________________________________________________


na dadhipaya-ādīni || PS_2,4.14 ||


_____START JKv_2,4.14:

yathāyatham ekavad bhāve prāpte pratiṣedha ārabhyate /
dadhipaya-ādini śabda-rūpāṇi na+ekavad bhavanti /
dadhipayasī /
sarpirmadhunī /
madhusapiṣī /
brahmaprajāpatī /
śivavaiśravaṇau /
skandaviśākhau /
parivrāṭkauśikau pravargyopasadau /
śauklakr̥ṣṇau /
idhmābarhiṣī /
nipātanād dīrghaḥ /
dīkṣātapasī /
śraddhātapasī /
medhātapasī /
adhyayanatapasī /
ulūkhalamusale /
ādyāvasāne /
śraddhāmedhe /
r̥kṣāme /
vāṅmanase //


____________________________________________________________________


adhikarana-etāvattve ca || PS_2,4.15 ||


_____START JKv_2,4.15:

na iti vartate /
adhikaraṇaṃ varti-padārthaḥ /
sa hi samāsasya arthasya adhāraḥ /
tasya+etāvattve parimāṇe gamyamāne dvandvo na+ekavad bhavati /
yathāyatham ekavad bhāvaḥ prāptaḥ pratiṣidhyate /
daśa dantoṣṭhāḥ /
daśa mārdaṅgikapāṇavikāḥ //


____________________________________________________________________


[#157]

vibhāṣā samīpe || PS_2,4.16 ||


_____START JKv_2,4.16:

adhikaraṇa-etāvattvasya samīpe vibhāṣā dvandvaḥ ekavad bhavati /
upadaśaṃ dantoṣṭham, upadaśāḥ dantoṣṭhāḥ /
upadaśaṃ mārdaṅgikapāṇavikam, upadaśā mārdaṅgikapāṇavikāḥ /
avyayasya saṅkhyayā+avyayībhāvo 'pi vihitaḥ, bahuvrīhir api /
tatra+ekavadbhāvapakṣe 'vyayībhāvo 'nuprayujyate, itaratra bahuvrīhiḥ //


____________________________________________________________________


sa napuṃsakam || PS_2,4.17 ||


_____START JKv_2,4.17:

yasya ayam ekavad bhāvo vihitaḥ sa napuṃsaka-liṅgo bhavati dvigur dvandvaś ca /
pañcagavam /
daśagavam /
dvandvaḥ khalv api -- pāṇipādam /
śirogrīvam /
paraliṅgatāpavādo yogaḥ /
akārānta-uttarapado dviguḥ striyāṃ bhāṣyate /
pañcapūlī /
daśarathī /
vā+ābantaḥ striyām iṣṭaḥ /
pañcakhaṭvam, pañcakhaṭvī /
ano nalopaś ca vā ca dviguḥ striyām /
pañcatakṣam, pañcatakṣī /
pātrādibhyaḥ pratiṣedho vaktavyaḥ /
pañcapātram /
caturyugam /
tribhuvanam //


____________________________________________________________________


avyayībhāvaś ca || PS_2,4.18 ||

_____START JKv_2,4.18:

avyayībhāvaś ca samāso napuṃsaka-liṅgo bhavati /
adhistri /
upakumāri /
unmattagaṅgam /
lohitagaṅgam /
pūrvapadārtha-pradhānasya aliṅgatā+eva prāptā, anyapadārtha-pradhānasya abhidheyaval-liṅgatā, ata idam ucyate /
anukta-samuccayārthaś cakāraḥ /

[#158]

puṇyasudinābhyāmahnaḥ klībateṣyate /
puṇyāham /
sudināham /
pathaḥ saṅkhyāvyaya-ādeḥ klībateṣyate /
tripatham /
catuṣpatham /
vipatham /
supatham /
kriyā-viśeṣaṇānāṃ ca klībateṣyate /
mr̥du pacati /
śobhanaṃ pacati /


____________________________________________________________________


tatpuruṣo 'nañ-karmadhārayaḥ || PS_2,4.19 ||


_____START JKv_2,4.19:

adhikāro 'yam uttarasūtreṣu upatiṣṭhate /
nañ-samāsaṃ karmadhārayaṃ ca varjayitvā 'nyas tatpuruṣo napuṃsaka-liṅgo bhavati ity etad adhikr̥taṃ viditavyam, yad ita ūrdhvam anukramiṣyāmas tatra /
vakṣyati -- vibhāṣā senā-surā-cchāyā-śālā-niśānām (*2,4.25) /
brāhmaṇasenam, brāhmaṇasenā /
tatpuruṣaḥ iti kim ? dr̥ḍhaseno rājā anañ iti kim ? asenā /
akarmadhāryaḥ iti kim ? paramasenā //


____________________________________________________________________


sañjñāyāṃ kantā-uśīnareṣu || PS_2,4.20 ||


_____START JKv_2,4.20:

sañjñāyāṃ viṣaye kanthā-anatas tatpuruṣo napuṃsaka-liṅgo bhavati, sā cet kanthā uśīnaresu bhavati /
sauśamikantham /
āhvarakantham /
sañjñāyām iti kim ? vīraṇakanthā /
uśīnareṣu iti kim ? dākṣikanthā /
paravil-liṅgatā pavāda idaṃ prakaranam //


____________________________________________________________________


upajñā-upakramam tad-ādy-ācikhyāsāyām || PS_2,4.21 ||


_____START JKv_2,4.21:

upjñāyate ity upajñā /
upakramyate ity upakramaḥ /
upajjā ca upakramaś ca upajñopakramam /
tadantas tatpuruṣo napuṃsaka-liṅgo bhavati tad-ādy-ācikhyāsāyām, tayor upajñopakramayor āder ācikhyāsāyāṃ gamyamānāyām /
ākhyātum icchā ācikhyāsā /
yady upajñeyasya+upakramyasya ca arthasya ādir ākhyātum iṣyate tata etad bhavati /
pāṇiny-upajñamakālakaṃ vyākaraṇam /
pāṇiner upajñānena pratham ataḥ praṇītam akālakaṃ vyākaraṇam /
vyāḍyupajñaṃ daśahuṣkaraṇam /
ādyopakramaṃ prāsādaḥ /
nandopakramāṇi mānāni /
darśanīyopakramaṃ sukumāram /
upajñā-upakramam iti kim ? vālmīkiślokāḥ /
tad-ādy-ācikhyāsāyām iti kim ? devadattopajño rathaḥ /
yajñadattopakramo rathaḥ //


____________________________________________________________________


[#159]

chāyā bāhulye || PS_2,4.22 ||


_____START JKv_2,4.22:

vibhāṣā senā-surā-cchāyā. śālā-niśānām (*2,4.25) /
iti vibhāṣāṃ vakṣyati /
nitya-artham idaṃ vacanam /
chāyā-antas tatpuruṣo napuṃsaka-liṅgo bhavati bāhulye gamyamāne /
pūrvapadārtha-dharmaḥ bāhulyam /
śalabhādīnāṃ hi bahutvaṃ gamyate /
śalabhacchāyam /
ikṣucchāyam /
bahulye iti kim ? kuṅyacchāyā //


____________________________________________________________________


sabhā rājā 'manusya-pūrvā || PS_2,4.23 ||


_____START JKv_2,4.23:

sabhāntas tatpuruṣo napuṃsaka-liṅgo bhavati, sā cet sabhā rājapūrvā, amanusya-pūrvā ca bhavati /
inasabham /
īśvarasabham /
iha kasmān na bhavati, rājasabhā ? paryāya-vacanasya+eva+iṣyate /
tad uktam - jitparyāyasya+eva rājādhyartham iti /
amanuṣya-pūrvā - rakṣaḥsabham /
piśācasabham /
iha kasmān na bhavati, kāṣṭhasabhā ? amanuṣya-śabdo rūḍhirūpeṇ rakṣaḥpiśācādiṣv eva vartate /
rājā+amanuṣya-pūrvā iti kim ? devadattasabhā //


____________________________________________________________________


aśālā ca || PS_2,4.24 ||


_____START JKv_2,4.24:

aśālā ca yā sabhā tadantas tatpuruṣo napuṃsaka-liṅgo bhavati /
saṅghātavacano 'tra sabhā-śabdo gr̥hyate /
strīsabham /
dāsīsabham /
dāsīsaṅghātaḥ ity arthaḥ /
aśālā iti kim /
anāthakuṭī ity arthaḥ //


____________________________________________________________________


vibhāṣā senā-surā-cchāyā-śālā-niśānām || PS_2,4.25 ||


_____START JKv_2,4.25:

senā surā chāyā śālā niśā ity evam antas tatpuruṣo napuṃsaka-liṅgo bhavati vibhāṣā /
brāhmaṇasenam, brāhamaṇasenā /
yavasuram, yavasurā /
kuṅyacchāyam, kuḍyacchāyā /
gośālam, gośālā /
śvaniśam /
śvaniśā //


____________________________________________________________________


paraval-liṅgaṃ dvandva-tatpuruṣayoḥ || PS_2,4.26 ||


_____START JKv_2,4.26:

samāhāra-dvandve napuṃsaka-liṅgasya vihitatvād itaretarayoga-dvandvasya+idaṃ grahaṇam /
parasya yal liṅgaṃ tat bhavati dvandvasya tatpuruṣasya ca /
uttarapada-liṅgaṃ dvandva-tatpuruṣayor vidhīyate /
kukkuṭamayūryāvime /
mayūrīkukkuṭāvimau /
tatpuruṣasya - ardhaṃ pippalyāḥ ardhapippalī /
ardhakośātakī /
ardhanakharañjanī /
dviguprāptāpannālaṃpūrvagatisamāseṣu pratiṣedho vaktavyaḥ /
dviguḥ - pañcasu kapālesu saṃskr̥taḥ puroḍāśaḥ pañcakapālaḥ /

[#160]

prāpto jīvikām prāptajīvikaḥ /
āpanno jīvikām āpannajīvikaḥ /
alaṃ jīvikāyai alaṃjīvikaḥ /
gatisamāsaḥ - niṣkrāntaḥ kauśāmbyāḥ niṣkauśāmbiḥ //


____________________________________________________________________


pūrvavad-aśvava-ḍavau || PS_2,4.27 ||


_____START JKv_2,4.27:

aśva-vaḍavayor vibhāṣa-ekavad-bhāvaḥ uktaḥ /
tatra+ekavad-bhāvād anyatra paravilliṅgatāyāṃ prāptāyām idam ārabhyate /
aśva-vaḍavayoḥ pūrvavalliṅgaṃ bhavati /
aśvaś ca vaḍavā ca aśvavaḍavau /
artha-atideśaś ca ayam, na nipātanam /
tatra dvivacanamatantram /
vacana-antare 'pi pūrvavalliṅgatā bhavati, aśva-vaḍavān, aśva-vaḍavaiḥ iti //


____________________________________________________________________


hemanta-śiśirāv aho-rātre ca chandasi || PS_2,4.28 ||


_____START JKv_2,4.28:

pūrvavat iti vartate /
hemanta-śiśirau ahorātre ity etayoś chandasi viṣaye pūrvavalliṅgaṃ bhavati /
hemantaśiśirāvr̥tūnāṃ prīṇāmi /
ahorātre idaṃ vrūmaḥ /
paravalliṅgata-apavādo yogaḥ /
artha-atideśaś ca ayaṃ na nipātanaṃ, tena dvivacanamatantram /
vacana-antare 'pi pūrvavalliṅgatā bhavati /
pūrva-pakṣāścitayaḥ /
aparapakṣāḥ purīṣam, ahorātrāṇīṣṭakāḥ /
chandasi iti kim ? duḥkhe hemantaśiśire /
ahorātrāvimau puṇyau /
chandasi liṅgavyatyaya uktaḥ, tasya+eva ayaṃ prapañcaḥ //


____________________________________________________________________


rātra-ahna-ahāḥ puṃsi || PS_2,4.29 ||

_____START JKv_2,4.29:

kr̥tasamāsāntānāṃ nirdeśaḥ /
rātra ahna aha ity ete puṃsi bhāṣyante /
paravalliṅgatayā strī-napuṃsakayoḥ prāptayor idaṃ vacanam /
dvirātraḥ /
trirātraḥ /
catūrātraḥ /
pūrvāhṇaḥ /
aparāhṇaḥ /
madhyāhnaḥ /
dvyahaḥ /
tryahaḥ /
anuvākādayaḥ puṃsīti vaktavyam /
anuvākaḥ /
śaṃyuvākaḥ /
sūktavākaḥ //


____________________________________________________________________


apathaṃ napuṃsakam || PS_2,4.30 ||


_____START JKv_2,4.30:

apatha-śabdo napuṃsaka-liṅgo bhavati /
apatham idam /
apathāni gāhate mūḍhaḥ /
iha kasmān na bhavati, apatho deśaḥ, apathā nagarī ? tatpuruṣaḥ iti vartate //


____________________________________________________________________


ardharcāḥ puṃsi ca || PS_2,4.31 ||

_____START JKv_2,4.31:

ardharcādayaḥ śabdāḥ puṃsi napuṃsake ca bhāṣyante /
ardharcaḥ /
ardharcam /
gomayaḥ /
gomayam /

[#161]

śabda-rūpa-āśrayā ca+iyaṃ dvi-liṅgatā kvacid arthabhedena api vyavatiṣṭhate, yathā - paḍmaśaṅkha-śabdau nidhi-vacanau puṃliṅgau, jalaje ubhaya-liṅgau /
bhūta-śabdaḥ piśāce ubhaya-liṅgaḥ, kriyā-śabdasya abhidheyavalliṅgam /
saindhava-śabdo lavaṇe ubhayaliṅgaḥ, yaugikasya abhidheyavalliṅgam /
sāra-śabda utkarṣe puṃliṅgaḥ, nyāyādanapete napuṃsakam, naitat sāram iti /
dharmaḥ ity apūrve puṃliṅgaḥ, tatsādhane napuṃsakam /
tāni dharmāṇi prathamānyāsan /
ardharca /
gomaya /
kaṣāya /
kārṣāpaṇa /
kutapa /
kapāṭa /
śaṅkha /
cakra /
gūtha /
yūtha /
dhvaja /
kabandha /
paḍma /
gr̥ha /
saraka /
kaṃsa /
divasa /
yūṣa /
andhakāra /
daṇḍa /
kamaṇḍalu /
manḍa /
bhūta /
dvīpa /
dyūta /
cakra /
dharma /
karman /
modaka /
śatamāna /
yāna /
nakha /
nakhara /
caraṇa /
puccha /
dāḍima /
hima /
rajata /
saktu /
pidhāna /
sāra /
pātra /
ghr̥ta /
saindhava /
auṣadha /
āḍhaka /
caṣaka /
droṇa /
khalīna /
pātrīva /
ṣaṣṭika /
vāra /
bāna /
protha /
kapaittha /
śuṣka /
śīla /
śulba /
sīdhu /
kavaca /
reṇu /
kapaṭa /
sīkara /
musala /
suvarṇa /
yūpa /
camasa /
varṇa /
kṣīra /
karṣa /
ākāśa /
aṣṭāpada /
maṅgala /
nidhana /
niryāsa /
jr̥mbha /
vr̥tta /
pusta /
kṣveḍita /
śr̥ṅga /
śr̥ṅkhala /
madhu /
mūla /
mūlaka /
śarāva /
śāla /
vapra /
vimāna /
mukha /
pragrīva /
śūla /
vajra /
karpaṭa /
śikhara /
kalka /
nāṭa /
mastaka /
valaya /
kusuma /
tr̥ṇa /
paṅka /
kuṇḍala /
kirīṭa /
arbuda /
aṅkuśa /
timira /
āśrama /
bhūṣaṇa /
ilvasa /
mukula /
vasanta /
taḍāga /
piṭaka /
viṭaṅka /
māṣa /
kośa /
phalaka /
dina /
daivata /
pināka /
samara /
sthāṇu /
anīka /
upavāsa /
śāka /
karpāsa /
caśāla /
khaṇḍa /
dara /
viṭapa /
raṇa /
bala /
mala /
mr̥ṇāla /
hasta /
sūtra /
tāṇḍava /
gāṇḍīva /
maṇḍapa /
paṭaha /
saudha /
pārśva /
śarīra /
phala /
chala /
pūra /
rāṣṭra /
viśva /
ambara /
kuṭṭima /
maṇḍala /
kakuda /
tomara /
toraṇa /
mañcaka /
puṅkha /
madhya /
bāla /
valmīka /
varṣa /
vastra /
deha /
udyāna /
udyoga /
sneha /
svara /
saṅgama /
niṣka /
kṣema /
śūka /
chatra /
pavitra /
yauvana /
pānaka /
mūṣika /
valkala /
kuñja /
vihāra /
lohita /
viṣāṇa /
bhavana /
araṇya /
pulina /
dr̥ḍha /
āsana /
airāvata /
śūrpa /
tīrtha /
lomaśa /
tamāla /
loha /
daṇḍaka /
śapatha /
pratisara /
dāru /
dhanus /
māna /
taṅka /
vitaṅka /
mava /
sahasra /
odana /
pravāla /
śakaṭa /
aparāhṇa /
nīḍa /
śakala /
iti ardharcādiḥ //


____________________________________________________________________

idamo 'nvādeśe 'ś anudāttas tr̥tīyā-ādau || PS_2,4.32 ||


_____START JKv_2,4.32:

ādeśaḥ kathanam /
anavādeśo 'nukathanam /
idamo 'nvādeśa-viṣayasya aś-ādeśo bhavaty anudāttaḥ, tr̥tīya-adau vibhaktau parataḥ /
ābhyāṃ chātrābhyaṃ rātriradhītā, atho ābhyāmaharapyadhītam /
asmai chātrāya kambalaṃ dehi, atho 'smai śāṭakam api dehi /
asya chātrasya śobhanaṃ śīlam, atho 'sya prabhūtaṃ svam /
aś-ādeśa-vacanaṃ sākacka-artham /
imakābhyāṃ chātrābhyāṃ rātriradhītā, atho ābhyāmaharapyadhītam /
neha paścād uccāraṇamātram anvādeśaḥ /
kiṃ tarhi ? ekasya+eva abhidheyasya pūrvaṃ śabdena pratipāditasya dvitīyaṃ pratipādanam anvādeśaḥ /
tena+iha na bhavati, devadattaṃ bhojaya, imaṃ ca yajñadattam iti //


____________________________________________________________________


[#162]

etadas tra-tasos tra-tasau ca anudātau || PS_2,4.33 ||


_____START JKv_2,4.33:

anvādeśa anudātta iti vartate /
etado 'nvādeśa-viṣayasya aśādeśo bhavati anudāttaḥ tra-tasoḥ parataḥ /
tau ca api tra-tasāv anudāttau bhavataḥ /
etasmin grāme sukhaṃ vasāmaḥ, atho atra yuktā adhīmahe /
etasmāc chātrācchanto 'dhīṣva, atho ato vyākaraṇam apy adhīṣva /
sarvānudāttaṃ padaṃ bhavati /
etado 'ś ity ādeśe labhe punar vacanam anudātta-artham //


____________________________________________________________________

dvitīyā-ṭā-ossv enaḥ || PS_2,4.34 ||


_____START JKv_2,4.34:

anvādeśe 'nudāttaḥ iti vartate /
dvitīyā ṭā os ity eteṣu parata idam etador anvādeśa-viṣayayoḥ ena-śabda ādeśo ādeśo bhavati anudāttaḥ /
idamo maṇḍūkaplutinyāyena anuvr̥ttiḥ /
imaṃ chātraṃ chando 'dhyāpaya, atho enaṃ vyākaraṇamadhyāpaya /
anena chātreṇa rātriradhītā, atho enenāharapyadhītam /
anayośchātrayoḥ śobhanaṃ śīlam, atho enayoḥ prabhūtaṃ svam /
etadaḥ khalv api -- etaṃ chātraṃ chanto 'dhyāpaya, atho enaṃ vyākaraṇamapyadhyāpaya /
etena chātrena rātriradhītā, atho enenāharapyadhītam /
etayoś chātrayoḥ śobhanaṃ śīlam, atho enayoḥ prabhūtaṃ svam /
enad iti napuṃsakaikavacane vaktavyam /
prakṣālayainat /
parivartayainat /
iha kasmān na bhavati, ayaṃ daṇḍo harānena, etamātaṃ ṅitaṃ vidyāt iti ? yatra kiñcid vidhāya vākyāntareṇa punar anyadupadiśyate so 'nvādeśaḥ /
iha tu vastu-nirdeśamātraṃ kr̥tvā ekam eva vidhānam //


____________________________________________________________________


ārdhadhātuke || PS_2,4.35 ||


_____START JKv_2,4.35:

ārdhadhātuke ity adhikāro 'yam, ṇya-kṣatriya-ārṣa-ñito yūni lug-aṇ-iñoḥ (*2,4.58) iti yāvat /
yadita ūrdhvam anukramiṣyamast ad ārdhadhātuke veditavyam /
vakṣyati hano vadha liṅi (*2,4.42) -- vadhyāt /
ārdhadhātuke iti kim ? hanyāt /
viṣaya-saptamī ca+iyaṃ, na parasaptamī /
tena ārdhadhātuka-vivakṣāyām ādeśeṣu kr̥teṣu paścād yathā-prāptaṃ pratyayā bhavanti /
bhavyam /
praveyam /
ākhyeyam //


____________________________________________________________________


ado jagdhir lyap ti kiti || PS_2,4.36 ||


_____START JKv_2,4.36:

ado jagdhiḥ ādeśo bhavati lyapi parataḥ, takārādau ca kiti pratyaye /
prajagdhya /
vijagdhya /
jagdhaḥ /
jagdhavān /
ikāra uccāraṇa-arthaḥ, na anubandhaḥ /
tena num na bhavati /
evaṃ vacyādīnām api /
iha kasmān na bhavati, annam ? annāṇṇaḥ (*4,4.85) iti nipātanāt /

[#163]

jagdhau siddhe 'ntaraṅgatvātti kitīti lyab ucyate /
jñāpayaty-antaraṅgāṇāṃ lyapā bhavati bādhanam //
ti iti kim ? adyate /
kiti iti kim ? attavyam //


____________________________________________________________________


luṅ-sanor ghasl̥ || PS_2,4.37 ||


_____START JKv_2,4.37:

luṅi sani ca parato 'do ghasl̥ ādeśo bhavati /
l̥dit-karaṇam aṅartham /
luṅi --aghasat, aghasatām, aghasan /
sani -- jighatsati, jighatsataḥ, jighatsanti /
ghasl̥bhāve 'cy upasaṅkhyānam /
prātti iti praghasaḥ //


____________________________________________________________________


ghañ-apoś ca || PS_2,4.38 ||


_____START JKv_2,4.38:

ghañi api ca parataḥ ado ghasl̥ ādeśo bhavati /
ghāsaḥ /
praghasaḥ /
upasarge 'daḥ (*3,3.59) ity ap //


____________________________________________________________________


bahulaṃ chandasi || PS_2,4.39 ||


_____START JKv_2,4.39:

chandasi viṣaye bahulam ado ghasl̥ ādeśo bhavati /
ghastāṃ nūnam /
sagdhiśca me /
na ca bhavati /
āttāmadya madyato meda udbhr̥tam /
anyatarasya aṃgrahaṇam eva kasmān na kriyate tad eva+uttara-artham api bhaviṣyati ? kāryāntara-arthaṃ bahula-grahaṇam /
ghastām ity atra+upadhā-lopo na bhavati //


____________________________________________________________________


liṭy antarasyām || PS_2,4.40 ||


_____START JKv_2,4.40:

liṭi parato 'do 'nyatarasyāṃ ghasl-ādeśo bhavati /
jaghāsa, jakṣatuḥ, jakṣuḥ /
ād, ādatuḥ, āduḥ //


____________________________________________________________________


veño vayiḥ || PS_2,4.41 ||


_____START JKv_2,4.41:

liṭy anyatarasyām iti vartate /
veño vayiḥ ādeśo bhavati anyatrasyāṃ liṭi parataḥ /
ikāra uccāraṇa-arthaḥ /
uvāya, ūyatuḥ, ūyuḥ /
pakṣe -- ūvatuḥ, ūvuḥ /
liṭi vayo yaḥ (*6,1.38) iti yakārasya samprasāraṇaṃ pratiṣidhyate /
vaś ca anyatarasyāṃ kiti (*6,1.39) iti va-kāro vidhīyate -- vavau, vavatuḥ, vavuḥ /
veñaḥ (*6,1.40) iti samprasāraṇaṃ na bhavati //


____________________________________________________________________


[#164]

hano vadha liṅi || PS_2,4.42 ||

_____START JKv_2,4.42:

hanter dhātoḥ vadha ity ayam ādeśo bhavati liṅi parata ārdhadhātuke /
vadhyāt, vadhyāstām, vadhyāsuḥ /
akāra-antaś ca ayam ādeśaḥ /
tatra akārasya lopo bhavati /
tasya sthānivadbhāvād avadhīt iti halanta-lakṣanā vr̥ddhiḥ na bhavati //


____________________________________________________________________


luṅi ca || PS_2,4.43 ||


_____START JKv_2,4.43:

luṅi ca parataḥ hano vadha ity ayam ādeśo bhavati /
avadhīt, avadhīṣṭām, avadhiṣuḥ /
yogavibhāga uttara-arthaḥ /
ātmanepadeṣu luṅi vikalpo yathā syāl liṅi mā bhūt //


____________________________________________________________________


ātmanepadeṣv anyatarasyām || PS_2,4.44 ||


_____START JKv_2,4.44:

pūrveṇa nitye prāpte vikalpa ucyate /
ātmanepadeṣu parato hano luṅy anyatarasyāṃ vadha ity ayamādeśo bhavati /
āvadhiṣṭa, āvadhiṣātām, āvadhiṣata /
na ca bhavati /
āhata, āhasātām, āhasata //


____________________________________________________________________


iṇo gā luṅi || PS_2,4.45 ||


_____START JKv_2,4.45:

iṇaḥ gā ity ayam āveśo bhavati luṅi parataḥ /
agāt, agātām, aguḥ /
luṅi iti vartamāne punar luṅ-grahaṇam ātmanepadeṣv anyatarasyām (*2,4.44) ity etan mā bhūt /
iha tvaviśeṣeṇa nityaṃ ca bhavati /
agāt /
agāyi bhavatā /
iṇvadika ita vaktavyam /
adhyagāt, adhyagātām, adhyaguḥ //


____________________________________________________________________


ṇau gamir abodhane || PS_2,4.46 ||


_____START JKv_2,4.46:

ṇau parataḥ iṇo 'bodhana-arthasya gamir-ādeśo bhavati /
ikāra uccāraṇa-arthaḥ /
gamayati, gamayataḥ, gamayanti /
abodhane iti kim ? pratyāyayati /
iṇvadika ity eva, adhigamayati //


____________________________________________________________________


sani ca || PS_2,4.47 ||

_____START JKv_2,4.47:

sani parataḥ iṇo 'bodhana-arthasya gamir ādeśo bhavati /
jigamiṣati, jigamiṣataḥ, jigamiṣanti /
abodhane ity eva, arthān pratīṣiṣati /
iṇvadika ity eva, adhijigamiṣati /
yoga-vibhāga uttarārthaḥ /
iṅaśca (*2,4.48) iti sanyeva yathā syāt //


____________________________________________________________________


iṅaś ca || PS_2,4.48 ||


_____START JKv_2,4.48:

iṅaś ca sani parato gamir ādeśo bhavati /
adhijigāṃsate, adhijigāṃsete, adhijigāṃsante //


____________________________________________________________________


[#165]

gāṅ liṭi || PS_2,4.49 ||


_____START JKv_2,4.49:

gāṅ adeśo bhavati iṅo liṭi parataḥ /
adhijage, adhijagāte, adhijagire /
gāṅo 'nubandha-grahaṇaṃ viśeṣana-artham, gāṅ kuṭādibhyo 'ñṇin ṅit (*1,2.1) ity atra asya grahaṇaṃ yathā syāt /
na hi sthānivadbhāvena gāṅ iti rūpaṃ labhyate //


____________________________________________________________________


vibhāṣā luṅl̥ṅoḥ || PS_2,4.50 ||


_____START JKv_2,4.50:

lugi l̥ṅi ca parata iṅo vibhāṣā gāṅ-ādeśo bhavati /
ādeśa-pakṣe gāṅ kuṭādibhyo 'ñṇin ḍit (*1,2.1) iti ṅittvam, ghu-mā-sthā-gā-pā-jahāti-sāṃ hali (*6,4.66) iti ītvam /
adhyagīṣṭa, adhyagīṣātām, adhyagīṣata /
na ca bhavati /
adhyaiṣṭa, adhyaiṣātām, adhyaiṣata /
l̥ṅi khalv api - adhyagīṣyata, adhyagīṣyetām, adhyagīṣyanta /
na ca bhavati /
adhyaiṣyata, adhyaiṣyetām, adhyaiṣyanta //


____________________________________________________________________


ṇau ca saṃś-caṅoḥ || PS_2,4.51 ||


_____START JKv_2,4.51:

iṅo gāṅ vibhāṣā iti vartate /
ṇau iti iṅ-apekṣayā parasaptamī, saṃś-caṅoḥ iti ca ṇy-apekṣayā /
ṇau sanpare caṅpare ca parataḥ iṅo vibhāṣā gāṅ-ādeśo bhavati /
adhijigāpayiṣati /
na ca bhavati /
adhyāpipayiṣati /
caṅi khalv api - adhyajīgapat /
na ca bhavati /
adhyāpipat //


____________________________________________________________________

aster bhūḥ || PS_2,4.52 ||


_____START JKv_2,4.52:

aster dhātor bhūḥ it ayam ādeśo bhavati ārdhadhātuke /
bhavitā /
bhavitum /
bhavitavyam /
iha kasmān na bhavati, īhāmāsa, īhāmāsatuḥ, īhāmāsuḥ ? kr̥ñ ca anuprayujyate liṭi (*3,1.40) iti pratyāhāra-grahaṇena aster grahaṇa-sāmarthyāt /
tathā cocyate - anupratoge tu bhuvā 'styabādhanam smaranti kartur vacanān manīṣiṇaḥ /
iti //


____________________________________________________________________


bruvo baciḥ || PS_2,4.53 ||


_____START JKv_2,4.53:

bruvo vacir ādeśo bhavati ārdhadhātuka-viṣaye /
ikāra uccāraṇa-arthaḥ /
vaktā /
vaktum /
vaktavyam /
sthānivadbhāvena kartr-abhiprāya-kriyā-phala-vivakṣāyām ātmanepadaṃ bhavati /
ūce /
vakṣyate //


____________________________________________________________________


[#166]

cakṣiṅaḥ khyāñ || PS_2,4.54 ||


_____START JKv_2,4.54:

cakṣiṅaḥ khyāñ ādeśo bhavati ārdhadhātuke /
ākhyātā /
ākhyātum /
ākhyātavyam /
sthānivadbhāvena nityam ātmanepadaṃ na bhavati, ñakāra-anubandhak-araṇa-sāmarthyāt /
ākhyāsyati /
ākhyāsyate /
kśādir apy ayam ādeśa iṣyate /
ākśātā /
ākśātum /
ākśātavyam /
varjane pratiṣedho vaktavyaḥ /
durjanaḥ saṃcakṣyāḥ /
varjanīyāḥ ity arthaḥ /
asanayoś ca pratiṣedho vaktavyaḥ /
nr̥cakṣā rakṣaḥ hiṃsārtho 'tra bhātuḥ /
ane khalv api - vicakṣaṇaḥ paṇḍitaḥ /
bahulaṃ sañjñāchandasor iti vaktavyam /
annavadhakagātravicakṣaṇājirādyartham //


____________________________________________________________________


vā liṭi || PS_2,4.55 ||


_____START JKv_2,4.55:

pūrveṇa nitye prāpte vikalpa ucyate /
liṭi parataścakṣiṅaḥ khyāñ ādeśaḥ vā bhavati /
ācakhyau, ācakhyatuḥ, ācakhyuḥ /
na ca bhavati /
ācacakṣe, ācacakṣāte, ācacakṣire //


____________________________________________________________________


ajer vy aghañ-apoḥ || PS_2,4.56 ||


_____START JKv_2,4.56:

ajer dhātoḥ vī ity ayam ādeśo bhavaty ārdhadhātuke parato ghañapau varjayitvā /
pravayaṇīyaḥ /
pravāyakaḥ /
aghañapoḥ iti kim ? samājaḥ /
udājaḥ /
api tu - samajaḥ /
udajaḥ /
sam-udor ajaḥ paśuṣu (*3,3.69) ity ap /
dīrghoccāraṇam kim ? pravītāḥ /
bhañapoḥ pratiṣedhe kyapa upasaṅkhyānam kartavyam /
samajyā /
valādāv ārdhadhātuke vikalpa iṣyate /
pravetā, prājitā /
pravetum, prājitum //


____________________________________________________________________


[#167]

vā yau || PS_2,4.57 ||


_____START JKv_2,4.57:

pūrveṇa nitye prāpte vikalpa ucyate /
yu iti lyuṭo grahaṇam /
yau prabhūte aje rvā vī ity ayam ādeśo bhavati /
pravayaṇo daṇḍaḥ, prājano daṇḍaḥ /
pravayaṇamānaya, prājanamānaya //


____________________________________________________________________


ṇya-kṣatriya-ārṣa-ñito yūni lug aṇ-iñoḥ || PS_2,4.58 ||


_____START JKv_2,4.58:

ṇya-ādayo gotra-pratyayāḥ /
ṇyāntāt kṣatriyagotrād ārṣād ñitaś ca prayoḥ aṇḍañoryūni lug bhavati /
ṇyāntāt tāvat -- kurv-ādibhyo ṇyaḥ (*4,1.151) , tasmād yūni iñ, tasya luk /
kauravyaḥ pitā /
kauravyaḥ putraḥ /
nanu ca kauravya-śabdaḥ tikādiṣu paṭhyate, tataḥ phiñā bhavitavyam, kauravyāyaṇiḥ iti ? kṣatriyagotrasya tatra grahaṇam, kuru-n-ādibhyo ṇyaḥ (*4,1.172) ity anena vihitasya, idaṃ tu brāhmaṇagotram, kurv-ādibhyo ṇyaḥ (*4,1.151) iti /
kṣatriya -- r̥ṣy-andhaka-vr̥ṣṇi-kurubhyaś ca (*4,1.114) it yaṇ, tasmād yūni iñ, tasya luk /
śvāphalkaḥ pitā /
śvāphalkaḥ putraḥ /
ārṣa -- r̥ṣyaṇ (*4,1.114), tasmād yūni iñ, tasya luk /
vāsiṣṭhaḥ pitā /
vāsiṣṭhaḥ putraḥ /
ñit - anr̥ṣy-ānantarye vida-ādibhyo 'ñ (*4,1.104), tasmād yūni iñ, tasya luk /
baidaḥ pitā /
vaidaḥ putraḥ /
aṇaḥ khalv api -- tika-ādibhyaḥ phiñ (*4,1.154), tasmād yūni prāg dīvyato 'ṇ (*4,1.83), tasya luk /
taikāyaniḥ pitā /
taikāyaniḥ putraḥ /
etebhyaḥ iti kim ? śiva-ādibhyo 'ṇ (*4,1.112), tasmād yūni ata iñ (*4,1.95), tasya lug na bhavati /
kauhaḍaḥ pitā /
kauhaḍi putraḥ /
yūni iti kim ? vāmarathyasya chātrāḥ vāmarathāḥ /
kurv-ādibhyo ṇyaḥ (*4,1.151) iti ṇyaḥ, tasmāt kaṇva-ādibhyo gotre (*4,2.111) iti śaiṣiko 'ṇ /
tasya lug na bhavati /
aṇiñoḥ iti kim ? dākṣerapatyaṃ yuvā dākṣāyaṇaḥ /
abrāhmaṇagotramātramātrādyuvapratyayastopasaṅhyānam /
baudhiḥ pitā /
baudhiḥ putraḥ /
jābāliḥ pitā /
jābāliḥ putraḥ /
audumbariḥ pitā /
audumbariḥ putraḥ /
bhāṇḍījaṅghiḥ pitā /
bhāṇḍījaṅghiḥ putraḥ /
śālva-avayava-lakṣana iñ, tasmāt phak, tasya luk /
pailādi-darśanāt siddham //


____________________________________________________________________


paila-ādibyaś ca || PS_2,4.59 ||


_____START JKv_2,4.59:

paila ity evam ādibhyaś ca yuva-pratyayasya lug bhavati /
pīlāyā vā (*4,1.118) ityaṇ, tasmad aṇo dvyacaḥ (*4,1.156) iti phiñ, tasya luk /
pailaḥ pitā /
pailaḥ putraḥ /
anye paila-ādayaḥ iñantāḥ tebhyaḥ iñaḥ prācām (*2,4.60) iti luki siddhe 'prāg-arthaḥ pāṭhaḥ /
paila /
śālaṅika /
sātyaki /
sātyakāmi /
daivi /
audamajji /
audavraji /
audameghi /
audabuddhi /
daivasthāni /
paiṅgalāyani /
rāṇāyani /
rauhakṣiti /
bhauliṅgi /
audgāhamāni /
aujjihāni /
tadrājāccāṇaḥ /
ākr̥tigaṇo 'yam //


____________________________________________________________________


[#168]

iñaḥ prācām || PS_2,4.60 ||


_____START JKv_2,4.60:

gotre ya iñ tadantād yuva-pratyayasya lug bhavati /
gotra-viśeṣanaṃ prāg-grahanam, na vikalpa-artham /
pānnāgārer apatyaṃ yuvā /
yañ-iñoś ca (*4,1.101) iti phak, tasya luk /
pānnāgāriḥ pitā /
pānnnagāriḥ putraḥ /
mantharaiṣaṇiḥ pitā /
māntharaiṣaṇiḥ putraḥ /
prācām iti kim ? dākṣiḥ pitā /
dākṣāyaṇaḥ putraḥ //


____________________________________________________________________


na taulvalibhyaḥ || PS_2,4.61 ||


_____START JKv_2,4.61:
anantareṇa prāpto luk pratiṣidhyate /
taulvaly-ādibhyaḥ parasya yuvapratyayasya na lug bhavati /
taulvaliḥ pitā /
taulvalāyanaḥ putraḥ /
taulvali /
dhāraṇi /
rāvaṇi /
pāraṇi /
dailīpi /
daivali /
daivamati /
daivayajñi /
prāvāhaṇi /
māndhātaki /
ānuhārati /
śvāphalki /
ānumati /
āhiṃsi /
āsuri /
āyudhi /
naimiṣi /
āsibandhaki /
baiki /
āntarahāti /
pauṣkarasādi /
vairaki /
vailaki /
vaihati /
vaikarṇi /
kāreṇupāli /
kāmāli //


____________________________________________________________________


tadrājasya bahuṣu tena+eva astriyām || PS_2,4.62 ||

_____START JKv_2,4.62:

te tadrājāḥ (*4,1.172), ñya-ādayas tadrājāḥ (*5,3.119) iti vakṣyati, tasya tadrāja-sañjñasya pratyayasya bahuṣu vartamānasya astrīliṅgasya lug bhavati, tena+eva cet tadrājena kr̥taṃ bahutvaṃ bhavati /
aṅgāḥ /
vaṅgāḥ /
puṇḍrāḥ /
suhmāḥ /
magadhāḥ /
lohadhvajāḥ /
vrīhimantaḥ /
tadrājasya iti kim ? aupagavāḥ /
bahuṣu iti kim ? āṅgaḥ /
tena+eva grahaṇaṃ kim ? priyo vāṅgo yeṣāṃ te ime priyavāṅgāḥ /
astriyām iti kim ? āṅgyaḥ striyaḥ //


____________________________________________________________________


yaska-ādibhyo gotre || PS_2,4.63 ||


_____START JKv_2,4.63:

bahuṣu tena+eva astriyām iti sarvam anuvartate /
yaska ity evam ādibhyaḥ parasya gotra-pratyayasya bahuṣu vartamānasya astrīliṅgasya lug bhavati, tena+eva ced gotra-pratyayena kr̥taṃ bahutvaṃ bhavati /
pratyaya-vidheś ca anyatra laukikasya gotrasya grahaṇam ity anantarāpatye 'pi lug bhavaty eva /
yaskāḥ /
labhyāḥ /
bahuṣu ity eva, yāskāḥ /
tena+eva ity eva, priyayāskāḥ /
astriyām ity eva, yāskyaḥ striyaḥ /
gotre iti kim ? yāskāśchātrāḥ /

[#169]

yaska /
labhya /
duhya /
ayaḥsthūṇa /
tr̥ṇakarṇa /
ete pañca śivādisu paṭhyante /
tataḥ parebhyaḥ ṣaḍbhyaḥ iñ /
sadāmatta /
kambalabhāra /
bahiryoga /
karṇāṭaka /
piṇḍījaṅgha /
bakasaktha /
tataḥ parebhyaś caturbhyaḥ gr̥ṣṭy-ādibhyaś ca (*4,1.136) iti ḍhañ /
basti /
kudri /
ajabasti /
mitrayu /
tataḥ parebhyo dvādaśabhya iñ /
rakṣomukha /
jaṅghāratha /
utkāsa /
kaṭukamanthaka /
puṣkarasat /
viṣapuṭa /
uparimekhala /
kroṣtumān /
kroṣṭupāda /
kroṣṭumāya /
śīrṣamāya /
puṣkarasacchabdād bāhvādipāṭhād iñ /
kharapaśabdo naḍādiṣu pathyate, tataḥ phak /
padaka /
varmaka /
etābhyām ata iñ (*4,1.95) /
bhalandanaśabdāt śivādibhyo 'ṇ (*4,1.112) /
bhaḍila /
bhaṇḍila /
bhadita /
bhaṇḍita /
etebhyaś caturbhyaḥ aśva-ādibhyaḥ phañ (*4,1.110) //


____________________________________________________________________


yañ-añoś ca || PS_2,4.64 ||


_____START JKv_2,4.64:

bahuṣu tena+eva astriyām, gotre iti ca anuvartate /
yaño 'jś ca gotrapratyayasya bahuṣu vartamānasya astrīliṅgasya luṅ bhavati /
garga-ādibhyo jañ (*4,1.105) - gargāḥ /
vatsāḥ /
añaḥ khalv api, anr̥ṣy-ānantarye bida-ādibhyo 'ñ (*4,1.104) -- bidāḥ /
urvāḥ /
bahuṣv ity eva, gārgyaḥ /
baidaḥ /
tenaiva ity eva, priyagārgyāḥ /
priyabaidāḥ /
astriyām ity eva, gārgyaḥ striyaḥ /
baidyaḥ striyaḥ /
gotre ity eva, dvīpādanusamudraṃ yañ (*4,3.10) -- dvaipyāḥ /
utsādibhyo 'ñ - autsāśchātrāḥ /
yañādīnām ekadvayor vā tatpuruṣe ṣaṣṭhyā upasaṅkhyānam /
gārgyasya kulam gārgyakulaṃ gargakulaṃ vā /
gārgyayoḥ kulaṃ gārgyakulaṃ gargakulaṃ vā /
evaṃ baidasya kulaṃ baidakulaṃ bidakulaṃ vā /
baidayoḥ kulaṃ baidakulaṃ bidakulaṃ vā /
yañādīnām iti kim ? āṅgakulam /
ekadvayoḥ iti kim ? gārgāṇāṃ kulaṃ gargakulam /
tatpuruṣe iti kim ? gārgasya samīpam upagārgyam /
ṣaṣṭhyā iti kim ? paramagārgyaḥ //


____________________________________________________________________

atri-bhr̥gu-kutsa-vasiṣṭha-gotama-aṅgirobhyaś ca || PS_2,4.65 ||


_____START JKv_2,4.65:

atry-ādibhyaḥ parasya gotrapratyayasya bahuṣu lug bhavati /
atri-śabdāt itaś ca aniñaḥ (*4,1.122) iti ḍhak /
itarebhyaḥ r̥ṣyaṇ /
atrayaḥ bhr̥gavaḥ /
kutsāḥ /
vasiṣṭhāḥ /
gotamāḥ /
aṅgirasaḥ /
bahuṣu ity eva, ātreyaḥ /
bhargavaḥ /
tena+eva ity eva, priyātreyāḥ /
priyabhārgavāḥ /
astriyām iti kim ? ātreyyaḥ striyaḥ //


____________________________________________________________________


[#170]

bahvac iñaḥ prācya-bhrateṣu || PS_2,4.66 ||


_____START JKv_2,4.66:

bahvacaḥ prātipadikāt ya iñ vihitaḥ prācya-gotre bharatagotre ca vartate, tasya bahuṣu lug bhavati /
pannāgārāḥ /
mantharaiṣaṇāḥ /
bharateṣu khalv api - yudhiṣṭhirāḥ /
arjunāḥ /
bahvacaḥ iti kim ? baikayaḥ /
pauṣpayaḥ /
prācyabharateṣu iti kim ? bālākayaḥ /
hāstidāsayaḥ /
bharatāḥ prācyā eva, teṣāṃ punar grahaṇaṃ jñāpana-artham anyatra prāg grahaṇe bharata-grahaṇaṃ na bhavati iti /
tena iñaḥ prācām (*2,4.60) iti bharatānāṃ yuvapratyayasya lug na bhavati /
arjuniḥ pitā /
ārjunāyanaḥ putraḥ //


____________________________________________________________________


na gopavana-ādibhyaḥ || PS_2,4.67 ||


_____START JKv_2,4.67:

gopavana-ādibhyaḥ prasya gotrapratyayasya lug na bhavati /
badādyanatargaṇo 'yam /
tato 'ño gotrapratyayasya yañ-añoś ca (*2,4.64) iti luk prāptaḥ pratiṣidhyate /
gaupavanāḥ /
śaigravāḥ /
gopavana /
śigru /
bindu /
bhājana /
aśva /
avatāna /
śyāmāka /
śvāparṇa /
etāvanta eva aṣṭau gopavana-ādayaḥ /
pariśiṣṭānāṃ haritādīnaṃ pramādapāṭhaḥ /
te hi caturthe bida-ādiṣu paṭhyante /
tebhyaś ca bahuṣu lug bhavaty eva, haritaḥ, kiṃdāsāḥ iti //


____________________________________________________________________


tika-kitava-ādibhyo dvandve || PS_2,4.68 ||

_____START JKv_2,4.68:

tika-ādibhyaḥ kitava-ādibhyaś ca dvandve gotrapratyayasya bahuṣu lug bhavati /
taikāyanayaś ca kaitavāyanayaś ca, tika-ādibhyaḥ phiñ (*4,1.158), tasya luk, tika-kitavāḥ /
vāṅkharayaś ca bhānḍīrathayaś ca, ata iñ (*4,1.95), tasya luk, vaṅkharabhaṇḍīrathāḥ /
aupakāyanāś ca lāmakāyanāś ca, naḍādibhyaḥ phak (*4,1.99), tasya luk, upakalamakāḥ /
pāphakayaś ca nārakayaś ca, ata iñ (*4,1.95), tasya luk, paphakanarakāḥ /
bākanakhayaś ca śvāgudapariṇaddhayaś ca, ata iñ (*4,1.95), tasya luk, bakanakhaśvagudapariṇaddhāḥ /
ubja-śabdāt ata iñ (*4,1.95), kakubha-śabdāt śivādibhyo 'n (*4,1.112) tayor luk, aubjayaś ca kākubhāś ca ubjakakubhāḥ /
lāṅkayaś ca śāntamukhayaś ca, ata iñ (*4,1.95) tasya luk, laṅkaśāntamukhāḥ /
urasaśabdastikādiṣu paṭhyate, tataḥ phiñ, laṅkaṭaśabdād iñ, tayor luk, aurasāyanaś ca lāṅkaṭayaś ca urasalaṅkaṭāḥ /
bhrāṣṭakayaś ca kāpiṣṭhalayaś ca, ata iñ (*4,1.95), tasya luk, bhraṣṭakakpiṣṭhalāḥ /
kārṣṇājinayaś ca kārṣṇasundarayaś ca, ata iñ (*4,1.95), tasya luk, kr̥ṣṇājinakr̥ṣṇasunadarāḥ /
āgniveśyaś ca dāserakayaś ca, agniveśaśabdāt gargādibhyo yañ (*4,1.105), dāserakaśabdāt ata iñ (*4,1.95), tayorluk, agniveśadāserakāḥ //


____________________________________________________________________


[#171]

upaka-ādibhyo 'nyatarasyām advandve || PS_2,4.69 ||


_____START JKv_2,4.69:

upaka ity evam ādibhyaḥ parasya gotrapratyayasya bahuṣu lug bhavati anyatarasyāṃ dvandve ca advandve ca /
advandva-grahanaṃ dvandva-adhikāra-nivr̥tty-artham /
eteṣaṃ ca madye trayo dvandvāstikakitav ādiṣu paṭhyante - upakalamakāḥ, bhraṣṭakakpiṣṭhalaḥ, kr̥ṣṇājinakr̥ṣṇasundarāḥ iti /
teṣāṃ pūrveṇa+eva nityam eva lug bhavati /
advandve tv anena vikalpaḥ - upakāḥ, aupakāyanāḥ /
lamakā, lāmakāyanāḥ /
bhraṣṭakāḥ, bhrāṣṭakayaḥ /
kapiṣṭhalāḥ, kāpiṣṭhalayaḥ /
kr̥ṣṇājināḥ, kārṣṇājinayaḥ /
kr̥ṣṇasundarāḥ, kārṣṇasundarayaḥ iti /
pariśiṣṭānāṃ ca dvandve 'dvandve ca vikalpaḥ iti /
paṇḍāraka /
aṇḍāraka /
gaḍuka /
suparyaka /
supiṣṭha /
mayūrakarṇa /
khārījaṅgha /
śalāvala /
patañjala /
kaṇṭheraṇi /
kuṣītaka /
kāśakr̥tsna /
nidāgha /
kalaśīkaṇṭha /
dāmakaṇṭha /
kr̥ṣṇapiṅgala /
karṇaka /
parṇaka /
jaṭilaka /
badhiraka /
jantuka /
anuloma /
ardhapiṅgalaka /
pratiloma /
pratāna /
anabhihita //


____________________________________________________________________


āgastya-kauṇḍinyayor agasti-kuṇḍinac || PS_2,4.70 ||


_____START JKv_2,4.70:

āgastya-kauṇḍinyayor gotrapratyayayoḥ aṇo yañaś ca bahuṣu lug bhavati, pariśiṣṭasya ca prakr̥ti-bhāgasya yathā-saṅkhyam agasti, kuṇḍinac ity etāv ādeśau bhavataḥ /
agastayaḥ /
kuṇḍināḥ /
cakāraḥ svarārthaḥ /
madyodātto hi kuṇḍinī-śabdas tadādeśo 'pi tathā syāt /
agastya-śabdād r̥ṣyaṇ, kuṇḍinī-śabdād gargāditvād yañ /
tayoḥ gotre 'lug-aci (*4,1.89) iti luki pratiṣiddhe āgastīyāḥ chatrāḥ iti vr̥ddha-lakṣaṇaścho bhavati /
kauṇḍinye tvaṇaiva bhavitavyam, kaṇvādibhyo gotre (*4,2.111) iti /
tatra viśeṣo na asti /
kauṇḍināśchātrāḥ //


____________________________________________________________________


supo dhātu-prātipadikayoḥ || PS_2,4.71 ||


_____START JKv_2,4.71:

supo vibhakter dhātu-sañjñāyāḥ prātipadika-sañjñāyāś ca lug bhavati /
tadantargatās tadgrahaṇena gr̥hyante /
dhātos tāvat - putrīyati /
ghaṭīyati /
prātipadikasya - kaṣṭaśritaḥ /
rājapuruṣaḥ /
dhātu-prātipadikayoḥ iti kim ? vr̥kṣaḥ /
plakṣaḥ //


____________________________________________________________________


adiprabhr̥tibhyaḥ śapaḥ || PS_2,4.72 ||


_____START JKv_2,4.72:

adiprabhr̥tibhya uttarasya śapo lug bhavati /
atti /
hanti /
dveṣṭi //


____________________________________________________________________


[#172]

bahulaṃ chandasi || PS_2,4.73 ||


_____START JKv_2,4.73:

chandasi viṣaye śapo bhaulaṃ lug bhavati /
adiprabhr̥tibhya uktas tato na bhavaty api - vr̥traṃ hanti /
ahiḥ śayate /
anyebhyaś ca bhavati - trādhvaṃ no devāḥ //


____________________________________________________________________


yaṅo 'ci ca || PS_2,4.74 ||


_____START JKv_2,4.74:

yaṅo lug bhavati aci pratyaye parataḥ /
cakārena bahula-grahanam anukr̥ṣyate, na tu chandasi iti /
tena chandasi bhāṣāyāṃ ca yaṅo lug bhavati /
loluvaḥ /
popuvaḥ /
sanīsraṃsaḥ /
danīdhvaṃsaḥ /
bahula-grahaṇādañcyapi bhavati /
śākuniko lālapīti /
dundubhirvavadīti //

____________________________________________________________________


juhoty-ādibhyaḥ śluḥ || PS_2,4.75 ||


_____START JKv_2,4.75:

śap anuvartate, na yaṅ /
juhoty-ādibhyaḥ uttarasya śapaḥ ślur bhavati /
luki prakr̥te ślu-vidhānāṃ dvirvacana-artham /
juhoti /
vibharti /
nenekti //


____________________________________________________________________


bahulaṃ chandasi || PS_2,4.76 ||


_____START JKv_2,4.76:

chandasi viṣaye bahulaṃ śapaḥ ślur bhavati /
yatroktaṃ tatraṃ na bhavati, anyatra api bhavati /
juhoty-ādibhyast āvan na bhavati - dāti priyāṇi /
dhāti devam /
anyebhyaś ca bhavati - pūrṇāṃ vivaṣṭi /
janimā vivakti //


____________________________________________________________________


gāti-sthā-ghu-pā-bhūbhyaḥ sicaḥ parasmaipadeṣu || PS_2,4.77 ||

_____START JKv_2,4.77:

luk anuvartate, na śluḥ /
gāti sthā ghu pā bhū ity etebhyaḥ /
parasya sico lug bhavati, parasmaipadeṣu parataḥ /
agāt /
asthāt /
adāt /
adhāt /
apāt /
abhūt /
gāporgrahane iṇpibatyorgrahaṇam /
gāyateḥ pāteḥ ca na bhavati /
agāsīnnaṭaḥ /
apāsīn nr̥paḥ /
parasmaipadeṣu iti kim ? agāsātāṃ grāmau devadattena //


____________________________________________________________________


[#173]

vibhāṣā ghrā-dheṭ-śāc-chā-saḥ || PS_2,4.78 ||


_____START JKv_2,4.78:

ghrā gheṭ śā chā sā ity etebhya uttarasya sicaḥ prasmaipadeṣu vibhāṣā lug bhavati /
dheṭaḥ pūrveṇa prāpte vibhāṣa-arthaṃ vacanam, pariśiṣṭānām aprāpte /
aghrāt, aghrāsīt /
adhāt, adhāsīt /
aśāt, aśāsīt /
acchāt, acchāsīt /
asāt, asāsīt /
parasmaipadeṣu ity eva, aghrāsātāṃ sumanasau devadattena //


____________________________________________________________________


tan-ādibhyas ta-thāsoḥ || PS_2,4.79 ||


_____START JKv_2,4.79:

tan-ādibhya uttarasya sicaḥ ta-thāsoḥ parato vibhāṣā lug bhavati /
atata, atathāḥ /
ataniṣṭa, ataniṣṭhāḥ /
asāta, asāthāḥ /
asaniṣṭa, asaniṣṭhāḥ /
janasanakhanāṃ sañjñaloḥ (*6,4.42) ity ātvam /
thāsā sāhacaryād ātmanepadasya ta-śabdasya grahanam /
prasmaipade na bhavati, ataniṣta yūyam //


____________________________________________________________________


mantre ghasa-hvara-naśa-vr̥-daha-ād-vr̥c-kr̥-gami-janibhyo leḥ || PS_2,4.80 ||


_____START JKv_2,4.80:

mantra-viṣaye ghasa hvara naśa vr̥ daha āt vr̥ca kr̥ gami jani ity etebhyaḥ uttarasya leḥ lug bhavati /
ghasa -- akṣan pitaro 'mīmadanta pitaraḥ /
hvara iti hvr̥ kauṭilye - mā hvārmitrasya tvā /
ṇaśa - dhūrtiḥ praṇaṅ martyasya /
vr̥ iti vr̥ṅvr̥ñoḥ sāmānyena grahanam -- suruco vena āvaḥ /
daha - mā na ā dhak /
āt iti ākārānta-grahanam /
prā pūrane - āprā dyāvāpr̥ṭhīvī antarikṣam /
vr̥c -- mā no asmin mahādhane parā vr̥g bhārabhr̥dyathā /
kr̥ -- akran karma karmakr̥taḥ /
gami - {sadyaḥ puṃṣṭi nirundhānāso} agman /
jani -- ajñata vā asya dantāḥ /
brāhmane prayogo 'yam /
mantra-grahaṇaṃ tu chandasa upalakṣaṇa-artham //


____________________________________________________________________


āmaḥ || PS_2,4.81 ||


_____START JKv_2,4.81:

āmaḥ parasya leḥ lug bhavati /
īhāñcakre /
ūhāñcakre /
īkṣāñcakre //


____________________________________________________________________


avyayād āp-supaḥ || PS_2,4.82 ||


_____START JKv_2,4.82:

avyayād uttarasya āpaḥ supaś ca lug bhavati /
tatra śālāyām /
yatra śālāyām /
supaḥ khalv api kr̥tvā /
hr̥tvā //


____________________________________________________________________


[#174]

na avyayībhāvād ato 'm tv apañcamyāḥ || PS_2,4.83 ||


_____START JKv_2,4.83:

pūrveṇa luk prāptaḥ pratiṣidhyate /
dantād avyayībhāvād uttarasya supo na lug bhavati, amādeśas tu tasya supo bhavaty apañcamyāḥ /
etasmin pratiṣiddhe pañcamyāḥ śravanam eva bhavati /
upakumbhaṃ tiṣṭhati /
upakumbhaṃ paśya /
upamaṇikaṃ tiṣṭhati /
upamaṇikaṃ paśya /
ataḥ iti kim ? adhistri /
adhikumāri /
apañcamyāḥ iti kim ? upakumbhādānaya //


____________________________________________________________________


tr̥tīyā-saptamyor bahulam || PS_2,4.84 ||


_____START JKv_2,4.84:

pūrveṇa nityam ambhāve prāpte vacanam idam /
tr̥tīyā-saptamyoḥ vibhaktyor bahulam ambhāvo bhavati avyayībhāve /
upakumbhena kr̥tam, upakumbhaṃ kr̥tam /
upakumbhe nidhehi, upakumbhaṃ nidhehi /
sapamyā r̥ddhinadīsamāsasaṅkhyāvayavebhyo nityam iti vaktavyam /
sumadram sumagadham /
unmattagaṅgam /
lohitagaṅgam /
ekaviṃśatibhāradvājam /
bahulavacanāt siddham //


____________________________________________________________________

luṭaḥ prathamasya ḍāraurasaḥ || PS_2,4.85 ||


_____START JKv_2,4.85:

luḍ-ādeśasya prathamapuruṣasya prasmaipadasya ātmanepadasya ca yathākramam ḍā rau ras ity ete ādeśā bhavanti /
kartā, kartārau, kartāraḥ /
ātmanepadasya -- adhyetā, adhyetārau, adhyetāraḥ /
prathamasya iti kim ? śvaḥ kartāsi /
śvo 'dhyetāse //
iti śrījayādityaviracitāyāṃ kāśikāyāṃ vr̥ttau dvitīyādhyāyasya caturthaḥ pādaḥ //


______________________________________________________

tr̥tīyo 'dyāyaḥ prathamaḥ pādaḥ /


____________________________________________________________________


[#175]

pratyayaḥ || PS_3,1.1 ||


_____START JKv_3,1.1:

adhikāro 'yam /
pratyaya-śabdaḥ sañjñātvena adhikriyate /
ā pañcamādyāyaparisamāpteryānita ūrdhvam anukramiṣyamaḥ, pratyayasañjñāste veditavyāḥ, prakr̥tyupapādopādhivikārāgamān varjayitvā /
vakṣyati -- tavyat-tavya-anīyaraḥ (*3,1.96) /
kartavyam /
karaṇīyam /
pratyayapradeśāḥ - pratyayalope pratyayalakṣaṇam (*1,1.62) ity evam ādayaḥ //


____________________________________________________________________


paraś ca || PS_3,1.2 ||


_____START JKv_3,1.2:

ayam apy adhikāro yoge yoge upatiṣṭhate, paribhāṣā vā /
paraś ca sa bhavati dhātor vā prātipadikād vā yaḥ pratyaya-sañjñaḥ /
kartavyam /
taittirīyam /
cakāraḥ punar asyaiva samuccaya-arthaḥ /
tena+uṇādiṣu paratvaṃ na vikalpyate //


____________________________________________________________________


ādy-udāttaś ca || PS_3,1.3 ||


_____START JKv_3,1.3:

ayam apy adhikāraḥ paribhāṣā vā /
ādy-udāttaś ca sa bhavati /
ādy-udāttaś ca sa bhavati yaḥ pratyaya-sañjñaḥ /
aniyatasvara-pratyaya-prasaṅge 'nekākṣu ca pratyayeṣu deśasya aniyame sati vacanam idam āder udātta-artham /
kartavyam /
taittirīyam //


____________________________________________________________________


anudāttau sup-pitau || PS_3,1.4 ||


_____START JKv_3,1.4:

pūrvasya ayam apavādaḥ /
supaḥ pitaś ca pratyayā anudāttā bhavanti /
dr̥ṣadau /
dr̥ṣadaḥ /
pitaḥ khalv api -- pacati /
paṭhati //


____________________________________________________________________


gup-tij-kidbhyaḥ san || PS_3,1.5 ||


_____START JKv_3,1.5:

gupa gopane, tija niśāne, kita nivāse etebhyo dhātubhyaḥ san pratyayo bhavati /
pratyaya-sañjñā ca adhikr̥taiva /
jugupsate /
titikṣate /
cikitsati /
nindākṣamāvyādhipratīkāreṣu sanniṣate 'nyatra yathā prāptaṃ pratyayā bhavanti /
yopayati /
tejayati /
saṅketayati /
gupādiṣv anubandhakaraṇam ātmanepadārtham //


____________________________________________________________________


[#176]

mān-badha-dān-śānbhyo dīrghaś ca abhyāsasya || PS_3,1.6 ||


_____START JKv_3,1.6:

mān pūjāyām, badha bandhane, dāna avakhaṇḍane, śāna avatejate, ity etebhyo dhātubhyaḥ san pratyayo bhavati, abhyāsasya ca ikārasya dīrghādeśo bhavati /
mīmāṃsate /
bībhatsate /
dīdāṃsate /
śīśāṃsate /
uttarasūtre vāgrahaṇaṃ sarvasya śeṣo vijñāyate, tena kvacin na bhavaty api /
mānayati /
bādhayati /
dānayati /
niśānayati /
atra api sannartha-viśeṣa iṣyate /
māner jijñāsāyām, badher vairūpye, dāner ārjave, śāner niśāne //


____________________________________________________________________


dhātoḥ karmaṇaḥ samāna-kartr̥kād icchāyāṃ vā || PS_3,1.7 ||


_____START JKv_3,1.7:

iṣikarma yo dhatur iṣiṇaiva samānakartr̥kaḥ, tasmād icchāyām arthe vā san pratyayo bhavati /
karmatvaṃ samānakartr̥katvaṃ ca dhātor arthadvārakam /
karṭum icchati /
cikīrṣati /
jihīrṣati /
dhātu-grahanaṃ kim ? sopasargād utpattir mā bhūt /
prakar̥tum aicchat prācikīrṣat /
karmaṇaḥ iti kim ? karaṇān mā bhūt /
gamanena+icchati /
samānakartr̥kat iti kim ? devadattasya bhojanam icchati yajñadattaḥ /
icchāyām iti kim ? kartuṃ jānāti /
vāvacanād vākyam api bhavati /
dhātoḥ iti vidhānād atra sanaḥ ārdhadhātuka-sañjñā bhavati, na pūrvatra /
āśaṅkāyām upasaṃkhyānam /
āśaṅke patiṣyati kūlam, pipatiṣati kūlam /
śvā mumūrṣati /
icchāsannantāt pratiṣedho vaktavyaḥ /
cikīrṣitum icchati /
viśeṣaṇaṃ kim ? jugupsiṣate /
mīmāṃsiṣate /
śaiṣikānmatubarthīyācchaiṣiko matubarthikaḥ /
sarūpaḥ pratyayo neṣṭaḥ sanantān na saniṣyate //


____________________________________________________________________


supa ātmanaḥ kyac || PS_3,1.8 ||


_____START JKv_3,1.8:

karmaṇaḥ icchāyāṃ vā ity anuvartate /
iṣikarmaṇaḥ eṣituḥ eva ātmasambandhinaḥ subantād icchāyām arthe vā kyac pratyayo bhavati /
ātmanaḥ putram icchati putrīyati /
sub-grahaṇaṃ kim ? vākyān mā bhūt /
mahāntaṃ putram icchati /
ātmanaḥ iti kim ? rājñaḥ putram icchati /
kakāraḥ naḥ kye (*1,4.15) iti sāmāny-agrahaṇa-arthaḥ /
cakāras tadavighāta-arthaḥ /

[#177]

kyaci māntāvyaya-pratiṣedho vaktavyaḥ /
idam icchati /
uccair icchati /
nīciar icchati /
chandasi parecchāyām iti vaktavyam /
mā tvā vr̥kā aghāyavo vidan //


____________________________________________________________________

kāmyac ca || PS_3,1.9 ||


_____START JKv_3,1.9:

subantāt karmaṇaḥ ātmecchāyāṃ kāmyac pratyayo bhavati /
ātmanaḥ putram icchati putrakāmyati /
vastrakāmyati /
yogavibhāga uttaratra kyaco 'nuvr̥tty-arthaḥ /
kakārasya it-sajñā prayojana-abhāvān na bhavati, cakārāditvād va kāmyacaḥ /
upayaṭkāmyati //


____________________________________________________________________


upamānād ācāre || PS_3,1.10 ||


_____START JKv_3,1.10:

kyac anuvartate, na kāmyac /
upamanāt karmaṇaḥ subantād ācāre 'rthe vā kyac pratyayo bhavati /
ācāra-kriyāyāḥ pratyaya-arthatvāt tadapekṣayaiva upamānasya karmatā /
putramiva ācarati putrīyati chātram /
prāvārīyati kambalam /
adhikaraṇāc ceti vaktavyam /
prāsādīyati kuṭyām /
paryaṅkīyati mañcake //


____________________________________________________________________


kartuḥ kyaṅ salopaś ca || PS_3,1.11 ||


_____START JKv_3,1.11:

ācāre ity anuvartate /
upamānāt kartuḥ subantād ācāre 'rthe vā kyaṅ-prattyayo bhavati, sakārasya ca lopo bhavati /
anvācayaśiṣtaḥ salopaḥ, tadabhāve 'pi kyaṅ bhavaty eva /
śyena ivācarati kākaḥ śyenāyate /
kumudaṃ puṣkarāyate /
salopa-vidhāv api vā-grahaṇaṃ sambadhyate, sā ca vyavasthita-vibhāṣā bhavati /
ojaso 'psaraso nityaṃ payasastu vibhāṣayā /
{sakārasyeṣyate lopaḥ śabdaśāstravicakṣanaiḥ} ojāyamānaṃ yo ahiṃ jaghāna /
ojāyate, apsarāyate /
payāyate, payasyate /
salopa-vidhau ca kartuḥ iti sthāna-ṣaṣṭhī sampadyate, tatra alo 'ntya-niyame sati haṃsāyate, sārasāyate iti salopo na bhavati /

[#178]

ācāre 'vagalbha-klība-hoḍebhyaḥ kvib vā vaktavyaḥ /
avagalbhate, avagalbhāyate /
klībate, klībāyate /
hoḍate, hoḍāyate /
sarvaprātipadikebhya ity eke /
aśva iva ācarati aśvāyate, aśvati /
gardabhāyate, gardabhati //


____________________________________________________________________


bhr̥śādibhyo bhuvy-acver lopaś ca halaḥ || PS_3,1.12 ||


_____START JKv_3,1.12:

bhr̥śa ity evam ādibhyaḥ prātipadikebhyo 'cvyantebhyo bhuvi bhavaty arthe kyaṅ pratyayo bhavati, halantānāṃ ca lopaḥ /
acveḥ iti pratyekam abhisambadhyate /
kim arthaṃ puna ridam ucyate, yāvatā bhavati yoge cvir vidhīyate, tenoktārthatvāc cvyantebhyo na kyaṅ bhaviṣyati ? tatsādr̥śyapratipattyarthaṃ tarhi cvi-pratiṣedhaḥ kriyate /
abhūta-tadbhāva-viṣayebhyo bhr̥śādibhyaḥ kyaṅ pratyayaḥ /
abhr̥śo bhr̥śo bhavati bhr̥śāyate /
śīghrāyate /
bhr̥śa /
śīghra /
manda /
capala /
paṇḍita /
utsuka /
unmanas /
abhimanas /
sumanas /
durmanas /
rahas /
rehas /
śaśvat /
br̥hat /
vehat /
nr̥ṣat /
śudhi /
adhara /
ojas /
varcas /
bhr̥śādiḥ /
acveḥ iti kim ? bhr̥śībhavati //


____________________________________________________________________


lohitādi-ḍājbhyaḥ kyaṣ || PS_3,1.13 ||


_____START JKv_3,1.13:

lohitādibhyo ḍājantebhyaś ca bhavaty arthe kyaṣ pratyayo bhavati /
lohitāyati, lohitayate /
ḍājantebhyaḥ - paṭapaṭāyati, paṭapaṭāyate /
lohitaḍājbhyaḥ kyaṣ vacanam, bhr̥śādiṣvitarāṇi /
yāni lohitādiṣu paṭhyante tebhyaḥ kyaṅ eva, aparipaṭhitebhyas tu kyaṣ eva bhavati /
varmāyati, varmāyate /
nidrayati, nidrāyate /
karuṇāyati, karuṇāyate /
kr̥pāyati, kr̥pāyate /
ākr̥tigaṇo 'yam /
yathā ca kakāraḥ sāmānyagrahaṇārtho 'nubadhyate naḥ kye (*1,4.15) iti /
na hi paṭhitānāṃ madhye nakārāntaḥ śabdo 'sti /
kr̥bhvastibhir iva kyaṣā 'pi yoge ḍāj bhavati ity etad eva vacanam jñāpakam /
acveḥ ity anuvr̥tter abhūta-tadbhāve kyaṣ vijñāyate /
lohita /
nīla /
harita /
pīta /
madra /
phena /
manda /
lohitādiḥ //


____________________________________________________________________


kaṣṭāya kramaṇe || PS_3,1.14 ||


_____START JKv_3,1.14:

kyaṅ anuvartate, na kyaṣ /
kaṣṭa-śabdāc caturthīsamarthāt kramaṇe 'rthe 'nārjave kyaṅ pratyayo bhavati /
kaṣṭāya karmaṇe krāmati kaṣtāyate /
atyalpam idam ucyate /
strakaṣṭakakṣakr̥cchragahanebhyaḥ kaṇvacikīrṣāyām iti vaktavyam /
kanvacikīrṣā pāpacikīrṣā, tasyāmetebhyaḥ kyaṅ pratyayo bhavati /
strāyate /
kaṣtāyate /
kakṣāyate /
kr̥cchrāyate /
gahanāyate /
kaṇvacikīrṣāyām iti kim ? ajaḥ kaṣṭam krāmati //


____________________________________________________________________


[#179]

karmaṇo romantha-tapobhyāṃ varti-caroḥ || PS_3,1.15 ||


_____START JKv_3,1.15:

romantha-śabdāt tapaḥ-śabdāc ca karmaṇo yathākramaṃ varticaror arthayoḥ kyaṅ pratyayo bhavati /
romanthaṃ vartayati romanthāyate gauḥ /
hanucalane iti vaktavyam /
iha mā bhūt, kīṭo romanthaṃ vartayati /
tapasaḥ parasmaipadam ca /
tapaśacarati tapasyati //


____________________________________________________________________


bāṣpa-ūṣmabhyām udvamane || PS_3,1.16 ||


_____START JKv_3,1.16:

karmaṇaḥ iti vartate /
bāṣpa-śabdād ūṣma-śabdāc ca karmana udvamane 'rthe kyaṅ pratyayo bhavati /
bāṣpam udvamati bāṣpāyate /
ūṣmāyate /
phenā cceti vaktavyam /
phenam udvamati phenāyate //


____________________________________________________________________

śabda-vaira-kalaha-abhra-kaṇva-meghebhyaḥ karaṇe || PS_3,1.17 ||


_____START JKv_3,1.17:

śabda vaira kalaha abhra kanva megha ity etebhayaḥ karaṇe karoty arthe kyaṅ pratyayo bhavati /
śabdam karoti śabdāyate /
vairāyate /
kalahāyate /
abhrāyate /
kaṇvāyate /
meghāyate /
sudinadurdinanīharebhyaś ceti vaktavyam /
sudināyate /
durdināyate /
nīhārāyate /
aṭāṭṭāśīkākoṭāpoṭāsoṭāpruṣṭāpluṣṭā-grahaṇaṃ kartavyam /
aṭāyate /
aṭṭāyate /
śīkāyate /
koṭāyate /
poṭāyate /
soṭāyate /
pruṣṭāyate /
pluṣṭāyate //


____________________________________________________________________


[#180]

sukhādibhyaḥ kartr̥-vedanāyām || PS_3,1.18 ||


_____START JKv_3,1.18:

karma-grahaṇas anuvartate /
sukha ity evam ādibhyaḥ karmabhyaḥ vedanāyām arthe 'nubhave kyaṅ pratyayo bhavati, vedayituścet kartuḥ sambandhīni sukhādīni bhavanti /
sukhaṃ vedayate sukhāyate /
duḥkhāyate /
kartr̥-grahaṇaṃ kim ? sukhaṃ vedayate prasādhako devadattasya /
sukha /
duḥkha /
tr̥pta /
gahana /
kr̥cchra /
asra /
alīka /
pratīpa /
karuṇa /
kr̥paṇa /
soḍha /
sukhādiḥ //


____________________________________________________________________


namo-varivaś-citraṅaḥ kyac || PS_3,1.19 ||


_____START JKv_3,1.19:

karaṇe iti vartate /
namas varivas citraṅ ity etebhyo vā kyac pratyayo bhavati, karaṇaviśeṣe pūjādau /
namasaḥ pūjāyām - namasyati devān /
varivasaḥ paricaryāyām -- varivasyati gurūn /
citraṅa āścarye - citrīyate /
ṅakāra ātmanepadārthaḥ //


____________________________________________________________________


puccha-bhānḍa-cīvarāṇ ṇiṅ || PS_3,1.20 ||


_____START JKv_3,1.20:

karaṇe iti vartate /
puccha bhāṇḍa cīvara ity etebhyo ṇiṅ pratyayo bhavati karaṇaviśeṣe /
pucchādudasane paryasane vā /
utpucchayate /
paripucchayate /
bhāṇḍāt samācayane /
sambhānḍayate /
cīvarādarjane paridhāne vā /
sañcīvarayate bhikṣuḥ /
ṅakāra ātmanepadārthaḥ /
ṇakāraḥ sāmānyagrahaṇārthaḥ, ṇer aniṭi (*6,4.51) iti //


____________________________________________________________________


[#181]

muṇḍa-miśra-ślakṣṇa-lavaṇa-vrata-vastra-hala-kala-kr̥ta-tūstebhyo ṇic || PS_3,1.21 ||


_____START JKv_3,1.21:

muṇḍa miśra ślakṣṇa lavaṇa vrata vastra hala kala kr̥ta tūsta ity etebhyaḥ karaṇe ṇic pratyayo bhavati /
muṇḍaṃ karoti muṇḍayati /
miśrayati /
ślakṣṇayati /
lavaṇayati /
vratāt bhojane tannivr̥ttau ca - payo vratayati /
vr̥ṣalānnaṃ vratayati /
vastrāt samācchādane - saṃvastrayati /
haliṃ gr̥hṇāti halayati /
kaliṃ gr̥hṇāti kalayati /
halikalyor adantatva-nipātanaṃ sanvadbhāva-pratiṣedhāryam /
ajahalat /
acakalat /
kr̥taṃ gr̥hṇāti kr̥tayati /
tūstāni vihanti vitūstayati keśān /
viśadīkaroti ity arthaḥ //


____________________________________________________________________


dhātor eka-aco hala-ādeḥ kriyāsamabhihāre yaṅ || PS_3,1.22 ||


_____START JKv_3,1.22:

eka-aj yo dhātur halādiḥ kriyāsamabhihāre vartate tasmād yaṅ pratyayo bhavati /
paunaḥpunyaṃ bhr̥śārtho vā kriyāsamabhihāraḥ /
naḥ punaḥ pacati pāpacyate /
yāyajyate /
bhr̥śaṃ jvalati jājvalyate /
dedīpyate /
dhātoḥ iti kim ? sopasargād utpattir mā bhūt, bhr̥śaṃ prāṭati /
ekācaḥ iti kim ? bhr̥śaṃ jāgarti /
halādeḥ iti kim ? bhr̥śamīkṣate /
sūcisūtramūtryaṭyartyaśūrṇotīnāṃ grahanaṃ yaṅvidhānav ekājahalādy-artham /
sosūcyate /
sosūtryate /
momūtryate /
aṭāṭyate /
arāryate /
aśāśyate /
prorṇonūyate /
bhr̥śaṃ śobhate, bhr̥śaṃ rocate ity atra neṣyate, anabhidhānāt //


____________________________________________________________________

nityaṃ kauṭilye gatau || PS_3,1.23 ||


_____START JKv_3,1.23:

gativacanād dhatoḥ kauṭilye gamyamāne nityaṃ yaṅ pratyayo bhavati /
kuṭilaṃ krāmati caṅkramyate /
dandramyate /
nitya-grahaṇaṃ viṣayaniyama-arthaṃ, gativacanān nityam kauṭilya eva bhavati, na tu kriyāsamabhihāre /
bhr̥śaṃ krāmati //


____________________________________________________________________


lupa-sada-cara-japa-jabha-daha-daśa-gr̥̄bhyo bhāva-garhāyām || PS_3,1.24 ||


_____START JKv_3,1.24:

lupa sada cara japa jabha daha daśa gr̥̄ ityetebhyo bhāva-garhāyāṃ dhātvartha-garhāyāṃ yaṅ pratyayo bhavati /
garhitaṃ lumpati lolupyate /
evaṃ - sāsadyate /
pañcaūryate /
jañjapyate /
jañjabhyate /
dandahyate /
dandaśyate /

[#182]

nijegilyate /
bhāvagarhāyām iti kim ? sādhu japati /
bhāva-grahaṇam kim ? sādhanagarhāyāṃ mā bhūt, mantraṃ japati vr̥ṣalaḥ /
nitya-grahaṇaṃ viṣayaniyama-artham anuvartate /
etebhyo nityaṃ bhāvagarhāyām eva bhavati, na tu kriyāsamabhihāre /
bhr̥śaṃ lumpati //

____________________________________________________________________


satyāpa-pāśa-rūpa-vīṇā-tūla-śloka-senā-loma-tvaca-varma-varṇa-cūrṇa-curādibhyo ṇic || PS_3,1.25 ||


_____START JKv_3,1.25:

satya-ādibhyaś cūrṇaparyantebhyaḥ, curādibhyaś ca ṇic pratyayo bhavati /
satyam ācaṣte satyāpayati /
arthavedasatyānām āpug vaktavyaḥ /
artham ācaṣte arthāpayati /
devāpayati /
āpugvacana-sāmarthyāṭṭilopo na bhavati /
pāśād vimocane - vipāśayati /
rūpād darśane - rūpayati /
vīṇayopagāyati upavīṇayati /
tūlenānukuṣṇāti anutūlayati /
ślokairupastauti upaślokayati /
senayābhiyāti abhiṣeṇayati /
lomānyanumārṣṭi anulomayati /
tvacaṃ gr̥hṇāti tvacayati /
akārāntas tvaca-śabdaḥ /
varmaṇā sannahyati saṃvarmayati /
varṇam gr̥hṇāti varṇayati /
cūrṇaiḥ avadhvaṃsayati avacūrṇayati /
curādibhyaḥ svārthe /
corayati /
cintayati /
svābhāvikatvādarthābhidhānasya yathāsvaṃ pratyayārthā nirdiśyante //


____________________________________________________________________


hetumati ca || PS_3,1.26 ||


_____START JKv_3,1.26:

hetuḥ svatantraya kartuḥ prayojakaḥ, tadīyo vyāpāraḥ preṣanādi-lakṣaṇo hetumān, tasminn abhidheye dhātoḥ ṇic pratyayo bhavati /
kaṭaṃ kārayati /
odanaṃ pācayati /
tat karoti ity upasaṅkhyānaṃ sūtrayati ity ādyartham /
sūtraṃ karoti sūtrayati /
ākhyānāt kr̥tas tad ācaṣṭa iti ṇic kr̥lluk prakr̥tipratyāpattiḥ prakr̥tivac ca kārakam /
ākhyānāt kr̥danttaṇ ṇic vaktavyaḥ tad ācaṣṭe ity etasminn arthe, kr̥l-luk, prakr̥tipratyāpattiḥ, prakr̥tivac ca kārakaṃ bhavati /
kaṃsavadham ācaṣṭe kaṃsaṃ ghātayati /
balibandham ācaṣṭe baliṃ bandhayati /
rājāgamanam ācaṣṭe rājānam āgamayati /

[#183]

āṅ-lopaś ca kāla-atyantasaṃyoge maryādāyām /
ārātri vivāsam ācaśṭe rātriṃ vivāsayati /
citrīkaraṇe prāpi /
ujjayinyāḥ prasthito māhiṣmatyāṃ sūryodgamanaṃ sambhāvayate sūryam udgamayati /
nakṣatrayoge jñi /
puṣyayogaṃ jānāti puṣyeṇa yojayati /
maghabhir yojayati //


____________________________________________________________________


kaṇḍv-ādibhyo yak || PS_3,1.27 ||


_____START JKv_3,1.27:

kaṇḍūñ ity evam ādibhyo yak pratyayo bhavati /
dvivadhāḥ kaṇḍv-ādayo, dhātavaḥ prātipādikāni ca /
tatra dhātvadhikārād dhatubhyaḥ eva pratyayo vidhīyate, na tu prātipadikebhyaḥ /
tathā ca guṇapratiṣedha-arthaḥ kakāro 'nubadhyate /
dhātuprakaraṇād dhātuḥ kasya cāsañjanād api /
āha ca ayam imaṃ dīrghaṃ manye dhatur vibhāṣitaḥ //
kaṇḍūñ -- kaṇḍūyati, kaṇḍūyate /
ñitvāt kartr-abhiprāye kriyāphale (*1,3.72) ity ātmanepadam /
kaṇḍūñ /
mantu /
hr̥ṇīṅ /
valgu /
asmanas /
mahīṅ /
leṭ /
loṭ /
iras /
iraj /
irañ /
dravas /
medhā /
kuṣubha /
magadha /
tantas /
pampas /
sukha /
duḥkha /
sapara /
arara /
bhiṣaj /
bhiṣṇaj /
iṣudha /
caraṇa /
curaṇa /
bhuraṇa /
turaṇa /
gadgada /
elā /
kelā /
khelā /
liṭ /
loṭ //


____________________________________________________________________


gupū-dhūpa-vicchi-paṇi-panibhya āyaḥ || PS_3,1.28 ||


_____START JKv_3,1.28:

gupū rakṣaṇe, dhūpa santāpe, viccha gatau, paṇa vyavahāre stutau ca, pana ca ity etebhyo dhātubhyaḥ āya-pratyayo bhavati /
topāyati /
dhūpayati /
vicchāyati /
paṇāyati /
panāyati /
stuty-arthena paninā sāhacaryāt tadarthaḥ paṇiḥ pratyayam utpādayati na vyavahāra-arthaḥ /
śatasya paṇate /
sahasrasaya paṇate /
anubandhaś ca kevale carita-arthaḥ, tena āya-pratyaya-antānn ātmanepadaṃ bhavati //


____________________________________________________________________


[#184]

r̥ter īyaṅ || PS_3,1.29 ||


_____START JKv_3,1.29:

r̥tiḥ sautro dhatuḥ dhr̥ṇāyāṃ vartate, tataḥ īyaṅ pratyayo bhavati /
ṅakāra ātmanepada-arthaḥ /
r̥tīyate, r̥tīyete, r̥tiyante /
īyaṅ-vacanaṃ jñāpana-arthaṃ, dhātu-vihitānāṃ pratyayānām āyanādayo na bhavanti iti //


____________________________________________________________________

kamer ṇiṅ || PS_3,1.30 ||


_____START JKv_3,1.30:

kamer dhātoḥ ṇiṅ pratyayo bhavati /
ṇakāro vr̥ddhy-arthaḥ /
ṅakāra ātmanepada-arthaḥ /
kāmayate, kāmayete, kāmayante //


____________________________________________________________________


āyādaya ārdhadhātuke vā || PS_3,1.31 ||


_____START JKv_3,1.31:

ārdhadhātuka-viṣaye ārdhadhātuka-vivakṣāyām āyādayaḥ pratyayā vā bhavanti /
goptā, gopāyitā /
artitā, r̥tīyitā /
kamitā, kāmayitā /
nityaṃ pratyayaprasaṅge tad utpattir ārdhadhātuka-viṣaye vikalpyate, tatra yathāyathaṃ pratyayā bhavanti /
guptiḥ /
gopāyā //


____________________________________________________________________


san-ādyantā dhātavaḥ || PS_3,1.32 ||


_____START JKv_3,1.32:

san ādiryeṣāṃ te sanādayaḥ /
sanādayo 'nte yeṣaṃ te sanādyantāḥ /
sanādyantāḥ samudāyāḥ dhātu-sañjñāḥ bhavanti /
pratyaya-grahaṇa-paribhāṣā+eva pada-sañjñāyām antavacanena liṅgena pratiṣiddhā satī punar iha antavacanena pratiprasūyate /
cikīrṣati /
putrīyati /
putrakāmyati //


____________________________________________________________________


syatāsī l̥luṭoḥ || PS_3,1.33 ||


_____START JKv_3,1.33:

l̥-rūpam utsr̥ṣṭa-anubandhaṃ sāmānyam ekam eva /
tasmin luṭi ca parato dhātor yathā-saṅkhyaṃ syatāsī pratyayau bhavataḥ /
kariṣyati /
akariṣyat /
śvaḥ kartā /
idit-karaṇam anunāsikalopa-pratiṣedha-artham /
mantā /
saṅgantā //


____________________________________________________________________


sib-bahulaṃ leti || PS_3,1.34 ||


_____START JKv_3,1.34:

dhātoḥ sip pratyayo bhavati bahulaṃ leti parataḥ /
joṣiṣat /
tāriṣat /
mandiṣat /
na ca bhavati /
patāti didyut /
udadhiṃ cyāvayāti //


____________________________________________________________________


kās-pratyayād ām amantre liṭi || PS_3,1.35 ||


_____START JKv_3,1.35:

kāsr̥ śabda-kutsāyām, tataḥ pratyayāntebhyaś ca dhātubhyaḥ ām pratyayo bhavati liṭi parato 'mantra-viṣaye /
kāsāñ-cakre /
pratyayāntebhyaḥ -- lolūyāñ cakre /
amantre iti kim ? kr̥ṣṇo nonāva //


[#185]

kāsyanekācaḥ iti vaktavyam culumpādyartham /
cakāsāñcakāra /
daridrāñcakāra /
culumpājcakāra /
āmo 'mitvam adantatvād aguṇatvaṃ vides tathā /
āskāsorāṃ vidhānāc ca pararūpaṃ katantavat //


____________________________________________________________________


ij-ādeś ca gurumato 'nr̥cchaḥ || PS_3,1.36 ||


_____START JKv_3,1.36:

ij-ādir yo dhātur gurumān r̥cchati-varjitaḥ, tasmāc ca liṭi parata ām pratyayo bhavati /
īha ceṣṭāyām /
ūha vitarke /
īhāñcakre /
ūhāñcakre /
ijādeḥ iti kim ? tatakṣa /
rarakṣa /
gurumataḥ iti kim ? iyaja /
uvapa /
anr̥cchaḥ iti kim ? ānarccha, ānarcchatuḥ, ānarcchauḥ /
ūrṇoteś ca pratiṣedho vaktavyaḥ /
prorṇunāva /
atha vā -- vācya ūrṇorṇuvadbhāvo yaṅ-prasiddhiḥ prayojanam /
āmaś ca pratiṣedha-artham ekācaśceḍupagrahāt //


____________________________________________________________________


daya-aya-āsaś ca || PS_3,1.37 ||


_____START JKv_3,1.37:

daya dānagati-rakṣaṇeṣu, aya gatau, āsa upaveṣane, etebhyaś ca liṭi parata ām pratyayo bhavati /
dayañcakre /
palāyāñ cakre /
āsāñ cakre //


____________________________________________________________________


uṣa-vida-jāgr̥bhyo 'nyatarasyām || PS_3,1.38 ||


_____START JKv_3,1.38:

uṣa dāhe, vida jñāne, jagr̥ nidrākṣaye, etebhyo liṭi parato 'nyatarasyām ām pratyayo bhavati /
oṣāñcakāra, uvoṣa /
vidāñcakāra, viveda /
jāgarāñcakāra, jajāgāra /
videradantatva-pratijñānād āmi guṇo na bhavati //


____________________________________________________________________


bhī-hrī-bhr̥-huvāṃ śluvac ca || PS_3,1.39 ||


_____START JKv_3,1.39:

ñibhī bhaye, hrī lajjāyām, ḍubhr̥ñ dhāraṇapoṣaṇayoḥ, hu dānādānayoḥ, etebhyo liṭi parataḥ ām pratyayo bhavati anyatarasyām, ślāviva ca asmin kāryaṃ bhavati /
kiṃ punas tat ? dvitvam ittvaṃ ca /
bibhāyāñ cakāra, vibhāya /
jihrayāñ cakāra, jihrāya /
bibharāñ cakāra, babhāra /
juhavāñ cakāra, juhāva //


____________________________________________________________________


kr̥ñ ca anuprayujyate liṭi || PS_3,1.40 ||


_____START JKv_3,1.40:

ām-pratyayasya paścāt kr̥ñ anuprayujyate liṭi parataḥ /
kr̥ñ iti pratyāhāreṇa kr̥bhvastayo gr̥hyante, tat sāmarthyād aster bhūbhāvaḥ na bhavati /
ācayāñ cakāra /
pācayām babhūva /
pācayām āsa //


____________________________________________________________________

[#186]

vidāṅ-kurvantv ity anyatarasyām || PS_3,1.41 ||


_____START JKv_3,1.41:

vidāṅ-kurvantu ity etad anyatarasyāṃ nipātyate /
kiṃ punar iha nipātyate ? vider loṭi ām pratyayaḥ, guṇābhāvaḥ, loṭo luk, kr̥ñaś ca loṭparasya anuprayogaḥ /
atra bhavanto vidāṅ-kurvantu, vidantu /
iti-karaṇaḥ pradarśana-arthaḥ, na kevalaṃ prathamapuruṣa-bahuvacanaṃ, kiṃ tarhi sarvāṇy eva loḍ-vacanāny anuprayujyante, vidāṅ karotu, vidāṅ kurutāt, vidāṅ kurutām, vidāṅ kuru, vidāṅ kurutam ity ādi //


____________________________________________________________________


abhyutsādayāṃ-prajanayām-cikayāṃ-ramayām-akaḥ pāvayām-kriyād vidām-akrann iti cchandasi || PS_3,1.42 ||


_____START JKv_3,1.42:

abhyutsādayām ity evam ādayaḥ chandasi viṣaye 'nyatarasyāṃ nipātyante /
sadijaniramīṇāṃ ṇyantānāṃ luḍi ām pratyayo nipātyate /
cinoter api tatra+eva+aampratyayo dvirvacanaṃ kutvaṃ ca /
akar iti caturbhir api pratyekam anuprayogaḥ sambadhyate /
pāvayām kriyāt iti pavateḥ punāter vā ṇyantasya liṅi ām nipātyate, guṇābhāvaś ca, akran iti ca asya anuprayogaḥ /
vidām-akran iti vider luṅi ām nipātyate, gunabhāvaś ca, akran iti ca asya anuprayogaḥ /
abhyutsādayām akaḥ /
abhyudasīṣadat iti bhāṣāyām /
prajanayām akaḥ /
prājījanat iti bhāṣāyām /
cikayām akaḥ /
acaiṣīt iti bhāṣāyām /
ramayām akaḥ /
arīramat iti bhāṣāyām /
pāvayāṅkriyāt /
pāvyāt iti bhāṣāyām /
vidām akran /
avediṣuḥ iti bhāṣāyām //


____________________________________________________________________


cli luḍi || PS_3,1.43 ||


_____START JKv_3,1.43:

dhātoḥ cliḥ pratyayo bhavati luḍi parataḥ /
ikāra uccāraṇa-arthaḥ, cakāraḥ svara-arthaḥ /
asya sijādīn ādeśān vakṣyati /
tatra+eva+udāharisyāmaḥ //


____________________________________________________________________


cleḥ sic || PS_3,1.44 ||


_____START JKv_3,1.44:

cleḥ sijādeśo bhavati /
ikāra uccāraṇa-arthaḥ, cakāraḥ svara-arthaḥ /
akārṣīt /
ahārṣīt /
āgamān udāttatvaṃ hi pratyaya-svaram iva citsvaram api badheta iti sthāninyādeśe ca dviś cakāro 'nubadhyate /
spr̥śamr̥śakr̥ṣatr̥padr̥pāṃ sijvā vaktavyaḥ /
asprākṣīt, aspārkṣīt, aspr̥kṣat /
amrākṣīt, amārkṣīt, amr̥kṣat /
akārṣīt, akrākṣīt, akr̥kṣat /
atrāpsīt, ātārpsīt, atr̥pat /
adrāpsīt, adārpsīt, adr̥pat //


____________________________________________________________________


[#187]

śala ig-upadhād aniṭaḥ kṣaḥ || PS_3,1.45 ||


_____START JKv_3,1.45:

śalanto yo dhātur ig-upadhas tasmāt parasya cleḥ aniṭaḥ kṣa ādeśo bhavati /
duha - adhukṣat /
liha - alikṣat /
śalaḥ iti kim ? abhaitsīt /
acchaitsīt /
ig-upadhāt iti kim ? adhākṣīt /
aniṭaḥ iti kim ? akoṣīt /
amoṣīt //


____________________________________________________________________


śliṣa āliṅgane || PS_3,1.46 ||


_____START JKv_3,1.46:

śliṣeḥ dhātoḥ āliṅgana-kriyāvacanāt parasya cleḥ kṣaḥ ādeśo bhavati /
āliṅganam upagūhanaṃ, pariṣvaṅgaḥ /
atra niyama-artham etat /
āślikṣat kanyāṃ devadattaḥ /
āliṅgane iti kim ? samāśliṣajjatu kāṣṭham //


____________________________________________________________________


na dr̥śaḥ || PS_3,1.47 ||


_____START JKv_3,1.47:

pūrveṇa kṣaḥ prāptaḥ pratiṣidhyate /
dr̥śeḥ dhātoḥ parasya cleḥ kṣa-ādeśo na bhavati /
asmin pratiṣiddhe irito vā (*3,1.45) iti aṅsicau bhavataḥ /
adarśat, adrākṣīt //


____________________________________________________________________


ṇi-śri-dru-srubhyaḥ kartari caṅ || PS_3,1.48 ||


_____START JKv_3,1.48:

sij-apavādaś caṅ vidhīyate /
ṇy-antebhyo dhātubhyaḥ, śri dru sru ity etebhyaś ca parasya cleḥ caṅ-ādeśo bhavati kartavācini luṅi parataḥ /
ṅakāro guṇa-vr̥ddhi-pratiṣedha-arthaḥ, cakāraḥ caṅi (*6,1.11) iti viśeṣaṇa-arthaḥ /
acīkarat /
ajīharat /
aśiśriyat /
adudruvat /
asusruvat /
kartari iti kim ? akārayiṣātāṃ kaṭau devadattena /
kamer upasaṅkhyānam /
āyādayaḥ ārdhadhātuke vā (*3,1.31) iti yadā ṇiṅ na asti tadaa+etat upasaṅkhyānam /
acakamata /
ṇiṅpakṣe sanvadbhāvaḥ /
acīkamata /
nākamiṣṭasukhaṃ yānti suyuktair vaḍavārathaiḥ /
atha patkaṣiṇo yānti ye 'cīkamatabhāṣiṇaḥ //


____________________________________________________________________

vibhāṣā dheṭ-śvyoḥ || PS_3,1.49 ||


_____START JKv_3,1.49:

dheṭ pāne, ṭuośvi gati-vr̥ddhyoḥ, etābhyām uttarasya cler vibhāṣā caṅ-ādeśo bhavati /
dheṭastāvat - adadhāt /
sicpakṣe vibhāṣā ghrā-dheṭ-śāc-chā-saḥ (*2,4.78) iti luk /
adhāt /
adhāsīt /
śvayateḥ khalv api /
aśiśviyat /
aṅo 'py atra vikalpa iṣyate /
aśvat /
aśvayīt /
kartari ity eva, adhiṣātāṃ gavau vatsena //


____________________________________________________________________


[#188]

gupeś chandasi || PS_3,1.50 ||


_____START JKv_3,1.50:

gupeḥ parasya cleḥ chandasi viṣaye vibhāṣā caṅ ādeśo bhavati /
yatra āya-pratyayo nāsti tatra ayaṃ vidhiḥ /
imān me mitrāvaruṇau gr̥hañjugupatam yuvam /
agauptam, agopiṣṭam, agopāyiṣṭam iti vā /
bhāśāyāṃ tu caṅantaṃ varjayitvā śiṣṭaṃ rūpatrayaṃ bhavati //


____________________________________________________________________

na-unayati-dhvanayaty-elayaty-ardayatibhyaḥ || PS_3,1.51 ||


_____START JKv_3,1.51:

ūna parihāṇe, dhvana śabde, ila preraṇe, arda gatau yācane ca, etebhyo dhātubhyaḥ ṇyantebhyaḥ pūrveṇa cleścaṅi prāpte chandasi viṣaye na bhavati /
kāmamūnayīḥ /
auninaḥ iti bhāṣāyām /
mā tvāgnirdhavanayīt /
adidhvanat iti bhaṣāyām /
kāmamilayīt /
aililat iti bhāṣāyām /
mainamardayīt /
ārdidat iti bhāśāyām //


____________________________________________________________________


asyati-vakti-khyātibhyo 'ṅ || PS_3,1.52 ||


_____START JKv_3,1.52:

asu kṣepane, vaca paribhāṣaṇe brūñ-ādeśo vā, khyā prakathane cakṣiṅ-ādeśo vā, ebhyaḥ parasya cler aṅ-ādeśo bhavati kartr̥-vācini lugi parataḥ /
asyateḥ puṣādipāṭhādevāṅi siddhe punar grahaṇam ātmanepada-artham /
paryāsthata, paryāsthetām, paryāsthanta /
vakti - avocat, avocatām, avocan /
khyāti - ākhyat, ākhyatām, ākhyan /
kartari iti kim ? paryāsiṣātāṃ gāvau vatsena //


____________________________________________________________________


lipi-sici-hvaś ca || PS_3,1.53 ||


_____START JKv_3,1.53:

lipa upadehe ṣica kṣarane, hveñ spardhāyām, etebhyaś ca parasya cleḥ aṅ ādeśo bhavati /
alipat /
asicat /
āhvat /
pr̥thag-yoga uttara-arthaḥ //


____________________________________________________________________


ātmanepadeṣv anyatarasyām || PS_3,1.54 ||


_____START JKv_3,1.54:

pūrveṇa prāpte vibhaṣā ārabhyate /
lipi-sici-hva ātmanepadeṣu parataḥ cleḥ aṅ-ādeśo bhavati anyatarasyām /
svaritañitaḥ kartr-abhiprāye kriyāphale (*1,3.52) ity ātmanepadam /
alipata, alipta /
asicata, asikta /
ahvat, ahvāsta //


____________________________________________________________________


[#189]

puṣādi-dyutādy-l̥ditaḥ prasmaipadeṣu || PS_3,1.55 ||


_____START JKv_3,1.55:

dyutādibhyaś ca dhātubhyaḥ parasya cleḥ parasmaipadeṣu parataḥ aṅādeśo bhavati /
puṣādir divādyantargaṇo gr̥hyate, na bhvādi-kryādy-antargaṇaḥ /
puṣa - apuṣat /
dyutādi - adyutat /
aśvitat /
l̥didbhyaḥgaml̥ - agamat /
śakl̥ - aśakat /
parasmaipadesu iti kim ? vyadyotiṣṭa /
aloṭiṣṭa //


____________________________________________________________________


sarti-śāsty-artibhyaś ca || PS_3,1.56 ||


_____START JKv_3,1.56:

sr̥ gatau, śāsu anuśiṣṭau r̥ gatau ity etebhyaḥ parasya cleḥ aṅ-ādeśo bhavati /
asarat /
aśiṣat /
ārat /
pr̥thagyogakaraṇam ātmanepadārtham /
samaranta /
cakāraḥ parasmaipadeṣu ity anukarṣaṇa-arthaḥ taccottaratropayogaṃ yāsyati //


____________________________________________________________________


irito vā || PS_3,1.57 ||


_____START JKv_3,1.57:

irito dhātoḥ parasya cleḥ aṅ-ādeśo vā bhavati /
bhidir - abhidat, abhaitsīt /
chidir - acchidat, acchaitsīt /
parasmaipadeṣu ity eva, abhitta /
acchitta //

____________________________________________________________________


jr̥̄-stambhu-mrucu-mlucu-grucu-glucu-gluñcu-śvibhyaś ca || PS_3,1.58 ||


_____START JKv_3,1.58:

vā iti vartate /
jr̥̄ṣ vayohānau, stambhuḥ sautro dhātuḥ, mrucu, mlucu gatyarthe, grucu, glucu steyakaraṇe, gluñcu, ṣasja gatau, ṭuośvi gati-vr̥ddhyoḥ, etebhyo dhātubhyaḥ parasya cler vā aṅ-ādeśo bhavati /
ajarat, ajārīt /
astabhat, astambhīt /
amrucat, amrocīt /
amlucat, amlocīt /
agrucat, agrocīt /
aglucat, aglocīt /
agluñcat, agluñcīt /
aśvat, aśvayīt, aśīśviyat /
glucu-glujcvor anyataropādāne 'pi rūpatrayaṃ sidhyati, arthabhidāt tu dvayor upādānaṃ kr̥tam /
kecit tu varnayanti dvayor upādāna-sāmarthyād gluñcer anunāsikalopo na bhavati, agluñcat iti //


____________________________________________________________________


kr̥-mr̥-dr̥-ruhibhyaś chandasi || PS_3,1.59 ||


_____START JKv_3,1.59:

kr̥ mr̥ dr̥ ity etebhyaḥ parasya cleḥ chandasi viṣaye aṅ-ādeśo bhavati /
śakalāṅguṣṭhako 'karat /
atho 'mara /
adaradarthān /
sānumāruhat /
antarikṣād divamāruham /
chandasi iti kim ? akārṣīt /
amr̥ta /
adārīt /
arukṣat //


____________________________________________________________________


[#190]

ciṇ te padaḥ || PS_3,1.60 ||


_____START JKv_3,1.60:

pada gatau, asmād dhātoḥ parasya cleḥ ciṇ-ādeso bhavati taśabde parataḥ /
samarthyād ātmanepada-ekavacanaṃ gr̥hyate /
udapādi sasyam /
samapādi bhaikṣam /
ta iti kim ? udapatsātām /
udapatsata //


____________________________________________________________________


dīpa-jana-budha-pūri-tāyi-pyāyibhyo 'nyatarasyām || PS_3,1.61 ||


_____START JKv_3,1.61:

ciṇ te iti vartate /
dīpī dīptau, janī prādurbhāve, budha avagamane, pūrī āpyāyane, tāyr̥ santānapālanayoḥ, opyāayī vr̥ddhau, etebhyaḥ parasya cleḥ taśabde parato 'nyatarasyāṃ ciṇ-ādeśo bhavati /
adīpi, adīpiṣṭa /
ajani, ajaniṣṭa /
abodhi, abuddha /
apūri, apūriṣṭa /
atāyi, atāyiṣṭa /
apyāyi, apyāyiṣṭa //


____________________________________________________________________


acaḥ karmakartari || PS_3,1.62 ||


_____START JKv_3,1.62:

ajantād dhātoḥ parasya cleḥ karmakrtari ta-śabde parataḥ ciṇādeṣo bhavati /
prāpta-vibhāṣeyam /
akāri kaṭaḥ svayam eva, akr̥ta kaṭaḥ svayam eva /
alāvi kedāraḥ svayam eva, alaviṣṭa kedāraḥ svayam eva /
acaḥ iti kim ? abhedi kāṣṭhaṃ svayam eva /
karmakartari iti kim ? akāri kaṭo devadattena //


____________________________________________________________________


duhaś ca || PS_3,1.63 ||


_____START JKv_3,1.63:

duha prapūraṇe, asmāt parasya cleḥ ciṇādeśo bhavaty anyatarasyām /
adohi gauḥ svayam eva, agugdha gauḥ svayam eva /
karmakartari ity eva, adohi gaurgopālakena //


____________________________________________________________________


na rudhaḥ || PS_3,1.64 ||


_____START JKv_3,1.64:

rudhir āvaraṇe, asmāt parasya cleḥ karmakrtari ciṇ-ādeśo na bhavati /
anvavāruddha gauḥ svayam eva /
karmakartari ity eva, anvavārodhi gauḥ gopālakena //


____________________________________________________________________


tapo 'nutāpe ca || PS_3,1.65 ||


_____START JKv_3,1.65:

na iti vartate /
tapa santāpe, asmāt parasya cleḥ ciṇādeśo na bhavati karmakartari anutāpe ca /
anutāpaḥ paścāttapaḥ /
tasya grahaṇam karmakartrarthaṃ, tatra hi bhāvakarmaṇor api pratiṣedho bhavati /
atapta tapastāpasaḥ /
anvavātapta pāpena karmaṇā //


____________________________________________________________________


[#191]

ciṇ bhāvakarmaṇoḥ || PS_3,1.66 ||


_____START JKv_3,1.66:

dhātoḥ parasya cleḥ ciṇ-ādeśo bhavati bhāve karmaṇi ta-śabde parataḥ /
bhāve tāvat -- aśāyi bhavatā /
karmaṇi khalv api -- akāri kaṭo devadattena /
ahāri bhāro yajñadattena /
ciṇ-grahaṇaṃ vispaṣṭa-artham //

____________________________________________________________________


sārvadhātuke yak || PS_3,1.67 ||


_____START JKv_3,1.67:

bhāvakarma-vācini sārvadhātuke parato dhatoḥ yak pratyayo bhavati /
āsyate bhavatā /
śayyate bhavatā /
karmaṇi -- kriyate kaṭaḥ /
gamyate grāmaḥ /
kakāro guṇavr̥ddhi-pratiṣedha-arthaḥ /
yag-vidhāne karmakrtary-upasaṅkhyānam /
vipratiṣedhād dhi yakaḥ śapo valīyastvam /
kriyate kaṭaḥ svayam eva /
pacyate odanaḥ svayam eva //


____________________________________________________________________


kartari śap || PS_3,1.68 ||


_____START JKv_3,1.68:

kartr̥-vācini sārvadhātuke parato dhātoḥ śap pratyayao bhavati /
pakāraḥ svarārthaḥ /
śakāraḥ sārvadhātuka-sañjña-arthaḥ /
bhavati /
pacati //


____________________________________________________________________

div-ādibhyaḥ śyan || PS_3,1.69 ||


_____START JKv_3,1.69:

div ity evam ādibhyaḥ dhātubhyaḥ śyan partyayo bhavati /
śapo 'pavādaḥ /
nakāraḥ svara-arthaḥ /
śakāraḥ sārvadhātuka-arthaḥ /
dīvyati /
sīvyati //


____________________________________________________________________


vā bhrāśa-bhlāśa-bhramu-kramu-klamu-trasi-truti-laṣaḥ || PS_3,1.70 ||


_____START JKv_3,1.70:

ubhayatra vibhāṣeyam /
ṭubhrāśr̥, dubhlāśr̥ dīptau, bhramu anavasthāne, bhramu calane, dvayor api grahaṇam, kramu pādavikṣepe, klamu glānau, trasī udvege, truṭī chedane, laṣa kāntau, etebhyo vā śyan pratyayo bhavati /
bhrāśyate, bhrāśate /
bhlāśyate, bhlāśate /
bhrāmyati, bhramati /
krāmyati, krāmati /
klāmyati, klāmati /
trasyati, trasati /
tryuṭyati, truṭati /
laṣyati, laṣati //


____________________________________________________________________


yaso 'nupasargāt || PS_3,1.71 ||

_____START JKv_3,1.71:

yasu prayatne daivādikaḥ /
tasmān nityaṃ śyani prāpte 'nupasargād vikalpa ucyate /
yaso 'nupasargād vā śyan pratyayo bhavati /
yasyati, yasati /
anupasargāt iti kim ? āyasyati /
prayasyati //


____________________________________________________________________


[#192]

saṃyasaś ca || PS_3,1.72 ||


_____START JKv_3,1.72:

sopasarga-artha ārambhaḥ /
sampūrvāc ca yaseḥ vā śyan pratyayo bhavati /
saṃyasyati, saṃyasati //


____________________________________________________________________


sv-ādibhyaḥ śnuḥ || PS_3,1.73 ||


_____START JKv_3,1.73:

ṣūñ abhiṣave, ity evam ādibhyo dhātubhyaḥ śnupratyayo bhavati /
śapo 'pavādaḥ /
sunoti /
sinoti //

____________________________________________________________________


śruvaḥ śr̥ ca || PS_3,1.74 ||


_____START JKv_3,1.74:

śruvaḥ śnu-pratyayo bhavati, tatsaṃniyogena śruvaḥ śr̥ ity ayam ādeśo bhavati /
śr̥ṇoti, śr̥ṇutaḥ, śr̥̄ṇvanti //


____________________________________________________________________


akṣo 'nyatarasyām || PS_3,1.75 ||


_____START JKv_3,1.75:

akṣū vyāptau /
bhauvādikaḥ /
asmād anyatarasyāṃ śnu-pratyayo bhavati /
akṣṇoti, akṣati //


____________________________________________________________________


tanū-karaṇe takṣaḥ || PS_3,1.76 ||


_____START JKv_3,1.76:

takṣū tvakṣū tanū-karaṇe, asmāt tanūkaraṇe vartamānāt anatarasyāṃ śnu-pratyayo bhavati /
anekārthatvād dhātūnāṃ viśeṣaṇa-upādānam /
takṣṇoti kāṣṭham, takṣati kāṣṭham /
tanūkaraṇe iti kim ? saṃtakṣati vāgbhiḥ //

____________________________________________________________________


tud-ādibhyaḥ śaḥ || PS_3,1.77 ||


_____START JKv_3,1.77:

tuda vyathane ity evam ādibhyo dhātubhyaḥ śa-pratyayo bhavati /
śapo 'pavādaḥ /
śakāraḥ sārvadhātukasañjña-arthaḥ /
tudati /
nudati //


____________________________________________________________________


rudḥ-ādibhyaḥ śnam || PS_3,1.78 ||


_____START JKv_3,1.78:

rudhir āvaraṇe ity evam ādibhyo dhātubhyaḥ śnam pratyayo bhavati /
śapo 'pavādaḥ /
makāro deśavidhyarthaḥ /
śakāraḥ śnān nalopaḥ (*6,4.23) iti viśeṣaṇa-arthaḥ /
ruṇaddhi /
bhinatti //


____________________________________________________________________


[#193]

tan-ādi-kr̥ñbhyaḥ uḥ || PS_3,1.79 ||

_____START JKv_3,1.79:

tanu vistāre ity evam ādibhyo dhātubhyaḥ kr̥ñaś ca u-pratyayo bhavati /
śapo 'pavādaḥ /
tanoti /
sanoti /
kṣaṇoti /
kr̥ñaḥ khalv api - karoti /
tanādi-pāṭhād eva u-pratyaye siddhe karoter upādānaṃ niyama-artham, anyat tan-ādi-kāryaṃ mā bhūt iti /
tan-ādibhyas ta-thāsoḥ (*2,4.79) /
iti vibhāṣā sico lug na bhavati /
akr̥ta /
akr̥thāḥ //


____________________________________________________________________


dhinvi-kr̥ṇvyor a ca || PS_3,1.80 ||


_____START JKv_3,1.80:

hivi, dhivi jivi prīṇana-arthāḥ, kr̥vi hiṃsākaraṇayoḥ, ity etayoḥ dhātvoḥ u-pratyayo bhavati, akāraś ca antādeśaḥ /
dhinoti /
kr̥ṇoti /
ato lopasya sthānivadbhāvāt guṇo na bhavati //


____________________________________________________________________


kry-ādibhyaḥ śnā || PS_3,1.81 ||


_____START JKv_3,1.81:

ḍukrīñ dravyavinimaye ity evam ādibhyaḥ dhātubhyaḥ śnā pratyayo bhavati /
śapo 'pavādaḥ /
śakāraḥ sārvadhātuka-sañjña-arthaḥ /
krīṇāti /
prīṇāti //


____________________________________________________________________


stambhu-stumbhu-skambhu-skumbhu-skuñbhyaḥ śnuś ca || PS_3,1.82 ||


_____START JKv_3,1.82:

ādyāś catvāro dhātavaḥ sautrāḥ, skuñ āpravaṇe, etebhyaḥ śnā pratyayo bhavati, śnuḥ ca /
stabhnāti, stabhnoti /
stubhnāti, stubhnoti /
skabhnāti, skabhnoti /
skubhnāti, skubhnoti /
skunāti, skunoti /
udittva-pratijñānāt sautrāṇām api dhātūnāṃ sarvārthatvaṃ vijñāyate, na+etad vikaraṇa-viṣayatvam eva //


____________________________________________________________________


halaḥ śnaḥ śānajjñau || PS_3,1.83 ||


_____START JKv_3,1.83:

hala uttarasya śnā-pratyayasya śanaj-ādeśo bhavati hau parataḥ /
muṣāṇa /
puṣāṇa /
halaḥ iti kim ? krīṇīhi /
hau iti kim ? muṣṇāti /
śnaḥ iti sthāni-nirdeśaḥ ādeśa-sampratyaya-arthaḥ /
itarathā hi pratyaya-antaram eva sarvaviṣayaṃ vijñāyeta //


____________________________________________________________________


[#194]

chandasi śāyaj api || PS_3,1.84 ||


_____START JKv_3,1.84:

chandasi viṣaye śnaḥ śāyac ādeśo bhavati, śānaj api /
gr̥bhāya jihvayā madhu /
śānacaḥ khalv api - badhāna deva savitaḥ //


____________________________________________________________________


vyatyayo bahulam || PS_3,1.85 ||


_____START JKv_3,1.85:

yathāyathaṃ vikaraṇāḥ śabādayo vihitāḥ, teṣāṃ chandasi viṣaye bahulaṃ vyatyayo bhavati /
vyatigamanaṃ vyatyayaḥ, vyatihāraḥ /
viṣayāntare vidhānam, kvacid dvivikaraṇatā, kvacit trivikaraṇatā ca /
āṇḍā śuṣṇasya bhedati /
bhinatti iti prāpte /
tāścinnau na maranti /
na mriyante iti prāpte /
dvivikaraṇatā - indro vastena neṣatu /
nayatu iti prāpte /
trivikaraṇatā - indreṇa yujā taruṣema vr̥tram /
tīryasma iti prāpte /
bahula-grahaṇaṃ sarvavidhi-vyabhicāra-artham /
suptiṅupagraliṅganaraṇāṃ kālahalacsvarakartr̥yaṅāṃ ca /
vyatyayamicchati śāstrakr̥deṣāṃ so 'pi ca sidhyati bahulakena //


____________________________________________________________________


liṅy āśiṣy aṅ || PS_3,1.86 ||


_____START JKv_3,1.86:

āśiṣi viṣaye yo liṅ tasmin parataḥ chandasi viṣaye aṅ pratyayo bhavati /
śapo 'pavādaḥ /
chandasy ubhayathā (*3,4.117) iti liṅaḥ sārvadhātuka-sañjñāpyasti /
sthāgāgamivacividiśakiruhayaḥ prayojanam /
sthā - upastheṣaṃ vr̥ṣabhaṃ tugriyāṇām /
gā - satyam upageṣam /
gami - gr̥haṃ gamema /
vaci - mantraṃ vocemāgnaye /
vidi - videyamenāṃ manasi praviṣṭām /
śaki - vrataṃ cariṣyāmi tacchakeyam /
ruhi - svargaṃ lokam āruheyam /
dr̥śerag vaktavyaḥ /
pitaraṃ dr̥śeyaṃ mātaraṃ ca //


____________________________________________________________________


[#195]

karmavat karmaṇā tulyakriyaḥ || PS_3,1.87 ||


_____START JKv_3,1.87:

karmaṇi kriyā karma, karmasthayā kriyayā tulyakriyaḥ kartā karmavad bhavati /
yasmin karmaṇi kartr̥bhūte 'pi tadvat kriyā lakṣyate yathā karmaṇi, sa kartā karmavad bhavati /
karmāśrayāṇi kāryāṇi pratipadyate /
kartari śap (*3,1.68) iti kartr̥-grahaṇam iha anuvr̥ttaṃ prathamayā vipariṇamyate /
yagātmanepadaciṇciṇvadbhāvāḥ prayojanam /
bhidyate kāṣṭhaṃ svayam eva /
abhedi kāṣṭhaṃ svayam eva /
kāriṣyate kaṭaḥ svayam eva /
vatkaraṇaṃ svāśrayam api yathā syāt, bhidyate kusūlena iti /
akarmakāṇāṃ bhāve laḥ siddho bhavati /
liṅy-āśi-ṣyaṅ (*3,1.86) iti dvilakārako nirdeśaḥ /
tatra lānuvr̥tter lāntasya kartā karmavad bhavati iti kusūlād dvitīyā na bhavati /
karmaṇā iti kim ? karaṇa-adhikaraṇa-abhyāṃ tulyakriyasya mā bhūt /
sādhvasiśchinatti /
sādhu sthālī pacati /
dhātv-adhikārāt samāne dhātau karmavad-bhāvaḥ /
iha na bhavati, pacaty odanaṃ devadattaḥ, rādhyanty odanaṃ svayam eva iti /
karmasthabhāvakānāṃ karmasthakriyāṇāṃ ca kartā karmavadbhavati, na kartr̥sthābhāvakānāṃ na vā kartr̥stha-kriyāṇām /
karmasthaḥ pacater bhāvaḥ karmasthā ca bhideḥ kriyā /
māsāsibhāvaḥ kartr̥sthaḥ kartr̥sthā ca gameḥ kriyā //


____________________________________________________________________


tapas tapaḥ-karmakasya+eva || PS_3,1.88 ||


_____START JKv_3,1.88:

tapa santāpe, asya kartā karmavadbhāvati, sa ca tapaḥ-karmakasya+eva na anyakarmakasya /
kriyābhedād vidhy-artham etat /
upavāsādīni tapāṃsi tāpasaṃ tapanti /
duḥkhayanti ity arthaḥ /
sa tāpasastvagasthibhūtaḥ svargāya tapastapyate /
arjayati ity arthaḥ /
pūrveṇa aprāptaḥ karmavadbhāvo vidhīyate /
tapyate tapastāpasaḥ /
atapta tapastāpasaḥ /
tapaḥkarmakasya+eva iti kim ? uttapati suvarṇaṃ suvarṇakāraḥ //


____________________________________________________________________


na duha-snu-namāṃ yak-ciṇau || PS_3,1.89 ||


_____START JKv_3,1.89:

duha sanu nam it yeteṣaṃ karmakartari yak-ciṇau karmavadbhāva-apadiṣṭau na bhavataḥ /
duher anena yak pratiṣidhyate /
ciṇ tu duhaś ca (*3,1.63) iti pūrvam eva vibhāṣitaḥ /
dugdhe gauḥ svayam eva /
adugdha gauḥ svayam eva /
adohi gauḥ svayam eva /
prasnute gauḥ svayam eva /
prāsnoṣṭa gauḥ svayam eva /
namate daṇḍaḥ svayam eva /
anṃsta daṇḍaḥ svayam eva /
yak-ciṇoḥ pratiṣedhe ṇiśranthigranthibrūñ. ātmanepadākarmakāṇām upasaṅkhyānam /
kārayati kaṭaṃ devadattaḥ /
kārayate kaṭaḥ svayam eva /
acīkarat kaṭaṃ devadattaḥ /
acīkarata kaṭaḥ svayam eva /
utpucchayate gāṃ gopaḥ /
utpucchayate gauḥ svayam eva /
udapupucchata gauḥ svayam eva /
śrathnāti granthaṃ devadattaḥ /
śrathnīte granthaḥ svayam eva /
aśranthiṣṭa granthaḥ svayam eva /
grathnāti ślokaṃ devadattaḥ /
grathnīte ślokaḥ svayam eva /

[#196]

agranthiṣṭa ślokaḥ svayam eva /
bravīti ślokaṃ devadattaḥ /
brūte ślokaḥ svayam eva /
avocat ślokaṃ devadattaḥ /
avocata ślokaḥ svayam eva /
ātmanepada-vidhāne 'karmakāṇām - āhanti māṇavakaṃ devadattaḥ /
āhate māṇavakaḥ svayam eva /
āvadhiṣṭa mānavakaḥ svayam eva, āhata iti vā /
vikurvate saindhavāḥ svayam eva /
vyakr̥ṣata saindhavaḥ svayam eva //


____________________________________________________________________


kuṣi-rajoḥ prācāṃ śyan parasmaipadaṃ ca || PS_3,1.90 ||


_____START JKv_3,1.90:

kuṣa niṣkarṣe, rañja rāge, anayor dhātvoḥ karmakartari prācām ācāryāṇāṃ matena śyan pratyayo bhavati, parasmaipadaṃ ca /
yag-ātmanepadayor apavādau /
kuṣyati pādaḥ svayam eva /
rajyati vastraṃ svayam eva /
prācāṃ grahaṇaṃ vikalpa-artham /
kuṣyate /
rajyate /
vyavasthita-vibhāṣā ca+iyam /
tena liṭ-liṅoḥ syādi-viṣaye ca na bhavataḥ /
cukuṣe pādaḥ svayam eva /
rarañje vastraṃ svayam eva /
koṣiṣīṣṭa pādaḥ svayam eva /
raṅkṣīṣṭa vastraṃ svayam eva /
koṣiṣyate pādaḥ svayam eva /
raṅkṣyate vastraṃ svayam eva /
akoṣi pādaḥ svayam eva /
arañji vastraṃ svayam eva //


____________________________________________________________________


dhātoḥ || PS_3,1.91 ||


_____START JKv_3,1.91:

dhātoḥ ity ayam adhikāro veditavayḥ /
ātr̥tīyādhyāya-parisamāpteḥ yadita ūrdhvam anukramiṣyāmo dhātoḥ ity evaṃ tad veditavyam /
vakṣyati - tavyat-tavya-anīyaraḥ (*3,1.96) iti /
kartavyam /
karaṇīyam /
dhātu-grahanam anakarthakaṃ yaṅ-vidhau dhātv-adhikārāt /
kr̥dupapada-sajña-arthaṃ tarhi, asmin dhātv-adhikāre te yathā syātāṃ, pūrvatra mā bhūtām iti /
ārdhadhātuka-sañjña-arthaṃ ca dvitīyaṃ dhātu-grahaṇaṃ kartavyam /
dhātoḥ ity evaṃ vihitasya yathā syāt /
iha mā bhūt, lūbhyām, lūbhiḥ iti //


____________________________________________________________________


tatra+upapadaṃ saptamīstham || PS_3,1.92 ||


_____START JKv_3,1.92:

tatra+etasmin dhātv-adhikāre tr̥tīye yat saptamī-nirdiṣṭaṃ tad upapada-sañjñaṃ bhavati /
vakṣyati - karmaṇy-aṇ (*3,2.1) /
kumbhakāraḥ /
stha-grahaṇaṃ sūtreṣu saptamī-nirdeśa-pratipatty-artham /
itarathā hi saptamī śrūyate yatra tatra+eva syāt, stamberamaḥ, karṇejapaḥ iti /
yatra vā saptamī-śrutir asti saptamyāṃ janer ḍaḥ (*3,2.97) iti, upasarajaḥ, mandurajaḥ iti /
stha-grahaṇāt tu sarvatra bhavati /
gurusañjñā-karaṇam anvarthasañjñā-vijñāne sati samartha-paribhāṣāvyāpāra-artham /
paṣya kumbhaṃ, karoti kaṭam iti pratyayo na bhavati /
upapada-pradeśāḥ - upapadam atiṅ (*2,2.19) ity evam ādayaḥ //

____________________________________________________________________


[#197]

kr̥d atiṅ || PS_3,1.93 ||


_____START JKv_3,1.93:

asmin dhātv-adhikāre tiṅ-varjitaḥ pratyayaḥ kr̥t-sajñako bhavati /
kartavyam /
karaṇīyam /
atiṅa iti kim ? cīyāt /
stūyāt /
kr̥tpradeśāḥ -- kr̥t-taddhita-samāsaś ca (*1,2.46) ity evam ādayaḥ //


____________________________________________________________________


vā 'sarūpo 'striyām || PS_3,1.94 ||


_____START JKv_3,1.94:

asmin dhātv-adhikāre 'smānarūpaḥ pratyayo 'pavādo vā bādhako bhavati stryadhikāra-vihita-pratyayaṃ varjayitvā /
ṇvul-tr̥cau (*3,1.133) utsargau, igupadha-jñā-pri-ikiraḥ kaḥ (*3,1.135) ity apavādaḥ, tad-viṣaye ṇvul-tr̥cau (*3,1.133) api bhavataḥ /
vikṣepakaḥ, vikṣeptā, vikṣipaḥ /
asarūpa iti kim ? karmaṇy-aṇ (*3,2.1) ity utsargaḥ, āto 'nupasarge kaḥ (*3,2.3) ity apavādaḥ, sanityaṃ bādhako bhavati /
godaḥ /
kambaladaḥ /
na amubandha-kr̥tam asārūpyam /
astriyām iti kim ? striyāṃ kitan (*3,3.94) ity utsargaḥ, a pratyayāt (*3,3.102) ity apavadaḥ, sa bādhaka eva bhavati /
cikīrṣā jihīrṣā //


____________________________________________________________________


kr̥tyāḥ pragṇ vulaḥ || PS_3,1.95 ||


_____START JKv_3,1.95:

ṇvul-tr̥cau (*3,1.133) iti vakṣyati /
prāg etasmāṇ ṇvulsaṃśabdanād yānita ūrdhvam anukramiṣyāmaḥ, kr̥tya-sañjakaste veditavyāḥ /
tatra+eva+udāharisyāmaḥ /
kr̥tya-pradeśaḥ - kr̥tyair adhika-ārtha-vacane (*2,1.33), kr̥tyānāṃ kartari vā (*2,3.71) ity evam ādayaḥ //


____________________________________________________________________


tavyat-tavya-anīyaraḥ || PS_3,1.96 ||


_____START JKv_3,1.96:

dhātoḥ (*3,1.91) iti vartate /
dhātoḥ tavyat, tavya, anīyar ity ete prayayā bhavanti /
takārarephau svarārthau /
kartavyam /
kartavyam /
karṇīyam /
vasestavyat kartari ṇicca /
vāstavyaḥ /
kelimara upasaṅkhyānam /
pacelimāḥ māṣāḥ /
bhidelimāni kāṣṭhāni /
karmakartari ca ayam iṣyate //


____________________________________________________________________

[#198]

aco yat || PS_3,1.97 ||


_____START JKv_3,1.97:

ajantād dhātoḥ yat pratyayo bhavati /
takāro yato 'nāvaḥ (*6,1.213) iti svarārthaḥ /
geyam /
peyam /
ceyam /
jeyam /
aj-grahaṇaṃ kiṃ yāvatā halantāṇ ṇyataṃ vakṣyati ? ajantabhūta-pūrvād api yathā syāt, ditsyam, dhitsyam /
takiśasicatiyatijanīnām upasaṅkhyānam taki -- takyam /
śasi -- śasyam /
cati -- catyam /
yati -- yatyam /
jani -- janyam /
hano vā vadha ca /
vadhyam, ghātyam //


____________________________________________________________________


por ad-upadhāt || PS_3,1.98 ||


_____START JKv_3,1.98:

pavarga-antād dhātoḥ akāropadhāt yat prayayo bhavati /
ṇyato 'pavādaḥ /
śap - śapyam /
labha - labhyam /
poḥ iti kim ? pākyam /
vākyam /
adupadhāt iti kim ? kopyam /
gopyam /
taparakaraṇaṃ tatkāla-artham /
āpyam //


____________________________________________________________________


śaki-sahoś ca || PS_3,1.99 ||


_____START JKv_3,1.99:

śakl̥ śaktau, ṣaha marṣaṇe, anayordhātvoḥ yat prayayo bhavati /
śakyam /
sahyam //


____________________________________________________________________


gada-mada-cara-yamaś ca anupasarge || PS_3,1.100 ||


_____START JKv_3,1.100:

gada vyaktāyāṃ vāci, madī harṣe, cara gatibhakṣaṇayoḥ, yama uparame, etebhyaś ca anupasargebhyo yat pratyayo bhavati /
gadyam /
madyam /
caryam /
yamyam /
anupasarge iti kim ? pragādyam /
pramādyam /
yameḥ pūrveṇa+eva siddhe anupasarga-niyama-arthaṃ vacanam /
carerāṅi cāgurau /
ācaryo deśaḥ /
agurau iti kim ? ācārya upanetā //

____________________________________________________________________


[#199]

avadya-paṇya-varyā garhya-paṇitavya-anirodheṣu || PS_3,1.101 ||


_____START JKv_3,1.101:

avadya paṇya varyā ity ete śabdā nipātyante garhya paṇitavya anirodha ity eteṣv artheṣu yathā-saṅkhyam /
avadhyam iti nipātyate garhyaṃ cet tad bhavati /
avadyaṃ pāpam /
anudyam anyat /
vadaḥ supi kyap ca (*3,1.106) /
paṇyam iti nipātyate, paṇitavyaṃ cet tad bhavati /
paṇyaḥ kambalaḥ /
paṇyā gauḥ /
pāṇyam anyat /
varyā iti striyāṃ nipātyate, anirodhaś ced bhavati /
anirodho 'pratibandhaḥ /
śatena varyā /
sahasreṇa varyā /
vr̥tyā anyā /
strīliṅga-nirdeśaḥ kim arthaḥ ? vāryā r̥tvijaḥ //


____________________________________________________________________


vahyaṃ karaṇam || PS_3,1.102 ||


_____START JKv_3,1.102:

vaher dhātoḥ karaṇe yat pratyayo nipātyate /
vahaty anena iti vahyaṃ śakaṭam /
karaṇe iti kim ? vāhyam anyat //

____________________________________________________________________


aryaḥ svami-vaiśyayoḥ || PS_3,1.103 ||


_____START JKv_3,1.103:

r̥ gatau, asmāṇ ṇyati prāpte svāmi-vaiśyayoḥ abhidheyayoḥ yat pratyayo nipatyate /
aryaḥ svāmī /
aryo vaiśyaḥ /
yato 'nāvaḥ (*6,1.213) ity ādy-udāttatve prāpte - svāminyantodāttatvaṃ ca vaktavyam /
svāmi-vaiśyayoḥ iti kim ? āryo brāhmaṇaḥ //


____________________________________________________________________


upasaryā kālyā prajane || PS_3,1.104 ||


_____START JKv_3,1.104:

upasaryā iti nipātyate kālyā cet prajane bhavati /
upapūrvāt sarteḥ yat pratyayaḥ /
praptakālā kālyā /
prajanaḥ prajananaṃ, prathamagarbha-grahaṇam /
garbha-grahaṇe praptakālā /
upasaryā gauḥ /
upasaryā vaḍavā /
kālyā prajane iti kim ? upasāryā śaradi madhurā //


____________________________________________________________________


ajaryaṃ saṅgatam || PS_3,1.105 ||

_____START JKv_3,1.105:

ajaryam iti nipātyate, saṅgataṃ ced bhavati /
jīryateḥ nañpūrvāt saṅgate saṅgamane kartari yat prayayo nipātyate /
na jīryati iti ajaryam /
ajaryam ārya-saṅgatam /
ajaryaṃ no 'stu saṅgatam /
saṅgatam iti kim ? ajaritā kambalaḥ //


____________________________________________________________________


[#200]

vadaḥ supi kyap ca || PS_3,1.106 ||


_____START JKv_3,1.106:

anupasarge iti vartate /
vader dhātoḥ subantoḥ upapade anupasarge kyap pratyayo bhavati, cakārād yat ca /
brahmodyam, brahmavadyam /
satyodyam, satyavadyam /
supi iti kim ? vādyam /
anupasarge ity eva, pravādyam //


____________________________________________________________________


bhuvo bhāve || PS_3,1.107 ||


_____START JKv_3,1.107:

supy anupasarge ity anuvartate /
bhavater dhātoḥ subante upapade 'nupasarge bhāve kyap pratyayo bhavati /
yat tu na anuvartate /
brahma-bhūyaṃ gataḥ brahaṃtvaṃ gataḥ /
deva-bhūyaṃ, devatvaṃ gataḥ /
bhāva-grahaṇam uttara-artham /
supi ity eva, bhavyam /
anupasarge ity eva, prabhavyam //


____________________________________________________________________


hanas ta ca || PS_3,1.108 ||


_____START JKv_3,1.108:

supy anupasarge iti vartate, bhāve iti ca /
hanter dhātoḥ subanta upapade 'nupasarge bhāve kyap pratyayo bhavati, takāraś cāntādeśaḥ /
brahamahatyā /
aśvahatyā /
supi ity eva, ghātaḥ /
ṇyat tu bhāve na bhavty anabhidhānāt /
anupasarge ity eva, praghāto vartate //


____________________________________________________________________


eti-stu-śās-vr̥-dr̥-juṣaḥ kyap || PS_3,1.109 ||


_____START JKv_3,1.109:

supy anupasarge bhāve iti nivr̥ttam /
sāmānyena vidhāname tat /
eti stu śās vr̥ dr̥ juṣ ity etebhyaḥ kyap pratyayo bhavati /
ityaḥ /
stutyaḥ /
śiṣyaḥ /
vr̥tyaḥ /
ādr̥tyaḥ /
juṣyaḥ /
kyap iti vartamāne punaḥ kyab-grahaṇaṃ bādhaka-bādhana-artham /
or āvaśyake (*3,1.125) iti ṇyataṃ bādhitvā kyab eva bhavati /
avaśy stutyaḥ /
vr̥-grahaṇe vr̥ño grahaṇam iṣyate, na vr̥ṅaḥ /
vāryāḥ r̥tvijaḥ /
śaṃsiduhiguhibhyo veti vaktavyam /
śasyam, śaṃsyam /
duhyam, dohyam , guhyam, gohyam /
āṅ-pūrvād añjeḥ sañjñāyām upasaṅkhyānam /
ājyaṃ ghr̥tam /
katham upeyam ? eḥ etad rūpaṃ, na iṇaḥ //


____________________________________________________________________


[#201]

r̥d upadhāc ca akl̥pi-cr̥teḥ || PS_3,1.110 ||


_____START JKv_3,1.110:

r̥kāra-upadhāc ca dhātoḥ kyap pratyayo bhavati kl̥pi-cr̥tī varjayitvā /
vr̥tu - vr̥tyam /
vr̥dhu - vr̥dhyam akl̥pi-cr̥teḥ iti kim ? kalpyam /
cartyam /
taparakaraṇam kim ? kr̥̄ta saṃśabdane /
ṇyad eva bhavati kīrtyam /
pāṇau sr̥jer ṇyad vaktavyaḥ /
pāṇisargyā rajjuḥ /
samavapūrvāc ca /
samavasargyā //

____________________________________________________________________


ī ca khanaḥ || PS_3,1.111 ||


_____START JKv_3,1.111:

khaner dhātoḥ kyap pratyayo bhavati, īkāraś ca antādeśaḥ /
kheyam /
dīrgha-nirdeśaḥ praśleṣa-arthaḥ /
tatra dvitīya ikāro ye vibhāṣā (*6,4.43) iti āttvabādhanārthaḥ //


____________________________________________________________________


bhr̥ño 'sañjñāyām || PS_3,1.112 ||


_____START JKv_3,1.112:

bhr̥ño dhatoḥ asañjñāyāṃ viṣaye kyap prayayo bhavati /
bhr̥tyāḥ karmakarāḥ /
bhartavyāḥ ity arthaḥ /
asañjñāyām iti kim ? bhāryo nāma kṣatriyaḥ /
sampūrvād vibhāṣā /
sambhr̥tyāḥ, sambhāryāḥ /
sañjñāyāṃ puṃsi dr̥ṣṭatvān na te bhāryā prasidhyati /
striyāṃ bhāva-adhikāro 'sti tena bhārya prasidhyati //


____________________________________________________________________


mr̥jer vibhāṣā || PS_3,1.113 ||

_____START JKv_3,1.113:

mr̥jer dhātoḥ vibhāṣā kyap pratyayo bhavati /
r̥d-upadhatvāt prāpta-vibhāṣeyam /
parimr̥jyaḥ, parimārgyaḥ //


____________________________________________________________________


[#202]

rājasūya-sūrya-mr̥ṣodya-rucya-kupya-kr̥ṣṭapacya-avyathyāḥ || PS_3,1.114 ||


_____START JKv_3,1.114:

rājasuya surya mr̥ṣodya rucya kupya kr̥ṣṭapacya avyathya ity ete śabdāḥ kyapi nipātyante /
rājñā sotavyaḥ, rājā vā iha sūyate rājasūyaḥ kratuḥ /
sūsartibhyāṃ kyap, sarter utvaṃ, subater vā ruḍāgamaḥ /
sarati suvati va sūryaḥ /
mr̥ṣāpūrvasya vadateḥ pakṣe yati prāpte nityaṃ kyab nipātyate /
mr̥ṣā-pūrvasya mr̥ṣodyam /
rocate 'sau rucyaḥ /
kartari kyap /
guper ādeḥ ktvaṃ ca sajñāyām /
kupyam /
gopyam anyat /
kr̥ṣṭe pacyante kr̥ṣṭapcyāḥ /
karmakartari nipātanam /
na vyathate avyathyaḥ //


____________________________________________________________________


bhidya-uddhyau nade || PS_3,1.115 ||

_____START JKv_3,1.115:

bhider ujjheś ca kyap nipātyate nade 'bhidheye /
ujjher dhattvaṃ ca /
bhinatti kūlaṃ bhidyaḥ /
ujjhati udakam uddhyaḥ /
nade iti kim ? bhettā /
ujjhitā //


____________________________________________________________________


puṣya-siddhyau nakṣatre || PS_3,1.116 ||


_____START JKv_3,1.116:

puṣeḥ sidheś ca adhikaraṇe kyap nipātyate nakṣatre abhidheye /
puṣyanti asminn arthāḥ iti puṣyaḥ /
sidhyanti asminn iti siddhyaḥ /
nakṣatre iti kim ? poṣaṇam /
sedhanam //


____________________________________________________________________


vipūya-vinīya-jityā muṅja-kalka-haliṣu || PS_3,1.117 ||


_____START JKv_3,1.117:

nipūya vinīya jitya ity ete śabdā nipātyante yathā-saṅkhyaṃ muñja kalka hali ity eteṣu artheṣu vodhyeṣu /
vipūrvāt pavater nayateś ca tathā jayater yati prāpte karmaṇi kyab nipātyate /
vipūyo muñjaḥ /
vipāvyam anyat /
vinīyaḥ klkaḥ /
vineyam anyat /
jityo haliḥ /
jeyam anyat //


____________________________________________________________________


praty-apibhyāṃ graheś chandasi || PS_3,1.118 ||


_____START JKv_3,1.118:

prati api ity evaṃ pūrvād graheḥ kyap pratyayo bhavati chandasi viṣaye /
mattasya na pratigrr̥hyam /
tasmān na apigr̥hyam /
chandasi iti kim ? pratigrāhyam /
apigrāhyam //


____________________________________________________________________


[#203]

pada-asvairi-bāhyā-pakṣyeṣu ca || PS_3,1.119 ||


_____START JKv_3,1.119:

pade asvairiṇi bāhyāyāṃ pakṣye carthe graher dhātoḥ kyap pratyayo bhavati /
pade tāvat -- pragr̥hyaṃ padam, yasya pragr̥hya-sañjñā vihitā /
avagr̥hyaṃ padam, yasya avagrahaḥ kriyate /
asvairī paratantraḥ /
gr̥hyakā ime /
gr̥hītakā ity arthaḥ /
bāhyāyam -- grāma-gr̥hyā senā /
nagara-gr̥hyā senā /
grāma.-nagara-abhyāṃ bahir-bhūtā ity arthaḥ /
strīliṅgaḥ nirdeśād anyatra na bhavati /
pakṣe bhavaḥ pakṣyaḥ /
vāsudeva-gr̥hyāḥ /
arjuna-gr̥hyāḥ /
tatpakṣāśritāḥ ity arthaḥ //


____________________________________________________________________


vibhāṣā kr̥-vr̥ṣoḥ || PS_3,1.120 ||


_____START JKv_3,1.120:

kr̥ño vr̥ṣaś ca vibhāṣā kyap pratyayo bhavati /
karoter ṇyati prāpte varṣateḥ r̥dupadhatvāt nitye kyapi prāpte vibhāṣārbhyate /
kr̥tyam, kāryam /
vr̥ṣyam, varṣyam //


____________________________________________________________________


yugyaṃ ca patre || PS_3,1.121 ||


_____START JKv_3,1.121:

yugyam iti nipātyate patraṃ cet tad bhavati /
patatyanena it patraṃ vāhanam ucyate /
yugyo gauḥ /
yugyo 'śvaḥ /
yugyo hastī /
yujeḥ kyap kutvaṃ ca nipātyate /
patre iti kim ? yogyam anyat //

____________________________________________________________________


amāvasyad-anyatarasyām || PS_3,1.122 ||


_____START JKv_3,1.122:

amā-śabdaḥ sahārthe vartate /
tasminn upapade vaser dhātoḥ kāle 'dhikaraṇe ṇyat pratyayo bhavati, tatra anyatarasyāṃ vr̥ddhyabhāvo nipātyate /
saha vasato 'smin kāle sūryācandramasau iti amāvāsya, amāvasyā /
ekadeśavikr̥tasya ananyatvād amāvāsyāyā vā (*4,3.30) ity atra amāvasyā-śabdasya api grahaṇaṃ bhavati /
amāvasorahaṃ ṇyator nipātayāmyavr̥ddhitām /
tathaikavr̥ttitā tayoḥ svaraś ca me prasidhyati //


____________________________________________________________________


chandasi niṣṭarkya-devahūya-praṇīya-unnīya-ucchiṣya-marya-starya-dhvarya-khanya-khānya-devayajyā-āpr̥cchya-pratiṣīvya-brahmavādya-bhāvya-stāvya-upacāyyapr̥ḍāni || PS_3,1.123 ||


_____START JKv_3,1.123:

niṣṭarkya-ādayaḥ śabdāś chandasi viṣaye nipātyante /
yad iha lakṣaṇena anupapannaṃ tat sarvaṃ nipātanāt siddham /
niṣṭarkyaḥ iti kr̥tī chedane ity asmān nispūrvāt kyapi prāpte ṇyat, ādyanta-viparyayaś ca, nisaś ca ṣatvaṃ nipātyate /
niṣṭarkyaṃ cinvīta paśukāmaḥ /
devaśabde upapade hvayater juhoter vā kyap, dīrghastugabhāvaś ca /
deva-hūyaḥ /
prapūrvād utpūrvāc ca nayateḥ kyap /

[#204]

praṇīyaḥ /
unnīyaḥ /
utpūrvāc chiṣeḥ kyap /
ucchiṣyaḥ /
mr̥ṅ prāṇatyāge, str̥ñ ācchandane, dhvr̥ hūrcchane, etebhyo yat pratyayaḥ /
maryaḥ /
staryā /
striyām eva nipātanam /
dhvaryaḥ /
khaneryat /
khanyā /
etasmād eva ṇyat /
khānyaḥ /
devaśabde upapade yajeryat /
devayajyā /
strīliṅga-nipātanam /
āṅpūrvāt pr̥ccheḥ kyap /
āpr̥cchyaḥ /
pratipūrvat sīvyateḥ kyap ṣatvam ca /
pratiṣīvyaḥ /
brahmaṇyupapade vader ṇyat /
brahamavādyam /
bhavateḥ stauteś ca ṇyat, āvadeśaś ca bhavati /
bhāvyam /
stāvyaḥ /
upapūrvasya cinoteḥ ṇyadāyādeśau /
upacāyyapr̥ḍam /
pr̥ḍe cottarapade nipātanametat /
hiraṇya iti vaktavyam /
hiraṇyād anyatra upaceyapr̥ḍam eva /
niṣṭarkye vyatyayaṃ vidyān nisaḥ ṣatvaṃ nipātanāt /
ṇyadāyādeśa ity etāv upacāyye nipātatau //
ṇyadekasmāc caturghyaḥ kyap caturbhyaś ca yato vidhiḥ /
ṇyadekasmād ya-śabdaś ca dvau kyapau ṇyadvidhiś catuḥ //


____________________________________________________________________


r̥-halor ṇyat || PS_3,1.124 ||


_____START JKv_3,1.124:

pañcamy-arthe ṣaṣṭhī /
r̥varṇa-antād dhātor halantāc ca ṇyat pratyayo bhavati /
kāryam /
hāryam /
dhāryam vākyam /
pākyam //


____________________________________________________________________


or āvaśyake || PS_3,1.125 ||


_____START JKv_3,1.125:

avaśyaṃ bhāvaḥ āvaśyakam /
uvarṇa-antād dhātoḥ ṇyat prayayo bhavati āvaśyake dyotye /
yato 'pavādaḥ /
lāvyam /
pāvyam /
avaśyake iti kim ? lavyam /
āvaśyake dyotye iti vet, svarasamāsa-anupapattiḥ, avaśyalāvyam, avaśyapāvyam iti ? naiṣa doṣaḥ /
mayūravyaṃ sakāditvāt samāsaḥ /
uttarapada-prakr̥ti-svare ca yatnaḥ kariṣyate //


____________________________________________________________________


[#205]

āsu-yu-vapi-rapi-lapi-trapi-camaś ca || PS_3,1.126 ||


_____START JKv_3,1.126:
āṅ-pūrvāt sunoteḥ yu vapi rapi lapi trapi cama ity etebhyaś ca ṇyat pratyayo bhavati /
yato 'pavādaḥ āsāvyam /
yāvyam /
vāpyam /
rāpyam /
lāpyam /
trāpyam /
ācāmyam /
anukta-samuccaya-arthaś cakāraḥ /
dabhi - dābhyam //


____________________________________________________________________


ānāyyo 'nitye || PS_3,1.127 ||


_____START JKv_3,1.127:

ānāyyaḥ iti nipātyate anitye 'bhidheye /
nayater āṅpūrvāṇ ṇyadāyādeśau nipātyete /
ānāyyo dakṣiṇāgniḥ /
rūḍhireṣā /
tasmād nitya-viśeṣe dakṣiṇa-agnāv eva avatiṣṭhate /
tasya ca anityatvaṃ nityam ajāgaraṇāt /
yaśca gārhapatyād ānīyate dakṣiṇāgnir āhavanīyena saha ekayoniḥ, tatra tan nipātanaṃ, na dakṣiṇāgnim ātre /
tasya hi yonir vikalpyate vaiśyakulād vittavato bhrāṣṭrādvā gārhapatyād vā iti /
ānāyyo 'nitya iti ced dakṣiṇāgnau kr̥taṃ bhavet /
ekayonau tu taṃ vidyād āneyo hy anyathā bhavet //


____________________________________________________________________


praṇāyyo 'sammatau || PS_3,1.128 ||


_____START JKv_3,1.128:

avidyamānā sammatir asmin ity asammatiḥ /
sammananaṃ samamatiḥ, sammatatā, pūjā /
praṇāyyaḥ iti nipātyate 'sammatāvabhidheye /
praṇāyyaś coraḥ /
asammatau iti kim ? praṇeyo 'nyaḥ /
yady evaṃ katham etat, jyeṣṭhāya putrāya pitā brahma brūyāt praṇāyyāntevāsine, na anyasmai kasmaicana iti ? sammatir abhilāṣo 'py ucyate /
tad abhāvena niṣkāmatayā asammatir antevāsī bhavati /
tasmai niṣkāmāya mokṣa-arthaṃ yatamānāyāntevāsine praṇāyyāya brahma brūyāt iti yujyate //


____________________________________________________________________


pāyya-sān-nāyya-nikāyya-dhāyyā māna-havir-nivāsa-sāmidhenīṣu || PS_3,1.129 ||


_____START JKv_3,1.129:

pāyyādayaḥ śabdā nipātyante yathā-saṅkhyaṃ māne haviṣi nivāse sāmidhenyāṃ ca abhidheyāyām /
pāyya iti māṅo ṇyat-pratyayaḥ, ādeḥ patvaṃ ca nipātyate māne /
pāyyaṃ mānam meyam anyat /
sampūrvānnayater ṇyadāyādeśāv upasarga-dīrghatvaṃ ca nipātyate /
sānāyyaṃ haviḥ /
saṃneyamanyat /
rūḍhitvāc ca havir-viśeṣa eva avatiṣṭhate /
nipūrvāc cinoteḥ ṇyadāyādeśāvādikuvaṃ ca nipātyate /
nikāyyo nivāsaḥ /
niceyam anyat /
sāmidhenī-śabda r̥g-viśeṣasya vācakaḥ /
tatra ca dhāyyā iti na sarvā sāmidhenī ucyate, kiṃ tarhi, kācid eva /
rūdhi-śabdo hy ayam /
tathā ca asāmidhenyām api dr̥śyate, dhāyyāḥ śaṃsatyagnirnetā taṃ somakratubhiḥ iti //


____________________________________________________________________

[#206]

kratau kuṇḍapāyya-sañcāyyau || PS_3,1.130 ||


_____START JKv_3,1.130:

kuṇḍapāyya sañcāyya ity etau śabdau nipātyete kratāv abhidheye /
kuṇḍa-śabde tr̥tīyānta upapade pibater dhātor adhikaraṇe yat pratyayo nipātyate yuk ca /
kuṇḍena pīyate 'smin somaḥ iti kuṇḍapāyyaḥ kratuḥ /
yato 'nāvaḥ iti svaraḥ /
sampūrvāc cinoteḥ ṇyadāyādeśau nipātyete /
sañcīyate 'smin somaḥ iti sañcāyyaḥ kratuḥ /
kratau iti kim ? kuṇḍapānam /
sañceyaḥ //


____________________________________________________________________


agnau paricāyya-upacāyya-samūhyāḥ || PS_3,1.131 ||


_____START JKv_3,1.131:

paricāyya upacāyya samūhya ity ete śabdā nipātyante agnāv abhidheye /
paripūrvat upapūrvāc ca cinoter ṇya dāyādeśau nipātyete /
paricāyyam /
upacāyyaḥ /
sampūrvād vaheḥ samprasāraṇaṃ dīrghatvaṃ ca nipātyate /
samūhyaṃ cinvīta paśukāmaḥ /
agnau iti kim ? pariceyam /
upaceyam /
saṃvāhyam //


____________________________________________________________________

citya-agnicitye ca || PS_3,1.132 ||


_____START JKv_3,1.132:

cityaśabdo 'gnicityā-śabdaś ca nipātyete /
nīyate 'sau cityo 'gniḥ /
agnicayanam eva agnicityā /
bhāve yakara-pratyayaḥ tuk ca /
tena anatodāttatvaṃ bhavati /
agnāvity eva /
ceyam anyat //


____________________________________________________________________


ṇvul-tr̥cau || PS_3,1.133 ||


_____START JKv_3,1.133:

dhātoḥ iti vartate /
sarvadhātubhyo ṇvul-tr̥cau pratyayau bhavataḥ /
kārakaḥ /
kartā /
hārakaḥ /
hartā /
cakāraḥ sāmānya-grahaṇā-vidhāta-arthaḥ, tuś chandasi (*5,3.59), tur iṣṭha-īmeyassu (*6,4.154) iti //


____________________________________________________________________


nandi-grahi-pacādibhyo lyu-ṇiny-acaḥ || PS_3,1.134 ||


_____START JKv_3,1.134:
ādi-śabdaḥ prayekaṃ sambadhyate /
tribhyo gaṇebhyaḥ trayaḥ pratyayāḥ yathāsaṅkhyaṃ bhavanti /
nandya-ādibhyo lyuḥ, grahādibhyo ṇiniḥ, pacādibhyo 'c /
nandi-graha-pacādayaś ca na dhātu-pāṭhataḥ sanniviṣṭā gr̥hyante, kiṃ tarhi, nandana ramaṇa ity evam ādiṣu prātipadika-gaṇeṣu apoddhr̥tya prakr̥tayo nirdiśyante /

[#207]

nandivāsipadidūṣisādhivardhiśobhirocibhyo ṇyantebhyaḥ sañjñāyām /
nandanaḥ /
vāsanaḥ /
madanaḥ /
dūṣaṇaḥ /
sādhanaḥ /
vardhanaḥ /
śobhanaḥ /
rocanaḥ /
sahitapidameḥ sañjñāyām /
sahanaḥ /
tapanaḥ /
damanaḥ /
jalpanaḥ /
ramaṇaḥ /
darpaṇaḥ /
saṅkrandanaḥ /
saṅkarṣaṇaḥ /
janārdanaḥ /
yavanaḥ /
madhusūdanaḥ /
vibhīṣaṇaḥ /
lavaṇaḥ /
nipātanāṇ ṇatvam /
cittavināśanaḥ /
kuladamanaḥ /
śatrudamanaḥ /
iti nandy-ādiḥ /
graha /
utsaha /
uddasa /
udbhāsa /
sthā /
mantra /
sammarda /
grāhī /
utsāhī /
uddāso /
udbhāsī /
sthāyī /
mantrī /
sammardī /
rakṣaśruvasavapaśāṃ nau /
nirakṣī /
niśrāvī /
nivāsī /
nivāpī /
niśāyī /
yācivyāhr̥saṃvyāhr̥vrajavadavasāṃ pratiṣiddhānām /
ayācī /
avyāhārī /
asaṃvyāhārī /
avrājī /
avādī /
avāsī /
acāmacittakartr̥kāṇām /
pratiṣiddhānām ity eva /
akārī /
ahārī /
avināyī /
aviśāyī /
viśayī /
viśayī deśe /
viśayo, viṣayī deśaḥ /
abhibhāvī bhūte /
abhibhāvī /
aparādhī /
uparodhī /
paribhavī /
paribhāvī /
iti grahyādiḥ /
paca /
vapa /
vada /
cala /
śala /
tapa /
pata /
nadaṭ /
bhaṣaṭ /
vasa /
garaṭ /
plavaṭ /
caraṭ /
taraṭ /
coraṭ /
grāhaṭ /
jara /
mara /
kṣara /
kṣama /
sūdaṭ /
devaṭ /
modaṭ /
seva /
meṣa /
kopa /
medhā /
narta /
vraṇa /
darśa /
daṃśa /
dambha /
jārabharā /
śvapaca /
pacādirākr̥tigaṇaḥ /
ajvidhiḥ sarvadhātubhyaḥ paṭhyante ca pacādayaḥ /
aṇbādhana-artham eva syāt sidhyanti śvapacādayaḥ //


____________________________________________________________________


igupadha-jñā-prī-kiraḥ kaḥ || PS_3,1.135 ||


_____START JKv_3,1.135:

ig-upadhebhyaḥ jānāteḥ prīṇāteḥ kirateś ca kapratyayaḥ bhavati /
vikṣipaḥ /
vilikhaḥ /
budhaḥ /
kr̥śaḥ /
jānāti iti jñaḥ /
prīṇāti iti priyaḥ /
kirati iti kiraḥ /
devas evameṣādayaḥ pacādau paṭhitavyāḥ //


____________________________________________________________________


ātaś ca+upasarge || PS_3,1.136 ||


_____START JKv_3,1.136:

ākārāntebhyo dhātubhyaḥ upasarga upapade kapratyayo bhavati /
ṇasyāpavādaḥ /
prasthaḥ /
suglaḥ /
sumlaḥ //


____________________________________________________________________

[#208]

pā-ghrā-dhmā-dheṭ-dr̥śaḥ śaḥ || PS_3,1.137 ||


_____START JKv_3,1.137:

pādibhyo dhātubhyaḥ upasarge upapade śa-pratyayo bhavati /
utpibaḥ /
vipibaḥ /
ujjighraḥ /
vijighraḥ /
uddhamaḥ /
vidhamaḥ /
uddhayaḥ /
vidhayaḥ /
utpaśyaḥ /
vipaśyaḥ /
upasarge iti kecin na anuvartayanti /
paśyati iti paśya /
jighrateḥ sañjñāyāṃ pratiṣedho vaktavyaḥ /
vyāghraḥ //


____________________________________________________________________


anupasargāl limpa-vinda-dhāri-pāri-vedy-udeji-ceti-sāti-sāhibhyaś ca || PS_3,1.138 ||


_____START JKv_3,1.138:

anupasargebhyo limpa-ādibhyaḥ śa-pratyayo bhavati /
limpati iti limpaḥ /
vindati ti vindaḥ /
dhārayati iti dhārayaḥ /
pārayati iti pārayaḥ /
vedayati iti vedayaḥ /
udejāti iti udejayaḥ /
cetayati iti cetayaḥ /
sātiḥ sautro dhātuḥ /
sātayaḥ /
sāhayaḥ /
anupasargāt iti kim /
pralipaḥ /
nau limper iti vaktavyam /
nilimpā nāma devāḥ /
gavādiṣu vindeḥ sañjñāyām /
govindaḥ /
aravindaḥ //


____________________________________________________________________


dadāti-dadhātyor vibhāṣā || PS_3,1.139 ||


_____START JKv_3,1.139:

dāño dhāñaś ca vibhāṣā śa-pratyayo bhavati /
ṇasya apavādaḥ /
dadaḥ, dāyaḥ /
dadhaḥ, dhāyaḥ /
anupasargāt ity eva, pradaḥ, pradhaḥ //


____________________________________________________________________


jvaliti-kasantebhyo ṇaḥ || PS_3,1.140 ||


_____START JKv_3,1.140:

iti-śabdaḥ ādyarthaḥ /
jvala dīptau ity evam ādibhyo dhātubhyaḥ kasa gatau ity evam antebhyo vibhāṣā ṇa-pratyayo bhavati /
aco 'pavādaḥ /
jvālaḥ, jvalaḥ /
cālaḥ, calaḥ /
anupasargāt ity eva, prajvalaḥ /
tenoterṇasya+upasaṅkhyānaṃ kartavyam /
avatanoti iti avatānaḥ //


____________________________________________________________________


[#209]

śyā-ād-vyadha-āsru-saṃsrv-atīṇ-avasā-avahr̥-liha-śliṣa-śvasaś ca || PS_3,1.141 ||


_____START JKv_3,1.141:

anupasargāt iti, vibhāṣā iti ca nivr̥ttam /
śyaiṅaḥ, ākāra-antebhyaś ca dhātubhyaḥ, vyadha āsrau saṃsrau atīṇ avasā avahr̥ liha śliṣa śvasa ity etebhyaś ca ṇa pratyayo bhavati /
ākāra-antatvād eva śyāyateḥ pratyatye siddhe punar vacanaṃ bādhakabādhana-artham /
upasarge kaṃ bādhitvā 'yam eva bhavati /
avaśyāyaḥ /
pratiśyāyaḥ /
dāyaḥ /
dhāyaḥ /
vyādhaḥ /
āsrāvaḥ /
saṃsrāvaḥ /
atyāyaḥ /
avasāyaḥ /
avahāraḥ /
lehaḥ /
śleṣaḥ /
śvāsaḥ //

____________________________________________________________________


du-nyor anupasarge || PS_3,1.142 ||


_____START JKv_3,1.142:

dunoter nayateś ca anupasarge ṇa-pratyayo bhavti /
dunoti iti dāvaḥ /
nayati iti nāyaḥ /
anupasarge iti kim ? pradavaḥ /
praṇayaḥ //


____________________________________________________________________


vibhāśā grahaḥ || PS_3,1.143 ||


_____START JKv_3,1.143:

vibhāṣā graheḥ dhātoḥ ṇa-pratyayo bhavati /
acaḥ apavādaḥ /
grāhaḥ, grahaḥ /
vyavasthita-vibhāṣā ca+iyam /
jalacare nityaṃ grāhaḥ /
jyotiṣi nesyate, tatra grahaḥ eva /
bhavateś ca iti vaktavyam /
bhavati iti bhāvaḥ, bhavaḥ //


____________________________________________________________________


gehe kaḥ || PS_3,1.144 ||

_____START JKv_3,1.144:

graher dhātoḥ ka-pratyayo bhavati gehe kartari /
gr̥haṃ veśma /
tātsthyāt dārāś ca /
gr̥hṇanti iti gr̥hāḥ dārāḥ /
gr̥hāṇi veśmāni //


____________________________________________________________________


śilpini ṣvun || PS_3,1.145 ||


_____START JKv_3,1.145:

dhātoḥ ṣvun pratyayo bhavati śilpini kartari /
nr̥tikhanirañjibhyaḥ parigaṇanaṃ kartavyam /
nartakaḥ /
khanakaḥ /
rajakaḥ /
nartakī /
khanakī /
rajakī /
rañjer anunāsikalopaś ca //


____________________________________________________________________


[#210]

gasthakan || PS_3,1.146 ||


_____START JKv_3,1.146:

gāyateḥ thakan pratyayo bhavati śilpini kartari /
gāthakaḥ, gāthikā //


____________________________________________________________________


ṇyuṭ ca || PS_3,1.147 ||


_____START JKv_3,1.147:

cakāreṇa gaḥ ity anukr̥ṣyate /
gāyateḥ ṇyuṭ pratyayo bhavati śilpini kartari /
gāyanaḥ, gāyanī /
yoga-vibhāgaḥ uttara-arthaḥ //


____________________________________________________________________


haś ca vrīhi-kālayoḥ || PS_3,1.148 ||


_____START JKv_3,1.148:

cakāreṇa gaḥ ity anukr̥syate /
gāyateḥ ṇyuṭ pratyayo bhavati śilpiti kartari /
gāyanaḥ, gāyanī /
yoga-vibhāgaḥ uttara-arthaḥ //


____________________________________________________________________


pru-sr̥-lvaḥ samabhihāre vun || PS_3,1.149 ||


_____START JKv_3,1.149:

pru sr̥ lū ity etebhyaḥ dhātubhyaḥ samabhihāre vun pratyayo bhavati /
pravakaḥ /
sarakaḥ /
lavakaḥ /
samabhihāra-grahaṇena atra sadhukāritvaṃ lakṣyate /
sādhukāriṇi vun vidhānāt sakr̥d api yaḥ suṣṭhu karoti tatra bhavati /
bahuśo yo duṣṭaṃ karoti tatra na bhavati //


____________________________________________________________________


āśiṣi ca || PS_3,1.150 ||


_____START JKv_3,1.150:

āśiṣi gamyamānāyāṃ dhātum ātrāt vun pratyayo bhavati /
jīvatāt jīvakaḥ /
nandatāt nandakaḥ /
āśīḥ prārthanā-viśeṣaḥ /
sa ca+iha kriyāviṣayaḥ /
amuṣyāḥ kriyāyaḥ kartā bhavet ity evam āśāsyate //
iti śrījyādityaviracitāyāṃ kāśikāyāṃ vr̥ttau tr̥tīyādhyāyasya prathamaḥ pādaḥ //


______________________________________________________

[#211]

tr̥tīyādhyāyasya dvitīyaḥ pādaḥ /


____________________________________________________________________


karmaṇy aṇ || PS_3,2.1 ||


_____START JKv_3,2.1:

trividhaṃ karma, nirvartyaṃ, vikāryaṃ, prāpyaṃ ca+iti /
sarvatra karmaṇi upapade dhātoḥ aṇ pratyayo bhavati /
nirvartyaṃ tāvat -- kumbhakāraḥ /
nagarakāraḥ /
vikāryam -- kāṇḍalāvaḥ /
śaralāvaḥ /
prāpyam - vedādhyāyaḥ /
carcāpāraḥ /
grāmaṃ gacchati, ādityaṃ paśyati, himavantaṃ śr̥ṇoti ity atra na bhavati, anabhidhānāt /
śīlikāmibhakṣyācaribhyo ṇaḥ pūrvapada-prakr̥tisvaratvaṃ ca vaktavyam /
māṃsaśīlaḥ, māṃsaśīlā /
māṃsakāmaḥ, māṃsakāmā /
māṃsabhakṣaḥ, māṃsabhakṣā /
kalyāṇācāraḥ, kalyāṇācārā /
īkṣakṣamibhyāṃ ca+iti vaktavyam /
sukhapratīkṣaḥ, sukhapratīkṣā /
bahukṣamaḥ, bahukṣamā //


____________________________________________________________________


hvā-vā-amaś ca || PS_3,2.2 ||


_____START JKv_3,2.2:

hveñ spardhāyāṃ śabde ca, veñ tantusantāne, māṅ māne ity etebhyaś ca karmaṇy-upapade aṇ pratyayo bhavati /
kapratyayasya apavādaḥ /
svargahvāyaḥ /
tantuvāyaḥ /
dhānyamāyaḥ //

____________________________________________________________________


āto 'nupasarge kaḥ || PS_3,2.3 ||


_____START JKv_3,2.3:

ākāra-antebhyaḥ anupasargebhyaḥ karmaṇy-upapade kapratyayo bhavati /
aṇo 'pavādaḥ /
godaḥ /
kambaladaḥ /
pārṣṇitram /
aṅgulitram /
anupasarge iti kim ? gosandāyaḥ /
vaḍavāsandāyaḥ //


____________________________________________________________________


supi sthaḥ || PS_3,2.4 ||


_____START JKv_3,2.4:

subante upapade tiṣṭhateḥ kapratyayo bhavati /
samasthaḥ /
viṣamasthaḥ /
atra yogavibhāgaḥ kartavyaḥ supi iti /
supi ākārāntebhyaḥ kapratyayo bhavati /
dvābhyām pibati iti dvipaḥ /
pādapaḥ /
kacchapaḥ /
tataḥ sthaḥ iti /
sthaś ca supi kapratyayo bhavati /
kimartham idam ? kartari pūrvayogaḥ /
anena bhāve 'pi yathā syāt /
ākhūnām utthānam ākhūtthaḥ /
śalabhotthaḥ /
iti uttaraṃ karmaṇi iti ca supi iti ca dvayam apy anuavartate /
tatra sakarmakeṣu dhātuṣu krmaṇi ity etad upatiṣṭhate /
anyatra supi iti //


____________________________________________________________________


[#212]

tunda-śokayoḥ parimr̥ja-apanudoḥ || PS_3,2.5 ||


_____START JKv_3,2.5:

tunda-śokayoḥ karmaṇor upapadayoḥ parimr̥ja-apanudoḥ dhātvoḥ kapratyayo bhavati /
tunda-parimr̥ja āste /
śoka-apanudaḥ putro jātaḥ /
ālasya sukhāharaṇayoḥ iti vaktavyam /
alasas tunda-primr̥ja ucyate /
tunda-parimārjaḥ eva anyaḥ /
sukhasya ahartā śoka-apanudaḥ /
śoka-apanodaḥ eva anyaḥ /
kaprakaraṇo mūla-vibhujādibhyaḥ upasaṅkhyānam /
mūlāni vibhujādibhyaḥ upasaṅkhyānam /
mūlāni vibhujati iti mūlavibhujo rathaḥ /
nakhamucāni dhanūṃṣi /
kākanuhastilāḥ /
kau modate kumudam //


____________________________________________________________________


pre dā-jñaḥ || PS_3,2.6 ||

_____START JKv_3,2.6:

sopasarga-artha ārambhaḥ /
dadāteḥ jānāteś ca dhātoḥ preṇopasr̥ṣṭāt karmaṇy-upapade kapratyayo bhavati /
aṇo 'pavādaḥ /
sarvapradaḥ /
pathiprajñaḥ /
pre iti kim ? gosandāyaḥ //


____________________________________________________________________


sami khyaḥ || PS_3,2.7 ||


_____START JKv_3,2.7:

sopasarga-arthaḥ ārambhaḥ /
saṃpūrvāt khyā ity etasmād dhātoḥ karmaṇy-upapade kapratyayo bhavati /
aṇo 'pavādaḥ /
gāṃ saṃcaṣṭe gosaṅkhyaḥ //


____________________________________________________________________


gā-poṣ ṭak || PS_3,2.8 ||


_____START JKv_3,2.8:

karmaṇy-anupasarge iti vartate /
gāyateḥ pibateś ca dhātoḥ karmaṇy-upapade 'nupasarge ṭak pratyayo bhavati /
kasya apavādaḥ /
śakraṃ gāyati śakragaḥ, śakragī /
sāmagaḥ, sāmagī /
surāśīdhvoḥ pibater iti vaktavyam /
surāpaḥ, surāpī /
śīdhupaḥ, śīdhupī /
surāśīdhvoḥ iti kim ? kṣīrapā brāhmaṇī /
pibateḥ iti kim ? surāṃ pāti iti surāpā /
anupasarge ity eva, śakrasaṅgāyaḥ /
sāmasaṅgāyaḥ /
bahulaṃ chandasi iti vaktavyam /
yā bāhmaṇī surāpī bhavati naināṃ devāḥ patilokaṃ nayanti /
yā brahmaṇī surāpā bhavati naināṃ devāḥ patilokaṃ nayanti //


____________________________________________________________________


[#213]

harater anudyamane 'c || PS_3,2.9 ||


_____START JKv_3,2.9:

harater dhātor anudyamane vartamānāt karmaṇi upapade ac pratyayo bhavati /
aṇo 'pavādaḥ /
udyamanam utkṣepaṇam /
aṃśaṃ harati aṃśaharaḥ /
rikthaharaḥ /
anudyamane iti kim ? bhārahāraḥ /
acprakaraṇe śaktilāṅgalāṅkuśayaṣṭitomaraghaṭaghaṭīdhauṣṣu graher upasaṅkhyānam /
śaktigrahaḥ /
lāṅgalagrahaḥ /
aṅkuśagrahaḥ /
yaṣṭigrahaḥ /
tomaragrahaḥ /
ghaṭagrahaḥ /
ghaṭīgrahaḥ /
dhanurgrahaḥ /
sūtre ca dhāryarthe /
sūtragrahaḥ /
sūtraṃ dhārayati ity arthaḥ /
sūtragrāhaḥ eva anyaḥ //


____________________________________________________________________


vayasi ca || PS_3,2.10 ||


_____START JKv_3,2.10:

vayasi gamyamāne harateḥ karmaṇy-upapade ac pratyayo bhavati /
udyamana-artho 'yam ārambhaḥ /
kālakr̥tā śarīrāvasthā yauvanādir vayaḥ /
yad udyamanaṃ kriyamāṇaṃ sambhāvyamānaṃ vā vayo gamayati, tatra ayaṃ vidhiḥ /
asthiharaḥ śvā /
kavacharaḥ kṣatriya-kumāraḥ //


____________________________________________________________________


āṅi tācchīlye || PS_3,2.11 ||


_____START JKv_3,2.11:

āṅ-pūrvād harateḥ karmaṇy-upapade ac pratyayo bhavati tācchīlye gamyamāne /
tācchīlyaṃ tat-svabhāvatā /
puṣpāharaḥ /
phalāharaḥ /
puṣpādy-āharane svābhāvikī phalānapekṣā pravr̥ttir asya ity arthaḥ /
tācchīoye iti kim ? bhāram āharati iti bhārāhāraḥ //


____________________________________________________________________

arhaḥ || PS_3,2.12 ||


_____START JKv_3,2.12:

arha pūjāyām, asmād dhātoḥ karmaṇy-upapade acpratyayao bhavati /
aṇo 'pavādaḥ /
strīliṅge viśeṣaḥ /
pūjārhā /
gandhārha /
mālārhā //


____________________________________________________________________


stamba-karṇayo rami-japoḥ || PS_3,2.13 ||


_____START JKv_3,2.13:

stamba karṇa ity etayoḥ subantayor upapadayor yathā-saṅkhyaṃ rami-japoḥ dhātvoḥ acpratyayo bhavati /
rameḥ akarmakatvāt, japeḥ śabda-karmakatvāt karma na sambhavati iti supi ity etad iha abhisambadhyate /
hastisūcakayor iti vaktavyam /
stambe ramate iti stamberamaḥ hartī /
karṇe japati iti karṇejapaḥ sūcakaḥ /
hastisūcakayoḥ iti kim ? stambe rantā /
karṇe japitā maśakaḥ //


____________________________________________________________________


[#214]

śami dhātoḥ sañjñāyām || PS_3,2.14 ||


_____START JKv_3,2.14:

śamy upapade dhātu-mātrāt sañjñāyāṃ viṣaye acpratyayao bhavati /
śaṅkaraḥ /
śaṃbhavaḥ /
śaṃvadaḥ /
dhātu-grahaṇaṃ kiṃ yāvatā dhātoḥ iti vartata eva ? śami-sañjñāyām iti siddhe dhātu-grahaṇaṃ kr̥ño hetvādiṣu ṭapratiṣedha-artham /
śaṅkarā nāma parivrājikā /
śaṅkarā nāma śakunikā /
tacchīlā ca //


____________________________________________________________________


adhikaraṇe śeteḥ || PS_3,2.15 ||


_____START JKv_3,2.15:

supi iti sambadhyate /
śeter dhātor adhikaraṇe subanta upapade ac pratyayo bhavati /
khe śete khaśayaḥ /
gartaśayaḥ /
pārśvādiṣu upasaṅkhyānam /
pārśvābhyāṃ śete pārśvaśayaḥ /
udaraśayaḥ /
pr̥ṣṭhaśayaḥ /
digdhasahapūrvāc ca /
digdhena saha śete digdha-sahaśayaḥ /
uttānādiṣu kartr̥ṣu /
uttānaḥ śete uttānaśayaḥ /
avamūrdhā śete avamūrdhaśayaḥ /
girau ḍaśchandasi /
girau śete giriśaḥ //


____________________________________________________________________

careṣ ṭaḥ || PS_3,2.16 ||


_____START JKv_3,2.16:

adhikaraṇe iti vartate /
carer dhātor adhikaraṇe subanta upapade ṭapratyayo bhavati /
kuruṣu carati kurucaraḥ /
madracaraḥ /
kurucarī /
madracarī /
pratyayāntarakaraṇaṃ ṅīb-artham //


____________________________________________________________________


bhikṣā-senā-ādāyeṣu ca || PS_3,2.17 ||


_____START JKv_3,2.17:

anadhikaraṇa-arthaḥ ārambhaḥ /
bhikṣā senā ādāya ity eteṣu upapadeṣu careḥ dhatoḥ ṭapratyayo bhavati /
bhikṣācaraḥ /
senācaraḥ /
ādāyacaraḥ //


____________________________________________________________________


[#215]

puro 'grato 'greṣu sarteḥ || PS_3,2.18 ||


_____START JKv_3,2.18:

puras agratas agre ity eteṣu upapadeṣu sarteḥ dhātoḥ ṭapratyayo bhavati /
puraḥ sarati puraḥsaraḥ /
agrataḥsaraḥ /
agresaraḥ //


____________________________________________________________________


pūrve kartari || PS_3,2.19 ||


_____START JKv_3,2.19:

pūrva-śabde kartr̥-vāciny-upapade sarter dhātoḥ ṭapratyayaḥ bhavati /
pūrvaḥ sarati iti pūrvasaraḥ /
kartari iti kim ? pūrvaṃ deśaṃ sarati iti pūrvasāraḥ //


____________________________________________________________________


kr̥ño hetu-tācchīlya-ānulomyeṣu || PS_3,2.20 ||


_____START JKv_3,2.20:

karmaṇi upapade karoteḥ dhātoḥ ṭapratyayo bhavati hetau tācchīlye ānulomye ca gamyamāne /
hetuḥ aikāntikaṃ karaṇam /
tācchīlyaṃ tatsvabhāvatā /
ānulomyam anukūlatā /
hetau tāvat - śokakarī kanyā /
yaśaskarī vidyā /
kulakaraṃ dhanam /
tācchīlye - śrāddhakaraḥ /
arthakaraḥ /
ānulomye - praiṣakaraḥ /
vacanakaraḥ /
etesu iti kim ? kumbhakāraḥ /
nagarakāraḥ //


____________________________________________________________________


divā-vibhā-niśā-prabhā-bhās-kāra-anta-ananta-ādi-bahu-nāndī-kiṃ-lipi-libi-bali-bhakti-kartr̥-citra-kṣetra-saṅkhyā-jaṅghā-bāhv-ahar-yat-tad-dhanur-aruṣṣu || PS_3,2.21 ||


_____START JKv_3,2.21:

karmaṇi supi iti ca dvayam apy anuvartate /
tatra yathāyogaṃ sambandhaḥ /
divā-ādiṣu upapadeṣu karoter dhātoḥ ṭapratyayo bhavati /
ahetvādy-artha ārambhaḥ /
divā-śabdo adhikaraṇa-vacanaḥ supi ity asya viśeṣaṇam /
divā karoti prāṇinaśaceṣṭāyuktān iti divākaraḥ /
vibhāṃ karoti iti vibhākaraḥ /
niśākaraḥ /
prabhākaraḥ /
bhāskaraḥ /
sakārasya nipātanād visarjanīya-jihvāmūlīyau na bhavataḥ /
kārakaraḥ /
antakaraḥ /
anantakaraḥ /
ādikaraḥ /
bahukaraḥ /
nāndīkaraḥ /
kiṅkaraḥ /
lipikaraḥ /
libikaraḥ /
balikaraḥ /
bhaktikaraḥ /
kartr̥karaḥ /
citrakaraḥ /
kṣetrakaraḥ /
saṅkhyā - ekakaraḥ, dvikaraḥ, trikaraḥ /
jaṅghākaraḥ /
bāhukaraḥ /
ahaskaraḥ /
yatkaraḥ /
tatkaraḥ /
dhanuṣkaraḥ /
aruṣkaraḥ /
kiṃyattadbahuṣu kr̥ño 'jvidhānam /
kiṅkarā /
yatkarā /
tatkarā /
bahukarā /
athavā ajādiṣu pāṭhaḥ karisyate //


____________________________________________________________________


[#216]

karmaṇi bhr̥tau || PS_3,2.22 ||


_____START JKv_3,2.22:

karmaṇi iti svarūpa-grahanam /
karama-śabde upapade karma-vācini karoteḥ ṭapratyayo bhavati bhr̥tau gamyamānāyām /
bhr̥tiḥ vetanaṃ, karmanirveśaḥ /
karma karoti iti karmakaraḥ bhr̥takaḥ ityarthaḥ /
bhr̥tau iti kim ? karakāraḥ //


____________________________________________________________________


na śabda-śloka-kalaha-gāthā-vaira-cāṭu-sūtra-mantra-padeṣu || PS_3,2.23 ||

_____START JKv_3,2.23:

śabdādiṣu upapadeṣu karoteḥ ṭapratyayo na bhavati /
hetvādiṣu prāptaḥ pratiṣidhyate /
śabdakāraḥ /
ślokakāraḥ /
kalahakāraḥ /
gāthākāraḥ /
vairakāraḥ /
cāṭukāraḥ /
caṭukāraḥ /
sūtrakāraḥ /
mantrakāraḥ /
padakāraḥ //


____________________________________________________________________


stamba-śakr̥tor in || PS_3,2.24 ||


_____START JKv_3,2.24:

stamba śakr̥t ity etayoḥ karmaṇor upapadayoḥ inpratyayo bhavati /
vrīhivatsayor iti vaktavyam /
stambakarirvrīhiḥ /
śakr̥tkarirvatsaḥ /
vrīhivatsayoḥ iti kim ? stambakāraḥ /
śakr̥tkaraḥ //


____________________________________________________________________


harater dr̥ti-nāthayoḥ paśau || PS_3,2.25 ||

_____START JKv_3,2.25:

dr̥ti nātha ity etayoḥ karmaṇor upapadayoḥ harater dhātoḥ paśau kartari in pratyayo bhavati /
dr̥tiṃ harati dr̥tihariḥ paśuḥ /
nāthahariḥ paśuḥ /
paśau iti kim ? dr̥tihāraḥ /
nāthahāraḥ //


____________________________________________________________________


phalegrahir-ātmambhariś ca || PS_3,2.26 ||


_____START JKv_3,2.26:

phalegrahiḥ ātmambhariḥ ity etau śabdau nipātyete /
phala-śabdasya upapadasya ekārāntatvam inpratyayaś ca graher nipātyate /
phalāni gr̥hṇāti iti phalegrahir vr̥kṣaḥ /
ātma-śabdasya upapadasya mumāgama inpratyayaś ca bhr̥ño nipātyate /
ātmānaṃ bibharti ātmambhariḥ /
anukta-samuccaya-arthaś cakāraḥ /
kukṣimbhariḥ /
udarambhariḥ //


____________________________________________________________________


chandasi vana-sana-rakṣi-mathām || PS_3,2.27 ||


_____START JKv_3,2.27:

vana ṣaṇa sambhaktau, rakṣa pālane, mantha viloḍane, etebhyaḥ karmaṇy-upapade chandasi viṣaye inpratyayo bhavati /
brahmavaniṃ tvā kṣatravaniṃ suprajāvaniṃ rāyaspoṣavaniṃ paryūhāmi /
gosaniṃ vācamudeyam /
yau pathirakṣī śvānau /
havirmathīnāmabhyā 3 vivāsatām //


____________________________________________________________________


[#217]

ejeḥ khaś || PS_3,2.28 ||


_____START JKv_3,2.28:

ejr̥ kampane ity asmāt ṇyantāt karmaṇy-upapade khaś pratyayo bhavati /
khakāro mumathaḥ /
śakāraḥ sārvadhātuka-sañjña-arthaḥ /
aṅgamejayati aṅgamejayaḥ /
janamejayaḥ /
khaśprayaye vātśunītilaśardheṣvajadheṭtudajahātīnām upasaṅkhyānam /
vātamajā mr̥gāḥ /
śunindhayaḥ /
tilantudaḥ /
śardhañjahā māṣāḥ //


____________________________________________________________________


nāsikā-stanayor dhmā-dheṭoḥ || PS_3,2.29 ||


_____START JKv_3,2.29:

nāsikāstanayoḥ karmaṇorupapadayoḥ dhmādheṭordhātvoḥ khaś pratyayo bhavati /
yathāsaṅkhyamatra neṣyate /
stane dheṭaḥ /
satnandhayaḥ /
nāsikāyāṃ tu dhmaś ca dheṭaś ca /
nāsikandhamaḥ, nāsikandhayaḥ /
tac ca+etan nāsika-stanayor iti lakṣaṇavyabhicāracihnād alpāctarasya apūrvanipātanāl labhyate /
dheṭaḥ ṭitvāt striyāṃ ṅīp pratyayo bhavati /
stanandhayī //


____________________________________________________________________


nāḍī-muṣṭyoś ca || PS_3,2.30 ||


_____START JKv_3,2.30:

nāḍī muṣti ity etayoḥ karmaṇor upapadayoḥ dhmādheṭoḥ khaśpratyayo bhavati /
atra api ghyantasya apūrvanipāto lakṣaṇavyabhicāracihnam /
tena saṅkhyātānudeśo na bhavati /
nāḍindhamaḥ /
muṣṭindhamaḥ /
nāḍindhayaḥ /
muṣṭindhayaḥ /
anuktasamuccaya-arthaś cakāraḥ /
ghaṭindhamaḥ /
ghaṭindhayaḥ /
khārindhamaḥ /
khārindhayaḥ /
vātandhamaḥ parvataḥ /
vātandhayaḥ //


____________________________________________________________________


udi kūle ruji-vahoḥ || PS_3,2.31 ||


_____START JKv_3,2.31:
rujo bhaṅge, vaha prāpaṇe ity etābhyām utpūrvābhyāṃ kūle karmaṇi upapade khaś pratyayo bhavati /
kūlam udrujati iti kūlamudrujo rathaḥ /
kūlamudvahaḥ //


____________________________________________________________________


vaha-abhre lihaḥ || PS_3,2.32 ||


_____START JKv_3,2.32:

vaha abhra ity etayoḥ karamṇor upapadayoḥ liher dhātoḥ khaś pratyayo bhavati /
vahaṃ leḍhi iti vahṃliho gauḥ /
abhraṃliho vāyuḥ //


____________________________________________________________________


[#218]

parimāṇe pacaḥ || PS_3,2.33 ||


_____START JKv_3,2.33:

parimāṇaṃ prasthādi, tasmin karmaṇy-upapade paceḥ khaś pratyayo bhavati /
prasthaṃ pacati prasthaṃpacā sthālī /
droṇaṃpacaḥ /
khāriṃpacaḥ kaṭāhaḥ //


____________________________________________________________________


mita-nakhe ca || PS_3,2.34 ||

_____START JKv_3,2.34:

mita nakha ity etayoḥ karmaṇor upapadayoḥ paceḥ khaś pratyayo bhavati /
aparimāṇa-arthaḥ ārambhaḥ /
mitaṃ pacati mitampacā brāhmaṇī /
nakhaṃpacā yavāgūḥ //


____________________________________________________________________


vidhv-aruṣos tudaḥ || PS_3,2.35 ||


_____START JKv_3,2.35:

vidhu arus ity etayoḥ karmaṇor upapadayoḥ tuder dhātoḥ khaś pratyayo bhavati /
vidhuntudaḥ rāhuḥ /
arunatudaḥ //


____________________________________________________________________


asūrya-lalāṭayor dr̥śi-tapoḥ || PS_3,2.36 ||


_____START JKv_3,2.36:

asūrya lalāṭa ity etayoḥ karmaṇor upapadayoḥ dr̥śi-tapoḥ dhātvoḥ khaś pratyayo bhavati /
asūryaṃpaśyā rājadārāḥ /
lalāṭaṃtapaḥ ādityaḥ /
asūrya iti ca asamartha-samāso 'yaṃ, dr̥śinā nañaḥ sambandhāt, sūryaṃ na paśyanti iti /
guptiparaṃ caitat /
evaṃ nāma guptā yad aparihārya-darśanaṃ sūryam api na paśyanti iti //


____________________________________________________________________


ugrampaśya-irammada-pāṇindhamāś ca || PS_3,2.37 ||


_____START JKv_3,2.37:

ugrampaśya irammada pāṇindhama ity ete śabdā nipātyante /
ugraṃ paśyati iti ugrampaśyaḥ /
irayā mādyati iti irammadaḥ /
pāṇayo dhmāyante eṣu iti pāṇindhamāḥ panthānaḥ //


____________________________________________________________________


priyavaśe vadaḥ khac || PS_3,2.38 ||


_____START JKv_3,2.38:

priya vaśa ity etayoḥ karamṇoḥ upapadayoḥ vadeḥ dhātoḥ khac pratyayo bhavati /
priyaṃ vadati iti priyaṃvadaḥ /
vaśaṃvadaḥ /
cakāraḥ khaci hrasvaḥ (*6,4.94) iti viśeṣaṇa-arthaḥ /
khakāro mumarthaḥ /
pratyayāntarakaraṇamuttarārtham /

[#219]

khacprakaraṇe gameḥ supy upasaṅkhyānam /
mitaṅgamo hastī /
mitaṅgamā hastinī /
vihāyaso viha ca /
vihāyasā gacchati vihaṅgamaḥ /
khacca ḍidvā vaktavyaḥ /
vihaṅgaḥ, vihaṅgamaḥ /
ḍe ca vihāyaso vihādeśo vaktavyaḥ /
vihagaḥ /


____________________________________________________________________


dviṣat-parayos tāpeḥ || PS_3,2.39 ||


_____START JKv_3,2.39:

dviṣat-parayoḥ karmaṇor upapadayoḥ tāpeḥ chātoḥ khac pratyayo bhavati /
tapa dāhe curādiḥ, tapasantāpe bhvādiḥ, dvayor api grahaṇam /
dviṣantaṃ tāpayati dviṣantapaḥ /
parantapaḥ /
dviṣatparayoḥ iti dvitakārako nirdeśaḥ /
tena striyāṃ na bhavati /
dviṣatīṃ tāpayati dviṣatītāpaḥ //


____________________________________________________________________


vāci yamo vrate || PS_3,2.40 ||


_____START JKv_3,2.40:

vākśabde karmaṇi upapade yameḥ dhātoḥ khac prayayo bhavati vrate gamyamāne /
vrata iti śastrito niyamaḥ ucyate /
vācaṃyamaḥ āste /
vrate iti kim ? vāgyāmaḥ //


____________________________________________________________________


pūḥ-sarvayor dāri-sahoḥ || PS_3,2.41 ||


_____START JKv_3,2.41:

pur sarva ity etayoḥ karamaṇoḥ upapadayoḥ yathāsaṅkhyaṃ dārisahoḥ dhātvoḥ khac pratyayo bhavati /
puraṃ dārayati purandaraḥ /
sarvaṃsaho rājā /
bhave ca dārer iti vaktavyam /
bhagandaraḥ //


____________________________________________________________________


sarva-kūla-abhra-karīṣeṣu kaṣaḥ || PS_3,2.42 ||


_____START JKv_3,2.42:

sarvakūla abhra karīra ity eteṣu karmasu upapadeṣu kaṣeḥ dhātoḥ khac pratyayo bhavati /
sarvaṃ kaṣati sarvaṃkaṣaḥ khalaḥ /
kūlaṅkaṣā nadī /
abhraṅkaṣo giriḥ /
karīṣaṅkaṣā vātyā //


____________________________________________________________________


[#220]

megha-rti-bhayeṣu kr̥ñaḥ || PS_3,2.43 ||


_____START JKv_3,2.43:

megha r̥ti bhaya ity eteṣu karmasu upapadeṣu kar̥ñaḥ khac pratyayo bhavati /
meghaṅkaraḥ /
r̥tiṅkaraḥ /
bhayaṅkaraḥ /
upapada-vidhau bhayādi-grahaṇaṃ tadantavidhiṃ prayojayati /
abhayaṅkaraḥ //


____________________________________________________________________


kṣema-priya-madre 'ṇ ca || PS_3,2.44 ||


_____START JKv_3,2.44:

kṣema priya madra ity eteṣu karmasu upapadeṣu karoteḥ aṇ pratyayo bhavati, cakārāt khac ca /
kṣemakāraḥ, kṣemaṅkaraḥ /
priyakāraḥ, priyaṅkaraḥ /
madrakāraḥ, madraṅkaraḥ /
vā iti vaktavye punar aṇ-grahanaṃ hetvādiṣu ṭapratiṣedha-artham //


____________________________________________________________________


āśite bhuvaḥ karaṇa-bhāvayoḥ || PS_3,2.45 ||


_____START JKv_3,2.45:

atra supi ity upatiṣṭhate /
āśita-śabde subante upapade bhavater dhātoḥ karaṇe bhāve ca-arthe khac pratyayo bhavati /
āśito bhavati anena āśitambhava odanaḥ /
bhāve - āśitasya bhavanam āśitambhavaṃ vartate //


____________________________________________________________________

sañjñāyāṃ bhr̥-tr̥̄-vr̥-ji-dhāri-sahi-tapi-damaḥ || PS_3,2.46 ||


_____START JKv_3,2.46:

karmaṇi iti supi iti ca prakr̥taṃ sajñāvaśād yathāsambhavaṃ sambadhyate /
bhr̥ tr̥̄ vr̥ ji dhāri sahi tapi dama ity etebhyo dhātubhyaḥ sañjñāyāṃ viṣaye khac pratyayo bhavati /
viśvambharā vasundharā /
rathantaraṃ sāma /
patiṃvarā kanyā /
śatruñjayo hastī /
yugandharaḥ parvataḥ /
śatruṃsahaḥ /
śatruṃtapaḥ /
ariṃdamaḥ /
sajñāyām iti kim ? kuṭumbaṃ bibharti iti kuṭumbabhāraḥ //


____________________________________________________________________


gamaś ca || PS_3,2.47 ||


_____START JKv_3,2.47:

gameḥ dhātoḥ supi upapade sañjñāyāṃ viṣaye khac pratyayo bhavati /
sutaṅgamo nāma, yasya putraḥ sautaṅgamiḥ /
yogavibhāgaḥ uttarārthaḥ //


____________________________________________________________________


anta-atyanta-adhva-dūra-pāra-sarva-ananteṣu ḍaḥ || PS_3,2.48 ||


_____START JKv_3,2.48:
sañjñāyām iti na anuvartate /
anta atyanta adhvan dura pāra sarva ananta ity eteṣu karmasu upapadeṣu gameḥ ḍapratyayo bhavati /
antagaḥ atyantagaḥ /
adhvagaḥ /
dūragaḥ /
pāragaḥ /
sarvagaḥ /
anantagaḥ /
anantagaḥ /
ḍakaraḥ ṭilopārthaḥ, ḍityabhasya apy anubandhakaraṇa-sāmarthyāt iti //


[#221]

ḍaprakaraṇe sarvatrapannayor upasaṅkhyānam /
sarvatragaḥ /
pannagaḥ /
uraso lopaś ca /
urasā gacchati iti uragaḥ /
suduror adhikaraṇe /
sukhena gacchaty asmin iti sugaḥ /
durgaḥ /
niro deśe /
nirgo deśaḥ /
apra āha - ḍaprakaraṇe 'nyeṣv api dr̥śyate iti /
stryagāragaḥ /
grāmagaḥ /
gurutalpagaḥ //


____________________________________________________________________


āśiṣi hanaḥ || PS_3,2.49 ||


_____START JKv_3,2.49:

ḍa iti vartate /
āśiṣi gamyamānāyāṃ hanter dhātoḥ karmaṇy-upapade ḍaprayayo bhavati /
timiṃ vadhyāt timihaḥ /
śatruhaḥ /
āśiṣi iti kim ? śatrughātaḥ /
dārāvāhano 'ṇantasya ca ṭaḥ sañjñāyām /
dārāv upapade āṅpūrvād hanteḥ aṇ pratyayo bhavati, antasya ca ṭa kārādeśo bhavati, sañjñāyāṃ viṣaye /
dāru āhanti dārvāghāṭaḥ /
cārau vā /
āṅpūrvāt hanteś cārāv upapade aṇ, antasya vā ṭakārādeśaḥ /
cārvāghāṭaḥ, cārvādghātaḥ /
karmaṇi sami ca /
karmaṇy-upapade sampūrvāt hanteḥ dhātoḥ aṇ pratyayo bhavati, antasya ca vā ṭakāradeśaḥ /
varṇān saṃhanti varṇasaṅghāṭaḥ, varṇasaṅghātaḥ /
padāni saṃhanti padasaṅghāṭaḥ, padasaṅghātaḥ //


____________________________________________________________________


[#222]

ape kleśa-tamasoḥ || PS_3,2.50 ||


_____START JKv_3,2.50:

apapūrvāt hanteḥ dhātoḥ kleśa-tamasoḥ karmaṇor upapadayoḥ ḍapratyayo bhavati /
kleśāpahaḥ putraḥ /
tamopahaḥ sūryaḥ /
anāśīr artha ārambhaḥ //


____________________________________________________________________


kumāra-śīrṣayor ṇiniḥ || PS_3,2.51 ||

_____START JKv_3,2.51:

hana iti vartate /
kumāra śīrṣa ity etayoḥ upapadayoḥ hanteḥ ṇiniḥ pratyayo bhavati /
kumāra-ghātī /
śīrṣa-ghātī /
nipātanāc chirasaḥ śīrṣabhāvaḥ //


____________________________________________________________________


lakṣaṇe jāyā-patyoṣ ṭak || PS_3,2.52 ||


_____START JKv_3,2.52:

hanteḥ jāyāpatyoḥ karmaṇoḥ uapapadayoḥ lakṣaṇavati kartari ṭak pratyayo bhavati /
jāyāghno brāhmaṇaḥ patighnī vr̥ṣalī /
atha vā lakṣaṇe dyotye ṭak pratyayaḥ //


____________________________________________________________________


amanuṣyakartr̥ke ca || PS_3,2.53 ||


_____START JKv_3,2.53:

amanuṣyakartr̥ke vartamānād hanteḥ dhātoḥ karmaṇi upapade ṭak pratyayo bhavati /
jāyāghnastilakālakaḥ /
patighnī pāṇirekhā /
śleṣmaghnaṃ madhu /
pittaghnaṃ ghr̥tam /
amanuṣyakartr̥ke iti kim ? ākhughātaḥ śūdraḥ /
iha karmān na bhavati, cauraghāto hastī ? kr̥tya-lyuṭo bahulam (*3,3.113) iti bahula-vacanād aṇ bhavati //

____________________________________________________________________


śaktau hasti kapāṭayoḥ || PS_3,2.54 ||


_____START JKv_3,2.54:

śaktau gamyamānāyāṃ hasti kapāṭayoḥ karmaṇor upapadayoḥ hanteḥ ṭak pratyayo bhavati /
manuṣyakartr̥ka-artha ārambhaḥ /
hastinaṃ hantuṃ śaktaḥ hastighnaḥ manuṣyaḥ /
kaṃ pāṭayati praviśata iti kapāṭaghnaścauraḥ /
śaktau iti kim ? viṣeṇa hastinaṃ hanti hastighātaḥ //


____________________________________________________________________


pāṇigha-tāḍaghau śilpini || PS_3,2.55 ||


_____START JKv_3,2.55:

pāṇigha tāḍagha ity etau śabdau nipātyete śilpini kartari /
pāṇi tāḍa ity etayoḥ karmaṇoḥ upapadayoḥ hanteḥ dhatoḥ ṭak pratyayo bhavati,

[#223]

tasmiṃśca parato hanteḥ ṭilopo ghatvaṃ ca nipātyate /
pāṇighaḥ /
tāḍaghaḥ /
śilpini iti kim ? pāṇighātaḥ /
tāḍaghātaḥ /
rājagha upasaṅkhyānam /
rājānaṃ hanti rājaghaḥ //


____________________________________________________________________

āḍhya-subhaga-sthūla-palita-nagna-andha-priyeṣu cvy-artheṣv acvau kr̥ñaḥ karaṇe khyun || PS_3,2.56 ||


_____START JKv_3,2.56:

āḍhyādiṣu karmasu upapadeṣu cvy-artheṣu acvyanteṣu karoteḥ dhātoḥ karaṇe kārake khyun pratyayo bhavati /
cver vikalpena vidhānād dvividhāḥ cvyarthāḥ, cvyantā acvyantā śca /
tatra cvyantāḥ paryudasyante /
anāḍhyaṃ āḍhyaṃ kurvanti anena āḍhyaṅkaraṇam /
subhagaṅkaraṇam /
sthūlaṅkaraṇam /
palitaṅkaraṇam /
nagnaṅkaraṇam /
andhaṅkaraṇam /
priyaṅkaraṇam /
cvyartheṣu iti kim ? āḍhyaṃ tailena kurvanti abhyañjayanti ity arthaḥ /
prakr̥ter avivakṣāyām abhūtaprādurbhāve 'pi pratyudāharaṇaṃ bhavati /
acvau iti kim ? āḍhyīkurvanty anena /
nanu ca khyunā mukte lyuṭā bhavitavyam, na ca lyuṭaḥ khyunaś ca viśeṣo 'sti, tatra kiṃ pratiṣedhena ? evaṃ tarhi pratiṣedha-sāmarthyāt khyuni asati lyuḍ api na bhavati, tena lyuṭo 'py ayam arthataḥ pratiṣedhaḥ /
uttarārthaś ca cvi-pratiṣedhaḥ kriyate //


____________________________________________________________________


kartari bhuvaḥ khiṣṇuc-khukañau || PS_3,2.57 ||


_____START JKv_3,2.57:

āḍhyādisu subanteṣu upapadeṣu cvyartheṣu acvyanteṣu bhavater dhātoḥ kartari kārake khiṣṇuc, khukañ ity etau pratyayau bhavataḥ /
anāḍhya āḍhyo bhavati āḍhyaṃbhaviṣṇuḥ, āḍhyaṃbhāvukaḥ /
subhavaṃbhaviṣṇu, subhagaṃbhāvukaḥ /
sthūlaṃbhaviṣṇuḥ, sthūlaṃbhāvukaḥ /
palitaṃbhaviṣṇuḥ, palitaṃbhāvukaḥ /
nagnaṃbhaviṣṇuḥ, nagnaṃbhāvukaḥ /
andhaṃbhaviṣṇuḥ, andhaṃbhāvukaḥ /
priyaṃbhaviṣṇuḥ, priyaṃbhāvukaḥ /
kartari iti kim ? karaṇe mā bhūt /
cvyarthesu ity eva, āḍhyo bhavitā /
acvau ity eva, āḍhyībhavitā /
udāttatvād bhuvaḥ siddham ikārāditvam iṣṇucaḥ /
nañstu svarasiddhyartham ikārāditvam iṣyate //


____________________________________________________________________


spr̥śo 'nudake kvin || PS_3,2.58 ||


_____START JKv_3,2.58:

spr̥śe rdhātor anudake subanta upapade kvin pratyayo bhavati /
nanu sakarmakatvāt spr̥śeḥ karmaivopapadaṃ prāpnoti ? na+eṣa doṣaḥ /
kartari iti pūrvasūtrād anuvartate, tat kartr̥pracaya-arthaṃ vijñāyate /
subantamātre ca+upapade kartr̥pacayo labhyate ghr̥taṃ spr̥śati ghr̥taspr̥k /
mantreṇa spr̥śati mantraspr̥k /
jalena spr̥śati jalaspr̥k /
anudake iti kim ? udakasparśaḥ /
nakāraḥ kvin-pratyayasya kuḥ (*8,2.62) iti viśeṣaṇa-arthaḥ //


____________________________________________________________________


[#224]

r̥tvig-dadhr̥k-srag-dig-uṣṇig-añcu-yuji-kruñcāṃ ca || PS_3,2.59 ||


_____START JKv_3,2.59:

r̥tvigādayaḥ pañca-śabdāḥ kvin-pratyayāntāḥ nipātyante, apare trayo dhātvo nirdiṣyante /
r̥tu-śabda upapade yajer dhatoḥ kvin pratyayo nipātyate /
r̥tau yajati, r̥tuṃ vā yajati, r̥tuprayukto vā yajati r̥tvik /
rūḍhireṣā yathā kathaṃcid anugantavyā /
dhr̥ṣeḥ kvin pratyayaḥ, dvirvacanam, antodāttatvaṃ ca nipātyate /
dhr̥ṣṇoti iti dadhr̥k /
sr̥jeḥ karmaṇi kvin, amāgamaḥ ca nipātyate /
sr̥janti tam iti srak /
diṣeḥ karmaṇi kvin nipātyate /
diśanti tām iti dik /
utpūrvāt sniheḥ kvin, upasargānta-lopaḥ, ṣatvaṃ ca nipātyate /
uṣṇik /
añcu yuji kruñca ity eteṣāṃ dhātūnāṃ kvin pratyayo bhavati /
nipātanaiḥ saha nirdeśāt atra api kiṃcid alākṣaṇikaṃ kāryam asti /
añcateḥ subnata-mātra upapade kvin pratyayo bhavati /
prāṅ /
pratyaṅ /
udaṅ /
yujeḥ kruñceś ca kevalād eva /
yuṅ, yuñjau, yuñjaḥ /
sopapadāt tu satsūdviṣa (*3,2.61) ity ādinā kvip bhavati /
aśvayuk, aśvayujau, aśvayujaḥ /
kruṅ, kruñcau, kruñcaḥ /
nalopaḥ kasmān na bhavati ? nipātana-sāhacaryāt //


____________________________________________________________________


tyadādiṣu dr̥śo 'nālocane kañ ca || PS_3,2.60 ||


_____START JKv_3,2.60:

tyadādiṣu upapadeṣu dr̥śer dhātor anālocane 'rthe vartamānāt kañ pratyayo bhavati, cakārāt kvin ca /
tyādr̥śaḥ, tyādr̥k /
tādr̥śaḥ, tādr̥k /
yādr̥śaḥ, yādr̥k /
kaño ñakāro viśeṣaṇa-arthaḥ, ṭhak ṭhañ kañ iti /
anālocane iti kim ? taṃ paśyati taddarśaḥ /
tādr̥gādayo hi rūḍhiśabda-prakārāḥ, na+eva atra darśanakriyā vidyate /
samānānyayośceti vaktavyam /
sadr̥śaḥ, sadr̥k /
anyādr̥śaḥ, anyādr̥k /
dr̥śeḥ kṣaś ca vaktavyaḥ /
tādr̥kṣaḥ /
yādr̥kṣaḥ /
anyādr̥kṣaḥ /
kīdr̥kṣaḥ //


____________________________________________________________________


[#225]

sat-sū-dviṣa-druha-duha-yuja-vida-bhidac-chida-ji-nī-rājām uasarge 'pi kvip || PS_3,2.61 ||


_____START JKv_3,2.61:

supi ity anuvartate /
karma-grahaṇaṃ tu spr̥śo 'nudake kvin (*3,2.58) ity ataḥ prabhr̥ti na vyāpriyate /
sadādibhyaḥ dhātubhyaḥ subante upapade upasarge 'pi anupasarge 'pi kvip pratyayo bhavati /
upasarga-grahaṇam jñāpanārtham, anyatra sub-grahaṇe upasarga-grahaṇaṃ na bhavati iti, vadaḥ supi kyap ca (*3,1.106) iti /
sū iti dviṣā sāhacaryāt sūteḥ ādādikasya grahaṇaṃ, na suvateḥ taudādikasya /
yujir yoge, yuja samādhau, dvayor api grahaṇam /
vida jñāne, vida sattāyām, vida vicāraṇe, trayāṇām api grahaṇam /
na lābha-arthasya videḥ, akārasya vivakṣatatvāt /
sad - śuciṣat /
antarikṣasat /
upasat /
sū - aṇḍasūḥ /
śatasūḥ /
prasūḥ /
dviṣa - mitradviṭ /
pradviṭ /
druha - mitradhruk /
pradhruk /
duha - godhuk /
pradhuk /
yuja - aśvayuk /
prayuk /
vida - vedavit /
pravit /
brahmavit /
bhida - kāṣṭhabhit /
prabhit /
chida - rajjucchid /
pracchid /
ji - śatrujit /
prajit /
nī - senānīḥ /
praṇīḥ /
grāmaṇīḥ /
agraṇīḥ /
katham atra ṇatvam ? sa eṣāṃ grāmaṇīḥ (*5,2.78) iti nipātanāt, nayateḥ pūrvapadāt sajñāyām agaḥ (*8,4.3) iti ṇatvam /
rāja - rāṭ /
virāṭ /
samrāṭ /
mo rāji samaḥ kvau (*8,2.35) iti matvam /
anyebhyo 'pi dr̥śyate (*3,2.178), kvip ca (*3,2.76) iti sāmānyena vakṣyati, tasya+eva ayaṃ prapañcaḥ //


____________________________________________________________________


bhajo ṇviḥ || PS_3,2.62 ||


_____START JKv_3,2.62:

upasarge supi iti vartate /
bhajer dhātoḥ subanta upapade upasarge 'pi - prabhāk //


____________________________________________________________________


chandasi sahaḥ || PS_3,2.63 ||


_____START JKv_3,2.63:

upasarge supi ity eva /
chandasi viṣaye saher dhātoḥ subante upapade ṇvi-pratyayo bhavati /
turāṣāṭ /
saheḥ sāḍaḥ saḥ (*8,3.56) iti ṣatvam, anyeṣām api dr̥śyate (*6,3.137) iti dīrghatvam //


____________________________________________________________________


[#226]

vahaś ca || PS_3,2.64 ||


_____START JKv_3,2.64:

vaher dhātoḥ chandasi viṣaye subanta upapade ṇvipratyayo bhavati /
praṣṭhavāṭ /
divyavāṭ /
yoga-vibhāga uttara-arthaḥ //


____________________________________________________________________


kavya-purīṣa-purīṣyeṣu ñyuṭ || PS_3,2.65 ||


_____START JKv_3,2.65:

kavya purīṣa purīṣya ity eteṣu upapadeṣu chandasi viṣaye vaher dhātoḥ ṇyuṭ pratyayo bhavati /
kavyavāhanaḥ pitr̥̄ṇām /
purīṣavāhaṇaḥ /
purīṣyavāhanaḥ //


____________________________________________________________________


havye 'nantaḥpādām || PS_3,2.66 ||


_____START JKv_3,2.66:

havya-śabde upapade chandasi viṣaye vaher dhātoḥ ñyuṭ pratyayo bhavati, anantaḥ-pādaṃ ced vahirvartate /
agniś ca havya-vāhanaḥ anantaḥpādam iti kim ? havyavāḍagnirajaraḥ pitā naḥ //


____________________________________________________________________


jana-sana-khana-krama-gamo viṭ || PS_3,2.67 ||


_____START JKv_3,2.67:

chandasi upasarge supi iti anuvartate /
jana janane, janī pradurbhāve, dvayor api grahaṇam /
tathā ṣaṇu dāne, vana ṣane saṃbhaktau, dvayor api grahaṇam /
janādibhyaḥ dhātubhyaḥ subanta upapade chandasi viṣaye viṭ pratyayo bhavati /
ṭakāraḥ sāmānya-grahaṇa-avighāta-arthaḥ ver apr̥ktasya (*6,1.67) iti, viṣeṣaṇa-arthaś ca viḍvanor anunāsikasyāt (*6,4.41) iti /
jana - abjāḥ gojāḥ /
sana - goṣā indo nr̥ṣā asi /
khana - bisakhāḥ /
kūpakhāḥ /
krama - dadhikrāḥ /
gama - agregā unnatr̥̄ṇām //

____________________________________________________________________


ado 'nanne || PS_3,2.68 ||


_____START JKv_3,2.68:

chandasi iti nivr̥ttam /
ader dhātor ananne supy upapade viṭ pratyayo bhavati /
āmamatti āmāt /
sasyāt /
ananne iti kim ? annādaḥ //


____________________________________________________________________


kravye ca || PS_3,2.69 ||


_____START JKv_3,2.69:

kravya-śabda upapade ader dhātoḥ viṭ pratyayo bhavati /
kravyamatti kravyāt /
pūrveṇa+eva siddhe vacanam asarūpabādhana-artham /
tena aṇ na bhavati /
kathaṃ tarhi kravyādaḥ ? kr̥ttavikr̥tta-śabde upapade aṇ, tasya ca pr̥ṣodarādipāṭhāt kravyabhāvaḥ /
kr̥ttavikr̥ttapakvamāṃsabhakṣaḥ kravyāda ucyate, āmamāṃsabhakṣaḥ kravyāt iti //


____________________________________________________________________


[#227]

duhaḥ kab ghaś ca || PS_3,2.70 ||

_____START JKv_3,2.70:

duher dhātoḥ supy upapade kap pratyayo bhavati, ghakāraś cāntādeśaḥ /
kāmadughā dhenuḥ /
arghadughā /
dharmadugha //


____________________________________________________________________


mantre śveta-vaha-ukthaśas-puroḍāśo ṇvin || PS_3,2.71 ||


_____START JKv_3,2.71:

śvetavaha ukthaśas puroḍāś ity etebhyo ṇvin pratyayo bhavati mantre viṣaye /
dhātu-upapada-samudāyā nipātyante alākṣaṇikakārya-siddhy-artham /
pratyayas tu vidhīyata eva /
śveta-śabde kartr̥-vācini upapade vaher dhātoḥ karaṇi kārake ṇvin pratyayo bhavati /
śvetā enaṃ vahanti śvetavā indraḥ /
uktha-śabde karmaṇi karaṇe vā upapade śaṃsater dhātoḥ ṇvin pratyayo bhavati, nalopaś ca nipātyate /
ukthāni śaṃsati, ukthair vā śaṃsati, ukthaśā yajamānaḥ /
dāśr̥ dāne ity etasya puraḥpūrvasya ḍatvam, karmaṇi ca pratyayaḥ /
puro dāśanta enaṃ proḍāḥ /
śvetavahādīnāṃ ḍaspadasya+iti vaktavyam /
śvetavobhyām /
śvetavobhiḥ /
padasya iti kim ? śvetavāhau /
śvetavāhaḥ //


____________________________________________________________________


ave yajaḥ || PS_3,2.72 ||


_____START JKv_3,2.72:

ave upapade yajeḥ dhātoḥ ṇvin pratyayo bhavati mantre viṣaye /
tvaṃ yajñe varuṇasya avayā asi /
yogavibhāga uttara-arthaḥ //


____________________________________________________________________


vij upe chandasi || PS_3,2.73 ||


_____START JKv_3,2.73:

upe upapade yajeḥ chandasi viṣaye vic pratyayo bhavati /
upayaḍbhir ūrdhvaṃ vahanti /
upayaṭtvam /
chando-grahaṇaṃ brāhmaṇa-artham /
vicaḥ citkaraṇaṃ sāmānya-grahaṇa-avighāta-artham ver apr̥ktasya (*6,1.67) iti /
kim artham idam ucyate, yāvata anyebhyo 'pi dr̥śyante (*3,2.75) iti yajer api vic siddha eva ? yajer niyama-artham etat, upayajeḥ chandasya+iva, na bhāṣāyām iti //


____________________________________________________________________


[#228]

āto manin-kvanib-vanipaś ca || PS_3,2.74 ||


_____START JKv_3,2.74:

chandsi iti vartate, supi upasarge 'pi iti ca /
ākārāntebhyo dhātubhyaḥ supi upapde chandsi viṣaye manin kvanip vanip ity ete pratyayā bhavanti /
cakarāt vic bhavati /
sudāmā /
aśvatthāmā /
kvanip - sudhīvā /
supīvā /
vanip - bhūridāvā /
ghr̥tapāvā /
vic khalv api - kīlālapāḥ /
śubhaṃyaḥ /
rāmasya+upadāḥ //


____________________________________________________________________


anyebhyo 'pi dr̥śyante || PS_3,2.75 ||


_____START JKv_3,2.75:

chandasi iti nivr̥ttam /
anyebhyo 'pi dhātubhyo 'nākārāntebhyo manin kyanip vanip ity ete pratyayā dr̥śyante, vic ca /
suśarmā /
kvanip - prātaritvā /
prātaritvānau /
vanip - vijāvāgne /
agreyāvā /
vic khalv api - reḍasi /
api-śabdaḥ sarva-upādhivyabhicāra-arthaḥ /
nirupapadād api bhavati /
dhīvā /
pīvā /
dr̥śi-grahaṇaṃ prayoga-anusaraṇa-artham //


____________________________________________________________________


kvip ca || PS_3,2.76 ||


_____START JKv_3,2.76:

sarvadhātubhyaḥ sopapadebhyo nirupapadebhyaś ca chandasi bhāṣāyāṃ ca kvip pratyayo bhavati /
ukhāyāḥ sraṃsate ukhāsrat /
parṇadhvat /
vāhāt bhraśyati, vāhābhraṭ /
anyeṣam api dr̥śyate (*6,3.137) iti dīrghaḥ //


____________________________________________________________________


sthaḥ ka ca || PS_3,2.77 ||


_____START JKv_3,2.77:

supi upasarge 'pi iti ca vartate /
sthā ity etasmād dhātoḥ supi upapade kapratyayo bhavati, kvip ca /
kimartham idam ucyate, yavatā supi sthaḥ (*3,2.4) iti kaḥ siddha eva, anyebhyo 'pi dr̥śyate (*3,2.178) iti kvip? bādhakabādhana-arthaṃ punar vacanam /
śami dhātoḥ sañjñāyām (*3,2.14) acaṃ bādhate - śaṃsthaḥ /
śaṃsthāḥ //


____________________________________________________________________


[#229]

supy ajātau ṇinis tācchīlye || PS_3,2.78 ||


_____START JKv_3,2.78:

ajāti-vācini subanta upapade tācchīlye gamyamāne dhātoḥ ṇiniḥ pratyayo bhavati /
uṣṇabhojī /
śītabhojī /
ajātau iti kim ? brāhmaṇānāmantrayitā /
tāchhīlye iti kim ? uṣṇaṃ bhuṅkte kadācit /
supi iti vartamāne punaḥ sub-grahaṇam upasarganivr̥tty-artham /
utpratibhyām āṅi sarter upasaṅkhyānam /
udāsāriṇyaḥ /
pratyāsāriṇyaḥ /
sādhukāriṇi ca /
sadhukārī /
sādhudāyī /
brahmaṇi vadaḥ /
brahmavādino vadanti //


____________________________________________________________________


kartary upamāme || PS_3,2.79 ||


_____START JKv_3,2.79:

kartr̥-vācini upamāne upapade dhātoḥ ṇini-pratyayo bhavati /
upapadakartā pratyaya-arthasya kartur upamānam /
uṣṭra iva krośati uṣṭrakrośī /
dhvāṅkṣarāvī /
atācchīlya-artha ārambhaḥ, jātyartho vā /
kartari iti kim ? apūpān iva bhakṣayati māṣān /
upamane iti kim ? uṣṭraḥ krośati //


____________________________________________________________________


vrate || PS_3,2.80 ||


_____START JKv_3,2.80:

vrata iti śāstrato niyama ucyate vrate gamyamāne subanta upapade dhātoḥ ṇiniḥ pratyayo bhavati /
samudāyopadhiś ca ayam /
dhatu-upapada-pratyayasaudayena vrataṃ gamyate /
sthaṇḍilaśāyī /
aśrāddhabhojī /
kāmacāraprāptau niyamaḥ /
sati śayane sthaṇḍila eva śete na anyatra /
sati bhojane 'śrāddham eva bhuṅkte na śrāddham iti /
vrate iti kim ? sthāṇḍile śete devadattaḥ /
atacchīlya-artha ārambhaḥ, jāty-artho vā //


____________________________________________________________________


[#230]

bahulam ābhīkṣṇye || PS_3,2.81 ||


_____START JKv_3,2.81:

ābhīkṣṇye gamyamāne dhātoḥ bahulaṃ ṇiniḥ pratyayo bhavati /
abhīkṣṇyaṃ paunaḥpunyam /
tātparyam āsevaiva, tācchīlyādanyat /
kaṣāyapāyiṇo gandhārāḥ /
kṣīrapāyiṇaḥ uśīnarāḥ /
sauvīrapāyiṇo bāhlīkāḥ /
bahula-grahaṇat kulmāṣakhādaḥ ity atra na bhavati //


____________________________________________________________________


manaḥ || PS_3,2.82 ||


_____START JKv_3,2.82:

supi iti vartate /
manyateḥ subante upapade ṇiniḥ pratyayo bhavati /
darśanīyamānī /
śobhanamānī /
bahula-grahaṇa-anuvr̥tteḥ manyateḥ grahaṇaṃ na manuteḥ /
uttarasūtre hi khaś-pratyaye vikaraṇakr̥to viśeṣaḥ syāt //


____________________________________________________________________


ātmamāne khaś ca || PS_3,2.83 ||


_____START JKv_3,2.83:

ātmano mananam ātmamānaḥ /
ātmamāne vartamānān manyateḥ supy upapade khaś-pratyayo bhavati /
cakārāṇ ṇiniḥ ca /
yadā pratyaya-arthaḥ kartā ātmānam eva darśanīyatvādinā dharmeṇa yuktaṃ manyate, tadā 'yaṃ vidhiḥ /
darśanīyam ātmānaṃ manyate darśanīyaṃmanyaḥ, darśanīyamānī /
paṇḍitaṃ manyaḥ, paṇḍitamānī /
ātmamāne iti kim ? darśanīyamanī devadattasya yajñadattaḥ //


____________________________________________________________________


bhūte || PS_3,2.84 ||


_____START JKv_3,2.84:

bhūte ity adhikāro vartamane laṭ (*3,2.123) iti yavat /
yadita ūrdhvam anukramiṣyāmaḥ bhūte ity evaṃ tad veditavyam /
dhātv-adhikārāc ca dhātv-arthe bhūte iti vijñāyate /
vakṣyati - karaṇe yajaḥ (*3,2.85), agniṣṭomena iṣṭavān agniṣṭomayājī /
bhūte iti kim ? agniṣṭomena yajate //

____________________________________________________________________


karaṇe yajaḥ || PS_3,2.85 ||


_____START JKv_3,2.85:

ṇiniḥ anuvartate, na khaś /
yajater dhātoḥ karaṇe upapade ṇinipratyayo bhavati bhūte /
agniṣṭomayājī /
agniṣtomaḥ phalabhāvanāyāṃ karaṇaṃ bhavati //


____________________________________________________________________


[#231]

karamaṇi hanaḥ || PS_3,2.86 ||


_____START JKv_3,2.86:

karaṇi upapade hanter dhātoḥ ṇiniḥ pratyayo bhavati bhūte kale /
pitr̥vyaghātī /
mātulaghātī /
kugsitagrahaṇaṃ kartavyam /
iti mā bhūt, cauraṃ hatavān //


____________________________________________________________________


brahma-bhrūṇa-vr̥treṣu kvip || PS_3,2.87 ||


_____START JKv_3,2.87:

karmaṇi iti vartate /
brahmādiṣu karmasu upapadeṣu hanter dhātoḥ kvip pratyayo bhavati bhūte /
brahmahā /
brūṇahā /
vr̥trahā /
kimartham idam ucyate yāvatā sarvadhātubhyaḥ kvip vihita eva ? brahmādiṣu hanteḥ kvib-vacanaṃ niyama-artham /
caturvidhaś ca atra niyama iṣyate /
brahmādiṣv eva hanteḥ, na anyasminnaupapade, puruṣaṃ hatavān iti /
brahmādiṣu hanter eva, na anyasmāt syāt, brahma adhītavān iti /
brahmādiṣu hanter bhūtakāle kvip eva na anyaḥ pratyayaḥ, tathā bhūtakāle eva na anyasmin, brahmāṇaṃ hanti haniṣyati vā iti /
tad etad vakṣyamāṇa-bahula-grahaṇasya purastāadapakarṣaṇāl labhyate //


____________________________________________________________________


bahulaṃ chandasi || PS_3,2.88 ||


_____START JKv_3,2.88:

pūrveṇa niyamād aprāptaḥ kvip pratyayaḥ vidhīyate /
chandasi viṣaye upapadantareṣv api hanter bahulaṃ kvip pratyayo bhavati /
matr̥hā saptamaṃ narakaṃ vrajet /
pitr̥hā /
na ca bhavati /
mātr̥ghātaḥ /
pitr̥ghātaḥ //


____________________________________________________________________


su-karma-pāpa-mantra-puṇyeṣu kr̥ñaḥ || PS_3,2.89 ||


_____START JKv_3,2.89:

karmaṇi iti vartate /
tad-asambhavāt su-śabdam varjayitvā pariśiṣṭānāṃ viśeṣaṇaṃ bhavati /
svādiṣu karmasu upapadeṣu karoter dhātoḥ kvip pratyayo bhavati /
sukr̥t /
karmakr̥t /
pāpakr̥t /
mantrakr̥t /
puṇyakr̥t /
ayam api niyama-artha ārambhaḥ /
trividhaś ca atra niyama iṣyate /
dhātuniyamaṃ varjayitvā kālopapada-pratyayaniyamaḥ /
dhator aniyatatvād anyasminn upapade api bhavati /
śāstrakr̥t /
bhāṣyakr̥ṭ //


____________________________________________________________________


some suñaḥ || PS_3,2.90 ||


_____START JKv_3,2.90:

karmaṇi iti varate /
some karmaṇi upapade sunoter dhātoḥ kvip pratyayo bhavati /
somasut, somasutau, somasutaḥ /
ayam api niyama-artha ārambhaḥ /
caturvidhaś ca atra niyamaḥ iṣyate, dhātukāla-upapada-pratyaya-viṣayaḥ //


____________________________________________________________________


[#232]

agnau ceḥ || PS_3,2.91 ||


_____START JKv_3,2.91:

karmaṇi ity eva /
agnau karmaṇy upapade cinoter dhātoḥ kvip pratyayo bhavati /
agnicit, agnicitau, agnicitaḥ /
atra api pūrvavac caturvidho niyama iṣyate //


____________________________________________________________________


karmaṇy-agny-ākhyāyām || PS_3,2.92 ||


_____START JKv_3,2.92:

ceḥ karmaṇi iti vartate /
karmaṇi upapade cinoteḥ karmaṇy eva kārake kvip pratyayo bhavati agny-ākhyāyāṃ, dhātūpapada-pratyaya-samudāyena cedagnyākhyā gamyate /
śyena iva cīyate śyenacit /
kaṅkacit /
ākhyā-grahaṇaṃ rūḍhisampratyayārtham /
agny-artho hi iṣṭakācaya ucyate śyenacit iti //


____________________________________________________________________


karmaṇi inir vikriyaḥ || PS_3,2.93 ||


_____START JKv_3,2.93:

karmaṇi upapade vi-pūrvat krīṇāter dhātoḥ iniḥ pratyayo bhavati /
karmaṇi iti vartamāṇe punaḥ karma-grahaṇaṃ kartuḥ kutsānimitte karmaṇi yathā syāt, karma-mātre mā bhūt /
somavikrayī /
rasavikrayī /
iha na bhavati, dhānya-vikrāyaḥ //


____________________________________________________________________


dr̥śeḥ kvanip || PS_3,2.94 ||


_____START JKv_3,2.94:

karmaṇi ity eva /
dr̥śeḥ dhātoḥ karmaṇi upapade kvanip pratyayo bhavati /
merudr̥śvā /
paralokadr̥śvā /
anyebhyo 'pi dr̥śyante (*3,2.75) iti kvanipi siddhe punarvacanaṃ pratyayāntara-nivr̥tty-artham //


____________________________________________________________________


rājani yudhikr̥ñaḥ || PS_3,2.95 ||


_____START JKv_3,2.95:

karmaṇi ity eva /
rājan-śabde karmaṇi upapade yudhyateḥ karoteś ca kvanip pratyayo bhavati /
nanu ca yudhir akarmakaḥ ? antarbhāvitaṇy-arthaḥ sakarmako bhavati /
rājayudhvā /
rājānaṃ yodhitavān ity arthaḥ /
rājakr̥tvā //


____________________________________________________________________


sahe ca || PS_3,2.96 ||


_____START JKv_3,2.96:

saha-śabde ca+upapade yudhikr̥ñoḥ dhātvoḥ kvanip pratyayo bhavati /
asattvavācitvān na+upapadaṃ karmaṇā viśeṣyate /
sahayudhvā /
sahakr̥tvā //


____________________________________________________________________


saptamyāṃ janer ḍaḥ || PS_3,2.97 ||


_____START JKv_3,2.97:

saptamyanta upapade janer dhatoḥ ḍaḥ pratyayo bhavati /
upasare jātaḥ upasarajaḥ /
mandurajaḥ //


____________________________________________________________________


[#233]

pañcamyām ajātau || PS_3,2.98 ||


_____START JKv_3,2.98:

pañcamyanta upapade jātivarjite janer ḍaḥ pratyayo bhavati /

[#232]

buddhijaḥ /
saṃskārañaḥ /
duḥkhajaḥ /
ajātau iti kim ? hastino jātaḥ /
aśvājātaḥ //


____________________________________________________________________


[#233]

upasarge ca sañjñāyām || PS_3,2.99 ||


_____START JKv_3,2.99:

upasarge ca upapade janeḥ ḍaḥ pratyayo bhavati sañjñāyāṃ viṣaye /
samudāyopādhiḥ sañjñā /
athemā mānavīḥ prajāḥ //


____________________________________________________________________


anau karmaṇi || PS_3,2.100 ||


_____START JKv_3,2.100:

anupūrvāt janeḥ karmaṇi upapade ḍaḥ pratyayo bhavati /

[#232]

pumāṃsamanujātaḥ pumanujaḥ /
stryanujaḥ //


____________________________________________________________________


[#233]

anyeṣv api dr̥śyate || PS_3,2.101 ||


_____START JKv_3,2.101:

anyeṣv api upapadeṣu kārakeṣu janeḥ ḍaḥ pratyayo dr̥śyate /
saptamyām ity ukatama saptamyām api dr̥śyate /
na jāyate iti ajaḥ /
dvirjātāḥ dvijāḥ /
pañcamyām ajātau (*3,2.98) ity uktaṃ, jātav api dr̥śyate /
brāhmaṇajo dharmaḥ /
kṣatriyajaṃ yuddham /
upasarge ca sañjñāyām (*3,2.99) ity uktam, asañjñāyām api dr̥śyate /
abhijāḥ, parijāḥ keśāḥ /
anu karmaṇi (*3,2.100) ity uktam, akarmaṇy api dr̥śyate /
anujātaḥ anujaḥ /
api-śabdaḥ sarvopādhivyabhicāra-arthaḥ /
tena dhātvantarād api bhavati, kārakantare 'pi /
paritaḥ khātā parikhā /
ākhā //


____________________________________________________________________


niṣṭhā || PS_3,2.102 ||


_____START JKv_3,2.102:

ktaktavatū niṣṭhā (*1,1.26) ity uktaṃ, sa niṣṭha-sañjñakaḥ pratyayo bhūte bhavati /
kr̥tam /
kr̥tavān /
bhuktam /
bhuktavān /
niṣṭhāyām itaretarāśrayatvād aprasiddhiḥ /
sañjñāyāṃ ktaktavatū bhāvyete, satoścānayoḥ sañjñāyā bhāvyam /
na+eṣa doṣaḥ /
bhāvinī sañjñā vijñāyate /
sa bhūte bhavati, yasyotpannasya niṣṭhā ity eṣā sañjñā bhavati /
samarthyāt ktaktavatvor vidhānam etat /
ādikarmaṇi niṣṭha vaktavyā /
prakr̥taḥ kaṭaṃ devadattaḥ /
prakr̥tavān kaṭaṃ devadattaḥ //


____________________________________________________________________


[#234]

su-yajor ṅvanip || PS_3,2.103 ||


_____START JKv_3,2.103:

sunoter yajateś ca ṅvanip pratyayo bhavati /
sutvā /
yajvā //


____________________________________________________________________


jīryater atr̥n || PS_3,2.104 ||


_____START JKv_3,2.104:

bhūte (*3,2.74) iti vartate /
jīryateḥ atr̥n pratyayo bhavati bhūte /
jaran, jarantau, jarantaḥ /
vā+asarūpeṇa niṣṭhā, jīrṇaḥ, jīrṇavān iti //


____________________________________________________________________


chandasi liṭ || PS_3,2.105 ||


_____START JKv_3,2.105:

bhūte ity eva /
chandasi viṣaye dhātoḥ liṭ pratyayo bhavati /
ahaṃ sūryamubhayato dadarśa /
ahaṃ dhyāvāpr̥thivī ātatāna /
nanu ca chndasi luḍ-laṅ-liṭaḥ (*3,4.6) iti sāmānyena liṭ vihita eva ? dhātu-sambandhe sa vidhiḥ, ayaṃ tv aviṣeṣeṇa //


____________________________________________________________________


liṭaḥ kānaj vā || PS_3,2.106 ||


_____START JKv_3,2.106:

chandasi liṭaḥ kānaj-ādeśo bhavati vā /
agniṃ cikyānaḥ /
somaṃ suṣuvāṇaḥ /
varuṇaṃ suṣuvānam /
na ca bhavati /
ahaṃ sūryamubhayato dadarśa /
ahaṃ dyāvāpr̥thivī ātatāna /
liḍ-grahaṇaṃ kim, na pūrvasya+eva prakr̥tasya ādeśāvidhāne vibhakti-vipariṇāmo bhaviṣyati ? liṇmātrasya yathā syāt, yo 'pi parokṣe vihitas tasya apy ayam ādeśo bhavati //


____________________________________________________________________

kvasuś ca || PS_3,2.107 ||


_____START JKv_3,2.107:

chandasi liṭaḥ kvasur ādeśaḥ bhavati /
jakṣivān /
papivān /
na ca bhavati /
ahaṃ sūryamubhayato dadarśa /
yogavibhāga uttarārthaḥ //


____________________________________________________________________


bhāṣāyāṃ sada-vasa-śruvaḥ || PS_3,2.108 ||


_____START JKv_3,2.108:

sada vasa śru ity etebhyaḥ parasya liṭo bhāṣāyāṃ viṣaye vā kvasur ādeśo bhavati /
ādeśa-vidhānād eva liḍ api tadviṣayo 'numīyate /
upasedivān kautsaḥ pāṇinim /
tena mukte yathāprāptaṃ pratyayā bhavanti /
upāsadat /
upāsīdat /
upasasāda /
anūṣīvān kautsaḥ pāṇinim /
anvavātsīt /
anvavasat /
anūvāsa /
upaśuśruvān kautsaḥ pāṇinim /
upāśrauṣīt /
upāśr̥ṇot /
upaśuśrāva /
luṅ-laṅ-viṣaye parastād anuvr̥tteḥ kvasur bhavati //

____________________________________________________________________


[#235]

upeyivān anāśvān anūcānaś ca || PS_3,2.109 ||


_____START JKv_3,2.109:

upeyivān anāśvān anūcāna ity ete śabdā nipātyante /
upapūrvād iṇaḥ kvasuḥ, dvirvacanam abhyāsa-dīrghatvaṃ tatsāmarthyād ekādeśa-pratibandhaḥ, tatra vasv eka-aj-ād-dhasām (*7,2.67) ity anekāctvādiṇ na prāpnoti, sa nipātyate, abhyāsasya śravaṇaṃ dhāturūpasya yaṇādeśaḥ /
upeyivān /
krādiniyamāt prāptaś ca vasv eka-aj-ād-dhasām (*7,2.67) iti pratiṣiddhaḥ, sa punar iṭ pratiprasūyate, tena ajādau na bhavati /
upeyuṣaḥ /
upeyuṣā /
na ca atra+upasargās tantram, anyopasarga-pūrvān nirupasargāc ca bhavaty eva /
samīyivān /
īyivān /
vāvacana-anuvr̥tteś ca pūrvaval luḍ-ādayo 'pi bhavanti /
upāgāt /
upait /
upepāya /
aśnāter nañpūrvāt kvasur nipatyate, iḍabhāvaś ca /
anāśvān /
nāśīt /
naśnāt /
nāśa /
vacer anupūrvāt kartari kānaj nipātyate /
anūcānaḥ /
anvavocat /
anvabravīt /
anūvāca //


____________________________________________________________________

luṅ || PS_3,2.110 ||


_____START JKv_3,2.110:

bhūte ity eva /
būte 'rthe vartamānād dhātoḥ luṅ pratyayo bhavati /
akārṣīt /
ahārṣīt /
vasater luṅ rātri-viśeṣe jāgaraṇasantatau vaktavyaḥ /
kva bhavānuṣitaḥ /
ahamatrāvātsam //


____________________________________________________________________


anadyatane laṅ || PS_3,2.111 ||


_____START JKv_3,2.111:

bhūte ity eva /
anadyatane iti bahuvrīhi-nirdeśaḥ /
avidyamānādyatane bhūte 'rthe vartamānād dhātor laṅ pratyayo bhavati /
akarot /
aharat /
bahuvrīhi-nirdeśaḥ kim arthaḥ ? adya hyo vā abhukṣmahi iti vyāmiśre mā bhūt /
parokṣe ca lokavijñāte prayoktur darśana-viṣaye laṅ vaktavyaḥ /
aruṇadyavanaḥ sāketam /
aruṇad yavano mādyamikān iti //


____________________________________________________________________


abhijñā-vacane lr̥ṭ || PS_3,2.112 ||

_____START JKv_3,2.112:

abhijñā smr̥tiḥ /
tadvacane upapade bhūtānadyatane lr̥ṭ pratyayo bhavati /
laṅo 'pavādaḥ abhijānāsi devadatta kaśmīreṣu vatsyāmaḥ /
vacana-grahaṇaṃ paryāya-artham, abhijānāsi, smarasi, budyase, cetayase iti //


____________________________________________________________________


[#236]

na yadi || PS_3,2.113 ||


_____START JKv_3,2.113:

yac-chabda-sahite abhijñā-vacana upapade lr̥ṭ pratyayo na bhavati /
pūrveṇa prāptaḥ pratiṣidyate /
abhijānāsi devadatta yat kaśmīreṣv avasāma /
vāsamātraṃ smaryate, na tu aparaṃ kiṃcil lakṣyate /
tena uttara-sūtrasya na ayaṃ viṣayaḥ //


____________________________________________________________________


vibhāṣā sākāṅkṣe || PS_3,2.114 ||


_____START JKv_3,2.114:

yadi iti na anuvartate /
ubhayatra vibhāśeyam /
abhijñā-vacane upapade yac-chabda-sahite kevale ca vibhāṣā lr̥ṭ pratyayo bhavati, sākāṅkṣaś cet prayoktā /
lakṣya-lakṣaṇayoḥ sambandhe prayoktur ākāṅkṣā bhavati /
abhijānasi devadatta kaśmīreṣu vatsyāmas tatra udanaṃ bhokṣyāmahe /
abhijānāsi devadatta magadheṣu vatsyāmaḥ, tatra udanaṃ bhokṣyāmahe /
yadi khalv api - abhijānāsi devadatta yat kaśmīreṣu vatsyāmaḥ, yat tatra udanaṃ bhokṣyāmahe /
abhijānasi devadatta yat kaśmīreṣv avasāma, yat tatra udanam abhuñjmahi /
vāso lakṣaṇaṃ, bhojanaṃ lakṣyam //


____________________________________________________________________


parokṣe liṭ || PS_3,2.115 ||


_____START JKv_3,2.115:

bhūtānadyatane iti vartate /
tasya viśeṣaṇaṃ parokṣa-grahaṇam /
ghūtānadyatana-parokṣe 'rthe vartamanād dhātḥ liṭ pratyayo bhavati /
nanu dhātv-arthaḥ sarvaḥ parokṣa eva ? satyam etat /
asti tu loke dhātv-arthena api kārakeṣu pratyakṣābhimanaḥ /
sa yatra na asti tat parokṣam ity ucyate /
cakāra /
jahāra /
uttama-viṣaye 'pi cittavyākṣepāt parokṣatā sambhavaty eva /
tad yathā - supto 'haṃ kila vilalāpa /
atyantāpahnave ca liḍ vaktavyaḥ /
kaliṅgeṣu sthito 'si ? hānaṃ kaliṅgañ jagāma /
dakṣiṇāpathaṃ praviṣṭo 'si ? nāhaṃ dakṣiṇāpathaṃ praviveśa //


____________________________________________________________________


ha-śaśvator laṅ ca || PS_3,2.116 ||


_____START JKv_3,2.116:

bhūtānadyatana-parokṣe 'rthe liṭi prāpte hāśvatoḥ upapadayoḥ laṅ pratyayo bhavati, cakārāl liṭ ca /
iti ha akarot, iti ha cakāra /
śaśvadakarot, śaśvac cakāra //


____________________________________________________________________


[#237]

praśne ca āsanna-kale || PS_3,2.117 ||


_____START JKv_3,2.117:

bhutānadyatana-parokṣe iti vartate /
tasya viśeṣaṇam etat /
praṣṭavyaḥ praśnaḥ /
āsanakāle pr̥cchyamane bhūtānadyatana-parokṣe 'rthe vartamānād dhātoḥ laṅ-liṭau pratyayau bhavataḥ /
kaścit kañcat pr̥cchati /
agacchad devadattaḥ ? jagāma devadattaḥ ? ayajad devadattaḥ ? iyāja devadattaḥ ? praśne iti kim ? jagāma devadattaḥ /
āsanakāle iti kim ? bhavantaṃ pr̥cchāmi, jaghāna kaṃsaṃ kila vāsudevaḥ ? //


____________________________________________________________________


laṭ sme || PS_3,2.118 ||


_____START JKv_3,2.118:

bhūtānadyatana-parokṣe iti vartate /
sma-śabde upapade bhūtānadyatana-parokṣe laṭ pratyayo bhavati /
liṭo 'pavādaḥ /
naḍena sma purādhīyate /
ūrṇayā sma purādhīyate //


____________________________________________________________________


aparokṣe ca || PS_3,2.119 ||


_____START JKv_3,2.119:

aparokṣe ca bhūtānadyatane 'rthe vartamānād dhātoḥ sme upapade laṭ pratyayao bhavati /
evaṃ sma pitā bravīti /
iti sma-upādyāyaḥ kathayati //


____________________________________________________________________


nanau pr̥ṣṭa-prati-vacane || PS_3,2.120 ||


_____START JKv_3,2.120:

anadyatane parokṣe iti nivr̥ttam /
bhūtasāmānye vidhirayam /
nanu-śabde upapade praśna-pūrvake prativacane bhūte 'rthe laṭ prayayo bhavati /
luṅo 'pavādaḥ /
akārṣīḥ kaṭaṃ devadatta ? nanu karomi bhoḥ /
avocas tatra kiṃcid devadatta ? nanu bravīmi bhoḥ /
pr̥ṣṭa-prativacane iti kim ? nanu akārṣīt māṇavakaḥ //


____________________________________________________________________


na-nvor vibhāṣā || PS_3,2.121 ||


_____START JKv_3,2.121:

bhūte ity eva /
na-śabde nu-śabde ca upapade pr̥ṣṭa-prativacane vibhaṣā laṭ pratyayo bhavati bhūte /
akārṣīḥ kaṭaṃ devadatta ? na kromi bhoḥ, nākārṣam /
ahaṃ nu karomi, ahaṃ nu akārṣam //


____________________________________________________________________


puri luṅ ca asme || PS_3,2.122 ||


_____START JKv_3,2.122:

anadyatana-grahaṇam iha maṇḍūka-plutyā 'nuvartate /
purā-śabde upapade sma-śabda-varjite bhūtānadyatane 'rthe vibhāṣā luṅ pratyayo bhavati, laṭ ca /
tābhyāṃ mukte pakṣe yathā-viṣayamanye 'pi pratyayā bhavanti /
vasanti iha purā chātrāḥ, avātsur iha purā chātrāḥ, avasanniha purā chātrāḥ, ūṣur iha purā chātrāḥ /
asme iti kim ? naḍena sam purā adhīyate //


____________________________________________________________________


[#238]

vartamāne laṭ || PS_3,2.123 ||


_____START JKv_3,2.123:

ārabdho 'parisamāptaś ca vartamānaḥ /
tasmin vartamāne 'rthe vartamanād dhātoḥ laṭ pratyayo bhavati /
pacati /
paṭhati //


____________________________________________________________________

laṭaḥ śatr̥-śānacāv aprathamā-samānādhikaraṇe || PS_3,2.124 ||


_____START JKv_3,2.124:

laṭaḥ śatr̥śānacau ity etāv ādeśau bhavataḥ, aprathamāntena cet tasya sāmānādhikaraṇyaṃ bhavati /
pacantaṃ devadattaṃ paśya /
pacamānaṃ devadattaṃ paśya /
pacatā kr̥tam /
pacamanena kr̥tam /
aprathamā-samānādhikaraṇe iti kim ? devadattaḥ pacati /
laṭ iti vartamane punar laṅ-grahaṇam adhikavidhāna-artham /
kvacit prathamā-samānādhikaraṇe 'pi bhavati /
san brāhmaṇaḥ /
asti brāhmaṇaḥ /
vidyamānaḥ brāhmaṇaḥ /
vidyate brāhmaṇaḥ /
juhvat /
juhoti /
adhīyānaḥ /
adhīte //
māṅyākrośe /
mā pacan /
mā pacamānaḥ /
kecid vibhāṣā-grahaṇam anuvartayanti na-nvor vibhāṣā (*3,2.121) iti /
sā ca vyavasthitā /
tatra yathā-darśanaṃ prayogā netavyāḥ //


____________________________________________________________________


sambodhane ca || PS_3,2.125 ||


_____START JKv_3,2.125:

prathamā-samanādhikaraṇa-artha ārambhaḥ /
sambhodhane ca viṣaye laṭaḥ śatr̥śānacau pratyayau bhavataḥ /
he pacan /
he pacamāna //


____________________________________________________________________


lakṣaṇa-hetvoḥ kriyāyāḥ || PS_3,2.126 ||


_____START JKv_3,2.126:

lakṣyate cihnyate tal lakṣaṇam /
janako hetuḥ /
dhātv-artha-viśeṣaṇaṃ caitat /
l akṣaṇe hetau ca arthe vartamanāda dhātoḥ parasya laṭaḥ śatr̥śānacau ādeśau bhavataḥ, tau cel lakṣaṇa-hetū kriyā-viṣayau bhavataḥ /
lakṣaṇe - śayānā bhuñjate yavanāḥ /
tiṣṭhanto 'nuśāsati gaṇakāḥ /
hetau - arjayan vasati /
adhīyāno vasati /
laṣaṇahetvoḥ iti kim ? pacati, paṭhati /
kriyāyāḥ iti kim ? dravya-guṇayor mā bhūt /
yaḥ kampate so 'śvatthaḥ /
yad utplavate tal laghu /
yan niṣīdati tad guru /
lakṣaṇa-hetvoḥ iti nirdeśaḥ pūrva-nipāta-vyabhicāra-liṅgam //


____________________________________________________________________


[#239]

tau sat || PS_3,2.127 ||


_____START JKv_3,2.127:

tau śatr̥śānacau satsañjñau bhavataḥ /
tau-grahaṇam upādyasaṃsarga-artham /
śatr̥śānaj-mātrasya sañjñā bhavati /
brāhmaṇasya kurvan /
brāhmaṇasya kurvāṇaḥ /
brāhmaṇasya kariṣyan /
brāhmaṇasya kariṣyamāṇaḥ /
satpradeśāḥ - pūraṇa-guṇa-suhitārtha-sad. avyaya-tavya-samānādhikaraṇena (*2,2.11) ity evam ādayaḥ //


____________________________________________________________________


pūṅ yajoḥ śānan || PS_3,2.128 ||


_____START JKv_3,2.128:

pūṅo yajeś ca dhātoḥ śānan pratyayo bhavati /
pavamānaḥ /
yajamānaḥ /
yadi pratyayāḥ śānannādayaḥ na la-ādeśāḥ, kathaṃ somaṃ pavamānaḥ, naḍamāghnānaḥ iti ṣaṣṭhī-pratiṣedhaḥ ? tr̥n iti pratyāhāra-nirdeśāt /
kva saṃniviṣṭānāṃ pratyāhāraḥ ? laṭaḥ śatr̥-śānacāv aprathamā-samānādhikaraṇe (*3,2.124) ity ataḥ prabhr̥ti ā tr̥no nakārāt /
dviṣaḥ śaturvā vacanam /
caurasya dviṣan, cauraṃ dviṣan //


____________________________________________________________________


tācchīya-vayovacana-śaktiṣu cānaś || PS_3,2.129 ||


_____START JKv_3,2.129:

tācchīlyaṃ tatsvabhāvatā /
vayaḥ śarīrāvasthā yauvanādiḥ /
śaktiḥ sāmarthyam /
tācchīlyādiṣu dhātoḥ cānaś pratyayo bhavati /
tācchīlye tāvat - katīha muṇḍayamānāḥ /
katīha bhūṣayamāṇāḥ /
vayovacane - katīha kavacaṃ paryasyamānāḥ /
katīha śikhaṇḍaṃ vahamānāḥ /
śaktau - katīha nighnānāḥ /
katīha pacamānaḥ //


____________________________________________________________________


iṅ-dhāryoḥ śatra-kr̥cchriṇi || PS_3,2.130 ||


_____START JKv_3,2.130:

iṅo dhāreś ca dhātvoḥ śatr̥pratyayo bhavati akr̥cchriṇi kartari /
akr̥cchraḥ sukhasādyo yasay kartur dhātv-arthaḥ so 'kr̥cchrī /
adhīyan pārāyaṇam /
dhārayann-upaniṣadam /
akr̥cchriṇi iti kim ? kr̥cchreṇa adhīte /
kr̥cchreṇa dharayati //


____________________________________________________________________


dviṣo 'mitre || PS_3,2.131 ||


_____START JKv_3,2.131:

amitraḥ śatruḥ /
amitre kartari dviṣer dhātoḥ śatr̥-pratyayo bhavati /
dviṣan, dviṣantau, dviṣantaḥ /
amitre iti kim ? dveṣṭi bhāryā patim //


____________________________________________________________________


[#240]

suño yajñasaṃyoge || PS_3,2.132 ||


_____START JKv_3,2.132:

yajñena saṃyogaḥ yajñasaṃyogaḥ /
yajñasaṃyukte 'bhiṣave vartamānāt sunoter dhātoḥ śatr̥-pratyayo bhavati /
sarve sunvantaḥ /
sarve yajamānāḥ satriṇa ucyante /
saṃyoga-grahaṇaṃ pradhāna-kartr̥-pratipatty-artham /
yājakesu mā bhūt /
yajñasaṃyoge iti kim ? sunoti surām //


____________________________________________________________________


arhaḥ praśaṃsāyām || PS_3,2.133 ||


_____START JKv_3,2.133:

praśaṃsā stutiḥ /
arhater dhātoḥ praśaṃsāyāṃ śatr̥-pratyayo bhavati /
arhanniha bhavān vidyām /
arhanniha bhavān pūjām /
praśaṃsāyām iti kim ? arhati cauro vadham //


____________________________________________________________________

ā kveḥ tacchīla-taddharma-tatsādhukāriṣu || PS_3,2.134 ||


_____START JKv_3,2.134:

bhrāja-bhāsa-dhurvi-dyuta-ūrji-pr̥̄-ju-grāvastuvaḥ kvip (*3,2.177) iti kvipaṃ vakṣyati /
ā etasmāt kvip saṃ-śabdād yānita ūrdhvam-anukramiṣyāmas tacchīlādiṣu kartr̥ṣu te veditavyāḥ /
abhividhau ca ayam āṅ /
tena kvipo 'py ayam artha-nirdeśaḥ /
taditi dhātv-arthaḥ śīlādi viśeṣaṇatvena nirdiśyate /
tacchīlo yaḥ svabhāvataḥ phala-nirapekṣas tatra pravartate /
taddharmā tadācāraḥ, yaḥ svadharme mamāyamiti pravartate vināpi śīlena /
tatsādhukarī yo dhātv-arthaṃ sādhu karoti /
uttaratraiva+udāhariṣyāmaḥ //


____________________________________________________________________


tr̥n || PS_3,2.135 ||


_____START JKv_3,2.135:

sarvadhātubhyaḥ tr̥n-pratyayo bhavati tacchīlādiṣu kartr̥ṣu /
nakāraḥ svara-arthaḥ /
tacchīle tāvat - kartā kaṭān /
vaditā janāpavādān /
taddharmaṇi - muṇḍayitāraḥ śrāviṣṭhāyanāḥ bhavanti vadhūmūḍhām /
annamapahartāraḥ āhvarakāḥ bhavanti śrāddhe siddhe /
unnetāraḥ taulvalāyanāḥ bhavanti putre jāte /
tatsādhukāriṇi - kartākaṭam /
gantā kheṭam /
tr̥nvidhāv r̥tvikṣu ca anupasargasya /
hotā /
potā /
anupasargasya iti kim ? udgātā /
pratihartā /
tr̥j eva bhavati /
svare viśeṣaḥ /
nayateḥ ṣuk ca /
neṣṭā /

[#241]

tviṣer devatāyām akāraś ca+upadhāyā aniṭtvaṃ ca /
tvaṣṭā /
kṣadeś ca niyukte /
kṣattā /
kvacid adhikr̥ta ucyate /
chandasi tr̥c ca /
kṣatr̥bhyaḥ saṅgrahītr̥bhyaḥ /
svare viśeṣaḥ //


____________________________________________________________________


alaṅ-kr̥ñ-nirākr̥ñ-prajana-utpaca-utpata-unmada-rucy-apatrapa-vr̥tu-vr̥dhu-saha-cara iṣṇuc || PS_3,2.136 ||


_____START JKv_3,2.136:

alaṅ-kr̥ñ-ādibhyo dhātubhyaḥ tacchīlādiṣu kartr̥ṣu iṣṇuc pratyayo bhavati /
alaṅkariṣṇuḥ /
nirākariṣṇuḥ /
prajaniṣṇuḥ /
utpaciṣṇuḥ /
utpatiṣṇuḥ /
unmadiṣṇuḥ /
rociṣṇuḥ /
apatrapiṣṇuḥ /
vartiṣṇuḥ /
vardhiṣṇuḥ /
sahiṣṇuḥ /
cariṣṇuḥ /
alaṅakr̥ño maṇḍanārthād yucaḥ pūrvavipratiṣedheneṣṇuj vaktavyaḥ /


____________________________________________________________________


ṇeś chandasi || PS_3,2.137 ||


_____START JKv_3,2.137:

ṇyantād dhātoḥ chandasi viṣaye tacchīlādiṣu kartr̥ṣu iṣṇuc pratyayo bhavati /
dr̥ṣadaṃ dhārayiṣṇavaḥ /
vīrudhaḥ pārayiṣṇavaḥ //


____________________________________________________________________


bhuvaś ca || PS_3,2.138 ||


_____START JKv_3,2.138:

bhavater dhatoḥ chandasi viṣaye tacchīlādiṣu iṣṇuc pratyayo bhavati /
bhaviṣṇuḥ /
yoga-vibhāgaḥ uttara-arthaḥ /
cakāro 'nukta-samuccaya-arthaḥ /
bhrājiṣṇunā lohita-candanena //


____________________________________________________________________


glā-ji-sthaś ca kṣnuḥ || PS_3,2.139 ||


_____START JKv_3,2.139:

chandasi iti nivr̥ttam /
glā ji sthā ity etebhyo dhātubhyaḥ, cakārāt bhuvaś ca tacchīlādiṣu kṣnuḥ pratyayo bhavati /
glāsnuḥ /
jiṣṇuḥ /
sthāsnuḥ /
bhūṣṇuḥ /
giccāyaṃ pratyayo na kit /
tena sthaḥ īkāro na bhavati /
kṅiti ca (*1,1.5) ity atra gakāro 'pi cartvabhūto nirdiśyate, tena guṇo na bhavati /
śryukaḥ kiti (*7,2.11) ity atra api gakaro nirdiśyate, tena bhuva iḍ na bhavati /

[#242]

kṣtorgittvān na stha īkāraḥ kaṅitorītvaśāsanāt /
guṇābhāvastriṣu smāryaḥ śryuko 'niṭtvaṃ gakoritoḥ //
daṃśeśchandasy upasaṅkhyānam /
daṃkṣṇavaḥ paśavaḥ /


____________________________________________________________________


trasi-gr̥dhi-dhr̥ṣi-kṣipeḥ knuḥ || PS_3,2.140 ||


_____START JKv_3,2.140:

tras-ādibhyo dhatubhyaḥ tacchīlādiṣu knuḥ pratyayo bhavati /
trasnuḥ /
gr̥dhnuḥ /
dhr̥ṣṇuḥ /
kṣipnuḥ //


____________________________________________________________________

śam-ity aṣṭābhyo ghinuṇ || PS_3,2.141 ||


_____START JKv_3,2.141:

iti śabdaḥ ādy-arthaḥ /
śamādibhyo dhātubhyo 'ṣṭābhyaḥ tacchīlādiṣu kartr̥ṣu ghinuṇ pratyayo bhavati /
śama upaśame ity ataḥ prabhr̥ti madī harṣe ity evam antaḥ śamādir divādyantargaṇaḥ /
ghakāra uttaratra kutva-arthaḥ /
ukāra uccāraṇa-arthaḥ /
ṇakāro vr̥ddhy-arthaḥ /
śamī /
tamī /
damī /
śramī /
bhramī /
klamī /
pramādī /
unmādī /
aṣṭābhyaḥ iti kim ? asitā //


____________________________________________________________________


saṃpr̥ca-anurudha-āṅyama-āṅyasa-parisr̥-saṃsr̥ja-paridevi-saṃjvara-parikṣipa-pariraṭa-parivada-paridaha-parimuha-duṣa-dviṣa-druha-duha-yuja-ākrīḍa-vivica-tyaja-raja-bhaja-aticara-apacara-āmuṣa-abhyāhanaś ca || PS_3,2.142 ||


_____START JKv_3,2.142:

ghinuṇ anuvartate /
saṃpr̥cādibhyo dhātubhyo ghinuṇ bhavati tacchīlādiṣu /
pr̥cī samparke iti rudhādir gr̥hyate natvadādir lug-vikaraṇatvāt /
paridevirbhvādirgr̥hyate devr̥ devane iti /
kṣipa preraṇe divādistudādiśca sāmānena gr̥hyate /
yuja samādhau divādiḥ, yujir yoge rudhādiḥ dvayor api grahaṇam /
rañja rāge ity asya nipātanād anunāsika-lopaḥ /
saṃparkī /
anurodhī /
āyāmī /
āyāsī /
parisārī /
saṃsargī /
paridevī /
saṃjvārī /
parikṣepī /
parirāṭī /
parivādī /
paridāhī /
parimohī /
doṣī /
dveṣī /
drohī /
dohī /
yogī /
ākrīḍī /
vivekī /
tyāgī /
rāgī /
bhāgī /
aticārī /
apacārī /
āmoṣī /
abhyāghātī //


____________________________________________________________________


vau kaṣa-lasa-kattha-srambhaḥ || PS_3,2.143 ||


_____START JKv_3,2.143:

kaṣa hiṃsa-arthaḥ, lasa śleṣaṇa-krīḍanayoḥ, kattha ślāghāyām, srambhu viśvāse, etebhyo dhātubhyo vi-śabde upapade ghinuṇ pratyayo bhavati /
vikāṣī /
vilāsī /
vikatthī /
visrambhī //


____________________________________________________________________


[#243]

ape ca laṣaḥ || PS_3,2.144 ||


_____START JKv_3,2.144:

laṣa kāntau, asmād dhātoḥ apa upapade, cakārād vau ca ghinuṇ bhavati /
apalāṣī /
vilāṣī //


____________________________________________________________________


pre lapa-sr̥-dru-matha-vada-vasaḥ || PS_3,2.145 ||


_____START JKv_3,2.145:

pre upapade lapādibhyaḥ ghinuṇ bhavati /
pra-lapī /
prasārī /
pradrāvī /
pramāthī /
pravādī /
pravāsī /
vasaḥ iti vasa nivāse ity asya grahaṇaṃ nācchādana-arthasya, lugvikaraṇatvāt //


____________________________________________________________________


ninda-hiṃsa-kliśa-khāda-vināśa-parikṣipa-pariraṭa-parivādi-vyābhāṣa-asūyo vuñ || PS_3,2.146 ||


_____START JKv_3,2.146:

ninda-ādibhyo dhātubhyaḥ tacchīlādiṣu kartr̥ṣu vuñ pratayo bhavati /
pañcamy-arthe prathamā /
kliśa upatāpe, kliśū vibādhane /
dvayor api grahaṇam /
nindakaḥ /
hiṃsakaḥ /
kleśakaḥ /
khādakaḥ /
vināśakaḥ /
parikṣepakaḥ /
parirāṭakaḥ /
parivādakaḥ /
vyābhāṣakaḥ /
asūyakaḥ /
ṇvulaiva siddha vuñ-vidhānaṃ jñāpana-arthaṃ, tācchīlikeṣu vā 'sarūpanyāyena tr̥jādayo na bhavanti iti //


____________________________________________________________________


devi-kraśoś ca+upasarge || PS_3,2.147 ||


_____START JKv_3,2.147:

devayateḥ kruśeś ca upasarge upapade vuñ patyayo bhavati /
ādevakaḥ /
paridevakaḥ /
ākrośakaḥ /
parikrośakaḥ /
upasarge iti kim ? devayitā /
kroṣṭā //


____________________________________________________________________


calana-śabdārthād akarmakād yuc || PS_3,2.148 ||


_____START JKv_3,2.148:

calana-arthebhyaḥ śabda-arthebhyaś ca akarmakebhyo dhātubhyas tacchīlādiṣu kartr̥ṣu yuc pratyayo bhavati /
calanaḥ /
copanaḥ /
śabda-arthabhyaḥ - śabdanaḥ /
ravaṇaḥ /
akarmakāt iti kim ? paṭhitā vidyām //


____________________________________________________________________


anudātta-itaś ca halādeḥ || PS_3,2.149 ||


_____START JKv_3,2.149:

anudātted yo dhatuḥ halādir akarmakaḥ, tataś ca yuc pratyayo bhavati /
vartanaḥ /
vardhanaḥ /
anudāttetaḥ iti kim ? bhavitā /
haladeḥ iti kim ? edhitā /
ādi-grahanaṃ kim ? jugupsanaḥ /
mīmāṃsanaḥ /
akarmakāt ity eva, vasitā vastram //


____________________________________________________________________


[#244]

ju-caṅkramya-dandramya-sr̥-gr̥dhi-jvala-śuca-laṣa-pata-padaḥ || PS_3,2.150 ||


_____START JKv_3,2.150:

ju-praghr̥tibhyo dhatubhyo yuc pratyayo bhavati tacchīlādiṣu kartr̥ṣu /
ju iti sautro dhatuḥ /
javanaḥ /
caṅkramaṇaḥ /
dandramaṇaḥ /
saraṇaḥ /
gardhanaḥ /
jvalanaḥ /
śocanaḥ /
laṣaṇaḥ /
patanaḥ /
padanaḥ /
calanārthānāṃ padeś ca grahaṇaṃ sakarmaka-artham iha /
jñāpana-arthaṃ ca padi-grahaṇam anye varṇayanti, tācchīlikeṣu mitho vā+asarūpa-vidhir na asti iti /
tena alaṅkr̥ñaḥ tr̥n na bhavati alaṅkartā iti /
tathā hi paderukañā viśeṣa-vihitena sāmānya-vihitasya yuco 'sarūpatvāt samāveśo bhavedeva, kim anena vidhānena ? jñāpana-arthaṃ punar vidhīyate /
prāyikaṃ ca+etad jñāpakam /
kvacit samāveśa iṣyata eva, gantā kheṭaṃ vikatthanaḥ //


____________________________________________________________________


krudha-maṇḍa-arthebhyaś ca || PS_3,2.151 ||


_____START JKv_3,2.151:

krudhakope, maḍi bhūṣāyām ity etad arthebhyaḥ ca dhatubhyo yuc pratyayo bhavati /
krodhanaḥ /
roṣaṇaḥ /
maṇḍanaḥ /
bhūṣaṇaḥ //


____________________________________________________________________


na yaḥ || PS_3,2.152 ||


_____START JKv_3,2.152:

yakārāntāt dhatoḥ yuc pratyayo na bhavati /
pūrveṇa prāptaḥ pratiṣidhyate /
knūyitā /
kṣmāyitā //


____________________________________________________________________


sūda-dīpa-dīkṣaś ca || PS_3,2.153 ||


_____START JKv_3,2.153:

sūda dīpa dīkṣa ity etebhyaś ca yuc pratyayo na bhavati /
anudāttettvāt prāptaḥ pratiṣidhyate /
sūditā /
dīpitā /
dīkṣitā /
nanu ca dīper viśeṣa-vihito ra-pratyayaḥ dr̥śyate, nami-kampi-smy-ajasa-kama-hiṃsa-dīpo raḥ (*3,2.167) iti, sa eva vādhako bhaviṣyati, kiṃ pratiṣedhena ? vā 'sarūpeṇa yuj api prāpnoti /
tācchīlikeṣu ca vā+asarūpa-vidhir na asti iti prāyikam etad ity uktam /
tathā ca samāveśo dr̥śyate, kamrā yuvatiḥ, kamanā yuvatiḥ, iti yoga-vibhāgād vijñāyate /
athavā madhusūdanādayo nandyādiṣu drakṣyante /
kr̥tya-lyuṅo bahulam (*3,3.113) iti lyuḍantā vā //


____________________________________________________________________


[#245]

laṣa-pata-pada-sthā-bhū-vr̥ṣa-hana-kama-gama-śr̥̄bhya ukañ || PS_3,2.154 ||


_____START JKv_3,2.154:

laṣa-ādibhyo dhātubhaḥ tacchīlādiṣu kartr̥ṣu ukañ pratyayo bhavati /
upalāṣukaṃ vr̥ṣalasaṅgatam /
prapātukā garbhā bhavanti /
upapādukaṃ sattvam /
upasthāyukā enaṃ paśavo bhavanti /
prabhāvukamannaṃ bhavati /
pravarṣukāḥ parjanyāḥ /
āghātukaṃ pākalikasya mūtram /
kāmukā enaṃ striyo bhavanti /
āgāmukaṃ vārānsīṃ rakṣa āhuḥ /
kiṃśārukaṃ tīkṣṇamāhuḥ //


____________________________________________________________________


jalpa-bhikṣa-kuṭṭa-luṇṭa-vr̥ṅaḥ ṣākan || PS_3,2.155 ||


_____START JKv_3,2.155:

jalpa-ādibhyo dhātubhyaḥ tacchīlādiṣu kartr̥ṣu ṣākan pratyayo bhavati /
ṣakāro ṅīṣarthaḥ /
jalpākaḥ /
bhikṣākaḥ /
kuṭṭākaḥ /
luṇṭākaḥ /
varākaḥ /
varākī //


____________________________________________________________________


prajor iniḥ || PS_3,2.156 ||


_____START JKv_3,2.156:

pra-pūrvāj javateḥ tacchīlādiṣu kartr̥ṣu iniḥ pratyayo bhavati /
prajavī, prajavinau //


____________________________________________________________________


ji-dr̥-kṣi-viśri-iṇ-vama-avyatha-abhyama-paribhū-prasūbhyaś ca || PS_3,2.157 ||


_____START JKv_3,2.157:

ji jaye /
dr̥ṅ ādare /
kṣi kṣaye, kṣi nivāsagatyoḥ iti dvayor api grahaṇam /
prasū iti ṣū preraṇe ity asay grahaṇam /
jiprabhr̥tibhyo dhātubhyaḥ iniḥ pratyayo bhavati tacchīlādiṣu kartr̥ṣu /
jayī /
darī /
kṣayī /
viśrayī /
atyayī /
vamī /
avyathī /
abhyamī /
paribhavī /
prasavī //


____________________________________________________________________


spr̥hi-gr̥hi-pati-dayi-nidrā-dandrā-śraddhābhya āluc || PS_3,2.158 ||


_____START JKv_3,2.158:

spr̥ha īpsāyām, graha grahane, pata gatau, curādau adantāḥ paṭhyante /
daya dānagatirakṣaṇeṣu /
drā kutsāyāṃ gatau, nipūrvas tatpūrvaś ca, tado nakārāntatā ca nipātyate /
ḍudhāñ śratpūrvaḥ /
etebhyas tacchīlādiṣu kartr̥ṣu āluc pratyayo bhavati /
spr̥hayāluḥ /
gr̥hayāluḥ /
patayāluḥ /
dayāluḥ /
nidrāluḥ /
tandrāluḥ /
śraddhāluḥ /
āluci śīṅo grahaṇaṃ kartavyam /
śayāluḥ //


____________________________________________________________________


[#246]

dā-dheṭ-si-śada-sado ruḥ || PS_3,2.159 ||


_____START JKv_3,2.159:
dā dheṭ si śada sada ity etebhyaḥ ruḥ pratyayo bhavati /
daruḥ /
dhārurvatso mātaram na la-uka-avyaya-niṣṭhā-khalartha-tr̥nām (*2,3.69) iti ukārapraśleṣāt ṣaṣṭhī na bhavati /
seruḥ /
śadruḥ /
sadruḥ //


____________________________________________________________________


sr̥-ghasy-adaḥ kmarac || PS_3,2.160 ||


_____START JKv_3,2.160:

sr̥ ghasi ada ity etebhyo dhātubhyaḥ tacchīlādiṣu kartr̥ṣu kmarac pratyayo bhavati /
sr̥maraḥ /
ghasmaraḥ /
admaraḥ //


____________________________________________________________________


bhañja-bhāsa-mido ghurac || PS_3,2.161 ||


_____START JKv_3,2.161:

bhañja bhāsa mida ity etebhyo ghurac pratyayo bhavati tacchīlādiṣu kartr̥ṣu bhaṅguraṃ kāṣṭham /
ghitvāta kutvam /
bhāsuraṃ jyotiḥ /
meduraḥ paśuḥ /
bhañjeḥ karmakartari pratyayaḥ svabhāvāt //


____________________________________________________________________

vidi-bhidi-cchideḥ kurac || PS_3,2.162 ||


_____START JKv_3,2.162:

jñāna-arthasya videḥ grahaṇaṃ na lābhādy-arthasya, svabhāvāt /
vidādibhyo dhātubhyaḥ tacchīlādiṣu kartr̥ṣu kurac pratyayo bhavati /
viduraḥ paṇḍitaḥ /
bhiduraṃ kāṣṭham /
chidurā rajjuḥ /
bhidicchidyoḥ karmakartari prayogaḥ /
vyadheḥ samprasāraṇaṃ kurac ca vaktavyaḥ /
vidhuraḥ //


____________________________________________________________________


iṇ-naś-ji-sartibhyaḥ kvarap || PS_3,2.163 ||


_____START JKv_3,2.163:

iṇ naś ji sarti ity etebhyo dhātubhyaḥ tacchīlādiṣu kartr̥ṣu kvarap pratyayo bhavati /
pakāras tug-arthaḥ itvaraḥ /
itvarī /
naśvaraḥ /
naśvarī /
jitvaraḥ /
jitvarī /
sr̥ṭvaraḥ /
sr̥tvarī /
neḍvaśi kr̥ti (*7,2.8) iti iṭpratiṣedhaḥ //


____________________________________________________________________

[#247]

gatvaraś ca || PS_3,2.164 ||


_____START JKv_3,2.164:

gatvaraḥ iti nipātyate /
gamer anunāsikalopaḥ kvarap pratyayaś ca /
gatvaraḥ /
gatvarī //


____________________________________________________________________


jāgur ūkaḥ || PS_3,2.165 ||


_____START JKv_3,2.165:

jāgarteḥ ūkaḥ pratyayo bhavati tacchīlādiṣu kartr̥ṣu /
jāgarūkaḥ //


____________________________________________________________________


yaja-japa-daśāṃ yaṅaḥ || PS_3,2.166 ||


_____START JKv_3,2.166:

yajādīnāṃ yaṅantānām ūkaḥ pratyayo bhavati tacchīlādiṣu kartr̥ṣu /
yāyajūkaḥ /
jañjapūkaḥ /
dandaśūkaḥ //

____________________________________________________________________


nami-kampi-smy-ajasa-kama-hiṃsa-dīpo raḥ || PS_3,2.167 ||


_____START JKv_3,2.167:

namyādibhyaḥ dhātubhyaḥ tacchīlādiṣu kartr̥ṣu raḥ pratyayo bhavati /
namraṃ kāṣṭham /
kamprā śākhā /
smeraṃ mukham /
ajasraṃ juhoti /
hiṃsraṃ rakṣaḥ /
dīpraṃ kāṣṭham /
ajasram iti jasu mokṣaṇe nañpūrvo rapratyayāntaḥ krayāsātatye vartate //


____________________________________________________________________


san-āśaṃsa-bhikṣa uḥ || PS_3,2.168 ||


_____START JKv_3,2.168:

san iti sanpratyayānto gr̥hyate na sanirdhātuḥ, anabhidhānāt vyāptinyāyād vā /
sannantebhyo dhātubhyaḥ āśaṃser bhikṣeś ca tacchīlādiṣu kartr̥ṣu uḥ pratyayo bhavati /
cikīrṣuḥ /
jihīrṣuḥ /
āśaṃsuḥ /
bhikṣuḥ /
āṅaḥ śasi icchāyām ity asya grahaṇaṃ, na śaṃṣeḥ stuty-arthasya //


____________________________________________________________________


vindur icchuḥ || PS_3,2.169 ||


_____START JKv_3,2.169:

vider num-āgamaḥ, iṣeḥ chatvam ukāraś ca pratyayo nipātyate tacchīlādiṣu kartr̥ṣu /
vedanaśīlo vinduḥ /
eṣaṇaśīla icchuḥ //


____________________________________________________________________


kyāc chandasi || PS_3,2.170 ||


_____START JKv_3,2.170:

kya iti kyac-kyaṅ-kyaṣāṃ sāmānyena grahaṇam /
kya-pratyayāntād dhātoḥ chandasi viṣaye tacchīlādiṣu kartr̥ṣu ukāra-pratyayo bhavati /
mitrayuḥ /
na chandasy aputrasya (*7,4.35) iti pratiṣedhād na dhīrghaḥ /
sumnayuḥ /
saṃsvedayuḥ chandasi iti kim ? mitrīyitā //


____________________________________________________________________


[#248]

ād-r̥-gama-hana-janaḥ ki-kinau liṭ ca || PS_3,2.171 ||


_____START JKv_3,2.171:

ā-kārāntebhyaḥ r̥-varṇāntebhyaḥ gama hana jana ity etebhyaś ca chandasi viṣaye tacchīlādiṣu ki-kinau pratayau bhavataḥ /
liṅvac ca tau bhavataḥ /
āt iti takāro mukha-sukha-arthaḥ, na tvayaṃ aparaḥ, mā bhūttād api paraḥ taparaḥ iti r̥kāre tatkāla-grahaṇam /
papiḥ somaṃ dadirgāḥ /
dadathuḥ mitrāvaruṇā taturim mitrāvaruṇau taturiḥ /
dūre hy adhvā jaguriḥ /
jagmiryuvā /
jaghnirvr̥tra /
jajñi bijam /
atha kimarthaṃ kittvam, yāvatā asaṃyogāl liṭ kit (*1,2.5) iti kittvaṃ siddham eva ? r̥cchaty-r̥-r̥tām (*7,4.11) iti liṭi guṇaḥ pratiṣedha-viṣaya ārabhyate, tasya api bādhana-arthaṃ kittvam /
ki-kināv utsargaś chandasi sadādibhyo darśanāt /
sediḥ /
nemiḥ /
bhāṣāyāṃ dhañkr̥ñsr̥janigaminamibhyaḥ ki-kinau vaktavyau /
didhiḥ /
cakriḥ /
sastriḥ /
jajñiḥ /
jagmiḥ /
nemiḥ /
sahivahicalipatibhyo yaṅ-antebhyaḥ ki-kinau vaktavyau /
dīrgho 'kitaḥ (*7,4.83) sāsahiḥ /
vāvahiḥ /
cācaliḥ /
pāpatiḥ //


____________________________________________________________________


svapitr̥ṣornajiṅ || PS_3,2.172 ||


_____START JKv_3,2.172:

chandasi iti nivr̥ttam /
svapeḥ tr̥ṣeś ca tacchīlādiṣu kartr̥ṣu nijiṅ pratyayo bhavati /
svapnak /
tr̥ṣṇak /
dhr̥ṣeśceti vaktavyam /
dhr̥ṣṇak //


____________________________________________________________________


śr̥̄-vandyor āruḥ || PS_3,2.173 ||


_____START JKv_3,2.173:

śr̥̄ hiṃsāyām, vadi abhivādanastutyoḥ, etābhyāṃ dhātubhyāṃ tacchīlādiṣu kartr̥ṣu āruḥ pratyayo bhavati /
śarāruḥ /
vandāruḥ //


____________________________________________________________________


[#249]

bhiyaḥ kru-klukanau || PS_3,2.174 ||


_____START JKv_3,2.174:

ñibhī bhaye, asmād dhātoḥ tacchīlādiṣu kartr̥ṣu kru-klukanau pratyayu bhavāḥ /
bhīruḥ, bhīlukaḥ /
krukann api vaktavyaḥ /
bhīrukaḥ //


____________________________________________________________________


sthā-īśa-bhāsa-pisa-kaso varac || PS_3,2.175 ||


_____START JKv_3,2.175:

ṣṭhā gati-nivr̥ttau, īśa aiśvarye, bhāsr̥ dīptau, pisr̥ pesr̥ gatau, kasa gatau, etebhyas tacchīlādiṣu kartr̥ṣu varac pratyayo bhavati /
sthāvaraḥ /
īśvaraḥ /
bhāsvaraḥ /
pesvaraḥ /
vikasvaraḥ //


____________________________________________________________________


yaś ca yaṅaḥ || PS_3,2.176 ||


_____START JKv_3,2.176:

yā prāpane, asmād yaṅantāt tacchīlādiṣu kartr̥ṣu varac pratyayo havati /
yāyāvaraḥ //


____________________________________________________________________


bhrāja-bhāsa-dhurvi-dyuta-urji-pr̥̄-jugrāvastuvaḥ kvip || PS_3,2.177 ||


_____START JKv_3,2.177:

bhrājādibhyaḥ dhātubhyas tacchīlādiṣu kartr̥ṣu kvip pratyayo bhavati /
vibhrāṭ, vibhrājau, vibhrājaḥ /
bhāḥ, bhāsau, bhasaḥ /
dhūḥ, dhurau, dhuraḥ /
vidyut, vidyutau, vidyutaḥ /
ūrk, ūrjau, ūrjaḥ /
pūḥ, purau, puraḥ /
javater dīrghaś ca nipātyate /
jūḥ juvau, juvaḥ /
grāvastut, grāvastutau, grāvastutaḥ /
kimartham idam ucyate, yāvatā anyebhyo 'pi dr̥śyante (*3,2.75), kvip ca (*3,2.76) iti kvip siddha eva ? tācchīlikair bādhyate /
vā 'sarūpavidhir na asti ity uktam /
atha tu prāyikam etat /
tatas tasya+eva ayaṃ prapñcaḥ //


____________________________________________________________________


anyebhyo 'pi dr̥śyate || PS_3,2.178 ||


_____START JKv_3,2.178:

anyebhyo 'pi dhātubhyaḥ tācchīlikeṣu kvip pratyayo dr̥śyate /
yuk /
chit /
bhit /
dr̥śi-grahaṇaṃ vidhy-antara-upasaṅgraha-artham /
kvacid dīrghaḥ, kvacid dvirvacanam, kvacit samprasāraṇam /
tathā ca āha -- kvibvacipracchāyatastukaṭaprujuśrīṇāṃ dīrgho 'saṃprasāraṇaṃ ca /
vāk /
śabdaprāṭ /
āyatastūḥ /
kaṭaprūḥ /
jūḥ /
śrīḥ /
jugrahanena atra na arthaḥ, bhrājādi sūtra eva gr̥hītatvāt /
dyuti-gami-juhotīnāṃ dve ca /
didyut /
jagat /
juhoter dīrghaś ca /
juhūḥ /

[#250]

dr̥̄ bhye ity asya hrasvaś ca dve ca /
dadr̥t /
dhyāyateḥ samprasāraṇaṃ ca /
dhīḥ //


____________________________________________________________________


bhuvaḥ sañjñā-antarayoḥ || PS_3,2.179 ||


_____START JKv_3,2.179:

bhavater dhātoḥ sañjñāyām antare ca gamyamāne kvip pratyayo bhavti /
vibhūrnām kaś cit /
antare pratibhūḥ /
dhanikādhamarṇayor antare yas tiṣṭhati sa pratibhūr ucyate //


____________________________________________________________________


vi-pra-sambhyo ḍv-asañjñāyām || PS_3,2.180 ||


_____START JKv_3,2.180:

bhuvaḥ iti vartate /
vi pra sam ity evaṃ pūrvād bhavater dhātoḥ ḍu-pratayo bhavati, na cet sañjñā gamyate /
vibhuḥ sarvagataḥ /
prabhuḥ svāmī /
sambhuḥ janitā /
asañjñāyām iti kim ? vibhūrnāma kaścit /
ḍu-prakaraṇe mitadrvādibhya upasaṅkhyanam /
mitaṃ dravati mitadruḥ /
śambhuḥ //

____________________________________________________________________


dhaḥ karamṇi ṣṭran || PS_3,2.181 ||


_____START JKv_3,2.181:

dhayater dadhāteś ca karmaṇi kārake ṣṭran pratyayaḥ bhavati /
ṣakāro ḍīṣarthaḥ /
dhayanti tāṃ dadhati vā bhaiṣajyārtham iti dhātrī /
stanadāyinī āmalakī ca ucyate //


____________________________________________________________________


dām-nī-śasa-yu-yuja-stu-tuda-si-sica-miha-pata-daśa-nahaḥ karaṇe || PS_3,2.182 ||


_____START JKv_3,2.182:

dāp lavane, ṇīñ prāpaṇe, śasu hiṃsāyām, yu miśraṇe, yujir yoge, ṣṭuñ stutau, tuda vyathane, ṣiñ bandhane, ṣicir kṣaraṇe, miha secane, patl̥ gatau, daṃśa daśane, ṇaha bandhane, etebhyo dhātubhyaḥ karaṇe kārake ṣṭran pratyayo bhavati /
dāti anena iti dātram /
netram /
śastram /
yotram /
yoktram /
stotram /
tottram /
setram /
sektram /
meḍhram /
patram /
daṃṣṭrā /
ajāditvāt ṭāp, na ḍīp /
daṃśer anunāsikalopena nirdeśo jñāpanarthaḥ, kṅito 'nyasminn api pratyaye nalopaḥ kvacid bhavati iti /
tena lyuṭy api bhavati /
daśanam /
nadghrī //


____________________________________________________________________


[#251]

hala-sūkarayoḥ puvaḥ || PS_3,2.183 ||


_____START JKv_3,2.183:

pū iti pūṅpūñoḥ sāmānyena grahaṇam /
asmād dhātoḥ karaṇe kārake ṣṭran pratyayo bhavati, taccet karaṇaṃ hala,sūkarayor avayavo bhavati /
halasya potram /
sūkarasya potram /
mukham /
ucyate //


____________________________________________________________________


arti-lū-dhū-sū-khana-saha-cara itraḥ || PS_3,2.184 ||


_____START JKv_3,2.184:

r̥ gatrau, lūñ chedane, dhū vidhūnane, ṣū preraṇe, khanu avadārane, ṣaha marṣaṇe, cara gatibhakṣaṇayoḥ, etebhyo dhātubhyaḥ karaṇe kārake itraḥ patyayo bhavati /
aritram /
avitram /
dhavitram /
savitram /
khanitram /
sahitram /
caritram //

____________________________________________________________________


puvaḥ sañjñāyām || PS_3,2.185 ||


_____START JKv_3,2.185:

pūṅ-pūñoḥ sāmānyena grahaṇam /
pavater dhatoḥ karaṇe kārake itra-pratyayo bhavati, samudāyena cet sañjñā gamyate /
darbhaḥ pavitram /
barhiṣpavitram //


____________________________________________________________________


kartari carṣidevatayoḥ || PS_3,2.186 ||


_____START JKv_3,2.186:

puvaḥ iti vartate /
puvaḥ karane kartari ca itra-pratyayo bhavati /
r̥ṣidevatayoḥ yathāsaṅkhyaṃ sambandhaḥ /
r̥ṣau karaṇe, devatāyāṃ kartari /
pūyate anena iti pavitro 'yam r̥ṣiḥ /
devatāyām - agniḥ pavitraṃ sa mā punātu /
vāyuḥ somaḥ sūrya indraḥ pavitraṃ te mā punantu //


____________________________________________________________________


ñītaḥ ktaḥ || PS_3,2.187 ||


_____START JKv_3,2.187:

ñi id yasya asau ñīt /
ñīto dhātoḥ vartamane 'rthe kta-pratyayo bhavati /
bhūte niṣṭhā vihitā, vartamane na prāpnoti iti vidhīyate /
ñimidā snehane - minnaḥ /
ñikṣvidā - kṣviṇṇaḥ /
ñidhr̥ṣā - dhr̥ṣṭaḥ //


____________________________________________________________________


[#252]

mati-buddhi-pūjā-arthebhyaś ca || PS_3,2.188 ||


_____START JKv_3,2.188:

matiḥ icchā /
buddhiḥ jñānam /
pūjā sakāraḥ /
etad arthebhyaś ca dhātubhyo vartamāna-arthe kta-pratyayo bhavati /
rājñāṃ mataḥ /
rājñām iṣṭaḥ /
rājñāṃ buddhaḥ /
rājñāṃ jñātaḥ /
rājñāṃ pūjitaḥ /
rājñām arcitaḥ /
anukta-samuccaya-arthaś cakāraḥ /
śīlito rakṣitaḥ kṣānta ākruṣṭo juṣṭa ity api /
ruṣṭaś ca ruṣitaścobhāvabhivyāhr̥ta ity api //1//

hr̥ṣṭatuṣṭau tathā kāntas tathobhau saṃyatodyatau /
kaṣṭaṃ bhaviṣyati ity āhur amr̥taḥ pūrvavat samr̥taḥ //2//

kaṣṭaḥ iti bhaviṣyati kāle /
amr̥taḥ iti pūrvavat /
vartamāne ity arthaḥ /
tathā suptaḥ, śayitaḥ, āśitaḥ, liptaḥ, tr̥ptaḥ ity evam ādayo 'pi vartamāne dr̥aṣṭavyāḥ //
itiśrījayādityaviracitāyāṃ kāśikāyāṃ vr̥ttau tr̥tīyādhyāyasya dvitīyaḥ pādaḥ //


______________________________________________________

tr̥tīyādhyāyasya tr̥tīyaḥ padaḥ /


____________________________________________________________________


[#253]

uṇādayo bahulam || PS_3,3.1 ||


_____START JKv_3,3.1:

vartamāna ity eva, sañjñāyām iti ca /
uṇādayaḥ pratyayāḥ vartamāne 'rthe sañjñāyāṃ viṣaye bahulaṃ bhavanti /
yato vihitās tato 'nyatra api bhavanti /
kecid avihitā eva prayogata unnīyante /
kr̥vāpājimisvadisādhyaśūbhya uṇ /
kāruḥ /
vāyuḥ /
pāyuḥ /
jāyuḥ /
māyuḥ /
svāduḥ /
sādhuḥ /
āśuḥ /
bāhulakaṃ prakr̥tes tanudr̥ṣṭeḥ prāya-samuccayanād api teṣām /
kāryasaśeṣavidheś ca taduktaṃ naigamarūḍhibhavaṃ hi susādhu //1//

nāma ca dhātujamāha nirukte vyākaraṇe śakaṭasya ca tokam /
yan na padārtha-viśeṣa-samutthaṃ pratyayataḥ prakr̥teś ca tad ūhyam //2//

sañjñāsu dhāturūpāṇi pratyayāś ca tataḥ pare /
kāryād vidyād anubandham etac chāstram uṇādiṣu //3//



____________________________________________________________________


bhūte 'pi dr̥śyante || PS_3,3.2 ||


_____START JKv_3,3.2:

pūrvatra vartamāna-adhikārād bhūtārtham idaṃ vacanam /
bhūte kāle uṇādayaḥ pratyayā dr̥śyante /
vr̥ttam idaṃ vartma /
caritaṃ tad iti carma /
bhasitaṃ tad iti bhasma /
dr̥śi-grahaṇaṃ prayoga-anusāra-artham //


____________________________________________________________________


bhaviṣyati gamyādayaḥ || PS_3,3.3 ||


_____START JKv_3,3.3:

bhaviṣyati kāle gamyādayaḥ śabdāḥ sādhavo bhavanti /
pratyayasya+eva bhaviṣyatkālatā vidhīyate na prakr̥teḥ /
gamī grāmam /
āgāmī /
prasthāyī /
pratirodhī /
pratibodhī /
pratiyodhī /
pratiyogī /
pratiyāyī /
āyāvī /
bhāvī /
anadyatana upasaṅkhyānam /
śvo gamī grāmam //


____________________________________________________________________


yāvat-purā-nipātayor laṭ || PS_3,3.4 ||


_____START JKv_3,3.4:

bhaviṣyati ity eva /
yāvat-purā-śabdayor nipātayor upapadayoḥ bhaviṣyati kāle dhātor laṭ pratyayo bhavati /
yāvad bhuṅkte /
purā bhuṅkte /
nipātayoḥ iti kim ? yāvad dāsyati tāvad bhokṣyate /
karaṇabhūtayā purā vrajiṣyati //


____________________________________________________________________


[#254]

vibhāṣā kadā-karhyoḥ || PS_3,3.5 ||


_____START JKv_3,3.5:

kadā karhi ity etayoḥ upapadayor vibhāṣā bhaviṣyati kāle dhātoḥ laṭ pratyayo bhavati /
kadā bhuṅkte, kadā bhokṣyate, kadā bhoktā /
karhi bhuṅkte, karhi bhokṣyate, karhi bhokṭā //

____________________________________________________________________


kiṃvr̥tte lipsāyām || PS_3,3.6 ||


_____START JKv_3,3.6:

vibhāṣā iti vartate /
kimo vr̥ttaṃ kiṃvr̥ttam /
vr̥tta-grahaṇena tadvibhaktyantaṃ pratīyāt /
ḍataratamau ca iti parisaṅkhyānaṃ smaryate /
kiṃvr̥tte upapade lipsāyāṃ bhaviṣyati kāle dhātoḥ vibhāṣā laṭ pratyayo bhavati /
lipsā labdhum icchā, prārthanābhilāṣaḥ /
kaṃ bhavanto bhojayanti, kaṃ bhavanto bhojayitāraḥ /
labdhukāmaḥ pr̥cchati kataro bhikṣāṃ dāsyati, dadāti, dātā vā /
katamo bhikṣāṃ dāsyati, dadāti, dātā vā /
lipsāyām iti kim ? kaḥ pāṭaliputraṃ gamiṣyati //


____________________________________________________________________


lipsyamāna-siddhau ca || PS_3,3.7 ||


_____START JKv_3,3.7:

vibhāṣā ity eva /
lipsyamānāt siddhiḥ lipsyamāna-siddhiḥ /
lipsyamāna-siddhau gamyamānāyāṃ bhaviṣyati kāle dhātoḥ vibhāṣā laṭ pratyayo bhavati /
akiṃvr̥tta-artho 'yam ārambhaḥ /
yo bhaktaṃ dadāti sa svargaṃ gacchati, yo bhaktaṃ dāsyati sa svargaṃ gamiṣyati, yo bhaktaṃ dāta sa svargaṃ gantā /
lipsyamānād bhaktāt svargasiddhimācakṣāṇo dātāraṃ protsāhayati //


____________________________________________________________________

loḍ-arthalakṣane ca || PS_3,3.8 ||


_____START JKv_3,3.8:

loḍ-arthaḥ praiṣādir lakṣyate yena sa loḍ-arthalakṣaṇo dhātv-arthaḥ /
tatra vartamānād dhātoḥ bhaviṣyati kāle vibhāṣā laṭ pratyayo bhavati /
upādhyāyaś ced āgacchati, upādhyāyaś ced āgamiṣyati, upādhyāyaś ced āgantā, atha tvaṃ chando 'dhīṣva, atha tvaṃ vyākaraṇam adhīṣva /
upādhyāyāgamanamadhyayanapraiṣasya lakṣaṇam //


____________________________________________________________________


liṅ ca+ūrdhva-mauhūrtike || PS_3,3.9 ||


_____START JKv_3,3.9:

bhaviṣyati, vibhāṣā, loḍ-arthalakṣaṇe iti sarvam anuvartate /
ūrdhva-mauhūrtike bhaviṣyati kāle loḍ-arthalakṣaṇa-arthe vartamānāt dhātor vibhāṣā liṅ-pratyayo bhavati, cakārāl laṭ ca /
ūrdhvaṃ muhūrtād bhavaḥ ūrdhvamauhūrtikaḥ /
nipātanāta samāsaḥ, uttarapada-vr̥ddhiś ca /
bhavisyataś ca+etad viśeṣaṇam /
ūrdhvaṃ muhūrtāt upari muhūrtasya upādhyāyaś ced āgacchet, upādhyāyaś ced āgacchati, upādhyāyaś ced āgamiṣyati, upādhyāyaś ced āgantā, atha tvaṃ chando 'dhīṣva, atha tvaṃ vyākaraṇam adhīṣva //


____________________________________________________________________


[#255]

tumun-ṇvulau kriyāyāṃ kriya-arthāyām || PS_3,3.10 ||


_____START JKv_3,3.10:

bhaviṣyati ity eva /
kriya-arthāyāṃ kriyāyām upapade dhātor bhavisyati kale tumun-ṇvulau pratyayau bhavataḥ /
bhoktuṃ vrajati /
bhojako vrajati /
bhujikriya-arthaḥ vrajiratropapadam /
kriyāyām iti kim ? bhikṣiṣya ity asya jaṭāḥ /
kriya-arthāyām iti kim ? dhāvataste patiṣyati daṇḍaḥ /
atha kimarthaṃ ṇvul vidhīyate yāvatā ṇvul-tr̥cau (*3,1.133) iti sāmānyena vihita eva so 'sminn api viṣaye bhavisyati ? lr̥ṭā kriyārtha-upapadena bādhyeta /
vā 'sarūpa-vidhinā so 'pi bhavisyati ? evaṃ tarhi etad jñāpyate, kriyāyām upapade kriyārthāyāṃ vā 'sarūpeṇa tr̥jādayo na bhavanti iti /
tena kartā vrajati, vikṣipo vrajati ity evam ādi nivartyate //


____________________________________________________________________


bhāva-vacanāś ca || PS_3,3.11 ||


_____START JKv_3,3.11:

bhaviṣyati ity eva /
bhāve (*3,3.18) iti prakr̥tya ye ghañ-ādayo vihitās te ca bhāva-vacanāḥ bhavisyati kāle kriyāyām upapade kriyārthāyāṃ bhavanti /
kimartham idaṃ yāvatā vihitā eva te ? kriyartha-upapade vihitena asmin viṣaye tumunā bādhyeran /
vā 'sarūpa-vidhiś ca atra na asti ity uktam /
atha vacana-grahaṇaṃ kimartham ? vācakā yathā syuḥ /
kathaṃ ca vācakā bhavanti ? yābhyaḥ prakr̥tibhyo yena viśeṣaṇena vihitā yadi tābhyas tathā+eva bhavanti, nāsāmañjasyena iti /
pākāya vrajati /
bhūtaye vrajati /
puṣṭaye vrajati //


____________________________________________________________________


aṇ karmaṇi ca || PS_3,3.12 ||


_____START JKv_3,3.12:
bhavisyati ity eva /
cakāraḥ sanniyoga-arthaḥ /
dhātoḥ aṇ pratyayo bhavati bhaviṣyati kāle karmaṇy upapade kriyāyāṃ ca kriyārthāyām /
karmaṇyaṇ (*3,2.1) iti sāmānyena vihito vā 'sarūpa-vidher abhāvād ṇvulā bādhitaḥ punar aṇ vidhīyate, so 'pavādatvād ṇvulaṃ bādhate, paratvāt kādīn /
tena apavāda-visaye 'pi bhavaty eva /
kāṇḍalāvo vrajati /
aśvadāyo vrajati /
godāyo vrajati /
kambaladāyo vrajati //


____________________________________________________________________


lr̥ṭ śeṣe ca || PS_3,3.13 ||


_____START JKv_3,3.13:

bhaviṣyati ity eva /
śeṣaḥ kriyārtha-upapadād anyaḥ /
śeṣe śuddhe bhaviṣyati kāle, cakārāt kriyāyāṃ ca upapade kriyārthāyāṃ dhātoḥ lr̥ṭ pratyayo bhavati /
kariṣyāmi iti vrajati /
hariṣyāmi iti vrajati /
śeṣe khalv api kariṣyati /
hariṣyati //


____________________________________________________________________


[#256]

lr̥ṭaḥ sadvā || PS_3,3.14 ||


_____START JKv_3,3.14:

lr̥ṭaḥ sthāne satsañjñau śatr̥śānacau vā bhavataḥ /
vyavasthita-vibhāṣā iyam /
tena yathā laṭaḥ śatr̥śānacau tathā asya api bhavataḥ /
aprathamā-samānādhikaraṇa-ādiṣu nityam, anyatra vikalpaḥ /
kariṣyantaṃ devadattaṃ paśya /
kariṣyamāṇaṃ devadattaṃ paśya /
he kariṣyan /
he karisyamāṇa /
arjayiṣyamaṇo vasati /
prathamā-samānādhikaraṇe vikalpaḥ - kariṣyan devadattaḥ /
karisyamaṇo devadattaḥ /
kariṣyati /
karisyate //


____________________________________________________________________


anadyatane luṭ || PS_3,3.15 ||


_____START JKv_3,3.15:

bhaviṣyati ity eva /
bhaviṣyadanadyatane 'rthe vartamānād dhatoḥ luṭ pratyayo bhavati /
lr̥ṭo 'pavādaḥ /
śvaḥ kartā /
śvo bhoktā /
anadyatane iti bahuvrīhi-nirdeśaḥ /
tena vyāmiśre na bhavati /
adya śvo vā bhaviṣyati //
paridevane śvastanī bhaviṣyad-arthe vaktavyā /
iyaṃ nu kadā gantā, yā evaṃ pādau nidadhāti /
ayaṃ nu kadā 'dhyetā, ya evam anabhiyuktaḥ //


____________________________________________________________________

pada-ruja-viśa-spr̥śo ghañ || PS_3,3.16 ||


_____START JKv_3,3.16:

bhaviṣyati iti nivr̥tam /
ita uttaraṃ triṣv api kāleṣu pratyayāḥ /
padādibhyo dhātubhyo ghañ pratyayo bhavati /
padyate 'sau pādaḥ /
rujaty asau rogaḥ /
viśaty asau veśaḥ /
spr̥śa upatāpa iti vaktavyam /
spr̥śati iti sparśaḥ upatāpaḥ /
tato 'nyatra pacādyac bhavati /
sparśo devadattaḥ /
svare viśeṣaḥ //


____________________________________________________________________


sr̥ sthire || PS_3,3.17 ||


_____START JKv_3,3.17:

sarteḥ dhātoḥ sthire kartari ghañ pratayo bhavati /
sthiraḥ iti kālāntarasthāyī padārtha ucyate /
sa ciraṃ tiṣṭhan kālantaraṃ sarati iti dhātv-arthasya kartā yujyate /
candanasāraḥ /
khadirasāraḥ /
sthire iti kim ? sartā /
sārakaḥ /
vyādhimatsyabaleṣv iti vaktavyam /
atīsāro vyādhiḥ /
visāro matsyaḥ /
sāro balam //

____________________________________________________________________


[#257]

bhāve || PS_3,3.18 ||


_____START JKv_3,3.18:

bhāve vācye dhātoḥ ghañ pratyayo bhavati /
pākaḥ /
tyāgaḥ /
rāgaḥ /
kriyāsāmānyavācī bhavatiḥ /
tena artha-nirdeśaḥ kriyamāṇaḥ sarvadhātu-viṣayaḥ kr̥to bhavati /
dhātv-arthaś ca dhātunā+eva+ucyate /
yastasya siddhatā nāma dharmaḥ tatra ghañ-ādayaḥ pratyayāḥ vidhīyante /
puṃliṅga-ekavacanaṃ ca atra na tantraṃ, liṅgāntare vacanāntare 'pi ca atra pratyayā bhavanty eva /
paktiḥ, pacanam, pākau, pākāḥ iti //


____________________________________________________________________


akartari ca kārake sañjñāyām || PS_3,3.19 ||


_____START JKv_3,3.19:

kartr̥-varjite kārake sañjñāyāṃ viṣaye dhātoḥ ghañ bhavati /
prāsyanti taṃ prāsaḥ /
prasīvyanti taṃ prasevaḥ /
āharanti tasmād rasam iti āhāraḥ /
madhurāhāraḥ /
takṣaśilāhāraḥ /
akartari iti kim ? miṣatyasau meṣaḥ /
sajñāyām iti kim ? kartavyaḥ kaṭaḥ /
sañjñā-vyabhicāra-arthaś cakāraḥ /
ko bhavatā dāyo dattaḥ /
ko bhavatā lābho labdhaḥ /
kāraka-grahaṇaṃ paryudāse na kartavyam /
tat kriyate prasajya-pratiṣedhe 'pi samāso 'sti iti jñāpana-artham, ād-eca upadeśe 'śiti (*6,1.45) iti /
ita uttaraṃ bhāve, akartari ca kārake iti dvayam anuvartate //


____________________________________________________________________


parimāṇa-ākhyāyāṃ sarvebhyaḥ || PS_3,3.20 ||


_____START JKv_3,3.20:

parimāṇa-ākhyāyāṃ gamyamānāyāṃ sarvebhyo dhātubhyaḥ ghañ pratyayo bhavati /
ekastaṇḍula-niścāyaḥ /
dvau śūrpaniṣpāvau /
kr̥̄ vikṣepe -- dvau kārau /
krayaḥ kārāḥ /
sarva-grahaṇam apo 'pi bādhana-artham /
purastād apavāda-nyāyena hy acam eva bādheta, na apam /
parimāṇa-ākhyāyām iti kim ? niścayaḥ /
ākhyā-grahaṇaṃ rūḍhinirāsa-artham /
tena saṅkhyā 'pi gr̥hyate, na prasthādy eva /
ghañ-anukramaṇam ajapor viṣaye, strī-pratyayās tu na bādhyante /
ekā tilocchittiḥ /
dve prasr̥tī /
dārajārau kartari ṇiluk ca /
dārayanti iti dārāḥ /
jarayanti iti jārāḥ //


____________________________________________________________________


iṅaś ca || PS_3,3.21 ||

_____START JKv_3,3.21:

iṅo dhātoḥ ghañ pratyayo bhavati /
aco 'pavādaḥ /
adhyāyaḥ /
upetyāsmādadhīte upādhyāyaḥ /

[#258]

apādāne striyām upasaṅkhyānaṃ tadantāc ca vā ṅīṣ /
upādhyāyā, upādhyāyī /
śr̥̄ vāyuvarṇanivr̥teṣu /
śāro vāyuḥ /
śāro varṇaḥ /
śāro nivr̥tam /
gaurivākr̥tanīśāraḥ prāyeṇa śiśire kr̥śaḥ //


____________________________________________________________________


upasarge ruvaḥ || PS_3,3.22 ||


_____START JKv_3,3.22:

upasarge upapade rauter dhātor ghañ pratyayo bhavati /
apo 'pavādaḥ /
saṃrāvaḥ /
uparāvaḥ /
upasarge iti kim ? ravaḥ //


____________________________________________________________________


sami yu-dru-duvaḥ || PS_3,3.23 ||

_____START JKv_3,3.23:

sami upapade yu dru du ity etebhyaḥ dhātubhyaḥ ghañ pratyayo bhavati /
saṃyāvaḥ /
saṃdrāvaḥ /
saṃdāvaḥ /
sami iti kim ? prayavaḥ //


____________________________________________________________________


śri-ṇī-bhuvo 'nupasarge || PS_3,3.24 ||


_____START JKv_3,3.24:

śri ṇī bhū ity etebhyo dhātubhyo 'nupasargebhyo ghañ pratyayo bhavati /
ajapor apavādaḥ /
śrāyaḥ /
nāyaḥ /
bhāvaḥ /
anupasarge iti kim ? praśrayaḥ /
praṇayaḥ /
prabhavaḥ /
kathaṃ prabhāvo rājñāḥ ? prakr̥ṣṭo bhāvaḥ iti prādisamāso bhaviṣyati /
kathaṃ ca nayo rājñaḥ ? kr̥tya-lyuṭo bahulam (*3,3.113) iti ac bhaviṣyati //


____________________________________________________________________


vau kṣu-śruvaḥ || PS_3,3.25 ||


_____START JKv_3,3.25:

vāv-upapade kṣu śru ity etābhyāṃ dhātubhyāṃ ghañ pratyayo bhavati /
apo 'pavādaḥ /
vikṣāvaḥ /
viśrāvaḥ /
vau iti kim ? kṣavaḥ /
śravaḥ //


____________________________________________________________________


ava-udor niyaḥ || PS_3,3.26 ||


_____START JKv_3,3.26:

ava ut ity etayor upapadayoḥ nayater dhātoḥ ghañ pratyayo bhavati /
avanāyaḥ /
unnāyaḥ /
katham unnayaḥ padārthānām ? kr̥tya-lyuṭo bahulam (*3,3.113) iti ac bhaviṣyati //


____________________________________________________________________


[#259]

pre dru-stu-sruvaḥ || PS_3,3.27 ||


_____START JKv_3,3.27:

pra-śabde upapade dru stu sru ity etebhyo dhātubhyo ghañ pratyayo bhavati /
pradrāvaḥ /
prastāvaḥ /
prasrāvaḥ /
pra iti kim ? dravaḥ /
stavaḥ /
sravaḥ //


____________________________________________________________________


nir-abhyoḥ pū-lvoḥ || PS_3,3.28 ||


_____START JKv_3,3.28:

pū iti pūṅpūñoḥ sāmānyena grahaṇam /
lūñ chedane /
yathāsaṅkhyam upasarga-sambandhaḥ /
nirabhipūrvayoḥ pū-lvor dhātvoḥ ghañ pratyayo bhavati /
niṣpāvaḥ /
abhilāvaḥ /
nirabhyoḥ iti kim ? pavaḥ /
lavaḥ //


____________________________________________________________________


un-nyor graḥ || PS_3,3.29 ||


_____START JKv_3,3.29:

gr̥̄ śabde, gr̥̄ nigaraṇe, dvayor api grahaṇam /
unnyor upapadayoḥ gr̥̄ ity etasmād dhātoḥ ghañ pratyayo bhavati /
udgāraḥ samudrasya /
nigāro devadattasya /
unnyoḥ iti kim ? garaḥ //


____________________________________________________________________

kr̥̄ dhānye || PS_3,3.30 ||


_____START JKv_3,3.30:

unnyoḥ iti vartate /
kr̥̄ ity etasmād dhātor unnyoḥ upapadayoḥ ghañ pratayo bhavati, dhānya-viṣayaś ced dhātv-artho bhavati /
vikṣepa-arthasya kirater grahaṇaṃ, na hiṃsa-arthasya, anabhidhānāt utkāro dhānyasya /
nikāro dhānyasya /
dhānye iti kim ? bhaikṣyotkaraḥ /
puṣpanikaraḥ //


____________________________________________________________________


yajñe sami stuvaḥ || PS_3,3.31 ||


_____START JKv_3,3.31:

yajña-viṣaye prayoge sampūrvāt stauter ghañ partyayo bhavati /
saṃratāvaḥ chandogānām /
sametya stuvanti yasmin deśe chandogāḥ sa deśaḥ saṃstāvaḥ ity ucyate /
yajñe iti kim ? saṃstavaḥ chātrayoḥ //


____________________________________________________________________


pre stro 'yajñe || PS_3,3.32 ||


_____START JKv_3,3.32:

str̥ñ ācchādane, asmād dhātoḥ pra-śabde upapade ghañ pratyayo bhavati na ced yajña-viṣayaḥ prayogo bhavati /
śaṅkhaprastāraḥ /
ayajñe iti kim ? bahirṣprastaraḥ //

____________________________________________________________________


[#260]

prathane vāv aśabde || PS_3,3.33 ||


_____START JKv_3,3.33:

str̥̄ñ ācchādane, asmād dhātoḥ vi-śabde upapade ghañ patyayo bhavati prathane gamyamāne, tac cet prathanaṃ śabda-viṣayaṃ na bhavati /
prathanaṃ vistīrṇatā /
paṭasya vistāraḥ /
prathane iti kim ? tr̥ṇavistaraḥ /
aśabde iti kim ? vistaro vacasām //


____________________________________________________________________


chandonāmni ca || PS_3,3.34 ||


_____START JKv_3,3.34:

vau straḥ iti vartate /
vipūrvāt str̥nāteḥ chandonāmni ghañ pratyayo bhavati /
vr̥ttam atra chando gr̥hyate yasya gāyatryādayo viśeṣāḥ, na mantrabrahmaṇam , nāma-grahaṇāt /
viṣṭārapaṅktiḥ chandaḥ /
viṣṭārabr̥hatī chandaḥ /
viṣṭārapaṅkti-śabdo 'tra chandonāma, na ghañanataṃ śabda-rūpam /
tatra tv avayavatvena tad vartate /
chandonāmni ity adhikaraṇa-saptamy eṣā //


____________________________________________________________________

udi grahaḥ || PS_3,3.35 ||


_____START JKv_3,3.35:

udi upapade graher dhātoḥ ghañ pratyayo bhavati /
ato 'pavādaḥ /
udgrāhaḥ /
chandasi nipūrvād api iṣyate srugudyamana-nipatanayoḥ /
hakārasya bhakāraḥ /
udgrābhaṃ ca nigrābhaṃ ca brahma devā avīvr̥dhan //


____________________________________________________________________


sami muṣṭau || PS_3,3.36 ||


_____START JKv_3,3.36:

grahaḥ ity eva /
sami upapade graher dhātoḥ ghañ bhavati, muṣṭiviṣayaś ced dhātvartho bhavati /
muṣṭiḥ aṅgulisanniveśaḥ /
aho mallasya saṅgrāhaḥ /
aho muṣṭikasya saṅgrāhaḥ /
dr̥ḍhamuṣṭitā ākhyāyate /
muṣṭau iti kim ? saṅgraho dhānyasya //


____________________________________________________________________


pari-nyor nī-ṇor dyūta-abhreṣayoḥ || PS_3,3.37 ||


_____START JKv_3,3.37:

pari-śabde ni-śabde ca upapade yathāsaṅkhyaṃ niyaḥ iṇaś ca dhātoḥ ghañ pratyayo bhavati /
aco 'pavādaḥ /
dyūtābhreṣayoḥ, atra api yathāsaṅkhyam eva sambandhaḥ /
dyūta-viṣayaḥ cen nayater arthaḥ, abhreṣa-viṣayaś ced iṇ-arthaḥ /
padārthānām anapacāro yathāprāpta-karaṇam abhreṣaḥ /
dyūte tāvat - pariṇāyena śārān hanti /
samantān nayanena /
abhreṣe - eṣo 'tra nyāyaḥ /
dyūta-abhreṣayoḥ iti kim ? pariṇayaḥ /
nyayaṃ gataḥ pāpaḥ //


____________________________________________________________________


[#261]

parāv anupātyaya iṇaḥ || PS_3,3.38 ||


_____START JKv_3,3.38:

pari-śabde upapade iṇo dhātoḥ ghañ pratyayo bhavati, anupatyaye gamyamāne /
krama-prāptasya anatipāto 'nupātyayaḥ, paripāṭī /
tava paryāyaḥ /
mama paryāyaḥ /
anupātyaye iti kim ? kālasya paryayaḥ /
atipātaḥ ity arthaḥ //


____________________________________________________________________


vy-upayoḥ śeteḥ paryāye || PS_3,3.39 ||


_____START JKv_3,3.39:

vi upa ity etayoḥ upapadayoḥ śeter dhātoḥ ghañ bhavati paryāye gamyamāne /
tava viśāyaḥ /
mama viśāyaḥ /
tava rājopaśāyaḥ /
tava rājānam upaśayituṃ paryāyaḥ ity arthaḥ /
paryāye iti kim ? viśayaḥ /
upaśayaḥ //


____________________________________________________________________


hasta-adāne cer asteye || PS_3,3.40 ||


_____START JKv_3,3.40:

hastādāne gamyamāne cinoter dhātoḥ ghañ pratyayo bhavati, na cet steyaṃ cauryaṃ bhavati /
hastādāna-grahaṇena pratyāsattir ādeyasya lakṣyate /
puṣpapracāyaḥ /
phalapracāyaḥ /
hastādane iti kim ? vr̥kṣaśikhare phalapracayaṃ karoti /
asteye iti kim ? phalapracayaś cauryeṇa /
uccayasya pratiṣedho vaktavyaḥ //


____________________________________________________________________


nivāsa-citi-śarīra-upasamādhāneṣv ādeś ca kaḥ || PS_3,3.41 ||


_____START JKv_3,3.41:

ceḥ ity eva /
nivasanti asmin iti nivāsaḥ /
cīyate 'sau citiḥ /
pāṇyādi-samudāyaḥ śarīram /
rāśīkaranam upasamādhānam /
eteṣv artheṣu cinoteḥ ghañ pratyayaḥ bhavati, dhātor ādeś ca kakāra ādeśaḥ /
nivāse tāvat - cikhallinikāyaḥ /
citau - ākāyam agniṃ cinvīta /
śarīre - anityakāyaḥ /
upasamādhāne - mahān gomayanikāyaḥ /
eteṣu iti kim ? cayaḥ /
iha kasmān na bhavati mahān kāṣṭhanicayaḥ ? bahutvam atra vivakṣitaṃ na+upasamādhānam //


____________________________________________________________________


saṅghe ca anauttarādharye || PS_3,3.42 ||


_____START JKv_3,3.42:

ceḥ ity eva /
prāṇināṃ samudāyaḥ saṅghaḥ /
sa ca dvābhyāṃ prakārābhyāṃ bhavati /
ekadharma-samāveśena, auttarādharyeṇa vā /
tatra auttarādharya-paryudāsād itaro gr̥hyate /
saṅghe vācye cinoter dhātoḥ ghañ pratyayo bhavati ādeś ca kaḥ /
bhikṣukanikāyaḥ /
brāhmaṇanikāyaḥ /
vaiyākaraṇanikāyaḥ /
anauttarādharye iti kim ? sūkaranicayaḥ /
prāṇiviṣayatvāt saṅghasya+iha na bhavati /
kr̥tākr̥tasamuccayaḥ /
pramāṇasamuccayaḥ //


____________________________________________________________________


[#262]

karma-vyatihāre ṇac striyām || PS_3,3.43 ||


_____START JKv_3,3.43:

karma kriyā /
vyatihāraḥ paraspara-karaṇam /
karma-vyatihāre gamyamāne dhātoḥ ṇac patyayo bhavati strīliṅge vācye /
tac ca bhāve /
cakāro viśeṣaṇa-arthaḥ ṇacaḥ striyām añ (*5,4.14) iti /
vyāvakrośī /
vyāvalekhī /
vyāvahāsī vartate /
striyām iti kim ? vyatipāko vartate /
bādhakaviṣaye 'pi kvacid iṣyate, vyāvacorī, vyāvacarcī /
iha na bhavati /
vyatīkṣā, vyatīhā vartate /
vyātyukṣī bhavati /
tad etad vaicitryaṃ kathaṃ labhyate ? kr̥tya-lyuṭo bahulam (*3,3.113) iti bhavati //


____________________________________________________________________


abhividhau bhāve inuṇ || PS_3,3.44 ||


_____START JKv_3,3.44:

abhividhir abhivyāptiḥ, kriyāguṇābhyāṃ kārtsnyena sambandhaḥ /
abhividhau gamyamāne dhātoḥ bhave inuṇ bhavati /
sāṅkūṭinam /
sāṃrāviṇam /
sāndrāviṇaṃ vartate /
abhividhau iti kim ? saṅkoṭaḥ /
sandrāvaḥ /
saṃrāvaḥ /
bhāve iti vartamane punar bhāva-grahaṇaṃ vāsarūpanirāsa-artham, tena ghañ na bhavati /
lyuṭā tu samāveśa iṣyate /
saṅkūṭanaṃ vartate /
tat katham ? kr̥tya-lyuṭo bahulam (*3,3.113) iti //


____________________________________________________________________


ākrośe 'vanyor grahaḥ || PS_3,3.45 ||


_____START JKv_3,3.45:

dr̥ṣṭa-anuvr̥tti-sāmarthyād ghañ anuvartate, na anantara inuṇ /
ava ni ity etayoḥ uapadayoḥ graher dhātoḥ ghañ pratyayo bhavati ākrośe gamyamane /
ākrośaḥ śapanam /
avagrāho hanta te vr̥ṣala bhūyat /
nigrāho hanta te vr̥ṣala bhūyāt /
ākrośe iti kim ? avagrahaḥ padasya /
nigrahaś corasya //


____________________________________________________________________


pre lipsāyām || PS_3,3.46 ||


_____START JKv_3,3.46:

grahaḥ ity eva /
pra-śabde upapade graher dhāto ghañ pratyayo bhavati lipsāyāṃ gamyamānāyām /
pātrapragrāheṇa carati bhikṣuḥ piṇḍārthī /
sruvapragrāheṇa carati dvijo dakṣiṇārthī /
lipsāyām iti kim ? pragraho devadattasya //


____________________________________________________________________

parau yajñe || PS_3,3.47 ||


_____START JKv_3,3.47:

pari-śabde upapade graheḥ ghañ pratyayo bhavati, yajñaviṣayaś cet pratyayānta-abhidheyaḥ syāt /
uttaraparigrāhaḥ /
adhara-parigrāhaḥ /
yajñe iti kim ? parigraho devadattasya //


____________________________________________________________________


[#263]

nau vr̥ dhānye || PS_3,3.48 ||


_____START JKv_3,3.48:

vr̥ iti vr̥ṅvr̥ñoḥ sāmānyena grahaṇam /
ni-śabde upapade vr̥ ity etasmād dhātoḥ dhānya-viśeṣe 'bhidheye ghañ pratyayo bhavati /
apo 'pavādaḥ /
nīvārā nāma vrīhayo bhavanti /
dhānye iti kim ? nivarā kanyā //


____________________________________________________________________


udi śrayati-yauti-pū-druvaḥ || PS_3,3.49 ||


_____START JKv_3,3.49:

uc-chabde upapade śrayaty-ādibhyo ghañ pratayayo bhavati /
ajapor apavādaḥ /
ucchrāyaḥ /
udyāvaḥ /
utpāvaḥ /
uddrāvaḥ /
kathaṃ patanāntāḥ samucchrayāḥ ? vakṣyamāṇaṃ vibhāṣā-grahaṇam iha siṃhāvalokitanyāyena sambadhyate //


____________________________________________________________________


vibhāṣā+āṅi ru-pluvoḥ || PS_3,3.50 ||


_____START JKv_3,3.50:

āṅi upapade rauteḥ plavateś ca vibhāṣā ghañ pratyayo bhavati /
ārāvaḥ, āravaḥ /
āplāvaḥ, āplavaḥ //


____________________________________________________________________


ave graho varṣa-pratibandhe || PS_3,3.51 ||


_____START JKv_3,3.51:

vibhāṣā iti vartate /
ave upapade graheḥ dhātoḥ ghañ pratyayo bhavati vibhāṣā varṣapratibandhe 'bhidheye /
praptakālasya varṣasya kutaścin nimittād abhāvo varṣapratibandhaḥ /
avagrāho devasya, avagraho devasya /
varṣapratibandhe iti kim ? avagrahaḥ padasya //


____________________________________________________________________

pre vaṇijām || PS_3,3.52 ||


_____START JKv_3,3.52:

grahaḥ iti vartate /
vibhāṣā ity eva /
pra-śabde upapade graher dhātoḥ vibhāṣā ghañ pratyayo bhavati, pratyayānta-vācyaś ced vaṇijāṃ sambandhī bhavati /
vaṇik-sambandhena ca tulāsūtraṃ lakṣyate, na tu vaṇijas tantram /
tulā pragr̥hyate yena sūtreṇa sa śabda-arthaḥ /
tulāpragrāheṇa carati, tulāpragraheṇa carati vaṇiganyo vā /
vaṇijām iti kim ? pragraho devadattasya //


____________________________________________________________________


raśmau ca || PS_3,3.53 ||


_____START JKv_3,3.53:

grahaḥ vibhāṣā pre iti vartate /
pra-śabde upapade graher dhātoḥ vibhāṣā ghañ pratyayo bhavati, raśmiś cet pratyayāntena abhidhīyate /
rathādiyuktānām aśvādīnāṃ saṃyamana-arthā rajjū raśmir iha gr̥hyate /
pragrāḥ, pragrahaḥ //


____________________________________________________________________


[#264]

vr̥ṇoter ācchādane || PS_3,3.54 ||


_____START JKv_3,3.54:

vibhāṣā pra iti vartate /
praśabde upapade vr̥ṇoteḥ dhātoḥ vibhāṣā ghañ pratyayo bhavati, pratyayāntena ced ācchādana-viśeṣa ucyate /
prāvāraḥ, pravaraḥ /
ācchādane iti kim ? pravarā gauḥ //


____________________________________________________________________


prau bhuvo 'vajñāne || PS_3,3.55 ||


_____START JKv_3,3.55:

vibhāṣā ity eva /
pariśabde upapade bhavateḥ dhātoḥ vibhāṣā ghañ pratyayo bhavati avajñāne gamyamāne /
avajñānam asatkāraḥ /
paribhāvaḥ, paribhavaḥ /
avajñāne iti kim ? sarvataḥ bhavanaṃ paribhavaḥ //


____________________________________________________________________


er ac || PS_3,3.56 ||


_____START JKv_3,3.56:

bhāve, akartari ca kārake iti prakr̥tam anuvartate yāvat kr̥tya-lyuṭo bahulam (*3,3.113) iti /
i-varṇāntād dhātoḥ bhāve, akartari ca kārake sañjñāyām ac pratyayo bhavati /
ghaño 'pavādaḥ /
cakāro viśeṣaṇa-arthaḥ, antaḥ (*6,2.143) thā 'tha-ghañ-kta-aj-ab-itra-kaṇām (*6,2.144) iti /
cayaḥ /
ayaḥ /
jayaḥ /
kṣayaḥ /
aj-vidhau bhayādīnām upasaṅkhyānam /
napuṃsake ktādi-nivr̥tty-artham /
bhayam /
varṣam /
javasavau chandasi vaktavyau /
ūrvorastum me javaḥ /
pañcaudanaḥ savaḥ //


____________________________________________________________________


r̥̄dor ap || PS_3,3.57 ||


_____START JKv_3,3.57:

r̥̄-kārāntebhyaḥ u-varṇāntebhyaḥ ca ap pratyayo bhavati /
ghaño 'pavādaḥ /
pitkaraṇaṃ svara-artham /
karaḥ garaḥ /
śaraḥ /
u-varṇāntebhyaḥ - yavaḥ /
lavaḥ /
pavaḥ /
da-kāro mukha-sukha-arthaḥ /
mā bhūttād api paraḥ taparaḥ //


____________________________________________________________________


[#265]

graha-vr̥-dr̥-niścigamaś ca || PS_3,3.58 ||


_____START JKv_3,3.58:

grahādibhyaḥ dhātubhyaḥ ap pratyayo bhavati /
ghaño 'pavādaḥ /
niścinoteḥ tu aco 'pavādaḥ /
grahaḥ /
varaḥ /
daraḥ /
niścayaḥ /
gamaḥ /
niści-grahanaṃ svara-arthaṃ /
viśiraṇyor upasaṅkhyānam /
vaśaḥ /
raṇaḥ /
ghañ-arthe kavidhānaṃ sthāsnāpāvyadhihaniyudhyartham /
pratiṣṭhante 'smin iti prasthaḥ parvatasya /
prasnāti asmin prasnaḥ /
prapibanti asyām iti prapā /
āvidhyanti tena iti āvidhaḥ /
vihanyante 'smin iti vighnaḥ /
āyudhyate anena iti āyudham //


____________________________________________________________________


upasarge 'daḥ || PS_3,3.59 ||


_____START JKv_3,3.59:

ap ity eva /
upasarge upapade ader dhātoḥ ap prayayo bhavati /
praghasaḥ /
vighasaḥ /
upasarge iti kim ? ghāsaḥ //


____________________________________________________________________

nau ṇa ca || PS_3,3.60 ||


_____START JKv_3,3.60:

ni-śabde upapade adeḥ dhātoḥ ṇa-pratyayo bhavati, cakārād ap ca /
nyādaḥ, nighasaḥ //


____________________________________________________________________


vyadha-japor anupasarge || PS_3,3.61 ||


_____START JKv_3,3.61:

vyadha japa ity etayoḥ anupasargayoḥ ap pratyayo bhavati /
ghaño 'pavādaḥ /
vyadhaḥ /
japaḥ /
anupasarge iti kim ? āvyādhā /
upajāpaḥ //


____________________________________________________________________


[#266]

svana-hasor vā || PS_3,3.62 ||


_____START JKv_3,3.62:

anupasarge ity eva /
svana-hasoḥ anupasargayor vā ap pratyayo bhavati /
svanaḥ, svānaḥ /
hasaḥ, hāsaḥ /
anupasarge iti kim ? prasvānaḥ /
prahasaḥ //


____________________________________________________________________


yamaḥ sam-upa-ni-viṣu ca || PS_3,3.63 ||


_____START JKv_3,3.63:

anupasarge vā iti vartate /
sam upa ni vi ity eteṣu upapadeṣu anupasarge 'pi yamer vā ap pratyayo bhavati /
ghaño 'pavādaḥ /
saṃyamaḥ, saṃyāmaḥ /
upayamaḥ, upayāmaḥ /
niyamaḥ, niyāmaḥ /
viyamaḥ, viyāmaḥ /
anupasargāt khalv api -- yamaḥ, yāmaḥ //


____________________________________________________________________


nau gada-nada-paṭha-svanaḥ || PS_3,3.64 ||


_____START JKv_3,3.64:

ap ity eva /
ni-śabde upapade gada nada paṭha svana ity etebhyaḥ dhatubhyaḥ vā ap pratyayo bhavati /
ghaño 'pavādaḥ /
nigadaḥ, nigādaḥ /
ninadaḥ, ninādaḥ /
nipaṭhaḥ, nipāṭhaḥ /
nisvanaḥ, nisvānaḥ //

____________________________________________________________________


kvaṇo vīṇāyāṃ ca || PS_3,3.65 ||


_____START JKv_3,3.65:

nau vā anupasarge iti vartate /
kvaṇateḥ dhātoḥ nipūrvād anupasargāc ca vīṇāyāṃ vā ap pratyayo bhavati /
ghaño 'pavādaḥ /
sopasargārthaṃ vīṇāyā grahaṇam /
nikvaṇaḥ, nikvāṇaḥ /
anupasargāt -- kvaṇaḥ, kvāṇaḥ /
vīṇāyāṃ khalv api -- kalyāṇa-prakvaṇā vīṇā /
eteṣu iti kim ? atikvāṇo vartate //


____________________________________________________________________


nityaṃ paṇaḥ parimāṇe || PS_3,3.66 ||


_____START JKv_3,3.66:

paṇa vyavahāre stutau ca, asmād dhātor nityam ap pratyayo bhavati parimāṇe gamyamāne /
nitya-grahaṇaṃ vikalpa-nivr̥tty-artham /
mūlakapaṇaḥ /
śākapaṇaḥ /
saṃvyavahārāya mūlakādīnāṃ yaḥ parimito muṣṭir badhyate, tasya+idam abhidhānam /
parimāṇe iti kim ? pāṇaḥ //


____________________________________________________________________


mado 'nupasarge || PS_3,3.67 ||


_____START JKv_3,3.67:

madeḥ dhātoḥ anupasargāt ap pratyayo bhavati /
ghajo 'pavādaḥ /
vidyāmadaḥ /
dhanamadaḥ /
kulamadaḥ /
anupasarge iti kim ? unmādaḥ /
pramādaḥ //


____________________________________________________________________


[#267]

pramada-sammadau harṣe || PS_3,3.68 ||


_____START JKv_3,3.68:

pramada sammada ity etau śabdau nipātyete harṣe 'bhidheye /
kanyānāṃ pramadaḥ /
kokilānāṃ sammadaḥ /
harṣe iti kim ? pramādaḥ /
sammādaḥ /
prasaṃbhyām iti na+uktam /
nipātanaṃ rūḍhy-artham //


____________________________________________________________________


sam-udor ajaḥ paśuṣu || PS_3,3.69 ||

_____START JKv_3,3.69:

samudor upapadayoḥ ajaer dhātoḥ paśu-viṣaye dhātv-arthe ap pratyayo bhavati /
ghaño 'pavādaḥ /
aja gati-kṣepaṇayoḥ iti paṭhyate /
sa sampūrvaḥ samudāye vartate, utpūrvaś ca preraṇe /
saṃjaḥ paśūnām /
samudāyaḥ ity arthaḥ /
udajaḥ paśūnām /
preraṇam ity arthaḥ /
paśuṣu iti kim ? samājo brāhmaṇānām /
udājaḥ kṣatriyāṇām //


____________________________________________________________________


akṣeṣu glahaḥ || PS_3,3.70 ||


_____START JKv_3,3.70:

glahaḥ iti nipātyate, akṣa-viṣayaś ced dhātv-artho bhavati /
graher ap siddha eva, latva-arthaṃ nipātanam /
akṣasya glahaḥ /
akṣeṣu iti kim ? grahaḥ pādasya /
anye glahiṃ prakr̥tyantaram āhuḥ /
te ghañaṃ pratyudāharanti /
glāhaḥ //


____________________________________________________________________


prajane sarteḥ || PS_3,3.71 ||


_____START JKv_3,3.71:
sarteḥ dhātoḥ prajane viṣaye ap pratyayo bhavati /
ghaño 'pavādaḥ /
prajanaṃ prathamaṃ garbha-grahaṇam /
gavām upasaraḥ /
paśūnām upasaraḥ /
strīgavīṣu puṃgavānām garbhādhānāya prathamam upasaraṇam ucyate //


____________________________________________________________________


hvaḥ samprasāraṇaṃ ca ny-abhy-upa-viṣu || PS_3,3.72 ||


_____START JKv_3,3.72:

ni abhi upa vi ity eteṣu upapadeṣu hvayateḥ dhātoḥ samprasāraṇam ap pratyayaḥ ca /
ghaño 'pavādaḥ /
nihavaḥ /
abhihavaḥ /
upahavaḥ /
vihavaḥ /
eteṣu iti kim ? prahvāyaḥ //


____________________________________________________________________


āṅi yuddhe || PS_3,3.73 ||


_____START JKv_3,3.73:

āṅi upapade hvayater dhātoḥ samprasāraṇam ap pratyayaś ca bhavati yuddhe 'bhidheye /
āhūyante 'smin ity āhavaḥ /
yuddhe iti kim ? āhvāyaḥ //


____________________________________________________________________


[#268]

nipānam āhāvaḥ || PS_3,3.74 ||


_____START JKv_3,3.74:

āṅ pūrvasya hvayater dhātoḥ samprasāraṇam, ap-pratyayo, vr̥ddhiś ca nipātyate nipānaṃ ced abhidheyaṃ bhavati /
nipibanty asminn iti nipānam udakādhāra ucyate /
āhāvaḥ paśūnām /
kūpopasareṣu ya udakādhāras tatra hi pānāya paśava āhūyante /
nipānam iti kim ? āhvāyaḥ //


____________________________________________________________________


bhāve 'nupasargasya || PS_3,3.75 ||


_____START JKv_3,3.75:

anupargasya hvayateḥ samprasāraṇam ap pratyayaś ca bhavati bhāve abhidheye /
havaḥ /
have have suhavaṃ śūram indram /
anupasargasya iti kim ? āhvāyaḥ /
bhāva-grahaṇam akartari ca kārake sañjñāyām (*3,3.19) ity asya nirāsa-artham //


____________________________________________________________________


hanaś ca vadhaḥ || PS_3,3.76 ||


_____START JKv_3,3.76:

bhāve 'nupasargasya iti vartate /
hanter dhātoḥ anupasarge bhāve ap pratyayo bhavati, tatsaṃniyogena ca bhadhādeśaḥ, sa cāntodāttaḥ /
tatra+udātta-nivr̥̄ttisvareṇa apa udāttatvaṃ bhavati /
vadhaś corāṇām /
vadho dasyūnām /
bhāve ity eva, ghātaḥ /
anupasargasya ity eva, praghātaḥ, vighātaḥ /
cakāro bhinna-kramatvān nādeśena sambadhyate /
kiṃ tarthi ? prakr̥tena pratyayena /
ap ca, yaś ca aparaḥ prāpnoti /
tena ghañ api bhavati /
ghāto vartate //


____________________________________________________________________


mūrtau ghanaḥ || PS_3,3.77 ||


_____START JKv_3,3.77:

hanaḥ ity eva /
mūrtiḥ kāṭhinyam /
mūrtau abhidheyāyāṃ hanteḥ ap pratyayo bhavati, ghanaś cādeśaḥ /
abhraghanaḥ /
dadhighanaḥ /
kathaṃ ghanaṃ dadhi iti ? dharma-śabdena dharmī bhaṇyate //


____________________________________________________________________


antarghano deśe || PS_3,3.78 ||


_____START JKv_3,3.78:

antaḥ pūrvāt hanteḥ ap pratyayo bhavati, ghanādeśaś ca bhavati deśe 'bhidheye /
antarghanaḥ /
sañjñībhūto vāhīkesu deśaviśeṣa ucyate /
anye ṇakāraṃ paṭhanti antarghaṇo deśaḥ iti /
tad api grāhyam eva /
deśe iti kim ? antarghāto 'nyaḥ //


____________________________________________________________________


[#269]

agāra-ekadeśe praghaṇaḥ praghāṇāś ca || PS_3,3.79 ||


_____START JKv_3,3.79:

pra-pūrvasya hanteḥ praghaṇaḥ praghāṇaḥ ity etau śabdau nipātyete agāraikadeśe vācye /
praghaṇaḥ, praghāṇaḥ /
dvāraprakoṣṭho bāhya ucyate /
agāraikadeśe iti kim ? praghātaḥ anyaḥ //


____________________________________________________________________


udghano 'tyādhānam || PS_3,3.80 ||


_____START JKv_3,3.80:

ut-pūrvāt hanteḥ udghanaḥ iti nipātyate 'tyādhānaṃ ced bhavati /
udghanaḥ /
yasmin kāṣṭhe sthāpayitvā anyāni kāṣṭhāni takṣyante tad abhidhīyate /
udghāto 'nyaḥ //

____________________________________________________________________


apaghano 'ṅgam || PS_3,3.81 ||


_____START JKv_3,3.81:

apa-pūrvasya hanteḥ apaghanaḥ iti nipātyate, aṅgaṃ cet tad bhavati /
apaghanaḥ aṅgam /
avayavaḥ ekadeśaḥ, na sarvaḥ /
kiṃ tarhi ? pāṇiḥ pādaś ca abhidhīyate /
apaghātaḥ anyaḥ //


____________________________________________________________________


karaṇe 'yo-vidruṣu || PS_3,3.82 ||


_____START JKv_3,3.82:

hanaḥ iti vartate /
ayas vi dru ity eteṣu upapadeṣu hanteḥ dhātoḥ karaṇe kārake ap pratyayo bhavati, ghanādeśaś ca /
ayo hanyate anena iti ayoghanaḥ /
vighanaḥ /
drughanaḥ /
drughaṇaḥ iti kecid udāharanti /
kathaṃ ṇatvam ? arīhaṇādiṣu pāṭhāt /
pūrvapadāt sañjñāyām agaḥ (*8,4.3) iti vā //


____________________________________________________________________


stambe ka ca || PS_3,3.83 ||

_____START JKv_3,3.83:

karaṇe hanaḥ iti vartate /
stamba-śabde upapade karaṇe kārake hanteḥ kaḥ pratyayo bhavati /
cakārāt ap ca, tatra ghanādeśaḥ /
stambaghnaḥ, stambaghanaḥ /
striyāṃ stambaghnā, stambaghanā iti iṣyate /
karaṇe ity eva, stambaghātaḥ //


____________________________________________________________________


parau ghaḥ || PS_3,3.84 ||


_____START JKv_3,3.84:

karaṇe hanaḥ ity eva /
pari-śabde upapade anter dhātoḥ ap pratyayo bahvati karaṇe kārake, gha-śabdaś cādeśaḥ /
parihanyate anena iti parighaḥ /
palighaḥ //


____________________________________________________________________


upaghna āśraye || PS_3,3.85 ||


_____START JKv_3,3.85:

upa-pūrvāt hanteḥ ap pratyayaḥ upadhā-lopaś ca nipātyate āśraye 'bhidheye /
āśraya-śabdaḥ sāmīpyaṃ pratyāsattiṃ lakṣayati /
parvatopaghnaḥ /
grāmopaghnaḥ /
āśraye iti kim ? parvatopaghāta eva anyaḥ //

____________________________________________________________________


[#270]

saṅgha-udghau gaṇa-praśaṃsayoḥ || PS_3,3.86 ||


_____START JKv_3,3.86:

samudoḥ upapadayoḥ hanteḥ dhātoḥ ap pratyayo bhavati, ṭi-lopaḥ ghatvaṃ ca nipātyate, yathāsaṅkhyaṃ gaṇe 'bhidheye, praśaṃsāyāṃ gamyamānāyām /
saṅghaḥ paśūnām /
udgho manuṣyaḥ /
gaṇa-praśaṃsayoḥ iti kim ? saṅghātaḥ //


____________________________________________________________________


nigho nimitam || PS_3,3.87 ||


_____START JKv_3,3.87:

nighaḥ iti ni-pūrvād hanteḥ ap pratyayaḥ, ṭi-lopo ghatvam ca nipātyate, nimitaṃ ced abhidheyaṃ bhavati /
samantāt mitaṃ nimitam, samārohapariṇāham /
nighāḥ vr̥kṣāḥ /
nighāḥ śālayaḥ /
nimitam iti kim ? nighātaḥ //


____________________________________________________________________


ḍvitaḥ ktriḥ || PS_3,3.88 ||


_____START JKv_3,3.88:

bhāve 'kartari ca kārake iti vartate /
ḍu it yasya tasmād ḍvito dhātoḥ ktriḥ pratyayo bhavati /
trermam nityam (*4,4.20) iti vacanāt kevalo na prayujyate /
ḍupacaṣ pāke - paktrimam /
ḍuvap bījasantāne - uptrimam /
ḍukr̥ñ - kr̥trimam //


____________________________________________________________________


ṭvito 'thuc || PS_3,3.89 ||


_____START JKv_3,3.89:

ṭu it yasya, tasmāt ṭvito dhātoḥ athuc pratyayo bhavati bhāvādau /
ṭuvepr̥ kampane - vepathuḥ /
ṭuośvi gativr̥ddhyoḥ - śvayathuḥ /
ṭukṣu śabde - kṣavathuḥ //


____________________________________________________________________


yaja-yāca-yata-viccha-praccha-rakṣo naṅ || PS_3,3.90 ||


_____START JKv_3,3.90:

bhāve akartari ca kārake iti vartate /
yaja-ādibhyo dhātubhyo naṅ pratyayo bhavati /
ṅakāro guṇa-pratiṣedha-arthaḥ /
yajñaḥ /
yācñā /
yatnaḥ /
viśnaḥ /
praśnaḥ /
rakṣṇaḥ /
praccheḥ asamprasāraṇaṃ jñāpakāt praśne ca āsanna-kāle (*3,2.117) iti //


____________________________________________________________________


svapo nan || PS_3,3.91 ||


_____START JKv_3,3.91:

svaper dhātoḥ nan pratyayo bhavati /
nakaraḥ svara-arthaḥ /
svapnaḥ //


____________________________________________________________________


[#271]

upasarge ghoḥ kiḥ || PS_3,3.92 ||


_____START JKv_3,3.92:

bhāve akartari ca kārake iti vartate /
upasarge upapade ghu-sañjñakebhyaḥ dhātubhyaḥ kiḥ pratyayo bhavati /
kitkaraṇam āto lopa-artham /
pradiḥ /
pradhiḥ /
antardhiḥ //


____________________________________________________________________

karmaṇy adhikaraṇe ca || PS_3,3.93 ||


_____START JKv_3,3.93:

ghoḥ ity eva /
karmaṇy upapade ghu-sañjñakebhyo dhātubhyaḥ kiḥ pratyayo bhavati adhikaraṇe kārake /
jalaṃ dhīyate asmin iti jaladhiḥ /
śaradhiḥ /
adhikarana-grahaṇamarthāntaranirāsa-artham /
cakāraḥ pratyaya-anukarṣaṇa-arthaḥ //


____________________________________________________________________


striyāṃ ktin || PS_3,3.94 ||


_____START JKv_3,3.94:

bhāve akartari ca kārake ti vartate /
strīliṅge bhāvādau dhātoḥ ktin pratyayo bhavati /
ghañajapāmapavādaḥ /
kr̥tiḥ /
citiḥ /
matiḥ /
ktinnāvādibhyaś ca vaktavyaḥ /
ābādayaḥ prayogato 'nusartavyāḥ /
āptiḥ /
rāddhiḥ /
dīptiḥ /
srastiḥ /
dhvastiḥ /
labdhiḥ /
śruyajistubhyaḥ karaṇe /
śrūyate anayā iti śrutiḥ /
iṣṭiḥ /
stutiḥ /
glāmlājyāhābhyo niḥ /
glāniḥ /
mlāniḥ /
jyāniḥ /
hāniḥ /
r̥̄kāralvādibhyaḥ ktin niṣṭhāvad bhavati iti vaktavyam /
kīrṇiḥ /
gīrṇiḥ /
jīrṇiḥ /
śīrṇiḥ /
lūniḥ /
yūniḥ /
sampadādibhyaḥ kvip /
sampad /
vipad /
pratipad /
ktinn api iṣyate /
sampattiḥ /
vipattiḥ //


____________________________________________________________________


[#272]

sthā-gā-pāpaco bhāve || PS_3,3.95 ||


_____START JKv_3,3.95:

striyām iti vartate /
sthādibhyo dhātubhyaḥ strīliṅge bhāve ktin pratyayo bhavati /
aṅo 'pavādasya bādhakaḥ /
prasthitiḥ /
udgītiḥ /
saṅgītiḥ /
prapītiḥ /
iti jñāpakāt nātyantāya bādhā bhavati iti //


____________________________________________________________________


mantre vr̥ṣa-iṣa-paca-mana-vida-bhū-vī-rā udāttaḥ || PS_3,3.96 ||


_____START JKv_3,3.96:

bhāve striyām iti vartate /
mantre viṣaye vr̥ṣādibhyaḥ dhātubhyaḥ ktin pratyayo bhavati udāttaḥ /
prakr̥ti-pratyayayoḥ vibhakti-vipariṇāmena sambandhaḥ /
kasmād evaṃ kr̥tam ? vaicitrya-artham /
vr̥ṣṭiḥ /
iṣṭiḥ /
paktiḥ /
matiḥ /
vittiḥ /
bhūtiḥ /
vītiḥ /
rātiḥ /
sarvatra sarvadhātubhyaḥ sāmānyena vihita eva ktin /
udātta-arthaṃ vacanam /
iṣestu icchā (*3,3.101) iti nipātanaṃ vakṣyati, tataḥ ktinn api vidhīyate /
mantrād anyatra ādir udāttaḥ //


____________________________________________________________________


ūti-yūti-jūti-sāti-heti-kīrtayaś ca || PS_3,3.97 ||


_____START JKv_3,3.97:
mantre iti na anuvartate /
ūtyādayaḥ śabdā nipātyante /
udāttaḥ iti vartate /
avateḥ jvara-tvara-srivy-avi-mavām upadhāyāś ca (*6,4.20) iti ūṭḥ /
ūtiḥ /
svarārthaṃ vacanam /
yauter javateś ca yūtiḥ, jūtiḥ /
dīrdhātvam ca nipātyate /
sātiḥ /
syateḥ itvābhāvo nipātyate, sanoter vā jana-sana-khanāṃ sañjñāloḥ (*6,4.42) ity ātve kr̥te svarārthaṃ nipātanam /
hanter hinoter vā hetiḥ /
kīrtayateḥ kīrtiḥ //


____________________________________________________________________


vraja-yajor bhāve kyap || PS_3,3.98 ||


_____START JKv_3,3.98:

udāttaḥ ity eva /
vraja-yajoḥ dhātvoḥ strī-liṅge bhāve kyap pratyayo bhavati udāttaḥ /
ktino 'pavādaḥ /
vrajyā /
ijyā /
pitkaraṇam uttaratra tugartham //


____________________________________________________________________


sañjñāyāṃ sam-aja-niṣada-nipata-mana-vida-ṣuñ-śīṅ-bhr̥ñ-iṇaḥ || PS_3,3.99 ||


_____START JKv_3,3.99:

bhāve iti na svaryate /
pūrva eva atra arthādhikāraḥ /
samajādibhyo dhātubhyaḥ striyāṃ kyap pratyayo bhavati udāttaḥ sañjñāyāṃ viṣaye /
samajanti asyāmiti samajyā /

[#273]

niṣadyā /
nipatyā /
manyā /
vidyā /
sutyā /
śayyā /
bhr̥tyā /
ityā /
kathaṃ taduktam striyāṃ bhāvādhikāro 'sti tena bhāryā prasidhyati iti ? bhāvādhikāro bhāvavyāpāraḥ vācyatvena vivakṣitaḥ, na tu śāstrīyo 'dhikāraḥ //


____________________________________________________________________


kr̥ñaḥ śa ca || PS_3,3.100 ||


_____START JKv_3,3.100:

karoter dhātoḥ striyāṃ śaḥ pratyayo bhavati /
cakārāt kyap ca /
yogavibhāgo 'tra kartavyaḥ, ktinn api yathā syāt /
kriyā, kr̥tyā, kr̥tiḥ //


____________________________________________________________________


iccyā || PS_3,3.101 ||


_____START JKv_3,3.101:

iṣeḥ dhātoḥ śaḥ pratyayo yagabhāvaś ca nipātyate /
icchā /
paricaryāparisaryāmr̥gayāṭāṭyānām upasaṅkhyānam /
paricaryā /
parisaryā /
mr̥gayā /
aṭāṭyā /
jāgarter akāro vā /
jāgarā, jāgaryā //


____________________________________________________________________


a pratyayāt || PS_3,3.102 ||


_____START JKv_3,3.102:

pratyayāntebhyo dhātubhyaḥ stiryām akāraḥ pratyayo bhavati /
ktino 'pavādaḥ /
cikīrṣā /
jihīrṣā /
putrīyā /
putrakāmyā /
lolūyā /
kaṇḍūyā //


____________________________________________________________________


guroś ca halaḥ || PS_3,3.103 ||


_____START JKv_3,3.103:
halanto yo dhātuḥ gurumān, tataḥ striyām akāraḥ pratyayo bhavati /
ktino 'pavādaḥ /
kuṇḍā /
huṇḍā /
īhā /
ūhā /
guroḥ iti kim ? bhaktiḥ /
halaḥ iti kim ? nītiḥ //


____________________________________________________________________


ṣid-bhidādibhyo 'ṅ || PS_3,3.104 ||


_____START JKv_3,3.104:

ṣidbhyaḥ bhidādibhyaś ca striyām aṅ pratyayo bhavati /
gaṇapaṭhiteṣu bhidādiṣu niṣkr̥ṣya prakr̥tayo gr̥hyante /
jr̥̄ṣ - jarā /
trapūṣ - trapā /
bhidādibhyaḥ khalv api - bhidā /
chidā /
vidā /
kṣipā /
guhā giryoṣadhyoḥ /
śraddhā /
medhā /
godhā /
ārā /
hārā /
kārā /
kṣiyā /
tārā /
dhārā /
lekhā /
rekhā /
cūḍā /
pīḍa /
vapā /
vasā /
sr̥jā /
krapeḥ samprasāraṇaṃ ca - kr̥pā /
bhidā vidāraṇe /
bhittiḥ anyā /
chidā dvaidhīkaraṇe /
chittiḥ anyā /
ārā śastryām /
ārtiḥ anyā /
dhārā prapāte /
dhr̥tiḥ anyā //


____________________________________________________________________


[#274]

cinti-pūji-kathi-kumbi-carcaś ca || PS_3,3.105 ||


_____START JKv_3,3.105:

citi smr̥tyām, pūja pūjāyām, katha vākyaprabandhe, kubi ācchādane, carca adhyayane curādiḥ, ebhyo dhātubhyaḥ yuci prāpte striyām aṅ pratyayo bhavati /
cintā /
pūjā /
kathā /
kumbā /
carcā /
cakārāt yuc api bhavati /
cintanā //


____________________________________________________________________

ātaś ca+upasarge || PS_3,3.106 ||


_____START JKv_3,3.106:

ākārāntebhyaḥ upasarge upapade striyam aṅ pratyayo bhavati /
ktino 'pavādaḥ /
pradā /
upadā /
pradhā /
upadhā śradantaror upasargavad vr̥ttiḥ /
śraddhā /
antardhā //


____________________________________________________________________


ṇy-āsa-śrantho yuc || PS_3,3.107 ||


_____START JKv_3,3.107:

ṇyantebhyo dhātubhyaḥ, āsa śrantha ity etābhyām ca striyām yuc pratyayo bhavati /
akārasya apavādaḥ /
kāraṇā /
hāraṇā /
āsanā /
śranthanā /
katham āsyā ? r̥-halor ṇyat (*3,1.124) bhaviṣyati /
vāsarūpa-pratiṣedhaś ca strīprakaraṇa-viṣayasya+eva+utsarga-apavādasya /
śranthiḥ kryādirgr̥hyate śrantha vimocanapratiharṣayoḥ iti , na curādiḥ śrantha grantha sandarbhe iti /
ṇyantatvena+eva siddhatvāt /
ghaṭṭivandividhibhya upasaṅkhyānam /
ghaṭṭanā /
vandanā /
vedanā /
ghaṭṭeḥ bhauvādikasya grahaṇaṃ ghaṭṭa calane iti, na cuarādikasya, tasya ṇeḥ ity eva siddhatvāt /
iṣeranicchārthasya yuj vaktavyaḥ /
adhyeṣaṇā /
anveṣanā /
parervā /
paryeṣanā, parīṣṭiḥ //


____________________________________________________________________


[#275]

roga-ākhyāyaṃ ṇvul bahulam || PS_3,3.108 ||


_____START JKv_3,3.108:

rogākhyāyāṃ gamyamānāyāṃ dhātoḥ ṇvul pratyayo bahulaṃ bhavati /
ktinnādīnām apavādaḥ /
ākhyā-grahaṇaṃ rogasya cet pratyayāntena sañjñā bhavati /
bahula-grahaṇaṃ vyabhicara-artham /
pracchardikā /
pravāhikā /
vicarcikā /
na ca bhavati /
śirortiḥ /
dhātvartha-nirdeśe ṇvul vaktavyaḥ /
āśikā /
śāyikā vartate /
ikśtipau dhātu-nirdeśe /
bhidiḥ /
chidiḥ /
pacatiḥ /
paṭhatiḥ /
varṇāt kāraḥ /
nirdeśa iti prakr̥tam /
akāraḥ /
ikāraḥ /
rādiphaḥ /
rephaḥ /
matvarthāc chaḥ /
akāralopaḥ /
matvarthīyaḥ /
iṇajādibhyaḥ /
ājiḥ /
ātiḥ /
ādiḥ /
ik kr̥ṣyādibhyaḥ /
kr̥ṣiḥ /
kiriḥ //


____________________________________________________________________


sañjñāyām || PS_3,3.109 ||


_____START JKv_3,3.109:

sañjñāyāṃ viṣaye dhātoḥ ṇvul pratyayo bhavati /
uddālakapuṣpabhañjikā /
varaṇapuṣpapracāyikā /
abhyūṣakhādikā /
ācoṣakhādikā /
śālabhañjikā /
tālabhañjikā //


____________________________________________________________________


[#276]

vibhā-āṣakhyāna-paripraśnayor iñ ca || PS_3,3.110 ||

_____START JKv_3,3.110:

pūrvaṃ paripraśnaḥ, paścādākhyānam /
sūtre 'lpāctarasya pūrvanipātaḥ /
paripraśne ākhyāne ca gamyamāne dhatoḥ iñ pratyayo bhavati, cakārāt ṇvul api /
vibhāṣa-grahaṇāt paro 'pi yaḥ prāpnoti, so 'pi bhavati /
kāṃ tvaṃ kārimakārṣīḥ, kāṃ kārikām akārṣīḥ, kāṃ kriyāmakārṣīḥ, kāṃ kr̥tyāmakārṣīḥ, kā kr̥timakārṣīḥ ? sarvāṃ kārimakārṣam, sarvāṃ kārikām akārṣam, sarvāṃ kriyāmakārṣam, sarvāṃ kr̥tyāmakārṣam, sarvāṃ kr̥timakārṣam /
kāṃ gaṇimajīgaṇaḥ, kāṃ gaṇikāmajīgaṇaḥ, kāṃ gaṇanāmajīgaṇaḥ ? sarvāṃ gaṇimajīgaṇam, sarvāṃ gaṇikām, sarvāṃ gaṇanām /
evaṃ kāṃ yājim, kāṃ yājikām, kāṃ yācim, kāṃ yacikām, kāṃ pācim, kāṃ pācikām kāṃ pacām, kāṃ paktim, kāṃ pāṭhim, kāṃ pāṭhikām, kāṃ paṭhitim iti draṣṭavyam /
ākhyānaparipraśnayoḥ iti kim ? kr̥tiḥ /
hr̥tiḥ //


____________________________________________________________________


paryāya-arha-rṇa-utpattiṣu ṇvuc || PS_3,3.111 ||


_____START JKv_3,3.111:

paryāyaḥ paripāṭīkramaḥ /
arhaṇamarhaḥ, tadyogyatā /
r̥ṇaṃ tat yat parasya dhāryate /
utpattiḥ janma /
eteṣv artheṣu dhātoḥ ṇvuc pratyayo bhavati /
ktinnādīnām apavādaḥ /
paryāye tāvat - bhavataḥ śāyikā /
bhavato 'gragrāsikā /
arhe - arhati bhavān ikṣubhakṣikām /
r̥ṇe - ikṣubhakṣikāṃ me dharayasi /
odanabhojikām /
payaḥpāyikām /
utpattau - ikṣubhakṣikā me udapādi /
odanabhojikā /
payaḥpāyikā /
vibhāṣā ity eva, cikīrṣā utpadyate /
ṇvuli prakr̥te pratyayāntarakaranaṃ svara-artham //

____________________________________________________________________


ākrośe nañy atiḥ || PS_3,3.112 ||


_____START JKv_3,3.112:

vibhāṣā iti nivr̥ttam /
ākrośaḥ śapanam /
ākrośe gamyamāne nañi upapade dhātoḥ aniḥ pratyayo bhavati /
ktinnādīnām apavādaḥ /
akaraṇiste vr̥ṣala bhūyāt /
ākrośe iti kim ? akr̥tistasya kaṭasya /
nañi iti kim ? mr̥tiste vr̥ṣala bhūyāt //


____________________________________________________________________


kr̥tya-lyuṭo bahulam || PS_3,3.113 ||


_____START JKv_3,3.113:

bhāve, akartari ca kārake iti nivr̥tam /
kr̥tya-sañjñakāḥ pratyayāḥ lyuṭ ca bhaulam artheṣu bhavanti /
yatra vihitās tato 'nyatra api bhavanti /
bhāvakarmaṇoḥ kr̥tyā vihitāḥ kārakāntare 'pi bhavanti /
snānīyaṃ cūrṇam /
dānīyo brāhmaṇaḥ /
karaṇa-adhikaraṇayoḥ bhāve ca lyuṭ /
anyatra api bhavati /
apasecanam /
avasrāvaṇam /
rājabhojanāḥ śālayaḥ /
rājācchādanāni vāsāṃsi /
praskandanam /
prapatanam /
bahula-grahaṇād anye 'pi kr̥taḥ yathāprāptam abhidheyaṃ vyabhicaranti /
pādābhyāṃ hriyate pādahārakaḥ /
gale copyate galecopakaḥ //


____________________________________________________________________


[#277]

napuṃsake bhāve ktaḥ || PS_3,3.114 ||


_____START JKv_3,3.114:

napuṃsaka-liṅge bhāve dhatoḥ ktaḥ pratyayo bhavati /
hasitam /
sahitam /
jalpitam //


____________________________________________________________________


lyuṭ ca || PS_3,3.115 ||


_____START JKv_3,3.115:

napuṃsaka-liṅge bhāve dhātoḥ lyuṭ pratyayo bhavati /
hasanaṃ chātrasya /
śobhanam /
jopanam /
śayanam /
āsanam /
yogavibhāga uttarārthaḥ //

____________________________________________________________________


karmaṇi ca yena saṃsparśāt kartuḥ śarīra-sukham || PS_3,3.116 ||


_____START JKv_3,3.116:

yena karmaṇā saṃspr̥śyamānasya kartuḥ śarīra-sukham utpadyate, tasmin karmaṇi upapade dhatoḥ napuṃsaka-liṅge bhāve lyuṭ pratyayo bhavati /
pūrveṇa+eva siddhe pratyaye nityasamāsa-arthaṃ vacanam /
upapada-samāso hi nityaḥ samāsaḥ /
payaḥpānaṃ sukham /
odanabhojanaṃ sukham /
karmaṇi iti kim ? tūlikāyā utthānaṃ sukham /
saṃsparśāt iti kim ? agnikuṇḍasya upāsanaṃ sukham /
kartuḥ iti kim ? guroḥ snāpanaṃ sukham /
snāpayateḥ na guruḥ kartā, kiṃ tarhi, karma /
śarīragrahaṇaṃ kim ? putrasya pariṣvajanaṃ sukham /
sukhaṃ mānasī prītiḥ /
sukham iti kim ? kaṇṭkānāṃ mardanaṃ duḥkham /
sarvatrāsamāsaḥ pratyudāhriyate //


____________________________________________________________________


karaṇa-adhikaraṇayoś ca || PS_3,3.117 ||


_____START JKv_3,3.117:

karaṇe 'dhikaraṇe ca kārake dhātoḥ lyuṭ pratyayo bhavati /
idhmapravraścanaḥ /
palāśaśātanaḥ /
adhikarane - godohanī /
saktudhānī //

____________________________________________________________________


puṃsi sañjñāyāṃ ghaḥ prāyeṇa || PS_3,3.118 ||


_____START JKv_3,3.118:

karana-adhikaranayoḥ ity eva /
puṃliṅgayoḥ karaṇa-adhikaranayor abhidheyayoḥ dhātoḥ ghaḥ pratyayo bhavati samudāyena cet sañjñā gamyate /
prāyagrahaṇam akārtsnya-artham /
dantacchadaḥ /
uraśchadaḥ paṭaḥ /
adhikaraṇe khalv api - etya tasmin kurvanti iti ākaraḥ /
ālayaḥ /
puṃsi iti kim ? prasādhanam /
sañjñāyām iti kim ? praharaṇo daṇḍaḥ /
ghakāraḥ chander ghe 'dvy-upasargasya (*6,4.96) viśeṣaṇa-arthaḥ //


____________________________________________________________________


[#278]

gocara-sañcara-vaha-vraja-vyaja-āpaṇa-nigamāś ca || PS_3,3.119 ||


_____START JKv_3,3.119:

gocarādayaḥ śabdāḥ gha-prayayāntā nipātyante pūrvasminn eva arthe /
halaś ca (*3,3.121) /
iti ghañaṃ vakṣyati, tasya ayam apavādaḥ /
gāvaś caranti asmin iti gocaraḥ /
sañcarante anena iti sañcaraḥ /
vahanti tena vahaḥ /
vrajanti tena vrajaḥ /
vyajanti tena vyajaḥ /
nipātanāt ajer vyaghañapoḥ (*2,4.56) iti vībhāvo na bhavati /
etya tasminn āpaṇante ity āpaṇaḥ /
nigacchanti tasmin iti nigamaḥ /
cakāro 'nukt-asamuccaya-arthaḥ /
kaṣaḥ /
nikaṣaḥ //


____________________________________________________________________


ave tr̥̄-stror ghañ || PS_3,3.120 ||


_____START JKv_3,3.120:

ave upapade tarateḥ str̥ṇāteś ca dhātoḥ karana-adhikaraṇayoḥ sañjñāyām ghañ pratyayo bhavati /
ghasyāpavādaḥ /
ñakāro vr̥ddhy-arthaḥ svarārthaś ca /
ghakāraḥ uttaratra kutva-arthaḥ /
avatāraḥ /
avastāraḥ /
katham avatāro nadyāḥ, na hīyaṃ sajñā ? prāya-anuvr̥tteḥ asañjñāyām api bhavati //


____________________________________________________________________


halaś ca || PS_3,3.121 ||


_____START JKv_3,3.121:

puṃsi saññāyām, karaṇa-adhikaraṇayoś ca iti sarvam anuvartate /
halantād dhātoḥ karaṇa-adhikaraṇayoḥ ghañ pratyayo bhavati /
ghasya apavādaḥ /
lekhaḥ /
vedaḥ /
veṣṭaḥ /
vandhaḥ /
mārgaḥ /
apāmārgaḥ /
vīmārgaḥ //


____________________________________________________________________


adhyāya-nyāya-udyāva-saṃhāra-ādhāra-āvāyāś ca || PS_3,3.122 ||


_____START JKv_3,3.122:

adhyāya-ādayaḥ śabdāḥ ghañantā nipātyante /
puṃsi sañjñāyāṃ ghe prāpte ghañ vidhīyate /
ahalanta-artha ārambhaḥ /
adhīyate asmin iti adhyāyaḥ /
nīyata anena iti nyāyaḥ /
udyuvanti asmin iti udyāvaḥ /
saṃhriyante 'nena iti saṃhāraḥ /
āghriyante asmin iti ādhāraḥ /
āvayanti asminn iti āvāyaḥ /
cakāro 'nuktas-amuccaya-arthaḥ /
avahāraḥ //


____________________________________________________________________


[#279]

udaṅko 'nudake || PS_3,3.123 ||


_____START JKv_3,3.123:

udaṅka iti nipātyate anudaka-viṣayaś ced dhātv-artho bhavati /
utpūrvād añcateḥ ghañ nipātyate /
nanu ca halaś ca (*3,3.121) /
iti siddha eva ghañ ? udake pratiṣedha-artham idaṃ vacanam /
tailodaṅkaḥ /
anudake iti kim ? udakodañcanaḥ /
ghaḥ kasmān na pratyudāhriyate ? viśeṣābhāvāt /
ghañy api thāthādisvarena antodātta eva //


____________________________________________________________________


jālam ānāyaḥ || PS_3,3.124 ||


_____START JKv_3,3.124:

ānāyaḥ iti nipātyate jālaṃ cet tad bhavati /
āṅ-pūrvāt nayateḥ karane ghañ nipātyate /
ānāyo matsyānām /
ānāyo mr̥gāṇām //


____________________________________________________________________


khano gha ca || PS_3,3.125 ||


_____START JKv_3,3.125:

khanateḥ dhātoḥ karaṇa-adhikaraṇayoḥ ghaḥ pratyayo bhavati /
cakārāt ghañ ca /
ākhanaḥ, ākhānaḥ /
ḍo vaktavyaḥ /
ākhaḥ /
ḍaro vaktavyaḥ /
ākharaḥ /
iko vaktavyaḥ /
ākhanikaḥ /
ikavako vaktavyaḥ /
ākhanikavakaḥ //


____________________________________________________________________


īṣad-duḥ-suṣu kr̥cchra-akr̥ccra-artheṣu khal || PS_3,3.126 ||


_____START JKv_3,3.126:

karaṇa-adhikaraṇayoḥ iti nivr̥ttam /
īṣat dus su ity eteṣu upapadeṣu kr̥cchrākr̥cchra-artheṣu dhatoḥ khal pratyayo bhavati /
kr̥cchraṃ duḥkham, tad duro viśeṣaṇam /
akr̥cchraṃ sukham, taditarayoḥ viśeṣanam, sambhavāt /
īṣatkaro bhavatā kaṭaḥ /
duṣkaraḥ /
sukaraḥ /
īṣadbhojaḥ /
durbhojaḥ /
subhojaḥ /
īṣadādiṣu iti kim ? kr̥cchreṇa kāryaḥ kaṭaḥ /
kr̥cchrākr̥cchra-artheṣu iti kim ? īṣatkāryaḥ /
lakāraḥ svara-arthaḥ /
khit-karaṇam uttarakra mumartham //


____________________________________________________________________


[#280]

kartr̥-karmaṇoś ca bhū-krñoḥ || PS_3,3.127 ||

_____START JKv_3,3.127:

bhavateḥ karoteś ca dhātoḥ yathāsaṅkhyaṃ kartari karmaṇi ca+upapade, cakārād īṣadādiṣu ca khal pratyayo bhavati /
īṣadāḍhyambhavaṃ bhavatā /
durāḍhyambhavam /
īṣadāḍhyaṅkaraḥ /
svāḍhyaṅkaro devadatto bhavatā /
kartr̥-karmaṇoś cvy-arthayor iti vaktavyam /
iha mā bhūt, svāḍhyena bhūyate //


____________________________________________________________________


āto yuc || PS_3,3.128 ||


_____START JKv_3,3.128:

īṣadādayo 'nuvartante /
kartr̥-karmaṇoḥ iti na svaryate /
kr̥cchrākr̥cchra-artheṣu īṣadādiṣu upapadeṣu ākārāntebhyo dhatubhyaḥ yuc pratyayo bhavati /
khalo 'pavādaḥ /
īṣatpānaḥ somo bhavatā /
duṣpānaḥ /
supānaḥ /
īṣaddāno gaurbhavatā /
durdānaḥ /
sudānaḥ //


____________________________________________________________________


chandasi gaty-arthebhyaḥ || PS_3,3.129 ||


_____START JKv_3,3.129:
īṣadādisu kr̥cchrākr̥cchra-artheṣu upapadeṣu gaty-arthebhyo dhātubhyaḥ chandasi viṣaye yuc pratyayo bhavati /
khalo 'pavādaḥ /
sūpasadano 'gniḥ /
sūpasadanam antarikṣam //


____________________________________________________________________


anyebhyo 'pi dr̥śyate || PS_3,3.130 ||


_____START JKv_3,3.130:

anyebhyo 'pi dhātubhyaḥ gaty-arthebhyaḥ chandasi viṣaye yuc pratyayo dr̥śyate /
sudohanāmakr̥ṇod brahmaṇe gām /
suvedanāmakr̥ṇorbrahmaṇe gām /
bhāṣāyāṃ śāsiyudhidr̥śidhr̥ṣimr̥ṣibhyo yujvaktavyaḥ /
duḥśāsanaḥ /
duryodhanaḥ /
durdarśanaḥ /
durdharṣaṇaḥ /
durmarṣaṇaḥ //


____________________________________________________________________


vartamāna-sāmīpye vartamānavad vā || PS_3,3.131 ||


_____START JKv_3,3.131:

samīpam eva sāmīpyam /
ṣyañaḥ svārthikatvaṃ jñāpyate cāturvarṇyādi-siddhy-artham /
vartamāna-samīpe bhūte bhaviṣyati ca vartamānād dhātoḥ vartamānavat pratyayā vā bhavanti /
vartamane laṭ (*3,2.123) ity ārabhya yāvad uṇādayo bahulam (*3,3.1) iti vartāmāne pratyayā uktāḥ, te bhūta-bhaviṣyator vidhīyante /

[#281]

kadā devadatta āgato 'si ? ayam āgacchāmi /
āgacchantam eva māṃ viddhi /
ayam āgamam /
eṣo 'smi āgataḥ /
kadā devadatta gamiṣyasi ? eṣa gacchāmi /
gacchantam eva mā viddhi /
eṣa gamiṣyāmi /
gantāsmi /
vatkaraṇaṃ sarvasādr̥̄śya-artham /
yena viśeṣaṇena vartamāne pratyayāḥ vihitāḥ prakr̥tyopapadopādhinā tathā+eva atra bhavanti /
pavamānaḥ /
yajamānaḥ /
alaṅkariṣṇuḥ /
sāmīpya-grahaṇaṃ kim ? viprakarṣa-vivakṣāyāṃ mā bhūt, parudagacchat pāṭaliputram /
varṣeṇa gamiṣyati /
yo manyate gacchāmi iti padaṃ vartamāne kāle eva vartate, kālāntaragatis tu vākyād bhavati, na ca vākyagamyaḥ kālaḥ padasaṃskāravelāyām upayujyate iti tādr̥śaṃ vākyārtha-pratipattāraṃ prati prakaraṇam idaṃ nārabhyate /
tathā ca śvaḥ kariṣyati, varṣeṇa gamiṣyati iti sarvam upapadyate //


____________________________________________________________________


āśaṃsāyāṃ bhūtavac ca || PS_3,3.132 ||


_____START JKv_3,3.132:

vā ity eva /
vartamāna-samīpye iti na anuvartate /
āśaṃsanam āśaṃsā, aprāptasya priyārthasya prāptum icchā /
tasyāś ca bhaviṣyatkālo viṣayaḥ /
tatra bhaviṣyati kāle āśaṃsāyāṃ gamyamānāyāṃ dhātoḥ vā bhūtavat pratyayā bhavanti, cakārād vartamānavac ca /
upādhyāyaś ced āgamat, āgataḥ, āgacchati, āgamiṣyati, ete vyākaraṇam adhyagīṣmahi, ete vyākaraṇam adhītavantaḥ, adhīmahe, adhyeṣyāmahe /
sāmānya-atideśe viśeṣānatideśāl laṅ-liṭau na bhavataḥ /
āśaṃsāyām iti kim ? āgamiṣyati //

____________________________________________________________________


kṣipra-vacane lr̥ṭ || PS_3,3.133 ||


_____START JKv_3,3.133:

āśaṃsāyām it yeva /
kṣipravacane upapade āśaṃsāyāṃ gamyamānāyāṃ dhātoḥ lr̥ṭ pratyayo bhavati /
bhūtavac ca ity asya ayam apavādaḥ /
upādhyāyaś cet kṣipram āgamiṣyati, kṣipraṃ vyākaraṇam adhyeṣyāmahe /
vacana-grahaṇaṃ paryāya-artham /
kṣipram, śīghram, āśu, tvaritam, adhyeṣyāmahe /
na iti vaktavye lr̥ḍ-grahaṇaṃ luṭo 'pi viṣaye yathā syāt /
śvaḥ kṣipram adhyeṣyamahe //


____________________________________________________________________


āśaṃsā-vacane liṅ || PS_3,3.134 ||


_____START JKv_3,3.134:

āśaṃsā yena+ucyate tad āśaṃsāvacanam /
tasminn upapade dhātor liṅ pratyayo bhavati bhūtavac ca ity asya ayam apavādaḥ /
upādhyāyaś ced āgacchet, āśaṃse yukto 'dhīyīya /
āśaṃse avakalpaye yukto 'dhīyīya /
āśaṃse kṣipram adhīyīya //


____________________________________________________________________


[#282]

na anadyatanavat kriyāprabandha-sāmīpyayoḥ || PS_3,3.135 ||


_____START JKv_3,3.135:

bhūtānadyatane bhaviṣyadanadyatane ca laṅ-luṭau vihitau, tayor ayaṃ pratiṣedhaḥ /
anadyatanavat pratyaya-vidhir na bhavati kriyāprabandhe sāmīpye ca gamyamāne /
kriyāṇāṃ prabandhaḥ sātatyenānuṣṭhānam /
kālānāṃ sāmīpyaṃ tulyajātīyenāvyavadhānam /
yāvajjīvaṃ bhr̥śamannamadāt /
bhr̥śamannaṃ dāsyati /
yāvajjīvaṃ putrānadhyāpipat /
yāvajjīvamadhyāpayiṣyati /
sāmīpye khalv api - yeyaṃ paurṇamāsyatikrāntā, etasyāmupādhyāyo 'gnīnādhita, somenāyaṣṭa, gāmadita /
yeyamamāvāsyā āgāminī, etasyāmupādhyāyo 'gnīnādhāsyate, somena yakṣyate, sa gāṃ dāsyate /
dvau pratiṣedhau yathāprāptasya abhyanujñāpanāya //


____________________________________________________________________


bhaviṣyati maryādā-vacane 'varasmin || PS_3,3.136 ||


_____START JKv_3,3.136:

nānadyatanavat iti vartate /
akriya-prabandha-artham, asāmīpyārthaṃ ca vacanam /
bhaviṣyati kāle maryādā-vacane satyavarasmin pravibhāge 'nadyatanavat pratyaya-vidhir na bhavati /
yo 'yamadhvā gantavya āpāṭaliputrāt, tasya yadavaraṃ kauśāmbyāḥ, tatra dvirodanaṃ bhokṣyāmahe, tatra saktūn pāsyāmaḥ /
bhaviṣyati iti kim ? yo 'yamadhvā gataḥ āpāṭaliputrāt, tasya yadavaraṃ kauśāmbyāḥ, tatra yuktā adhyaimahi, tatra dvirodanam abhuñjmahi, tatra saktūnapibāma /
maryādāvacane iti kim ? yo 'yamadhvā niravadhiko gantavyaḥ, tasya yadavaraṃ kauśāmbyāḥ, tatra dvirodanaṃ bhoktāsmahe, saktūn pātā smaḥ /
avarasmin iti kim ? yo 'yamadhvā gantavyaḥ āpāṭaliputrāt, tasya yatparam kauśāmbyāḥ, tatra dvirodanaṃ bhoktāsmahe, tatra saktūn pātāsmaḥ /
iha sūtre deśakr̥tā maryādā, uttaratra kālakr̥tā /
tatra ca viśeṣaṃ vakṣyati //


____________________________________________________________________

kāla-vihbhāge ca anahorātrāṇām || PS_3,3.137 ||


_____START JKv_3,3.137:

bhaviṣyati maryādā-vacane 'varasmin iti vartate /
kālamaryādāvibhāge satyavarsmin pravibhāge bhaviṣyati kāle 'nadyatanavat pratyayavidhirna bhavati, na ced aho-rātra-sambhandhī vibhāgaḥ, taisteṣāṃ ca vibhāge pratiṣedhaḥ /
pūrveṇa+eva siddhe vacanam idam aho-rātra-niṣedha-artham /
yoga-vibhāga uttarārthaḥ /
yo 'yaṃ saṃvatsara āgāmī, tatra yadavaramāgrahāyaṇyāḥ, tatra yuktā adhyeṣyāmahe, tatraudanaṃ bhokṣyāmahe /
bhaviṣyati ity eva /
yo 'yaṃ vatsaro 'tītaḥ, tasya yadavaramāgrahāyaṇyāḥ, tatra yuktā adhyaimahi, tatraudanamabhuñjamahi /
maryādāvacane ity eva /
yo 'yaṃ niravadhikaḥ kāla āgāmī, tasya yadavaramāgrahāyaṇyāḥ, tatra yuktā adhyetāsmahe, tatraudanaṃ bhoktāsmahe /
avarasmin ity eva /
parasmin vibhāṣāṃ vakṣyati /
aho-rātrāṇām iti kim ? trividham udāharaṇam - yo 'yaṃ māsa āgāmī, tasya yo 'varaḥ pañcadaśarātraḥ, yo 'yaṃ triṃśadrātra āgāmī, tasya yo 'varo 'rdhamāsaḥ, yo 'yaṃ triṃśadahorātra āgāmī, tasya yo 'varaḥ pañcadaśa-rātraḥ, tatra yuktā adhyetāsamahe, tatra saktūn pātāsmaḥ /
sarvathā ahorātrasparśe pratiṣedhaḥ //


____________________________________________________________________


[#283]

parasmin vibhāṣā || PS_3,3.138 ||


_____START JKv_3,3.138:

bhaviṣyati maryādā-vacane kālavibhāge ca anahorātrāṇām iti sarvam anuvartate /
kālamaryādāvibhāge sati bhavisyati kāle parasmin pravibhāge vibhāṣā anadyatanavat pratyayavidhir na bhavati, na ced aho-rātra-sambandhī pravibhāgaḥ /
avarasmin varjaṃ pūrvam anuvartate /
avarasmin pūrveṇa pratiṣedha uktaḥ, samprati parasminn aprāpta eva vikalpa ucyate /
yo 'yaṃ saṃvatsara āgāmī, tasya yat paramāgrahāyaṇyāḥ tatra yuktā adhyeṣyāmahe, adhyetāsmahe, tatra saktūn pāsyāmaḥ, tatra saktūn pātāsmaḥ /
anahorātrāṇām ity eva /
yo 'yaṃ triṃśadrātra āgāmī, tasya yaḥ paraḥ pañcadaśa-rātraḥ, tatra yuktā adhyetāsmahe, tatra saktūn pātāsmaḥ /
bhaviṣyati ity eva /
yo 'yaṃ saṃvatsaro 'tītaḥ, tasya yat paramāgrahāyaṇyāḥ, tatra yuktā adhyaimahi, tatraudanamabhuñjmahi /
maryādāvacane ity eva /
yo 'yaṃ saṃvatsaro niravadhikaḥ kāla agāmī, tasya yat pramāgrahāyaṇyāḥ, tatra yuktā adhyetāsmahe, tatra saktūn pātāsmaḥ /
kāla-vibhāge ity eva /
yo 'yamadhvā gantavya āpāṭaliputrāt, tasya yat paraṃ kauśāmbyāḥ, tatra yuktā adhyetāsmahe, odanaṃ bhoktāsmahe /
iti sarvatra anadyatanavat pratyayā udāhāryāḥ //


____________________________________________________________________


liṅ-nimitte lr̥ṅ kriyā-atipattau || PS_3,3.139 ||


_____START JKv_3,3.139:

bhaviṣyati ity anuvartate /
hetu-hetumator liṅ (*3,3.156) ity evam ādikaṃ liṅo nimittam /
tatra liṅ-nimitte bhaviṣyati kāle lr̥ṅ pratyayo bhavati kriyātipattau satyām /
kutaścid vaiguṇyād anabhinirvr̥ttiḥ kriyāyāḥ kriyātipattiḥ /
dakṣiṇena ced āyāsyan na śakaṭaṃ paryabhavisyat /
yadi kamalakamāhvāsyan na śakaṭaṃ paryābhaviṣyat /
abhokṣyata bhavān ghr̥tena yadi matsamīpamāgamiṣyat /
bhaviṣyat kāla-viṣayam etad vacanam /
bhavisyad aparyābhavanaṃ ca hetumat, tatra hetubhūtaṃ ca kamalakāhvānam /
liṅgiliṅge buddhavā tadatipattiṃ ca pramāṇāntarād avagamya vaktā vākyaṃ prayuṅkte, yadi kamalakamāhvāsyanna śakṭaṃ paryābhaviṣyat iti /
hetuhetumator āhvānāparyābhavanayoḥ bhaviṣyat kāla-viṣayayoḥ atipattiḥ ito vākyād avagamyate //


____________________________________________________________________


bhūte ca || PS_3,3.140 ||


_____START JKv_3,3.140:

liṅ-nimitte lr̥ṅ kriya-atipattau iti sarvam anuvartate /
pūrvena bhaviṣyati vihitaḥ samprati bhūte vidhīyate /
bhūte ca kāle liṅ-nimitte kriya-atipattau satyāṃ lr̥ṅ pratyayo bhavati /
uta-apyoḥ samarthayor liṅ (*3,3.152) ity ārabhya liṅ-nimitteṣu vidhānam etat /
prāk tato vikalpaṃ vakṣyati /
dr̥ṣṭo mayā bhavatputro 'nnārthī caṅkramyamāṇaḥ, aparaś ca dvijo brāhmaṇārthī, yadi sa tena dr̥ṣṭo 'bhaviṣyat, tadā abhikṣyata /
na tu bhuktavān, anyena pathā sa gataḥ //


____________________________________________________________________


[#284]

vā-ū-uta-apyoḥ || PS_3,3.141 ||


_____START JKv_3,3.141:

bhūte liṅ-nimitte lr̥ṅ kriya-atipattau iti sarvam anuvartate /
vā ā uta-apyoḥ votāpyoḥ /
maryādāyām ayam āṅ, na abhividhau /
uta-apyoḥ samarthayor liṅ (*3,3.152) iti vakṣyati /
prāgetasmāt sūtrāvadheḥ yadita ūrdhvam anukramiṣyāmaḥ, tatra bhūte liṅ-nimitte kriya-atipattau lr̥ṅ vā bhavati ity etad adhikr̥taṃ veditavyam /
vakṣyati, vibhāṣā kathami liṅ ca (*3,3.143) - kathaṃ nāma tatra bhavān vr̥ṣalam ayājayiṣyat /
yathāprāptaṃ ca - yājayet //


____________________________________________________________________


garhāyāṃ laḍ-api-jātvoḥ || PS_3,3.142 ||


_____START JKv_3,3.142:

garhā kutsā ity anarthāntaram /
garhāyāṃ gamyamānāyām api-jātvoḥ upapadayoḥ dhātoḥ laṭ pratyayo bhavati /
vartamane laṭ uktaḥ kāla-sāmānye na prāpnoti iti vidhīyate /
kālaviśeṣa-vihitāṃś ca api pratyayān ayaṃ paratvād asmin viṣaye vādhate /
api tatrabhavān vr̥ṣalaṃ yājayati, jātu tatrabhavān vr̥ṣalaṃ yājayati, gargāmahe, aho anyāyyam etad /
liṅ-nimittābhāvād iha kriya-atipattau lr̥ṅ na bhavati //


____________________________________________________________________


vibhāṣa kathami liṅ ca || PS_3,3.143 ||


_____START JKv_3,3.143:

garhāyām iti vartate /
kathami upapade garhāyāṃ gamyamānāyaṃ dhātoḥ liṅ pratyayo bhavati, cakārāl laṭ ca /
vibhāṣā-grahaṇaṃ yathāsvaṃ kāla-viṣaye vihitānām abādhana-artham /
kathaṃ nāma tatrabhavān vr̥ṣalaṃ yājayet, kathaṃ nāma tatrabhavān vr̥ṣalaṃ yājayati /
kathaṃ nāma tatrabhavān vr̥ṣalaṃ yājayiṣyati /
kathaṃ nāma tatrabhavān vr̥ṣalaṃ yājayitā /
kathaṃ nāma tatrabhavān vr̥ṣalaṃ yājayet /
kathaṃ nāma tatrabhavān vr̥ṣalam ayājayat /
kathaṃ nāma tatrabhavān vr̥ṣalaṃ yāyajāṃ cakāra /
atra liṅ-nimittam asti iti bhūta-vivakṣāyāṃ kriya-atipattau vā lr̥ṅ /
bhaviṣyad vivakṣāyāṃ sarvatra nityena+eva lr̥ṅā bhavitavyam //


____________________________________________________________________


kiṃvr̥tte liṅ-lr̥ṭau || PS_3,3.144 ||


_____START JKv_3,3.144:

garhāyām ity eva vibhāṣā na svaryate /
kiṃvr̥tte upapade garhāyāṃ gamyamānāyāṃ dhātoḥ liṅ-lr̥ṭau pratyayau bhavataḥ /
sarvalakārāṇām apavādaḥ /
liṅ-grahaṇaṃ laṭo 'parigraha-artham /
ko nāma vr̥ṣalo yaṃ tatrabhavān yājayet, yaṃ tatrabhavān vr̥ṣalaṃ yājayiṣyati /
kataro nāma, katamo nāma yāṃ tatrabhavān vr̥ṣalaṃ yājayet, yājayiṣyati /
bhūte kriyātipattau vā lr̥ṅ /
bhaviṣyati tu nityam /
ko nāma vr̥ṣalo yaṃ tatrabhavān ayājayiṣyat //


____________________________________________________________________


[#285]

anavaklr̥pty-amarṣayor akiṃvr̥tte 'pi || PS_3,3.145 ||


_____START JKv_3,3.145:

garhāyām iti nivr̥ttam /
anavaklr̥ptiḥ asambhāvanā /
amarṣaḥ akṣamā /
kiṃvr̥tte 'kiṃvr̥tte ca+upapade anavaklr̥pty-amarṣayoḥ dhātoḥ liṅ-lr̥ṭau pratyayau bhavataḥ /
sarva-lakārāṇām apavādaḥ /
bahvacaḥ pūrvanipāto lakṣaṇavyabhicāracihnam /
tena yathāsaṅkhyaṃ na bhavati /
anavaklr̥ptau tāvat - na avakalpayāmi, na sambhāvayāmi, na śraddadhe tatrabhavān nāma vr̥ṣalaṃ yājayet, tatrabhavān nāma vr̥ṣalaṃ yājayiṣyati /
ko nāma vr̥ṣalo yaṃ tatrabhavān vr̥ṣalaṃ yājayet, ko nāma tatrabhavān vr̥ṣalaṃ yājayiṣyati /
amarṣe - na marṣayāmi tatrabhavān vr̥ṣalaṃ yājayet, yājayiṣyati /
ko nāma vr̥ṣalo yaṃ tatrabhavān yājayet, yājayiṣyati /
bhūta-vivakṣāyāṃ tu kriya-atipattau vā lr̥ṅ bhavati /
bhaviṣyati nityam /
na avakalpayāmi tatrabhavān nāma vr̥ṣalam ayājayiṣyat //


____________________________________________________________________


kiṃkila-asty-artheṣu lr̥ṭ || PS_3,3.146 ||

_____START JKv_3,3.146:

anavaklr̥pty-amarṣayoḥ iti vartate /
kiṃkila-śabdaḥ samudāya eva upapadam /
asty-arthāḥ astibhavati - vidyatayaḥ /
kiṃkila-asty-artheṣu upapadeṣu anavaklr̥pty-amarṣayoḥ dhātoḥ lr̥ṭ pratyayo bhavati /
liṅo 'pavādaḥ /
kiṃ - kila nāma tatrabhavan vr̥ṣalaṃ yājayiṣyati /
asti nāma tatrabhavān vr̥ṣalaṃ yājayiṣyati /
bhavati nāma tatrabhavān vr̥ṣalaṃ yājayiṣyati /
vidyate nāma tatrabhavān vr̥ṣalaṃ yājayiṣyati /
na śraddadhe, na marṣayāmi /
liṅ-nimittam iha na asti tena lr̥ṅ na bhavati //


____________________________________________________________________


jātu-yador liṅ || PS_3,3.147 ||


_____START JKv_3,3.147:

anavaklr̥pty-amarṣayoḥ ity eva /
jātu yadā ity etayoḥ upapadayoḥ anavaklr̥pty-amarṣayoḥ gamyamānayoḥ dhātoḥ liṅ pratyayo bhavati /
lr̥ṭo 'pavādaḥ /
jātu tatrabhavān vr̥ṣalaṃ yājayet, yan nāma tatrabhavān vr̥ṣalaṃ yājayet, na śraddadhe, na marṣayāmi /
jātu-yador liṅ-vidhāne yadāyadyor upasaṅkhyānam /
yadā bhavad-vidhaḥ kṣatriyaṃ yājayet, yadi bhavad-vidhaḥ kṣatriyaṃ yājyet, na śraddadhe, na marṣayāmi /
kriya-atipattau bhūte vā lr̥ṅ /
bhaviṣyati nityam //


____________________________________________________________________


yaccayatrayoḥ || PS_3,3.148 ||

_____START JKv_3,3.148:

anavaklr̥pty-amarṣayoḥ ity eva /
yac ca yatra ity etayoḥ upapadayor anavaklr̥pty-amarṣayoḥ gamyamānayoḥ dhātoḥ liṅ pratyayo bhavati /
lr̥ṭo 'pavādaḥ /
yoga-vibhāga uttarārthaḥ /
yathāsaṅkhyaṃ neṣyate /
yac ca tatrabhavān vr̥ṣalaṃ yājayet /
yatra tatrabhavān vr̥ṣalaṃ yājayet /
kriya-atipattau yathāyathaṃ lr̥ṅ bhavati //


____________________________________________________________________


[#286]

garhāyāṃ ca || PS_3,3.149 ||


_____START JKv_3,3.149:

anavaklr̥tpy-amarṣayoḥ iti nivr̥ttam /
garhā, nindā, kutsā ity anarthāntaram /
yac ca yatra ity etayoḥ upapadayor dhatoḥ liṅ pratyayo bhavati garhāyāṃ gamyamānāyām /
sarvalakārāṇām apavādaḥ /
yac ca tatrabhavān vr̥ṣalaṃ yājayet, yatra tatrabhavān vr̥ṣalaṃ yājayed r̥ddho vr̥ddhaḥ san brāhmaṇaḥ, garhāmahe, aho anyāyyam etat /
kriyātipattau yathāyathaṃ lr̥ṅ bhavati //


____________________________________________________________________


citrīkaraṇe ca || PS_3,3.150 ||


_____START JKv_3,3.150:
yaccayatrayoḥ ity eva /
catrīkaraṇam āścaryam, adbhutam, vismayanīyam /
yaccayatrayoḥ upapadayoḥ citrīkaraṇe gamyamāne dhātoḥ liṅ pratyayo bhavati /
sarvalakārāṇām apavādaḥ /
yac ca tatrahbavān vr̥ṣalaṃ yājayet, yatra tatrabhavān vr̥ṣalaṃ yājayet, āścaryam etat /
kriya-atipattau yathāyathaṃ lr̥ṅ bhavati //


____________________________________________________________________


śeṣe lr̥ḍ-ayadau || PS_3,3.151 ||


_____START JKv_3,3.151:

yaccayatrābhyām anyatra citrīkaraṇaṃ śeṣaḥ /
śeṣe uapapade citrīkaraṇe gamyamāne dhātoḥ lr̥ṭ pratyayo bhavati, yadi-śabdaś cen na prayujyate /
sarvalakārāṇām apavādaḥ /
āścaryam, citram adbhutam, andho nāma parvatamārokṣyati, badhiro nāma vyākaranamadhyeṣyate /
ayadau iti kim ? āścaryaṃ yadi sa bhuñjīta, yadi so 'dhīyīta /
liṅ - nimitābhāvāt iha lr̥ṅ na bhavati //


____________________________________________________________________


uta-apyoḥ samarthayor liṅ || PS_3,3.152 ||


_____START JKv_3,3.152:

uta api ity etayoḥ samarthayoḥ dhātoḥ liṅ pratyayo bhavati /
sarvalakārāṇām apavādaḥ /
bāḍham ity asminn arthe samānārthatvam anayoḥ /
uta kuryāt /
api kuryāt /
utādhīyīta /
apyadhīyīta /
bāḍhamadhyeṣyate ity arthaḥ /
samarthayoḥ iti kim? uta daṇḍaḥ patiṣyati ? api dvāraṃ dhāsyati /
praśnaḥ pracchādanaṃ ca gamyate /
vā-ā-utāpyoḥ (*3,3.141) iti vikalpo nivr̥ttaḥ /
itaḥ prabhr̥ṭi bhūte 'pi liṅ-nimitte kriya-atipattau nityaṃ lr̥ṅ /
bhaviṣyati tu sarvatra+eva nityaḥ //


____________________________________________________________________


kāma-pravedane 'kacciti || PS_3,3.153 ||


_____START JKv_3,3.153:

svābhiprāyā-viṣkaraṇam kāma-pravedanam /
kāmaḥ, icchā, abhilāṣaḥ ity anarthāntaram /
tasya pravedanam prakāśanam /
tasmin gamyamāne akacciti upapade dhātor liṅ pratyayo bhavati /
sarvalakārāṇām apavādaḥ /
kāmo me bhuñjīta bhavān /
abhilāṣo me bhuñjīta bhavān /
akacciti iti kim ? kaccij jīvati te mātā kaccij jīvati te pitā /
mārāvida tvāṃ pr̥cchāmi kaccij jīvati pārvatī //


____________________________________________________________________


[#287]

sambhāvane 'lam iti cet siddha-aprayoge || PS_3,3.154 ||


_____START JKv_3,3.154:

liṅ ity eva /
sambhāvanam kriyāsu yogyatādhyavasānam, śakti-śraddhānam /
tadidānīm almarthena viśeṣyate /
tac cet sambhāvanaṃ paryāptamavitathaṃ bhavati /
siddha-aprayoge ity alamo viśeṣaṇam /
siddhaś ce dalamo 'prayogaḥ /
kva ca asau siddhaḥ ? yatra gamyate ca-artho na ca asau prayujyate /
tadīdr̥śe sambhāvanopādhike 'rthe vartamānād dhātoḥ liṅ pratyayo bhavati /
sarvalakārāṇām apavādaḥ /
api parvataṃ śirasā bhandyāt /
api droṇapākaṃ bhuñjīta /
alam iti kim ? videśasthāyī devadattaḥ prāyena gamiṣyati grāmam /
siddhāprayoge iti kim ? alaṃ devadatto hastinaṃ haniṣyati /
kriyātipattau bhūte bhaviṣyati ca nityaṃ lr̥ṅ bhavati //


____________________________________________________________________


vibhāṣā dhātau sambhāvana-vacane 'yadi || PS_3,3.155 ||


_____START JKv_3,3.155:

sambhāvane 'lam iti cet siddha-aprayoge iti sarvam anuvartate /
ambhāvanam ucyate yena sa sambhāvana-vacanaḥ /
sambhāvana-vacane dhātāv upapade yac chabda-varjite dhātor vibhāṣā liṅ bhavati /
pūrveṇa nitya-prāptau vikalpa-arthaṃ vacanaṃ /
sambhāvayāmi bhuñjīta bhavān, sambhāvayāmi bhokṣyate bhavān /
avakalpayāmi bhuñjīta bhavān, bhokṣyate bhavān /
śraddadhe bhuñjīta bhavān, bhokṣyate bhavān /
ayadi iti kim ? sambhāvayāmi yad bhuñjīta bhavān //


____________________________________________________________________


hetu-hetumator liṅ || PS_3,3.156 ||

_____START JKv_3,3.156:

tehuḥ kāraṇam /
hetumat phalam /
hetubhūte hetumati cārthe vartamānād dhātoḥ liṅ pratyayo bhavati /
sarvalakārāṇām apavādaḥ /
dakṣiṇena ced yāyānna śakaṭaṃ paryābhavet /
yadi kamalakamāhvayenna śakaṭaṃ paryābhavet /
dakṣiṇena ced yāsyati na śakaṭaṃ paryābhaviṣyati /
tatra vibhāṣāgrahaṇaṃ tāvad anantaram eva anuvartate /
liṅ iti vartamāne punar liṅ-grahaṇaṃ kālav-iśeṣa-pratipatty-artham /
tena+iha na bhavati, hanti iti palāyate, varṣati iti dhāvati /
kriyātipattau lr̥ṅ bhavati //


____________________________________________________________________


icchā-artheṣu liṅ-loṭau || PS_3,3.157 ||


_____START JKv_3,3.157:

icchārtheṣu dhatuṣu upapadeṣu dhatoḥ liṅ-loṭau pratyayau bhavataḥ /
sarvalakārāṇām apavādaḥ /
icchāmi bhuñjīta bhavān /
icchāmi bhuṅktām bhavān /
kāmaye /
prārthaye /
kāmapravedana iti vaktavyam /
iha mā bhūt, icchan karoti //


____________________________________________________________________


[#288]
samāna-kartr̥keṣu tumun || PS_3,3.158 ||


_____START JKv_3,3.158:

icchārtheṣu dhātuṣu samāna-kartr̥keṣu upapadeṣu dhātoḥ tumun pratyayo bhavati /
tumun prakr̥ty-apekṣam eva samāna-kartr̥ṭvam /
icchati bhoktum /
kāmayate bhoktum /
viṣṭi bhoktum /
vāñchati boktum /
samāna-kartr̥keṣu iti kim ? devadattam bhuñjānam icchati yajñadattaḥ /
iha kasmān na bhavati, icchan karoti ? anabhidhānāt //


____________________________________________________________________


liṅ ca || PS_3,3.159 ||


_____START JKv_3,3.159:

icchārtheṣu samānakartr̥keṣu dhātuṣu upapadeṣu dhātoḥ liṅ pratyayo bhavati /
bhuñjīya iti icchati /
adhīyīyeti icchati /
kriyātipattau lr̥ṅ bhavati /
yogavibhāga uttarārthaḥ //


____________________________________________________________________


icchārthebhyo vibhāṣā vartamāne || PS_3,3.160 ||


_____START JKv_3,3.160:

ichārthebhyo dhatubhyo vartamāne kāle vibhāṣā liṅ pratyayo bhavati /
laṭi prāpte vacanam /
icchati, icchet /
vaṣṭi, uśyāt /
kāmayate, kāmayeta //


____________________________________________________________________


vidhi-nimantraṇa-āmantraṇa-adhīṣṭa-saṃpraśna-prārthaneṣu liṅ || PS_3,3.161 ||


_____START JKv_3,3.161:

vidhiḥ preraṇam /
nimantraṇam niyogakaraṇam /
āmantraṇam kāmacārakaraṇam /
adhīṣṭaḥ satkārapūrvako vyāpāraḥ /
sampraśnaḥ sampradhāraṇam /
prārthanam yācñā /
vidhyādiṣv artheṣu dhātoḥ liṅ pratyayo bhavati /
sarvalakārāṇām apavādaḥ /
vidhyādayaś ca pratyayārtha-viśeṣaṇam /
vidhyādi-viśiṣṭeṣu kartrādiṣu liṅ pratyayo bhavati /
vidhau tāvat - kaṭam kuryāt /
grāmaṃ bhavānāgacchet /
nimantraṇe - iha bhavān bhuñjīta /
iha bhavānāsīta /
āmantraṇe - iha bhavānāsīta /
iha bhavān bhuñjīta /
adhīṣṭe - adhīchāmo bhavantaṃ māṇavakaṃ bhavānupanayet /
sampraśne - kiṃ nu khalu bho vyākaranam adhīyīya /
prārthane - bhavati me prārthanā vyākaranam adhīyīya //


____________________________________________________________________

loṭ ca || PS_3,3.162 ||


_____START JKv_3,3.162:

loṭ pratyayo bhavati dhātoḥ vidhyādiṣu artheṣu /
yogavibhāga uttarārthaḥ /
vidhau tāvat - kaṭaṃ tāvat bhavān karotu /
grāmaṃ bhavān āgacchatu /
nimantraṇe - amutra bhavānāstām /
amutra bhavān bhuṅktām /
āmantrane - iha bhavān bhuṅktām /
adhīṣṭe - adhīcchāmo bhavantaṃ māṇavakaṃ bhavān adhyāpayatu, māṇāvakaṃ bhavān upanayatām /
sampraśne - kiṃ nu khalu bho vyākranam adhyayai /
prārthane - bhavati me prārthanā vyākaraṇam adhyayai, chando 'dhyayai //


____________________________________________________________________


[#289]

praiṣa-atisarga-prāptakāleṣu kar̥tyāś ca || PS_3,3.163 ||


_____START JKv_3,3.163:

preṣaṇaṃ praiṣaḥ /
kāmacāra-abhyanujñānam atisargaḥ /
nimitta-bhūtasya kālasya avasaraḥ prāpta-kālatā /
eteṣv artheṣu dhātoḥ kr̥tya-sañjñakāḥ pratyayāḥ bhavanti, cakārāl loṭ ca /
bhavatā kaṭaḥ karaṇīyaḥ, kartavyaḥ, kr̥tyaḥ, kāryaḥ /
loṭ khalv api - karotu kaṭaṃ bhavān iha preṣitaḥ, bhavān atisr̥ṣṭah, bhavataḥ prāpta-kālaḥ kaṭakaraṇe /
kimarthaṃ praiṣādiṣu kr̥tyā vidhīyante na sāmānyena, bhāva-karmaṇor vihitā eva te praiṣādiṣv anyatra ca bhaviṣyanti ? viśeṣa-vihitena anena loṭā bādyante /
vāsarūpa-vidhinā bhavisyanti ? evaṃ tarhi jñāpayati, stry-adhikārāt pareṇa vāsarūpa-vidhir nāvaṣyaṃ bhavati iti /
vidhipraiṣayoḥ ko viśeṣa ? kecid āhuḥ, ajñātajñāpanaṃ vidhiḥ, preṣaṇaṃ praiṣaḥ iti //


____________________________________________________________________


liṅ ca+ūrdhva-mauhūrtike || PS_3,3.164 ||


_____START JKv_3,3.164:

praiṣādayo vartante /
praiṣādiṣu gamyamāneṣu ūrdhva-mauhūrtike 'rthe vartamānād dhātoḥ liṅ pratyayo bhavati, cakārād yathā prāptaṃ ca /
ūrdhvaṃ muhūrtāt, upari muhūrtasya bhavatā khalu kaṭaḥ kartavyaḥ, karaṇīyaḥ, kāryaḥ /
bhavān khalu kaṭaṃ kuryāt, bhavān khalu karotu /
bhavān iha preṣitaḥ /
bhavān atisr̥ṣṭaḥ /
bhavān prāptakālaḥ //


____________________________________________________________________


sme loṭ || PS_3,3.165 ||


_____START JKv_3,3.165:

praiṣādiṣu ūrdhva-mauhūrtike iti vartate /
sam-śabde upapade praiṣādiṣu gamyamāneṣu ūrdhva-mauhūrtike 'rthe vartamānād dhātoḥ loṭ pratyayo bhavati /
liṅ-kr̥tyānām apavādaḥ /
ūrdhvaṃ muhūrtād bhavān kaṭaṃ kaortu sma, grāmaṃ gacchatu sma, māṇāvakamadhyāpayatu sma //


____________________________________________________________________


adhīṣṭe ca || PS_3,3.166 ||


_____START JKv_3,3.166:
sme iti vartate /
adhīṣṭaṃ vyākhyātam /
sma-śabde upapade 'dhīṣṭe gamyamāne dhātoḥ loṭ pratyayo bhavati /
liṅo 'pavādaḥ /
aṅga sma rājan māṇavakamadhyāpaya /
aṅga sma rājann agnihotraṃ juhudhi //


____________________________________________________________________


kāla-samaya-velāsu tumun || PS_3,3.167 ||


_____START JKv_3,3.167:

kālādiṣu upapadesu dhātoḥ tumun pratyayo bhavati /
kālo bhoktum /
velā bhoktum /
iha kasmān na bhavati, kālaḥ pacati bhūtāni iti ? praiṣādi-grahaṇam iha abhisambadhyate /
iha kasmān na bhavati,

[#290]

kālo bhojanasya ? vāsarūpena lyuḍ api bhavati /
uktam idam, stry-adhikārāt paratra vāsarūpa-vidhir anityaḥ iti //


____________________________________________________________________


liṅ yadi || PS_3,3.168 ||


_____START JKv_3,3.168:

kālādayo 'nuvartante /
yacchabde upapade kālādiṣu dhātoḥ liṅ pratyayo bhavati /
tumuno 'pavādaḥ /
kālo yad bhuñjīta bhavān /
samyo yad bhuñjīta bhavān /
velā yad bhuñjīta bhavān //


____________________________________________________________________


arhe kr̥tya-tr̥caś ca || PS_3,3.169 ||


_____START JKv_3,3.169:

arhati iti arhaḥ, tadyogyaḥ /
arhe kartari vācye gamyamāne vā dhātoḥ kr̥tya-tr̥caḥ pratyayā bhavanti, cakārāl liṅ ca /
bhavatā khalu kanyā voḍhavyā, vāhyā, vahanīyā /
bhavān khalu kanyāyā voḍhā /
bhavān khalu kanyāṃ vahet /
bhavān etad arhet iti /
atha kasmād arhe kr̥tyatr̥co vidhīyante, yāvatā sāmānena vihitatvād arhe 'pi bhavisyanti ? yo 'yam iha liṅ vidhīyate, tena bādhā mā bhūt iti /
vāsarūpavidhiś ca anityaḥ //


____________________________________________________________________


āvaśyaka-ādhamarṇyayor ṇiniḥ || PS_3,3.170 ||


_____START JKv_3,3.170:

avaśyaṃ bhāvaḥ āvaśyakam /
upādhirayaṃ, na+upapadam /
avaśyaṃ bhāvaviśiṣṭe ādhamarṇyaviśiṣṭe ca kartari vācye dhātoḥ ṇiniḥ pratyayo bhavati /
avaśyaṃkārī /
mayūravyaṃsakāditvāt samāsaḥ /
ādhamarṇye khalv api - śatam dāyī sahasraṃ dāyī /
niṣkaṃ dāyī //


____________________________________________________________________


kr̥tyāś ca || PS_3,3.171 ||


_____START JKv_3,3.171:

āvaśyaka-ādhamarṇyayoḥ iti vartate /
kr̥tya-sañjākāś ca pratyayā āvaśyaka-ādhamarṇyayor upādhibhūtayoḥ dhātor bhavanti /
bhavatā khalu avaśyaṃ kaṭaḥ kartavyaḥ, avaśyaṃ karaṇīyaḥ, avaśyaṃ kāryaḥ, avaśyaṃ kr̥tyaḥ /
ādhamarṇye - bhavatāśataṃ dātavyam /
sahasraṃ deyam /
kimartham idam, yāvatā sāmāgyena vihitā asminn api viṣaye bhavisyanti ? viśeṣa-vihitena ṇininā bādhyeran /
kartari ṇiniḥ, bhāva-karmaṇoḥ kr̥tyāḥ, tatra kuto bādhaprasaṅgaḥ ? tatra kecid āhuḥ, bhavyageyādayaḥ kartr̥-vācinaḥ kr̥tyāḥ, ta iha+udāharaṇam iti //


____________________________________________________________________


[#291]

śaki liṅ ca || PS_3,3.172 ||


_____START JKv_3,3.172:

śaki iti prakr̥tyartha-viśeṣaṇam /
śaknoty-arthopādhike dhātv-arthe liṅ pratyayo bhavati, cakārāt kr̥tyāś ca /
bhavatā khalu bhāro voḍhavyaḥ, vahanīyaḥ, vāhyaḥ /
bhavān khalu bhāraṃ vahet /
bhavān iha śaktaḥ /
sāmānya-vihitānāṃ punar vacanam liṅā bādhā mā bhūt iti //


____________________________________________________________________


āśiṣi liṅ loṭau || PS_3,3.173 ||


_____START JKv_3,3.173:

āśaṃsanam āśīḥ, apraptasya+iṣṭasya arthasya prāptum icchā /
prakr̥tyartha-viśeṣaṇaṃ ca+etat /
aśīrviśiṣṭe 'rthe vartamānād dhātoḥ liṅ-loṭau pratyayau bhavataḥ /
ciraṃ jīvyād bhavān /
ciraṃ jīvatu bhavān /
āśiṣi iti kim ? ciraṃ jīvati devadattaḥ //


____________________________________________________________________


ktic-ktau ca sañjñāyām || PS_3,3.174 ||


_____START JKv_3,3.174:

āśiṣi ity eva /
āśiṣi viṣaye dhātoḥ ktic-ktau pratyayau bhavataḥ, samudāyena cet sañjñā gamyate /
tanutāt tantiḥ /
sanutāt sātiḥ /
bhavatāt bhūtiḥ /
manutāt mantiḥ /
ktaḥ khalv api - devā enaṃ deyāsuḥ devadattaḥ /
sāmānyena vihitaḥ ktaḥ punar ucyate, kticā bādhā mā bhūt iti /
cakāro viśeṣaṇa-arthaḥ, na ktici dīrghaś ca (*6,4.39) iti //


____________________________________________________________________


māṅi luṅ || PS_3,3.175 ||


_____START JKv_3,3.175:

māṅi upapade dhātoḥ luṅ pratyayo bhavati /
sarvalakārāṇām apavādaḥ /
mā kārṣīt /
mā hārṣīt /
katham mā bhavatu tasya pāpam, mā bhaviṣyati iti ? asādhur eva ayam /
kecid āhuḥ, aṅidaparo mā-śabdo vidyate, tasya ayaṃ prayogaḥ //


____________________________________________________________________


sma-uttare laṅ ca || PS_3,3.176 ||


_____START JKv_3,3.176:

sma-śabda-uttare māṅi upapade dhātoḥ laṅ pratyayo bhavati, cakārāl lug ca /
mā sma karot /
mā sma kārṣīt / mā sma harat / mā sma hārṣīt //
iti śrījayādityaviracitāyām kāśikāyāṃ vr̥ttau tr̥tīyādhyāyasya tr̥tīyaḥ pādaḥ //


______________________________________________________

tr̥tīyādhyāyasya caturthaḥ pādaḥ /


____________________________________________________________________


[#292]

dhātu-sambandhe pratyayāḥ || PS_3,4.1 ||

_____START JKv_3,4.1:

dhātv-arthe dhātu-śabdaḥ / dhātv-arthānāṃ sambandho dhātu-sambandhaḥ viśeṣaṇaviśeṣya-bhāvaḥ / tasmin sati ayathākāloktā api pratyayāḥ sādhavo bhavanti / agniṣṭomayājyasaya putro janitā / kr̥taḥ kaṭaḥ śvo bhavitā / bhāvi kr̥tyam āsīt / agniṣṭomayājī iti bhūtakālaḥ, janitā iti bhaviṣyatkālaḥ / tatra bhūtaḥ kālaḥ bhaviṣyatkālena abhisambadhyamānaḥ sādhur bhavati / viśeṣaṇaṃ guṇatvād viśeṣyakālam anurudhyate, tena viparyayo na bhavati / pratyayādhikāre punaḥ pratyaya-grahaṇam adhātv-adhikāra-vihitā api pratyayāḥ taddhitā dhātu-sambandhe sati kālabhede sādhavo yathā syuḥ iti /
gomān āsīt /
gomān bhavitā /
gāvo vidyante 'sya iti vartamāna-vihito matup, āsīt bhavitā iti sambandhādtīte bhaviṣyati ca sādhur bhavati //


____________________________________________________________________


kriyāsam-abhihāre loṭ loṭo hi-svau vā ca ta-dhvamoḥ || PS_3,4.2 ||


_____START JKv_3,4.2:

dhātu-sambadhe iti vartate /
paunaḥpunyaṃ bhr̥śārtho vā kriyā-samabhihāraḥ /
prakr̥tyartha-viśeṣaṇaṃ ca+etat /
samabhihāra-viśiṣṭa-kriyāvacanād dhātoḥ loṭ pratyayo bhavati sarveṣu kāleṣu /
sarvalakārāṇām apavādaḥ tasya ca loṭo hi sva ity etāv ādeśau bhavataḥ /
tadhvaṃbhāvinastu vā bhavataḥ /
yoga-vibhāgo 'tra kartavyaḥ /
kriyā-samabhihāre loḍ bhavati, tato loṭo hisvau /
loṭ ity eva, loḍ-dharmāṇau hisvau bhavataḥ ity arthaḥ /
tena ātmanepada-parasmaipadatvaṃ bhedena avatiṣṭhate, tiṅtvaṃ ca dvayor api bhavati /
lunīhi lunīhi ity eva ayaṃ lunāti, imau lunītaḥ, ime lunanti /
lunīhi lunīhi ity eva tvaṃ lunāsi, yuvāṃ lunīthaḥ, yūyaṃ lunītha /
atha vā, lunīta lunīta+ity eva yūyaṃ lunītha /
lunīhi lunīhi ity eva ahaṃ lunāmi, āvāṃ lunīvaḥ, vayaṃ lunīmaḥ /
bhūte - lunīhi lunīhi ity eva ayam alāvīt, alāviṣṭām, alāviṣuḥ /
evaṃ madhyama-uttamayor udāhāryam /
bhaviṣyati - lunīhi lunihi ity eva ayaṃ laviṣyati, laviṣyataḥ, laviṣyanti /
evaṃ madhyama-uttamayo rudāhāryam /
adhīṣvādhīṣvety eva ayam adhīte, imāvadhīyate, ime 'dhīyate /
adhīṣvādhīṣvety eva tvam adhīṣe, yuvām adhīyāthe, yūyam adhīdhve /
atha vā, adhīdhvam adhīdhvam ity eva yūyam adhīdhve /
adhīṣvādhīṣvety eva aham adhīye, āvām adhīvahe, vayam adhīmahe /
evaṃ sarveṣv eva lakāreṣu udāhāryam /
kriyā-samabhihārābhivyaktau dvirvacanam ayaṃ loḍ apekṣate, kriyā-samabhihāre dve bhavataḥ iti /
yaṅ-pratyayaḥ punar asminn eva arthe vidhīyamānaḥ svayam eva śaktatvān na apekṣate dvirvacanam //


____________________________________________________________________


[#293]

sayuccaye 'nyatarasyām || PS_3,4.3 ||


_____START JKv_3,4.3:

anekakriyādhyāhāraḥ samuccayaḥ /
samuccīyamāna-kriyāvacanād dhātor anyatarasyāṃ loṭ pratyayo bhavati, tasya loṭo hi-svau ādeśau bhavataḥ /
tadhvaṃbhāvinastu vā bhavataḥ /
bhrāṣṭramaṭa, maṭhamaṭa, khadūramaṭa, sthālyapidhānam aṭa ity eva ayam aṭati, imāv aṭataḥ, ime 'ṭanti /
bhrāṣṭramaṭa, maṭhamaṭa, khadūram aṭa, sthālyapidhānam aṭa+ity eva tvam aṭasi, yuvām aṭathaḥ, yūyam aṭatha /
atha vā, bhrāṣṭram aṭata, maṭham aṭata, khadūram aṭata, sthālyupidhānam aṭata ity eva yūyam aṭatha /
bhrāṣṭram aṭa, maṭham aṭa, khadūram aṭa, sthālyupidhānam aṭa ity eva aham aṭāmi, āvām aṭāvaḥ, vayam aṭāmaḥ /
atha vā, bhrāṣṭram aṭati, maṭham aṭati, khadūram aṭati, sthālyupidhānam aṭati ity eva ayam aṭati, imā vaṭataḥ, ime 'ṭanti /
bhrāṣṭram aṭasi, maṭham aṭasi, khadūram aṭasi, sthālyupidhānam aṭasi, ity eva tvam aṭasi, yuvām aṭathaḥ, yūyam aṭatha /
bhrāṣṭram aṭāmi, maṭham aṭāmi, khadūram aṭāmi, sthālyupidhānam aṭāmi ity eva aham aṭāmi, āvām aṭāvaḥ, vayam aṭAamaḥ /
chando 'dhīṣva, vyākaraṇam adhīṣva, niruktam adhīṣva ity eva ayam adhīte, imāv adhīyāte, ime 'dhīyate /
chando 'dhīṣva, vyākaraṇam adhīdhvam ity eva yūyam adhīdhve /
chando 'dhīṣva, vyākaraṇam adhīṣva, niruktam adhīṣva ity eva aham adhīye, āvām adhīvahe, vayam adhīmahe /
atha vā, chando 'dhīte, vyākaraṇam adhīte, niruktamadhīte, ity eva ayam adhīte, imāv adhīyāte, ime 'dhīyate /
chando 'dhīṣe, vyākaraṇam adhīṣe, niruktam adhīṣe ity eva tvam adhīṣe, yuvām adhīyāthe, yūyam adhīdhve /
chando 'dhīye, vyākaraṇam adhīye, niruktam adhīye ity eva aham adhīye, āvām adhīvahe, vayam adhīmahe //


____________________________________________________________________


yathāvidhy-anuprayogaḥ pūrvasmin || PS_3,4.4 ||

_____START JKv_3,4.4:

pūrvasmin loḍ-vidhāne yathāvidhy-anuprayogo bhavati /
yasmād dhātoḥ loḍ vihitaḥ sa eva dhātur anuprayoktavyaḥ /
dhātu-sambhandhe pratyaya-vidhānād anuprayogaḥ siddha eva, yathāvidhy-arthaṃ tu vacanam /
tathā ca+eva+udāhr̥tam lunīhi lunīhi ity eva ayaṃ lunīti iti /
chinatti iti na anuprayujyate /
adhīṣvādhīṣvety eva ayam adhīte /
paṭhati iti na anuprayujyate //


____________________________________________________________________


samuccaye sāmānya-vacanasya || PS_3,4.5 ||


_____START JKv_3,4.5:

dvitīye loḍvidhāne samuccaye sāmānya-vacanasya dhātor anuprayogaḥ kartavyaḥ /
odanaṃ bhuṅkṣva, saktūn piba, dhānāḥ khāda ity eva ayam abhyavaharati /
sarvaviśeṣa-anuprayoga-nivr̥tty-arthaṃ vacanam /
lāghavaṃ ca laukike śabda-vyavahāre na adriyate /
bhrāṣṭram aṭa, maṭham aṭa, khadūram aṭa, sthālyupidhānam aṭa ity eva ayam aṭati ity atra api kāraka-bhedāt kriyābhede sati sāmānya-vacanatā sambhavaty eva //


____________________________________________________________________


chandasi luṅ-laṅ-liṭaḥ || PS_3,4.6 ||


_____START JKv_3,4.6:

dhātu-sambandhe ity eva /
chandasi viṣaye dhātu-sambandhe sarveṣu luṅ-laṅ-liṭaḥ pratyayā bhavanti /
anyatarasyām iti vartate /
tena anye 'pi lakārā yathāyathaṃ bhavanti /
luṅ - śakalāṅguṣṭhako 'karat /
ahaṃ tebhyo 'karaṃ namaḥ /
laṅ - agnim adya hotāram avr̥ṇītāyaṃ yajamānaḥ /
liṭ - adyā mamāra /
adya mriyate //


____________________________________________________________________


[#294]

liṅ-arthe leṭ || PS_3,4.7 ||


_____START JKv_3,4.7:

chandasi anyatarasyām iti vartate /
liṅ-arthe, yatra liṅ vidhīyate vidhyādiḥ, hetuhetumator liṅ (*3,3.156) ity evam ādiḥ, tatra chandasi viṣaye 'nyatarasyāṃ leṭ pratyayo bhavati /
joṣiṣat tāriṣat /
mandiṣat /
netā indro neṣat /
takṣiṣat /
patāti didyut /
prajāpatirudadhiṃ cyāvayāti //


____________________________________________________________________


upasaṃvāda-āśaṅkayoś ca || PS_3,4.8 ||


_____START JKv_3,4.8:

upasaṃvādaḥ paribhāṣaṇam, kartavye paṇabandhaḥ, yadi me bhavān idaṃ kuryād aham api bhavate idaṃ dāsyāmi iti /
kāraṇataḥ kāryānusaraṇaṃ tarkaḥ, utprekṣā, āśaṅkā /
upasaṃvāde āśaṅkāyāṃ ca gamyamānāyāṃ chandasi viṣaye leṭ pratyayo bhavati /
upasaṃvāde - aham eva paśūnāmīśai /
madagrā eva vo grahā gr̥hyāntai iti /
maddevatyānyeva vaḥ pātrāṇyucyānatai /
āśaṅkāyām ca - nejjihmāyantyo narakaṃ patāma /
jihmācaraṇena narakapātaḥ āśaṅkyate /
liṅ-artha eva ayam, nitya-arthaṃ tu vacanam /
pūrvasūtre anyatrasyām iti vartate //


____________________________________________________________________


tumarthe se-sen-ase-asen-kṣe-kasen-adhyai-adhyain-kadhyai-kadhyain-śadhyai-śadhyain-tavai-taveṅ-tavenaḥ || PS_3,4.9 ||


_____START JKv_3,4.9:

chandasi ity eva /
tumuno 'rthas tum-arthaḥ /
tatra chandasi viṣaye dhātoḥ sayādayaḥ pratyayā bhavanti /
tumartho bhāvaḥ /
kathaṃ jñāyate ? vacanasāmarthyāt tāvad ayam kartur apakr̥ṣyate /
na ca ayam anyasminn arthe tumun ādiśyate /
anirdiṣṭa-arthāś ca pratyayāḥ svārthe bhavanti /
svārthaś ca dhātūnāṃ bhāva eva /
se - vakṣe rāyaḥ /
sen - tā vāmeṣe rathānām /
ase, asen - kratve dakṣāya jīvase /
svare viśeṣaḥ /
kṣe - preṣe bhagāya kasen - śriyase /
adhyai, adhyain - kāmamupācaradhyai /
svare viśeṣaḥ /
kadhyai - indrāgnī āhuvadhyai /
kadhyain - śriyadhyai /
śadhyai, śadhyain - vāyave pibadhyai /
rādhasaḥ saha mādayadhyai /
tavai - somamindrāya pātavai /
taveṅ - daśame māsi sūtave /
taven - svardeveṣu gantave /
kartave /
hartave //


____________________________________________________________________


prayai rohiṣyai avyathiṣyai || PS_3,4.10 ||


_____START JKv_3,4.10:

tumarthe chandasi ity eva /
prayai rohiṣyai avyathiṣyai ity ete śabdā nipātyante chandasi viṣaye /
prapūrvasya yāteḥ kaipratyayaḥ - prayai devebhyaḥ /
prayātum /
ruheḥ iṣyai-pratyayaḥ - apāmoṣadhīnāṃ rohiṣyai /
rohaṇāya /
vyathernañ-pūrvasya iṣyai-pratyayaḥ - avyathiṣyai /
avyathanāya //


____________________________________________________________________


[#295]

dr̥śe vikhye ca || PS_3,4.11 ||


_____START JKv_3,4.11:

tumarthe chandasi ity eva /
dr̥śe vikhye ity etau chandasi viṣaye nipātyete /
dr̥śeḥ ke-pratyayaḥ - dr̥śe viśvāya sūryam /
draṣṭum /
vikhye tvā harāmi /
vikhyātum //


____________________________________________________________________


śaki ṇamulkamulau || PS_3,4.12 ||


_____START JKv_3,4.12:

chandasi ity eva /
śaknotau dhātāv upapade chandasi viṣaye tumarthe ṇamul kamul ity etau pratyayu bhavataḥ /
ṇakāro vr̥ddhy-arthaḥ /
kakāro guṇa-vr̥ddhi-pratiṣedha-arthaḥ /
lakāraḥ svara-arthaḥ /
agniṃ vai devā vibhājaṃ nāśaknuvan /
vibhaktum ity arthaḥ /
apalumpaṃ na aśaknot /
apaloptum ity arthaḥ //


____________________________________________________________________


īśvare tosun-kasunau || PS_3,4.13 ||


_____START JKv_3,4.13:

tumarthe chandasi ity eva /
īśvara-śabda upapade chandasi viṣaye tumarthe dhatoḥ tosun-kasun-pratyayau bhavataḥ /
īśvaro 'bhicaritoḥ /
abhicaritum ity arthaḥ /
īśvaro vilikhaḥ /
vilikhitum ity arthaḥ /
īśvaro vitr̥daḥ /
vitarditum ity arthaḥ //


____________________________________________________________________


kr̥tya-arthe tavai-ken-kenya-tvanaḥ || PS_3,4.14 ||


_____START JKv_3,4.14:

chandasi ity eva /
kr̥tyānām artho bhāvakarmaṇī /
tasmin kr̥tya-arthe chandasi viṣaye tavai ken kenya tvan ity ete pratyayā bhavanti /
tavai - anvetavai /
anvetavyam /
paridhātavai /
paridhātavyam /
paristaritavai /
paristaritavyam /
ken - nāvagāhe /
nāvagāhitavyam /
kenya - didr̥kṣeṇyaḥ /
śuśrūṣeṇyaḥ /
didr̥kṣitavyam /
śuśrūṣitavyam /
tvan - kartvaṃ haviḥ /
kartavyam /
tumarthe chandasi iti sayādi-sūtre 'pi tavai vihitaḥ, tasya tumarthādanyatra kārake vidhir draṣtavyaḥ //


____________________________________________________________________


avacakṣe ca || PS_3,4.15 ||


_____START JKv_3,4.15:
kr̥ty-arthe chandasi ity eva /
avapūrvāt cakṣiṅaḥ eś pratyayo nipātyate /
ripuṇā nāvacakṣe /
nāvakhyātavyam ity arthaḥ //


____________________________________________________________________


[#296]

bhāval-akṣane sthā-iṇ-kr̥ñ-vadi-cari-hu-tami-janibhyas tosun || PS_3,4.16 ||


_____START JKv_3,4.16:

kr̥tya-arthe iti nivr̥ttam /
tumarthe iti vartate /
prakr̥tyartha-viśeṣaṇaṃ bhāvalakṣaṇa-grahaṇam /
bhāvo lakṣyate yena tasminn arthe vartamānebhyaḥ sthādibhyo dhātubhyaḥ chandasi viṣaye tumarthe tosun pratyayo bhavati /
āsaṃsthātorvedyāṃ śerate /
ā samāpteḥ sīdanti ity arthaḥ /
iṇ - purā sūryastodetorādheyaḥ /
kr̥ñ - purā vatsānāmapākartoḥ /
vadi - purā pravaditoragnau prahotavyam /
cari - purā pracaritorāgnīdhrīye hotavyam /
hu - āhotorapramattastiṣthati /
tami - ā tamitorāsīta /
jani - kāmamā vijanitoḥ sambhavāmeti iti //


____________________________________________________________________


sr̥pi-tr̥doḥ kasun || PS_3,4.17 ||


_____START JKv_3,4.17:
bhāva-lakṣaṇe chandasi ti vartate /
sr̥pi-tr̥dor dhātvoḥ bhāva-lakṣaṇe 'rthe vartamānayoḥ chandasi viṣaye tum-arthe kasun pratyayo bhavati /
purā krūrasya visr̥po virapśin /
purā jatrubhya ātr̥daḥ //


____________________________________________________________________


alaṃ-khalvoḥ pratiṣedhayoḥ prācāṃ ktvā || PS_3,4.18 ||


_____START JKv_3,4.18:

chandasi bhāva-lakṣaṇe iti sarvaṃ nivr̥ttam /
alam khalu ity etayoḥ pratiṣedha-vācinor upapadayoḥ dhātoḥ ktvā pratyayo bhavati prācām ācāryāṇāṃ matena /
alaṃ kr̥tvā /
khalu kr̥tvā /
alaṃ bāle ruditvā /
alaṃ-khalvoḥ iti kim ? mā kārṣīḥ /
pratiṣedhayoḥ iti kim ? alaṅkāraḥ /
prācāṃ-grahaṇaṃ vikalpa-artham /
alaṃ rodanena /
vāsarūpavidhiś cet pūja-artham //


____________________________________________________________________


udīcāṃ māṅo vyatīhāre || PS_3,4.19 ||


_____START JKv_3,4.19:

ktvā tu vartate /
māṅo dhātoḥ vyatīhāre vartamānād udīcām ācāryāṇāṃ matena ktvā pratyayo bhavati /
apamitya yācate /
apamitya harati /
apūrvakālatvād aprāptaḥ ktvā vidhīyate /
udīcāṃ-grahaṇāt tu yathāprāptam api bhavati /
yācitvā 'pamayate /
gr̥tvā+apamayate /
meṅaḥ kr̥tātvasya ayaṃ nirdeśaḥ kr̥to jñāpana-arthaḥ, nānubaṅghakr̥tamanejantatvam iti /
tena dā-dhā ghv-adāp (*1,1.20) iti daipo 'pi pratiṣedho bhavati //


____________________________________________________________________


[#297]

para-avara-yoge ca || PS_3,4.20 ||


_____START JKv_3,4.20:

para-avarābhyāṃ yogaḥ prāvarayogaḥ /
pareṇa pūrvasya yoge gamyamāne avareṇa ca parasya dhātoḥ ktvā pratyayo bhavati /
pareṇa tāvat - aprāpya nadīṃ parvataḥ sthitaḥ /
paranadīyogena parvato viśiṣyate /
avarayoge - atikramya tu parvataṃ nadī sthitā /
avaraparvatayogena nadī viśisyate //


____________________________________________________________________


samāna-kartur̥kayoḥ pūrvakāle || PS_3,4.21 ||


_____START JKv_3,4.21:

samānaḥ kartā yayoḥ dhātv-arthayos tatra pūrvakāle dhātv-arthe vartamānād dhātoḥ ktvā pratyayo bhavati /
śaktiśaktimatoḥ bhedasya avivakṣitatvāt samānakartr̥katā /
bhuktvā vrajati /
pītvā vrajati /
dvivacanamatantram /
snātvā pītvā bhukvā vrajati /
samāna-kartur̥kayoḥ iti kim ? bhuktavati brāhmaṇe gacchati devadattaḥ /
pūrvakāle iti kim ? vrajati ca jalpati ca /
āsyaṃ vyādāya svapiti cakṣuḥ saṃmīlya hasti ity upasaṃkhyānam apūrvakālatvāt //


____________________________________________________________________


ābhīkṣṇye ṇamul ca || PS_3,4.22 ||


_____START JKv_3,4.22:

samānakartr̥kayoḥ pūrvakāle ity eva /
ābhīkṣṇayam paunaḥpunyam /
prakr̥tyartha-viśeṣaṇaṃ ca+etat /
ābhīkṣṇya-viśiṣṭe 'rthe vartamānād dhātoḥ ṇamul pratyayo bhavati, cakārāt ktva ca /
dvirvacana-sahitau ktvāṇamulāv ābhīkṣṇyaṃ dyotayataḥ, na kevalau /
ābhīkṣṇye dve bhavataḥ ity upasaṅkhyānād dvirvacanam /
bhojaṃ bhojaṃ vrajati, bhuktvā bhuktvā vrajati /
pāyaṃ pāyaṃ vrajati, pītvā pītvā vrajati //


____________________________________________________________________


na yady anākāṅkṣe || PS_3,4.23 ||


_____START JKv_3,4.23:

yacchabde upapade dhātoḥ ktvā-ṇamulau pratyayau na bhavato 'nākāṅkṣe vācye /
yatra pūrvottare kriye staḥ, tacced vākyaṃ na paraṃ kiñcid ākāṅkṣate iti /
ṇamulanantaraḥ, ktvā tu pūrvasūtra-vihito 'pi pratiṣidyate /
yad ayaṃ bhuṅkte tataḥ pacati /
yad ayam adhīte tataḥ śete /
anākāṅkṣe iti kim ? yad ayaṃ bhuktvā vrajati adhīte eva tataḥ param //


____________________________________________________________________


[#298]

vibhāṣā 'gre prathama-pūrveṣu || PS_3,4.24 ||


_____START JKv_3,4.24:

aprāpta-vibhāṣeyam /
ābhīkṣṇye iti na anuvartate /
agre prathama pūrva ity eteṣu upapadeṣu samānakartr̥kayoḥ pūrvakāle dhātoḥ ktvāṇamulau pratyayu vibhāṣā bhavataḥ /
agre bhojaṃ vrajati, agre bhuktvā vrajati /
prathamaṃ bhojaṃ vrajati, prathamaṃ bhuktvā vrajati /
pūrvaṃ bhojaṃ vrajati, pūrvaṃ bhuktvā vrajati /
vibhāṣāgrahaṇam etābhyāṃ mukte laḍādayo 'pi yathā syuḥ /
agre bhuṅkte tato vrajati /
nanu ca vāsarūpa iti bhavisyati ? ktvāṇamulau yatra saha vidhīyete tatra vāsarūpavidhir na asti ity etad anena jñāpyate, tena ābhīkṣṇye laḍādayo na bhavanti /
upapadasamāsaḥ kasmān na kriyate ? uktaṃ tatra+eva kārasya prayojanam, amaiva yat tulya-vidhānam upapadaṃ tat samasyate, na anyat iti //


____________________________________________________________________


karmaṇy ākrośe kr̥ñaḥ khamuñ || PS_3,4.25 ||


_____START JKv_3,4.25:

karmaṇy-upapade kr̥jo dhātoḥ khamuñ pratyayo bhavati ākrośe gamyamāne /
coraṃkāram ākrośati /
coro 'si, dasyur asi ity ākrośati /
corakaraṇam ākrośasam pādanārtham eva, na tv asau coraḥ kriyate //

____________________________________________________________________


svādumi ṇamul || PS_3,4.26 ||


_____START JKv_3,4.26:

samānakartr̥kayoḥ pūrvakāle kr̥ñaḥ iti ca anuvartate /
svādumi ity artha-grahaṇam /
svādvartheṣu upapadeṣu kr̥ño ṇamul pratyayo bhavati /
svāduṅkāraṃ bhuṅkte /
sampannaṅkāraṃ bhuṅkte /
lavaṇaṅkāram /
svādumi iti makārānta-nipātanam īkārābhāva-artham, cvyantasya api makāra-arthaṃ dīrghābhāva-arthaṃ ca /
asvādvīṃ svādvīṃ kr̥tvā bhuṅkte svāduṅ-kāraṃ bhuṅkte /
vāsarūpeṇa ktvā api bhavati, svāduṃ kr̥tvā bhuṅkte /
tumartha-adhikārāc ca sarva ete bhāve pratyayāḥ /
yady evam, svāduṅkāraṃ bhuṅkte devadattaḥ iti ṇamulā kartur anabhihitatvāt kartari kasmāt tr̥tīyā na bhavati ? bhujipratyayena abhihitaḥ kartā, na ca asmin prakaraṇe śaktiśaktimatorbhedo vivakṣyte, samānakartr̥katvaṃ hi virudhyate /
pradhānaśakty-abhidhāne vā guṇaśaktir abhihitavat prakāśate //


____________________________________________________________________


anyathā-evaṃ-katham-itthaṃsu siddha-aprayogaś-cet || PS_3,4.27 ||


_____START JKv_3,4.27:

kr̥ñaḥ ity eva /
anyathādiṣu upapadesu kr̥ño ṇamul pratyayo bhavati, siddhāprayogaścet karoter bhavati /
kathaṃ punar asau siddhāprayogaḥ ? nirarthakatvān na prayogam arhati iti evam eva prayujyate /
anyathā bhuṅkte iti yavānarthastāvān eva anyathākāraṃ bhugkte iti gamyate /
anyathākāraṃ bhuṅkte /
evaṅ-kāraṃ bhuṅkte /
kathaṅ-kāraṃ bhuṅkte /
itthaṃ-kāraṃ bhuṅkte /
sidhāprayogaḥ iti kim ? anyathā kr̥tvā śiro bhuṅkte //


____________________________________________________________________


[#299]

yathā-tathayor asūyā-prativacane || PS_3,4.28 ||


_____START JKv_3,4.28:

kr̥ñaḥ siddhāprayoge iti vartate /
yathātatha-śabdayor upapadayoḥ kr̥ño ṇamul pratyayo bhavati asūyāprativacane gamyamāne /
yadyasūyan pr̥cchati prativakti tatra prativacanam , yathākāram ahaṃ bhokṣye, tathākāram ahaṃ, kiṃ tavānena ? asūyāprativacane iti kim ? yathā kr̥tvā 'haṃ bhokṣye, tathā tvaṃ drakṣyasi /
siddhāprayoge ity eva, yathā kr̥tvā 'haṃ śiro bhokṣye, kiṃ tavānena //


____________________________________________________________________


karmaṇi dr̥śi-vidoḥ sākalye || PS_3,4.29 ||


_____START JKv_3,4.29:

karmaṇy-upapade sākalya-viśiṣte 'rthe dr̥śividoḥ dhātvoḥ ṇamul pratyayo bhavati /
kanyādarśaṃ varyati /
yāḥ yāḥ kanyāḥ paśyati tāstāḥ varyati ity arthaḥ /
brāhmaṇa-vedaṃ bhojayati /
yaṃ yaṃ brāhmaṇaṃ jānāti labhate vicārayati vā tān sarvān bhojayati ity arthaḥ /
sākalye iti kim ? brāhmaṇaṃ dr̥ṣṭvā bhojayati //


____________________________________________________________________


yāvati vinda-jīvoḥ || PS_3,4.30 ||


_____START JKv_3,4.30:

yāvac-chabda upapade vindater jīvateś ca ṇamul pratyayo bhavati /
yāvadvedaṃ bhuṅkte /
yāvallabhate tāvadbhuṅkte ity arthaḥ /
yāvajjīvam adhīte /
yāvajjīvati tāvadadhīte ity arthaḥ //


____________________________________________________________________


carma-udarayoḥ pūreḥ || PS_3,4.31 ||


_____START JKv_3,4.31:

karmaṇi ity eva /
carmodarayoḥ karmaṇor upapadayoḥ pūryateḥ ṇamul pratyayo bhavati /
carmapūraṃ str̥ṇāti /
udarapūraṃ bhuṅkte //


____________________________________________________________________


varṣa-pramāṇa ūlopaś ca asya anyatrasyām || PS_3,4.32 ||


_____START JKv_3,4.32:

karmaṇi ity eva /
pūrayateḥ dhātoḥ ṇamul pratyay bhavati, ūlopaś ca asya pūrayter anyatarasyāṃ bhavati, samudāyena ced varṣasya pramāṇam iyattā gamyate /
goṣpadapūraṃ vr̥ṣṭo devaḥ, goṣpadapraṃ vr̥ṣṭo devaḥ /
sītāpūraṃ vr̥ṣṭo devaḥ, sītāpraṃ vr̥ṣṭo devaḥ /
asya grahaṇaṃ kimartham /
upapadasya mā bhūt /
mūṣikābilapūraṃ vr̥ṣṭo devaḥ, mūṣikābilapram //


____________________________________________________________________


cele knopeḥ || PS_3,4.33 ||


_____START JKv_3,4.33:

karmaṇi ity eva /
knūyī śabde undane ca, asmāṇṇyantād dhātoḥ cel-artheṣu karmasu upapadeṣu ṇamul pratyayo bhavati, varṣapramāṇe gamyamāne /
celaknopaṃ vr̥ṣṭo devaḥ /
vastraknopam /
vasanaknopam //


____________________________________________________________________


[#300]

nimūla-samūlayoḥ kaṣaḥ || PS_3,4.34 ||


_____START JKv_3,4.34:

karmaṇi ity eva /
nimūla-samūla-śabdayoḥ karmavācinor upapadayoḥ kaṣeḥ dhātoḥ ṇamul pratyayo bhavati /
nimūlakāṣaṃ kaṣati /
samūlakāṣaṃ kaṣati /
nimūlaṃ samūlaṃ kaṣati ity arthaḥ /
itaḥ prabhr̥ti kaṣādīn yān vakṣyati tatra kaṣādiṣu yathā-vidhy-anuprayogaḥ (*3,4.46) iti //


____________________________________________________________________


śuṣka-cūrṇa-rūkṣeṣu piṣaḥ || PS_3,4.35 ||


_____START JKv_3,4.35:

karmaṇi ity eva /
śuṣkādiṣu karmavāciṣu upapadeṣu piṣer dhātoḥ ṇamul pratyayo bhavati /
śuṣkapeṣaṃ pinaṣṭi /
śuṣkaṃ pinaṣṭi ity arthaḥ /
cūrṇapeṣaṃ pinaṣṭi /
cūrṇaṃ pinaṣṭi ity arthaḥ /
rūkṣapeṣaṃ pinaṣṭi /
rūkṣaṃ pinaṣṭi ity arthaḥ //


____________________________________________________________________


samūla-akr̥ta-jīveṣu han-kr̥ñ-grahaḥ || PS_3,4.36 ||


_____START JKv_3,4.36:

karmaṇi ity eva /
samūla akr̥ta jīva ity eteṣu śabdeṣu karmasu upapadeṣu yathāsaṅkhyaṃ han kr̥ñ graha ity etebhyo dhātubhyo ṇamul pratyayo bhavati /
samūlaghātaṃ hanti /
samūlaṃ hanti ity arthaḥ /
akr̥takāraṃ karoti /
jīvagrāhaṃ gr̥hṇāti //


____________________________________________________________________


karaṇe hanaḥ || PS_3,4.37 ||

_____START JKv_3,4.37:

karaṇe upapade hanter dhātoḥ ṇamul pratyayo bhavati /
pāṇighātaṃ vediṃ hanti /
pādaghātaṃ bhūmiṃ hanti /
hiṃsa-arthānāṃ ca samānakarmakāṇām (*3,4.48) /
iti ṇamulaṃ vakṣyati /
ahiṃsa-artho 'yam ārambhaḥ /
nityasamāsa-artho vā yathā vidhy-anuparyoga-arthaś ca /
pūrvavipratiṣedhena hanteḥ hiṃsārthasya api pratyayo 'nena+eva+iṣyate /
asighātaṃ hanti /
śaraghātaṃ hanti //


____________________________________________________________________


snehane piṣaḥ || PS_3,4.38 ||


_____START JKv_3,4.38:

karane ity eva /
snihyate yena tat snehanam /
snehana-vācini karaṇe upapade piṣer dhātoḥ ṇamul pratyayo bhavati /
udapeṣaṃ pinaṣṭi /
tailapeṣaṃ pinaṣṭi /
tailena pitaṣṭi ity arthaḥ //


____________________________________________________________________


[#301]

haste varti-grahoḥ || PS_3,4.39 ||

_____START JKv_3,4.39:

karaṇe ity eva /
haste ity artha-grahaṇam /
vartiḥ ṇyantaḥ /
hasta-vācini karaṇe upapade vartayateḥ gr̥hṇāteś ca ṇamul pratyayo bhavati /
hastena vartayati, hastavartaṃ vartayati /
karavartam /
pāṇivartam /
graheḥ khalv api - hastena gr̥hṇāti, hastagrāhaṃ gr̥hṇāti /
karagrāham /
pāṇigrāham //


____________________________________________________________________


sve puṣaḥ || PS_3,4.40 ||


_____START JKv_3,4.40:

karaṇe ity eva /
sve ity artha-grahaṇam /
sva-vācini karaṇe upapade puṣer dhātoḥ ṇamul pratyayo bhavati /
ātmīyajñātidhana-vacanaḥ sva-śabdaḥ /
svapoṣaṃ puṣṇāti /
ātmapoṣam /
gopoṣam /
pitr̥poṣam /
mātr̥poṣam /
dhanapoṣam /
raipoṣam //


____________________________________________________________________


adhikaraṇe vandhaḥ || PS_3,4.41 ||


_____START JKv_3,4.41:

adhikaraṇa-vācini upapade badhnāteḥ dhātoḥ ṇamul pratyayo bhavati /
cakrabandhaṃ badhnāti /
kūṭabandhaṃ badhnāti /
muṣṭibandhaṃ badhnāti /
corakabandhaṃ badhnāti /
corake badhnāti ity arthaḥ //


____________________________________________________________________


sañjñāyām || PS_3,4.42 ||


_____START JKv_3,4.42:

sañjñāyāṃ viṣaye badhnāteḥ dhātoḥ ṇamul pratyayo bhavati /
krauñcabandhaṃ badhnāti /
mayūrikābandhaṃ badhnāti /
mayūrikābandhaṃ badhaḥ /
aṭṭālikābandhaṃ baddhaḥ /
bandha-viśeṣāṇāṃ nāmadheyāni etāni //


____________________________________________________________________


kartor jīva-puruṣayor naśi-vahoḥ || PS_3,4.43 ||


_____START JKv_3,4.43:

jīva-puruṣayoḥ kartr̥-vācinor upapadayoḥ yathāsaṅkhyaṃ naśi-vahoḥ dhātvoḥ ṇamul pratyayo bhavati /
jīvanāśaṃ naśyati /
jīvo naśyati ity arthaḥ /
puruṣavāhaṃ vahati /
puruṣaḥ preṣyo bhūtvā vahati ity arthaḥ /
kartari iti kim ? jīvena naṣṭaḥ /
puruṣeṇoḍhaḥ //


____________________________________________________________________


ūrdhve śuṣi-pūroḥ || PS_3,4.44 ||


_____START JKv_3,4.44:

kartr̥-grahaṇam anuvartate /
ūrdhva-śabde kartr̥-vācini upapade śuṣiṣuroḥ dhātvoḥ ṇamul pratyayo bhavati /
ūrdhvaśoṣaṃ śuṣyati /
ūrdhvaṃ śuṣyati ity arthaḥ /
ūrdhvapūraṃ pūryate /
ūrdhvaṃ pūryate ity arthaḥ //


____________________________________________________________________


[#302]

upamāne karmaṇi ca || PS_3,4.45 ||


_____START JKv_3,4.45:

upamīyate 'nena ity upamānam /
upmāne karmaṇi upapade, cakārāt kartari, dhātoḥ ṇamul pratyayo bhavati /
ghr̥tanidhāyaṃ nihitaḥ /
ghr̥tam iva nihitaḥ ity arthaḥ /
suvarṇanidhāyaṃ nihitaḥ /
suvarṇam iva nihitaḥ ity arthaḥ /
kartari khalv api - ajakanāśaṃ naṣṭaḥ /
ajaka iva naṣṭaḥ /
cūḍakanāśam /
dantanāśam //


____________________________________________________________________


kaṣādiṣu yathāvidhy-anuprayogaḥ || PS_3,4.46 ||


_____START JKv_3,4.46:

nimūlasamūlayoḥ ity etad ārabhya kaṣādayaḥ /
eteṣu yathāvidhy-anuprayogo bhavati /
yasmād dhātoḥ ṇamul pratyayo bhavati sa eva anuprayoktavyaḥ /
nanu dhātu-sambandhe pratyaya-vidhānād anuprayogaḥ siddha eva ? yathāvidhi iti niyama-arthaṃ vacanam, tathā ca+eva+udāhr̥tam //


____________________________________________________________________


upadaṃśas tr̥tīyāyām || PS_3,4.47 ||


_____START JKv_3,4.47:

daṃśa daśane, asmād dhator upapūrvāt tr̥tīyānte upapade ṇamul pratyayo bhavati /
mūlakopadaṃśaṃ bhuṅkte, mūlakenopadaṃśam /
ār̥drakopadaṃśam, ārdrakeṇopadaṃśam /
atra vikalpena+upapada-samāsaḥ tr̥tīyāprabhr̥tīny-antarasyām (*2,2.21) /
mūlakādi copadaṃśeḥ karma /
bhujeḥ karaṇam /
sarvasminn eva atra ṇamul-prakaraṇe kriyābhede sati vāsarūpa-vidhinā ktvāpi bhavati /
mūlakenopadaśya bhuṅkte //

____________________________________________________________________


hiṃsā-arthānāṃ ca samānakarmakāṇām || PS_3,4.48 ||


_____START JKv_3,4.48:

tr̥tīyāyām ity eva /
hiṃsā prāṇy-upaghātaḥ /
tadarthānāṃ dhātūnām anuprayoga-dhātunā samāna-karmakāṇāṃ tr̥tīyānte upapade ṇamul pratyayo bhavati /
daṇḍopaghātaṃ gāḥ kālayati, daṇḍenopaghātam /
daṇḍatāḍam, daṇḍena tāḍam /
samānakarmakāṇām iti kim ? coraṃ daṇḍenopahatya gopālako gāḥ kālayati //


____________________________________________________________________


saptamyāṃ ca+upapīḍa-rudha-karṣaḥ || PS_3,4.49 ||


_____START JKv_3,4.49:

upaśabdaḥ pratyekam abhisambadhyate /
upapūrvebhyaḥ pīḍa-rudha-karṣebhyaḥ saptamyante upapade, cakārāt tr̥tīyānte upapade, ṇamula pratyayo bhavati /
pārśvopapīḍaṃ śete, pārśvayor upapīḍam, pārśvābhyām upapīḍam /
vrajoparodhaṃ gāḥ sthāpyati, vraje uparodham, vrajenoparodham /
pāṇyupakarṣaṃ dhānāḥ saṃgr̥hṇāti, pāṇāvupakarṣam, pāṇinopakarṣam /
karṣater idaṃ grahaṇaṃ na kr̥ṣateḥ //


____________________________________________________________________


[#303]

samāsattau || PS_3,4.50 ||


_____START JKv_3,4.50:

saptamyām tr̥tīyāyām iti vartate /
samāsattiḥ sannikarṣaḥ /
samāsattau gamyamānāyāṃ tr̥tīyā-saptamyoḥ upapadayoḥ dhātoḥ ṇamul pratyayo bhavati /
keśagrāhaṃ yudhyante, keśeṣu grāham, keśair grāham /
hastagrāham, hasteṣu grāham, hastair grāham /
yuddhasaṃrambhādatyantaṃ sannikr̥ṣyante ity arthaḥ //


____________________________________________________________________


pramāṇe ca || PS_3,4.51 ||


_____START JKv_3,4.51:

tr̥tīyā-saptamyoḥ ity eva /
pramāṇam āyāmaḥ, dairghyam /
pramāṇe gamyamane tr̥tīyā-saptamyoḥ upapadayoḥ dhātor ṇamul pratyayo bhavati /
dvyaṅgulotkarṣaṃ khaṇḍikāṃ chinatti, dvyaṅgule utkarṣam, dvyaṅgulenotkarṣam /
tryaṅgulotkarṣam //


____________________________________________________________________


apādāne parīpsāyām || PS_3,4.52 ||


_____START JKv_3,4.52:

parīpsā tvarā /
parīpsāyāṃ gamyamānāyām apādāne upapade dhātoḥ ṇamul pratyayo bhavati /
śayyotthāyaṃ dhāvati, śayyāyā utthāya /
evaṃ nāma tvarate yadavaśyaṃkartavyam api na apekṣate /
śayyotthānamātram ādriyate /
randhrāpakarṣaṃ payaḥ pivati /
bhrāṣṭrāpakarṣamapūpān bhakṣayati /
parīpsāyām iti kim ? āsanād utthāya gacchati //


____________________________________________________________________


dvitiyāyāṃ ca || PS_3,4.53 ||


_____START JKv_3,4.53:

parīpasāyām ity eva /
dvitīyānta upapade parīpsāyāṃ gamyamānāyāṃ dhātoḥ ṇamul pratyayo bhavati /
yaṣṭigrāhaṃ yudhyante, yaṣṭiṃ grāham /
loṣṭagrāham, loṣṭaṃ grāham /
evaṃ nāma tvarate yadāyudha-grahaṇam api na adriyate /
loṣtādikaṃ yat kiṃcid āsannaṃ tad gr̥hṇāti //


____________________________________________________________________


svāṅge 'dhruve || PS_3,4.54 ||


_____START JKv_3,4.54:

dvitīyāyām ity eva /
agruve svāṅga-vācini dvitīyānta upapade dhātoḥ ṇamul pratyayo bhavati /
akṣinikāṇaṃ jalpati /
bhrūvikṣepaṃ kathayati /
aghruve iti kim ? utkṣipya śiraḥ kathayati /
yasmin aṅge chinne 'pi prāṇī na mriyate tadaghruvam /
adravam mūrtimat svāṅgam //


____________________________________________________________________


[#304]

pariklaśyamāne ca || PS_3,4.55 ||


_____START JKv_3,4.55:

svāṅge, dvitīyāyām ity eva /
parikliśyamāne svāṅga-vācini dvitīyānte upapade dhātoḥ ṇamul pratyayo bhavati /
parikleśaḥ sarvato vibādhanam, duḥkhanam /
uraḥpeṣaṃ yudhyante, uraḥpratipeṣaṃ yudhyante /
śiraḥpeṣam, śiraḥpratipeṣam /
kr̥tsnamuraḥ pīḍayanto yudhyante /
ghruvārtho 'yam ārambhaḥ //


____________________________________________________________________


viśi-pati-padi-skandām vyāpyamāna-āsevyamānayoḥ || PS_3,4.56 ||


_____START JKv_3,4.56:

dvitīyāyām ity eva /
dvitīyānte upapade viśyādibhyo dhātubhyo ṇamul pratyayo bhavati, vyāpyamāne āsevyamāne ca arthe gamyamāne /
viśyādibhiḥ kriyābhir anavayavena padārthānāṃ sambandho vyāptiḥ /
tātparyam āsevā /
dravye vyāptiḥ, kriyāyāmāsevā /
geha-anupraviśam āste /
samāsena vyāptyāsevayor uktatvāt nitya-vīpsayoḥ (*8,1.4) iti dvirvacanaṃ na bhavati /
asamāsapakṣe tu vyāpyamānatāyāṃ dravya-vacanasya dvirvacanam, āsevyamānatāyāṃ tu kriyā-vacanasya /
tathā ca vakṣyati - supsu vīpsa, tiṅkṣu nityatā iti /
gehaṃ geham anupraveśam āste /
āsevāyām - geham anupraveśam anupraveśam āste /
pati - geha-anuprapātam āste gehaṃ geham anuprapātam āste, geham anuprapātam anuprapātam āste /
padi - geha-anuprapādam āste, gehaṃ geham anuprapādam, geham anuprapādam anuprapādam /
skandi - geha-avaskandam āste, gehaṃ geham avaskandam, geham avaskandam avaskandam /
vyāpyam ānāsevyamānayoḥ iti kim ? geham anupraviśya bhuṅkte /
nanu ābhīkṣṇye ṇamul vihita eva, āsevā ābhīkṣṇyam eva, kim arthaṃ punar āsevāyāṃ ṇamul ucyate ? ktvānivr̥tty-artham iti cet, na, iṣṭatvāt tasya /
dvitīyopapada-arthaṃ tarhi vacanam, upapadasamāsaḥ pakṣe yathā syāt /
tena hi sati upapadābhāvaḥ //


____________________________________________________________________


asyati-tr̥ṣoḥ kriyāntare kāleṣu || PS_3,4.57 ||


_____START JKv_3,4.57:

dvitīyāyām ity eva /
kriyāmantarayati kriyāntaraḥ, kriyāvyavadhāyakaḥ /
kriyāntare dhātvarthe vartamānābhyām asyati-tr̥ṣibhyāṃ dvitīyānteṣu kāla-vāciṣu upapadeṣu ṇamul pratyayo bhavati /
dvyahātyāsaṃ gāḥ pāyayati, dvyahamatyāsaṃ gāḥ pāyayati /
tryahātyāsaṃ gāḥ pāyayati, tryahamatyāsaṃ gāḥ pāyayati /
dvyahatarṣaṃ gāḥ pāyayati, dvyahaṃtarṣaṃ gāḥ pāyayati /
atyasanena tarṣaṇena ca gavāṃ pānakriyā vyavadhīyate vicchidyate /
adya pāyayitvā dvyahamatikramya punaḥ pāyayati ity arthaḥ /
asyati-tr̥ṣoḥ iti kim ? dvyahamupoṣya bhuṅkte /
kriyāntare iti kim ? aharatyasya iṣūn gataḥ /

[#305]

na gatir vyavadhīyate /
kāleṣu iti kim ? yojanam atyasya gāḥ pāyayati /
adhvakarmakam atyasanaṃ vyavadhāyakam, na kāla-karmakam //


____________________________________________________________________


nāmny-ādiśi-grahoḥ || PS_3,4.58 ||


_____START JKv_3,4.58:

dvitīyāyām ity eva /
nāma-śabde dvitīyānte upapade ādiśer graheś ca dhātoḥ ṇamul pratyayo bhavati /
deśam ācaṣte /
nāmagrāham ācaṣṭe //


____________________________________________________________________


avyaye 'yathābhipreta-ākhyāne kr̥ñaḥ ktvā-ṇamulau || PS_3,4.59 ||


_____START JKv_3,4.59:

avyaye upapade ayathabhipreta-ākhyāne gamyamāne karoteḥ ktvā-ṇamulau bhavataḥ /
brāhmaṇa, putraste jātaḥ /
kiṃ tarhi vr̥ṣala, nīcaiḥ kr̥ṭyācakṣe, nīcaiḥ kr̥tvā, nīcaiḥ kāram /
uccair nāma priyam ākhyeyam /
brāhamaṇa, kanyā te garbhiṇī /
kiṃ tarhi vr̥ṣala, uccaiḥ kr̥tyācakṣe, uccaiḥ kr̥tvā, uccaiḥ kāram /
nīcair nāmāpriyam ākhyeyam /
ayathābhipreta-ākhyāne iti kim ? uccaiḥ kr̥tvācaṣṭe putraste jātaḥ iti /
ktvā-grahaṇaṃ kim, yāvatā sarvasminn eva atra prakaraṇe vāsarūpeṇa ktvā bhavati ity uktam ? samāsa-arthaṃ vacanam /
tathā ca ktvā ca (*2,2.22) ity asmin sūtre tr̥tīyā-prabhr̥tīny-anyatarasyām (*2,2.21) iti vartate /
ṇamul-adhikāre punar ṇamul-grahaṇaṃ tulyakakṣatvajñāpana-artham, tena+uttaratra dvayor apy anuvr̥ttir bhaviṣyati //


____________________________________________________________________


tiryacy apavarge || PS_3,4.60 ||


_____START JKv_3,4.60:

tiryak-śabde upapade kr̥ñaḥ ktvāṇamulau pratyayau bhavataḥ, apavarge gamyamāne /
apavargaḥ samāptiḥ /
tiryak-kr̥tya gataḥ, tiryak-kr̥tvā gataḥ, tiryak-kāraṃ gataḥ /
samāpya gataḥ ity arthaḥ /
apavarge iti kim ? tiryak-kr̥tvā kāṣṭhaṃ gataḥ /
tiryaci iti śabda-anukaraṇam /
na ca prakr̥tivad-anukaraṇena bhavitavyam, anukriyamāṇarūpavināśaprasaṅgāt, etado 'ś, adaso māt (*1,1.12) iti //


____________________________________________________________________


[#306]

svāṅge tas-pratyaye kr̥bhvoḥ || PS_3,4.61 ||


_____START JKv_3,4.61:

tas-pratyayo yataḥ sva-aṅgāt tad evam ucyate /
tas-pratyaye svāṅga-vācini upapade karoteḥ bhavateś ca dhātvoḥ ktvāṇamulau pratyayau bhavataḥ /
yathā-saṅkhyam atra neṣyate, asvaritatvāt /
mukhataḥ-kr̥tya gataḥ, mukhataḥ kr̥tvā gataḥ, mukhataḥ-kāraṃ gataḥ /
mukhatobhūya tiṣṭhati, mukhato bhūtvā tiṣṭhati, mukhatobhāvaṃ tiṣṭhati /
pr̥ṣṭhataḥkr̥tya gataḥ, pr̥ṣṭhataḥ kr̥tvā gataḥ, pr̥ṣṭhataḥ kāraṃ gataḥ /
pr̥ṣṭhatobhūya gataḥ, pr̥ṣṭhato bhūtvā, pr̥ṣṭhatobhāvam /
svāṅge iti kim ? sarvataḥ kr̥tvā gataḥ /
tas-grahaṇaṃ kim ? mukhīkr̥tya gataḥ /
mukhībhūya gataḥ /
pratyaya-grahaṇaṃ kim ? mukhe tasyati iti mukhataḥ, mukhataḥ kr̥tvā gataḥ //


____________________________________________________________________

nā-dhā-arthapratyaye cvy-arthe || PS_3,4.62 ||


_____START JKv_3,4.62:

nā-artho dhā-arthaś ca pratyayo yasmāt sa evam ucyate /
nādhārthapratyaye śabde cvy-arthe upapade kr̥bhvoḥ dhātvoḥ ktvāṇamulau pratyayu bhavataḥ /
anānā nānā kr̥tvā gataḥ nānākr̥tya gataḥ, nānā kr̥tvā gataḥ, nānākāraṃ gataḥ /
vinākr̥tya gataḥ, vinā kr̥tvā gataḥ, vinākāraṃ gataḥ /
nānābhūya gataḥ, nānā bhūtvā gataḥ, nānābhāvaṃ gataḥ /
vinābhūya gataḥ, vinā bhūtvā gataḥ, dvinābhāvaṃ gataḥ /
dvidhākr̥tya gataḥ, dvidhā kr̥tvā gataḥ, dvidhākāraṃ gataḥ /
dvidhābhūya gataḥ, dvidhā bhūtvā gataḥ, dvidhābhāvaṃ gataḥ /
dvaidhaṃkr̥tya gataḥ, dvaidhaṃ kr̥tvā gataḥ, dvaidhaṃkāraṃ gataḥ /
dvaidhaṃbhūya gataḥ, dvaidhaṃ bhūtvā gataḥ, dvaidhaṃbhāvaṃ gataḥ /
pratyaya-grahaṇaṃ kim ? hiruk kr̥tvā /
pr̥thak kr̥tvā /
cvy-arthe iti kim ? nānā kr̥tvā kāṣṭhāni gataḥ /
dhārtham artha-grahaṇam, nā punar eka eva, vinañbhyāṃ nānāñau iti //


____________________________________________________________________


tūṣṇīmi bhuvaḥ || PS_3,4.63 ||


_____START JKv_3,4.63:

tūṣṇīṃ-śabde upapade bhavateḥ dhātoḥ ktvāṇamulau pratyayau bhavataḥ /
tūṣṇīṃ-bhūya gataḥ, tūṣṇīṃ bhūtvā, tūṣṇīṃ-bhāvam /
bhū-grahaṇaṃ kr̥ño nivr̥̄tty-artham //


____________________________________________________________________


anvacy ānulomye || PS_3,4.64 ||


_____START JKv_3,4.64:

anvak-śabde upapade bhavater dhātoḥ ānulomye ktvāṇamulau bhavataḥ /
ānulomyam anulomatā, anukūlatvam, paricittānuvidhānam /
anvagbhūya āste, anvag bhūtvā āste, anvagbhāvam āste /
ānulomye iti kim ? anvag bhūtvā tiṣṭhati //


____________________________________________________________________


[#307]

śaka-dhr̥ṣa-jñā-glā-ghaṭa-rabha-labha-krama-saha-arha-asty-artheṣu tumun || PS_3,4.65 ||


_____START JKv_3,4.65:

śaka-ādiṣu upapadeṣu asty-artheṣu vā dhātumātrāt tumun pratyayo bhavati /
atriyārthopapadārtho 'yam ārambhaḥ /
śaknoti bhoktum /
dhr̥ṣṇoti bhoktum /
jānāti bhoktum /
glāyati bhoktum /
ghaṭate bhoktum /
ārabhate bhoktum /
labhate bhoktum /
prakramate bhoktum /
sahate bhoktum /
arhati bhoktum /
asty-artheṣu khalv api - asti bhoktum /
bhavati bhoktum //


____________________________________________________________________

paryāpti-vacaneṣv alam-artheṣu || PS_3,4.66 ||


_____START JKv_3,4.66:

paryāptiḥ anyūnatā /
paryāpti-vacaneṣu alamartheṣu upapadeṣu dhātostumun pratyao bhavati /
paryāpto bhoktum /
alaṃ bhoktum /
bhoktuṃ pārayati /
paryāpti-vacaneṣu iti kim ? alaṃ kr̥tvā /
alam-artheṣu iti kim ? paryāptaṃ bhuṅkte /
pūrvasūtre śakigrahaṇam analamartham, śakyam evaṃ kartum iti //


____________________________________________________________________


kartari kr̥t || PS_3,4.67 ||


_____START JKv_3,4.67:

kr̥t-sañjñakāḥ pratyayāḥ kartari kārake bhavanti /
kr̥d-utpatti-vākyānām ayaṃ śeṣaḥ /
tatra yeṣu artha-nirdeśo nāsti tatra+idam upatiṣṭhate, arthākāṅkṣatvāt /
na khyunnādi-vākyeṣu, sākṣād artha-nirdeśe sati teṣām nirākāṅkṣatvāt /
kārakaḥ /
kartā /
nandanaḥ /
grāhī /
pacaḥ //


____________________________________________________________________


bhavya-geya-pravacanīya-upasthānīya-janya-āplāvya-āpātyā vā || PS_3,4.68 ||


_____START JKv_3,4.68:

bhavyādayaḥ śabdāḥ kartari vā nipātyante /
tayor eva kr̥tya-kta-khal-arthaḥ (*3,4.70) /
iti bhāva-karmaṇoḥ prāptayoḥ kartā ca vācyaḥ pakṣe ucyate /
bhavaty asau bhavyaḥ, bhavyam anena iti vā /
geyo māṇavakaḥ sāmnām, geyāni māṇavakena sāmāni iti vā /
pravacanīyo guruḥ svādhyāyasya, pravacanīyo guruṇā svādhyāya iti vā /
upasthānīyo 'ntevāsī guroḥ, upasthānīyaḥ śiṣyeṇa vā guruḥ /
jāyate 'sau janyaḥ, janyamanena iti vā /
āplavate 'sāvāplāvyaḥ, āplāvyam anena iti vā /
āpatati asāvāpātyaḥ, āpātyam anena iti vā //


____________________________________________________________________


laḥ karmaṇi ca bhāve ca akramakebhyaḥ || PS_3,4.69 ||


_____START JKv_3,4.69:

laḥ ity utsr̥ṣṭānaubandhaṃ sāmānyaṃ gr̥hyate, prathamābahuvacanāntaṃ caa+eat /
lakārāḥ karmaṇi kārake bhavanti, cakārāt kartari ca akarmakebhyo dhātubhyo bhāve bhavanti, punaś cakārāt kartari ca /
gamyate grāmo devadattena /
gacchati grāmaṃ devadattaḥ /
akarmakebhyaḥ - āsyate devadattena /
āste devadattaḥ /
sakramakebhyo bhāve na bhavanti //


____________________________________________________________________


[#308]
tayor eva kr̥tya-kta-khal-arthāḥ || PS_3,4.70 ||


_____START JKv_3,4.70:

tayor eva bhāvakarmaṇoḥ kr̥tya-sañjñākāḥ kta-khal-arthāś ca pratyayā bhavanti /
eva-kāraḥ kartur apakarśaṇa-arthaḥ /
kr̥tyāḥ karmaṇi - kartavyaḥ kaṭo bhavatā /
bhoktavya odano bhavatā /
bhāve - āśitavyaṃ bhavatā /
śayitavyaṃ bhavatā /
ktaḥ karmaṇi - kr̥taḥ kaṭo bhavatā /
bhukta odano bhavatā /
bhāve - āsitaṃ bhavatā /
śayitaṃ bhavatā /
khal-arthāḥ karmaṇi īṣatkaraḥ kaṭo bhavatā /
sukaraḥ /
duṣkaraḥ /
bhāve - īṣadāḍhyaṃbhavaṃ bhavatā /
svāḍhyaṃbhavaṃ bhavatā /
bhāvo cākramakebhyaḥ ity anuvr̥tteḥ sakarmakebhyo bhāve na bhavanti //


____________________________________________________________________


ādikarmaṇi ktaḥ kartari ca || PS_3,4.71 ||


_____START JKv_3,4.71:

ādikarmaṇi yaḥ kto vihitaḥ sa kartari bhavati /
cakārād yathāprāptaṃ bhāvakarmaṇoḥ /
ādibhūtaḥ kriyākṣaṇa ādikarma, tasminn ādikarmaṇi bhūtatvena vivakṣite yaḥ kto vihitaḥ, tasya ayam artha-nirdeśaḥ /
prakr̥taḥ kaṭaṃ devadattaḥ, prakr̥taḥ kto devadattena, prakr̥tam devadattena /
prabhukta odanaṃ devadattaḥ, prabhukta odano devadattena, prabhuktaṃ devadattena //


____________________________________________________________________


gaty-artha-akramaka-śliṣa-śīṅ-sthā-āsa-vasa-jana-ruha-jīryatibhyaś ca || PS_3,4.72 ||


_____START JKv_3,4.72:

gaty-arthabhyo dhātubhyo 'karmakebhya śliṣādibhyaś ca yaḥ ktaḥ, sa kartari bhavati /
cakārād yathāprāptaṃ ca bhāvakarmaṇoḥ /
gato devadatto grāmam, gato devadattena grāman, gato devadattena grāmaḥ, gataṃ devadattena /
akarmakebhyaḥ - glāno bhavān, glānaṃ bhavatā /
āsito bhavān, āsitaṃ bhavatā /
śliṣa - upaśliṣṭo guruṃ bhavān, upaśliṣṭo gururbhavatā, upaśliṣṭaṃ bhavatā /
śīṅ - upaśayito guruṃ bhavān, upaśayito gururbhavatā, upaśayitaṃ bhavatā /
sthā - upasthito guruṃ bhavān, upasthito gururbhavatā, upasthitaṃ bhavatā /
āsa - upāsito guruṃ bhavān, upāsito gururbhavatā, upāsitaṃ bhavatā /
vasa - anūṣito guruṃ bhavān, anūṣito gururbhavatā, anūṣitaṃ bhavatā /
jana - anujāto māṇavako māṇa - vikām, anujātā māṇavakena māṇavikā, anujātaṃ māṇavakena /
ruha - ārūḍho vr̥kṣaṃ bhavān, ārūḍho vr̥kṣo bhavatā, ārūḍhaṃ bhavatā /
jīryati - anujīrṇo vr̥ṣalīṃ devadattaḥ, anujīrṇā vr̥palī devadattena, anujīrṇaṃ devadattena /
śliṣādayaḥ sopasargāḥ sakarmakā bhavanti, tadartham eṣām upādānam //


____________________________________________________________________


dāśa-goghnau sampradāne || PS_3,4.73 ||


_____START JKv_3,4.73:

dāśa-goghnau śabdau saṃpradāne kārake nipātyete /
dāśr̥ dāne, tataḥ pacādyac /
sa kr̥tsañjñakatvāt kartari prāptaḥ, sampradāne nipātyate /
dāśanti tasmai iti dāśaḥ /
āgatāya tasmai dātuṃ gāṃ hanti iti goghnaḥ, arghārho 'tithiḥ /
ṭagatra nipātyate /
nipātana-sāmarthyād eva goghnaḥ r̥tvig-ādir ucyate, na tu caṇḍālādiḥ /
asaty api ca gohanane tasya yogyatayā goghnaḥ ity abhidhīyate //


____________________________________________________________________


[#309]

bhīma-ādayo 'pādāne || PS_3,4.74 ||


_____START JKv_3,4.74:

bhīmādayaḥ śabdā apādāne nipātyante /
uṇādi-pratyayāntā ete, iṣiyudhīndhidasiśyādhūsūbhyo mak, bhiyaṣṣuk grasvaś ca ity evam ādayaḥ /
tābhyām anyatra-uṇādayaḥ (*3,4.75) iti paryadāse prāpte nipātanam ārabhyate /
bhīmaḥ /
bhīṣmaḥ /
bhayānakaḥ /
varuḥ /
bhūmiḥ /
rajaḥ /
saṃskāraḥ /
saṃkrandanaḥ /
prapatanaḥ /
samudraḥ /
srucaḥ /
sruk /
khalatiḥ //


____________________________________________________________________


tābhyām anyatra-uṇādayaḥ || PS_3,4.75 ||


_____START JKv_3,4.75:

uṇādayaḥ śabdāḥ tābhyām apādāna-sampradānābhyām anyatra kārake bhavanti /
kr̥ttvāt kartary eva prāptāḥ karmādiṣu kathyante /
tābhyām iti sampradāna-arthaḥ pratyavamarśaḥ, anyathā hy apādānam eva paryudasyeta, anantaratvāt /
kr̥ṣito 'sau kr̥ṣiḥ /
tanita iti tantuḥ /
vr̥ttam iti vartma /
caritaṃ carma //


____________________________________________________________________


kto 'dhikaraṇe ca dhrauvya-gati-pratyavasāna-arthebhyaḥ || PS_3,4.76 ||


_____START JKv_3,4.76:

drauvya-arthāḥ akarmakāḥ, pratyavasāna-arthāḥ abhyavahāra-arthāḥ iti svanikāya-prasiddhiḥ /
dhrauvyā-gati-pratyavasāna-arthebhyaḥ yaḥ kto vihitaḥ so 'dhikaraṇe bhavati /
cakārād yathāprāptaṃ ca /
dhrauvya-arthebhyaḥ kartr̥bhāva-adhikaraṇeṣu, gaty-arthebhyaḥ kartr̥karmabhāva-adhikaraneṣu, pratyavasāna-arthebhyaḥ karmabhāva-adhikaraṇesu /
bhrauvya-arthebhyaḥ tāvat - āsito devadattaḥ, āsitaṃ tena, idam eṣām āsitam /
gaty-arthebhyaḥ - yāto devadatto grāmam, yāto devadattena grāmaḥ, yātaṃ devadattena, idam eṣāṃ yātam /
pratyavasāna-arthebhyaḥ - bhuktaḥ odano devadattena, devadattena bhuktam, idam eṣāṃ bhuktam /
kathaṃ bhuktā brāhmaṇāḥ, pītā gāvaḥ iti /
akāro matvarthīyaḥ, bhuktam eṣām asti, pītam eṣām asti iti //


____________________________________________________________________


lasya || PS_3,4.77 ||


_____START JKv_3,4.77:

lasya ity ayam adhikāraḥ /
akāra uccārana-arthaḥ /
lakāramātraṃ sthānitvena adhikriyate /
yad iti ūrdhvam anukramiṣyāmaḥ lasya ity evaṃ tad veditavyam /
kiṃ ca+idaṃ lasya iti ? daśa lakārā anubandha-viśiṣṭā vihitā artha-viśeṣe kāla-viśeṣe ca /
teṣāṃ viśeṣakarān anubandhān utsr̥jya yat sāmānyaṃ tad gr̥hyate /
ṣaṭ ṭitaḥ, catvāraḥ ṅitaḥ /
akṣarasamāmnāyavadānupūrvyā kathyante /
laṭ /
liṭ /
luṭ /
lr̥ṭ /
leṭ /
loṭ /
laṅ /
liṅ /
luṅ /
lr̥ṅ /
iti /
atha lakāramātrasya grahaṇam kasmān na bhavati, lunāti, cūḍālaḥ iti ? dhātv-adhikāro 'nuvartate, kartrādayaś ca viśeṣakāḥ //


____________________________________________________________________


[#310]

tip-tas-jhi-sip-thas-tha-mib-vas-mas-ta-ātāṃ-jha-thās-āthām-dhvam-iḍ-vahi-mahiṅ || PS_3,4.78 ||


_____START JKv_3,4.78:

lasya tib-ādya ādeśā bhavanti /
tip-sip-mipāṃ pakāraḥ svara-arthaḥ /
iṭaṣṭakāraḥ iṭo 't (*3,4.106) iti viśeṣaṇa-arthaḥ, tib-ādibhir ādeśais tulyatvān na deśa-vidhyarthaḥ /
mahiṅo ṅakāraḥ tiṅ iti pratyāhāra-grahaṇa-arthaḥ /
pacati, pacataḥ, pacanti /
pacasi, pacathaḥ, pacatha /
pacāmi, pacāvaḥ, pacāmaḥ /
pacate, pacete, pacante /
pacase, pacethe, pacadhve /
pace, pacāvahe, pacāmahe /
evam anyeṣv api lakareṣu udāhāryam //


____________________________________________________________________


ṭita ātmanepadānāṃ ṭere || PS_3,4.79 ||


_____START JKv_3,4.79:

ṭito lakārasya sthāne yāny ātmanepadāni teṣām ṭeḥ ekāra-ādeśo bhavati /
tathā ca+eva+udāhr̥tam /
iha kasmān na bhavati pacamānaḥ, yajamānaḥ ? prakr̥tais tibādibhiḥ ātmanepadāni viśeṣyante //


____________________________________________________________________


thāsaḥ se || PS_3,4.80 ||


_____START JKv_3,4.80:

ṭitaḥ ity eva /
ṭito lakārasya yaḥ thās tasya seśabda ādeśo bhavati /
pacase /
peciṣe /
paktāse /
pakṣyase //


____________________________________________________________________

liṭas ta-jhayor eś-irec || PS_3,4.81 ||


_____START JKv_3,4.81:

liḍ-ādeśayoḥ ta-jhayoḥ yathāsaṅkhyam eś irec ity etāv ādeśau bhavataḥ /
śakāraḥ sarvādeśa-arthaḥ /
cakāraḥ svarārthaḥ /
pece, pecāte, pecire /
lebhe, lebhāte, lebhire //


____________________________________________________________________


prasmaipadānāṃ ṇal-atus-us-thal-thus-aṇal-va-māḥ || PS_3,4.82 ||


_____START JKv_3,4.82:

liṭaḥ ity eva /
liḍ-ādeśānāṃ parasmaipada-sañjñākānāṃ yathāsaṅkhyaṃ tibādīnāṃ ṇalādayo nava ādeśā bhavanti /
lakāraḥ svarārthaḥ /
ṇakāro vr̥ddhy-arthaḥ /
papāca, pecatuḥ, pecuḥ /
pecitha, papaktha, pecathuḥ, peca /
papāca, papaca, peciva, pecima //


____________________________________________________________________


vido laṭo vā || PS_3,4.83 ||


_____START JKv_3,4.83:

parasmaipadānām ity eva /
vida jñāne, asmād dhātoḥ pareṣāṃ laḍādeśānāṃ parasmaipadānāṃ ṇalādayo nava vikalpena ādeśā bhavanti /
veda, vidatuḥ, viduḥ /
vettha, vidathuḥ, vida /
veda, vidva, vidma /
na ca bhavati /
vetti, vittaḥ, vidanti /
vetsi, vitthaḥ, vittha /
vedmi, vidvaḥ, vidmaḥ //


____________________________________________________________________


[#311]

bruvaḥ pañcānām ādita āho bruvaḥ || PS_3,4.84 ||


_____START JKv_3,4.84:

parasmaipadānām ity eva, laṭo vā iti ca /
bruvaḥ parasya laṭaḥ parasmaipadānāṃ pañcānāma adibhūtānāṃ pañcaiva ṇalādaya ādeśā bhavanti, tatsanniyogena ca bruva āhaśabda ādeśo bhavati /
āha, āhatuḥ, āhuḥ /
āttha, āhathuḥ /
na ca bhavati /
bravīti, brūtaḥ, bruvanti /
bravīṣi, brūthaḥ /
pañcānām iti kim ? brūtha /
bravīmi, brūvaḥ, brūmaḥ /
āditaḥ iti kim ? pareṣāṃ mā bhūt /
bruvaḥ iti punar vacanaṃ sthāny-artham, prasmaipadānām eva hi syāt //


____________________________________________________________________


loṭo laṅvat || PS_3,4.85 ||

_____START JKv_3,4.85:

atideśo 'yam /
loṭo laṅvat kāryaṃ bhavati /
tām-ādayaḥ, salopaś ca /
pacatām /
pacatam /
pacata /
pacāva /
pacāma /
aḍāṭau kasmān na bhavataḥ, tathā jher jus-ādeśaḥ laṅaḥ śākaṭāyanasya+eva (*3,4.111) iti vāntu, yāntu ? vido laṭo vā (*3,4.83) ity ato vā-grahaṇam anuvartate, sā ca vyavasthita-vibhāṣā bhaviṣyati //


____________________________________________________________________


er uḥ || PS_3,4.86 ||


_____START JKv_3,4.86:

loṭaḥ ity eva /
loḍ-ādeśānām ikārasya ukārādeśo bhavati /
pacatu /
pacantu /
hinyorutvapratiṣedho vaktavyaḥ /
na vā uccāraṇa-sāmarthyāt /
atha vā vā iti vartate, sā ca vyavashita-vibhāṣā //


____________________________________________________________________


ser hy apic ca || PS_3,4.87 ||


_____START JKv_3,4.87:

loṭaḥ ity eva /
loḍ-ādeśasya seḥ hi ity ayam ādeśo bhavati, apic ca bhavati /
sthānivadbhāvāt pittvaṃ prāptaṃ pratiṣidhyate /
lunīhi /
punīhi /
rādhnuhi /
takṣṇuhi //


____________________________________________________________________


vā chandasi || PS_3,4.88 ||


_____START JKv_3,4.88:

apittvaṃ vikalpyate /
la-ādeśaḥ chandasi viṣaye hi-śabdo vā apid bhavati /
yuyodhyasmajjuhurāṇamenaḥ /
prīṇāhi /
prīṇīhi //


____________________________________________________________________


mer niḥ || PS_3,4.89 ||


_____START JKv_3,4.89:

loṭaḥ ity eva /
loḍ-ādeśasya meḥ niḥ ādeśo bhavati /
utvalopayor apavādaḥ /
pacāni /
paṭhāni //

____________________________________________________________________


[#312]

ām etaḥ || PS_3,4.90 ||


_____START JKv_3,4.90:

loṭaḥ ity eva /
loṭ sambadhinaḥ ekārasya am ity ayam ādeśo bhavati /
pacatām, pacetām, pacantām //


____________________________________________________________________


sa-vābhyām vāmau || PS_3,4.91 ||


_____START JKv_3,4.91:

loṭaḥ ity eva /
sakāra-vakārābhyām uttarasya loṭ-sambandhina ekārasya yathāsaṅkhyaṃ ca am ity etāv ādeśau bhavataḥ /
āmo 'pavādaḥ /
pacasva /
pacadhvam //


____________________________________________________________________


āḍ uttamasya pic ca || PS_3,4.92 ||


_____START JKv_3,4.92:

loṭaḥ ity eva /
loṭ-sambandhinaḥ uttamapuruṣasya āḍāgamo bhavati, sa ca+uttamapuruṣaḥ pid bhavati /
karavāṇi, karavāva, karavāma /
karavai, karvāvahai, karavāmahai //


____________________________________________________________________


eta ai || PS_3,4.93 ||


_____START JKv_3,4.93:

loṭa uttamasya iti vartate /
loḍuttama-sambhandhinaḥ ekārasya aikāra-ādeśo bhavati /
āmo 'pavādaḥ /
karavaik karavāvahai, karavāmahai /
iha kasmān na bhavati, pacāvedam, yajāvedam ? bahiraṅga-lakṣaṇatvād guṇasya //


____________________________________________________________________


leṭo 'ḍ-āṭau || PS_3,4.94 ||


_____START JKv_3,4.94:

leṭo 'ḍ-āṭāv āgamau bhavataḥ paryāyeṇa /
joṣiṣat /
tāriṣat /
mandiṣat /
patāti didyut /
prajāpatir udadhiṃ cyāvayāti //


____________________________________________________________________

āta ai || PS_3,4.95 ||


_____START JKv_3,4.95:

leṭaḥ ity eva /
leṭsambhandhinaḥ ākārasya aikāra-ādeśo bhavati /
prathamapuruṣa-madhyamapuruṣa-ātmanepada-dvivacanayoḥ /
mantrayaite /
mantrayaithe /
karavaite /
karavaithe /
āṭaḥ kasmān na bhavati ? vidhānasāmarthyāt //


____________________________________________________________________


vā-eto 'nyatra || PS_3,4.96 ||


_____START JKv_3,4.96:

leṭaḥ ity eva /
leṭ-sambhandhinaḥ ekārasya vā aikāra-ādeśo bhavati /
anyatra ity anantaro vidhir apekṣyate /
āta ai (*3,4.95) ity etad viṣayaṃ varjayitvā eta ai bhavati /
saptāhāni śāsai /
aham eva paśūnāmīśai /
madagrā eva vo grahā gr̥hyāntai /
maddevatyānyeva vaḥ pātrāṇyucyāntai /
na ca bhavati /
yatra kva ca te mano dakṣaṃ dadhasa uttaram /
anyatra iti kim ? mantrayaite /
mantrayaithe //


____________________________________________________________________


[#313]

itaś ca lopaḥ parasmaipadesu || PS_3,4.97 ||


_____START JKv_3,4.97:

leṭaḥ ity eva /
leṭ-sambhandhinaḥ ikārasya parasmaipada-viṣayasya lopo bhavati /
vānuvr̥tteḥ pakṣe śravaṇam api bhavati /
joṣiṣat tāriṣat /
mandiṣat /
na ca bhavati /
patāti didyut /
prajāpatir udadhiṃ cyāvayāti parasmaipada-grahaṇam, iḍvahimahiḍāṃ mā bhūt //


____________________________________________________________________


sa uttamasya || PS_3,4.98 ||


_____START JKv_3,4.98:

leṭaḥ iti vā iti ca vartate /
leṭ-sambhandhina uttamapuruṣasya sakārasya vā lopo bhavati /
karavāva, karavāma /
na ca bhavati /
karavāvaḥ, karavāmaḥ /
uttamagrahaṇam, puruṣāntare mā bhūt //


____________________________________________________________________

nityaṃ ḍitaḥ || PS_3,4.99 ||


_____START JKv_3,4.99:

letaḥ iti nivr̥ttam /
ṅito lakārasya ya uttamaḥ, tasya nityaṃ sakārasya lopo bhavati /
upacāva, upacāma /
nitya-grahaṇaṃ vikalpa-nivr̥tty-artham //


____________________________________________________________________


itaś ca || PS_3,4.100 ||


_____START JKv_3,4.100:

ṅitaḥ ity eva /
ṅillakārasambandhina ikārasya nityaṃ lopo bhavati /
apacat /
apākṣīt /
parasmaipadeṣu ity eva, apacāvahi, apacāmahi //


____________________________________________________________________


tas-thas-tha-mipām tāṃ-taṃ-ta-amaḥ || PS_3,4.101 ||


_____START JKv_3,4.101:

ṅitaḥ ity eva /
ṅillakāra-sambandhināṃ caturṇām yathāsaṅkhyaṃ tām-ādayaḥ adeśā bhavanti /
apacatām /
apacatam /
apacata /
apacam /
apāktām /
apāktam /
apākta /
apākṣam //


____________________________________________________________________


liṅaḥ sīyuṭ || PS_3,4.102 ||


_____START JKv_3,4.102:

liṅ-ādeśānām sīyuḍ-āgamo bhavati /
ṭakāro deśavidhy-arthaḥ /
ukāra uccāraṇa-arthaḥ /
paceta, paceyātām, paceran /
pakṣīṣṭa, pakṣīyāstām, pakṣīran //


____________________________________________________________________


yāsuṭ parasmaipadesu udātto ṅic ca || PS_3,4.103 ||


_____START JKv_3,4.103:

liṅaḥ ity eva /
parasamaipada-viṣayasay liṅo yāsuḍ-āgamo bhavati, sa ca+udātto bhavati ṅic ca /
sīyuṭo 'pavādaḥ /
āgama-anudāttatve prāpte, ṅittvaṃ tu liṅa eva vidhīyate, tatra tatkāryāṇāṃ sambhavād, na āgamasya /
kuryāt, kuryātām, kuryuḥ /
sthanivadbhāvād eva liṅādeśasya ṅittve siddhe yāsuṭo ṅid-vacanaṃ jñāpana-artham, lakārāśrayaṅittvam ādeśānāṃ na bhavati iti /
acinavam /
akaravam //


____________________________________________________________________


[#314]

kid āśisi || PS_3,4.104 ||


_____START JKv_3,4.104:

āśiṣi yo liṅ, tasya yāsuḍāgamo bhavati, sa ca+udāttaḥ kidvad bhavati /
prayayasya+eva+idaṃ kittvam, na āgamasya, prayojanābhāvāt /
ṅittve prāpte kittvam vidhīyate /
guṇavr̥ddhi-pratiṣedhaḥ tulyaḥ, samprasāraṇam, jāgarter guṇe ca viśeṣaḥ /
iṣyat, iṣyāstām, isyāsuḥ /
jāgaryāt, jāgaryāstām, jāgaryāsuḥ /
āśiṣi iti kim ? vacyāt /
jāgr̥yāt //


____________________________________________________________________


jhasya ran || PS_3,4.105 ||


_____START JKv_3,4.105:

liṅaḥ ity eva /
jhasya liṅ-ādeśasya ran ity ayam ādeśo bhavati /
jho 'ntāpavādaḥ /
paceran /
yajeran /
kr̥ṣīran //

____________________________________________________________________


iṭo 't || PS_3,4.106 ||


_____START JKv_3,4.106:

liṅādeśasya iaḥ ata ity ayam ādeśo bhavati /
paceya /
yajeya /
kr̥ṣīya /
hr̥ṣīya /
takārasya itsañjñā-pratiṣedhaḥ prāpnoti, na vibhaktau tusmāḥ (*1,3.4) iti ? na+eva ayam ādeśa-avayavas takāraḥ, kiṃ tarhi, mukhasukha-artha uccāryate /
āgamasya+iṭo grahaṇaṃ na bhavati, arthavad-grahaṇe nānārthakasya grahaṇam iti //


____________________________________________________________________


suṭ tithoḥ || PS_3,4.107 ||


_____START JKv_3,4.107:

liṅaḥ ity eva /
liṅs-ambhandhinoḥ takāra-thakārayoḥ suḍ-āgamo bhavati /
takara-thakārāv āgaminau, liṅ tadviśeṣaṇam /
sīyuṭastu liṅevāgamī /
tena bhinna-viṣayatvāt suṭā bādhanaṃ na bhavati /
takāre ikara uccāraṇa-arthaḥ /
kr̥ṣīṣta /
kr̥ṣīyāstām /
kr̥ṣīṣṭhāḥ /
kr̥ṣīyāsthām //


____________________________________________________________________

jher jusū || PS_3,4.108 ||


_____START JKv_3,4.108:

liṅaḥ ity eva /
liṅ-ādeśasya jher jus ādeśo bhavati /
jho 'ntāpavādaḥ /
paceyuḥ /
yajeyuḥ //


____________________________________________________________________


sij-abhyasta-vidibhyaś ca || PS_3,4.109 ||


_____START JKv_3,4.109:

aliṅ-arthaḥ ārambhaḥ /
sicaḥ parasya, abhyasta-sañjñakebhyo, vetteś ca+uttarasya jher jus, ādeśo bhavati /
abhyastavidi-grahaṇam asij-artham /
ṅita iti ca anuvartate /
sicastāvat - akārṣuḥ /
ahārṣuḥ /
abhastāt - abibhayuḥ /
ajihrayuḥ /
ajāgaruḥ /
videḥ - aviduḥ //


____________________________________________________________________


[#315]

ātaḥ || PS_3,4.110 ||


_____START JKv_3,4.110:

sij-grahaṇam anuvartate /
sica ākārāntāc ca parasya jheḥ jus-ādeśo bhavati /
katham ābhyāmānantaryam ? sico luki kr̥te pratyayalakṣaṇena sico 'nantaraḥ, śrutyā cākārāntād iti /
aduḥ /
adhuḥ /
asthuḥ /
takāro mukha-sukha-arthaḥ /
pūrveṇa+eva sidhddhe niyama-arthaṃ vacanam, āta eva sijlugantāt, na anyasmāt iti /
abhūvan /
pratyayalakṣanena jus prāptaḥ pratiṣidhyate, tulyajātīyāpekṣatvān niyamasya /
śrūyamāne hi sici bhavaty eva, akārṣuḥ, ahārṣuḥ //


____________________________________________________________________


laṅaḥ śākaṭāyanasya+eva || PS_3,4.111 ||


_____START JKv_3,4.111:

ātaḥ ity eva /
ākārāntād uttarasya laṅādeśasya jheḥ jus ādeśo bhavati śākaṭāyanasya ācāryasya matena /
ayuḥ /
avuḥ /
anyeṣāṃ mate - ayān /
nanu ṅitaḥ ity anuvartate /
atra laṅ eva akārāntād anantaro ṅit sambhavati na anyaḥ, tat kiṃ laṅ-grahaṇena ? evaṃ tarthi laṅ eva yo laṅ vihitaḥ tasya yathā syāt, laṅvad-bhāvena yas tasya mā bhūt, loṭo laṅvat (*3,4.85) iti /
yāntu /
vāntu /
sija-bhyasta-vidibhyaś ca (*3,4.109) ity ayam api jher jus loṭo na bhavati /
bibhyatu /
jāgratu /
vidantu /
jusbhāvamātraṃ hi mukhyena laṅā viśeṣyate /
eva-kāra uttara-arthaḥ //


____________________________________________________________________


dviṣaś ca || PS_3,4.112 ||


_____START JKv_3,4.112:

laṅaḥ śākaṭāyanasya ity eva /
dviṣaḥ parasya laṅ-ādeśasya jher jusādeśo bhavati, śākaṭāyanasya ācāryasya matena /
adviṣuḥ /
anyeṣāṃ mate - adviṣan //


____________________________________________________________________


tiṅ-śit-sārvadhātukam || PS_3,4.113 ||


_____START JKv_3,4.113:

tiṅaḥ śitaś ca prayayāḥ sārvadhātuka-sañjñā bhavanti /
bhavati /
nayati /
svapiti /
roditi /
pacamānaḥ /
yajamānaḥ /
sārvadhātuka-pradeśāḥ - sārvadhātuke yak (*3,1.67) ity evam ādayaḥ //


____________________________________________________________________

ārdhadhātukaṃ śeṣaḥ || PS_3,4.114 ||


_____START JKv_3,4.114:

tiṅaḥ śitaś ca varjayitvā anyaḥ pratyayaḥ śeṣo dhātu-saṃśabdanena vihitaḥ ārdhadhātuka-sañjño bhavati /
lavitā /
lavitum /
lavitavyam /
dhātoḥ (*3,1.91) ity eva /
vr̥kṣatvam /
vr̥kṣatā asti /
lūbhyām /
lūbhiḥ /
jugupsate //


____________________________________________________________________


[#316]

liṭ ca || PS_3,4.115 ||


_____START JKv_3,4.115:

liḍ-ādeśaḥ tiṅ ārdhadhātuka-sañjño bhavati /
sārvadhātuka-sañjñāyā apavādaḥ /
pecitha /
śekitha /
jagle /
mamle /
nanu ca ekasañjña-adhikārād anyatra samāveśo bhavati ? satyam etat /
iha tu evakāro 'nuvartate, sa niyamaṃ karisyati //


____________________________________________________________________


liṅ āśiṣi || PS_3,4.116 ||


_____START JKv_3,4.116:

āśiṣi viṣaye yo liṅ sa ārdhadhātuka-sañjño bhavati /
sārvadhātuka-sañjñāyā apavādaḥ /
samāveśaś ca+evakāra-anuvr̥tterna bhavati /
laviṣīṣṭa /
paviṣīṣṭa /
āśiṣi iti kim ? lunīyāt /
punīyāt //


____________________________________________________________________


chandasy ubhayathā || PS_3,4.117 ||


_____START JKv_3,4.117:

chandasi viṣaye ubhayathā bhavati, sārvadhātukam ārdhadhātukaṃ ca /
kiṃ liṅ eva anantaraḥ sambadhyate ? na+etad asti, sarvam eva prakaraṇam apekṣyaitad ucyate /
tiṅ-śid-ādi chandasy ubhayathā bhavati /
vardhantu tvā suṣṭutayaḥ /
ārdhadhātukatvāṇ ṇi-lopaḥ /
vardhayantu iti prāpte /
śeṣaṃ ca sārvadhātukam - svastaye nāvamivāruhema /
ktinaḥ sārvadhātukatvād aster bhūbhāvo na bhavati /
liṭ sārvadhātukam - sasr̥vāṃso viśr̥ṇvire /
ima indrāya sunvire /
liṅ ubhayathā bhavati /
upa stheyāma śaraṇā vr̥hantā /
sārvadhātukatvāt liṅaḥ sa-lopaḥ, ārdhadhātukatvāt etvam /
vyatyayo bahulam (*3,1.85) ity asya+eva ayaṃ prapñcaḥ //
iti śrījayādityaviracitāyāṃ kāśikāyāṃ vr̥ttau tr̥tīyādhyāyasya caturthaḥ pādaḥ //


______________________________________________________

[#317]

caturtho 'dhyāyaḥ prathamaḥ pādaḥ /


____________________________________________________________________


ṅy-āp-prātipadikāt || PS_4,1.1 ||


_____START JKv_4,1.1:

adhikāro 'yam /
yadita ūrdhvam anukramiṣyāmaḥ āapañvamādhyāya-parisamāpteḥ ṅy-āp-prātipadikād ity evaṃ tad veditavyam /
sva-ādiṣu kapparyaṃteṣu prakr̥tir adhikriyate /
ṅīb-ṅīṣ-ṅīnāṃ sāmānyena grahaṇaṃ ṅī iti, ṭāb-ḍāp-cāpām āp iti, prātipadikam uktam arthavat, kr̥t-taddhita-samāsāś ca (*1,2.46) iti, teṣāṃ samāhāra-nirdeśo ṅy-āp-prātipadikāt iti /
yady api ca pratyaya-paratvena pāriśeṣyād iyam eva prakr̥tir labhyate, tathā api vr̥ddhāvr̥ddhāvarṇasvaradvyaj-lakṣaṇa-pratyaya-vidhau tat-saṃpratyaya-arthaṃ ṅy-āp-prātipadika-grahaṇaṃ kartavyam, itarathā hi samartha-viśeṣaṇam etat syāt /
atha ṅy-āp-grahaṇaṃ kim, na prātipadika-grahaṇe liṅga-viśiṣṭasya api grahaṇaṃ bhavati ity eva siddham ? na+etad asti /
svarūpavidhi-viṣaye paribhāṣeyaṃ prātipadika-svarūpa-grahaṇe sati liṅga-viśiṣta-grahaṇaṃ bhavati iti /
tathā ca yuvā khalati-palita-valina-jaratībhiḥ (*2,1.67) iti jñāpakamasyāstādr̥śam eva /
kiṃ ca tadantāt taddhita-vidhāna-arthaṃ ṅy-āb-grahaṇam, kālitarā, hariṇitarā, khaṭvātarā, mālātarā iti /
vipratiṣedhād dhi taddhita-balīyas tvaṃ syāt //


____________________________________________________________________


sv-au-jas-am-auṭ-chaṣ-ṭā-bhyāṃ-bhis-ṅebhyām-bhyas-ṅasi-bhyāṃ-bhyas-ṅas-os-ām-ṅy-os-sup || PS_4,1.2 ||

_____START JKv_4,1.2:

ṅy-āp-prātipadikāt (*4,1.1) ity adhikr̥tam /
ṅy-āp-prātipadikāt svādayaḥ pratyayā bhavanti /
ukārādayo 'nubandhā yathāyogam uccāraṇa-viśeṣaṇa-arthāḥ /
auṭaḥ ṭakāraḥ suṭ iti pratyāhāra-grahaṇa-arthaḥ /
pakāraḥ sup iti pratyāhāra-arthaḥ /
saṅkhyākarmādayaś ca svādīnām arthāḥ śāstrāntareṇa vihitās tena saha asya+ekavākyatā /
ṅy-antāt tāvat - kumārī /
gaurī /
śārṅgaravī /
ṅīb-ṅīṣ-ṅīnāṃ krameṇa udāharaṇam /
kumārī, kumāryau, kumāryaḥ /
kumārīm, kumāryau, kumārīḥ /
kumāryā, kumārībhyām, kumārībhiḥ /
kumāryai, kumārībhyām, kumārībhyaḥ /
kumāryāḥ, kumārībhyām, kumārībhyaḥ /
kumāryāḥ, kumāryoḥ, kumārīṇām /
kumāryām, kumāryoḥ, kumārīṣu /
evaṃ gaurī, śārṅgaravī codāhārye /
āpaḥ khalv api - khaṭvā /
bahurājā /
kārīṣagandhyā /
ṭāb-ḍāpc-āpāṃ krameṇa+udāharaṇam /

[#318]

khaṭvā, khaṭve, khaṭvāḥ /
khaṭvām, khaṭve, khaṭvāḥ /
khaṭvayā, khaṭvābhyām, khaṭvābhiḥ /
khaṭvāyai, khaṭvābhyām, khaṭvābhyaḥ /
khaṭvāyāḥ, khaṭvābhyām, khaṭvābhyaḥ /
khaṭvāyāḥ khaṭvayoḥ, khaṭvānām /
khaṭvāyām, khaṭvayoḥ, khaṭvāsu /
evaṃ bahurājākārīṣagandhye ca+udāhārye /
evaṃ prātipadikāt - dr̥ṣad, dr̥ṣadau, dr̥ṣadaḥ /
dr̥ṣadam, dr̥ṣadau, dr̥ṣadaḥ /
dr̥ṣadā, dr̥ṣadbhyām, dr̥ṣadbhiḥ /
dr̥sade, dr̥ṣadbhyām, dr̥ṣadbhyaḥ /
dr̥ṣadaḥ, dr̥ṣadbhyām, dr̥ṣadbhyaḥ /
dr̥ṣadaḥ, dr̥ṣadoḥ, dr̥ṣadām /
dr̥ṣadi, dr̥ṣadoḥ, dr̥ṣatsu //


____________________________________________________________________


striyām || PS_4,1.3 ||


_____START JKv_4,1.3:

adhikāro 'yam /
yad iti ūrdhvam anukramiṣyāmaḥ striyām ity evaṃ tad veditavyam /
ṅy-āp-prātipadikāt (*4,1.1) iti sarvādhikāre 'pi prātipadika-mātram atra prakaraṇe sambadhyate, ṇy-āpor anena+eva vidhānāt /
striyām ity ucyate /
keyaṃ strī nāma ? sāmānya-viśeṣāḥ strītvādayo gotvādaya iva bahuprakārā vyaktayaḥ /
kvacid āśraya-viśeṣābhāvāt upadeśa-vyaṅgayā eva bhavanti, yathā brāhmaṇatvādayaḥ /
strītvaṃ ca pratyaya-arthaḥ /
prakr̥tyartha-viśeṣaṇaṃ ca ity ubhayathā api prayujyate, striyām abhidheyāyāṃ striyāṃ vā yat prātipadikaṃ vartate iti /


____________________________________________________________________


vakṣyati -

ajādy-ataṣ ṭāp || PS_4,1.4 ||


_____START JKv_4,1.4:

ajā /
devadattā /
striyām iti kim ? ajaḥ /
devadattaḥ //
ajādy-ataṣ ṭāp (*4,1.4) /
ajādibhyaḥ prātipadikebhyaḥ akārāntāc ca prātipadikāt striyāṃ ṭāp pratyayo bhavati /
pakāraḥ sāmānyagrahaṇa-arthaḥ /
ṭakāraḥ sāmānyagrahaṇa-avighātārthaḥ /
ajā eḍakā /
kokilā /
caṭakā /
aśvā /
khaṭvā /
devadattā /
taparakaraṇaṃ t atkāla-artham /
śubhaṃyāḥ /
kīlālapāḥ brāhmaṇī /
hal-ṅy-ābbhyo dīrghāt su-ti-sy-apr̥ktaṃ hal (*6,1.68) iti su-lopaḥ syāt /
ajādi-grahaṇaṃ tu kvacij jāti-lakṣaṇe ṅīṣi prāpte, kvacit tu puṃyoga-lakṣaṇe, kvacit tu puṣpa-phala-uttaralakṣaṇe, kvacit tu vayo-lakṣaṇe ṅīpi, kvaciṭ ṭillakṣaṇe /
halantānāṃ tavaprāpta eva kasmiṃścid āb vidhīyate /
śūdrā ca amahatpūrvā jātiḥ iti paṭhyate /
tasya ayam arthaḥ /
śūdra-śabdaṣ ṭāpam utpādayati jātiś ced bhavati /
śūdrā /
puṃyoge ṅīṣaiva bhavitavyam /
śūdrasya bhāryā śūdrī /
mahatpūrvasya pratiṣedhaḥ /
mahāśūdrī /
mahāśūdra-śabdo hy ābhīrajātivacanaḥ, tatra tadanta-vidhinā ṭāp prāptaḥ pratiṣidhyate /
grahaṇavatā prātipadikena tadanta-vidhir na iti kathaṃ tadanta-vidhiḥ ? etad eva jñāpakaṃ bhavati asmin prakaraṇe tadanta-vidhiḥ iti /
tena atidhīvarī, atipīvarī, atibhavatī, atimahatī iti bhavati /

[#319]

ajā, eḍakā, caṭakā, aśvā, mūsikā iti jātiḥ /
bālā, hoḍhā, pākā, vatsā, mandā, vilātā iti vayaḥ /
pūrvāpahāṇā, aparāpahāṇā /
ṭit, nipatanāṇ ṇatvam /
saṃbhastrājīnaśaṇapiṇḍebhyaḥ phalāt /
samphalā /
bhastraphalā /
ajinaphalā /
śaṇaphalā /
piṇḍaphalā /
triphalā dvigau /
bahuvrīhau triphalī saṃhatiḥ /
sadacprākkāṇḍaprāntaśtaikebhyaḥ puṣpāt /
satpuṣpā /
prākpuṣpā /
kānḍapuṣpā /
prāntapuṣpā /
śatapuṣpā /
ekapuṣpā /
pākakarṇa iti ṅīṣo 'pavādaḥ /
śūdrā ca amahatpūrvā jātiḥ /
kruñcā, uṣṇihā, devaviśā halantāḥ /
jyeṣṭā, kaniṣtā, madhyamā puṃyogaḥ /
kokilā jātiḥ /
mūlānnañaḥ /
amūlā //


____________________________________________________________________


r̥n-nebhyo ṅīp || PS_4,1.5 ||


_____START JKv_4,1.5:

r̥-kārāntebhyo na-kārāntebhyaś ca prātipadikebhyaḥ striyāṃ ṅīp pratyayo bhavati ṅa-kāraḥ sāmānyagrahaṇa-arthaḥ /
kartrī /
hartrī /
daṇḍinī /
chatriṇī //


____________________________________________________________________


ugitaś ca || PS_4,1.6 ||

_____START JKv_4,1.6:

ug iti yatra sambhavati yathākathaṃcit tadugic-chābda-rūpaṃ, tadantāt striyāṃ ṅīp pratyayo bhavati /
bhavatī /
atibhavatī /
pacantī /
yajantī /
dhātor ugitaḥ pratiṣedho vaktavyaḥ /
ukhāsrat /
parṇadhvat brāhmaṇī /
añcateś ca+upasaṅkhyānam /
prācī /
pratīcī /
udīcī //


____________________________________________________________________


vano ra ca || PS_4,1.7 ||


_____START JKv_4,1.7:

vannantāt prātipadikāt striyāṃ ṅīp pratyayo bhavati, rephaś cāntādeśaḥ /
dhīvarī /
pīvarī /
śarvarī /
paralokadr̥śvarī /
r̥n-nebhyo ṅīp (*4,1.5) ity eva ṅīpi siddhe tat-sanniyogena repha-vidhāna-arthaṃ vacanam /
vano na haśaḥ /
prāptau ṅīvrau ubhāvapi pratiṣidhyete /
sahayudhvā brāhmaṇī //


____________________________________________________________________


[#320]

pādo 'nyatarasyām || PS_4,1.8 ||


_____START JKv_4,1.8:

pādaḥ iti kr̥ta-samāsāntaḥ pāda-śabdo nirdiśyate /
pādantāt prātipadikād anyatarasyāṃ striyāṃ ṅīp pratyayo bhavati /
dvipāt, dvipadī /
tripāt /
tripadī /
catuṣpād, catuṣpadī //


____________________________________________________________________


ṭāb r̥ci || PS_4,1.9 ||


_____START JKv_4,1.9:

pādaḥ ity eva /
r̥ci ity abhidheya-nirdeśaḥ /
r̥ci vācyāyāṃ pādantāt prātipadikāt striyāṃ ṭāp pratyayo bhavati /
ṅīpo 'pavādaḥ /
dvipadā r̥k /
tripadā r̥k /
catuṣpadā r̥k /
r̥ci iti kim ? dvipadī devadattā //


____________________________________________________________________


na ṣaṭsvasrādibhyaḥ || PS_4,1.10 ||

_____START JKv_4,1.10:

ṣaṭ-sañjñākebhyaḥ svasrādibhyaś ca prātipadikebhyaḥ strī-pratyayo na bhavati /
yo yataḥ prāpnoti sa sarvaḥ pratiṣidhyate /
pañca brāhmaṇyaḥ /
sapta /
nava /
daśa /
svasrādibhyaḥ - svasā /
duhitā /
nanāndā /
yātā /
mātā /
tisraḥ /
catasraḥ /
ṣaṭsañjñānāmante lupte ṭābutpattiḥ kasmān na syat /
pratyāhārāc cāpā siddhaṃ doṣastvittve tasmān na+ubhau //


____________________________________________________________________


manaḥ || PS_4,1.11 ||


_____START JKv_4,1.11:

mannantāt prātipadikāt ṅīp pratyayo na bhavati /
r̥n-nemyo ṅīp (*4,1.5) iti ṅīp prāpto manaḥ iti sūtreṇa pratiṣidhyate /
dāmā, dāmānau, dāmānaḥ /
pāmā, pāmānau, pāmānaḥ /
aninasmaṅgrahaṇānyarthavatā ca anarthakena ca tadantavidhiṃ prayojayanti /
sīmā, sīmānau, sīmānaḥ /
atimahimā, atimahimānau, atimahimānaḥ //


____________________________________________________________________

ano bahuvrīheḥ || PS_4,1.12 ||


_____START JKv_4,1.12:

annantād bahuvrīheḥ striyāṃ ṅīp pratyayo na bhavati /
anupadhālopī bahuvrīhir iha+udāharaṇam /
upadhālopino hi vikalpaṃ vakṣyati /
suparvā, suparvāṇau, suparvāṇaḥ /
suśarmā, suśarmāṇau, suśarmāṇaḥ /
bahuvrīheḥ iti kim ? atikrāntā rājānam atirājī //


____________________________________________________________________


[#321]

ḍāb ubhābhyām anyatarasyām || PS_4,1.13 ||


_____START JKv_4,1.13:

ḍāp pratyayo bhavati ubhābhyāṃ mannantāt prātipadikāt anantāc ca bahuvrīher anyatarasyām /
pāmā, pāme, pāmāḥ /
sīmā, sīme, sīmāḥ /
na ca bhavati /
pāmānaḥ /
sīmānaḥ /
bahuvrīhau - bahurājā, bahurāje, bahurājāḥ /
bahutakṣā, bahutakṣe, bahutakṣāḥ /
na ca bhavati /
bahurājānaḥ /
bahutakṣāṇaḥ /
anyatarasyāṃ-grahaṇaṃ kimartham ? bahuvrīhau, vano ra ca (*4,1.7) ity asya api vikaopo yathā yāt /
bahudhīvā, bahudhīvarī /
bahupīvā, bahupīvarī //

____________________________________________________________________


anupasarjanāt || PS_4,1.14 ||


_____START JKv_4,1.14:

adhikāro 'yam /
uttarasūtreṣu upasarjane pratiṣedhaṃ karoti /
yad iti ūrdhvam anukramiṣyāmo 'nupasarjanāt ity evaṃ tad veditavyam /
ṭiḍ-ḍha-aṇ-añ iti ṅīp /
kurucarī /
madracarī /
anupasarjanāt iti kim ? bahukurucarā, bahumadracarā madhurā /
jāteḥ iti ṅīṣ /
kukkuṭīi /
śūkarī /
anupasarjanāt iti kim ? bahukukkuṭā, bahuśūkarā madhurā /
kathaṃ punar upasarjanāt pratyayaprasṅgaḥ ? tad antavidhinā /
jñāpitaṃ ca+etad asty atra prakaraṇe tadantavidhiḥ iti /
tathā ca pradhānena tadanatavidhir bhavati /
kumbhakārī /
nagarakārī /
na ca aṇ iti kr̥d-grahaṇaṃ, taddhito 'py aṇ asti //


____________________________________________________________________


ṭiḍ-ḍha-aṇ-añ-dvayasaj-daghnañ-mātrac-tayap-ṭhak-ṭhañ-kañ-kvarapkhyunām || PS_4,1.15 ||


_____START JKv_4,1.15:

ataḥ iti sarvatra anuvaratate /
tat sati sambhave viśeṣaṇaṃ bhavati /
ṭid-ādibhyaḥ prātipadikebhyaḥ striyāṃ ṅīp pratyayo bhavati /
ṭāpo 'pavādaḥ /
ṭitastāvat - kurucarī /
madracarī /
iha kasmān na bhavati, pacamānā, yajamānā ? dvy-anubandhakatvāl laṭaḥ /
lyuḍ-ādiṣu katham ? ṭit-karaṇa-sāmarthyāt /
itaratra tu ṭeretvaṃ phalam /
paṭhitā vidyā iti ? āgamaṭittvam animittaṃ, ṭyuṭyulau tuṭ ca iti liṅgāt /
ḍha - sauparṇeyī /
vainateyī /
niranubandhako ḍha-śabdaḥ striyāṃ na asti iti niranubandhaka-paribhāṣā na pravartate /
aṇ - kumbhakārī /
nagarakārī /
aupagavī /
ṇe 'pi kvacidaṇkr̥taṃ kāryaṃ bhavati /
caurī, tāpasī /
dāṇḍā, mauṣṭā ity atra na bhavati /
añ - autsī /
audapānī /
śārṅgarava-ādy-año ṅīn (*4,1.73) iti punar año grahaṇaṃ jātilakṣaṇaṃ ṅīṣaṃ bādhitum /
dvayasac - ūrudvayasī /
jānudvayasī /
daghnac - ūrudaghnī /
jānudaghnī /

[#322]

mātrac - ūrumātrī /
jānumātrī /
tayap - pañcatayī /
daśatayī /
ṭhak - ākṣikī /
śālākikī /
ṭhañ - lāvaṇikī /
ṭhakṭhañor bhedena grahaṇaṃ ṭhanādi-nivr̥tty-artham /
kañ - yādr̥śī /
tādr̥śī /
kvarap - itvarī /
naśvarī /
khyun - āḍhyaṅkaraṇī /
subhagaṃkaraṇī /
nañsnañīkaktaruṇatalunānām upasaṅkhyānam /
straiṇī /
pauṃsnī /
śāktīkī /
yāṣṭīkī /
taruṇī /
talunī //


____________________________________________________________________


yañaś ca || PS_4,1.16 ||


_____START JKv_4,1.16:

ṅīp ity eva /
yañantāc ca prātipadikāt striyāṃ ṅīp pratyayo bhavati /
gārgī /
vātsī /
apatyagrahaṇaṃ kartavyam /
iha mā bhūt, dvīpād anusamudraṃ yañ (*4,3.10) dvaipyā /
yoga-vibhāgaḥ uttara-arthaḥ //


____________________________________________________________________


prācāṃ ṣpha taddhitaḥ || PS_4,1.17 ||


_____START JKv_4,1.17:

yañaḥ ity eva /
prācām ācāryāṇāṃ matena yañantāt striyāṃ ṣphaḥ pratyayo bhavati, sa ca taddhita-sañjñaḥ /
ṣakāro ṅīṣ-arthaḥ /
pratyayadvayena+iha strītvaṃ vyajyate /
taddhita-grahaṇaṃ prātipadikasañjña-artham /
gārgyāyaṇī /
vātsyāyanī /
anyeṣām - gārgī /
vātsī /
sarvatra-grahaṇam uttarasūtrād iha apakr̥ṣyate bādhakabādhana-artham /
āvaṭyāt cāpaṃ vakṣyati, tam api bādhitvā prācāṃ ṣpha eva yathā syāt /
āvaṭyāyanī //


____________________________________________________________________


sarvatra lohitādi-katantebhyaḥ || PS_4,1.18 ||


_____START JKv_4,1.18:

yañaḥ ity eva /
pūrveṇa vikalpe prāpte nityārthaṃ vacanam /
sarvatra lohitādibhyaḥ kataparyantebhyaḥ yañantebhyaḥ striyāṃ ṣphaḥ pratyayo bhavati /
kataśabdaḥ svatantraṃ yat prātipadikaṃ tadavadhitvena parigr̥hyate kapi-śabdāt paraḥ kapi kata iti , na pratipadikāvayavaḥ kurukateti /
lauhityāyanī /
śāṃsityāyanī bābhravyāyaṇī /
kaṇvāt tu śakalaḥ pūrvaḥ katād uttara iṣyate /
pūrvottarau tadantādī ṣphāṇau tatra prayojanam //
prātipadikeṣv anyathā pāṭhaḥ, sa evaṃ vyavasthāpayitavyaḥ iti manyate /
katantebhyaḥ iti bahuvrīhi-tatpuruṣayor ekaśeṣaḥ, tathā kaṇvādibhyo gotre (*4,2.111) iti /
tatra tatpuruṣa-vr̥ttyā saṃgr̥hīto madhyapātī śakala-śabdo yañantaḥ pratyayadvayam api pratipadyate /
śākalyāyanī /
śākalyasya+ime chātrāḥ śākalāḥ //


____________________________________________________________________


[#323]

kauravya-māṇḍūkābhyāṃ ca || PS_4,1.19 ||


_____START JKv_4,1.19:

kauravya māṇḍūka ity etābhyāṃ striyāṃ ṣphaḥ pratyayo bhavati /
kurvādibhyo ṇye kr̥te, ḍhak ca mṇḍūkāt (*4,1.119) ity aṇi ca /
yathākramaṃ ṭāb-ṅīpor apavādaḥ /
kauravyāyaṇī /
māṇḍūkāyanī /
kathaṃ kauravī senā ? tasya+idaṃ vivakṣāyām aṇi kr̥te bhaviṣyati /
kauravya-māṇḍūkayor āsurer upasaṅkhyānam /
āsurāyaṇī /
śaiṣikeṣv artheṣu iñś ca (*4,2.112) ity aṇi prāpte chapratyaya iṣyate /
āsurīyaḥ kalpaḥ //


____________________________________________________________________


vayasi prathame || PS_4,1.20 ||


_____START JKv_4,1.20:

kālakr̥taśasīrāvasthā yauvanādiḥ vayaḥ /
prathame vayasi yat prātipadikaṃ śrutyā vartate tataḥ striyāṃ ṅīp pratyayo bhavati /
kumārī /
kiśorī /
barkarī /
prathame iti kin ? sthavirā /
vr̥ddhā /
ataḥ ity eva, śiśuḥ /
vayasyacarama iti vaktavyam /
vadhūṭī /
ciraṇṭī /
dvitīyavayovacanāv etau /
prāpta-yauvanā strī abhidhīyate /
kathaṃ kanyā ? kanyāyāḥ kanīna ca (*4,1.116) iti jñāpakāt /
uttānaśayā, lohitapādikā iti ? naitāḥ vayaḥśrutayaḥ //


____________________________________________________________________


dvigoḥ || PS_4,1.21 ||


_____START JKv_4,1.21:

dvigu-sañjñakāt prātipadikāt striyāṃ ṅīp pratyayo bhavati /
pañcapūlī /
daśapūlī /
kathaṃ triphalā ? ajādiṣu dr̥śyate //


____________________________________________________________________


aparimāṇa-bista-ācita-kambalyebhyo na taddhitaluki || PS_4,1.22 ||


_____START JKv_4,1.22:

pūrveṇa ṅīp prāptaḥ pratiṣidhyate /
aparimāṇa-antāt dvigoḥ bista-ācitakambaly-āntāc ca taddhitaluki sati ṅīp pratyayo na bhavati /
bastādīnāṃ parimāṇa-arthaṃ grahaṇam /
sarvato mānaṃ parimāṇam /
aparimāṇa-antāt tāvat - pañcabhir aśvaiḥ krītā pañcāśvā /
daśāśvā /
kālaḥ ca saṅkhyā na parimāṇam /
dvivarṣā trivarṣā /
dvābhyāṃ śatābhyāṃ krītā dviśatā /
triśatā /
bistādibhyaḥ - dvibastā /
tribastā /
dvyācitā /
tryācitā /
dvikambalyā /
trikambalyā /
aparimāṇa+iti kim ? dvyāḍhakī /
tryāḍhakī /
taddhitaluki iti kim ? samāhāre - pañcāśvī /
daśāśvī //


____________________________________________________________________


[#324]

kāṇḍa-antāt kṣetre || PS_4,1.23 ||


_____START JKv_4,1.23:

kāṇḍa-śabda-antāt dvigos taddhitaluki sati kṣetre vācye ṅīp pratyayo na bhavati /
dve kaṇḍe pramāṇam asyāḥ kṣetra-bhakteḥ, pramaṇe dvayasaj-daghnañ-mātracaḥ (*5,2.37) iti vihitasya taddhitasya pramāṇe lo dvigor nityam iti luki kr̥te, dvikāṇḍā kṣetra-bhaktiḥ /
trikāṇḍā kṣetrabhaktiḥ /
kāṇḍa-śabdasya aparimāṇavācitvāt pūrveṇa+eva pratiṣedhe siddhe kṣetre niyama-arthaṃ vacanam /
iha mā bhūt, dvikāṇḍī rajjuḥ, trikāṇḍī rajjuḥ iti /
pramāṇa-viśeṣaḥ kāṇḍam //


____________________________________________________________________


puruṣāt pramāṇe 'nyatarasyām || PS_4,1.24 ||


_____START JKv_4,1.24:

dvigoḥ taddhitaluki ity eva /
pramāṇe yaḥ puruṣa-śabdaḥ, tadantād dvigoḥ taddhitaluki sati anyatarasyāṃ na ṅīp pratyayo bhavati /
dvau puruṣau pramāṇam asyāḥ parikhāyāḥ dvipuruṣā, dvipuruṣī /
tripuruṣā, tripuruṣī /
aparimāṇāntatvān nitye pratiṣedhe prāpte vikalpārthaṃ vacanam /
pramāṇe iti kim ? dvābhyāṃ puruṣābhyāṃ krītā dvipuruṣā /
kripuruṣā /
taddhitaluki ity eva /
samāhāre dvipuruṣī /
tripuruṣī //


____________________________________________________________________


bahuvrīher ūdhaso ṅīṣ || PS_4,1.25 ||


_____START JKv_4,1.25:

ūdhas-śabdāntād bahuvrīheḥ striyāṃ ṅīṣ pratyayo bhavati /
ūdhaso 'naṅ (*5,4.131) iti samāsānte kr̥te ano bahuvrīheḥ (*4,1.12) iti ḍāp-pratiṣedhayoḥ prāptayor idam ucyate /
ghaṭodhnī /
kuṇḍodhnī /
bahuvrīheḥ iti kim ? prāptā ūdhaḥ prāptodhāḥ /
ana upadhālopino 'nyatarasyām (*4,1.28) ity asya api ṅīpo 'yam uttaratra anuvr̥tter bādhaka iṣyate /
samāsāntaś ca striyām eva /
iha na bhavati, mahodhāḥ parjanyaḥ iti //


____________________________________________________________________


saṅkhyāvyayāderṅīp || PS_4,1.26 ||


_____START JKv_4,1.26:

pūrveṇa ṅīṣi prāpte ṅīb vadhīyate /
saṅkhyādeḥ avyayādeś ca bahuvrīher ūdhas-śabdāntād ṅīp pratyayo bhavati /
saṅkhyādeḥ tāvat - dvyūdhnī /
tryūdhnī /
avyayādeḥ - atyūdhnī /
nirūdhnī /
ādi-grahaṇaṃ kim ? dvividhodhnī, trividhodhnī ity atra api yathā syāt //


____________________________________________________________________


dāma-hāyana-anāc ca || PS_4,1.27 ||


_____START JKv_4,1.27:

ūdhasaḥ iti nivr̥̄ttam /
saṅkhyā-grahaṇam anuvartate, na avyaya-grahaṇam /
saṅkhyādeḥ bahuvrīheḥ dāma-śabdāntāt hāyana-śabdāntāt ca striyāṃ ṅīp pratyayo bhavati /
dāmāntāt ḍāppratiṣedhaviklpeṣu prāpteṣu nitya-arthaṃ vacanam /
dvidāmnī /
tridāmnī /
hāyanāntāṭ ṭāpi prāpte /
dvihāyanī /
trihāyaṇī /
caturhāyaṇī /
hāyano vayasi smr̥taḥ /
tena+iha na bhavati, dvihāyanā śālā /
trihāyanā /
caturhāyanā /
ṇatvam api tricaturbhyām hāyanasya iti vayasya+iva smaryate //


____________________________________________________________________


[#325]
ana upadhālopino 'nyatarasyām || PS_4,1.28 ||


_____START JKv_4,1.28:

bahuvrīher ity eva /
ann-anto yo bahuvrīhiḥ upadhālopī, tasmād anyatarasyāṃ ṅīp pratyayo bhavati /
ṅīpā mukte ṅāp-pratiṣedhau bhavataḥ /
kimarthaṃ tarhi idam ucyate, nanu siddhā eva ḍāp-pratiṣedhaṅīpaḥ ? anupadhālopinaḥ ṅīp-pratiṣedha-arthaṃ vacanam /
bahurājā, bahurājñī, bahurāje /
bahutakṣā, bahutakṣṇī, bahutakṣe /
anaḥ iti kim ? bahumatsyā /
upadhālopinaḥ iti kim ? suparvā, suparve, suparvāḥ /
suparvāṇau, suparvāṇaḥ /
ḍāp-pratiṣedhāv eva atra bhavataḥ //


____________________________________________________________________


nityaṃ sañjñā-chandasoḥ || PS_4,1.29 ||


_____START JKv_4,1.29:

annantād bahuvrīher upadhā-lopinaḥ sañjñāyāṃ viṣaye chandasi ca nityaṃ ṅīp pratyayo bhavati /
vikalpasya apavādaḥ /
surājñī, atirājñī nāmaḥ grāma /
chandasi - gauḥ pañcadāmnī /
ekadāmnī /
dvidāmnī /
ekamūrdhnī /
samānamūrdhnī //


____________________________________________________________________


kevala-māmaka-bhāgadheya-pāpa-apara-samāna-āryakr̥ta-sumaṅgala-bheṣajāc ca || PS_4,1.30 ||


_____START JKv_4,1.30:

sañjñā-chandasoḥ ity eva /
kevala-ādibhyaḥ prātipadikebhyaḥ sañjñāyāṃ, chandasi viṣaye striyāṃ ṅīp pratyayo bhavati /
kevalī /
kevalā iti bhāṣāyām /
māmakī /
māmikā iti bhāṣāyām /
mitrāvaruṇayor bhāgadheyīḥ stha /
bhāgadheyā iti bhāṣāyām /
sā pāpī /
pāpā iti bhāṣāyām /
utā+aparībhyo maghavā vijigye /
aparā iti bhāṣāyām /
samānī pravāṇī /
samānā iti bhāṣāyām /
āryakr̥tī /
āryakr̥tā iti bhāṣāyām /
sumaṅgalī /
sumaṅgalā iti bhāṣāyām /
bheṣajī /
bheṣajā iti bhāṣāyām //


____________________________________________________________________


rātreś ca ajasau || PS_4,1.31 ||


_____START JKv_4,1.31:

jasviṣayādanyatra sañjñāyāṃ chandasi ca rātri-śabdāt ṅīp pratyayo bhavati /
yā ca rātrī sr̥ṣṭā /
rātrībhiḥ /
ajasau iti kim ? yāstā rātrayaḥ /
ajasādiṣv iti vaktavyam /
rātriṃ sahoṣitvā /
kathaṃ timirapaṭalairavaguṇṭhitāś ca ratryaḥ ? ṅīṣayaṃ bahvādi-lakṣaṇaḥ /
tatra hi paṭhyate kr̥dikārādaktinaḥ, sarvato 'ktinn-arthāt ity eke iti //


____________________________________________________________________


[#326]

antarvat-pativator nuk || PS_4,1.32 ||


_____START JKv_4,1.32:

prakr̥tir nipātyate, nugāgam astu vidhīyate /
antarvat-pativator nuk bhavati ṅīp ca pratyayaḥ, sa tu nakārāntatvād eva siddhaḥ /
nipātana-sāmarthyāc ca viśeṣe vr̥ttir bhavati /
antarvat pativat iti garbha-bhartr̥-saṃyoge /
iha na bhavati, antarasyāṃ śālāyāṃ vidyate /
patimatī pr̥̄thīvī /
antarvat iti matub nipātyate, vatvaṃ siddham /
pativat iti vatvaṃ nipātyate, matup siddhaḥ /
antarvatnī garbhiṇī /
pativatnī jīvapatiḥ /
antarvat-pativatos tu matubvatve nipātanāt /
garbhiṇyāṃ jīvapatyāṃ ca vā chandasi tu nug-vidhiḥ //
sāntarvatnī devānupait /
sāntarvatī devānupaita /
pativatnī taruṇavatsā /
pativatī taruṇavatsā //


____________________________________________________________________


patyur no yajñasaṃyoge || PS_4,1.33 ||


_____START JKv_4,1.33:

patiśabdasya nakārādeśaḥ striyāṃ vidhīyate, ṅīp pratyayas tu nakārāntatvād eva siddhaḥ yajñasaṃyoge /
yajñena saṃyogaḥ yajñasaṃyogaḥ /
tatsādhanatvāt phalagrahītr̥tvāt vā yajamānasya patnī /
patnī vācaṃ yaccha /
yajñasaṃyoge iti kim ? grāmasya patiriyaṃ brāhmaṇī kathaṃ vr̥ṣalasya patnī ? upamānād bhaviṣyati //


____________________________________________________________________


vibhāṣā sapūrvasya || PS_4,1.34 ||


_____START JKv_4,1.34:

patyurnaḥ iti vartate /
pati-śabda-antasya prātipadikasya sapūrvasya anupasarjanasya striyāṃ vibhāṣā nakāra-ādeśo bhavati, ṅīp tu labhyate eva /
vr̥ddhaptnī, vr̥ddhapatiḥ /
sthūlapatnī, sthūlapatiḥ /
aprāptavibhāṣeyamayajñasaṃyogatvāt /
sapūrvasya iti kim ? patiriyaṃ brāhmaṇī grāmasya //


____________________________________________________________________


nityaṃ sapatnyādiṣu || PS_4,1.35 ||


_____START JKv_4,1.35:

saptnyādiṣu nityaṃ patyurnakārādeśo bhavati, ṅīp tu labhyate eva /
pūrveṇa vikalpe prāpte vacanam /
nitya-grahaṇaṃ vaspaṣṭa-artham /
samānaḥ patirasyāḥ saptnī /
ekaptnī /
samānādiṣv iti vaktavye samānasya sabhāva-arthaṃ vacanam /
samāna /
eka /
vīra /
piṇḍa /
bhrātr̥ /
putra /
dāsāc chandasi //


____________________________________________________________________


[#327]

pūtakrator ai ca || PS_4,1.36 ||


_____START JKv_4,1.36:

pūtakratu-śabdasya striyām aikāraścāntādeśo bhavati, ṅīp pratyayaḥ /
pūtakratoḥ strī pūtakratāyī /
traya ete yogāḥ puṃyoga-prakarane draṣṭavyāḥ /
yayā hi pūtāḥ kratavaḥ pūtakratuḥ sā bhavati //


____________________________________________________________________


vr̥ṣākapy-agni-kusita-kusidānām udāttaḥ || PS_4,1.37 ||


_____START JKv_4,1.37:

vr̥ṣākapy-ādīnām udātta aikārādeśo bhavati striyām, ṅīp ca pratyayaḥ /
vr̥ṣākapi-śabdo madyodātta udāttatvaṃ prayojayati /
agny-ādiṣu punarantodātteṣu sthānivadbhāvād eva siddham /
vr̥ṣākapeḥ strī vr̥ṣākapāyī /
agnāyī /
kusitāyī /
kusidāyī /
puṃyoge ity eva, vr̥ṣākapiḥ strī //


____________________________________________________________________


manor au vā || PS_4,1.38 ||


_____START JKv_4,1.38:

ai udāttaḥ iti vartate /
manu-śabdāt striyāṃ ṅīp pratyayo bhavati, aukāraścāntādeśaḥ, aikāraśca udāttaḥ /
vāgrahaṇena dvāv api vikalpyete /
tena trairūpyaṃ bhavati /
manoḥ strī manāyī /
manāvī /
manuḥ /
manu-śabdaḥ ādyudāttaḥ //


____________________________________________________________________


varṇād anudāttāt topadhātto naḥ || PS_4,1.39 ||


_____START JKv_4,1.39:

vā iti vartate /
varṇa-vācinaḥ prātipadikāt anudāttāntāt takāropadhād vā ṅīp pratyayo bhavati, takārasya nakārādeśo bhavati /
etā, enīṃ /
śyetā, śyenī /
haritā, hariṇī /
sarve ete ādyudāttāḥ, varṇānāṃ taṇatinitāntānām iti vacanāt /
varṇāt iti kim ? prakr̥tā /
prarutā /
gatisvareṇādyudāttaḥ /
anudāttāt iti kim ? śvetā /
ghr̥tāditvādantodāttaḥ /
topadhāt iti kim ? anyato ṅīṣaṃ vakṣyati /
ataḥ ity eva, śitir brahmaṇī /
piśaṅgādupasaṅkhyānam /
piśaṅgī /
asitapalitayoḥ pratiṣedhaḥ /
asitā /
palitā /
chandasi knam ityeke /
asiknī /
paliknī /
bhāṣāyām api iṣyate /
gato gaṇastūrṇamasiknikānām //


____________________________________________________________________


[#328]

anyato ṅīṣ || PS_4,1.40 ||


_____START JKv_4,1.40:

vā iti nivr̥ttam /
varṇād anudāttāt iti vartate, topadhāpekṣam anyatvam /
varṇa-vācinaḥ prātipadikād anudāttāntāt striyāṃ ṅīṣ pratyayo bhavati /
svare viśeṣaḥ /
sāraṅgī /
kalmāṣī /
śabalī /
varṇāt ity eva, khaṭvā /
anudāttāt ity eva, kr̥ṣṇā /
kapilā //


____________________________________________________________________


ṣid-gaurādibhyaś ca || PS_4,1.41 ||


_____START JKv_4,1.41:

ṅīṣ anuvartate /
ṣidbhyaḥ prātipadikebhyo gaurādibhyaś ca striyām ṅīṣ pratyayo bhavati /
śilpini ṣvun (*3,1.145) - nartakī /
khanakī /
rajakī /
gaurādibhyaḥ - gaurī /
matsī /
gaura /
matsya /
manuṣya /
śr̥ṅga /
haya /
gavaya /
mukaya /
r̥ṣya /
puṭa /
druṇa /
droṇa /
hariṇa /
kaṇa /
paṭara /
ukaṇa /
āmalaka /
kuvala /
badara /
bamba /
tarkāra /
śarkāra /
puṣkara /
śikhaṇḍa /
suṣama /
salanda /
gaḍuja /
ānanda /
sr̥pāṭa /
sr̥geṭha /
āḍhaka /
śaṣkula /
sūrma /
suba /
sūrya /
pūṣa /
mūṣa /
ghātaka /
sakalūka /
sallaka /
mālaka /
mālata /
sālvaka /
vetasa /
atasa /
pr̥sa /
maha /
maṭha /
cheda /
śvan /
takṣan /
anaḍuhī /
anaḍvāhī /
eṣaṇaḥ karaṇe /
deha /
kākādana /
gavādana /
tejana /
rajana /
lavaṇa /
pāna /
medha /
gautama /
āyasthūṇa /
bhauri /
bhauliki /
bhauliṅgi /
audgāhamāni /
āliṅgi /
āpicchika /
āraṭa /
ṭoṭa /
naṭa /
nāṭa /
malāṭa /
śātana /
pātana /
savana /
āstarana /
ādhikaraṇa /
eta /
adhikāra /
āgrahāyaṇī /
pratyavarohiṇī /
sevana /
sumaṅgalāt sañjñāyām /
sundara /
maṇḍala /
piṇḍa /
viṭaka /
kurda /
gūrda /
paṭa /
pāṇṭa /
lophāṇṭa /
kandara /
kandala /
taruṇa /
taluna /
br̥hat /
mahat /
saudharma /
rohiṇī nakṣatre /
revatī nakṣatre /
vikala /
niṣphala /
puṣkala /
kaṭācchroṇivacane /
pippalyādayaśca /
pippalī /
harītakī /
kośātakī /
śamī /
karīrī /
pr̥thivī /
kroṣṭrī /
mātāmaha /
pitāmaha /
mātāmaha-pitāmahayoḥ mātari ṣic ca (*4,2.36) iti ṣittvād eva siddhe jñāpana-arthaṃ vacanam, anityaḥ ṣil-lakṣaṇo ṅīṣ iti, tena daṃṣṭrā ity upapannaṃ bhavati //


____________________________________________________________________


jānapada-kuṇḍa-goṇa-sthala-bhāja-nāga-kāla-nīla-kuśa-kāmuka-kabarād vr̥tty-amatra-āvapana-akr̥trimā-śrāṇā-sthaulya-varṇa-anācchādana-ayovikāra-maithunecchā-keśaveśeṣu || PS_4,1.42 ||


_____START JKv_4,1.42:

jānapada-ādibhya ekādaśabhyaḥ prātipadikebhya ekādaśasu vr̥ttyādiṣv artheṣu yathāsaṅkhyaṃ ṅīṣ pratyayo bhavati /
jānapadī bhavati,

[#329]

vr̥ttiś cet /
jānapadī anyā /
svare viśesaḥ /
utsādipāṭhādañi kr̥te ṅīpādy-udāttatvaṃ bhavati /
kuṇḍī bhavati, amatraṃ cet /
kuṇḍā 'nyā /
goṇī bhavati, āvapanaṃ cet /
goṇā anyā /
sthalī bhavati, akr̥trimā cet /
sthalā anyā /
bhājī bhavati, śrāṇā cet /
pakvā ityarthaḥ /
bhājā anyā /
nāgī bhavati, sthaulyaṃ cet /
nāgā anyā /
nāgaśabdo guṇavacanaḥ sthaulye ṅīṣamutpādayati, anyatra guṇa eva ṭāpam /
jātivacanāttu jātilakṣaṇo ṅīṣ eva bhavati /
nāgī /
kālī bhavati, varṇaś cet /
kālā anyā /
nīlī bhavati, anācchādanaṃ cet /
nīlā anyā /
na ca sarvasminnanācchādana iṣyate /
kiṃ tarhi ? nīlādoṣadhau prāṇini ca /
nīlī oṣadhiḥ /
nīlī gauḥ /
nīlī vaḍavā /
sañjñāyāṃ vā /
nīlī, nīlā /
kuśī bhavati, ayovikāraś cet /
kuśā anyā /
kāmukī bhavati maithunecchā cet /
kāmukā anyā /
maithunecchāvatī bhaṇyate, necchāmātram /
kabarī bhavati, keśaveśaś cet /
kabarā anyā //

____________________________________________________________________


śoṇāt prācām || PS_4,1.43 ||


_____START JKv_4,1.43:

śoṇa-śabdāt prācām ācāryāṇāṃ matena striyāṃ ṅīṣ pratyayo bhavati /
śoṇī, śoṇā vaḍavā //


____________________________________________________________________


vā+uto guṇavacanāt || PS_4,1.44 ||


_____START JKv_4,1.44:

guṇam uktavān guṇavacanaḥ /
guṇavacanāt prātipadikād ukārāntāt striyāṃ vā ṅīṣ pratyayo bhavati /
paṭvī, paṭuḥ /
mr̥dvī, mr̥duḥ /
utaḥ iti kim ? śuciriyaṃ brāhamaṇī /
guṇavacanāt iti kim ? ākhuḥ /
vasu-śabdād guṇavacanād ṅībādy-udāttārtham /
vasvī /
kharusaṃyogopadhāt pratiṣedho vaktavyaḥ /
kharuriyaṃ brāhmaṇī /
pāṇḍuriyaṃ brāhmaṇī /
sattve niviśate 'paiti pr̥thag jātiṣu dr̥śyate /
ādheyaś ca akriyājaś ca so 'sattvaprakr̥tir guṇaḥ //


____________________________________________________________________

bahva-ādibhyaś ca || PS_4,1.45 ||


_____START JKv_4,1.45:

bahu ity evam ādibhyaḥ prātipadikebhyaḥ striyāṃ vā ṅīṣ pratyayo bhavati /
bahvī, bahuḥ /
bahu /
paddhati /
aṅkati /
añcati /
aṃhati /
vaṃhati /
śakaṭi /
śaktiḥ śastre /
śāri /
vāri /
gati /
ahi /
kapi /
muni /
yaṣṭi /
itaḥ prāṇyaṅgāt /
kr̥dikārādaktinaḥ /
sarvato 'ktinnarthād ity eke /
caṇḍa /
arāla /
kamala /
kr̥pāṇa /
vikaṭa /
viśāla /
viśaṅkaṭa /
bharuja /
dhvaja /
candrabhāgānnadyām /
kalyāṇa /
udāra /
purāṇa /
ahan /
bahuśabdo guṇavacana eva /
tasya+iha pāṭha uttarārthaḥ //


____________________________________________________________________


[#330]

nityaṃ chandasi || PS_4,1.46 ||


_____START JKv_4,1.46:

bahv-ādibhyaḥ chandasi viṣaye nityaṃ striyāṃ ṅīṣ pratyayo bhavati /
bahvīṣu hitvā prapiban /
bahvī nāma oṣadhī bhavati /
nitya-grahaṇam uttarārtham //


____________________________________________________________________


bhuvaś ca || PS_4,1.47 ||


_____START JKv_4,1.47:

chandasi viṣaye striyāṃ bhuvo nityaṃ ṅīṣ pratyayo bhavati /
vibhvī ca /
prabhvī ca /
saṃbhvī ca /
iha kasmān na bhavati, svayambhūḥ ? utaḥ iti taparakaraṇam anuvartate /
hrasvād eva+iyaṃ pañcamī /
bhuvaḥ iti sautro nirdeśaḥ //


____________________________________________________________________


puṃyogād ākhyāyām || PS_4,1.48 ||


_____START JKv_4,1.48:

puṃsā yogaḥ puṃyogaḥ /
puṃyogād dhetor yat prātipadikaṃ striyāṃ vartate puṃsa ākhyābhūtaṃ tasmād ṅīṣ pratyayo bhavati /
gaṇakasya strī gaṇakī /
mahāmātrī /
praṣṭhī /
pracarī /
puṃsi śabdapravr̥tti-nimittasya sambhavāt puṃśabdā ete, tadyogāt striyāṃ vartante /
puṃyogāt iti kim ? devadattā /
yajñadattā /
ākhyā-grahaṇāt kim ? parisr̥ṣṭā /
prajātā /
puṃyogād ete śabdāḥ striyāṃ vartante, na tu pumāṃsamācakṣate /
gopālikādīnāṃ pratiṣedhaḥ /
gopālakasya strī gopālikā /
sūryād devatāyāṃ cāb vaktavyaḥ /
sūryasya strī devatā sūryā /
devatāyām iti kim ? surī //


____________________________________________________________________


indra-varuṇa-bhava-śarva-rudra-mr̥ḍa-hima-araṇya-yava-yavana-mātula-ācāryāṇāmānuk || PS_4,1.49 ||


_____START JKv_4,1.49:

indrādibhyaḥ prātipadikebhyaḥ striyām ṅīṣ pratyayo bhavati, ānuk ca āgamaḥ /
yeṣām atra puṃyoga eva iṣyate, teṣām ānugāgamamātraṃ vidhīyate /
ratyayas tu pūrveṇa+eva siddhaḥ /
anyeṣāṃ tūbhayaṃ vidhīyate /
indrāṇī /
varuṇānī /
bhavānī /
śarvāṇī /
rudrāṇī /
mr̥ḍānī /
himāraṇyayor mahattve /
mahaddhimaṃ himānī /
mahadaraṇyam araṇyānī /

[#331]

yavād doṣe /
duṣṭo yavaḥ yavānī /
yavanāllipyām /
yavanānī lipiḥ /
upādhyāyamātulābhyāṃ vā /
upādhyāyānī, upādhyāyī /
matulānī, matulī /
ācāryādaṇatvaṃ ca /
ācāryānī, ācāryā /
aryakṣatriyābhyāṃ vā /
aryāṇī, aryā /
kṣatriyāṇī, kṣatriyā /
vinā puṃyogena svārtha eva ayaṃ vidhiḥ /
puṃyoge tu ṅīṣā eva bhavitavyam /
aryī /
kṣatriyī /
mudgalācchandasi licca /
rathīrabhūnmudgalānī gaviṣṭau //


____________________________________________________________________


krītāt karaṇa-pūrvāt || PS_4,1.50 ||

_____START JKv_4,1.50:

karaṇaṃ pūrvam asminn iti karaṇapūrvaṃ pratipadikam /
krīta-śabdāntāt prātipadikāt karaṇa-pūrvāt striyāṃ ṅīp pratyayo bhavati /
vastreṇa kriyate sā vastrakrītī /
vasanakrītī /
karaṇapūrvāt iti kim ? sukrītā /
duṣkrītā /
iha kasmān na bhavati, sā hī tasya dhanakrītī prāṇebhyo 'pi garīyasī iti ? ṭābantena samasaḥ /
ataḥ iti cātuvartate /
gatikārakopapadānāṃ kr̥dbhiḥ saha samāsavacanaṃ prāk subutpatteḥ iti bahulaṃ taducyate, kartr̥karaṇe kr̥tā bahulam (*2,1.32) iti //


____________________________________________________________________


ktād alpāakhyāyām || PS_4,1.51 ||


_____START JKv_4,1.51:

karaṇapūrvāt ity eva /
karaṇapūrvāt prātipadikāt ktāntād alpākhyāyāṃ ṅīṣ pratyayo bhavti /
alpākhyāyām iti samudāyopādhiḥ /
abhraviliptī khyauḥ /
sūpaviliptī pātrī /
alpasūpā ity arthaḥ /
alpākhyāyām iti kim ? candanānuliptā brāhmaṇī //


____________________________________________________________________


[#332]

bahuvrīheś ca antodattāt || PS_4,1.52 ||


_____START JKv_4,1.52:

ktāt ity eva /
bahuvrīhir yo 'ntodāttaḥ, tasmāt striyāṃ ṅīṣ pratyayo bhavati /
svāṅga-pūrva-pado bahuvrīhir iha+udāharaṇam /
asvāṅga-pūrvapadād vikalpaṃ vakṣyati /
śaṅkhyabhinnī /
ūrubhinnī /
galalotkr̥ttī /
keśalūnī /
bahuvrīheḥ iti kim ? pādapatitā /
antodāttāj jātapratiṣedhaḥ /
dantajātā /
stanajātā /
pāṇigr̥hītyādīnām arthaviśeṣe /
pāṇigr̥hītī bhāryā /
yasya astu kathañcit pāṇir gr̥hyate pāṇigr̥hītā sā bhavati /
abahunañsuiālasukhādi-pūrvād iti vaktavyam /
bahukr̥tā /
naṅ - akr̥tā /
su - sukr̥tā /
kāla - māsajātā /
saṃvatsara-jātā /
sukhādi - sukhajātā /
duḥkhajātā /
jāti-kāla-sukha-ādibhyo 'nācchādanāt kto 'kr̥ta-mita. pratipannāḥ (*6,2.170) ity evam ādinā bhauvrīher antodāttatvam //


____________________________________________________________________


asvāṅga-pūrvapadād vā || PS_4,1.53 ||


_____START JKv_4,1.53:

antodāttāt ktāt iti anuvartate /
asvāṅgapūrvapadād antodāttāt ktāntād bahuvrīheḥ striyāṃ vā ṅīṣ pratyayo bhavati /
pūrveṇa nitye prāpte vikalpa ucyate /
śārṅgajagdhī, śārṅgajagdhā /
palāṇḍubhakṣitī, palāṇḍubhakṣitā /
surāpītī, surāpītā /
asvāṅgapūrvapadāt iti kim ? śaṅkhabhinnī /
ūrubhinnī /
antodāttāt ity eva, vastracchannā /
vasanacchanna /
bahulaṃ sañjñāchandasor iti vaktavyam /
pravr̥ddhavilūnī, pravr̥ddhavilūnā /
pravr̥ddhā ca asau vilūnā ca iti /
na ayaṃ bahuvrīhiḥ //


____________________________________________________________________


svāṅgāc ca+upasarjanād asaṃyoga-upadhāt || PS_4,1.54 ||


_____START JKv_4,1.54:

bahuvrīheḥ ktāntād antodāttāt iti sarvaṃ nivr̥ttam /
vā-grahaṇam anuvartate /
svāṅgaṃ yad upasarjanam asaṃyogopadhaṃ tad antāt prātipadikāt striyāṃ vā ṅīṣ pratyayo bhavati /
candramukhī, candramukhā /
atikrāntā keśān atikeśī, atikeśā mālā /
svāṅgāt iti kim ? bahuyavā /
upasarjanāt iti kim ? aśikhā /
asaṃyogopadhāt iti kim ? sugulphā /
supārśvā /

[#333]

aṅgagātrakaṇṭhebhya iti vaktavyam /
mr̥dvaṅgī, mr̥dvaṅgā /
sugātrī, sugātrā /
snigdhakaṇṭhī, snigdhakaṇṭhā /
adravaṃ mūrtimat svāṅgaṃ prāṇisthamavikārajam /
atatsthaṃ tatra dr̥ṣṭaṃ cet tena cettattathāyutam //


____________________________________________________________________


nāsikā-udara-oṣṭha-jaṅghā-danta-karṇa-śr̥ṅgāc ca || PS_4,1.55 ||


_____START JKv_4,1.55:

svāṅgāc ca+upasarjanāt ity eva /
bahvaj-lakṣaṇe saṃyogopadha-lakṣaṇe ca pratiṣedhe prāpte vacanam /
sahanañ-vidyamāna-lakṣaṇas tu pratiṣedho bhavaty eva /
nāsikā-ādyantāt prātipadikāt striyāṃ vā ṅīṣ pratyayo bhavati /
tuṅganāsikī, tuṅganāsikā /
tilodarī, tilodarā /
bamboṣṭhī, bamboṣṭhā /
dīrghajaṅghī, dīrghajaṅghā /
samadantī, samadantā /
cārukarṇī, cārukarṇā /
tīkṣaṇaśr̥ṅgī, tīkṣṇaśr̥ṅgā /
pucchāc ca+iti vaktavaym /
kalyāṇapucchī, kalyāṇapucchā /
kabara-maṇi-viṣa-śarebhyo nityam /
kabarapucchī /
maṇipucchī /
viṣayucchī /
śarapucchī /
upamānāt pakṣāc ca pucchāt ca /
ulūkapakṣīsenā /
ulūkapucchī śālā //


____________________________________________________________________


na kroḍādi-bahvacaḥ || PS_4,1.56 ||


_____START JKv_4,1.56:

svāṅgāt iti ṅiṣ prāptaḥ pratiṣedhyate /
kroḍādyantāt bahvajantāt prātipadikāt striyāṃ ṅīṣ pratyayo na bhavati /
kalyāṇakroḍā /
kalyāṇākhurā /
kalyāṇokhā /
kalyāṇabālā /
kalyāṇaśaphā /
kalyāṇagudā /
kalyāṇaghoṇā /
kalyāṇanakhā /
kalyāṇamukhā /
kroḍādir ākr̥tigaṇaḥ /
subhagā /
sugalā /
bahvacaḥ khalv api - pr̥thujaghanā /
mahālalāṭā //


____________________________________________________________________


saha-nañ-vidyamāna-pūrvāc ca || PS_4,1.57 ||


_____START JKv_4,1.57:

svāṅgāc ca+upasarjanāt iti, nāsika-udara-oṣṭha-jaṅghā-danta-karṇa. śr̥ggāc ca (*4,1.55) iti ca prāpto ṅīṣ pratiṣidhyate /
saha nañ vidyamāna evaṃ pūrvāt prātipadikāt striyāṃ ṅīṣ pratyayo na bhavati /
sakeśā /
akeśā /
vidyamānakeśā /
sanāsikā /
anāsikā /
vidyamānanāsikā //


____________________________________________________________________


[#334]

nakha-mukhāt sañjñāyām || PS_4,1.58 ||


_____START JKv_4,1.58:

nakha-mukhāntāt prātipadikāt sañjñāyām viṣaye striyāṃ ṅīṣ pratyayo na bhavati /
śūrpaṇakhā /
vajranakhā /
gauramukhā /
kālamukhā /
sañjñāyām iti kim ? tāmranakhī kanyā /
candramukhī //


____________________________________________________________________


dīrghajihvī ca cchandasi || PS_4,1.59 ||


_____START JKv_4,1.59:

dīrghajihvī iti chandasi viṣaye nipātyate /
saṃyogopadhatvād aprāpto ṅīṣ vidhīyate /
dīrghajihvī vai devānāṃ havyamavāleṭ /
cakāraḥ sañjña-anukarṣaṇa-arthaḥ /
dīrghajihvī iti nipātanaṃ nitya-artham //


____________________________________________________________________

dik-pūrvapadān ṅīp || PS_4,1.60 ||


_____START JKv_4,1.60:

svāṅgāc ca+upasarjanāt ity evam ādividhi-pratiṣedha-viṣayaḥ sarvo 'py apekṣyate /
yatra ṅīṣ vihitas tatra tad apavādaḥ /
dik-pūrvapadāt prātipadikāt ṅīp pratyayo bhavati /
svare viśeṣaḥ /
prāṅmukhī, prāṅmukhā /
prāṅnāsikī, prāṅnāsikā /
iha na bhavati, prāggulphā, prākkroḍā, prāgjaghanā iti //


____________________________________________________________________


vāhaḥ || PS_4,1.61 ||


_____START JKv_4,1.61:

ṅīṣ eva svaryate, na ṅīp /
vaherayaṃ ṇvi-pratyayāntasya nirdeśaḥ /
sāmārthyāt tadantanidher vijñānam /
bahantāt prātipadikāt striyāṃ ṅīṣ pratyayo bhavati /
dityauhī /
praṣṭhauhī //


____________________________________________________________________


sakhy aśiṣvī iti bhāṣāyām || PS_4,1.62 ||


_____START JKv_4,1.62:
sakhī aśiśvī ity etau śabdau ṅīṣantau bhāṣāyāṃ nipātyete /
sakhīyaṃ me brāhmaṇī /
na asyāḥ śiśur asti iti aśiśvī /
bhāṣāyām iti kim ? sakhā saptapadī bhava /
aśiśum iva māmayaṃ śiśurabhimanyate //


____________________________________________________________________


jāter astrīviṣayād aya-upadhāt || PS_4,1.63 ||


_____START JKv_4,1.63:

jātivāci yat prātipadikaṃ na ca striyām eva niyatam astrīviṣayam ayakāropadhaṃ ca tasmāt striyāṃ ṅīṣ pratyayo bhavati /
ākr̥ti-grahaṇā jātir liṅgānāṃ ca na sarvabhāk /
sakr̥dākhyātanirgāhyā gotraṃ ca caraṇaiḥ saha //


[#335]

kukkuṭī /
sūkarī /
brāhmaṇī /
vr̥ṣalī /
nāḍāyanī /
cārāyaṇī /
kaṭhī /
bahvr̥cī /
jāteḥ iti kim ? muṇḍā /
astrīviṣayāt iti kim ? makṣikā /
ayopadhāt iti kim ? kṣatriyā /
yopadha-pratiṣedhe hayagavayamukayamatsyamanuṣyāṇam apratiṣedhaḥ /
hayī /
gavayī /
mukayī /
matsī /
manuṣī //


____________________________________________________________________


pāka-karṇa-parṇa-puṣpa-phala-mūla-vāla-uttarapadāc ca || PS_4,1.64 ||


_____START JKv_4,1.64:

pāka-ādy-uttarapadāt jātivācinaḥ prātipadikāt striyāṃ ṅīṣ pratyayo bhavati /
strī-viṣayatvād eteṣāṃ pūrveṇa aprāptaḥ pratyayo bidhīyate /
odanapādī /
śaṅkukarṇī /
śālaparṇī /
śaṅkhapuṣpī /
dāsīphalī /
darbhamūlī /
gobālī /
puṣpa-phala-mūla-uttarapadāt tu yato neṣyate tadajādiṣu paṭhyate, satprākkāṇḍaprāntaśataikebhyaḥ puṣpāt, sambhastrājinaśaṇapiṇḍebhyaḥ phalāt, mūlānnañaḥ iti //


____________________________________________________________________


ito manusya-jāteḥ || PS_4,1.65 ||


_____START JKv_4,1.65:

ikārāntāt prātipadikāt manuṣyajāti-vācinaḥ striyāṃ ṅīṣ pratyayo bhavati /
avantī /
kuntī /
dīkṣī /
plākṣī /
itaḥ iti kim ? viṭ /
darat /
manuṣya-grahaṇaṃ kim ? tittiriḥ /
jāteḥ iti vartamāne punar jāti-grahaṇaṃ yopadhād api yathā syāt /
audameyī /
iña upasaṅkhyānam ajāty-artham /
sautaṅgamī /
maunacittī /
sutaṅgamādibhyaś cāturarthika iñ na jātiḥ //


____________________________________________________________________


ūṅ utaḥ || PS_4,1.66 ||


_____START JKv_4,1.66:

manusyajāteḥ iti vartate /
ukārāntāt manusyajāti-vācinaḥ prātipadikāt striyām ūṅ pratyayo bhavati /
kurūḥ /
bahmabandhūḥ /
vīrabandhūḥ /
ṅakāro noṅdhātvoḥ (*6,1.175) iti viśeṣaṇa-arthaḥ /
dīrghoccāraṇaṃ kapo bādhana-artham /
ayopadhāt ity etad atra apekṣyate /
adhvaryur brāhmaṇī /
aprāṇijāteś cārajjvādīnām iti vaktavyam /
alābūḥ /
karkandhūḥ /
aprāṇi-grahaṇaṃ kim ? kr̥kavākuḥ /
arajjvādīnām iti kim ? rajjuḥ /
hanuḥ //


____________________________________________________________________


bāhvantāt sañjñāyām || PS_4,1.67 ||

_____START JKv_4,1.67:

bāhu-śabdāntāt prātipadikāt sañjñāyāṃ viṣaye striyāṃ ūṅ pratyayo bhavati /
bhadrabāhūḥ /
jālabāhūḥ /
sañjñāyām iti kim ? vr̥ttau bāhū asyāḥ vr̥ttabāhuḥ //


____________________________________________________________________


[#336]

paṅgoś ca || PS_4,1.68 ||


_____START JKv_4,1.68:

paṅgu-śabdāt striyāṃ ūṅ pratyayo bhavati /
paṅgūḥ /
śvaśur asya+ukārākāralopaś ca vaktavyaḥ /
śvaśrūḥ //


____________________________________________________________________


ūru-uttarapadād aupamye || PS_4,1.69 ||


_____START JKv_4,1.69:

ūru-uttarapadāt prātipadikāt aupamye gamyamāne striyām ūṅ pratyayo bhavati /
kadalīstambhorūḥ /
nāganāsorūḥ /
karabhorūḥ /
aupamye iti kim ? vr̥ttoruḥ strī //

____________________________________________________________________


saṃhita-śapha-lakṣaṇa-vāma-ādeś ca || PS_4,1.70 ||


_____START JKv_4,1.70:

saṃhita śapha lakṣaṇa vāma ity evam ādeḥ prātipadikād ūru-uttarapadāt striyām ūṅ pratyayo bhavati /
anaupamya-artha ārambhaḥ /
saṃhitorūḥ /
śaphorūḥ /
lakṣaṇorūḥ /
vāmorūḥ /
sahitasahābhyāṃ ca+iti vaktavyam /
sahitorūḥ /
sahorūḥ //


____________________________________________________________________


kadru-kamaṇḍalvoś chandasi || PS_4,1.71 ||


_____START JKv_4,1.71:

kadru-śabdāt kamaṇḍalu-śabdāc ca chandasi ciṣaye striyāṃ ūṅ pratyayo bhavati /
kadrūś ca vai suparṇī a /
mā sma kamaṇḍalūṃ śūdrāya dadyāt /
chandasi iti kim ? kadruḥ /
kamaṇdaluḥ /
guggulumadhujatupatayālūnām iti vaktavyam /
gugulūḥ /
madhūḥ /
jatūḥ /
patayālūḥ //

____________________________________________________________________


sañjñāyām || PS_4,1.72 ||


_____START JKv_4,1.72:

kadru-kamaṇḍalu-śabdābhyāṃ sañjñāyāṃ viṣaye striyām ūṅ pratyayo bhavati /
acchandorthaṃ vacanam /
kadrūḥ /
kamaṇḍalūḥ /
sañjñāyām iti kim ? kadruḥ /
kamaṇḍaluḥ //


____________________________________________________________________


[#337]

śārṅgarava-ādy-año ṅīn || PS_4,1.73 ||


_____START JKv_4,1.73:

śārṅgaravādibhyo 'ñantebhyaś ca prātipadikebhyaḥ striyāṃ ṅīn pratyayo bhavati /
śārṅgaravī /
kāpaṭavī /
añanatebhyaḥ - baidī /
aurvī /
jātigrahaṇam atra anuvartate /
tena jāti-lakṣaṇo ṅīṣ anena bādhyate, na puṃyoga-lakṣaṇaḥ, baidasya strī baidī /
śārṅgarava /
kāpaṭava /
gaugulava /
brāhmaṇa /
gautama /
ete 'ṇantāḥ /
kāmaṇḍaleya /
brāhamakr̥teya /
āniceya /
ānidheya /
āśokeya /
ete ḍhagantā /
vātsyāyana /
mauñjāyana /
etau phagantau jātiḥ /
kaikaseyo ḍhagantaḥ /
kāvyaśaivyau yañantau /
ehi, paryehi kr̥dikārāntau /
āśmarathyo yañantaḥ /
audapānaḥ /
udapānaśabdaḥ śuṇḍikādyaṇantaḥ prayojayati /
arāla /
caṇḍāla /
vataṇḍa /
jātiḥ /
bhogavadgaurimatoḥ sañjñāyām ghādiṣu nityaṃ hrasvārtham /
nr̥narayor vr̥ddhiś ca /
atra yathāyogaṃ ṅībādiṣu prāpteṣu ṅīn vidhīyate //


____________________________________________________________________


yaṅaś cāp || PS_4,1.74 ||


_____START JKv_4,1.74:

yaṅantāt prātipadikāt striyāṃ cāp pratyayo bhavati /
ñyaṅaḥ ṣyaṅaś ca sāmānya-grahaṇam etat /
āmbaṣṭhyā /
sauvīryā /
kausalyā /
ṣyaṅ - kārīṣagandhyā /
vārāhyā /
bālākyā /
ṣāc ca yañaḥ /
ṣāt paro yo yañ tadantāc cāp vaktavyaḥ /
śārkarākṣyā /
aputimāṣyā /
gaukakṣyā /
uttarasūtre cakāro 'nukta-samuccaya-arthaḥ, tena vā bhaviṣyati //


____________________________________________________________________


āvaṅyāc ca || PS_4,1.75 ||


_____START JKv_4,1.75:

avaṭa-śabdo gargādiḥ, tasmād yañi kr̥te ṅīpi prāpte vacanam etat /
āvaṭyāc ca striyāṃ cāp pratyayo bhavati /
āvaṭyā prācāṃ ṣpha eva, sarvatra grahaṇāt /
āvaṭyāyanī //


____________________________________________________________________


taddhitāḥ || PS_4,1.76 ||


_____START JKv_4,1.76:

adhikāro 'yam /
āpañcamādhyāyaparisamāpteḥ yānita ūrdhvam anukramisyāmaḥ taddhitasañjñāste veditavyāḥ /
vakṣyati, yūnastiḥ (*4,1.77) - yuvatiḥ /
bahuvacanam anukta-taddhita-parigraha-artham /
pr̥thivyā ñāñau (*4,1.85), agrādipaścāḍ ḍimac (*4,3.23) ity evam ādi labdhaṃ bhavati /
taddhita-pradeśāḥ - kr̥t-taddhita-samāsāś ca (*1,2.46) ity evam ādayaḥ //


____________________________________________________________________


[#338]

yūnas tiḥ || PS_4,1.77 ||


_____START JKv_4,1.77:

yuvan-śabdāt prātipadikāt striyāṃ tiḥ pratyayo bhavati /
sa ca taddhitasañjño bhavati /
ṅīpo 'pavādaḥ /
yuvatiḥ //


____________________________________________________________________


aṇ-iñor anārṣayor guru-upottamayoḥ ṣyaṅ gotre || PS_4,1.78 ||


_____START JKv_4,1.78:

gotre yāv aṇiñau vihitāv anārṣau tadantayoḥ prātipadikayor gurūpottamayoḥ striyāṃ ṣyaṅ ādeśo bhavati /
nirdiṣyamānasya ādeśā bhavanti ity aṇiñor eva vijñāyate, na tu samudāyasya /
ṅakāraḥ sāmānya-grahaṇa-arthaḥ /
ṣakāras tadavighātārthaḥ, yaṅaś cāp (*4,1.74) iti /
uttama-śabdaḥ svabhāvāt triprabhr̥tīnāmantyamakṣaramāha /
uttamasya samīpam upottamam /
guru upottamaṃ yasya tad gurūpottamaṃ prātipadikam /
karīṣasya+iva gandho 'sya karīṣagandhiḥ /
kumudagandhiḥ /
tasyāpatyam ityaṇ /
tasya ṣyaṅ ādeśaḥ /
kārīṣagandhyā /
kaumudagandhyā /
varāhasyāpatyam /
ata iñ (*4,1.95) /
vārāhiḥ /
tasya ṣyaṅ ādeśaḥ /
vārāhyā /
bālākyā /
aṇiñoḥ iti kim ? r̥tabhāgasyāpatyaṃ, badāditvādañ, ārtabhāgī /
gurūpottamādikaṃ sarvam asti iti na staṇiñau /
ṭiḍḍhāṇañ (*4,1.15) iti ṅīb eva bhavati /
anārṣayoḥ iti kim ? vāsiṣṭhī /
vaiśvāmitrī /
gurūpottamayoḥ iti kim ? aupagavī /
kāpaṭavī /
gotre iti kim ? tatra jātāḥ (*4,3.25) - āhicchatrī /
kānyakubjī //


____________________________________________________________________


gora-avayavāt || PS_4,1.79 ||


_____START JKv_4,1.79:

aṇ-iñoḥ ity eva /
gotra-avayavāḥ gotrābhimatāḥ kulākhyāḥ puṇikabhuṇikamukharaprabhr̥tayaḥ /
tato gotre vihitayor aṇiñoḥ striyāṃ ṣyaṅ ādeśo bhavati /
agurūpottamārtha ārambhaḥ /
pauṇikyā /
bhauṇikyā /
maukharyā /
yeṣāṃ svanantarāpatye 'pi iṣyate daivadattyā, yājñādattyā iti , te krauḍyādiṣu draṣṭavyāḥ //


____________________________________________________________________


krauḍy-ādibhyaś ca || PS_4,1.80 ||


_____START JKv_4,1.80:

krauḍi ity evam ādibhyaś ca striyāṃ ṣyaṅ pratyayo bhavati /
agurūpottama-artha ārambhaḥ /
anaṇiñarthaś ca /
kauḍyā /
lāḍyā /
kauḍi /
lāḍi /
vyāḍi /
āpiśali /
āpakṣiti /
caupayata /
caiṭayata /
śaikayata /
bailvayata /
vaikalpayata /
saudhātaki /
sūta yuvatyām /
bhoja kṣatriye bhauriki /
bhauliki /
śālmaki /
śālāsthali /
kāpiṣṭhali /
gaulakṣya /
gaukakṣya //


____________________________________________________________________


[#339]
daivayajñi-śaucivr̥kṣi-sātyamugri-kāṇṭheviddhibhyo 'nyatarasyām || PS_4,1.81 ||


_____START JKv_4,1.81:

daivayajñi śaucivr̥kṣi sātyamugri kāṇṭheviddhi ity eteṣām anyatarasyāṃ ṣyaṅ pratyayo bhavati /
iñantā ete, gotra-grahaṇaṃ ca na anuvartate /
tena+ubhayatravibhāṣeyam /
gotre pūrveṇa ṣyaṅādeśaḥ prāpto vikalpyate, agotre tvanantare 'patye pakṣe vidhīyate /
tena mukte ito manusyajāte (*4,1.65) iti ṅīṣ eva bhavati /
daivayajñyā, daivayajñī /
śaucivr̥kṣyā, śaucivr̥kṣī /
sātyamugryā, sātyamugrī /
kāṇṭheviddhyā, kāṇṭheviddhī //


____________________________________________________________________


samarthānāṃ prathamād vā || PS_4,1.82 ||


_____START JKv_4,1.82:

trayam apy adhikriyate samarthānām iti ca, prathamād iti ca, vā iti ca /
svārthika-pratyayāvadhiścāyam adhikāraḥ, prāgdiśo vibhaktiḥ (*5,3.1) iti vāvat /
svārthikeṣu hy asya+upayogo na asti, vikalpo 'pi tatra anavasthitaḥ /
kecin nityam eva bhavanti /
lakṣaṇavākyāni tasya apatyam (*4,1.92), tena raktaṃ rāgāt (*4,2.1) tatra bhavaḥ (*4,3.53) ity evam ādīni bhaviṣyanti /
teṣu sāmarthye sati prathama-nirdiṣṭād eva vikalpena pratyayo bhavati iti veditavyam /
samarthānām iti virdhāraṇe ṣaṣṭhī /
samarthānāṃ madye prathamaḥ pratyaya-prakr̥titvena nirdhāryate /
tasya iti sāmānyaṃ viśeṣalakṣaṇa-artham /
tadīyaṃ prāthamyaṃ viśeṣāṇāṃ vijñāyate /
upagoḥ apatyam aupagavaḥ /
samarthānām iti kim ? kambala upagoḥ, apatyaṃ devadattasya /
prathamāt iti kim ? ṣaṣṭhyāntād yathā syāt, prathamāntān mā bhūt /
vā iti kim ? vākyam api yathā syāt upagor apatyam iti /
yady evaṃ samāsa-vr̥ttiḥ taddhita-vr̥ttyā bādhyeta upagvapatyam iti /
na+eṣa doṣaḥ /
pūrvasūtrād anyatarasyāṃ grahaṇam anuvartate /
tena+etad api bhaviṣyati //


____________________________________________________________________


prāg dīvyato 'ṇ || PS_4,1.83 ||


_____START JKv_4,1.83:

tena dīvyati iti vakṣyati /
tad ekadeśo dīvyacchabdo avadhitvena gr̥hyate /
prāg - dīvyatsaṃśabdanād yānita ūrdhvam anukramiṣyamaḥ, aṇ pratyayas tatra bhavati iti veditavyam /
adhikāraḥ, paribhāṣā, cidhirvā iti triṣv api darśaneṣv apavādaviṣayaṃ parigr̥tya aṇ pravartate /
vakṣyati, tasya apatyam (*4,1.92) - aupagavaḥ /
kāpaṭavaḥ //


____________________________________________________________________


aśvapatyādibhyaś ca || PS_4,1.84 ||


_____START JKv_4,1.84:

aśvapatyādibhyaḥ prātipadikebhyaḥ prāgdīvyatīyeṣv artheṣu aṇ pratyayo bhavati /
patyuttarapadād ṇyaṃ vakṣyati, tasya apavādaḥ /
āśvapatam /
śātapataṃ /
aśvapati /
śatapati /
dhanapati /
gaṇapati /
rāṣṭrapati /
kulapati /
gr̥hapati /
dhānyapati /
paśupati /
dharmapati /
sabhāpati /
prāṇapati /
kṣetrapati //


____________________________________________________________________


[#340]

dity-adity-āditya-paty-uttarapadāṇ ṇyaḥ || PS_4,1.85 ||


_____START JKv_4,1.85:

prāgdīvyataḥ ity eva /
diti aditi āditya ity etebhyaḥ, patyuttarapadāt ca prātipadikāt prāgdīvyatīyeṣv artheṣu ṇyaḥ pratyayo bhavati /
daityaḥ /
ādityaḥ /
ādityam /
patyuttarapadāt - prājāpatyam /
saināpatyam /
yamācceti vaktavyam /
yāmyam /
vāṅmatipitr̥matāṃ chandasy upasaṃkhyānam /
vācyaḥ /
mātyā /
paitr̥matyam /
pr̥thivyā ñāñau /
pārthivā /
pārthivī /
devād yañañau /
daivyam /
daivam /
bahiṣaṣṭilopaś ca /
bāhyāḥ /
īkak ca /
vāhīkaḥ /
īkañ chandasi /
bāhīkaḥ /
svare viśeṣaḥ /
ṭilopavacanam avyayānāṃ bhamātre ṭilopasya anityatvajñāpanārtham /
ārātīyaḥ /
sthāmno 'kāraḥ /
aśvatthāmaḥ /
lomno 'patyeṣu bahuṣu /
uḍulomāḥ /
śaralomāḥ /
bahuṣu iti kim ? auḍulomiḥ /
śāralomiḥ /
sarvatra gorajādipratyayaprasaṅge yat /
gavyam /
ajādi-pratyaya-prasaṅge iti kim ? gobhyo hetubhya āgataṃ gorūpyam /
gomayam /
ṇyādayo 'rthaviśeṣalakṣaṇād apavādāt pūrvavipratiṣedhena /
diterapatyaṃ daityaḥ /
vanaspatīnāṃ samūhaḥ vānaspatyam /
kathaṃ daiteyaḥ ? diti-śabdāt kr̥dikārād aktinaḥ, sarvato 'ktinn-arthād ity eke iti ṅīṣaṃ kr̥tvā strībhyo ḍhak kriyate /
liṅgaviśiṣṭa-paribhāṣā ca anityā //


____________________________________________________________________


[#341]

utsa-ādibhyo 'ñ || PS_4,1.86 ||


_____START JKv_4,1.86:
prāgdīvyataḥ ity eva /
utsādibhyaḥ prāgdīvyatīyeṣu artheṣu añ pratyayo bhavati /
aṇas tad apavādānāṃ ca bādhakaḥ /
autsaḥ /
audapānaḥ /
utsa /
udapāna /
vikara /
vinoda /
mahānada /
mahānasa /
mahāprāṇa /
taruṇa /
taluna /
baṣkayā 'se /
dhenu /
pr̥thivī /
paṅkti /
jagatī /
tirṣṭup /
anuṣṭup /
janapada /
bharata /
uśīnara /
grīṣma /
pīlu /
kula /
udasthānāt deśe /
pr̥ṣadaṃśe /
bhallakīya /
rathāntara /
madhyandina /
br̥hat /
mahat /
sattvantu /
sacchabdo matubanta āgatanuṅko gr̥hyate sattvantu iti /
kuru /
pañcāla /
indrāvasāna /
uṣṇik /
kakubḥ /
suvarṇa /
deva /
grīṣmācchandasi iti vaktavyam /
iha mā bhūt /
graiṣṃī triṣṭup /
chandaś ca+iha vr̥ttaṃ gr̥hyate, na vedaḥ //


____________________________________________________________________


strī-puṃsābhyāṃ nañ-snañau bhavanāt || PS_4,1.87 ||


_____START JKv_4,1.87:

dhānyānāṃ bhavane kṣetre khañ (*5,2.1) iti vakṣyati /
tasya prāg ity anena+eva sambandhaḥ /
prāgbhavanasaṃśabdanād ye 'rthās teṣu strī-śabdāt puṃs-śabdāc ca yathākramaṃ nañsnañau pratyayu bhavataḥ /
strīṣu bhavaṃ straiṇam /
pauṃsnam /
striṇāṃ samūhaḥ straiṇam /
pauṃsnam /
strībhya āgataṃ straiṇam /
apuṃsnam /
strībhyo hitaṃ straiṇam /
pauṃsnam /
striyāḥ puṃvat iti jñāpakād vatyarthe na bhavati /
yoga-apekṣaṃ ca jñāpakam iti strīvad ity api siddham //


____________________________________________________________________


dvigor lug-anapatye || PS_4,1.88 ||

_____START JKv_4,1.88:

prāgdīvyataḥ iti vartate, na bhavanāt iti /
dvigoḥ iti ṣaṣṭhī /
dvigor yaḥ sambandhī nimittatvena taddhitaḥ prāgdīvyatīyo 'patya-pratyayaṃ varjayitvā tasya lug bhavati /
pajcasu kapāleṣu saṃskr̥taḥ pajcakapālaḥ /
daśakapālaḥ /
dvau devādadhīte dvivedaḥ /
trivedaḥ /
anapatye iti kim ? dvaidevadattiḥ /
traidevadattiḥ /
prāgdivyataḥ ity eva, dvaipārāyaṇikaḥ /
dvigu-nimittavijñānād iha na bhavati, pañcakapālasya+idaṃ pāñcakapālam /
atha vā dvigor eva ayaṃ lug vidhīyate /
dvigoḥ iti sthāna-ṣaṣṭhī /
nanu ca pratyayādarśanasya+eṣā sañjñā ? satyam etat /
upacāreṇa tu lakṣaṇayā dvigu-nimitta-bhūtaḥ pratyaya eva dviguḥ, tasya lug bhavati /
dvigu-nimittako 'pi tarhi guṇakalpanayā kasmān na dvigur ucyate pājcakapālam iti ? na tasya dvigutvam nimittam /
itaras tu dvigutvasya+eva nimittam ity asti viśeṣaḥ /
yady evam iha kathaṃ pañcakapālyāṃ saṃskr̥taḥ pañcakapālaḥ iti ? na+eva atra taddhita utpadyate /

[#342]

vākyam eva bhavati /
traiśabdyaṃ hi sādhyaṃ, pañcasu kapāleṣu saṃskr̥taḥ, pañcakapālyāṃ saṃskr̥taḥ pañcakapālaḥ iti /
tatra dvayoḥ śabdayoḥ samānārthayor ekena vigrahaḥ /
aparasmād utpattir bhaviṣyati /
atha+iha kasmān na bhavati, pañcabhyo gargebhya āgataṃ pajcagargarūpayam, pañcagargam ayam iti vā ity anuvartate /
sā ca vyavasthita-vibhāṣā vijñāyate //


____________________________________________________________________


gotre 'lug-aci || PS_4,1.89 ||


_____START JKv_4,1.89:

prāgdīvyataḥ ity eva /
yaskādibhyo gotre (*2,4.63) /
ity ādinā yeṣāṃ gotrapratyayānāṃ lug uktaḥ, teṣāmajādau prāgdīvyatīye viśayabhūte pratiṣidhyate /
gargāṇām chātrāḥ gārgīyāḥ /
vātsīyāḥ /
ātreyīyāḥ /
khārapāyaṇīyāḥ /
gotre iti kim ? kaubalam /
bādaram /
aci iti kim ? gargebhya āgatam gargarūpyam /
gargamayam /
prāgdīvyataḥ ity eva, gargebhyo hi tam gārgīyam /
gotrasya bahuṣu lopino bahuvacanāntasya pravr̥ttau dvyekayor aluk /
bidānām apatyaṃ yuvā, yuvānau baidaḥ, baidau /
vaida-śabdāt ataḥ iñ kr̥te tasya ca iñaḥ ṇya-kṣatriya-ārṣa-ñito yūni lug-aṇ-iñoḥ (*2,4.58) iti luki rūpam /
ekavacana-dvivacana-antasya pravr̥ttau bahuṣu lopo yūni, baidasya baidayor vā apatyaṃ bahavo māṇavakāḥ bidāḥ /
nahyatrāṇ bahuṣūtpannaḥ //


____________________________________________________________________


yūni luk || PS_4,1.90 ||


_____START JKv_4,1.90:

prāg dīvyataḥ iti vartate, aci ca /
prāgdīvyatīye ajādau pratyaye vivakṣite buddhisthe 'nutpanna eva yuva-pratyayasya lug bhavati /
tasman nivr̥tte sati yo yataḥ prāpnoti sa tato bhavati /
phāṇṭāhr̥tasya apatyaṃ phāṇṭāhr̥tiḥ /
tasya apatyaṃ yuvā, phāṇṭāhr̥ti-mimatābhyāṃ ṇa-phiñau (*4,1.150), phāṇṭāgr̥taḥ /
tasya chāatrāḥ iti vivakṣite 'rthe buddhisthe yuva-pratyaysya lug bhavati /
tasmin nivr̥tte iñantaṃ prakr̥ti-rūpaṃ sampannam /
tasmāt iñaś ca (*4,2.112) ity aṇ bhavati, phāṇṭāhr̥tāḥ /
bhāgavittasya apatyaṃ bhāgavittiḥ /
tasya apatyaṃ yuvā, vr̥ddhāṭ ṭhak sauvīreṣu bahulam (*4,1.148) iti ṭhak, bhāgavittikaḥ /
tasya chātrāḥ, pūrvavad yuvapratyaye nivr̥tte, iñaś ca (*4,2.112) ity aṇ, bhāgavittāḥ /
tikasya apatyaṃ, tikādibhyaḥ phiñ (*4,1.154), taikāyaniḥ /
tasya apatyaṃ yuvā, pheś cha ca (*4,1.149) iti chaḥ, taikāyanīyaḥ /
tasya chātraḥ, yuva-pratyaye nivr̥tte vr̥ddhāc chaḥ (*4,2.114), taikāyanīyāḥ /
kapiñjalādasya apatyaṃ kāpiñjalādiḥ /
tasya apatyaṃ yuvā, kurvādibhyo ṇyaḥ (*4,1.151), kāpiñjalādyaḥ /
tasya chātrāḥ, ṇye nivr̥tte iñaś ca (*4,2.112) ity aṇ, kāpiñjalādāḥ /
glucukasya apatyaṃ, prācām avr̥ddhāt phin bahulam (*4,1.160) iti glucukāyaniḥ /
tasya apatyaṃ yuvā, prāgdīvyato 'ṇ (*4,1.83), glaucukāyanaḥ /
tasya chātrāḥ, yuva-pratyaye nivr̥tte sa eva aṇ, glaucukāyanāḥ /
aci ity eva, phāṇṭāhr̥tarūpyam /
phāṇṭāhr̥tamayam /
prāgdīvyataḥ ity eva, bhāgavittikāya hitaṃ bhāgavittikīyam //


____________________________________________________________________


[#343]

phak-phiñor anyatarasyām || PS_4,1.91 ||


_____START JKv_4,1.91:

yūni ity eva /
pūrvasūtreṇa nitye luki prāpte vikalpa ucyate /
phakphiñor yuva-pratyayayoḥ prāgdīvyatīye 'jādau pratyaye vivakṣite 'nyatarasyāṃ lug bhavati /
gargādibhyo yañi kr̥te yañiñoś ca (*4,1.101) iti phak, gārgyāyaṇaḥ /
tasya chātrāḥ gārgīyāḥ, gārgyāyaṇīyāḥ /
vātsīyāḥ, vātsyāyanīyāḥ /
phiñaḥ khalv api yaskasya apatyaṃ, śivādibhyo 'ṇ (*4,1.112), yāskaḥ /
tasya apatyaṃ yuvā, aṇo dvyacaḥ (*4,1.156) iti phiñ, yāskāyaniḥ /
tasya chātrāḥ yāskīyāḥ, yāskāyanīyāḥ //


____________________________________________________________________

tasya apatyam || PS_4,1.92 ||


_____START JKv_4,1.92:

artha-nirdeśo 'yaṃ, pūrvair uttaraiś ca pratyayair abhisambadhyate /
tasya iti ṣaṣṭhīsamarthāt apatyam ity etasminn arthe yathāvihitaṃ pratyayo bhavati /
prakr̥tyartha-viśiṣṭaḥ ṣaṣṭhyartho 'patyam ātrañceha gr̥hyate /
liṅgavacanādikamanyat sarvamavivakṣitam /
upagorapatyam aupagavaḥ /
āśvapataḥ /
daityaḥ /
autsaḥ /
straiṇaḥ /
pauṃsnaḥ /
tasya+idam apatye 'pi bādhana-arthaṃ kr̥taṃ bhavet /
utsargaḥ śeṣa eva asau vr̥ddhāny asya prayojanam //
bhānor apatyam bhānavaḥ /
śyāmagavaḥ //


____________________________________________________________________


eko gotre || PS_4,1.93 ||


_____START JKv_4,1.93:

apatyaṃ pautra-prabhr̥ti gotram (*4,1.162) /
tasman vivakṣite bhedena pratyapatyaṃ pratyayotpatti-prasṅge niyamaḥ kriyate, gotre eka eva pratyayo bhavati, sarve 'patyena yujyante /
apatanād apatyam /
yo 'pi vyavahitena janitaḥ, so 'pi prathamaprakr̥ter apatyaṃ bhavaty eva /
gargasya apatyaṃ gārgiḥ /
gārger apatyaṃ gārgyaḥ /
tatputro 'pi vyavahitena janitaḥ, so 'pi prathamaprakr̥ter apatyaṃ bhavaty eva /
gargasya apatyaṃ gārgiḥ /
gārger apatyaṃ gārgyaḥ /
tatputro 'pi gārgyaḥ /
sarvasmin vyavahitajanite 'pi gotrāpatye garga-śabdād yañ eva bhavati iti pratyayo niyamyate /
athavā gotrāpatye vivakṣite eka eva śabdaḥ prathamā prakr̥tiḥ pratyayam utpādayati iti prakr̥tir niyamyate /
gārgyaḥ /
nāḍāyanaḥ //


____________________________________________________________________


gotrād yūny astriyāṃ || PS_4,1.94 ||


_____START JKv_4,1.94:

ayam api niyamaḥ /
yūny apatye vivakṣite gotrād eva pratyayo bhavati, na paramaprakr̥tyanantarayuvabhyaḥ /
gārgyasya apatyaṃ yuvā gārgyāyaṇaḥ /
vātsyāyanaḥ /
dākṣāyaṇaḥ /
plākṣāyaṇaḥ /
aupagaviḥ /
nāḍāyaniḥ /
astriyām iti kim ? dākṣī /
plākṣī /
kiṃ punar atra pratiṣidhyate ? yadi niyamaḥ, striyām aniyamaḥ prāpnoti /
atha yuvapratyayaḥ, striyā gotraprayayena abhidhānaṃ na prāpnoti gora-sañjñāyāḥ yuva-sañjñayā bādhitatvāt /
tasmād yogavibhāgaḥ kartavyaḥ /
gotrād yūni pratyayo bhavati /
tato 'striyām /
yūni yad uktaṃ tat striyāṃ na bhavati /
yuvasañjñā+eva pratiṣidhyate, tena strī gotrapratyayena abhidhāsyate //


____________________________________________________________________


[#344]

ata iñ || PS_4,1.95 ||


_____START JKv_4,1.95:

tasya apatyam ity eva /
akārāntāt prātipadikāt iñ pratyayo bhavati /
aṇo 'pavādaḥ /
dakṣasya apatyaṃ dākṣiḥ /
taparakaraṇaṃ kim ? śubhaṃyāḥ, kīlālapāḥ ity ato mā bhūt /
kathaṃ pradīyatāṃ dāśarathāya maithili ? śeṣavivakṣayā bhaviṣyati //


____________________________________________________________________


bāhv-ādibhyaś ca || PS_4,1.96 ||


_____START JKv_4,1.96:

bāhu ity evam ādibhyaḥ śabdebhyo 'patye iñ pratyayo bhavati /
bāhaviḥ /
aupabāhaviḥ /
anakārārtha ārambhaḥ /
kvacid bādhakavādhanārthaḥ /
bāhu /
upabāhu /
vivāku /
śivāku /
baṭāku /
upabindu /
vr̥ka /
cūḍālā /
mūṣikā /
balākā /
bhagalā /
chagalā /
ghruvakā /
dhuvakā /
sumitrā /
durmitrā /
puṣkarasat /
anuharat /
devaśarman /
agniśarman /
kunāman /
sunāman /
pañcan /
saptan /
aṣṭan /
amitaujasaḥ salopaś ca /
udañcu /
śiras /
śarāvin /
kṣemavr̥ddhin /
śr̥ṅkhalātodin /
kharanādin /
nagaramardin /
prākāramardin /
loman /
ajīgarta /
kr̥ṣṇa /
salaka /
yudhiṣṭhira /
arjuna /
sāmba /
gada /
pradyumna /
rāma /
udaṅkaḥ sañjñāyām /
ambhūyo 'mbhasoḥ salopaś ca /
bāhvādiprabhr̥tiṣu yeṣāṃ darśanaṃ gotrabhāve laukike tato 'nyatra teṣāṃ pratiṣedhaḥ /
bāhurnāma kaścit, tasya apatyaṃ bāhavaḥ /
sambandhiśabdānāṃ ca tatsadr̥śāt pratiṣedhaḥ /
sañjñā - śvaśurasya apatyaṃ śvāśuriḥ /
cakāro 'nukta-samuccaya-arthaḥ ākr̥tigaṇatāmasya bodhayati /
jāmbiḥ /
aindraśarmiḥ /
ājadhenaviḥ /
ājabandhaviḥ /
auḍulomiḥ //


____________________________________________________________________


sudhātur akaṅ ca || PS_4,1.97 ||


_____START JKv_4,1.97:

sudhātr̥-śabdād apatye iñ pratyayo bhavati, tatsaṃniyogena ca tasya akaṅ adeśo bhavati /
sudhātur apatyam saudhātakiḥ /
vyāsavaruḍaniṣādacaṇḍālabimbānām iti vaktavyam /
vaiyāsakiḥ /
bāruḍakiḥ /
naiṣādakiḥ /
cāṇḍālakiḥ /
baimbakiḥ //


____________________________________________________________________


[#345]

gotre kuñja-ādibhyaś cphañ || PS_4,1.98 ||


_____START JKv_4,1.98:

tasya apatyam ity eva /
gotrasañjñake 'patye vācye kuñjādibhyaḥ cphañ pratyayo bhavati /
iño 'pavādaḥ /
cakāro viśeṣaṇa-arthaḥ vrāta-cphañor astriyām (*5,3.113) iti /
ñakāro vr̥ddhy-arthaḥ /
kauñjāyanyaḥ, kaujāyanyau, kauñjāyanāḥ /
brādhnāyanyaḥ, brādhnāyanyau, brādhnāyanāḥ /
gotre iti kim ? kuñjasya apatyam anantaraṃ kauñjiḥ /
ekavacana-dvivacanayoḥ satiśiṣṭatvāt ñitsvareṇa+eva bhavitavyam /
bahuvacane tu kauñjāyanāḥ iti, param api ñitsvaraṃ tyaktvā citsvara eva+iṣyate /
gotra-adhikāraś ca śivādibhyo 'ṇ (*4,1.112) iti yāvat /
kuñja /
bradhna /
śaṅkha /
bhasman /
gaṇa /
loman /
śaṭha /
śāka /
śākaṭa /
śuṇḍā /
śubha /
vipāśa /
skanda /
stambha //


____________________________________________________________________


naḍādibhyaḥ phak || PS_4,1.99 ||


_____START JKv_4,1.99:

naḍ ity evam ādibhyaḥ prātipadikebhyaḥ gotrāpatye phak pratyayo bhavati /
nāḍāyanaḥ /
cārāyaṇaḥ /
gotre ity eva, nāḍiḥ /
śalaṅku śalaṅkaṃ ca ity atra paṭhyate /
śālaṅkāyanaḥ /
pailādiṣu śālaṅki-śabdaḥ paṭhyate /
śālaṅkiḥ pitā /
śālaṅkiḥ putraḥ /
tat katham ? gotra-viśeṣe kauśike phakaṃ smaranti, iñ eva anyatra śālaṅkiḥ iti /
athavā pailādipāṭha eva jñāpakaḥ iño bhāvasya /
naḍa /
cara /
baka /
muñja /
itika /
itiśa /
upaka /
lamaka /
śalaṅku śalaṅkaṃ ca /
saptala /
vājapya /
tika /
agniśarman vr̥śagaṇe /
prāṇa /
nara /
sāyaka /
dāsa /
mitra /
dvīpa /
piṅgara /
piṅgala /
kiṅkara /
kiṅkala /
kātara /
kātala /
kāśya /
kāśyapa /
kāvya /
aja /
amuṣya /
kr̥ṣṇaraṇau brāhmaṇavāsiṣṭhayoḥ /
amitra /
ligu /
citra /
kumāra /
kroṣṭu kroṣṭaṃ ca /
loha /
durga /
stambha /
śiṃśipā /
agra /
tr̥ṇa /
śakaṭa /
sumanas /
sumata /
mimata /
r̥k /
jat /
yugandhara /
haṃsaka /
daṇḍin /
hastin /
pañcāla /
camasin /
sukr̥tya /
sthiraka /
brāhmaṇa /
caṭaka /
badara /
aśvaka /
kharapa /
kāmuka /
vrahmadatta /
udumbara /
śoṇa /
aloha /
daṇḍa //

____________________________________________________________________


harita-ādibhyo 'ñaḥ || PS_4,1.100 ||


_____START JKv_4,1.100:

haritādirbidādyantargaṇaḥ /
haritādibhyo 'ñantebhyo 'patye phak pratyayo bhavati /
iño 'pavādaḥ /
haritasya apatyaṃ hāritāyanaḥ /
kaindāsāyanaḥ /
nanu ca gotre iti vartate /
na ca gotrādaparo gotrapratyayo bhavati eko gotre (*4,1.93) iti vacanāt ? satyam etat /

[#346]

iha tu gotrādhikāre 'pi sāmarthyād yūni pratyayo vijñāyate /
gotrādhikāras tu uttarārthaḥ //


____________________________________________________________________


yañ-iñoś ca || PS_4,1.101 ||


_____START JKv_4,1.101:

yañantāt iñantāc ca prātipadikād apatye phak pratyayo bhavati /
gārgyāyaṇaḥ /
vātsyāyanaḥ /
iñantāt - dākṣāyaṇaḥ /
plākṣāyaṇaḥ /
dvīpād anusamudraṃ yañ (*4,3.10), sutaṅ-gamādibhya iñ (*4,2.80) ity ato na bhavati /
gotra-grahaṇena yañiñau viśeṣyete /
tadantāt tu yūny eva ayaṃ pratyayaḥ, gotrād yūni pratyayo bhavati iti vacanāt //

____________________________________________________________________


śaradvac-chunaka-darbhād bhr̥gu-vatsa-āgrāyaṇeṣu || PS_4,1.102 ||


_____START JKv_4,1.102:

gotre ity eva /
śaradvat śunaka darbha ity etebhyo gotrāpatye phak pratyayo bhavati yathāsaṅkhyaṃ bhr̥guvatsāgrāyaṇeṣu artheṣu apatya-viśeṣeṣu /
śāradvatāyano bhavati bhārgavaś cet /
śāradvato 'nyaḥ /
śaunakāyano bhavati vātsyaś cet /
śaunako 'nyaḥ /
dārbhāyaṇo bhavati āgrāyaṇaś cet /
dārbhiranyaḥ /
śaradvac-chunaka-śabdau bidādī /
tābhyām año 'pavādaḥ phak //


____________________________________________________________________


droṇa-parvata-jīvantād anyatarasyām || PS_4,1.103 ||


_____START JKv_4,1.103:

gotre ity eva /
droṇādibhyaḥ prātipadikebhyo gotrāpatye 'nyatarasyāṃ phak pratyayo bhavati /
iño 'pavādaḥ /
drauṇāyanaḥ, drauṇiḥ /
pārvatāyanaḥ, pārvatiḥ /
jaivantāyanaḥ, jaivantiḥ /
katham anantaraḥ aśvatthāmā drauṇāyanaḥ ity ucyate /
na+eva atra mahābhāratadroṇo gr̥hyate /
kiṃ tarhi ? anādiḥ /
tata idaṃ gotre pratyayavidhānam /
idānīṃtanāt tu śrutisāmānyādadhyāropeṇa tathābhidhānaṃ bhavati //


____________________________________________________________________


anr̥ṣy-ānantarye bida-ādibhyo 'ñ || PS_4,1.104 ||


_____START JKv_4,1.104:

gotre ity eva /
bidādibhyo gotrāpatye añ pratyayo bhavati /
baidaḥ /
aurvaḥ /
ye punar atra anr̥ṣi-śabdāḥ putrādayastebhyo 'nantarāpatye eva bhavati /
pautraḥ /
dauhitraḥ /
anr̥ṣyānantaryasya ayam arthaḥ, anr̥ṣibhyo 'nantare bhavati iti /
yady ayam arthaḥ, r̥ṣyapatye nairantarya-pratiṣedho na kr̥taḥ syāt ? tatra+idaṃ na sidhyati, indrabhūḥ saptamaḥ kāśyapānām /
anantarāpatyarūpeṇa+eva r̥ṣyaṇābhidhānaṃ bhaviṣyati /
avaśyaṃ ca+etad evaṃ vijñeyam /
r̥ṣyapatye nairantaryaviṣaye pratiṣedhe vijñāyamāne kauśiko viśvāmitraḥ iti duṣyati /
gotre ity eva, baidiḥ /
nanu ca r̥ṣyaṇā bhavitavyam ? bāhvādiḥ ākr̥tigaṇaḥ, tena iñ eva bhavati /
bida /
urva /
kaśyapa /
kuśika /
bharadvāja /
upamanyu /
kilālapa /
kidarbha /
viśvānara r̥ṣṭiṣeṇa /
r̥tabhāga /
haryaśva /
priyaka /
āpastamba /
kūcavāra /
śaradvat /
śunaka /
dhenu /
gopavana /
śigru /
bindu /
bhājana /
aśvāvatāna /
śyāmāka /
śyamāka /
śyāparṇa /
harita /
kindāsa /
vahyaska /
arkalūṣa /
vadhyoṣa /
viṣṇuvr̥ddha /
pratibodha /
rathāntara /
rathītara /
gaviṣṭhira /
niṣāda /
maṭhara /
mr̥da /
punarbhū /
putra /
duhitr̥ /
nanāndr̥ /
parastrī paraśuṃ ca //


____________________________________________________________________


[#347]

garga-ādibhyo yañ || PS_4,1.105 ||


_____START JKv_4,1.105:

gotre ity eva /
gargādibhyo gotrāpatye yañ pratyayo bhavati /
gārgyaḥ /
vātsyaḥ /
manu-śabdo 'tra paṭhyate /
tatra katham mānavī prajā ? gotre ity ucyate /
apatyasāmānye bhaviṣyati /
katham anantaro rāmo jāmadagnyaḥ, vyāsaḥ pārāśaryaḥ iti ? gotrarūpādhyāropeṇa bhaviṣyati /
anantarāpatyavivakṣāyāṃ tu r̥ṣyaṇaiva bhavitavyaṃ jāmadagnaḥ, pārāśaraḥ iti /
garga /
vatsa /
vājā 'se /
saṃkr̥ti /
aja /
vyāghrapāt /
vidabhr̥t /
prācīnayoga /
agasti /
pulasti /
rebha /
agniveśa /
śaṅkha /
śaṭha /
ghūma /
avaṭa /
camasa /
dhanañjaya /
manasa /
vr̥kṣa /
viśvāvasu /
janamāna /
lohita /
śaṃsita /
babhru /
maṇḍu /
makṣu /
aligu /
śaṅku /
ligu /
gulu /
mantu /
jigīṣu /
manu /
tantu /
manāyī /
bhūta /
kathaka /
kaṣa /
taṇḍa /
vataṇḍa /
kapi /
kata /
kurukata /
anaḍuḥ /
kaṇva /
śakala /
gokakṣa /
agastya /
kuṇḍina /
yajñavalka /
ubhaya /
jāta /
virohita /
vr̥ṣagaṇa /
rahūgaṇa /
śaṇḍila /
vaṇa /
kaculuka /
mudgala /
musala /
parāśara /
jatūkarṇa /
māntrita /
saṃhita /
aśmaratha /
śarkarākṣa /
pūtimāṣa /
sthūṇa /
araraka /
piṅgala /
kr̥ṣṇa /
golunda /
ulūka /
titikṣa /
bhiṣaj /
bhaḍita /
bhaṇḍita /
dalbha /
cikita /
devahū /
indrahū /
ekalū /
pippalū /
vr̥dagni /
jamadagni /
sulobhin /
ukattha /
kuṭīgu //


____________________________________________________________________


madhu-babhvror brāhmaṇa-kauśikayoḥ || PS_4,1.106 ||


_____START JKv_4,1.106:

madhu-śabdād babhru-śabdāc ca gotrāpatye yañ pratyayo bhavati yathāsaṅkhyam brāhmaṇe kauśike vācye /
mādhvyo bhavati bāhmaṇaḥ cet /
mādhava eva anyaḥ /
bābhravyo bhavati kauśikaś cet /
bābhrava eva anyaḥ /
babhru-śabdo gargādiṣu paṭhyate, tataḥ siddhe yañi kauśike niyama-arthaṃ vacanam /
gargādiṣu paṭho 'pyantargaṇakāryārthaḥ, sarvatra lohitādi-katantebhyaḥ (*4,1.18) iti /
bābhravyāyaṇī //


____________________________________________________________________


kapi-bodhād āṅgirase || PS_4,1.107 ||


_____START JKv_4,1.107:

kapi-bodha-śabdābhyām āṅgirase 'patya-viśeṣe gotre yañ pratyayo bhavati /
kāpyaḥ /
baudhyaḥ /
āṅgirase iti kim ? kāpeyaḥ /
baudhiḥ /
kapi-śabdo gargādiṣu paṭhyate /
tasya niyamarthaṃ vacanam, āṅgirase yathā syāt /
lohitādikāryārthaṃ gaṇe pāṭhaḥ /
kāpyāyanī //


____________________________________________________________________


vataṇḍāc ca || PS_4,1.108 ||


_____START JKv_4,1.108:

āṅgirase ity eva /
vataṇḍa-śabdād āṅgirase 'patyaviśeṣe gotre yañ pratyayo bhavati /
vātaṇḍyaḥ /
āṅgirase iti kim ? vātaṇḍaḥ /
kim artham idaṃ yāvatā gargādiṣv ayaṃ paṭhyate ? śivādiṣu api ayaṃ paṭhyate /
tatra āṅgirase śivādyaṇo 'pavāda-arthaṃ punar vacanam /
anāṅgirase tu ubhayatra pāṭhasāmarthyāt pratyayadvayam api bhavati /
vātaṇḍyaḥ, vātaṇḍaḥ //


____________________________________________________________________


[#348]

luk striyām || PS_4,1.109 ||


_____START JKv_4,1.109:

āṅgirase ity eva /
vataṇḍa-śabdād āṅgirasyāṃ striyāṃ yapratyayasya luk bhavati /
luki kr̥te śārṅgaravādipāṭhān ṅīn bhavati /
vataṇḍī /
āṅgirase iti kim ? vātaṇḍyāyanī /
śivādyaṇi tu vātaṇḍī //


____________________________________________________________________


aśvādibhyaḥ phañ || PS_4,1.110 ||


_____START JKv_4,1.110:

āṅgirasa iti nivr̥ttam /
aśvādibhyaḥ gotrāpatye phañ pratyayo bhavati /
āśvāyanaḥ /
āśmāyanaḥ /
ye tv atra pratyayāntāḥ paṭhyante tebhyaḥ sāmārthyād yūni pratyayo vijñāyate /
aśva /
aśman /
śaṅkha /
bida /
puṭa /
rohiṇa /
kharjūra /
kharjūla /
piñjūra /
bhaḍila /
bhaṇḍila /
bhaḍita /
bhaṇḍita /
bhaṇḍika /
prahr̥ta /
rāmoda /
kṣatra /
grīvā /
kāśa /
golāṅkya /
arka /
svana /
dhvana /
pāda /
cakra /
kula /
pavitra /
gomin /
śyāma /
dhūma /
dhūmra /
vāgmin /
viśvānara /
kuṭa /
veśa /
śapa ātreye /
natta /
taḍa /
naḍa /
grīṣma /
arha /
viśamya /
viśālā /
giri /
capala /
cunama /
dāsaka /
vailya /
dharma /
ānaḍuhya /
puṃsijāta /
arjuna /
śūdraka /
sumanas /
durmanas /
kṣānta /
prācya /
kita /
kāṇa /
cumpa /
śraviṣṭhā /
vīkṣya /
pavindā /
ātreya bhāradvāje /
kutsa /
ātava /
kitava /
śiva /
khadira /
bhāradvāja ātreye //


____________________________________________________________________


bhargāt traigarte || PS_4,1.111 ||


_____START JKv_4,1.111:

bharga-śabdād apatye viśeṣe traigarte gotre phañ pratyayo bhavati /
bhārgāyaṇo bhavati traigartaḥ cet /
bhārgiḥ anyaḥ //


____________________________________________________________________


śiva-ādibhyo 'ṇ || PS_4,1.112 ||


_____START JKv_4,1.112:

gotre iti nivr̥ttam /
ataḥ prabhr̥ti sāmānyena pratyayāḥ vijñāyante /
śivādibhyo 'patye aṇ pratyayo bhavati /
yathāyatham iñādīnām apavādaḥ /
śaivaḥ /
prauṣṭhaḥ /
takṣan śabdo 'tra paṭhyate kārilakṣaṇamudīcāmiñaṃ bādhitum /
ṇyatpratyaysya tu bādho niṣyate /
tākṣṇaḥ, tākṣaṇyaḥ /
gaṅgā-śabdaḥ paṭhyate tikādiphiñā śumrādiḍhakā ca samāveśa-artham /
tena trairūpyaṃ bhavati /
gāṅgaḥ, gāṅgāyaniḥ , gāṅgeyaḥ /
vipāśaśabdaḥ paṭhyate kuñjādilakṣaṇena cphañā samāveśa-artham /
vaipāśaḥ, vaipāśāyanyaḥ /
śiva /
prauṣṭha /
prauṣṭhika /
caṇḍa /
jambha /
muni /
sandhi /
bhūri /
kuṭhāra /
anabhimlāna /
kakutstha /
kahoḍa /
lekha /
rodha /
khañjana /
kohaḍa /
piṣṭa /
hehaya /
khañjāra /
khañjāla /
surohikā /
parṇa /
kahūṣa /
parila /
vataṇḍa /
tr̥ṇa /
karṇa /
kṣīrahrada /
jalahrada /
pariṣika /
jaṭilika /
gophilika /
badhirikā /
mañjīraka /
vr̥ṣṇika /
rekha /
ālekhana /
viśravaṇa /
ravaṇa /
vartanākṣa /
piṭaka /
piṭāka /
tr̥kṣāka /
nabhāka /
ūrṇanābha /
jaratkāru /
utkṣipā /
rohitika /
āryaśveta /
supiṣṭa /
kharjūrakarṇa /
masūrakarṇa /
tūṇakarṇa /
mayūrakarṇa /
khaḍaraka /
takṣan /
r̥ṣṭiṣeṇa /
gaṅgā /
vipāśa /
yaska /
lahya /
drugha /
ayaḥsthūṇa /
bhalandana /
virūpākṣa /
bhūmi /
ilā /
sapatnī /
dvyaco nadyāḥ /
t riveṇī trivaṇaṃ ca //


____________________________________________________________________


[#349]

avr̥ddhābhyo nadī-mānuṣībhyas tannāmikābhyaḥ || PS_4,1.113 ||


_____START JKv_4,1.113:

vr̥ddhir yasya acām ādis tad vr̥ddham (*1,1.73) /
avr̥ddhābhyaḥ iti śabda-dharmaḥ, nadī-mānuṣībhyaḥ iti arthadharmaḥ, tena abhedāt prakr̥tayo nirdiśyante /
tannāmikābhyaḥ iti sarvanāmnā pratyaya-prakr̥teḥ parāmarśaḥ /
avr̥ddhāni yāni nadīnāṃ mānuṣīṇāṃ ca nāmadheyāni, tebhyo 'patye aṇ pratyayo bhavati /
ḍhako 'pavādaḥ /
yamunāyā apatyaṃ yāmunaḥ /
irāvatyāḥ apatyam airāvataḥ /
vaitastaḥ /
nārmadaḥ /
mānuṣībhyaḥ khalv api - śikṣitāyāḥ apatyaṃ śaikṣitaḥ /
cintitāyāḥ apatya caintitaḥ /
avr̥ddhābhyaḥ iti kim ? candrabhāgāyāḥ apatyaṃ cāndrabhāgeyaḥ /
vāsavadtteyaḥ /
nadīmānuṣībhyaḥ iti kim ? sauparṇeyaḥ /
vainateyaḥ /
tannāmikābhyaḥ iti kim ? śobhanāyāḥ, śaubhaneyaḥ //


____________________________________________________________________


r̥ṣy-andhaka-vr̥ṣṇi-kurubhyaś ca || PS_4,1.114 ||


_____START JKv_4,1.114:

r̥ṣayaḥ prasiddhā vasiṣṭhādayaḥ /
andhakāḥ vr̥ṣṇayaḥ kuravaḥ iti vaṃśākhyāḥ /
r̥ṣyādi-kurvantebhyaḥ prātipadikebhyo 'patye aṇ pratyayo bhavati /
iño+āvādaḥ /
atryādibhyas tu paratvāḍ ḍhagādibhir eva bhavitavyam /
r̥ṣibhyas tāvat - vāsiṣṭhaḥ /
vaiśvāmitraḥ /
andhakebhyaḥ - śvāphalkaḥ /
rāndhasaḥ /
vr̥ṣṇibhyaḥ - vāsudevaḥ /
āniruddhaḥ /
kurubhyaḥ - nākulaḥ /
sāhadevaḥ /
kathaṃ punar nityānāṃ śabdānāmandhakādivaṃśasamāśrayeṇa anvākhyānaṃ yujyate ? kecid āhuḥ katham api kākatālīyanyāyena kurvādivaṃśeṣvasaṃkareṇa+eva nakulasahadevādayaḥ śabdāḥ subahavaḥ saṅkalitāḥ, tānupādāya pāṇininā smr̥tir upanibaddhā iti /
athavāndhakavr̥ṣṇikuruvaṃśā api nityā eva, teṣu ye śabdāḥ prayujyante nakulasahadevādayaḥ, tatra+idaṃ pratyayavidhānam ity adoṣaḥ //


____________________________________________________________________


mātur ut saṅkhyā-saṃ-bhadra-pūrvāyāḥ || PS_4,1.115 ||


_____START JKv_4,1.115:

matr̥-śabdāt saṅkhyā-pūrvāt saṃ-pūrvāt bhadra-pūrvāc ca apatye aṇ pratyayo bhavati, ukāraś ca antādeśaḥ /
dvayor mātror apatyaṃ dvaimāturaḥ /
ṣāṇmāturaḥ /
sāṃmāturaḥ /
bhādramāturaḥ /
ukāra-adeśa-arthaṃ vacanaṃ, pratyayaḥ punar utsargeṇa+eva siddhaḥ /
strīliṅga-nirdeśo 'rtha-apekṣaḥ, tena dhānyamātur grahaṇaṃ na bhavati /
saṅkhyā-saṃ-bhadra-pūrvāyāḥ iti kim ? saumātraḥ //


____________________________________________________________________


kanyāyāḥ kanīna ca || PS_4,1.116 ||


_____START JKv_4,1.116:

kanyā-śabdād apatye 'ṇ pratyayo bhavati /
ḍhako 'pavādaḥ /
tat sanniyogena kanīna-śabda ādeśo bhavati /
kanyāyāḥ apatyaṃ kānīnaḥ karṇaḥ /
kānīno vyāsaḥ //


____________________________________________________________________


[#350]

vikarṇa-śuṅga-chaṅgalād vatsa-bharadvāja-atriṣu || PS_4,1.117 ||


_____START JKv_4,1.117:

vikarṇ-aśuṅga-chaṅgala-śabdebhyaḥ yathāsaṅkhyaṃ vatsabharadvājātriṣu apatya-viśeṣeṣu aṇ pratyayo bhavati /
vaikarṇo bhavati vātsyaś cet /
vaikarṇiḥ anyaḥ /
śauṅgo bhavati bhāradvājaś cet /
śauṅgiḥ anyaḥ /
chāgalo bhavati ātreyaś cet /
chāgaliḥ anyaḥ /
śuṅgā-śabdaṃ strīliṅga-manye paṭhanti, tato ḍhakaṃ pratyudāharanti śauṅgeyaḥ iti /
dvayam api ca+etat pramāṇam, ubhayathā sūtra-praṇayanāt //


____________________________________________________________________


pīlāyā vā || PS_4,1.118 ||


_____START JKv_4,1.118:

tannāmikāṇo bādhake dvyaca iti ḍhaki prāpte aṇ pratyayaḥ pakṣe vidhīyate /
pīlāyāḥ apatye vā aṇ pratyayo bhavati /
pīlāyāḥ apatyaṃ pailaḥ, paileyaḥ //


____________________________________________________________________


ṭhak ca maṇḍūkāt || PS_4,1.119 ||

_____START JKv_4,1.119:

maṇḍūka-śabdāt apatye ḍhak pratyayo bhavati /
cakārāt aṇ ca vā /
tena trairūpyaṃ bhavati /
māṇḍūkeyaḥ, māṇḍūkaḥ, māṇḍūkiḥ //


____________________________________________________________________


strībhyo ḍhak || PS_4,1.120 ||


_____START JKv_4,1.120:

strī-grahaṇena ṭābādi-pratyayāntāḥ śabdā gr̥hyante /
strībhyo 'patye ḍhak pratyayo bhavati /
sauparṇeyaḥ /
vainateyaḥ /
strīpratyaya-vijñāpanād asatyartha-grahaṇe iha na bhavati, iḍabiḍo 'patyam aiḍaviḍaḥ, darado 'patyam dāradaḥ iti /
vaḍavāyā vr̥ṣe vācye /
vāḍaveyo vr̥ṣaḥ smr̥taḥ /
apatye prāptaḥ tato 'pakr̥ṣya vidhīyate /
tena apatye vāḍavaḥ iti /
aṇ kruñcākokilāt smr̥taḥ /
kruñcāyā apatyaṃ krauñcaḥ /
kaukilaḥ //


____________________________________________________________________


dvyacaḥ || PS_4,1.121 ||


_____START JKv_4,1.121:
strībhyaḥ ity eva /
dvyacaḥ strī-pratyayāntād apatye ḍhak pratyayo bhavati /
tannāmikāṇo 'pavādaḥ /
dattāyā apatyaṃ dātteyaḥ /
gaupeyaḥ /
dvyacaḥ iti kim ? yāmunaḥ //


____________________________________________________________________


itaś-ca-aniñaḥ || PS_4,1.122 ||


_____START JKv_4,1.122:

strī-grahaṇaṃ nivr̥ttam /
cakāro dvyacaḥ ity asya anukarṣaṇa-arthaḥ /
ikārāntāt prātipadikād aniñ-antād apatye ḍhak pratyayo bhavati /
ātreyaḥ /
naidheyaḥ /
itaḥ iti kim ? dākṣiḥ /
plākṣiḥ /
aniñaḥ iti kim ? dākṣāyaṇaḥ /
plākṣāyaṇaḥ /
dvyacaḥ ity eva, marīcer aptyaṃ mārīcaḥ //


____________________________________________________________________


[#351]

śubhra-ādibhyaś ca || PS_4,1.123 ||


_____START JKv_4,1.123:

śubhra ity evam ādibhyaḥ prātipadikebhyaḥ ḍhak pratyayo bhavati /
yathāyogam iñādīnām apavādaḥ /
śaubhreyaḥ /
vaiṣṭapureyaḥ /
cakāro 'nuktasamuccaya-arthaḥ ākr̥tigaṇatāmasya bodhayati, tena gāṅgeyaḥ, pāṇḍaveyaḥ ity evam ādi siddhaṃ bhavati /
śubhra /
viṣṭapura /
brahmakr̥ta /
śatadvāra /
śatāvara /
śatāvara /
śalākā /
śālācala /
śalākābhrū /
lekhābhrū /
vimātr̥ /
vidhavā /
kiṃkasā /
rohiṇī /
rukmiṇī /
diśā /
śālūka /
ajabasti /
śakandhi /
lakṣmaṇaśyāmayor vāsiṣṭhe /
godhā /
kr̥kalāsa /
aṇīva /
pravāhaṇa /
bharata /
bhārama /
mukaṇḍu /
maghaṣṭu /
makaṣṭu /
karpūra /
itara /
anyatara /
ālīḍha sudatta /
sucakṣas /
sunāman /
kadru /
tuda /
akāśāpa /
kumārīkā /
kiśorikā /
kuveṇikā /
jihmāśin /
paridhi /
vāyudatta /
kakala /
khaṭvā /
ambikā /
aśokā /
śuddhapiṅgalā /
khaḍonmattā /
anudr̥ṣṭi /
jaratin /
bālavardin /
vigraja /
vīja /
śvan /
aśman /
aśva /
ajira //


____________________________________________________________________


vikarṇa-kuṣītakāt kāṣyape || PS_4,1.124 ||


_____START JKv_4,1.124:

vikarṇa-śabdāt kuṣītaka-śabdāc ca kāṣyape 'patya-viśeṣe ḍhak pratyayo bhavati /
vaikarṇeyaḥ /
kauṣītakeyaḥ /
kāśyape iti kim ? vaikarṇiḥ /
kauṣītakiḥ //


____________________________________________________________________


bhravo vuk ca || PS_4,1.125 ||


_____START JKv_4,1.125:

bhrūśabdādaptye ḍhak pratyayo bhavati, tatsanniyogena ca vugāgamaḥ /
bhrauveyaḥ //


____________________________________________________________________


kalyāṇyādīnām inaṅ || PS_4,1.126 ||


_____START JKv_4,1.126:

kalyāṇī ity evam ādīnāṃ śabdānām apatye ḍhak pratyayo bhavati, tatsaṃniyogena ca inaṅ-ādeśaḥ /
strīpratyaya-antānām ādeśa-arthaṃ grahaṇaṃ, pratyayasya siddhatvād /
anyeṣām ubhayārtham /
kālyāṇineyaḥ /
saubhāgineyaḥ /
daurbhāgineyaḥ /
hr̥dbhagasindhvante pūrvapadasya ca (*7,3.19) ity ubhayapadavr̥ddhiḥ /
kalyāṇī /
subhagā /
durbhagā /
bandhakī /
anudr̥ṣṭi /
anusr̥ṣṭi /
jaratī /
balīvardī /
jyeṣṭhā /
kanṣṭhā /
madhyamā /
parastrī //


____________________________________________________________________


kulaṭāyā || PS_4,1.127 ||


_____START JKv_4,1.127:

kulānyaṭati iti kulatā /
pararūpaṃ nipātanāt /
kulaṭāyāḥ apatye ḍhak pratyayo bhavati, tatsanniyogena ca vā inaṅ ādeśo bhavati /
ādeśa-arthaṃ vacanaṃ, pratyayaś ca pūrveṇa+eva siddhaḥ /
kaulaṭineyaḥ, kaulaṭeyaḥ /
yā tu kulānyaṭantī śīlaṃ bhinatti, tataḥ kṣudrābhyo vā (*4,1.131) iti paratvāḍ ḍhrakā bhavitavyam /
kaulaṭeraḥ //


____________________________________________________________________


[#352]

caṭakāyā airak || PS_4,1.128 ||


_____START JKv_4,1.128:

caṭakāyāḥ apatye airak pratyayo bhavati /

[#351]
cāṭakairaḥ /
caṭakāc ca+iti vaktavyam /
caṭakasya apatyaṃ cāṭakairaḥ /
striyām apatye lug vaktavyaḥ /
caṭakāyā apatyaṃ strī caṭakā //


____________________________________________________________________


[#352]

godhāyā ḍhrak || PS_4,1.129 ||


_____START JKv_4,1.129:

godhāyāḥ apatye ḍrak pratyayo bhavati /
gaudheraḥ /
śubhrādiṣv ayaṃ paṭhyate, tena gaudheyaḥ api bhavati //


____________________________________________________________________


ārag udīcām || PS_4,1.130 ||


_____START JKv_4,1.130:

godhāyāḥ apatye udīcām ācāryāṇāṃ matena ārak pratyayo bhavati /
gaudhāraḥ /
ācārya-grahaṇaṃ pūja-arthaṃ, vacanasāmrthyād eva pūrveṇa samāveśo bhavati /
ārag-vacanam anarthakaṃ, rakā siddhatvāt ? jñāpakaṃ tvayam anyebhyo 'pi bhavati iti /
jāḍāraḥ /
pāṇḍāraḥ //


____________________________________________________________________


kṣudrābhyo vā || PS_4,1.131 ||


_____START JKv_4,1.131:

ḍhrak anuvartate, na ārak /
kṣudrāḥ aṅgahīnāḥ śīlahīnāś ca /
arthadharmeṇa tadabhidhāyinyaḥ strīliṅgāḥ prakr̥tayo nirdiṣyante /
kṣudrābhyo vā apatye dr̥ak pratyayo bhavati /
ḍhako ' pavādaḥ /
kāṇeraḥ, kāṇeyaḥ /
dāseraḥ, dāseyaḥ //


____________________________________________________________________


pitr̥ṣvasuś chaṇ || PS_4,1.132 ||


_____START JKv_4,1.132:

pitr̥ṣvasr̥-śabdāt apatye chaṇ pratyayo bhavati /
paitr̥ṣvastrīyaḥ //


____________________________________________________________________


ṭhaki lopaḥ || PS_4,1.133 ||


_____START JKv_4,1.133:

pitr̥ṣVasuḥ apatya-pratyaye ḍhaki parato lopo bhavati /
paitr̥ṣvaseyaḥ /
kathaṃ punar iha ḍhak pratyayaḥ ? etad eva jñāpakaṃ ḍhako bhāvasya //


____________________________________________________________________


[#353]

mātr̥-ṣvasuś ca || PS_4,1.134 ||


_____START JKv_4,1.134:

pitr̥-ṣvasuḥ ity etad apekṣate /
pitr̥ṣvasur yad uktaṃ tan mātr̥ṣvasur api bhavati, chanṇ-pratyayo ḍhaki lopaś ca /
mātr̥ṣvastrīyaḥ /
mātr̥ṣvaseyaḥ //


____________________________________________________________________


catuṣpādbhyo ḍhañ || PS_4,1.135 ||


_____START JKv_4,1.135:

catuṣpād abhidhāyinībhyaḥ prakr̥tibhyo 'patye ḍhañ-pratyayo bhavati /
aṇādīnām apavādaḥ /
kāmaṇḍaleyaḥ /
śauntibāheyaḥ /
jāmbeyaḥ //


____________________________________________________________________


gr̥ṣṭy-ādibhyaś ca || PS_4,1.136 ||


_____START JKv_4,1.136:

gr̥ṣṭyādibhyaḥ śabdebhyo 'patye ḍhañ pratyayo bhavati /
aṇādīnām apavādaḥ /
gārṣṭeyaḥ /
hārṣṭeyaḥ /
gr̥ṣṭiśabdo yaścatuṣpādavacanaḥ, tataḥ pūrveṇa+eva siddhaḥ /
actuṣpād-arthaṃ vacanam /
gr̥ṣṭi /
hr̥ṣṭi /
hali /
bali /
viśri /
kudri /
ajabasti /
mitrayu //


____________________________________________________________________


rāja-śvaśurād yat || PS_4,1.137 ||


_____START JKv_4,1.137:

rājan-śvaśura-śabdābhyām apatye yat pratyayo bhavati /
yathākramam aṇiñor apavādaḥ /
rājanyaḥ /
śvaśuryaḥ /
rājño 'patye jāti-grahaṇam /
rājanyo bhavati kṣatriyaś cet /
rājano 'nyaḥ //


____________________________________________________________________


kṣatrād ghaḥ || PS_4,1.138 ||


_____START JKv_4,1.138:

kṣatra-śabdād apatye ghaḥ pratyayo bhavati /
kṣatriyaḥ /
ayam api jāti-śabda eva /
kṣātriranyaḥ //


____________________________________________________________________


kulāt khaḥ || PS_4,1.139 ||


_____START JKv_4,1.139:

uttara-sūtre pūrva-pratiṣedhād iha tadantaḥ kevalaś ca dr̥śyate /
kula-śabda-antāt prātipadikāt kevalāc ca apatye khaḥ pratyayo bhavati /
āḍhyakulīnaḥ /
śrotriyakulīnaḥ /
kulīnaḥ //


____________________________________________________________________


apūrvapadād anyatrasyāṃ yaṅ-ḍhakañau || PS_4,1.140 ||


_____START JKv_4,1.140:

kulād ity eva /
avidyamānaṃ pūrvapadaṃ yasya tadapūrvapadam /
samāsasambandhi-pūrvapadasya abhāvena kula-śabdo viśeṣyate /
apūrvapadāt kula-śabdāt anyatarasyāṃ yat ḍhakañ ity etau pratyayau bhavataḥ /
tābhyāṃ mukte kyo 'pi bhavati /
kulyaḥ, kauleyakaḥ, kulīnaḥ /
pada-grahaṇaṃ kim ? bahucpūrvād api yathā syāt /
bahukulyaḥ, bāhukuleyakaḥ, bahukulīnaḥ //


____________________________________________________________________


[#354]

mahākulād añ-khañau || PS_4,1.141 ||


_____START JKv_4,1.141:

anyatarasyām iti anuvartate /
mahākula-śabdāt añ-khañau pratyayau bhavataḥ /
pakṣe khaḥ /
māhākulaḥ, māhākulīnaḥ, māhākulīnaḥ //


____________________________________________________________________


duṣkulāḍ ḍhak || PS_4,1.142 ||


_____START JKv_4,1.142:

duṣkula-śabdāt apatye ḍhak pratyayo bhavati /
anyatrasyām ity anuvr̥tteḥ khaś ca /
dauṣkuleyaḥ, duṣklīnaḥ //


____________________________________________________________________


svasuś chaḥ || PS_4,1.143 ||


_____START JKv_4,1.143:

svasr̥-śabdād apatye chanḥ pratyayo bhavati /
aṇo 'pavādaḥ /
svasur apatyaṃ svasrīyaḥ //


____________________________________________________________________


bhrātur vyac ca || PS_4,1.144 ||


_____START JKv_4,1.144:

bhrātr̥-śabdād apatye vyat pratyayo bhavati /
cakārāc chaś ca /
aṇo 'pavādaḥ /
bhrātr̥vyaḥ, bhrātrīyaḥ /
takāraḥ svarārthaḥ //


____________________________________________________________________


vyan sapatne || PS_4,1.145 ||


_____START JKv_4,1.145:

sapatna-śabdaḥ śatruparyāyaḥ śabda-antara-vyutpannam eva /
saptnī-śabdād apare 'kāram iva arthe nipātayanti /
saptnīva sapatnaḥ /
bhrātr̥-śabdād vyan pratyayo bhavati samudāyena ca+idam itraḥ sapatna ucyate /
apatya-artho 'tra na asty eva /
pāpmanā bhrātr̥vyeṇa /
bhrātr̥vyaḥ kaṇṭakaḥ //


____________________________________________________________________


revaty-ādibhyaṣ ṭhak || PS_4,1.146 ||


_____START JKv_4,1.146:

revatī ity evam ādibhyo 'patye ṭhak pratyayo bhavati /
yathā yogaṃ ḍhagādīnām apavādaḥ /
raivatikaḥ /
āśvapālikaḥ /
revatī /
aśvapālī /
maṇīpālī /
dvārapālī /
vr̥kavañcin /
vr̥kagrāha /
karṇagrāha /
daṇḍagrāha /
kukkuṭākṣa //


____________________________________________________________________


gotra-striyāḥ kutsane ṇa ca || PS_4,1.147 ||


_____START JKv_4,1.147:

apatyaṃ pautraprabhr̥ti gotraṃ gr̥hyate /
gotraṃ yā strī tadabhidhāyinaḥ śabdād apatye ṇaḥ pratyayo bhavati, cakārāṭ ṭhak ca, kutsane gamyamāne /
pitur asaṃvijñāne mātrā vyapadeśo 'patyasya kutsā /
gārgyāḥ apatyaṃ gārgaḥ jālmaḥ, gārgikaḥ /
glucukāyanyāḥ apatyaṃ glaucukāyanaḥ, glaucukāyanikaḥ /
gotrādyūni iti yūni pratyayo bhavati /
gotram iti kim ? kārikeyo jālmaḥ /
striyāḥ iti kim ? aupagavirjālmaḥ /
kutsane iti kim ? gārgeyo māṇavakaḥ //


____________________________________________________________________


[#355]

vr̥ddhāṭ ṭhak sauvīreṣu bahulam || PS_4,1.148 ||


_____START JKv_4,1.148:

kutsane ity eva /
sauvīreṣu iti prakr̥ti-viśeṣaṇam /
vr̥ddhāt sauvīragotrād apatye bahulaṃ ṭhak pratyayo bhavati kutsane gamyamane /
bhāgavitteḥ bhāgavittikaḥ /
tārṇabindavasya tārṇabindavikaḥ /
pakṣe yathāprāptaṃ phak, bhāgavittāyanaḥ /
pakṣe tārṇabindaviḥ /
akaśāpaḥ śubhrādiḥ, ākaśāpeyaḥ /
tasya apatyam ākaśāpeyikaḥ /
pakṣe ākaśāpeyiḥ /
bhāgapūrvapado vittir dvitīyas tārṇabindavaḥ /
tr̥tīyas tvākaśāpeyo gotrāṭ ṭhag bahulaṃ tataḥ //
vr̥ddha-grahaṇaṃ strī-nivr̥tty-artham /
sauvīreṣu iti kim ? aupagavirjālmaḥ /
kutsane ity eva, bhāgavittāyano māṇavakaḥ /
bahula-grahaṇam upādhivaicitrya-artham /
gotrastriyāḥ ity ārabhya catvāro yogās teṣu prathamaḥ kutsana eva, antyaḥ sauvīragotra eva, madhyamau dvayor api /
tad etad bahula-grahaṇāl labhyate //


____________________________________________________________________


pheś cha ca || PS_4,1.149 ||


_____START JKv_4,1.149:

kutsane ity eva, sauvīreṣu iti ca /
pheḥ iti phiño grahaṇaṃ na phinaḥ, vr̥ddha-adhikārāt /
phiñantāt prātipadikāt sauvīragotrād apatye chaḥ pratyayo bhavati, cakārāṭ ṭhak, kutsane gamyamāne /
yamundasya apatyaṃ, tikādibhyaḥ phiñ (*4,1.154) /
tasyapatyaṃ yāmundāyanīyaḥ, yāmundāyanikaḥ /
kutsane ityeva, yāmundāyaniḥ /
phiñantād autsargikasya aṇa āgatasya ṇya-kṣatriya-arṣa-ñito yūni lug aṇ-iñoḥ (*2,4.58) iti luk /
sauvīresu ity eva, taikāyaniḥ /
yamundaś ca suyāmā ca vārṣyāyaṇiḥ phiñaḥ smr̥tāḥ /
sauvīreṣu ca kutsāyāṃ dvau yogau śabdavit samaret //


____________________________________________________________________


phāṇḍāhr̥ti-mimatābhyāṃ ṇa-phiñau || PS_4,1.150 ||


_____START JKv_4,1.150:

sauvīreṣu ity eva /
kutsane iti nivr̥ttam /
phāṇṭāhr̥timimataśabdābhyāṃ sauvīra-viṣayābhyām apatye ṇa-phiñau pratyayu bhavataḥ /
phako 'pavādaḥ /
alpāctarasya apūrvanipāto lakṣaṇa-vyabhicāra-cihnaṃ, tena yathāsaṅkhyam iha na bhavati iti /
phāṇṭāhr̥taḥ, phāṇṭāhr̥tāyaniḥ /
maimataḥ, maimatāyaniḥ /
sauvīreṣu ity eva, phāṇṭāhr̥tāyanaḥ /
maimatāyanaḥ /
phāṇṭāhr̥teḥ yañ-iñoś ca (*4,1.101) iti phak /
mimata-śabdo 'pi naḍādiṣu paṭhyate //


____________________________________________________________________


kurvādibhyo ṇyaḥ || PS_4,1.151 ||


_____START JKv_4,1.151:

sauvīreṣu bahulam iti nivr̥ttam /
kuru ity evam ādibhyaḥ śabdebhyo 'patye ṇyaḥ pratyayo bhavati /
kauravyaḥ /
gārgyaḥ /
kurunādibhyo ṇyaḥ (*4,1.172) /
iti kuru-śabdād aparo ṇyapratyayo bhaviṣyati /
sa tu kṣatriyāt tadrājasañjñakaḥ /
tasya bahuṣu lukā bhavitavyam, ayaṃ tu śrūyata eva /
kauravyāḥ /
kauravyaśabdasya kṣatriya-vacanasya tikādiṣu pāṭhāt phiñ api bhavati, phauravyāyaṇiḥ /
rathakāra-śabdo 'tra paṭhyate, sa jāti-vacanaḥ /
traivarṇikebhyaḥ kiṃcin nyūnā rathakārajātiḥ /
kāriṇas tu rathakāra-śabdād uttarasūtreṇa+eva ṇyaḥ siddhaḥ /
keśinī-śabdaḥ paṭhyate, tasya kaiśinyaḥ /
puṃvadbhāvo na bhavati, strīpratyaya-nirdeśasāmarthyāt /

[#356]

venācchandasi iti paṭhyate /
katham bhāṣāyāṃ vainyo rājā iti ? chandasa eva ayaṃ pramādāt kavibhiḥ prayuktaḥ /
vāmaratha-śabdaḥ paṭhyate, tasya kaṇvādivat kāryam iṣyate /
svaraṃ varjayitvā lug-ādikam atidiśyate /
bahusu vāmarathāḥ /
strī vāmarathī /
vāmarathyāyanī /
yuvā vāmarathyāyanaḥ /
vāmarathyasya chātrāḥ vāmarathāḥ /
vāmarathāni saṅghāṅkalakṣaṇāni /
svaras tu ṇyapratyayasya+eva bhavati, na atideśikamādyudāttatvam /
kuru /
garga /
maṅguṣa /
ajamāraka /
rathakāra /
vāvadūka /
samrājaḥ kṣatriye /
kavi /
mati /
vāk /
pitr̥mat /
indrajāli /
dāmoṣṇīṣi /
gaṇakāri /
kaiśori /
kāpiñjalādi /
kuṭa /
śalākā /
mura /
eraka /
abhra /
darbha /
keśinī /
venācchandasi /
śūrpaṇāya /
śyāvanāya /
śyāvaratha /
śyāvaputra /
satyaṅkāra /
baḍabhīkāra /
śaṅku /
śāka /
pathikārin /
mūḍha /
śakandhu /
kartr̥ /
hartr̥ /
śākin /
inapiṇḍī /
vāmarathasya kanvādivat svaravarjam //


____________________________________________________________________


senānta-lakṣaṇa-kāribhyaś ca || PS_4,1.152 ||


_____START JKv_4,1.152:

senāntāt prātipadikāt lakṣaṇa-śabdāt kāri-vacanebhyaś ca apatye ṇyaḥ pratyayo bhavati /
kāri-śabdaḥ kārūṇāṃ tantuvāyādīnāṃ vācakaḥ /
kāriṣeṇyaḥ /
hāriṣeṇyaḥ /
lākṣaṇyaḥ /
kāribhyaḥ - tāntuvāyyaḥ /
kaumbhakāryaḥ /
nāpityaḥ //


____________________________________________________________________


udīcām iñ || PS_4,1.153 ||


_____START JKv_4,1.153:

ṇye prāpte iñ aparo vidhīyate /
senānta-lakṣaṇa-kāribhyo 'patye iñ pratyayo bhavati udīcāṃ matena /
kāriṣeṇiḥ /
hāriṣeṇiḥ /
lākṣaṇiḥ /
tāntuvāyiḥ /
kaumbhakāriḥ /
vacanasāmarthyād eva pratyaya-samāveśe labdhe ācārya-grahaṇaṃ vaicitry-ārtham /
takṣan-śabdaḥ śivādiḥ, tena aṇā ayam iñ bādhyate, na tu ṇyaḥ /
takṣṇo 'patyaṃ tākṣṇaḥ, tākṣaṇyaḥ //


____________________________________________________________________


tikādibhyaḥ phiñ || PS_4,1.154 ||


_____START JKv_4,1.154:

tika ity evam ādibhyaḥ śabdebhyo 'patye phiñ pratyayo bhavati /
taikāyaniḥ /
kaitavāyaniḥ /
vr̥ṣa-śabdo 'tra paṭhyate, tasya pratyaya-sanniyogena yakārantatvam iṣyate /
vārṣyāyaṇiḥ /
kauravya-śabdaḥ paṭhyate, sa ca kṣatraya-vacanaḥ, aurasa-śabdena kṣtriya-pratyayāntena sāhacaryāt /
yas tu kurv-ādihyo ṇyaḥ (*4,1.151) , tadantād iñaiva bhavitavyam /
tathā ca ṇyakṣatriyārṣañito yūni lugaṇiñoḥ (*2,4.58) ity atra udāhr̥taṃ kauravyaḥ pita, kauravyaḥ putraḥ iti /
tika /
kitava /
sañjñā /
bāla /
śikhā /
uras /
śāṭya /
saindhava /
yamunda /
rūpya /
grāmya /
nīla /
amitra /
gaukakṣya /
kuru /
devaratha /
taitila /
aurasa /
kuaravya /
bhairiki /
bhauliki /
caupayata /
caitayata /
caiṭayata /
śaikayata /
kṣaitayata /
dhvājavata /
candramas /
ṣubha /
gaṅgā /
vareṇya /
suyāman /
ārada /
vahyakā /
khalyā /
vr̥ṣa /
lomakā /
udanya /
yajña //


____________________________________________________________________


[#357]

kauśalya-kārmāryābhyāṃ ca || PS_4,1.155 ||


_____START JKv_4,1.155:

kauśalya-kārmārya-śabdābhyām apatye phiñ pratyayo bhavati /
iño 'pavādaḥ /
kauśalyāyaniḥ /
kārmāryāyaṇiḥ /
paramaprakr̥ter eva ayaṃ pratayayaḥ iṣyate, kauśalasya apatyaṃ, karmārasya patyam iti /
pratyayasanniyogena tu prakr̥ti-rūpaṃ nipātyate /
yathā ca smr̥tyantaram, dagukosalakarmāracchāgavr̥ṣāṇāṃ yuṭ vādiṣṭasya iti /
dāgavyāyaniḥ /
kausalyāyaniḥ /
kārmāryāyaṇiḥ /
chagyāyaniḥ /
vārṣyāyaṇiḥ //


____________________________________________________________________


aṇo dvyacaḥ || PS_4,1.156 ||


_____START JKv_4,1.156:

aṇantād dvyacaḥ prātipadikād apatye phiñ pratyayo bhavati /
iño 'pavādaḥ /
kārtrāyaṇiḥ /
hārtrāyaṇiḥ /
aṇaḥ iti kim ? dākṣāyaṇaḥ /
dvyacaḥ iti kim ? aupagaviḥ /
tyadādīnāṃ vā phiñ vaktavayḥ /
tyādāyaniḥ, tyādaḥ /
yādāyaniḥ, yādaḥ /
tādāyaniḥ, tādaḥ /
aṇatra prāptaḥ //


____________________________________________________________________


udīcāṃ vr̥ddhād agotrāt || PS_4,1.157 ||


_____START JKv_4,1.157:

vr̥ddhaṃ yacchabda-rūpam agotraṃ, tasmād apatye phiñ pratyayo bhavati udīcām ācāryāṇāṃ matena /
āmraguptāyaniḥ /
grāmarakṣāyaṇiḥ /
kāriśabdād api vr̥ddhād agotrāt paratvād anena+eva bhavitavyam /
nāpitāyaniḥ /
udīcām iti kim ? āmraguptiḥ /
vr̥ddhād iti kim ? yājñadattiḥ /
agotrād iti kim ? aupagaviḥ //


____________________________________________________________________


vākina-adīnāṃ kuk ca || PS_4,1.158 ||


_____START JKv_4,1.158:

vākina ity evam ādibhyaḥ śabdebhyo 'patye phiñ pratyayo bhavati, tat saṃniyogena ca+eṣāṃ kug-āgamaḥ /
yadiha vr̥ddham agotraṃ śabdarūpaṃ tasya āgama-artham eva grahaṇam, anyeṣām ubhaya-artham /
vākinakāyaniḥ /
gāredhakāyaniḥ /
iñādyapavādo yogaḥ /
udīcām ity adhikārāt pakṣe te 'pi bhavanti /
vākiniḥ /
gāredhiḥ /
vākina /
gāredha /
kārkaṭya /
kāka /
laṅkā /
carmivarmiṇor nalopaś ca //

____________________________________________________________________


putrāntād anyatarasyām || PS_4,1.159 ||


_____START JKv_4,1.159:

udīcāṃ vr̥ddhāt iti vartate /
putrāntam agotram iti pūrveṇa+eva pratyayḥ siddhaḥ, tasminn anena kug-āgamo 'nyatarasyāṃ vidhīyate /
putrāntāt prātipdikāt yaḥ phiñ pratyayḥ, tasmin parabhūte 'nyatarasyāṃ kug-āgamo bhavati putrāntasya /
tena trairūpyaṃ sampadyate /
gārgīputrakāyaṇiḥ, gārgīputrāyaṇīḥ, gārgīputriḥ /
vātsīputrakāyṇiḥ, vātsīputrāyaṇiḥ, vātsīputriḥ //


____________________________________________________________________


[#358]

prācām avr̥ddhāt phin bahulam || PS_4,1.160 ||


_____START JKv_4,1.160:

avr̥ddhāc chabdarūpād apatye phin pratyayo bhavati bahulaṃ prācāṃ matena /
glucukāyaniḥ /
ahicumbakāyaniḥ /
prācām iti kim ? glaucukiḥ /
avr̥ddhāt iti kim ? rājadantiḥ /
udīcāṃ prācām anyatarasyāṃ bahulam iti sarva ete vikalpa-arthas teṣām ekena+eva sidhyati /
tatra ācārya-grahaṇaṃ pūja-artham /
bahula-grahaṇam vaicitrya-artham /
kavcin na bhavaty eva, dākṣiḥ /
plākṣiḥ //


____________________________________________________________________


manor jātāv añ-ayatau ṣuk ca || PS_4,1.161 ||


_____START JKv_4,1.161:

manu-śabdād añ yat ity etau pratyau bhavataḥ, tat sanniyogena ṣug-āgamaḥ, samudāyena cej jātir gamyate /
mānuṣaḥ, manuṣyaḥ /
jāti-śabdāv etau /
apatya-artho 'tra na asty eva /
tathā ca mānuṣāḥ iti bahuṣu na lug bhavati /
apatya-vivakṣāyāṃ tu aṇaiva bhavitavyam /
mānavī prajā /
apatye kutsite mūḍhe manor autsargikaḥ smr̥taḥ /
nakārasya ca mūrdhanyas tena sidhyati māṇavaḥ //


____________________________________________________________________


apatyeaṃ pautraprabhr̥ti gotram || PS_4,1.162 ||


_____START JKv_4,1.162:

pautraprabhr̥ti yad apatyaṃ tad gotra-sañjñaṃ bhavati /
sambandhi-śabdatvād apatya-śabdasya yad apatyaṃ tad apekṣayā pautra-prabhr̥ter gotra-sañjñā vidhīyate /
gargasya apatyaṃ pautra-prabhr̥ti gārgyaḥ /
vātsayaḥ /
apatyam iti vyapadeśo 'yaṃ pautra-prabhr̥teḥ /
pautra-prabhr̥ti iti kim ? anyasya mā bhūt /
kauñjiḥ /
gārgiḥ /
gotra-pradeśāḥ - eko gotre (*4,1.93) ity evam ādayaḥ //


____________________________________________________________________


jīvati tu vaṃśye yuvā || PS_4,1.163 ||


_____START JKv_4,1.163:

abhijanaprabandho vaṃśaḥ /
tatra bhavo vaṃśyaḥ pitrādiḥ /
tasmin jīvati sati pautraprabhr̥ty-apatyaṃ yuva-sañjñaṃ bhavati /
pautraprabhr̥ti iti ca na sāmānāadhikaraṇyena apatyaṃ viśeṣayati, kiṃ tarhi, ṣaṣṭhyā vipariṇamyate pautra-prabhr̥ter yad apatyam iti /
tena caturthādārabhya yuva /
sañjñā vidhīyate /
gārgyāyaṇaḥ /
vātsyāyanaḥ /
tu-śabdo 'vadhāraṇa-artho yuva+eva na gotram iti //


____________________________________________________________________


bhrātari ca jyāyasi || PS_4,1.164 ||


_____START JKv_4,1.164:

bhratari jyayasi jīvati kanīyān bhrātā yuva-sañjño bhavati pautra-prabhr̥ter apatyam /
gārgyasya dvau putrau, tayoḥ kanīyān mr̥te pitrādau vaṃśye bhrātari jyāyasi jīvati yuva-sañjño bhavati /
avaṃśya-artho 'yam ārambhaḥ /
pūrvajāḥ pitrādayo vaṃśyā ity ucyate /
bhrātā tu na vaṃśyaḥ /
akāraṇatvāt /
gārgye jīvati, gārgyāyaṇo asya kanīyān bhrātā /
vātsyāyanaḥ /
dākṣāyaṇaḥ /
plākṣāyaṇaḥ //

____________________________________________________________________


[#359]

vā anyasmin sapiṇḍe sthaviratare jivati || PS_4,1.165 ||


_____START JKv_4,1.165:

saptamapuruṣāvadhayaḥ sapiṇḍāḥ smaryante /
yeṣām ubhayatra daśāhāni kulasyannaṃ na bhujyate ity evam ādikāyāṃ kriyāyām anadhikāraḥ /
bhrātur anyasmin sapiṇḍe sthaviratare jīvati pautraprabhr̥ter apatyaṃ jīvadeva yuvasañjñam vā bhavati /
prakr̥taṃ jīvati-grahaṇaṃ sapiṇḍasya viśeṣaṇam, idaṃ tu sañjñinaḥ /
tarab-nirdeśa ubhayotkarṣārthaḥ /
sthānena vayasā ca+utkr̥ṣṭe yathā syāt pitr̥vye pitāmahe bhrātari vayasādhike jivati /
gargasya apatyaṃ gārgyāyaṇaḥ gārgyo vā /
vātsyayanaḥ vātsyo vā /
dakṣāyaṇaḥ dākṣirvā /
sthaviratare iti kim ? sthānavayonayūne gārgya eva bhavati /
jīvati iti kim ? mr̥te mr̥to vā gārgya eva bhavati //


____________________________________________________________________


vr̥ddhasya ca pūjāyām || PS_4,1.166 ||


_____START JKv_4,1.166:

apatyam antarhitaṃ vr̥ddham iti śāstrāntare paribhāṣaṇād gotraṃ vr̥ddham ity ucyate /
vr̥ddhasya yuvasañjñā vā bhavati pūjāyāṃ gamyamānāyām /
sañjñasāmarthyād gotraṃ yuvapratyayena punar ucyate /
vr̥ddhasya iti ṣaṣṭhī-nirdeśo vicitrā sūtrasya kr̥tiḥ iti /
tatra bhavān gārgyāyaṇaḥ gārgyo vā /
tatra bhavān vātsyāyanaḥ vātsyo vā /
tatra bhavān dākṣāyaṇaḥ dākṣirvā /
pūjāyām iti kim ? gārgyaḥ /
vātsyaḥ //


____________________________________________________________________


yūnaś ca kutsāyām || PS_4,1.167 ||


_____START JKv_4,1.167:

kutsāyāṃ gamyamanāyāṃ yūno vā yuvasañjñā bhavati /
nivr̥ttipradhāno vikalpaḥ /
yuvasañjñāyāṃ pratiṣiddhāyāṃ pakṣe gotrasañjñā+eva bhavati, pratipakṣābhāvāt /
gārgyo jālmaḥ /
gārgyāyaṇo vā /
vātsyo jālmaḥ vātsyāyano vā /
dākṣir jālmaḥ dākṣāyaṇo vā /
kutsāyām iti kim ? gārgyāyaṇaḥ //


____________________________________________________________________


janapada-śabdāt kṣatriyād añ || PS_4,1.168 ||


_____START JKv_4,1.168:

janapadaśabdo yaḥ kṣatriya-vācī, tasmād apatye añ pratyayo bhavati /
pājcālaḥ aikṣvākaḥ /
vaidehaḥ /
janapadaśabdāt iti kim ? druhyor apatyaṃ drauhyavaḥ /
puravaḥ /
kṣatriyāt iti kim ? brāhmaṇasya pañcālasya apatyaṃ pāñcāliḥ /
vaidehiḥ /
kṣatriyasamānaśabdāj janapadaśabdāt tasya rājanyaptyavat /
pañcālānāṃ rājā pāñcālaḥ /
vaidehaḥ /
māgadhaḥ //


____________________________________________________________________


sālveya-gāndhāribhyāṃ ca || PS_4,1.169 ||


_____START JKv_4,1.169:

sālveya-gāndhāri-śabdābhyām apatye añ pratyayo bhavati /
janapadaśabdāv etau kṣatriyābhidhāyinau tābhyām añapavāde vr̥ddhād iti ñyaṅi prāte punar añ vidhīyate /
sālveyaḥ /
gāndhāraḥ /
tasya rājani ity eva, sālveyo rājā /
gāndhāro rājā //


____________________________________________________________________


[#360]

dvy-añ-magadha-kaliṅg-asūramasād aṇ || PS_4,1.170 ||


_____START JKv_4,1.170:

janapadaśabdāt kṣatriyābhidhāyino dvy-acaḥ, magadha kaliṅga sūramasa iti etebhyaś ca apatye aṇ pratyayo bhavati /
año 'pavādaḥ /
āṅgaḥ /
vāṅgaḥ /
apuṇḍraḥ sauhmaḥ /
magadhaḥ /
kāliṅgaḥ /
sauramasaḥ /
tasya rājani ity eva, āṅgo rājā //


____________________________________________________________________


vr̥ddha-it-kosala-ajādāñ ñyaṅ || PS_4,1.171 ||


_____START JKv_4,1.171:

janapadaśabddat kṣatriyāt ity eva /
vr̥ddhāt prātipadikāt ikārāntāt ca, kosala-ajāda-śabdābhyāṃ ca aptya ñyaṅ pratyayo bhavati /
año 'pavādaḥ /
vr̥ddhāt tāvat - āmbaṣṭhyaḥ /
sauvīryaḥ /
ikārāntāt - āvantyaḥ /
kauntyaḥ /
kausala-ajādayor avr̥ddhārthaṃ vacanam /
kausalyaḥ /
ājādyaḥ /
taparakaranam kim ? kumārī nāma janapadasamānaśabdaḥ kṣatriyaḥ, tasya apatyaṃ kaumāraḥ /
pāṇḍor janapadābdāt kṣatriyāḍ ḍyaṇ vaktavyaḥ /
pāṇḍyaḥ /
anyasmāt pāṇḍava eva /
tasya rājani ity eva, āmbaṣṭhyo rājā /
āvantyaḥ /
kauntyaḥ /
kuasalyaḥ /
ājādyaḥ //


____________________________________________________________________


kuru-nādibhyo ṇyaḥ || PS_4,1.172 ||

_____START JKv_4,1.172:

janapadaśabdāt kṣatriyāt ity eva /
kuruśabdāt nādibhyaś ca prātipadikebhyo ṇyaḥ pratyayo bhavati /
aṇañor apavādaḥ /
kauravyaḥ /
nakārādibhyaḥ - naiṣadhyaḥ /
naipathyaḥ /
tasya rājani ity eva, kauravyo rājā //


____________________________________________________________________


sālvāvayava-pratyagratha-kalakūṭa-aśmakād iñ || PS_4,1.173 ||


_____START JKv_4,1.173:

janapadaśabdāt kṣatriyāt ity eva /
salvā nāma akṣatriyā tannāmikā, tasyā apatyaṃ, dvyacaḥ (*4,2.121) iti ḍhak, sālveyaḥ /
aṇ apīṣyate, sālvaḥ /
tasya nivāsaḥ sālvo janapadaḥ /
tad avyavā udumbarādayaḥ, tebhyaḥ kṣatriya-vr̥ttibhya idaṃ pratyaya-vidhānam /
sālvāvayavebhyaḥ pratyagratha-kalakūṭa-aśmaka-śabdebhyaś cāpatye iñ pratyayo bhavati /
año 'pavādaḥ /
audumbariḥ /
tailakhaliḥ /
mādrakāriḥ /
yaugandhariḥ /
bhauliṅgiḥ /
śāradaṇḍiḥ /
pratyagrathiḥ /
kālakūṭiḥ /
āśmakiḥ /
tasya rājani ity eva, audumbarī rājā /
udumbarāstilakhalā madrakārā yugandharāḥ /
bhuliṅgāḥ śaradaṇḍāś ca sālvāvayavasañjñitāḥ //

____________________________________________________________________


[#361]

te tadrājāḥ || PS_4,1.174 ||


_____START JKv_4,1.174:

janpadaśabdāt kṣatriyād añ (*4,1.168) ity evam ādayaḥ pratyayāḥ sarvanāmnā pratyavamr̥śyante, na tu pūrve, gotrayuvasañjñākānḍena vyavahitatvāt /
te 'ñādayaḥ tadrājasañjñā bhavanti /
tathā codāhr̥tam /
tadrājapradeśāḥ - tadrājasya bahuṣu tena+eva astriyām (*2,4.62) ity evam ādayaḥ //


____________________________________________________________________


kambojāl luk || PS_4,1.175 ||


_____START JKv_4,1.175:

janapadaśabdāt kṣatriyāt ity anena vihitasya año lug ucyate /
kambojāt pratyayasya luk bhavati /
kambojaḥ /
kambojādibhyo lug-vacanaṃ colādyartham /
colaḥ /
keralaḥ /
śakaḥ /
yavanaḥ /
tasya rājani ity eva, kambojo rājā //


____________________________________________________________________

striyām avanti-kunti-kurubhyaś ca || PS_4,1.176 ||


_____START JKv_4,1.176:

avanti-kunti-kuru-śabdebhya utpannasya tadrājasya stiryām abhidheyāyāṃ lug bhavati /
avanti-kuntibhyāṃ ñyaṅaḥ, kurorṇyasya /
avantī /
kntī /
kurūḥ /
striyām iti kim ? āvantyaḥ /
kauntyaḥ /
kauravyaḥ //


____________________________________________________________________


ataś ca || PS_4,1.177 ||


_____START JKv_4,1.177:

striyām ity eva /
akāra-pratyayasya tadrājasya striyām abhidheyāyām lug bhavati /
takāro vispaṣṭārthaḥ /
śūrasenī /
madrī /
darat /
avantyādibhyo lugvacanāt tadantavidhiratra nāsti, teneha na bhavati, āmbaṣṭhyā /
sauvīryā //


____________________________________________________________________


na prācya-bharga-ādi-yaudheya-ādibhyaḥ || PS_4,1.178 ||

_____START JKv_4,1.178:

prācyebhyaḥ bhargādibhyaḥ yaudheyādibhyaś ca utpannasya lugna bhavati /
ataś ca (*4,1.177) ity anena striyāṃ luk prāptaḥ pratiṣidhyate /
prācyebhyaḥ kṣatriyebhyas tāvat - pāñcālī /
vaidehī /
āṅgī /
vāṅgī /
magadhī /
bhargādibhyaḥ - bhārgī /
kārūṣī /
kaikeyī /
yaudheyādibhyaḥ - yaudheyī /
śaubhreyī /
śaukreyī /
kasya punar akārasya pratyayasya yaudheyādibhyo luk prāptaḥ pratiṣidhyate ? pāñcamikasyañaḥ, parśvādiyaudheyādibhyām anañau ity etasya /
kathaṃ punas tasya bhinnaprakaraṇasthasya anena luk prāpnoti ? etad eva vijñāpayati pāścamikasya api tadrājasya ataś ca ity anena lug bhavati iti /
kim etasya jñāpanena prayojanam ? parśvādyāṇaḥ striyāṃ luk siddho bhavati /
parśūḥ /
rakṣāḥ /
asurī /
tathā ca+uktaṃ yaudheyādi-pratiṣedho jñāpakaḥ parśvādyaṇo luk iti /

[#362]

bharga /
karūṣa /
kekaya /
kaśmīra /
sālva /
susthāla /
uraśa /
kauravya /
iti bhargādiḥ /
yaudheya /
śaubhreya /
śaukreya /
jyābāneya /
dhārteya /
dhārteya /
trigarta /
bharata /
uśīnara /
yaudheyādiḥ //
iti śrījayādityaviracitāyām kāśikāyāṃ vr̥ttau caturthādhyāyasya prathamaḥ pādaḥ //


______________________________________________________

caturthādhyāyasya dvitīyaḥ pādaḥ /


____________________________________________________________________


[#363]

tena raktaṃ rāgāt || PS_4,2.1 ||


_____START JKv_4,2.1:

śuklasya varṇāntarāpādanam iha rañjer arthaḥ /
rajyate 'nena iti rāgaḥ /
tena iti tr̥tīyāsamarthād rāgaviśeṣa-vācinaḥ śabdād raktam ity etasminn arthe yathāvihitam pratyayo bhavati /
kaṣāyeṇa raktaṃ vastram kāṣāyam /
māñjiṣṭham /
kausumbham /
rāgāt iti kim ? devadattena raktaṃ vastram /
kathaṃ kāṣāyau gardabhasya karṇau, hāridrau kukkuṭasya padau iti ? upamānād bhaviṣyati, kāṣāyau iva kāṣāyau, hāridrāv iva hāridrau /
dvaipa-vaiyāghrād añ (*4,2.12) iti yāvat tr̥tīyāsamartha-vibhaktir anuvartate //


____________________________________________________________________


lākṣā-rocanā-śakala-kardamāṭ ṭhak || PS_4,2.2 ||


_____START JKv_4,2.2:

lākṣādibhyo rāgavacanebhyas tr̥tīyāsamarthebhyo raktam ity etasminn arthe ṭhak pratyayo bhavati /
aṇo 'pavādaḥ /
lākṣayā raktaṃ vastram lākṣikam /
raucanikam /
śākalikam /
kārdamikam /
śakalakardamābhyāmaṇapīṣyate /
śākalam /
kārdam /
nīlyā an vaktavyaḥ /
nīlyā raktaṃ nīlaṃ vastram /
pītāt kan vaktavyaḥ /
pītena raktaṃ pītakam /
haridrāmahārajanābhyāmañ vaktavyaḥ /
hāridram /
māharajanam //


____________________________________________________________________


nakṣatreṇa yuktaṃ kālaḥ || PS_4,2.3 ||


_____START JKv_4,2.3:

tr̥tīyāsamartha-vibhaktiḥ anuvartate /
tena iti tr̥tīyāsamarthād nakṣatraviśeṣa-vācinaḥ śabdād yuktaḥ ity etasminn arthe yathāvihitaṃ pratyayo bhavati